Guardiola mohon kalimin te Chelsea

Trajneri i Barcelonës, Pep Guardiola, ka distancuar veten nga spekulimet që e lidhin atë me një kalim te Chelsea, pasi konfirmoi largimin e tij nga Camp Nou.

“Unë kurrë nuk jam takuar me Abramovichin ose me ndonjë zyrtar tjetër të Chelseat. Unë nuk jam i interesuar tani për tani që të drejtoj ndonjë ekip. Dëshira ime është të bëj gjëra tjera, ndoshta në të ardhmen unë do të kthehem në stol, por nuk e di për momentin”.

“Unë nuk kam asgjë për të dëshmuar, unë nuk jam i interesuar që ta dëshmoj veten jashtë Spanjës, pasi do të qëndroj larg futbollit”, është shprehur Guardiola.

Lexo më shumë

Henry: Dua ta menaxhoj Arsenalin

Legjenda e Arsenalit, Thierry Henry, ka thënë se ai do të dëshironte që një ditë të kthehej te klubi nga Emirates, por si menaxher.

“E dini si? Unë mund të kthehem. Tani po mendoni se a do të isha i mirë? Kurrë nuk i dihet. Unë aktualisht nuk e di nëse kjo hipotezë është opsion. Unë e di se do të jem në futboll”.

“Të gjithë e dinë dashurinë që kam për Arsenalin, kështu që e dini se si ndihem. Nuk mund të përjashtoj asgjë”, ka thënë francezi.

Lexo më shumë

FSK-ja konfirmoi kapacitetet e saj operacionale

Me operacionin e Kërkim Shpëtimit në ujëra u përmbush skenari i paraparë prej 40 intervenimesh gjatë 5 ditëve të Ushtrimit Fushor “Shqiponja 1” të FSK-së.

 Ushtrimi “Shqiponja 1”, i cili u krye nga Komanda e Forcave Tokësore (KFT) në nivel brigade të Forcës së Sigurisë së Kosovës (FSK), filloi nga 20 prilli dhe do të zgjasë deri më 30 prill 2012.

Në ditën e fundit të Ushtrimit, venddislokimin e njësive të FSK-së, në Xerxë, si edhe operacionin te Ura e Shenjtë, vizituan ministri i FSK-së, Agim Çeku, Komandanti i FSK-së, gjenerallejtënant Kadri Kastrati, shefi i Divizionit Këshillues Ushtarako-Civil të NATO-s, gjeneral brigade Francesco Diella, zëvendëskomandanti i KFT-së, gjeneral brigade Gëzim Hazrolli, si edhe oficerë të lartë të FSK-ë dhe KFOR-it.

Pas intervenimit të njësive të FSK-së, ministri i FSK-së, Agim Çeku vlerësoi se FSK-ja me këtë ushtrim demonstroi lartë profesionalizmin, përkushtimin dhe motivimin. Ai tha po ashtu se me këtë ushtrim u dëshmua qëndrueshmëria e lartë e njësive të FSK-së jashtë kampeve.

Ministri Çeku pwrseriti se FSK-ja edhe një here dëshmoi se ka përmbushur në plotni Kapacitetet e saj Operacionale dhe se është e gatshme të marrë edhe detyra shtesë.

Gjithashtu edhe gjenerali i NATO-s, Diella, u shpreh shumë i entuziazmuar me operacionet e zhvilluara nga FSK-ja gjatë Ushtrimit fushorë “Shqiponja 1”. Ai tha se FSK-ja përmbushi edhe një detyre të rëndësishme dhe e kaloi me sukses atë.

“FSK-ja i demonstroi dhe i konfirmoj kapacitetet e saja operacionale dhe se është e gatshme ta ndihmojë popullin e Kosovës ashtu siç e ka dëshmuar edhe me rastin e fatkeqësisë në Restelicë”.

“Gjatë këtyre operacioneve tw FSK-sw kam parw me sytë e mi motivimin e lartë që dëshmuan pjesëtarët e FSK-së dhe rikonfirmimin se FSK është institucioni më i rëndësishëm në Kosovë”.

Edhe komandanti i Forcës së Sigurisë së Kosovës, gjenerallejtënant Kastrati, tha se 40 operacione të realizuara me sukses për 4 ditë nga njësitet e FSK-së, ditën dhe natën, në terrene dhe lami të ndryshme, dëshmojnë se Ushtrimi “Shqiponja 1” po i afrohet përfundimit me rezultate të shkëlqyeshme. 

Lexo më shumë

Stramaccionit i duhet vendi i tretë

Presidenti i Interit, Massimo Moratti, ka aluduar se Stramaccioni mund të mbajë shpresa për të mbetur trajner i Interit sezonin e ardhshëm dhe këtë do ta arrinte në rast se ekipi zë vendin e tretë që siguron Ligën e Kampionëve.

“Kështu e shoh unë, është mirë të vini objektiva pasi motivimi do të jetë më i lartë. Matematika për të arritur vendin e tretë varet nga rezultatet, kështu që do të shohim”.

“Ndaj Udineses luajtëm mirë dhe trajneri shprehur kualitetet e tij. Sidoqoftë, do të shohim në fund të sezonit se çfarë do të bëjnë këto kualitete dhe nëse ato do të mbesin edhe për sezonin e ardhshëm”, ka potencuar Moratti.

Lexo më shumë

Di Matteo lëvdon Guardiolën

Menaxheri i Chelseat, Roberto Di Matteo, ka lëvduar Pep Guardiolën pasi spanjolli konfirmoi largimin e tij nga Barcelona në fund të sezonit.

“Ai e di se çfarë po bën. Ai është njeri fantastik. Ai ka pasur sukses të jashtëzakonshëm dhe ai ka vendosur çfarë është më e mira për të, karrierën e tij dhe ndoshta familjen e tij. Dua të them se presioni që po ushtrohet ndaj tij është në secilin klub, për shkak të synimeve”.

“Çfarë trajneri, çfarë menaxheri. Nëse ai është i vendosur që të mos vazhdojë me klubin katalanas, atëherë ai përsëri mbetet njeri i mirë, shembull për të gjithë, dikush që do të mbahet mend gjatë në vitet në vijim”, ka deklaruar Di Matteo.
 

Lexo më shumë

Berlusconi të largojë Allegrin dhe gjysmën e ekipit

Pronari i Milanit, Silvio Berlusconi, është duke planifikuar një spastrim total te klubi Rossoner në fund të sezonit, i cili do të ketë për pasojë shkarkimin e Massimiliano Allegrit dhe largimin e gjysmës së lojtarëve të ekipit aktual.

Ish-kryeministri i Italisë është nervoz që Rossonerët do ta mbarojnë sezonin pa asnjë trofe të fituar, ndërsa Allegri i cili është në rrezik të madh ta humbë punën e tij, nuk do ta gjejë shpëtimin, pasi do të preket i pari nga sëpata e Berlusconit.

Pos tjerash, Berlusconi mendon që të largojë gjysmën e lojtarëve të ekipit aktual ëpr të sjellë shtatë-tetë lojtarë të rinj tejet kualitativ.

Këtu nuk mbaron spastrimi, pasi edhe njeriu që përgjigjet për formën fizike të lojtarëve, Daniele Tognaccini, mund ta shohë veten në shtëpi, kjo për shkak të lëndimeve të shumta që kanë përcjellur ekipin Rossoner gjatë gjithë sezonit.

Lexo më shumë

Moratti: Nuk na intereson Guardiola

Presidenti i Interit, Massimo Moratti, ka hedhur poshtë spekluimet se strategu katalanas, Pep Guardiola, do të emërohet në postin e trajnerit të Interit me të mbaruar sezoni.

“Mendoj se ai do të pushojë një vit. Dhe për të ardhmen unë mendoj vetëm për Stramaccionin”, ka theksuar Moratti.

Në të kaluarën Guardiola ishte pjesë e rregullt e spekulimeve që e lidhnin atë me një kalim te Interi.

Lexo më shumë

Kosova s’ka fuqi të ndihmojë, por është mike e Sirisë!

“Siria dhe leksionet nga Kosova” ishte tema e konferencës së Klubit për Politikë të Jashtme (KPJ) e organizuar në bashkëpunim me Fondacionin Kosovar për Shoqëri të Hapur.

Aktivistët politikë të opozitës siriane, të cilët po qëndrojnë në Kosovë, thanë se janë të frustruar me bashkësinë ndërkombëtare, ngaqë, sipas tyre, ajo duhet të jetë më e vendosur.

Ammar Abdulhammid tha se nganjëherë nuk është gjëja e duhur për të kryer punë përmes Kombeve të Bashkuara, njofton KTV, raporton Koha.

Kryetari i Bordit i KPJ-së, Veton Surroi, tha se miqtë tanë sirianë e kanë parë që në Kosovë kanë miq që së paku mund të shprehin mendimet e tyre se çfarë mund të bëhet.

Surroi tha se problemet në Siri nuk do të zgjidhen me një plan të vetëm. Sipas tij, në Siri nuk mund të ketë një zgjidhje të sigurisë ushtarake pa pasur një zgjidhje politike.

Ai po ashtu tha se Kosova nuk është e fuqishme as ushtarakisht dhe as politikisht për ta ndihmuar Sirinë, por është përkrahëse e madhe morale e ndërrimeve demokratike atje.

