Nuk bëhet shaka me policet kineze

Një modele kineze është dënuar me nëntë muaj burg pasi ka postuar në internet fotografi të sajat, në të cilat duket si një police seksi. Top-Channel njofton se Wang Xiomeng ka pozuar për një reklamë të një romani policie, mirëpo kjo gjë i ka shkaktuar shumë telashe. Në njërën nga fotografitë, 23-vjeçarja shihet e ulur në shtrat duke veshur getat me një kapele policie në kokë. Në një tjetër fotografi, ajo pozon me bluzën e policisë të zbërthyer duke treguar në këtë mënyrë dekoltenë. Wang i ka postuar fotografitë në një blog, ndërsa pas disa ankesave, zyrtarët qeveritarë e urdhëruan policinë ta arrestonte atë me motivin e “personifikimit të rremë të një agjenteje policie”.

Lexo më shumë

Nuk është më shtëpia në mes të rrugës

Ju kujtohet shtëpia në mes të rrugës në provincën kineze Zhejiang? Nuk është më! Të moshuarit kokëfortë janë dorëzuar përballë autoriteteve duke lejuar prishjen e banesës së tyre që ngrihej në mes të një autostrade. Javë më parë, shtëpia u bë sensacion pasi qëndronte e vetmuar në mes të një rruge, pasi çifti që jetonte aty kishte refuzuar të nënshkruante një marrëveshje me autoritetet dhe ndërtuesit e autostradës për të prishur banesën e tyre katërkatëshe. Megjithatë, kjo nuk pengoi ndërtimin e rrugës dhe banesa përfundoi në mes të saj, e rrethuar totalisht nga asfalti. Meqenëse ishin vënë përballë faktit të kryer, pronarët e banesës u dorëzuan duke pranuar prishjen e banesës.

Lexo më shumë

Bleona refuzoi Ritën?

Këngëtarja që jeton në SHBA, Bleona Qereti, ka qenë e pranishme në koncertin e organizuar me rastin e 100-vjetorit të Pavarësisë në kryeqytetin e Shqipërisë, edhe pse performanca e saj nuk është shfaqur në televizion. Gazeta Shqiptarja njofton se pas arritjes së të famshmes Rita Ora dhe Bleonës në Tiranë, dy këngëtaret do të drekonin së bashku, por kjo drekë nuk është realizuar. Arsyeja se pse dy artistet nuk janë takuar ka qenë refuzimi i drekës nga ana e Qeretit, madje thuhet se ato nuk kanë komunikuar as pas koncertit, ku kanë perfomuar pas njëra-tjetrës. Bleona ka kënduar në gjuhën shqipe, ndonëse transmetimi i koncertit është ndërprerë menjëherë pas ikjes së Ritës, duke mos e transmetuar performancën e Bleonës.

Lexo më shumë

Miller, e prekur nga lindja e vajzës

Aktorja dhe këngëtarja, Sienna Miller, do të pëlqente që ta përjetonte përsëri ditën kur solli në jetë vajzën e saj. Në korrik të këtij viti, 30-vjeçarja lindi vajzën Marlowe, ndërsa në një intervistë për Harper’s Bazar ka thënë se ai moment ia ka ndryshuar mënyrën e të menduarit. “Është gjë e jashtëzakonshme, fakti që në barkun tuaj rritni një jetë, se te ju është krijuar secila pjesë e fëmijës... Është gjëja më e bukur në botë. Do ta kisha bërë edhe një milionë herë”, ka thënë Miller.

Lexo më shumë

Kim dëshiron martesë mbretërore

Kim Kardashian besohet se ka filluar të planifikojë martesën me reperin Kanye West dhe po inspirohet nga madhështia e martesës mbretërore britanike të Princ William dhe Kate Middleton. Edhe pse Kim ligjërisht është ende e martuar me Kris Humphries, ajo besohet se tashmë po planifikon martesën me të dashurin, Kanye West dhe dëshiron një ngjarje të madhe angleze për të rivalizuar martesën e princeshës britanike, Kate Middleton. “Kim do të dëshironte që të martohej në Westminster Abbey sikur William dhe Kate, por kjo nuk do të jetë e mundur. Në vend të kësaj, ajo po kërkon një kështjellë në Londër. Ajo dëshiron martesën më spektakolare dhe po flet që të ketë mysafirë si Rita Ora, Jay-Z, Beyonce, Eva Longoria, Lindsay Lohan dhe Katy Perry – tipike për një martesë mbretërore”, ka thënë një burim.

Lexo më shumë

Benitez: Nuk është fajtor vetëm Torresi

Trajneri i Chelseat, Rafa Benitez, ka refuzuar ta fajësojë Fernando Torresin për humbjen prej 3-1 ndaj West Hamit në Upton Park. Strategu spanjoll thotë se Torres nuk është fajtori i vetëm për mosefikasitetin e skuadrës në fazën ofensive. Mysafirët kaluan të parët në epërsi me anë të Juan Matas, mirëpo vendasit e përmbysën rezultatin duke shënuar tri herë. “Të gjithë e dinë se futbolli është një lojë me dy pjesë. Në pjesën e parë kemi mundur të shënojmë dy ose tre gola”. “”Duhet t’i shfrytëzosh rastet, sepse kur nuk i shfrytëzon, gjithçka mund të ndryshojë dhe pikërisht kjo ndodhi”. “E gjithë skuadra humbi raste, edhe lojtarët tjerë huqën – jo vetëm Fernando”, u ka thënë Benitez gazetarëve.

