Hoxhaj i dërgon telegram homologut japonez

Ministri i Punëve të Jashtme i Republikës së Kosovës, Enver Hoxhaj, i ka dërguar një telegram ministrit të Punëve të Jashtme të Japonisë, Koichiro Gemba, në njëvjetorin e tërmetit dhe cunamit shkatërrues që goditi Japoninë me 11 mars 2011.

Hoxhaj ka shprehur solidaritetin e qytetarëve të Republikës së Kosovës me popullin e Japonisë, me shpresën që pasojat e kësaj katastrofe natyrore të jenë tejkaluar dhe që ngjarje të tilla të mos përsëriten kurrë më në shtetin mik, Japoni.

Në telegram thuhet se populli i Republikës së Kosovës ka bashkëndjerë në çdo moment dhembjen me familjet e viktimave dhe të të lënduarve nga kjo katastrofë natyrore.

Hoxhaj po ashtu ka shprehur konsideratat më të larta për autoritetet japoneze për punën e jashtëzakonshme dhe suksesin e arritur deri më tani në tejkalimin e situatës së krijuar.

Më 11 mars të vitit 2011, Japonia u godit nga një tërmet dhe cunami shkatërrues. Katastrofa shkaktoi humbje të mëdha njerëzore e materiale, si dhe rrjedhje radioaktive në tre reaktorë të energjisë bërthamore në Fukushima. 

Lexo më shumë

Wenger: Kampionatet tjera pranë Ligës Premier

Bosi i Arsenalit, Arsene Wenger, ka pranuar se pjesa tjetër e futbollit evropian i është afruar shumë Ligës Premier sa i përket cilësisë.

Në rast se Chelsea dështon të mposhtë Napolin dhe të shkrijë deficitin prej 3-1 nga ndeshja e parë, atëherë asnjë ekip anglez nuk do të jetë në çerekfinale të Ligës së Kampionëve dhe fat i njëjtë mund të presë edhe Manchester Cityn dhe Manchester Unitedin në Europa League, e që do të përbënte katastrofë për futbollin anglez.

“Shikoni në rezultatet e Manchester Cityt dhe Manchester Unitedit këtë sezon dhe shihni se keni menduar si unë që ata do të shkojnë tutje lehtë. Është e vështirë. Duke gjykuar këtë sezon ne nuk jemi në maje. Ndoshta në Angli secila ndeshje është më e kompletuar, ne vuajmë më shumë në ndeshjet e Ligës së Kampionëve. Këtë sezon nuk shkoi mirë, ndoshta ekipet duhet të rrisin cilësinë e lojës”, u shpreh francezi. 

Lexo më shumë

Van Bommel sërish thërret Van Persien te Milani

Mesfushori i Milanit, Mark Van Bommel edhe njëherë ka lëvduar asin e Arsenalit, Robin Van Persie, duke thënë se ai është lojtar ideal për Milanin dhe top klasi botëror.

Van Bommel është mik i afërt i Van Persiet dhe disa herë ka bërë thirrje që të transferohet në San Siro.

“Ai është top klasi botëror, një prej sulmuesve më të mirë në botë. Ideal për Milanin”, theksoi Van Bommel.

Lexo më shumë

Serbët “luajnë” me EULEX-in, bllokojnë sërish qarkullimin

Disa automjete të EULEX-it janë penguar nga serbët e Zveçanit për të shkuar në vendkalimin kufitar Jarinë, të shtunën në mbrëmje, në vendin e quajtur Dolani.

Sipas mediave serbe, kolona e automjeteve të EULEX-it më pas është kthyer në drejtim të Zubin Potokut, përkatësisht në fshatin Jagnjenicë.

Burimet e njëjta kanë cituar përfaqësuesit e serbëve të Zveçanit të kenë thënë se janë marrë vesh me përfaqësuesit e KFOR-it dhe të EULEX-it, që deri kah mesi i javës që vjen, të lejohet "qarkullimi i përfaqësuesve të EULEX-it vetëm me nga 3 automjete në ditë dhe që në to të mos ndodhen doganierë kosovarë".

Arsyeja e bllokimit, sipas tyre, është se EULEX-i ka pasur më shumë se kaq automjete, të cilat kanë qarkulluar në drejtim të Jarinës, transmeton Rel. Ky bllokim i lëvizjes së lirë të misionit evropian është i katërti me radhë vetëm në ditët e fundit.

Të mërkurën e ardhshme, sipas mediave serbe, duhet të mbahet mbledhja e rregullt e përfaqësuesve të serbëve lokalë dhe të misioneve ndërkombëtare në Kosovë.