Një ditë më parë, përfaqësuesit e partive opozitare siriane premtuan se do ta njohin shtetin e Kosovës në rast se do të qeverisin vendin

Lexo më shumë

S’harrohet rezistenca e Heroit Shaban Polluzha

Kryeministri Hashim Thaçi tha të premten se lufta të cilën e udhëhoqi Shaban Polluzha përbën rezistencën e parë të armatosur në Evropë kundër forcave komuniste serbe. Ai i bëri këto komente në fshatin Polluzhë, në vendlindjen e Shaban Polluzhës, ku vuri gurthemelin për ndërtimin Kullës së këtij heroi kombëtar.

“Katër vjet më parë, me dinjitet dhe përkujdesje të lartë shtetërore u shënua 64 vjetori i rënies heroike të komandantit Shaban Polluzha dhe bashkëluftëtarëve të tij. Katër vjet më parë institucioni më i lartë i Republikës së Kosovës, Shaban Polluzhën e nderoi me titullin Hero i Kosovës. Historia me logjikën e saj të hekurt, në sistemin e vlerave të saj ia konfirmoi vendin një personaliteti kombëtar të ndaluar dhe të mohuar gjysmë shekulli me radhë. Koha, më në fund, kishte korrigjuar një padrejtësi”, tha kryeministri Thaçi, gjatë fjalimit të tij

“Për të ardhur deri tek ky vlerësim, Kosova kishte kaluar nëpër ndryshime rrënjësore. Fundi i luftës së Dytë Botërore dhe fitorja mbi fashizmin në planin ndërkombëtar nuk ishte fund i shtypjes dhe as ardhje e lirisë për shqiptarët e Kosovës. Forcat komuniste serbo-jugosllave paraprakisht kishin ndërtuar strategjinë e ripushtimit dhe aneksimit të Kosovës”.

“Shaban Polluzha, duke qenë vizionar dhe i lidhur me fatin e popullit të tij, së bashku me luftëtarë nga të gjitha viset e Kosovës, vihet në mbrojtje të popullatës shqiptare, duke iu kundërvënë brigadave serbe që terrorizonin njerëzit e pafajshëm gjithandej Kosovës. Shaban Polluzha me bashkëluftëtarët e tij me trimëri të pashoqe do të rezistojnë me muaj të tërë”.

“Lufta që udhëhoqi Shaban Polluzha është e përmasave historike. Ajo përbën rezistencën e parë të armatosur në Evropë, kundër forcave komuniste serbe. Drejtësinë e veprimeve të kësaj rezistence e vërtetoi historia. Për një gjysmë shekulli Kosova është diskriminuar nga sistemi komunist. Për një periudhë gjysmëshekullore rezistenca e Shaban Polluzhës dhe luftëtarëve të tij është heshtur dhe ndaluar. Por, pavarësisht prej qëndrimeve të tilla, ajo luftë dhe figura e luftëtarëve të tij kanë jetuar në kujtesën e popullit”.

“53 vjet më vonë edhe lufta e tyre u bë frymëzim për Ushtrinë Çlirimtare të Kosovës, e cila në gjirin e saj bashkoi djemtë dhe vajzat nga mbarë Kosova. Lufta e drejtë e Ushtrisë Çlirimtare të Kosovës dhe rezistenca qytetare, u kurorëzuan me sukses”.

Sot, jemi këtu për t’i vënë themelet e kullës së komandantit Shaban Polluzha. Ky themel vihet në 100 vjetorin e pavarësisë së Shqipërisë, në katërvjetorin e pavarësisë së Kosovës. Kosova sot është vend i lirë, shtet i pavarur dhe sovran i njohur nga shtetet më të fuqishme të botës demokratike. Kosova sot ndërton ardhmërinë me institucionet e saj demokratike dhe është në rrugë të mbarë drejt përmbylljes së Mbikëqyrjes së Pavarësisë”, tha ndër të tjera kryeministri. 

Lexo më shumë

Turqia vazhdon lobimin për njohjen e Kosovës

Kryetari i Kuvendit të Kosovës, Jakup Krasniqi, i cili në krye të një delegacioni parlamentar po qëndron për vizitë zyrtare në Republikën e Turqisë, u takua të premten me kryeministrin e Turqisë, Recep Tayyip Erdogan.

 Kryetari Krasniqi në fillim të takimit i bëri një vështrim të gjerë zhvillimeve aktuale në Kosovë, sidomos të arriturave që ka bërë Kosova pas shpalljes së pavarësisë. Ai i bëri një vështrim edhe çështjes së veriut, ku sipas tij, grupe kriminale serbe me veprimet e tyre, reflektojnë negativisht në situatën në këtë pjesë të vendit.

Kryekuvendari Krasniqi foli edhe për hapat që po bën Kosova në aktivitetet ndërkombëtare, si fryt i të cilave është njohja e Kosovës nga ana e 90 shteteve nga bota.

Kryeministri turk, nga ana e tij, theksoi se Turqia do të vazhdojë të përkrahë Kosovën në të gjithë lëmenjtë.

Ai tha se është i nevojshëm një angazhim edhe më i madh i afaristëve nga Turqia për të investuar në Kosovë, si një parakusht thelbësor për zhvillimin e mëtejmë të Kosovës.

Turqia, theksoi kryeministri Erdogan, do të jetë lobuese e denjë në aspektin e ndikimit te shtetet e ndryshme të botës që ta njohin pavarësinë e Kosovës. 

Lexo më shumë

Wenger: City mund ta mposhtë United

Bosi i Arsenalit, Arsene Wenger, beson se Manchester City mund të mposhtë Manchester Unitedin të hënën për ta fituar në fund dhe titullin e kampionit të Anglisë.

“Unë nuk e di se kush do ta fitojë titullin, por pajtohem se City ka përparësinë. Nëse dëshironi të jeni kampionë, atëherë duhet të fitoni ndaj rivalit më të madh në shtëpi”.

“Ata e kanë përparësinë sepse ndeshja zhvillohet në shtëpinë e tyre. Nëse pyesni Manchester Unitedin nëse do të kishin pasur dëshirë që ndeshja të zhvillohej në Old Trafford, sigurisht se nuk do të ishit refuzuar”.

“City ka ende ndeshje të vështira. Por, ata kanë një rast të pa pritur pasi ishin jashtë garës. Manchester United mund të nxjerrë rezultat pozitiv, por mbetet të shihet se çfarë do të ndodhë pasi vështirë parashikohen duele të tilla”, është shprehur Wenger. 

Lexo më shumë

Marotta: Reali kërkon Vidal

Drejtori i Juventusit, Giuseppe Marotta, ka zbuluar se Real Madridi ka treguar interesim për ta transferuar mesfushorin Arturo Vidal në Santiago Bernabeu, por italiani thotë se është përkujdesur që madrilenët të kthehen nga kanë ardhur.

“Është e vërtetë që Real Madridi ka kontaktuar agjentin e tij, por ai nuk është në shitje. Unë e kam bërë këtë të qartë dhe në mënyrë indirekte këtë ia kam thënë edhe Realit, që Vidal nuk është as se si në shitje”.

“Nuk është problemi te shuma e transferit. Është mjaft e thjeshtë. Arturo është lojtar kyç për Juventusin tani për tani dhe për të ardhmen”, është shprehur Marotta.

Lexo më shumë

Mancini: Hazard i përkryer për Cityn

Menaxheri i Manchester Cityt, Roberto Mancini, ka thënë se ideal për ekipin e tij do të ishte transferimi i mesfushorit belg.

“Më pëlqen shumë Hazard”.

“Ai është lojtar i mirë, ai është i ri dhe do të bënte gjëra të mira në ekipin tonë”, ka thënë Mancini.

Të hënën Manchester City përballet me Manchester Unitedin në ndeshjen kryesore që do ta vendosë dhe titullin e kampionit të Anglisë.

Lexo më shumë

Sulme me bombë në Ukrainë, në dyshim Euro 2012?

Së paku 14 persona janë lënduar pas disa sulmeve me bombë në qytetin ukrainas Dnipropetrovsk, duke ngritur kështu dyshime mbi sigurinë para Euro 2012.

Qyteti, i cili është përafërsisht 250 mijle në juglindje të Kievit, është goditur nga katër bomba të cilat kanë shpërthyer për një interval të shkurtër kohor.

Kombëtarja angleze do të zhvillojë më 15 qershor në Kiev ndeshjen ndaj Suedisë, ndërsa para këtij takimi më 11 qershor përballet me Francën në Donbass Arena të Donetskut, që është një distancë të njëjtë larg nga qyteti ku kanë shpërthyer bombat.

Kampionati Europian fillon më 7 qershor në Varshavë, me ndeshjen e parë që do të vë përballë Poloninë dhe Greqinë. 

Lexo më shumë

Messi nuk i thotë lamtumirë Guardiolës

Futbollisti më i mirë në botë, Lionel Messi, ka thënë se ai ishte tejet i emocionuar me vendimin e Pep Guardiolës për t’u larguar, aq shumë sa që nuk ka mundur të shkojë në konferencën për shtyp për t’i dhënë lamtumirën e fundit.

Guardiola i njoftoi lojtarët e tij se do të largohet nga klubi në fund të sezonit, para se ta bënte të ditur largimin e menjëhershëm para mediave. Kjo erdhi si befasi për sulmuesin e Barcelonës, i cili sqaroi se konferena lamtumirëse ishte e tepërt për emocionet e tij.