Lexo më shumë

Ndalet City, avancon Tottenhami

Manchester City ka luajtur baras, 1-1, kundër Evertonit në takimin e zhvilluar të shtunën në Etihad Stadium. Të parët kaluan në epërsi mysafirët me anë të Marouane Fellaini (33’). Vendasit fituan një penalti pas një ndërhyrjeje në Edin Dzekon, ndërsa Carlos Tevez ishte i saktë nga pika e bardhë (43’). Kjo pikë e fituar e pozicionon Manchester Cityn në krye të tabelës me pikë të barabarta me Manchester Unitedin, mirëpo me fitore eventuale kundër Readingut, Djajtë e Kuq do të distancohen tri pikë. Ndërkaq, Tottenhami ka fituar me rezultat 3-0 si mysafir i Fulhamit, me golat e Sandro (56’) dhe Jermain Defoe (72’ dhe 77’). Tottenham Hotspur është në pozitën e katërt në tabelë, me pikë të barabarta me Chelsean që gjendet një vend më lartë dhe West Bromwich Albionin që gjendet një pozitë më poshtë.

Lexo më shumë

Fiton Liverpooli, mposhtet Arsenali

Ka mjaftuar një gol që Liverpooli ta mposhtë Southamptonin për t’iu kthyer fitores në Ligën Premier. Pas një gjuajtje të lirë të Suarez, Glen Johnson e mori topin dhe harkoi në drejtim të Daniel Agger, i cili e shënoi golin e merituar (43’).

Në gjysmën e dytë, nuk pati gola, ashtu që Redsat më në fund i gëzuan tifozët në Anfield. Nga ana tjetër, Arsenali ka pësuar dy herë në fund të takimit të zhvilluar në Emirates kundër Swansea Cityt.

Ëndrra e keqe e Topçinjve ishte Michu, i cili me dy golat e tij (88’ dhe 90’+3), ia siguroi tri pikë skuadrës mysafire. Pas xhiros së 15-të, Arsenali pozicionohet në vendin e dhjetë në tabelë, ndërsa Liverpooli gjendet një pozitë më poshtë me dy pikë më pak.

Lexo më shumë

Behrami dëshiron titullin e Serie A

Mesfushori i Napolit, Valon Behrami, është duke zhvilluar stinorin më të mirë të karrierës së tij, ndërsa mendon se skuadra e tij është në garë për ta fituar kampionatin. Mesfushori shqiptar me pasaportë zvicerane është në rrugë të mirë që ta fitojë një titull të madh në karrierën e tij, atë të Serie A. Megjithatë, ai thotë se konkurrenca është e fortë dhe se përveç Juventusit, ata duhet të kenë kujdes edhe nga skuadrat tjera. “Gara nuk është vetëm mes Juventusit dhe Napolit. Fiorentina është duke luajtur shumë mirë, ndërsa aty janë edhe Interi dhe Lazio gjithashtu. Kampionati është i hapur dhe nuk është vetëm një skuadër që mund ta rivalizojë Juventusin”. ”Vazhdimësia do të bëjë diferencën këtë stinor”, ka deklaruar Behrami për Sky Sport Italia.

Lexo më shumë

Ujkani duhet të jetë titullar te Palermo

Portieri Legjendar i Italisë dhe i Interit, Gianluca Pagliuca, ka treguar përkrahjen e tij për portierin kosovar të Palermos, Samir Ujkanin. Gjatë një interviste për Radio Palermo, Pagliuca ka thënë se Ujkani e meriton të luajë titullar për skuadrën sicilianë, para Francesco Benussit. ”Unë e kam përcjellë me interesim të madh paraqitjen e Samir Ujkanit dhe deri tani ai më ka bërë të shikoj disa gjëra interesante”. “Francesco Benussi ka pasur një paraqitje të mirë me Catanian, por unë pres një rikthim të shqiptarit në portën e Palermos të dielën”, është shprehur Pagliuca. Ujkani nuk u paraqit në ndeshjen kundër Catanias për shkak të një kartoni të kuq që e mori gjatë një ndërhyrje të palejueshme kundër Gilardinos në ndeshjen kundër Bolognas.

Lexo më shumë

Mourinho: Nuk kam kohë për Topin e Artë

Trajneri portugez, Jose Mourinho, ka thënë se ai nuk ka kohë që të mendojë për Topin e Artë, pasi ka shumë ndeshje të rëndësishme me ekipin e tij para vetes. Mourinho është nominuar ndër tre finalistët për të fituar çmimin e trajnerit më të mirë të vitit bashk me Pep Guardiolën dhe Vicente del Bosquen, por portugezi thotë se ai nuk ka kohë të mendojë për çmimin. “Unë nuk kam kohë të mendoj për këtë. Guardiola ka kohë pasi ai është duke pushuar. Njëjtë është edhe për Del Bosquen, i cili nuk ka ndeshje në tri muajt e ardhshëm”, ka potencuar Mourinho.

