AKI është kudo

Në Kosovë nuk ka shërbim tjetër të inteligjencës përveç Agjencisë së Inteligjencës së Kosovës (AKI). Zyrtarët e këtij shërbimi kanë shtrirje edhe në veri të vendit dhe dinë gjithçka që ndodh në kohë reale. Periudha e konsolidimit të këtij institucioni ka përfunduar. Kështu ka thënë Bashkim Smakaj, shefi i AKI-së.

Shefi i Agjencisë së Inteligjencës së Kosovës (AKI), Bashkim Smakaj, në një intervistë për radion Evropa e Lirë, ka thënë se institucioni që ai drejton, është i vetmi që mbledh informacion dhe që kryen veprimtari të inteligjencës në Kosovë.

“Nuk them se partitë politike kanë shërbime, por nëse individë të caktuar thirren me emra të caktuar ose me emra që kanë ekzistuar me herët, është çështje kriminale që duhet të adresohet, edhe nga ne, edhe nga policia", ka thënë Smakaj.

Ai ka shtuar se AKI pothuajse ka përmbyllë të gjitha fazat e konsolidimit dhe aktualisht janë në rrjedha normale të funksionimit.

Duke folur për sfidat e krijimit, Smakaj ka thënë se ata nuk kanë trashëguar asgjë si shërbim i ri, as sa i përket arkivave dhe dosjeve të së kaluarës, as personel të trashëguar nga shërbimet më herët, as infrastrukturë përcjellëse.

Lidhur me shtrirjen, Smakaj ka deklaruar se ata e kanë bërë publike ekzistencën e tyre edhe në veri të Kosovës.

“Ne, prioritet themelor në agjenci e kemi pasur edhe mbledhjen e informacioneve për çështje të sigurisë së vendit edhe nga veriu i vendit”, është shprehur ai, duke shtuar se është bërë shtrirja edhe e oficerëve ose zyrtarëve operativ të agjencisë në veri të vendit të cilët operojnë jashtëzakonisht mire.

”Kemi arritur numër të konsiderueshëm të burimeve të informacionit në atë pjesë të vendit dhe pothuajse për të gjitha ngjarjet jemi në rrjedha të vazhdueshme, si agjenci e inteligjencës”, ka thënë Smakaj.

I pyetur për mundësinë e funksionimit të shërbimeve të huaja të zbulimit në Kosovë, bashkim Smakaj ka thënë se për ketë çështje ka raportuar edhe para komisionit parlamentar për mbikëqyrjen e AKI-së.

“Kjo ka qenë e shënuar në një rresht të vetëm në Raportin e Komisionit Evropian, në raportin prej disa faqeve që ka qenë diku 62, 63 gjithsej”, thotë ai.

Sipas tij, kjo ka zgjuar debat edhe në publik.

“E kam thënë edhe në komision se shërbime të inteligjencës përveç AKI-së, dhe kuptohet pjesa e FSK-së, e policisë dhe Doganave që i kanë strukturat e inteligjencës për nevoja të veta, nuk ka asnjë shërbim që mbledhë informacion për sfidat e sigurisë së vendit, cenimit të sovranitetit dhe integritetit të Republikës së Kosovës, informacione për luftën kundër terrorizimit, krimit të organizuar, kundër spiunazhit - nuk ka asnjë subjekt politik që ka shërbime të tilla që bëjnë konkurrencë ose bëjnë veprimtari të inteligjencës në Republikën e Kosovës”, shprehet ai.

Smakaj ka demantuar zërat se ekziston ndonjë shërbim tjetër paralel i inteligjencës në Kosovë.

”Si shërbime të inteligjencës për të cilat dëgjohet në publik, ne nuk kemi hasur asnjëherë ose nuk hasim në atë që dikush na bën konkurrencë ose që mbledh informacion për interesa të Kosovës. Të paktën ne nuk kemi ndonjë informacion të mirëfilltë që na dëshmon ne që dikush tjetër është duke bërë veprimtari të inteligjencës në Kosovë”, ka thënë shefi i AKI-së.

Lexo më shumë

Konfiskohet material propagandistik serb

Një numër i gazetave “Srpske Novine”, si material propagandues, janë identifikuar dhe sekuestruar në Vushtrri, pas ndalimit dhe kontrollit të një automjeti. Kurse ndaj shtetases së Serbisë, S.Antonijevic, banore e Beogradit, është caktuar masa e ndalimit policor prej 48 orësh .

Autoritetet e rendit fillimisht kanë ndaluar në trafik një makinë me pesë udhëtarë brenda, dy meshkuj dhe tri femra, gjithë të përkatësisë etnike serbe.

Gjatë kontrollit, njësitë policore kanë identifikuar një sasi prej 38 gazetash të emëruara si “Srpske Novine”, të shtypura në Toronto të Kanadasë, në alfabetin cirilik në gjuhën serbe, në emër të “lëvizjes çetnike të Ravna Gorës” (“Cetnicki Ravno Gorski Pokret”), ka njoftuar nëpërmjet një komunikate Policia e Kosovës.