“Unë dua të falënderoj Pep Guardiolën për gjithë atë që më ka dhënë në karrierën time profesionale dhe jetën time personale. Por, për shkak të emocioneve, unë kam preferuar të mos shkoj në konferencë për shtyp, sidomos pasi e di se mediat do të fokusonin fytyrën time dhe unë nuk kam dashur që kjo të ndodhë”, ka theksuar Messi në faqen e tij në Facebook. 

Lexo më shumë

PDK me shkeljet më të mëdha në fushatën për Ferizajn

INPO dhe D4D, të cilët kanë monitoruar fushatën parazgjedhore të partive politike për zgjedhjet e parakohshme në komunën e Ferizajt vlerësojnë se në bazë të raporteve paraprake të vëzhguesve janë vërejtur shumë parregullsi në aspekt të respektimit të ligjit nga ana e subjekteve politike, ndërkaq Partia Demokratike e Kosovës vlerësohet të ketë qenë me shkeljet më të mëdha në fushatë.

Më poshtë mund ta gjeni përmbledhjen e INPO-së dhe D4D me të gjeturat për shkeljet e bëra nga secili subjekt politik.

Partia Demokratike e Kosovës (PDK)

- Ka qenë parti me shkeljet më të mëdha në fushatë dhe ka angazhuar të gjitha forcat duke neglizhuar plotësisht disa nga rregullat e fushatës dhe ligjit për zgjedhjet.
- Në tubimet e saj është vërejtur përdorimi i veturave zyrtare të Qeverisë: Me vetura zyrtare në tubimet e PDK-së kanë ardhur nga Prishtina ministrat Enver Hoxha, Memli Krasniqi, Adem Grabovci, Ramë Buja, Hajredin Kuçi dhe Kryetari i komunës së Vitisë. Këta zyrtarë, edhe gjatë orarit të punës prej orës 10:00 deri 17:00, kanë kërkuar votën për kandidatin e PDK-së, Agim Aliu, tek qytetarët e rastit në rrugë, kafene e dyqane.
- Dje më 26 Prill, 2012 e gjithë rruga Ahmet Kaçiku ka qenë e bllokuar nga veturat zyrtare të Kryeministrit Hashim Thaçi.
- Në shumë nga tubimet e PDK-së është vërejtur prezencë e madhe e fëmijëve, të cilët kanë qenë të manipuluar nga grupe të ndryshme, qoftë familjar apo grupe të organizuara nga shkollat! Konkretisht në fshatin Balaj fëmijët kanë qenë të organizuar në përkrahje të PDK-së.
- Lehtë e vërejtur ka qenë edhe prezenca e punëtorëve me uniforma në disa nga tubimet e PDK-së, duke filluar nga punëtorët teknik të ndërtimtarisë e deri tek punëtorët shëndetësor.
- Takimi i punëtorëve shëndetësor të Qendrës Kryesore të Mjekësisë Familjare dhe tri QMF-ve me kandidatin Agim Aliu në restorant Orchide (më datën 19 Prill, 2012) disa ditë para fillimit të fushatës ka pasur karakter politik dhe lobues. Punëtorët e QKMF dhe QMF kishin shkuar në Orchide me Autoambulanca!
- Drejtorët e drejtorive të Komunës së Ferizajt janë parë në tubime të PDK-së në orarë të punës,
- Ka pasur edhe pjesëmarrje grupore të mësimdhënësve, sidomos në tubimet e PDK- së nëpër fshatra.
- Biznesmenëve të Ferizajt u ka ardhur ftesë nga Qeveria që dje më 26 prill, 2012 të marrin pjesë në takim me Hashim Thaçin në restorant Orchide.
- Sot, e premte 27 prill, 2012, dita e fundit e fushatës, Nehat Mustafa ka mbajtur një takim me maturantë të Gjimnazit “Kuvendi i Arbrit”. Takimi ka karakter “informues” Mirëpo gjatë vëzhgimit kemi vërejtur se hapësirat kanë qenë mbushura me pankarta të PDK-së dhe qëllimi i këtij takimi ishte lobim për vota. Pjesëmarrësit në këtë takim ishin nxënës maturant.

Lidhja Demokratike e Kosovës (LDK)

- Është veçuar pasi e para ka thyer respektimin e fillimit të fushatës duke vendosur posterët e kandidatit Adem Salihaj 10 orë para fillimit zyrtar të fushatës.
- LDK-ja ka bllokuar trotuaret dhe ka penguar lëvizjen e lirë të këmbësorëve duke vendosur panot reklamuese të kandidatit të saj pikërisht në mes të trotuareve. (Të ngulitura në tokë- çimento).

Partia e Drejtësisë (PD)

Ka vendosur një pano të kandidatit të saj në rrethojat e Xhamisë së Madhe. Xhamia është institucion fetar dhe me këtë gjest PD-ja ka bërë politizimin e objekteve të kultit, gjë e cila ndalohet me ligj. Xhamin dje e ka vizituar edhe Ministri i Shëndetësisë Ferid Agani diku rreth orës 15:30, respektivisht gjatë orarit të tij të punës si Ministër i Shëndetësisë.

Aleanca për Ardhmërinë e Kosovës (AAK)

Në ditën e fillimit të fushatës 23 prill, 2012 ka përdorur mjete piroteknike, fishekzjarrë, dhe bombola gazi, tymi në sheshin e qytetit ku ka pasur numër të konsiderueshëm të fëmijëve dhe pleqve.

Shkeljet e përbashkëta të subjekteve:

- Të gjitha subjektet politike kanë vendosur afishe propaganduese ne drunj dhe lisa të qytetit duke përfshirë edhe paritë më korrekte të kësaj fushatë si VV, AKR, LB dhe kandidati i pavarur Rrahim Sadiku.

Komisioni Komunal i Zgjedhjeve (KKZ)

- Ka dështuar të mbikëqyr në nivel të duhur fushatën e partive politike. Si institucion përgjegjës për zgjedhje nuk ka arritur të mbledh informacione të sakta sa i përket fushatës zgjedhore në Komunën e Ferizajt. Në mungesë të këtyre informacioneve KKZ-ja nuk ka arritur të krijoj një agjendë që tregon gjendjen faktike të takimeve që i kishin organizuar partitë politike.
- Ka pasur ndërrime shumë të shpeshta të orareve të aktiviteteve të subjekteve të cilat KKZ-ja nuk i ka përcjellë.
- Gjithashtu ka pasur aktivitete të paparalajmëruara, më së shpeshti të karakterit të ecjeve të partive nëpër lagje të qytetit.

Komisioni Qendror i Zgjedhjeve

-Mosndarja e roleve të Komisionerëve. D4D e ka ngritur para disa ditësh shqetësimin për mosndarjen e drejtë të roleve të komisionarëve në vendvotime, ku një subjekti politik i kanë takuar 75% e kontrolluesit të letërnjoftimit. KQZ e ka trajtuar pjesërisht këtë çështje, por akoma nuk dihet saktë se cili subjekt sa kontrollues do të ketë dhe në cilat vendvotime.
- Mos trajnimi i komisionarëve. D4D dhe INPO janë të shqetësuar me faktin se një numër i konsiderueshëm i komisionerëve nuk kanë ndjekur trajnimet e domosdoshme, ashtu siç edhe parashihen me ligj.
- Numri i madh i fletëvotimeve të shtypura. Për 95,449 votues në komunën e Ferizajt janë shtypur 97,450 fletëvotime. Shtypja e numrit më të madh të fletëvotimeve krijon hapësirë për manipulime.
Mungesa e procedurave. Gjatë monitorimit të mbledhjeve të KQZ-së dhe leximit të dokumente të ndryshme, monitoruesit e D4D kanë vërejtur se KQZ-së i mungojnë procedurat e shkruara ose ato janë të shkapërderdhura në disa dokumente të ndryshme. Në draftin e planit operacional për ditë të zgjedhjeve thuhet që materiali i ndjeshëm transportohet me përcjellje të Policisë, mirëpo nuk sqarohet se si bëhet bartja nga Prishtina në Ferizaj dhe kush do të jetë përgjegjës për këtë dhe në cilën ditë bëhet.
- K-Vote. KQZ ka ndërmarrë një iniciativë për raportim të drejtpërdrejtë të rezultateve nga vendvotimet. Përderisa ne e mirëpresim dhe përkrahim këtë ide, është shqetësuese fakti që faqja elektronike e KQZ-së është jo-funksionale gjatë shumicës së kohës.

Lexo më shumë

Noterët dhanë betimin

Në një ceremoni të organizuar nga Ministria e Drejtësisë, dhanë betimin 39 noterët e parë të Republikës së Kosovës.

Zëvendëskryeministri dhe Ministri i Drejtësisë, Hajredin Kuçi, tha se sistemi i noterisë do të ndikojë në shërbime me të mira për qytetaret, në forcimin e renditë dhe ligjit dhe do të jetë një mbështetje për gjyqësorin dhe lehtësim për punën e tyre.

Duke falënderuar shtetin zviceran, Këshillin Gjyqësor dhe atë Prokurorial të Kosovës për ndihmën e ofruar në krijimin e sistemit noterial, Kuçi kërkoi nga noterët që “punën e tyre të mos e kenë vetëm detyre, por edhe mision”.

Lexo më shumë

Ushtarët austriakë, sot në Kosovë

Batalioni i forcave operative të Austrisë, sot është nisur për Kosovë. Majori Peter Bart ka thënë se sot ka udhëtuar komandanti i njësisë dhe disa ushtarë të cilët do t’i marrin pajisjet dhe do të bëjnë përgatitjet për ardhjen e ushtarëve tjerë.