Lexo më shumë

Pirro Çako lanson albumin “Ashensor” (Video)

Kantautori i njohur shqiptar, Pirro Çako, ka publikuar albumin e tij më të ri të titulluar “Ashensor”, i cili tashmë është edhe në shitje. Ky është albumi i tretë i Pirros, i cili rikthehet pas një kohe të gjatë largimi dhe periudhave të vështira në jetën private. Kënga kryesore e albumit e mban dhe titullin e albumit, titullohet “Ashensor” dhe mund ta shikoni më poshtë.






              

Lexo më shumë

French Montana dhe 50 Cent përplasen në Twitter

Reperët e njohur, 50 Cent dhe French Montana, kanë shkëmbyer fjalë fyese në Twitter me njëri-tjetrin, duke zhvendosur betejën e tyre artistike në rrjetin social. Montana i drejtohet ‘fiftyt’ si ‘majmun’ i zi dhe thotë se Eminemi dhe Adam Levine ia shpëtuan karrierën me këngën e re. Nga ana tjetër, 50 tentoi ta qetësonte situatën duke thënë ta shikojë punën e tij, përderisa ia ktheu një prej fansave se French Montana nuk ka fare album (ka, por sipas ‘fiftyt’ nuk ka). Ky fans shkroi reperit duke thënë se ai pasi dëgjoi 50 Centin do ta dëgjonte French Montanan. Kohëve të fundit edhe për gazetarët është bërë më e lehtë që të përcjellin jetën e yjeve, pasi këtë nuk ka nevojë ta bëjnë duke i ndjekur nëpër rrugë, por nga kompjuteri duke përdorur Twitterin.

Lexo më shumë

Afërdita Dreshaj seksi në reklamën e re

Afërdita Dreshaj është shndërruar në babadimër për xhirimet e reklamës më të re të Birra Tirana. Modelja shqiptare, ka bërë të ditur se ajo përsëri do të jetë pjesë e reklamës së Birra Tirana. Pasi që jemi në fundvit, edhe Afërdita ka zgjedhur të shndërrohet në një seksi babadimër. Xhirimet e reklamës tashmë kanë filluar, dhe shumë shpejt do të lansohet në treg.

Lexo më shumë

Dafina Zeqiri përsëri me të dashur?

Dafina Zeqiri, e cila kohë më parë është ndarë nga Ledri Vula, po supozohet për një lidhje tjetër. Që disa ditë me radhë, në internet po qarkullon lajmi për një lidhje të re të mundshme të Dafinës dhe një foto në të cilën duket ajo. Por, në fakt të gjitha këto janë spekulime, pasi Telegrafi mëson se djaloshi në foto me të është Pëllumb Çitaku, një kushëri i afërt i saj. Spekulime ka pasur se Dafina Zeqiri mund të jetë në lidhje me Albin Gashin, të birin e avokatit Tomë Gashi, por deri më tani të gjitha këto spekulime kanë ngjarë të jenë të pavërteta.

Lexo më shumë

Chelsea në krizë të thellë

Chelsea është turpëruar në udhëtim te West Hami me rezultat 3-1, në një sfidë ku Blutë e kanë pasur epërsinë, por ku vendasit e kanë dashur më shumë fitoren. Pjesa e parë u takoi mysafirëve nga Stamford Bridge. Një asistim të Fernando Torres më së miri e shfrytëzoi Juan Mata, i cili shënoi në minutën e 13-të golin e epërsisë për Chelsean, që ishte dhe rezultati i pjesës së parë. Në pjesën e dytë, ndrysuan gjërat. Harry Redknapp bëri dy ndryshime me të filluar pjesa e dytë dhe në minutën e 63-të Carlton Cole me kokë barazoi për 1-1. Presioni i vendasve vazhdoi. Dy herë nga vija fatale e larguan topin lojtarët e Chelseat, por kjo nuk mjaftoi, pasi Diame (86’) shënoi për 2-1 dhe gëzimin e tifozëve vendas. Rezultatin përfundimtar për 3-1 e realizoi në minutën e fundit Maiga, i cili u inkuadrua në minutën e 88-të në vend të Cole. Chelsea nuk ka fituar që pesë ndeshje dhe kjo po reflekton në tabelë, pasi Blutë pas 15 javësh kanë 26 pikë, shtatë më pak se sa lideri Manchester United që i shkon Readingut.

Lexo më shumë

Blatter: Neymar duhet të vijë në Europë

Presidenti i FIFA-s, Sepp Blatter, ka deklaruar se sulmuesi i Santosit Neymar, duhet që të kërkojë një transfer drejt Europës, në mënyrë që të ketë gjasa ta fitojë Topin e Artë. “Neymar është i jashtëzakonshëm, por është e vështirë për secilin njeri që nuk luan në Europë të jetë një prej finalistëve të Topit të Artë”. “Standardi i futbollit në Brazil është i lartë, pro futbolli evropian është vula e futbollit botëror”, është shprehur Sepp Blatter. Neymar është lënë jashtë finales së Topit të Artë, pasi tre të nominuarit për këtë vit janë Lionel Messi, Cristiano Ronaldo dhe Andres Iniesta.