Serbët kanë shkaktuar pengesa të qarkullimit të lirë në veri që nga korriku i vitit të kaluar, kur Qeveria e Kosovës ka organizuar aksionin për shtrirjen e autoritetit të saj edhe në këtë pjesë të vendit.

Lexo më shumë

Buja për institucionalizimin e mësimit plotësues në diasporë

Ministri i Arsimit, Shkencës dhe Teknologjisë, Ramë Buja, gjatë qëndrimit në Gjermani është takuar me diasporën shqiptare, ndërsa ka shprehur përkrahjen për institucionalizimin e mësimit plotësues në diasporë.

Në takimet konsultative që po mbahen në Stuttgard të Gjermanisë, me temën "Gjendja aktuale e mësimit plotësues në diasporë dhe hapat për institucionalizimin e tij”, tha se janë bërë përpjekje që shkolla shqipe e mësimit plotësues në diasporë të institucionalizohet.

“Kemi filluar me Zvicrën dhe do të vazhdojmë me vende tjera", tha ministri Buja.

Ministri tha se MASHT tashmë ka nxjerrë Udhëzimin Administrativ për shkollat e mësimit plotësues në gjuhën amtare në diasporë nr.10.2011, ndërkaq sugjeroi që mësimi plotësues që organizohet në diasporë të jetë në përputhje të plotë me legjislacionin përkatës të shtetit ku mbahet mësimi.

Buja përmendi faktin se diaspora e Republikës së Kosovës përfshin së paku një të katërtën e qytetarëve të saj, një pjesë e madhe e të cilëve janë fëmijë dhe të rinj të moshës së arsimit të detyrueshëm.

Ndërkohë, përfaqësues të këshillave të mësimit plotësues në Itali, Suedi, Belgjikë, Austri, Zvicër, Gjermani paraqiten gjendjen aktuale të arsimit shqip në shtetet ku ata jetojnë.

Ndryshe, takimet konsultative me diasporën, që organizohen nga Ministria e Diasporës në bashkëpunim me Konsullatën e Republikës së Kosovës në Stuttgard, i paraprijnë organizimit të një konference kombëtare me temën "Institucionalizimi i arsimit në diasporë", që do të mbahet në Prishtinë. 

Lexo më shumë

I frikësohen Luginës së Preshevës

Lëvizja Vetëvendosje është i vetmi subjekt politik parlamentar në Kosovë, që ka mbështetur Deklaratën Politike, të miratuar nga 66 këshilltarët shqiptarë nga të tria komunat e Luginës së Preshevës, përmes së cilës konfirmohet vullneti politik i shqiptarëve të kësaj lugine për t’u bashkuar me Kosovën.

Partitë tjera parlamentare në Kosovë, të kontaktuara nga “Zëri”, janë shprehur të rezervuara ndaj deklaratës politike të përfaqësuesve të Luginës së Preshevës.

Përfaqësuesit e PDK-së, LDK-së e AAK-së thonë se i kuptojnë kërkesat e shqiptarëve të Luginës së Preshevës, shkaku i diskriminimit, por sipas tyre, lëvizja e kufijve nuk është zgjidhje.

Ndonëse nuk e përkrahin vullnetin politik të shqiptarëve të Luginës së Preshevës për bashkimin e tyre me Kosovën, ata janë pro një bashkëpunimi më të thellë ndërmjet përfaqësuesve politikë të Luginës së Preshevës me institucionet e Kosovës. 

Lexo më shumë

Dilema për zgjedhjet

Thirrjet kundër organizimit të zgjedhjeve serbe në Kosovë po përsëriten çdo ditë. Serbia megjithatë pritet të marrë një vendim për këtë çështje, gjatë javës së ardhshme. Oliver Ivanovic thotë se zgjedhjet pa përkrahje ndërkombëtare vështirë se do të kenë sukses. Por ai vlerëson se zgjidhjen për këtë duhet kërkuar në Kushtetutën e Serbisë dhe në Rezolutën 1244.

Pavarësisht deklaratave të ndërkombëtarëve, përfaqësuesi i Qeverisë serbe në Kosovë, Oliver Ivanovic thotë se vendimi për mbajtjen e zgjedhjeve ose jo do të merret javën e ardhshme në Beograd.

Por, Ivanovic nuk është shprehur i sigurt nëse votimet serbe mund të mbahen pa mbështetjen e ndërkombëtareve. “Nuk jam optimist nëse nuk e kemi përkrahjen ndërkombëtare, sepse teknikisht është shumë vështirë të zhvillohen zgjedhjet”, ka thënë Ivanovic për Express.