Austria me kërkesë të KFOR-it deri më 1 maj do të dërgojë 150 ushtarë, të cilët para dhe pas mbajtjes së zgjedhjeve të Serbisë do të ndihmojnë në ruajtjen e paqes dhe sigurisë.

Në një deklaratë për APA, ministri austriak i Mbrojtjes, Norbert Darabos, tha se ushtarët nga përbërja e ORF-së do të qëndrojnë së paku katër javë në Kosovë.

Ushtarët nga ky njësitë kanë qenë edhe më herët në Kosovë.

Komanda e KFOR-it njoftoi dje 70 ushtarë të Batalionit të II-të të forcave operative gjermane, kanë arritur në Kosovë. Pjesa tjetër do të vendoset deri të hënën.

Gjenerali Erhard Drews do të vendosë se ku dhe si do të përdoren këto forca shtesë.

Lexo më shumë

Marnhac: Do të bëhen kërkime në 30 lokacione

Shefi i EULEX-it, Xavier de Marnhac, në ditën e të pagjeturve përmes një deklarate për media theksoi se ende ka shumë sfida, por sipas tij EULEX-i do të vazhdojë ta mbështesë fuqishëm Departamentin për Mjekësi Ligjore në përpjekjet për të zbardhur fatin e atyre që nuk janë gjetur ende.

Ai thekson se këtë vit do të bëhen kërkime në më shumë se 30 lokacione potenciale. Përveç kësaj,thuhet se do t’i fillojnë hetimet e tyre për rastet e mundshme të identifikimeve të gabuara si dhe operacionet në terren, të ndihmuara nga ekspertët e EULEX-it për mjekësi ligjore.

“Edhe 1781 persona vazhdojnë të jenë të pagjetur nga konflikti në Kosovë. Prandaj, kjo është arsyeja pse EULEX-i po e ndihmon Departamentin e Mjekësisë Ligjore (DML) të Ministrisë së Drejtësisë në Kosovë, në përpjekjet e tij për të zbardhur fatin e të pagjeturve. Veç kësaj, lidhur me këtë çështje DML/EULEX po bashkërendon në mënyrë intensive me shoqatat e familjeve, familjet veç e veç dhe me disa palë të tjera të interesit”, thekson Marnhac.

Ai njoftoi se deri më sot, familjeve u janë kthyer mbetjet mortore të rreth 300 personave.

Marnhac thekson se mjekët e EULEX-it vazhdojnë t’i mentorojnë dhe monitorojnë vendorët në strukturimin e një departamenti modern të mjekësisë ligjore.

EULEX-i ka përgatitur një dokumentar 30 minutash lidhur me Departamentin për Mjekësi Ligjore (DML) dhe punën e tij në terren, i cili do të transmetohet të premten (27.04.2012). 

Lexo më shumë

Hoxhaj: Kosova nuk e njeh Serbinë

Kosova nuk e njeh Serbinë, përderisa Beogradi ta njohë pavarësinë e vendit tonë. Kështu është përgjigjur Hoxhaj në pyetjen e Albin Kurtit, në Komisionin parlamentar për politikë të jashtme.

"Serbia fillimisht ka qenë armik i qytetarëve të Kosovës. Tani Serbia është armike e shtetësisë së Kosovës. Ne nuk e njohim Serbinë, derisa Serbia nuk e njeh shtetësinë tonë“, ka thënë ministri Hoxhaj, pas pyetjes që ia bëri kryetari i komisionit, Albin Kurti, transmeton kosovatimes.

Gjatë fjalës së tij, ministri Hoxhaj në këtë komision ka paralajmëruar 5-7 njohje për shtetin e Kosovës, që mund të vijnë në muajt e ardhshëm.

"Njohja e fundit erdhi nga Brunei. Në ditët dhe muajt e ardhshëm disa shtete që tashmë kanë marr vendimin për njohjen e Republikës së Kosovës,do të bëjnë publik vendimin e tillë. Janë rreth 6 shtete që do ta njohin Kosovën“, ka shtuar ai.

Duke folur për procesin e lobimit, Hoxhaj ka thënë se vetëm gjatë këtij viti është takuar me mbi 20 ministra të Punëve të Jashtëm të shteteve që ende nuk e kanë njohur pavarësinë e Kosovës. 

Lexo më shumë

Dalglish: Finalja në Munich, e padrejtë për Chelsean

Menaxheri i Liverpoolit, Kenny Dalglish, ka kritikuar vendimin e UEFA-së për ta mbajtur finalen e Ligës së Kampionëve në Munich, duke thënë se kjo do të ishte disavantazh për Chelsean.

Finalja për kurorën e më të mirit të Evropës do të zhvillohet më 19 maj në Allianz Arena, që është fusha vendore e Bayern Munichut.

“Nuk mendoj se ata duhet të caktojnë fushën e ndonjë ekipi që përfaqëson vendin në Kupën Evropiane”.

“Është krejtësisht e padrejtë. Është një avantazh i madh për Bayern Munichun. Por nëse ky avantazh do të çojë peshë për ta ose kundër tyre, mbetet të shihet. Kjo mund të funksionojë edhe kundër tyre nëse rrethanat janë shumë për ta”, ka thënë ai për Daily Mail. 

Lexo më shumë

Ferrara: Pirlo, sekreti i suksesit të Juves

Trajneri i përfaqësueses U21 të Italisë, Ciro Ferrara, ka lavdëruar mesfushorin e Juventusit, Andre Pirlo, madje duke e quajtur atë si një prej më të mirëve në histori të futbollit.

“Pirlo është sekreti prapa suksesit të Juventusit. Në një aspekt, ai e ka bërë dallimin jo vetëm për Juventusin, por po ashtu edhe për Milanin që e lejoi atë të largohet. Ai e ka bërë dallimin në aspekt pozitiv për Juven, dhe negativ për Milanin”.

“Ai është një prej lojtarëve më të mirë në botë për mendimin tim. E shoh atë si një prej mesfushorëve më të mirë në histori të futbollit”.

“Ju nuk lexoni shumë për të, pasi ai është një karakter i qetë. Megjithatë, Pirlo është sekreti i Juves. Ai është një prej më të mirëve të të gjitha kohërave”, ka thënë Ferrara për La Gazzetta dello Sport. 

Lexo më shumë

Villanova pasardhësi i Guardiolës

Zëvendëstrajneri i Pep Guardiolës, Tito Vilanova, do të jetë trajneri i Barcelonës për sezonin e ardhshëm.

Lajmin e ka konfirmuar drejtori sportiv Andoni Zubizarreta gjatë konferencës së sotme të shtypit ku Pep Guardiola zbuloi se ai nuk do ta vazhdoja kontratës pas fundit të sezonit.

“Kur Pep tha se ai nuk do të qëndrojë, fillimisht ne nuk mund të besonim. Por ai gjithmonë më ka thënë se gjëja më e rëndësishme është të vazhdojë me lojën e tij”.

“Se kush do ta zëvendësonte atë ishte një detyrë e vështirë. Një ditë e pyeta: Tito ka punuar këtu me ne, pse jo Tito? Ai përfaqëson lojën dhe është analitik. Ai i kalon këtu të gjithë orët derisa fle dhe ai është personaliteti të cilin ne kemi nevojë të na udhëheqë. Ai është më ndryshe nga Pep, por Tito është i duhuri”.

“Ne gjithmonë kemi shikuar në shtëpi. Ne e kemi Titon – është e thjeshtë. Ne nuk kemi nevojë të dalim në treg”, ka thënë drejtori sportiv i klubit, Andoni Zubizarreta gjatë konferencës.

42-vjeçari Vilanova ka qenë krahu i djathtë i Guardiolës që kur ai u caktua si trajner i ekipit të parë, në vitin 2008.

Lexo më shumë

“BABASTARS” rrahin Noizyn

Lajmnews.com  mëson se sot në orën e hershme të mëngjesit anëtarët e labelit “BABA STARS” kanë rrahur reperin nga Shqipëria, Noizy, dhe një anëtar tjetër të grupit OTR.

E gjithë ngjarja ka ndodhur sot në orët e hershme të mëngjesit në aeroportin e Zurich-ut.

Sipas burimeve, Noizy ka pësuar lëndime të rënda trupore dhe tashmë gjendet në përkujdesjen e mjekëve.

Ndërsa anëtarët e labelit “BABASTARS”, janë shoqëruar në stacionin policor të kantonit.

Dihet se rivaliteti i këtyre dy grupeve ekziston që disa vite. 

Lexo më shumë

Zyrtare: Guardiola largohet nga Barcelona

Pep Guardiola nuk do ta drejtojë Barcelonën në sezonin e ardhshëm. Lajmin e ka konfirmuar presidenti i klubit, Sandro Rosell, në një konferencë për media.

Spanjolli ka qenë në krye të Barcelonës për katër vite, por duket se ka vendosur të ndjekë rrugë tjetër pas një sezoni jo aq të suksesshëm me kampionin aktual të Evropës.

Guardiola ka fituar tre tituj të La Ligës dhe dy të Ligës së Kampionëve gjatë kohës së tij si trajner i Barcelonës, post të cilin e trashëgoi nga Frank Rijkaard në vitin 2008 pasi më herët kishte drejtuar skuadrën B.