Lexo më shumë

“Kur Mourinho vuan, njerëzit kënaqen”

Ish-reprezentuesi i portugalisë, Paulo Futre, beson se shumë njerëz kënaqen duke e parë trajnerin e Real Madridit, Jose Mourinho, duke kaluar nëpër periudhë të vështirë. Los Blancos kanë vuajtur për të gjetur formën më të mirë këtë sezon dhe ish-trajneri legjendar i Interit është vërshëllyer nga tifozët vendas në sfidën ndaj Alcoyanos. “Mendoj se shumë njerëz janë të lumtur kur gjërat nuk shkojnë mriz për të. Ju ose e adhuroni atë, ose e urreni, nuk ka vijë të mesme”. “Mourinho është mësuar duke qenë i rrethuar nga ngjarjet kontroverse, por është moment i vështirë për të. Do të jetë vështirë për të që ta fitojë kampionatin dhe e pamundur nëse Reali nuk fiton të shtunën”. “Secilën herë Mourinho e hap gojën, ai shkakton rrëmujë, çfarëdo që thotë. Gjithmonë ka spekulime, gjërat nuk janë të qarta. Është situatë e vështirë. Duket se njerëzit nuk duam që ai të ketë sukses. Ekziston ndjesia e urrejtjes”, ka deklaruar Futre.

Lexo më shumë

Di Maria: Kurrë nuk kam nënvlerësuar kundërshtarët

Anësori i Real Madridit, Angel Di Maria, ka hedhur poshtë akuzat e mesfushorit të Alcoyanos, Julio de Dios, i cili tha se ishte ofenduar nga ylli argjentinas. “Erdha te Reali pasi vuajta shumë si fëmijë. Unë erdha nga ekipet e nivelit më të ulët dhe kurrë nuk kam ofenduar një mik timin. Kurrë nuk më ka ndodhur diçka e tillë”. “Për mua, lojtarët kundërshtarë janë edhe partnerë. Unë erdha nga niveli më i ulët, vij nga një familje e varfër dhe kurrë nuk kam nënvlerësuar një kundërshtar. Secili lojtar, nga kampionati më i dobët deri te më i madhi, ka luftuar deri në vdekje për karrierë. Më vjen keq që është lansuar një lajm i tillë”. “Jam i ofenduar si lojtar dhe si njeri, sepse kurrë nuk e harroj prejardhjen. Dhe çfarëdo që ndodh në jetë, unë kurrë nuk do t’i harroj”, është shprehur Di Maria.

Lexo më shumë

PSG ofertë për Nanin

PSG besohet se është tejet i interesuar në shërbimet e anësorit të Manchestesr United, Nani. The Sun shkruan se klubi francez e sheh anësorin portugez si kandidatin ideal për të zëvëndësuar brazilianin, Nene. PSG do të ketë probleme që ta realizojë transferin pasi për Nanin të interesuar janë edhe Interi dhe Juventusi.

Lexo më shumë

Pirlo nuk nxitohet për rinovim

Mesfushori i Juventusit, Andrea Pirlo, ka thënë se ai nuk brengoset pse nuk është nominuar në finalen e Topit të Artë dhe shton se nuk nxitohet ta rinovojë kontratën e tij me Juventusin. “Është e drejt t’i jipet Topi i Artë një lojtari që shënon 80 gola në sezon, si Messi apo Ronaldo, ose Iniesta. Më mjafton një vend në ceremoni”. “Nuk nxitohem të rinovoj. Unë jam i përkushtuar dhe kënqem së luajturi dhe stërvituri. Le të shohiim si shkojnë gjërat kur kontrata ime të ketë skaduar. Kam edhe një vit e gjysmë kontratë”, ka potencuar Pirlo.

Lexo më shumë

Villas Boas hedh poshtë transferimin e Beckham

Bosi i Tottenhamit, Andres Villas Boas, ka shuar shpresat e shumë lojtarëve të Tottenhamit, duke thënë se David Beckham nuk do të transferohet te Spursat, pasi ai nuk është i interesuar për lojtarë 37 vjeç. “Ai është lojtar i mrekullueshëm. Ritmi i Ligës Premier është shumë i shpejt, por ai ka përvojë në këtë kampionat. Ai i jep shumë futbollit anglez. Ja përse të gjithë mezi presin të shohin ku do të shkojë ai”. “Do të ishte mirë ta kemi përsëri në Europë, por jo këtu. Nuk mendoj se ai do të vijë te ne”, ka thënë tekniku portugez.

Lexo më shumë

Del Bosque: Dua të fitoj Kupën e Konfederatave

Përzgjedhësi i Spanjës, i nominuar për trajnerin më të mirë të vitit nga FIFA, Vicente del Bosque, ka deklaruar se ai është tejet i interesuar që ta fitojë Kupën e Konfederatave në vitin 2013. “Kjo është koha e futbollit spanjoll. Kjo na jep shpresë se do të bëjmë mirë në Kupën e ardhshme të Konfederatave dhe madje edhe në Botërorin e ardhshëm”. “Qoftë miqësore apo zyrtare, ne gjithmonë luajmë me lojtarët më të mirë në fushë. Kupa e Konfederatës është e rëndësishme dhe ne do të luajmë me fuqinë e plotë”, ka thënë Del Bosque.