Materiali si destinacion kishte njërën nga kishat ortodokse në qytetin e Shtimes. Automjeti, së bashku me materialin e identifikuar dhe të pesë personat në automjet, janë shoqëruar në stacionin policor në Vushtrri, për sqarim të rrethanave të paraqitura.
Sipas udhëzimeve të prokurorit publik, rasti është iniciuar si vepër penale e paraparë në bazë të nenit 115 të Kodit Penal të Kosovës, “Nxitje e urrejtjes, e përçarjes ose e mosdurimit kombëtar, racor, fetar a etnik”, ka njoftuar policia.

Ndaj të dyshuarës S. Antonijevic, (1962) shtetase e Serbisë, banore e Beogradit, është caktuar masa e ndalimit policor deri në 48 orë, pasi kishte deklaruar se i tërë materiali i takonte asaj, ndërsa katër personat e tjerë, pas deklaratave të dhëna në Polici, janë liruar nga lokalet policore.

Lexo më shumë

Kosova mund të ecë drejt Evropës

Konsensusi mund ta çojë Kosovën drejt rrugës evropiane, ka thënë komisioneri i Bashkimit Evropian për zgjerim, Stefan Fyle, pas takimit me kryeministrin e Kosovës, Hashim Thaçin. Kurse kryeministri ka pohuar se shumë shpejtë pritet marrja e udhërrëfyesit për liberalizimin e vizave,

Lëshimin e studimit për fizibilitetin, Fule e ka quajtur një hap shumë me rëndësi për marrëdhëniet mes BE-së dhe Kosovës, duke thënë se gjatë takimit me Thaçin ka potencuar disa çështje që derivojnë si pritje shumë të larta nga ana e Brukselit për mënyrën se çka duhet të bëjë Qeveria e Kosovës.

“Mund të ketë progres drejt rrugës së saj në Evropë, vetëm atëherë kur do të ketë konsensus ndërmjet agjendës evropiane për reforma dhe të cilat duhet të qohen përpara. E njëjta qëndron edhe me çështjet që kanë të bëjnë me fqinjësinë e mirë. Është esenciale për të ardhmen e Kosovës në marrëdhënie me Serbinë”, ka thënë ai.

Ndërsa kryeministri i Kosovës, Hashim Thaçi ka pohuar se shumë shpejtë pritet marrja e udhërrëfyesit për liberalizimin e vizave, duke premtuar që Kosova do t’i përmbush të gjitha obligimet dhe kriteret e nevojshme në afat rekord.

“Kosova do t’i përmbush të gjitha obligimet dhe kriteret e nevojshme demokratike në mënyrë që të lëvizim shpejtë në një afat rekord për implementimin e këtyre kritereve dhe procesin e plotë ta përmbyllim për liberalizimin e vizave dhe anëtarësimin e Kosovës në strukturat e Bashkimit Evropian”, ka thënë ai.

Thaçi ka pohuar se në takim është biseduar edhe për fqinjësinë e mirë të Kosovës me të gjitha vendet fqinje, për domosdoshmërinë e implementimit të të gjitha marrëveshjeve teknike mes shtetit të Kosovës dhe Serbisë dhe natyrisht për rajonin, pra që Kosova të evropianizohet sa më shpejtë që është e mundur. 

Lexo më shumë

VV kundërshton themelimin e Këshillit për Integrime Evropiane

Lëvizja Vetëvendosje (VV) e ka cilësuar të panevojshëm themelimin e Këshillit Kombëtar për Integrime Evropiane, duke konsidruar se Kosovës nuk i kanë munguar këshillat e rekomandimet e mira që tash të kemi edhe një organ këshillëdhënës.

“Kosovës i kanë munguar vendimet e drejta dhe të duhura të Qeverisë së Kosovës. Në Republikën e Kosovës ka: Ministri për Integrim Evropian, Komision Parlamentar për Integrim Evropian, Komision Ndërministror për Integrim Evropian, Zyrat për Integrim Evropian në secilën ministri dhe zyrtarë për Integrim Evropian në secilën komunë të Kosovës. Pra, nuk ka mungesë organesh a komisionesh, por ka mungesë vullneti meqë ka tepri qeveritarësh që kanë privatizuar shumëçka dhe kanë personalizuar gjithçka”, thuhet në reagimin e VV.

Më tej Lëvizja Vetëvendosje bën të ditur se nuk do jetë pjesë e kësaj iniciative dhe këtij Këshilli.

“Konsiderojmë se konsensusi kombëtar për integrim evropian ekziston. Madje, mund të themi se kemi konsensus për integrimin evropian si për asgjë tjetër. Nuk ka nevojë të krijojmë organe të reja për të ndërtuar diçka që tashmë e kemi. Ajo që mungon në Kosovë është vullneti qeveritar për të çuar përpara reformën për integrim nga se pjesë e reformës janë vetë personazhet e kësaj Qeverie që përbëjnë pengesën kryesore në reformë”, thuhet në kumtesë.