Ai ka pohuar se vendimi i autoriteteve serbe do të bazohet në Kushtetutën e Serbisë dhe në Rezolutën 1244.

Kushtetuta e Serbisë e parasheh Kosovën pjesë të territorit serb, ndërsa Rezoluta 1244 i kërkon Serbisë të mos ketë kurrfarë institucionesh në Kosovë.

“Vendimi duhet të bazohet në Kushtetutën e Serbisë, së pari, e gjithashtu duhet të merret parasysh edhe Rezoluta 1244. Kuptohet, gjithmonë po e tërheq vërejtjen tek ata që e marrin vendimin, se vendimi i tyre duhet të marrë parasysh edhe çështjet teknike deri diku, sikurse edhe situatën politike. Sepse dihet se pa pas marrëveshje me UNMIK-un, ose me misionet ndërkombëtare në Kosovë, nuk ma merr mendja që kemi mundësi të organizojmë zgjedhje në mënyrë të suksesshme”, ka shtuar Ivanovic.

Ndryshe, një ditë më parë, lehtësuesi i BE-së në dialogun Kosovë – Serbi, Robert Cooper ka kërkuar nga të dyja palët të përgatiten për të biseduar për të gjetur një zgjidhje politike për Veriun e Kosovës. Ka thënë se për të arritur një marrëveshje mes palëve, duhet të përfshihen nivele të larta të vendimmarrjes në Prishtinë dhe Beograd.

Kjo deklaratë e Cooperit është mirëpritur nga Oliver Ivanovic.“E përkrah mendimin e Cooperit se duhet të ketë njëfarë nivel tjetër, jo teknik, siç ka qenë deri më tash, po të ketë gjithashtu edhe delegacione që e kanë legjitimitetin prej zgjedhjeve. Në këtë moment e kemi Qeverinë e Serbisë në fund të mandatit, edhe kemi Qeverinë e Prishtinës shumë të dobët që mund të bjerë çdo ditë”, ka thënë ai.

Por, zyrtarët e Qeverisë së Kosovës vazhdimisht kanë mohuar mundësinë që Prishtina të bisedojë me Beogradin për çështjen e Veriut. Vazhdimisht e kanë përmendur si zgjidhje për ketë pjesë Planin e Ahtisaarit.

Megjithëkëtë, Ivanovic thotë se sikur Prishtina, ashtu edhe Brukseli, e ka kuptuar se problemi i Veriut ekziston dhe duhet adresuar.

“Cooper ka nënvizuar se problemi i Veriut ekziston edhe ka nënvizuar diçka tjetër që duhet të merremi vesh, se ndryshe s`bën. Me akte të njëanshme sikur deklarata e pavarësisë, nuk kryhet puna”, ka deklaruar Ivanovic.

Pjesa veriore e Kosovës vazhdon të mos menaxhohet nga institucionet e Kosovës, derisa atje funksionojnë të gjithë mekanizmat shtetërorë të Serbisë.

Në korrik të vitit të kaluar, Qeveria e Kosovës kishte marrë një aksion policor për të shtrirë autoritetin në dy pikat doganore, por se ishte ballafaquar me kundërshtimin e banorëve lokalë. Prej asaj kohe, rrugët e Zubin Potokut, të Leposaviqit dhe të Zveçanit mbesin të pakalueshme edhe për institucionet ndërkombëtare.

Së fundmi, EULEX-i dhe KFOR-i po negociojnë marrëveshje me serbët lokalë për t`ua mundësuar atyre lëvizjen nëpër rrugët e komunave veriore. 

Lexo më shumë

Një vit dialog, një raportim në Kuvend

Shefja e delegacionit të Kosovës për dialogun me Serbinë, Edita Tahiri, e ka shpërfillur Rezolutën e Kuvendit të Kosovës, e cila e obligon atë që të raportojë para Komisionit për Punë të Jashtme mbi rrjedhat e këtij dialogu, sa herë që të ftohet në Kuvend.

Më 10 mars është bërë një vit që kur është miratuar kjo rezolutë dhe gjatë këtyre 12 muajve ajo është paraqitur para komisionit funksional vetëm një herë. E ftesa për raportim ka pranuar më shumë se tri. Edhe më keq, ajo është sjellë në raport me Kuvendin si institucion, shkruan “Koha Ditore.