Lexo më shumë

Defoe: Beckham eja te Spursat!

Sulmuesi i Tottenhamit, Jermain Defoe, e ka quajtur David Beckhamin ‘lojtar fantastik’ dhe publikisht e ka ftuar atë që të shqyrtojë një kalim te White Hart Lane. “Ai mund të vijë te Spursat nëse dëshiron. Ai është lojtar fantastik dhe mendoj se ai i kontribon futbollit”. “Nëse flisni për dikë që ka bërë gjithcka në futboll dhe të ketë dëshirë të luajë përsëri, atëherë kjo do të thotë diçka. Ai është legjendë e futbollit”, ka thënë Defoe. Beckham është i lirë për të luajtur për tri muaj në Evropë pasi deri në mars kampionati amerikan MLS nuk është aktiv.

Lexo më shumë

Handanovic: Nuk e kemi humbur urinë

Portieri i Interit, Samir Handanovic, ka hedhur poshtë sugjerimet se rënia e Interit nga forma ka ardhur për shkak të mungesës së urisë së Nerazzurëve për të fituar. “Është normale të mos jesh në formën më të mirë në një moment gjatë sezonit”. “Gjithmonë ka rezultate befasuese. Ne nuk e kemi humbur urinë pas serisë tonë të mrekullueshme të fitoreve”, ka thënë Handanovic. Para rënis nga forma, Interi kishte regjistruar një seri prej 10 fitoresh radhazi, duke përfshirë fitore ndaj rivalëve të përbetuar, Milanit dhe Juventusit.

Lexo më shumë

SMS-të mbushin 20 vjet!

Në botën e teknologjisë e cila lëviz shumë shpejtë, ka vetëm disa gjëra të cilat janë dëshmuar më rezistente ndaj ndryshimit sesa mesazhi i thjeshtë telefonik, të cilin të gjithë e njohim me shkurtesën SMS. Ndërsa një numër marramendës i opsioneve ekzistojnë sot për të ndërlidhur njerëzit, mesazhi tekstual me 160 karaktere mbetet një dërgues i suksesshëm i lajmeve, thashethemeve, të qeshurave, alarmeve, dhe të gjithë mënyrave tjera të informacionit. SMS-të sot lidhin më shumë njerëz se sa Facebook dhe Twitter, duke rrëzuar qeveritë, dhe në aq shumë vende e botës ende mban aftësinë për të ndryshuar jetët e njerëzve. Prandaj, në këtë 3 dhjetor bota do të festojë për 20 vjetorin e dërgimit të SMS porosisë së parë nga një telefon mobil. Sot, më shumë se 7 trilionë mesazhe tekstuale dërgohen çdo vit - ose më shumë se 200.000 në sekondë - por teknologjia fillimet e saj i ka mjaft interesante, me ideatorin finlandez, Matti Makkonen, dhe britanikun Neil Papworth i cili 8 vite më vonë realizoi këtë teknologji për herë të parë përmes Vodafone.

Lexo më shumë

Borziloku mbron prej infeksioneve sezonale

Hundë të bllokuara, infeksione në fyt dhe problem të tjera përcjellëse aspak të këndshme janë karakteristika për këtë periudhë kohore, e që në mënyrë të suksesshme mund të sanohen me pajisje shëruese, të cilat pothuajse secila shtëpi i posedon. Mjekësia tradicionale edhe më tutje është e pranishme në popull, e borziloku është një nga përfaqësuesit më shërues. Te hunda e bllokuar, inhalimi me çaj borziloku ndihmon pa masë. Për inhalim çaji duhet të jetë i ngrohtë. Borziloku është i pasur me vaj eterik që pastron kanalet e frymëmarrjes dhe në njëfarë mënyre i shpëton ata. Borziloku po ashtu ndihmon te personat që vuajnë nga sinusiti, sidomos te fëmijët. Edhe virusi i infeksionit të fytit është shumë i shpeshtë tek fëmijët, me këtë rast përdorimi i borzilokut për vetëm tri ditë ndihmon në zbutjen dhe largimin e të gjitha simptomave të ftohjes dhe infeksioneve. Po ashtu borziloku ndihmon edhe në largimin e temperaturës, kokëdhimbjes, që janë të zakonshme në këtë periudhë kohore të vitit.

Lexo më shumë

Çfarë do të ndryshonin meshkujt tek e dashura e tyre?