Megjithatë, ky vit ka qenë shumë më ndryshe pasi skuadra e tij është në prag të humbjes së titullit të ligës ndaj rivalit të hidhur, Real Madridit. Katalanasit po ashtu u eliminuan nga Liga e Kampionëve në favor të Chelseat.

Trajneri i Athletic Bilbao, Marcelo Bielsa, përmendet si pasardhësi i mundshëm i Guardiolës.

Lexo më shumë

Paralajmëron dorëheqjen nëse nuk hiqen nenet

Zëvendëskryeministri i Kosovës, njëherësh ministër i Drejtësisë, Hajredin Kuçi ka paralajmëruar dorëheqjen e tij në rast se nuk do të hiqen nga Kodi i ri Penal, neni 37 dhe 38.

Gjatë ceremonisë së dhënies së betimit të noterëve të Kosovës, ai ka folur për këtë temë, duke thënë se do të kërkojë nga presidentja e vendit, Atifete Jahjaga, që të kthehet prapa ligji për Kodin Penal, njofton KosovaPress.

Ai është zotuar se do ta amendamentojë Kodin, nëse Jahjaga, nuk ndërmerr asgjë edhe pak kërkesës së tij.

“Do të loboj në Kuvendin e Kosovës, që ato dy nene të mos miratohen. Nëse edhe përkundër përpjekjeve të mia, ato dy nene më 1 janar hyjnë në fuqi, hyn në fuqi edhe dorëheqja ime”, ka thënë Kuçi.

Për nenin 37 dhe 38 të Kordit të ri Penal, ditë më parë kanë protestuar gazetarët e Kosovës, të cilët edhe në takim me presidenten e vendit, Atifete Jahjaga, i kanë kërkuar asaj që t’i kthej prapa këto dy nene, pasi me to shkelet liria e shprehjes. 

Lexo më shumë

Në Prishtinë 1 mijë e 781 varëse të rrobave me nga një pikëpyetje

Nisma e të Rinjve për të Drejtat e Njeriut në Kosovë prezantoi në sheshin Nënë Terezë në Prishtinë një performancë, me 1 mijë e 781 varëse të rrobave me nga një pikëpyetje, aq sa është edhe numri i të pagjeturve.

Liridon Zeka, pjesëtar i kësaj nisme, tha se këtë ide e kanë paraqitur në shenjë përkrahje dhe solidarizimi me familjarët, duke parë mungesën e institucioneve për zbardhjen e fatit të të pagjeturve.

“Duke parë mungesën e angazhimit të Institucioneve përkatëse për zbardhjen e fatit të personave të pagjetur ne si aktivist kemi parë të arsyeshme që të organizojmë aktivitete më qëllim që të bëjmë presion në mënyrë që të jenë më efikas në punët e tyre”, tha ai, njofton RTK.

Ai tha se institucionet duhet të zbardhin të vërtetën dhe të vendoset drejtësia, sepse 1 781 nuk është numër, por njerëz që i mungojnë Kosovës që 13 vjet.

Zeka tha se performancat dhe nismat e tyre në përkrahje të familjarëve të të pagjeturve nuk kanë pasur ndikim të duhur te institucionet përkatëse, por sipas tij, është sensibilizuar opinioni se fati i të pagjeturve duhet të ndriçohet sa më shpejt.

Ndërkaq Prenk Gjetaj, drejtues i Komisionit Qeveritar për Personat e Pagjetur thotë se komisioni po vazhdon edhe më tutje takimet me institucionet ndërkombëtare dhe vendore për zbardhjen e fatit të personave të zhdukur. Për këtë vit komisioni ka paraparë që të bëhen gërmime në 36 lokacione dhe të dihet rreth rastit të Rashkës. 

Lexo më shumë

“Ngarkesat religjioze” lënë pa status diplomati Amir Ahmetin

Është i vetmi nga kandidatët për ambasador që s’do ta marrë dekretin e presidentes Atifete Jahjaga. Pengesë Amir Ahmetin janë bërë “ngarkesat religjioze”.

Burime të Kohës Ditore kanë thënë se në heshtje po i bëhet refuzimi Ahmetit, i propozuar nga ministri i Jashtëm, Enver Hoxhaj. Derisa për të është kështu, për kandidatin tjetër për ambasador, ish-ministrin Ahmet Shala, dekreti pritet të shpallet shumë shpejt. Por, ai nuk do të delegohet në vendin që priste.

“Ngarkesat e tij (Amir Ahmeti v.j.) religjioze, veçanërisht ato që janë shprehur publikisht vitin e shkuar për lëndën fetare dhe për bartjen e shamive, kanë rritur presionin e brendshëm që presidentja të mos e emërojë për ambasador. Në cilësinë e deputetit, Ahmeti përdorte kërcënimin për të realizuar agjenda religjioze”, ka thënë burimi i gazetës. “Për Ahmet Shalën është vendosur të emërohet ambasador në Japoni dhe shpallja do të bëhet shumë shpejt”.

Amir Ahmeti është deputet i Partisë së Drejtësisë, një subjekt i vogël politik që është pjesë e koalicionit qeveritar. Midis vendeve arabe që ishin përmendur për ta përfaqësuar ai vendin ishin: Katari, Emiratet e Bashkuara dhe së fundi Arabia Saudite.

Por, një ditë më parë është paraqitur në dëgjim para Komisionit parlamentar për punë të jashtme një kandidat tjetër për të shkuar në Arabinë Saudite. Është ai Rexhep Boja. Ky aktualisht është ambasador në detyrë në këtë vend.

Ahmeti është anëtar i Komisionit parlamentar ku dëgjohen kandidatët për ambasadorë dhe nga ky i propozohen presidentit të Republikës për emërim. Burime të gazetës kanë treguar se Ahmeti nuk ishte në mbledhjen e thirrur për dëgjimin e Bojës, ndonëse e kishte konfirmuar pjesëmarrjen.

Këtë njeri e do për ambasador Behgjet Pacolli, aleati kryesor i kryeministrit Hashim Thaçi në koalicionin qeveritar. Një burim në Qeveri i ka thënë gazetës se nuk është krejt e përfunduar çështja e tij.

Lexo më shumë

Martohet me serb, refuzon shtetin e Kosovës!

Marjana Preçi, 36 vjeçarja nga Lezha e Shqipërisë, është e martuar me Caslav Jevticin - 45 vjeçarin nga fshati Rajinovc i Kamenicës. Fakti se Caslavi është serb, nuk e ka penguar Marjanën që dashurinë ta lidhë me martesë dhe ta kurorëzoj me lindjen e vajzës Andela, më 2009 në Graçanicë. Ajo jeton në Anamoravë, të gjithë e thërrasin nusja serbe, nuk i do shërbimet e Kosovës, ndërsa ndjehet e “diskriminuar” sepse nuk mund t’i shfrytëzojë ndihmat nga Serbia!

“Kam qenë e përgatitur për probleme edhe me ‘të mitë’ e edhe me serbët për shkak të martesës së përzier. Por, asgjë nga kjo. Papritur, problemi më i madh i imi është me administratën”, flet Mariana për mediat serbe, me një serbishte të keqe, teksa e mban vajzën në dorë. Ajo thotë se fëmijën duhet ta dërgojë te mjeku, ndërsa të gjithë “tregohen të ngathët”.

Në janar të këtij viti, Marjana zyrtarisht martohet me Caslavin në Bujanoc. Megjithatë, sipas saj, “kjo nuk ishte e mjaftueshme për t'u kualifikuar për shtetësi serbe dhe për kujdesin mjekësor nga institucionet serbe të shëndetësisë”!

“Kemi marrë udhëzimin për ta dërguar te mjeku në Vranje. Në pikëkalimin administrativ Dheu i Bardh shqiptarët më kanë ngacmuar për shkak të pasaportës shqiptare. Situata më e mirë nuk ishte as në Konçul, gjatë hyrjes në Serbi, prej nga më kthejnë serbët dhe më këshillojnë që të futem përmes Maaqedonisë. U jam mirënjohëse mjekëve në Graçanicë të cilët më mirëpritën edhe pa kartat e sigurimit shëndetësor dhe e Andelan e sollën në jetë. Por, unë nuk mundem gjithnjë të shkoj atje, sepse ka incidente në rrugë, e aq më pak dua që për çdo kontroll të udhëtoj në Shqipëri”, thotë ajo për Novosti.

Marjana ankohet se me burrin e rrisin fëmijën në kushte të vështira dhe se “ngatërresat administrative” ia pamundësojnë të drejtën “për shtesa apo ndihma sociale të Serbisë”.

“Është e rëndësishme që fëmija t’i ketë gjërat elementare. Ende e ushqej me gji, por kam frikë s’i t’ia bëjmë tutje”, thotë Marjana.

Caslavi është drejtuar në shumë adresa, dhe në shumë dyer, që të “realizojë të drejtën elementare për fëmijën e tij”. Ai tash pret përgjigje nga ministri i Brendshëm serb, Ivica Dacic.

“Ndjehem keq në vendin tim. Pas gjithë asaj që kemi duruar në Kosovë, mendoj të largohem, sepse të gjithë kanë heq dorë nga ne dhe nga vuajtjet tona. E unë vetëm dua që fëmija im të rritet aty ku janë rritur të parët e mi dhe unë”, thotë Caslav.