Sipas gazetës, ndonëse është dashur të raportonte në seancë plenare, ajo se ka bërë asnjëherë këtë gjë. Në pikën 6 të Rezolutës për dialogun mes Republikës së Kosovës dhe Republikës së Serbisë shprehimisht thuhet: “I/e emëruari nga kryeministri udhëheqës i delegacionit të Republikës së Kosovës për dialogun me Republikën e Serbisë do të informojë në baza të rregullta Komisionin për Politikë të Jashtme dhe komisionet e tjera përkatëse të Kuvendit të Kosovës dhe do të raportojë edhe në seancë plenare të Kuvendit të Kosovës”.

Komisioni për Punë të Jashtme ka planifikuar që gjatë marsit ta thërrasë sërish në “bisedë informative”, por ajo nuk ka dhënë shenja se do t’i përgjigjej një ftese të tillë.

Shefes së ekipit negociator vendës i është kërkuar që ta marrë me vete edhe tekstin origjinal të marrëveshjes për prezantimin e Kosovës në nismat rajonale bashkë me përkthimin zyrtar të atij teksti. 

Lexo më shumë

Debat për Azem Sylën

Parlamenti i Zvicrës do të diskutojë të martën rreth rastit të Azem Sylës. Një deputet zviceran ka kërkuar sqarime rreth mashtrimeve të cilat Zvicra pretendon se i ka bërë Syla ndaj këtij shteti. E, deputeti kosovar e ka ndërmend t`i padisë gjykatat dhe mediat zvicerane për prishje të imazhit.

Emri i Azem Sylës ka arritur deri në Parlamentin zviceran. Këtë të martë, deputetët e Zvicrës do të diskutojnë rreth rastit të deputetit kosovar, të cilin ata e quajnë mashtrues. Zhvillimet e fundit si dhe informacionet e njëpasnjëshme mbi Azem Sylën tash kanë arritur që të jenë në rend dite në Parlamentin e Zvicrës, njofton “Express”.

E ai që ka bërë disa pyetje rreth çështjes së Sylës, është Walter Wobman, deputet i Partisë Popullore zvicerane, nga kantoni i Soloturn. Ai të martën do t’iu drejtohet deputetëve të tjerë, duke kërkuar nga ata që të zbardhin të gjitha mashtrimet dhe sjelljet që, sipas tij, ka bërë Azem Syla ndaj shtetit zviceran.

Duke u bazuar në një shkrim të mëhershëm të së përditshmes zvicerane, "Sonntags-Zeitung", ku thuhej se ish-komandanti i UÇK-së, Azem Syla u mbështet financiarisht nga Zvicra për më shumë se 16 vjet, e i cili pavarësisht se është deputet i Parlamentit të Kosovës, vazhdon të kërkojë mbështetje edhe sot, Wobman ka përgatitur dy pyetje, të cilat do t’i parashtrojë në rend dite të martën, si pyetje parlamentare.

“Si e lejon Zyra Federale një njeri që të lejojë këso abuzime të hapura, pa i sanksionuar, dhe cilat janë sanksionet që duhet aplikuar për këso abuzimesh”, janë pyetjet e Wobmanit, të cilat Parlamenti i ka pranuar si temë e rendit të ditës që do të shqyrtohen të martën.

E për ta quajtur mashtrues të shtetit, Sylën, Wobman iu është referuar disa shkrimeve, në të cilat thuhej se deputeti kosovar kishte kërkuar azil nga Entet zvicerane në vitin 1994, ku edhe iu pranua, por ai nuk punonte, duke marrë kështu ndihmë sociale vite me radhë. Nga kjo ndihmë sociale, thuhet se Azem Syla ka përfituar nga Zvicra 426 mijë euro. Për krejt këtë punë, Sylës i është anuluar Viza C, të cilën ai e posedonte qysh para luftës.

“Express” ka tentuar që gjatë gjithë ditës së shtunë të kontaktojë me Sylën nëpërmjet telefonit, por diçka e tillë ishte e pamundur. 

Lexo më shumë

Borg Oliver: Dialogu në favor të Serbisë

Dialogu mes Serbisë dhe Kosovës, i ciki ka mbushur një vit prej se ka filluar me ndërmjetësimin e Bashkimit Evropian në Bruksel, është zhvilluar për të ndihmuar Serbinë dhe në këtë rast ka dëmtuar Kosovën, vlerëson Alexander Borg Oliver.

Oliver, i cili vepron në Kosovë që nga tetori i vitit 2000, në një intervistë për “Zërin”, sqaron se ka qenë pjesë e shumicës së proceseve në Kosovën e pasluftës dhe gjërat sipas tij, nuk ishin menduar se do të jenë ashtu siç janë sot.