Portali i njohur kushtuar meshkujve "AskMen" ka kryer një anketë në të cilën kishin marrë pjesë rreth 100.000 meshkuj, në mënyrë që të kuptohet më shumë për ta se cilat gjërat do t'i ndryshonin te femrat, si shikojnë tradhtinë dhe sa i rëndësishëm është seksi për ta? Kualiteti të cilin më së shumti e vlerësojnë Në pyetjen se cilit kualitet më së shumti i kushtojnë vëmendje me rastin e zgjedhjeve të një vajze, 31% e tyre ishin pajtuar se më e rëndësishmja është sinqeriteti. Pos kësaj, nga partnerja kërkojnë kujdes (24%) dhe inteligjencë (20%). Tradhtia Meshkujve po ashtu u ishte shtruar pyetja nëse do ta tradhtonin partneren e tyre nëse ekziston mundësia që kjo të mos kuptohet nga partnerja e tyre, ndërsa që rezultatet ishin shumë interesante. Në fakt, 38% e tyre thekson se nuk do ta bënin një gjë të tillë, sepse kjo ndërlidhet me moralin e tyre, ndërsa pjesa tjetër prej 38% thotë se nuk do ta bënin shkaku se do t'i brente ndërgjegjja e fajit. Në fund 17% e tyre me siguri se do ta bënin, por përsëri se do t'i mundonte ndjenja e fajit. Ndryshimi i shpeshtë i disponimit Përgjigjet nuk do ishin edhe aq befasuese. Meshkujve më së shumti u kishte penguar ndryshimi i shpeshtë i disponimit (16%). Pjesës tjetër, 13% e meshkujve nuk do të ndryshonin asgjë. Rreth 5% e të anketuarve do t'ua ndryshonin dukjen, ndërsa që inteligjencën e tyre do ta ndryshonin vetëm 1%. "Facebook" Rreth 41% e të anketuarve mendon se nuk përbën kurrfarë problemi nëse e dashura r tyre edhe më tutje shoqërohet në Facebook me ish të dashurin, derisa (31 %) të meshkujve u pengon kjo gjë, derisa 28% nuk do të kishin asgjë kundër. Seksi Sikur të pyetej mashkulli dashuria do të ndodhte disa herë brenda ditës, e me këtë pajtohen rreth 77% e meshkujve. Njëherë në javë do të ishte e mjaftueshme për 12% të meshkujve.

Lexo më shumë

Coldplay paralajmërojnë albumin e gjashtë

Frontmeni i Coldplay, Chris Martin, ka hedhur kategorikisht poshtë njoftimet se bendi do të pushojë tri vjet, duke konfirmuar se ata janë duke punuar në albumin e tyre të ri. Gjatë një koncerti në Australi ishte frontmeni Martin ai që aludoi se bendi mund të marrë pushim trevjecar, por këto pohime i hodhi poshtë duke thënë se po punon në këngë të reja. “Unë jam duke punuar në këngë të reja dhe e di se e ardhmja e bendit është e ndritur. Unë jam me fat të bëj atë që bëj dhe në asnjë mënyrë, nuk dua të ndalem. Kjo ideja e pushimit trivjecar u keqkuptua pasi thashë se për tri vjet nuk kthehem në Australi, pasi ashtu shkojnë turnetë. Por, ne as se si nuk do të pushojmë tri vjet”. “Ne jemi të përkushtuar që të punojmë sa më shumë, në mënyrë që të fitojmë sa më shumë të holla për të bërë bamirësi në shoqatën ndërkombëtare për ndihmë të fëmijëve Kids Company”, ka thënë Martin.

Lexo më shumë

Van Gaal i zhgënjyer me situatën e Sneijder

Bosi i Holandës, Louis Van Gaal, ka folur për zhgënjimin e tij me situatën e Wesley Sneijder, pasi mesfushori është lënë jashtë ekipit të parë nga Interi. Sneijder duhet të pranojë rinovimin e kontratës me pagë të zbritur nëse dëshiron të vazhdojë të luajë dhe momentalisht ai është jashtë përbërjes së parë të zikaltërve, duke bërë që shumë emra të mëdhenj të reagojnë, ndër ta edhe Van Gaal. “Nuk mund të ndërhyj në marrëdhëniet mes Interit dhe Sneijderit. Është e vështirë për një trajner që s’mund të thotë atë që mendon, por kam kontaktuar me të dhe ne kemi biseduar dy herë në telefon për këtë”. “Sneijder është lojtari kryesor dhe kapiteni i vërtetë i ekipit. Kur ai nuk luan për klubin, kjo ka pasoja edhe në kombëtare. Shpresoj që ai të luajë, pasi ka rol të madh për Holandën brenda dhe jashtë fushës”, është shprehur Van Gaal.

Lexo më shumë

Mourinho: Nuk dorëzohem lehtë

Trajneri i Real Madridit, Jose Mourinho, ka deklaruar se ai nuk e ka ndërmend që të dorëzohet aq lehtë para mediave spanjolle, të cilat beson se shumë shpejt do ta bëjnë ‘kritikimin’ si sport kombëtar në Spanjë. “Mund të më duartrokisni dhe të më vërshëlleni. Por, nuk do t’iu pyes nëse do të jem në pankinë”. “Nuk do të largohem aq lehtë nga futbolli. Unë shpresoj që tifozët të përkrahin ekipin dhe të na ndihmojnë të fitojmë ndeshjen. Kritikat ndaj njerëzve tashmë janë shndërruar në sport këtu, por është në rregull”, ka theksuar Mourinho. Ai shtoi më tutje se ka marrëdhënie të përkryera me trajnerin e Atletico Madridit, Diego Simeone, duke shpresuar se në derbi nuk do të jenë në lojë aq shumë gjyqtarët të cilët sipas Mourinhos ndikuan në humbjen nga Betisi. “Ndaj Betisit ishin tri lojtarë në fushë. Tani shpresojmë të jemi vetëm dy ekipe që luajnë futboll, ku njëri do të jetë më i mirë se tjetri dhe shpresoj se ekipi i mirë të jetë ekipi im”, ka deklaruar Mourinho.