Lexo më shumë

Vetura e ambasadës së Maqedonisë, me targa të Serbisë

Vetura zyrtare e ambasadorit të Maqedonisë në Prishtinë, Stojan Karajanov, vazhdon të qarkullojë nëpër Kosovë me targa të Republikës së Serbisë. Kjo ka shkaktuar revoltë te gazetarët shqiptarë, që kanë përcjellë takimet zyrtare të zëvendëskryeministrit Musa Xhaferi në Prishtinë.

Edhe pse Kosova ka targat e saj zyrtare, vetura zyrtare e Ambasadës së Maqedonisë e tipit “Shkoda”, “shëtitet” sikur të jetë në Republikën e Serbisë, shkruan ditorja Koha nga Shkupi.

Në Ministrinë e Jashtme të Maqedonisë thanë se “Shkoda” nuk është veturë e ambasadorit Karajanov, ndërsa më pas zëdhënësi arsyetohet se “targat serbe ka shtatë vite që janë marrë”.

“Vetura për të cilën po flisni, është regjistruar atje para shtatë viteve dhe në atë kohë, autoritetet kosovare kanë dhënë targa të tilla”, thotë zëdhënësi Borce Stamov. “Deri para do kohësh, thuajse të gjitha veturat e përfaqësive diplomatike në Kosovë kanë pasur targa të tilla, sepse kanë pasur disa probleme teknike ata atje për të dhënë targat e tyre diplomatike. Kohëve të fundit ka filluar një trend te ambasadat e tjera në Kosovë - të ndërrimit të targave dhe brenda kohës. Edhe ambasada jonë do t’i ndryshoj dhe do t’i merr targat e reja”. 

Lexo më shumë

Opozita siriane mëson nga përvoja e UÇK-së

Disidenti sirian thotë se opozita i drejtohet ish kryengritësve të Kosovës, për të marrë këshilla se si ta rrëzojnë regjimin e Bashar al-Assad në Damask.

Ammar Abdulhamid, aktivisti anti-Assad në mërgim, tha se mënyra se si Kosova ka dalë nga makthi për t’u për shtet, mund të jetë frymëzuese për disidentët sirianë.

Qeveria e Assadit po e lufton kryengritjen 13 mujore në Siri, duke lënë më shumë se nëntë mijë të vdekur.

"Ne jemi këtu për të mësuar," tha Abdulhamid gjatë një intervistë për AP. "Kosova ka kaluar nëpër një eksperiencë që unë mendoj se do të jetë shumë e dobishme për ne - në aspektin se si grupet e ndryshme të armatosura që formuan UÇK-së (Ushtrinë Çlirimtare të Kosovës), e kanë organizuar veten."

Abdulhamid është një nga tre aktivistëve e opozitës siriane që viziton Kosovën. Ata janë takuar me ish ushtarët që kanë luftuar kundër Serbisë në vitet 1998-99. Por, nuk janë dhënë detaje shtesë për takimet në Prishtinë e as nuk dihen emrat e ish pjesëtarëve të UÇK-së me të cilët ata janë takuar.

"Ne me të vërtetë kemi nevojë të veprojmë së bashku si koalicion opozitar”, ka thënë Abdulhamid.

Disidenti i cili jeton në SHBA që nga viti 2005, krahason mungesën e unitetit të opozitës siriane me ndarjet politike në Kosovë në fund të viteve ’90 të shekullit të kaluar, “në mes të pacifistëve të Rugovës dhe rebelëve të UÇK-së”.

"Disi ata ia dalën të punojnë bashkë, kështu që kjo na jep shpresë se mund të ngrihemi mbi dallimet dhe ta bëjmë të qëndrueshme tranzicionin e demokracisë në Siri”, tha Abdulhamid.

AP përkujton se Ushtria Çlirimtare e Kosovës filloi kryengritjen kundër regjimit të presidentit serb Slobodan Milloshevic, në vitin 1997. Reagimi i Serbisë provokoi dënimin ndërkombëtar që çoi në bombardimin 78-ditësh të NATO-s në vitin 1999, kundër forcave ushtarake dhe policore serbe, që i dha fund luftës dhe e solli Kosovën nën administrimin e OKB-së. Mbi 10 mijë njerëz vdiqën në konfliktin e Kosovës, transmeton foxnews.

Rusia mbështet Serbinë dhe refuzon shpalljen e pavarësisë së Kosovës, të cilën e kanë pranuar SHBA-të dhe shumica e shteteve evropiane. 

Lexo më shumë

S’dinë, apo s’duan reformë zgjedhore

Partitë politike kanë dështuar në reformën zgjedhore të nisur para një viti. Për dymbëdhjetë muaj, përfaqësuesit e partive politike kanë marrë pjesë në Komisionin për Reformën e Procesit Zgjedhor, por nuk kanë bërë asgjë. Kanë shkëmbyer e-maile e mendime, por nuk kanë marrë asnjë vendim.

Përveç Vetëvendosjes dhe SLS-së, sipas burimeve të gazetës “Koha Ditore”, asnjëra nga partitë, sidomos më të mëdhatë, nuk kanë qenë në gjendje që të japin një qëndrim të qartë të tyre, as për çështjet elementare. Ato ende nuk e dinë nëse duan lista të hapura apo të mbyllura, ose se sa zona elektorale i duan në Kosovë. Situata ka bërë që amerikanët të largohen nga mbështetja e komisionit, e evropianët të shqetësohen pa masë.

Një diplomat evropian i akredituar në Kosovë, i ka thënë “Kohës Ditore” në kushte anonimiteti se partitë kanë lënë përshtypjen se qëllimisht nuk duan që të kenë reformë zgjedhore, duke zvarritur gjithçka.

Sipas të njëjtave burime, komisioni që tashmë i ka kaluar mandati, pritet që të marrë një mandat shtesë prej tre muajsh, por reforma do të dështojë, nëse partitë nuk tregojnë më shumë interesim se sa që kanë treguar për 12 muaj rresht.

Reforma është kërkuar nga BE-ja edhe në Raportin e Progresit dhe do të jetë një nga kriteret e vlerësimit që Kosova do të marrë në tetorin e vitit të ardhshëm.

Mungesën e vullnetit politik të partive politike e ka konfirmuar Zyra e BE-së në Kosovë.

“Mungesa e vullnetit politik ka bllokuar suksesin substancial. Kjo është adresuar edhe në qëndrimin e përbashkët të BE-së. BE-ja ka inkurajuar partitë politike që të angazhohen substancialisht, të respektojnë mandatin dhe të marrin parasysh rekomandimet e BE-së”, ka thënë zëdhënësja e Zyrës së BE-së në Kosovë Syzana Bytyçi.

Sipas saj, BE-ja ka për qëllim që të që arrijë reformimin dhe thjeshtësimin e procesit elektoral duke e harmonizuar atë me standardet ndërkombëtare. “Mbështetja jonë teknike nuk është e pakufishme, andaj presim që partitë politike ta shfrytëzojnë zgjatjen e mandatit në mënyrën më të mirë”, ka thënë Bytyçi.

BE-ja pati kërkuar që procesi i zgjedhjeve në Kosovë të lehtësohej në bazë të një raporti që misioni i ekspertëve të BE-së pati bërë në zgjedhjet e kaluara dhe ku qenë konstatuar shumë mashtrime.

Burime të gazetës kanë thënë se ekspertët ndërkombëtarë kanë konstatuar se hapja e listave në sistemin zgjedhor të Kosovës ka qenë gabim, për shkak të papjekurisë së sistemit dhe gatishmërisë që votat të manipulohen. Shumë kandidatë dhe shumë shenjëzime që duhet t`i bëjë vetëm një qytetar vështirësojnë votimin, numërimin dhe mbi të gjitha rrisin mundësinë e keqpërdorimit.

Problematike, sipas ekspertëve, është edhe ideja që Kosova të ketë shumë zona zgjedhore. Kosova, sipas tyre, nuk ka regjistrim të popullsisë dhe si rrjedhojë as numër të saktë të votuesve që ka nëpër komuna. Numri i deputetëve për një zonë, do të duhej të përcaktohej në bazë të numrit të qytetarëve që ka ajo zonë. Statistikat e regjistrimit të popullsisë nuk pritet që të jenë të gatshme para shtatorit të këtij viti, derisa komisioni do të duhet që të vendosë për reformën brenda tre muajsh.

Lexo më shumë

Nuk merr merita, njohjet rezultat i argumenteve

Kryediplomati shqiptar, Edmond Haxhinasto nuk është përfshirë në debatin se kush ka më shumë merita për njohjen e 90-të që Kosovës i ka ardhur të mërkurën. Ai nuk ia atribuoi vetes ndonjë meritë për njohjen që i erdhi Kosovës nga Sulltanati i Bruneit, edhe pse kishte lobuar personalisht në këtë vend aziatik.

Në një bisedë për “Express”, ministri i Jashtëm i Shqipërisë, ka thënë se njohja nga Brunei ka ardhur në radhë të parë si rezultat i argumenteve të Kosovës për shtetësi dhe pavarësi.

Por, në ditën kur erdhi njohja, Ministria e Jashtme e Kosovës ia atribuoi të gjitha meritat për njohje ministrit Hoxhaj, duke mos e përmendur asnjë kontribuues tjetër të kësaj njohjeje.

I menjëhershëm ka qenë reagimi i Zyrës së zëvendëskryeministrit të parë, Behgjet Pacolli, të cilët thanë se meritat për njohje nga vendi aziatik i ka Behgjet Pacolli.