Njëri nga përpiluesit e Kornizës kushtetuese të Kosovës, si pjesë e stafit të UNMIK-ut dhe më pas këshilltar te kryeministri Hashim Thaçi, thotë se dialogu në Bruksel është kryekëput politik dhe jo siç ka pretenduar Prishtina zyrtare se po ulet me Serbinë në bisedime për të zhvilluar dialog teknik.

Borg Oliver e cilëson Serbinë në avantazh karshi Kosovës. Ai thotë se pala kosovare është ajo e cila qysh në fillim ka pranuar presionin nga të huajt dhe ka pranuar gjëra të cilat nuk është dashur të pranohen.

“Unë mendoj se dialogu i është imponuar Kosovës dhe gjithmonë kam menduar se nëse do të ketë dialog, ai dialog nuk duhet të jetë politik dhe për çështje politike. Dhe na pozicioni i Kosovës është dashur të ketë qëndrim të qartë se nuk do të hyjmë në dialog politik dhe kur ulemi në tavolinë, do të ulemi të barabartë. Mendoj se Kosova nuk ka qenë shumë e gatshme që të hyjë në dialog, por ka pasur presione”, vlerëson Borg Oliver, i cili në Prishtinë, tashmë ushtron pozitën e avokatit të licencuar në Odën e Avokatëve të Kosovës.

“Mendoj se Kosova nuk është dashur të mbetet kaq prapa kur dihet se shtetet tjera, siç janë: Shqipëria, Bosnja etj, kanë përfituar. Unë mendoj se BE-ja ka përgjegjësi në Kosovë, ndërsa tani është duke bërë gabim pasi që rinia nuk guxon të lihet e frustruar dhe e zhgënjyer përgjithmonë”, tha ai.

Edhe pse sipas tij ka pasur presione për dialog, ai thotë se ka pasur opsione në këtë çështje.

“...Por, ka pasur opsione edhe në këtë çështje. Ndonjëherë një lider politik duhet të thotë jo, edhe nëse ajo jo, do të nënkuptonte që ai nuk do të jetë më në pushtet”, vlerësoi Borg Oliver. 

Lexo më shumë

Higuain nuk flet për të ardhmen

Sulmuesi i Real Madridit, Gonzalo Higuain, ka thënë se ai plotësisht do t’i përkushtohet ekipit nga Santiago Bernabeu dhe do të refuzojë të flasë për të ardhmen deri në fund të sezonit.

“Tani për tani unë nuk do të flas për të ardhmen time dhe unë do të përkushtohen në muajt e ardhshëm ndaj Real Madridit. Unë do të tentoj të bëj punën time dhe të ndihmoj ekipin”.

“Ishte ndeshje shumë e vështirë, por ne fituam dhe vazhdojmë të mbajmë diferencën të lartë me Barcelonën”, tha Higuain.

Lexo më shumë

Ferguson në Francë për Hazard

Menaxheri i Manchester United, Sir Alex Ferguson, është parë në tribunat e stadiumit Stade Gerland, në ndeshjen e kampionatit të Francës, Lyon – Lille, ku skocezi besohet se u fokusua në talentin Eden Hazard.

21 vjeçari Hazard është lidhur me një numër skuadrash të mëdha evropiane, duke përfshirë edhe Chelsean, Arsenalin, Real Madridin dhe Barcelonën, ndërsa tani Djajtë e Kuq duket se janë në pole pozicion për belgun.

Dhe i pyetur pas golit të Lisandro Lopez, se nëse e din që Ferguson është në tribuna, Hazard tha: “Nuk e di që ai është këtu. Ndoshta ai është i lodhur”.

Lexo më shumë

Mourinho: Nuk i fsheh gabimet sikur Guardiola

Trajneri i Real Madridit, Jose Mourinho, i është përgjigjur rivalit të tij të përbetuar, Pep Guardiola, duke i thënë këtij të fundit se ai është i vetdishëm për gabimet e tij.

Të dy strategët janë përfshirë në një luftë të ashpër mediatike duke eskaluar në kritika personale, kur Guardiola e cilësoi Mourinhon si turp për klubin madrilen dhe si njeri pervers. Sidoqoftë, Mourinho nuk ishte aq i përqëndruar në fitoren ndaj Betisit sa për t’ia kthyer përgjigjen Guardiolës.

“Për mua, toni i Guardiolës ishte normal. Çfarë mund të them është se jam përplot me defekte ashtu sikurse dinë të gjithë. Unë kam zgjedhur që të mos i fsheh gabimet e mia. Si njeri jo i përkryer që jam, nëse e shoh diçka që nuk më pëlqen, atëherë e shprehi. Të tjerët shfrytëzojnë një palë të tretë për të shprehur atë që mendojnë”, u shpreh Mourinho.