Lexo më shumë

Allegri: Fitorja ishte kruciale

Trajneri i Milanit, Massimilano Allegri, beson se fitorja me rezultat 3-1 e Milanit ndaj Catanias në Serie A të premtën, ishte kruciale për Rossonerët pasi kështu ata kanë ruajtur formën e mirë me fitoren e tretë radhazi. “Ishte ndeshje e vështirë ndaj Catanias. Ata u mbyllën dhe kaluan në epërsi nga korneri, teksa ne ishim pak pasivë”. “Catania luajti mirë në shumë aspekte në pjesën e parë dhe ne luajtëm mirë vetëm kur unë kërkova nga lojtarët e mi që të driblojnë më shumë dhe që të kenë vëmendje në topat e gjatë. Është fitore e rëndësishme sepse na jep vazhdimësinë dhe i bën rezultatet e fundit të vlefshme”, ka thënë Allegri.

Lexo më shumë

Scolari: Brazili im s’është Barcelona

Përzgjedhësi i Brazilit, Luiz Felipe Scolari, ka hedhur poshtë ngjashmëritë mes Brazilit të tij dhe Barcelonës, duke thënë se nikoqirët e Botërorit 2014 nuk do të ndjekin stilin spanjoll të lojës. “Nëse tentojmë të importojmë lojtarë si Iniesta, Xavi dhe Messi, atëherë ne do të luanim sikur Barcelona. Por, ata nuk janë lojtarë brazilianë”. “Ne duhet të ndërtojmë ekipin tonë që mund të luajë futbollin tonë të bukur, por në të njëjtën kohë ne duhet që të respektojmë karakteristikat e secilit lojtar. Ne kemi identitet, por ne duhet të dimë çfarë të bëjmë me karakteristikat e secilit lojtar”, është shprehur Scolari.

Lexo më shumë

Njeriu që e ka tigrin shok

Trimi Abdullah Sholeh nga Indonezia ka një mik të pazakonshëm, një tigër katër vjeçar, me të cilin kalon shumë kohë. Abdullah, 31 vjeçar, e ka rritur kafshën e “rrezikshme”, që kur ishte ende një këlysh i vogël vetëm tre muajsh, kurse tash ka mbushur katër vjet.

“Miqtë e vjetër” bëjnë çdo gjë së bashku, luajnë, hanë madje edhe flenë bashkë. Abdullah thotë se shpesh herë braktis shtratin e tij për të bërë gjumë me mikun e tij tigër.

"Unë kurrë nuk ndjehem i frikësuar, unë e konsideroj tigrin mikun tim të përditshëm”, thotë Abdullah. 

                                                      

Lexo më shumë

One Direction me parfumin e parë

Parfumët për fytyrat prominente të muzikës dhe filmit tashmë janë bërë të zakonshme, por brendin e tyre pritet ta zhvillojnë edhe djemt e grupit “One Direction”. Parfumi I ri I djemve britanikë pritet të jetë dedikim kryesisht për adoleshentët, duke vënë cak gjininë femërore, pasi vajzat janë adhurueset më të mëdha të tyre. Aroma pritet të jetë një gjë e re në treg, një aromë e ëmbël që në mënyrë të pjesshme është aromë e luleve. Ndër emrat e famshme që kanë parfumin e tyre është edhe Carlos Santana, që ka në treg ujë kolonjen e tij.

Lexo më shumë

Chris Brown ende mëson për dashuri

Ylli amerikan, Chris Brown, ka këmbëngulur se perceptimet për të se ai luan me femrat nuk janë të vërteta, pasi ai duhet të mësojë ende për lidhjet e dashurisë. Krijuesi i hitit “Don’t Judge Me”, i cili së fundmi është ndarë nga Karrueche Tran për t’u bashkuar me Rihannan,thotë se reputacioni i keq i fituar si një ‘lojtar’ nuk qëndron. “Një gjë për të cilën njerëzit kanë dëshirë që unë të flas është jeta ime publike e dashurisë. Kur vjen te jeta ime e dashurisë, perceptimi i parë thotë se luaj me femrat. Por, kjo nuk është e vërtetë. Unë ende nuk i di shumë gjëra për jetën në lidhje”, është shprehur Brown. Chris Brown besohet se është në lidhje me Rihannan dhe kënga e re “Don’t Judge Me” koincidon me këtë deklaratë, pasi në këtë këngë ai kërkon të mos gjykohet për jetën e tij në të kaluarën.