Asnjë dikaster qeveritar i Kosovës nuk kishte përmendur kontributin e Shqipërisë në këtë njohje, ndonëse ministri i Jashtëm i Shqipërisë, Haxhinasto para një muaji kishte thënë se njohja nga Brunei do të ndodhë shumë shpejt.

Për dallim prej homologëve të tij të Kosovës, Haxhinasto thotë se meritat për njohjen nga Sulltanati i Bruneit i kanë të gjithë.

“Mendoj se para se gjithash, ky është një rezultat e vetë Kosovës, i realitetit atje, i përpjekjeve të saj, të drejtave të saj legjitime për pavarësi dhe sigurisht për proceset të njohjeve ndërkombëtare që unë kam kënaqësinë ta shikoj që zhvillohet dhe progreson më tej”, ka thënë Haxhinasto.

Ky zyrtar i Shqipërisë nuk ka dashur të komentojë përvetësimin e meritave të MPJ-së dhe Zyrës së zëvendëskryeministrit Pacolli, po ka thënë se si Hoxhaj ashtu edhe Pacolli kanë merita për Brunein.

Ndryshe, në Kosovë janë paralajmëruar njohje të reja për Kosovën gjatë ditëve të ardhshme, derisa zyrtari i Qeverisë së Shqipërisë thotë se shumë vende janë afër vendimit pozitiv për Kosovën. 

Lexo më shumë

Më 1 Maj, pa vetura në Parkun e Gërmisë

Komuna e Prishtinës, ka nxjerr një urdhëresë përmes të cilës ndalohet qarkullimi i automjeteve, përveç autobusëve të NK Trafiku Urban, operatorëve të linjës 5, automjeteve të policisë, të KFOR-it, të UNMIK-ut, EULEX-it, Hortikulturës dhe automjeteve emergjente, gjatë festës së 1 Majit, me 1.5.2012 në drejtim të Parkut të Gërmisë.

Sipas urdhëresës, pika përfundimtare për lëvizjen e automjeteve, përveç banorëve të lagjeve Normale, Sefali, Tauk Bahce do të jetë si me poshtë:
Kryqëzimi i rrugëve “1 Tetori”, “Nazim Gafurri”, dhe “Ymer Lutfi Paqarizi”. Kryqëzimi i rrugëve: “Nazim Gafurri”, “Xhavit Ahmeti”, dhe “Dr. Lec Gradica” dhe kryqëzimi i rrugëve: “Dr. Shpëtim Robaj”, me atë të Sefalisë në drejtim të pishinës dhe Parkut të Gërmisë.

“Komuna informon qytetarët se transporti publik për në Parkun e Gërmisë deri te pishina e Qytetit, do të bëhet ekskluzivisht me autobus të Trafikut Urban.

Komuna përmes inspektorëve do të parandaloj shërbyesit e paautorizuar që bëjnë shitjen-shërbimin ndaj qytetarëve. Gjithashtu do të organizohet kujdestari me qëllim të ruajtjes së ambientit (përdorimi i zjarreve për destinime të ndryshme), si dhe hedhjen e mbeturinave në vende të caktuara”, thuhet në një komunikatë të lëshuar nga Komuna e Prishtinës.

Lexo më shumë

Zhvlerëson Spanjën

Agjencia e vlerësimit të kreditit Standard & Poor's zhvlerësoi me 2 nyje në 3B plus me këndvështrim negativ Spanjën dhe argumentoi vendimin me pritshmërinë për përkeqësim të situatës së financave kombëtare më shumë nga parashikimet si rezultat i tkurrjes në ekonomi dhe dobësisë në sistemin bankar. Në ndryshim nga zhvlerësimet e ndodhura në dy vitet e fundit për herë të parë agjencia përmend në rastin e Spanjës nevojën që kjo çështje të zgjidhet në rang europian me plane ambicioze.

Moody's vlerëson Spanjën në A3 me këndvështrim negativ ndërsa Fitch e vlerëson me notën A sigurisht në këndvështrim negativ. Ky është zhvlerësimi i parë për Spanjën që nga momenti kur drejtimin e vendit e mori kryeministri Mariano Rahoj. Një zëdhënës i ministrisë spanjolle të ekonomisë tha se zhvlerësimi nuk reflekton ndikimin e reformave që ka publikuar dhe po zbaton qeveria, për të riaktivizuar ekonominë që ka hyrë në recesionin e dytë në 3 vitet e fundit.

Qeveria në Spanjë premton të ulë këtë vit deficitin në 5.3 për qind të ekonomisë dhe në vitin e ardhshëm në 3 për qind . Në fund të vitit të kaluar deficiti në Spanjë u mbyll në 8.5 për qind. Por analistët parashikojnë qeverinë të pamundur për të realizuar këto premtime duke i cilësuar ato si një mision i pamundur.

Ndërsa agjencia e vlerësimit të kreditit në raportin që argumentoi zhvlerësimin parashikon që në këtë vit deficiti në Spanjë të jetë 6.2 për qind, dhe në vitin 2013 në 4.8 për qind të prodhimit të brendshëm bruto. ndërsa analistët paralajmërojnë se ky nuk është zhvlerësimi i vetëm për Spanjën në këtë vit dhe do të ketë zhvlerësime edhe për vendet e tjera të Eurozonës. 

Lexo më shumë

Haraç për Grandin

Vendimi i Agjencisë Kosovare të Privatizimit, për ta shtyrë edhe për një muaj definimin e pronësisë së Hotelit Grand, e ka nervozuar biznesmenin Remzi Ejupi. Ai tha se kësaj pune po i vjen era haraç. Ejupi porositi zyrtarët e Agjencisë që mos t’u shkojë mendja se do ta marrin ndonjë cent. Në AKP thonë se nuk dinë gjë për këtë punë.

“Ne nuk paguajmë asnjë cent haraç për Grandin. Boll kemi paguar deri tash për këtë hotel”, shprehet i mllefosur pronari i kompanisë Eurokoha, Remzi Ejupi.

Atë e ka bërë shumë nervoz vendimi i Agjencisë Kosovare të Privatizimit për shtyrje të afatit edhe për një muaj për Hotelin Grand në Prishtinë.

Ejupi dyshon se zyrtarë të AKP’së me qëllim po e zvarrisin këtë proces, që të përfitojnë para nga aksionarët e hotelit. “Kjo punë është shtyrë që pesë vjet dhe kështu e kanë shkatërruar ekonominë e vendit dhe procesin e privatizimit”, pohon ai, shkruan Express.

Ngjashëm ishte deklaruar për media kohë më parë edhe zëvendëskryeministri i Kosovës, Behgjet Pacolli lidhur me zvarritjet që po i bën AKP për hotelin në të cilin ka qenë aksionar para se të hynte në politikë. “Unë dhe familja ime nuk paguajmë haraç”, pati thënë Pacolli në një prononcim publik.

Lexo më shumë

Bielsa plot lëvdata për Llorenten

Trajneri i Athletic Bilbao, Marcelo Bielsa, ishte plot lëvdata për sulmuesin Fernando Llorente për rolin e tij në fitoren 3-1 ndaj Sporting Lisbonës në ndeshjen e kthimit gjysmëfinale të Europa League.

“Llorente luajti në një formë me të cilën nuk e kam parë kurrë më herët te ky klub. Për më tepër, kjo ishte ndeshja jonë më e këndshme, pasi ishte një lojë kolektive. Isha shumë i kënaqur për lojtarët e mi. I uroj ata dhe u them se ata e merituan këtë”.

“Këto ndeshje u japin lojtarëve një shije të madhe të përgjegjësisë pasi ata dëshirojnë t’i bëjnë tifozët të lumtur dhe kanë frikë mos i zhgënjejnë ata. Andaj ne të gjithë jemi të lehtësuar që kemi shkuar më tej”, ka thënë Bielsa.

Lexo më shumë

Zanetti: DUHET të luajmë në LK

Javier Zanetti ka deklaruar se Interi është i paepur të kualifikohet për në edicionin e ardhshëm të Ligës së Kampionëve.

“Ne punojmë fuqishëm për ta siguruar atë vendin e tretë të Ligës së Kampionëve; ne e duam dhe besojmë se mund ta arrijmë. Ka edhe katër ndeshje të mbetura dhe ne do të vazhdojmë të përpiqemi deri në fund”.

“Derbi milanez? Ne kemi dy ndeshje të tjera së pari dhe pastaj do të jemi atje duke luftuar për pozitën e tretë”.

“Kush mendoj se do ta fitojë Scudetton? Nuk e di, ne jemi të fokusuar për të siguruar Ligën e Kampionëve dhe për të ndërtuar një skuadër të shkëlqyeshme për vitin e ardhshëm; ne nuk mendojmë për të tjerët”, ka thënë argjentinasi.

Nerazzurrët aktualisht pozicionohet të gjashtë në tabelën e Serie A, duke ndjekur Lazion, që rreshtohet e treta, me tre pikë. 

Lexo më shumë

Emery: Atletico e meritoi finalen

Trajneri i Valencias, Unai Emery, ka thënë se Atletico Madrid e ka merituar të kualifikohet në finalen e Europa League.

Valencia duhej ta përmbyste disavantazhin 4-2 nga ndeshja e parë për të vazhduar garën më tej, por një gol i Adrian në pjesën e dytë fundosi edhe më shumë shpresat e Los Che duke i dhënë fitoren 1-0 Atleticos.

“Ata ishim më të mirë dhe e merituan të fitojnë. Ishte kyçe për ne të shënojmë një gol dhe ne nuk ishim në gjendje ta bëjmë këtë”.