Portugezi nuk la pa e përshëndetur as gjqytarin Eduardo Iturralde që e zëvëndësoi gjyqtarin kryesor nga fillimi Iturralde Gonzalez, i cili u lëndua. Sipas Mourinhos, Eduardo shfaqi performancë fantastike duke bërë që ndeshja të ishte jashtëzakonisht e bukur pa e ndërprerë atë njëqind herë. 

Lexo më shumë

De Rossi: Duam të gjitha fitore

Mesfushori i Romës, Daniele De Rossi, ka thënë se Roma do të mundohet që të fitojë çdo ndeshje të mbetur këtë sezon në Serie A.

“Kanë mbetur edhe shumë ndeshje për t’u luajtur dhe ne duhet të tentojmë t’i fitojmë sa më shumë ndeshje që është e mundur. Vetëm në këtë mënyrë mund të ngritemi në tabelë. Është e vështirë, por jo e pamundur”.

“Ishe paraqitje e mirë ndaj Palermos, sidomos në pjesën e parë dhe gjatë fundit të takimit ne vuajtëm, por kjo ishte e pritur. Nëse nuk jeni të kujdesshëm, gjithmonë do të vuani, pa marrë parasysh se kush është trajneri juaj”, tha De Rossi.

Lexo më shumë

Ramires: Mund ta përmbysim Napolin

Mesfushori i Chelseat, Ramires, është i bindur se Chelsea mund të kualifikohet tutje në Ligën e Kampionëve, përkundër faktit se në ndeshjen e parë Blutë pësuan humbje.

“Ne kemi pasur mundësitë për të shënuar në Napoli, por nuk arritëm, ndërsa tani duhet të shfrytëzojmë rastet tona në shtëpi. Mendoj se në dhjetor, kur ne fituam ndeshjet ndaj Neëcastle, Valencias dhe Manchester Cityt shfaqëm paraqitje të përkryera”.

“Nuk mendoj se është e vështirë të shënojmë dy gola, ndoshta edhe më shumë, kështu që kjo na bën të kemi besim për të kaluar tutje”, tha Ramires.

Lexo më shumë

Podolski: Nuk kam nënshkruar me Arsenalin

Sulmuesi i Kolnit, Lukas Podolski, ka hedhur poshtë sugjerimet se ai ka arritur marrëveshje me Arsenalin për t’u transferuar në Emirates gjatë verës.

Spekulimet të mërkurën e kanë lidhur 26 vjeçarin me një kalim në Emirates, pasi ishte menduar se është arritur marrëveshja për kontratën e futbollistit. Sidoqoftë, vet Podolski mohon të ketë arritur akordin.

“Për dallim prej spekulimeve ditëve të kaluara, asgjë nuk është vendosur ende. Nëse do të kishte diçka për të treguar, do ta bëja”, tha Podolski. 

Lexo më shumë

Klopp: Nuk brengosem për barazimin

Trajneri i Dortmundit, Jurgen Klopp, nuk merakoset fare për barazimin e ekipit të tij ndaj Augsburgut, pasi e ka ditur se ecurisë së suksesshme të fitoreve një ditë do t’u vijë fundi.

“Ne është dashur të punojmë me zell dhe me fat kemi mundur të fitojmë. Sidoqoftë, ne nuk kemi fituar më shumë se një pikë”.

“Augsburg luftoi, por pa marrë parasysh kësaj, ne nuk kemi humbur në 19 ndeshjet e fundit”, u shpreh Klopp. 

Lexo më shumë

Reja: Mund ta vendosim titullin

Trajneri i Lazios, Edy Reja, ka pranuar se përderisa Milani dhe Juventusi janë më të fortë se skuadra e tij, janë megjithatë djemt e tij ata që mund të vendosin luftën për titull këtë sezon.

“Është e vërtetë se nuk jemi larg nga skuadrat lidere në tabelë, por ne do të shohim se si gjërat shkojnë me lëndimet. Milani dhe Juventusi janë superiorë, por nëse kthehen lojtarët e lënduar, atëherë mund të kemi fjalën e fundit”.

“Në të njëjtën kohë, duhet të jemi realistë, pasi në aspektine fuqisë nuk mund të konkurrojmë me ato dy ekipe. Do të ishte i kënaqshëm kualifikimi në Ligën e Kampionëve. Jam i bindur se Napoli dhe Interi do të luftojnë deri në fund me ne për këtë pozitë”, u shpreh Reja. 