Lexo më shumë

Ky është Milani që e njohim (Video)

Milani e ka shënuar fitoren e tretë radhazi, ndërsa kësaj radhe viktimë ishte Catania, e cila në shtëpi u mposht nga Rossonerët me rezultat 3-1. Sfida filloi me një dominim të lehtë të vendasve nga Sicilia, të cilët në përkrahje të tifozëve vendas, arritën deri te goli i parë. Nicola Legrottaglie (11’), realizoi për 1-0 dhe gëzimin e vendasve, ndërsa ky ishte dhe rezultati i pjesës së parë. Në pjesën e dytë ndryshua rrënjësisht gjërat. Barrientos u përjashtua në minutën e 49-të me kartonin e dytë të verdhë, ndërsa avantazhin numerik për mrekulli e shfrytëzuan kuq e zinjtë. Pas një harkimi të mrekullueshëm të Robinhos, ishte Stephan El Shaarawy ai që realizoi për 1-1 (53’). Vetëm tre minuta më vonë (56’), pasi u lirua në mënyrë maestrale nga lojtari kundërshtar, Kevin Prince Boateng lansoi një bombë nukleare në drejtim të portës kundërshtare, për të lënë pa lëvizur fare portierin e Catanias, i cili duhet të marrë një terapi urgjentisht te mjeku më i afërt. Në vazhdim Milani e dominoi takimin dhe pasi u përjashtua Boateng nga loja në mënyrë simbolike pa nevojë (90’), ishte Stephan El Shaarawy që vazhdoi formën e jashtëzakonshme me golin e 12-të këtë sezon për Milanin dhe rezultatin përfundimtar 1-3. Me këtë fitore Milani arrin në kuotën e 21 pikëve në vendin e shtatë, shtatë pikë më pak se sa Interi dhe Fiorentina që janë në vendin e tretë respektivisht në vendin e katërt.

 El Shaarawy 1-1                                        



Boateng 1-2 

Lexo më shumë

Villas Boas reagon ndaj Modricit

Menaxheri i Tottenhamit, Andres Villas Boas, ka reaguar ndaj ish-mesfushorit, Luka Modric, pas deklaratave të këtij të fundit se Real Madridi me Gareth Balen do të ishte i pamposhtshëm. “Ai duhet të brengoset për ndeshjen e Realit ndaj Atletico Madridit dhe se si të kualifikohet në çerekfinale të Ligës së Kampionëve”. “Sigurisht, Modric e di se Bale luan sepse e do Tottenhamin dhe është fakt se ai është i lidhur me klubin. Më vjen keq që duhet ta them, por unë gjallë dhe Bale te Reali, kurrë nuk do të ndodhë”, është shprehur Villas Boas.

Lexo më shumë

Wenger: Luftojmë për titull

Menaxheri i Arsenalit, Arsene Wenger, beson se gjashtë ndeshjet e ardhshme do të jenë vendimtare në luftën për titull të Ligës Premier. “Për momentin ekipet nga Mançesteri janë në maje. Ata nuk kanë qenë spektakolar, por efektiv dhe ata kanë shfrytëzuar maksimalisht mundësitë e tyre”. “Për shembull, Manchester United tashmë ka humbur tri ndeshje dhe ka humbur edhe në Ligën e Kampionëve. Njëjt kemi bërë dhe ne, por ata morën më shumë pikë dhe kanë pasur më pak barazime se sa ne. Kjo ka qenë diferenca deri tani”. “Ne do të rikthehemi. Tani kemi gjashtë ndeshje, katër në shtëpi dhe nëse punojmë mirë në këto sfida, atëherë jemi përsëri në luftë për titull. Është vitale për ne që të bëjmë mirë në këto ndeshje”, është shprehur Wenger.

Lexo më shumë

Thiago Silva: PSG larg nivelit të Milanit

Mbrojtësi i PSG-së, Thiago Silva, ka pranuar se ata janë larg nivelit të Milanit, ish-klubi nga i cili u largua gjatë verës. “Emri i Milanit është më i frikshëm për moment se sa i PSG-së, sepse ata kanë fituar Ligën e Kampionëve shtatë herë. Ne jemi në garë pas nuk e di sa vitesh dhe kështu njerëzit ende s’kanë respekt për ne”. “Kjo do të vijë me fitoret, me punën e madhe dhe me futboll të mirë, kështu që këtë po tentojmë edhe ta bëjmë. Ne po ngritemi ende. Nuk është ideale të ndërroni shumë lojtarë, sepse merr kohë për t’u kuptuar”, është shprehur Silva.

Lexo më shumë

Falcao: Dua të qëndroj te Atletico

Sulmuesi i Atletico Madridit, Radamel Falcao, ka thënë se ai është i kënaqur me momentin e tij te klubi spanjoll dhe se nuk do të largohet në janar për të kaluar te Chelsea. “Te Atletico Madridi unë kam një kontratë për më shumë se tri vite dhe unë tani nuk dua të mendoj për të ardhmen. Ne po luftojmë për gjëra të rëndësishme të cilat janë në dorën tonë. Nuk do të humbas përqëndrimin për asgjë në botë”. “Unë tentoj të jetoj në realitet, sepse e di se në futboll duhet të dëshmoni veten secilën ditë dhe kjo mund të ndryshojë”, ka thënë Falcao.

Lexo më shumë