“Ne ishim afër të shënojmë në pjesën e parë, por kjo nuk ishte e mjaftueshme. Nëse ne do të kishim shënuar, do ta kishim marrë ndeshjen në kontroll, por nuk ndodhi kështu”.

“Jam i kënaqur me faktin se ne ishim të gjithë të bashkuar, tifozët dhe skuadra, por ndeshja e parë luajti një rol kyç”, ka thënë Emery. 

Lexo më shumë

Del Piero: Titulli është i Juventusit

Sulmuesi i Juventusit, Alessandro Del Piero, ka pranuar se skuadra e tij është favorit për ta fituar titullin e Serie A.

Bianconerët janë tre pikë mbi pozitën e dytë ku pozicionohet Milani, me edhe katër ndeshje të mbetura deri në fund të sezonit.

“Nuk është paragjykim, por ne mund të flasim për Scudetton vetëm kur ta fitojmë atë matematikisht. Ne qartas jemi në një pozitë të privilegjuar, por nëse shikoni në atë se çfarë ndodhi këtë sezon në ligë, kuptoni se rreziku fshihet prapa çdo ndeshje”.

“Ndeshja kundër Novaras do të jetë e vështirë dhe ne duhet të japim më të mirën. Do të jetë ndeshja më e rëndësishme e sezonit”, ka thënë 37-vjeçari. 

Lexo më shumë

Llorente: Kemi bërë histori

Fernando Llorente thotë se Athletic Bilbao ka ndërtuar histori duke arritur në finale të Europa League me një fitore 3-1 ndaj Sporting Lisbonës.

Spanjolli shënoi golin vendimtare për t’i dhënë skuadrës fitoren 3-1 (4-3 nga të dy ndeshjet) dhe për ta kualifikuar në finalen e Bukureshtit.

“Ne kemi bërë histori, dhe shpresojmë se mund të vazhdojmë ta bëjmë këtë. Është mrekulli të arrijmë në finale dhe shpresojmë ta fitojë atë. Ky ishte goli im më i rëndësishëm”, ka thënë Lorente për Canal+. 

Lexo më shumë

NBA: Bulls e mbyllin sezonin me fitore

Chicago Bulls e kanë mbyllur sezonin e rregullt me një fitore shkatërruese 107-75 ndaj Cleveland Cavaliers për ta siguruar pozitën parë në renditjen e përgjithshme për play-offin e NBA-së.

Bulls udhëtuan te Cavaliers pa shumicën e lojtarëve më të mirë, përfshirë Derrick Rose, të cilët u pushuan para fillimit të pas-sezonit, ku ata do të takohen me pozitën tetë në renditjen e Konferencës Lindore, Philadelphia 76-ers.

Mbrëmja e djeshme, që ishte edhe dita e fundit e ndeshjeve të sezonit të rregullt, ka nxjerrë edhe disa sfida të tjera interesante në play-off.

New York Knicks fituan me rezultat 104-84 ndaj Charlotte Bobcats për të siguruar pozitën shtatë dhe për të caktuar një sfidë ndaj të dytit në tabelën e Lindjes, Miami Heat. Këta të fundit ishin pa tre lojtarët kryesor, LeBron James, Dwyane Wade dhe Chris Bosh, dhe paguan çmimin duke shijuar disfatën më të keqe të sezonit, 104-70, ndaj Washington Wizards.

Në sfidat tjera të play-offit të Lindjes, Indiana Pacers do të përballet me Orlando Magic dhe Boston Celtics do të ketë përballë Atlanta Hawks.

Edhe Spurs e mbyllën sezonin me fitore 107-101 ndaj Golden Stat Warriors (Foto: AP)

Në Perëndim, i pari i rreshtuar, San Antonio Spurs, do të përballet në play off me të tetin, Utah Jazz, ndërsa i dyti në tabelë, Okhahoma City Thunder, do ta sfidojë kampionin në fuqi, Dallas Mavericks, që përfundoi i shtati në renditje.

Los Angeles Lakers në sfidën e parë të play-offit do të përballen me Denver Nuggets. Memphis Grizzlies ka siguruar pozitën e katërt dhe avantazhin e fushës vendore për të parën herë në seritë e play-offit, ku do të sfidojë Los Angeles Clippers. 

Lexo më shumë

Simone i ngazëllyer me kualifikimin në finale

Trajneri i Atletico Madrid, Diego Simeone, është i ngazëllyer me kualifikimin në finale të Europa League pas fitores 1-0 ndaj Valencias në Mestalla.

“Jam i kënaqur me lojtarët e mi, të cilët po mundohen shumë. Është heroike ajo çfarë ata po bëjnë, të luajnë dy herë në javë, me një skuadër e cila nuk është shumë e madhe dhe ka lëndime”.

“Po ashtu jam i kënaqur për zyrtarët e klubit, të cilët na kanë besuar neve, dhe për tifozët, të cilët janë krenar dhe e mbështetën Atleticon sonte”, ka thënë Simone.

Argjentinasi po ashtu ka thënë se mezi pret të takohet në finale me Athletic Bilbaon dhe veçanërisht me bashkëvendësin e tij, Marcelo Bielsa.

Finalja e Europa League zhvillohet në National Arena të Bukureshtit më 9 maj. 

Lexo më shumë

Raul lavdëron Mourinhon

Legjenda e Real Madridit, Raul, ka lavdëruar punën e Jose Mourinhos te klubi spanjoll.

“Mourinho ka punuar shumë mirë, duke bërë gjërat të cilat ai mendon se duhet bërë. Ai po ndërton disa vite shumë konkurruese. Në dy vite ai arriti në gjysmëfinale të Ligës së Kampionëve dy herë pas shumë vitesh në të cilat nuk mund të arrihej deri këtu”.

“Ata e kanë fituar Kupën e Mbretit dhe shumë gjëra po realizohen shumë mirë. Unë po ashtu kam pasur një përvojë të keqe me penaltitë dhe vazhdoj të kënaqem me këtë sport”.

“Madrid mund të bëhet kampion i Spanjës të dielën dhe lojtarët duhet ta gjejnë fuqinë dhe të na japim një hap të rëndësishëm drejt arritjes së titullit”, ka deklaruar Raul. 

Lexo më shumë

Ferguson: Jemi në pozitë më të mirë se City

Menaxheri i Manchester United, Sir Alex Ferguson, beson se presioni është i gjithi mbi Manchester Cityn për derbin e të hënës.

“Ne e dimë situatën e saktë ku jemi. Ne jemi në një pozitë më të mirë se Manchester City. Ne mund të nxjerrim dy rezultate, ata mund të nxjerrim vetëm një”.

“Ata duhet të fitojnë. Ne mund të barazojmë ose të fitojmë, megjithëse ju e dini qasjen time dhe qasjen e klubit. Ne do të përpiqemi të fitojmë”, ka thënë Ferguson. 

Lexo më shumë

Chelsea 35 milionë për Higuain

Chelsea është i gatshëm të lansojë një ofertë të majme për sulmuesin e Real Madridit, Gonzalo Higuain.

The Sun shkruan se Blutë janë të gatshëm të ofrojnë deri në 35 milionë funte për ta sjellë argjentinasin në Stamford Bridge.

Chelsea e sheh sulmuesin si zëvendësim ideal për Didier Drogba, i cili pritet të largohet gjatë kësaj vere.

“Higuain është në krye të listës së blerjeve. Ai ka një rekord fenomenal të shënimeve për Realin dhe për Argjentinën, por ai edhe ndihmon të tjerët të shënojnë gola”.

“Ai do të ishte i përkryer për ne, një lloj lojtar i cili do të lulëzojë në Ligën Premier”, ka thënë një burim i brendshëm i Chelseat. 

Lexo më shumë

Arta Dobroshi edhe një herë drejt Kanës

Filmi i ri i Arta Dobroshit, “Trois Mondes”, është pranuar në edicionin e 65-të të Festivalit të Filmit të Kanës.

Aktorja kosovare do ta prezantojë filmin në Kanë së bashku me regjisoren Catherine Corsini nga Franca dhe dy aktorët tjerë te filmit Raphael Personnaz dhe Clotilde Hesme.

Premiera e filmit do të shfaqet në seleksionin “Un certain Regard”.

Arta edhe më herët kishte qenë pjesë e njërit prej festivaleve më të mëdha të filmit me filmin “Heshtja e Lornës”, film i cili fitoi çmimin “Skenari më i Mirë” në edicionin e vitit 2008 të këtij festivali.

Po atë vit aktorja shqiptare ishte e nominuar në kategorinë Aktorja më e Mirë, çmim që u fitua nga aktorja braziliane Sandra Corveloni. 

Lexo më shumë

Luana rikthehet në krahët e Adrianit?

Një nga çiftet më të përfolura të showbizit shqiptar, sidomos për ndarje e ribashkime, Luana Vjollca dhe Adrian Gaxha, duket të jenë kthyer në krahët e njeri tjetrit.

Prezantuesja Luana Vjollca sipas mediave shqiptare, tani ndodhet në Shkup, për të jetuar serish ditë të lumtura me ishin e saj, këngëtarin Adrian Gaxha.

Ditë më parë ishte përfolur për një lidhje të re mes Adrian Gaxhës dhe këngëtares maqedonase Simona Poposka, por që asnjëri nga këta nuk kishte dhënë koment për këtë lidhje. 

Lexo më shumë