Lexo më shumë

Elvana humb në peshë për Dancing With The Stars

Këngëtarja Elvana Gjata ka vendosur që t’i dedikohet garës në “Dancing With The Stars”, duke lënë dhe koncertet për t’u përgatitur sa më mirë për spektaklin e madh.

Bukuroshja është kujdesur që të hyjë në spektakël në formë sa më të mirë, duke hequr fillimisht 5 kg nga pesha.

Femrat tjera që do të marrin pjesë në spektaklin e madh “Dancing With The Stars” janë edhe Afërdita Dreshaj, Adelina Tahiri, Ornela Bregu, Anjeza Maja, Zhaku dhe Niada Saliasi. 

Lexo më shumë

BBA: Sërish godet Petriti, kritikon banorët

Një prej banorëve më kontravers në të gjitha pesë edicionet e Big Brother Albania, Petriti, edhe njëherë ka vënë nën snajperin e tij zgjedhjet e bëra nga producentët e Big Brother Albania 5, duke thënë se asnjë prej vajzave brenda nuk e tërheq atë.

I pyetur nga Panorama se pse mendon se djemt në shtëpi janë shumica ‘homo’, Petriti tha se ai ka thënë se janë ‘pedera’ dhe për të ky kuptim ka ardhur si pasojë e sjelljeve të tyre, stilit të veshjes, injorancës dhe mënryës së komunikimit.

Për më tepër Petriti nuk la pa folur as për femrat dhe përkundër faktit se njihet si një prej atyre djemve që vazhdimisht përfliten për lidhjet, dizajneri nga Prishtina është mjaft kritik.

“Kam thënë për meshkujt se janë pedera, sepse mendoj se nuk është në natyrën e shqiptarit që të hiqen vetullat. Femrat? Femrat janë katastrofë në përgjithësi, mund të them se më pëlqen Klaudia, më duket tip interesant dhe shumë e sinqertë, së paku më tërheq dhe seksualisht. Edhe Ermira po më duket tip interesant, por nuk arrita ta njoh”, theksoi Petriti.

Lexo më shumë

BBA: Largohet Elvisi, Arbri i nominuar

Është larguar nga reality shou Big Brother Albania 5, Elvisi, konkurrenti nga Gjakova, i cili nuk arriti ti bëjë ballë nominimit me dy femra.

I njohur për qëndrimin e tij stoik dhe tipik aristokrat, Elvisi doli nga shtëpia më e madhe në Shqipëri, ku e priti e dashura e tij e që e bëri largimin një ‘happy end’ tipik.

Nga ana tjetër, në nominim për këtë javë është banori tjetër mjaft energjik nga Prishtina, Arbri, që do të ketë punë të vështirë për të qëndruar në shtëpi, pasi me të të nominuar janë edhe Doloreza, Klaudja dhe i cilësuari si favoriti më i madh për të fituar çmimin e madh, Liami.

Lexo më shumë

Lumturia ekziston dhe është e matshme

Studimet tregojnë se 90% e francezëve, 50% e anglezëve, dhe 42% e amerikanëve, deklarojnë se janë të lumtur për jetën që bëjnë. Përveç këtyre statistikave mund të thuhet se edhe shkenca e pohon që lumturia ekziston.

Studimet më të fundit shkencore kanë vërtetuar hipotezën se emocionet pozitive përkthehen në një rritje të aktivitetit neutral në lobin prefrontal të majtë, (pjesa përkatëse e kores së trurit nën anën e majtë të ballit), gjë kjo lehtësisht e matshme përmes instrumenteve përkatëse.

Lumturia, ose të paktën ideja e lumturisë, është e domosdoshme për të jetuar. Kur jetohet një moment i bukur, ritmi kardiak zvogëlohet, kimia e trupit dhe sistemi imunitar përmirësohen. Kush është i lumtur ka më shumë imunitet ndaj sëmundjeve.

Lumturia pra është një impuls jetësor, që na bën mirë e na motivon për të bërë përpara. 

Lexo më shumë

Mbani në formë venat me gjimnastikë

Një krevat, një mur? Shumë mirë, atëherë përveshuni punës dhe mbani në formë venat me gjimnastikë.

1. Hapi përpara forcon muskulaturën e pulpës së këmbës. Nga pozicioni drejt, bëni një hap përpara me këmbën e djathtë. Më pas përthyeni lehtë gjurin dhe shtyni thembrën e majtë në drejtim të dyshemesë. Përsëriteni ushtrimin edhe me këmbën tjetër. Pesë herë për çdo këmbë.

2. Rrotullimi i thembrës forcon shputën e këmbës si dhe pulpën e këmbës. Ngrin thembrën e këmbës së djathtë maksimalisht nga dyshemeja, rrotulloni në drejtimin për jashtë dhe më pas uleni atë. Kryejeni këtë lëvizje më pas në drejtimin e kundërt. përsëriteni ushtrimin pesë herë, e më pas e ka radhën këmba tjetër.

3. Shtrirja e kofshës stimulon qarkullimin e gjakut në këmbë. Qëndroni me një këmbë, mbani drejtpeshimin e trupit duke u mbështetur në mur. Tani kapni me dorën e djathtë këmbën e djathtë (si në foton ilustruese) dhe tërhiqni këmbën pas lart. Gjithsej pesë herë. Së fundi, përsëriteni ushtrimin me këmbën tjetër.

4. Shtrini pjesën e poshtme të këmbës: mbani ekuilibrin e trupit duke u mbështetur në një karrige apo kolltuk me dorën e majtë. Ngrini këmbën e djathtë mbi krevat ose tek mbështetësja e krevatit. Këmba qëndron e tensionuar, për disa sekonda dhe pastaj uleni poshtë. Përsëriteni ushtrimin tre herë. Pastaj me këmbën tjetër.

Lexo më shumë

Arnat e shpejta për Chrome

Google publikoi se për lëshimin për të cilin në kuadër të garës Pwnium ia pagoi Sergey Glazunovit 60,000 dollarë qysh tani është riparuar në versionin e fundit të Chrome.

Më pak se 24 orë pasi që Glazunov u bë fituesi i parë i shpërblimit prej 60,000 dollarë për zbulimin e lëshimit i cili mundëson marrjen e kontrollit të plotë mbi kompjuterin e shfrytëzuesit, Google publikoi arnën e cila është distribuuar në mënyrë automatike për pjesën më të madhe të shfrytëzuesve të Chromeit.

Gjithashtu janë korrigjuar lëshimet e publikuara në evenimentin Pwn2Own 2012. Në të vërtetë jo të gjithë vrapuan pas shpërblimeve që ofroi Google, kështu kompania VUPEN, e cila merret me kërkimin e lëshimeve të sigurisë dhe shitjen e tyre tek klientët pranë organizatave qeveritare, në evenimentin Pwn2Own 2012 publikoi se ka shfrytëzuar dy lëshime në Chrome për të marrë kontrollin mbi sistemin e bazuar në Windows 7. Në Google kanë shfaqur dëshpërimin për një sjellje të këtill, respektivishtmendojnë se është mbare që kompania të fitoj me zbulimin e një lëshimi, të cilin pastaj e mban në fshehtësi dhe ia shet organizatave qeveritare.

Në Google theksojnë se ende nuk do të publikojnë natyrën e lëshimit të cilin e zbuloi Glazunov. Në të vërtetë presin derisa pjesa më e madhe e shfrytëzuesve të kryej mbindërtimin në versionin më të ri të Chrome. Për momentin lëshimi vetëm është emërtuar “Critical CVE-2011-304G: OXSS and bad histori navigation”. 

Lexo më shumë

Fikja e qirinjve – momenti problematik në ditëlindje! (Video)

Problemi kryesor i fëmijëve gjatë festave të ditëlindjeve është se si t’i fikin qirinjtë në mënyrë që sa më shpejtë të arrijnë te torta dhe hapja e dhuratave.

Mirëpo, për fatin e tyre të keq, fikja e qirinjve nuk është punë e lehtë kur i mbushin dy apo tre vjet. 

Lexo më shumë

E varur nga benzina (Video)

Mjekët thonë se madje vetëm marrja e aromës së benzinës nuk është e shëndetshme, ndërsa një vajzë e pi atë për kënaqësi.

Vajza me emrin Shannon është shfaqur në një emision të quajtur “Vartësitë e mia të çuditshme” me një kovë me benzinë me vete dhe ka treguar shijen e saj.

“Fillimisht më shtrëngon, ndërsa më pas më djeg fytin. Edhe pse më dhemb, ndjehem mirë”, ka thënë Shannon, e cila çdo ditë pi rreth 12 lugë benzinë.

Nëna e saj thotë se në fillim nuk ka besuar kur ka dëgjuar që vajza e saj pi benzinë, mirëpo këtë e kishte kuptuar nga era e gojës së saj.

Sipas llogaritjeve, vajza vetëm gjatë vitit të kaluar ka pirë rreth 19 litra benzinë.

Ndryshe, pirja e benzinës mund të shkaktojë djegie, vjellje, diarre, ndërsa nëse konsumohet në sasi të madhe mund të pasojë edhe vdekja.

 

Lexo më shumë