Qëndrimet lidhur me formimin e Këshillit Kombëtar për Integrime Evropiane, thuhet se përfaqësuesit e VV ia kanë sqaruar Presidentes së Kosovës, Atifete Jahjaga, në takimin e mbajtur të hënën më 26 mars si dhe në një letër zyrtare që është dërguar paraprakisht në presidencë.

Lexo më shumë

D4D e pakënaqur me reformën zgjedhore

Instituti Demokraci për Zhvillim (D4D) ka publikuar një analizë të punës së Komisionit për Reformë Zgjedhore si dhe amendamenteve të cilat udhëzojnë hartimin e draft-ligjit, në të cilën vlerësohet se bazuar në punën që është bërë deri më tani dhe kohën që ka mbetur në dispozicion është pak e pritshme që ligji i ri të ngushtojë hapësirën për keqpërdorime.

Instituti Demokraci për Zhvillim thekson se procesi ka marrë tatëpjetën nga fillimi si dhe as marrëveshja politike në mes të liderëve të tri subjekteve politike dhe as Rezoluta e Kuvendit të Kosovës nuk referohen në procesin e dëmtuar zgjedhor.

“Krijimi i një grupi të jashtëm punues e ndërlikoi procesin e reformës zgjedhore. Vendimmarrja u bart nga komisioni që përbëhet vetëm nga deputetët tek një grup më i gjerë që defaktorizoi Kuvendin. Krijimi i një grupi të tillë punues kishte për pasojë edhe zhvendosjen e vendimmarrjes. Anëtarët e komisionit u bënë mysafir dhe humbën kontrollin e procesit, dhe vendimet filluan të merreshin gjetiu. Më shumë çon peshë procesi ku harmonizohen qëndrimet, ballafaqohen kundërshtimet dhe nxjerrët kompromisi sesa vendi ku nënshkruhen ato. Këto të gjitha janë bërë në grup punues dhe në komision vetëm sa është hedhur për votë formale”, thekson ky institut.

Sipas D4D, Komisioni lavdërohet se sukseset kryesore janë ulja e fushatës nga 30 në 20 ditë dhe heqja e obliguar e posterëve. “Nuk është punuar as përafërsisht sa duhet në listë të votuesve, disiplinë të komisionerëve, apo në ndryshime ligjore që rrisin mundësitë për identifikim dhe dënim të manipuluesve”, vlerëson ky institut.

Sipas tyre, nëse komisioni përfundon punën pa i kryer objektivat e tij të cilat kanë qenë ndryshimi i ligjit për të mbrojtur procesin zgjedhor nga manipulimet dhe krijimin e zonave zgjedhore për një përfaqësim më të mirë atëherë kjo me të vërtetë mund të thuhet se është bërë reformë sa për adet.

Me këtë rast, D4D insiston se duhet një Kod gjithëpërfshirës zgjedhor dhe se është më mirë vonë se fare mos të kemi një reformë rrënjësore.

“Tani që dihet se nuk do të ketë zgjedhje këtë vjeshtë, kjo kohë duhet të shfrytëzohet maksimalisht për reforma të mirëfillta. Pas vendimit për zgjedhje të drejtpërdrejta për President, Kosova rrallëherë do të ketë luksin e viteve pa zgjedhje dhe kjo duhet të shfrytëzohet për reforma rrënjësore. Vendimi për çështjen e sistemit zgjedhor (zonat, pragun, listat) duhet të merret sa më shpejtë. Tendenca për mbylljen e listave paraqet degradim dhe duhet të luftohet. Një rishikimi i mirëfilltë duhet të përfshijë edhe Kodin penal”, rekomandon ndër të tjera instituti Demokraci për Zhvillim. 

Lexo më shumë

Shkon De Marnhac

Në fillim të kësaj vere EULEX-i do të hyjë në një fazë të re, pasi së fundmi është miratuar Rishikimi i Strategjisë së Misionit. Kjo do të rezultojë edhe me ndryshime të konsiderueshme në mision pas skadimit të mandatit aktual, më 15 qershor 2012, thuhet në një deklaratë të lëshuar për media nga shefi i EULEX-it, Xavier de Marnhac. “Përfaqësuesja e Lartë e BE-së, Catherine Ashton është pajtuar që mandati im, i cili është i lidhur me Misionin, të përfundojë në të njëjtën kohë. Unë e mbështes këtë vendim plotësisht”, thotë De Marnhac.

“Ishte nder i madh ta përfaqësoj Bashkimin Evropian dhe ta udhëheq, që nga viti 2010, misionin e tij më të madh dhe më kompleks të Politikës së Përbashkët për Siguri dhe Mbrojtje. Unë kam shërbyer në këtë cilësi me përkushtim, me besimin që Përfaqësuesja e Lartë dhe shtetet anëtare më kanë dhënë gjatë gjithë kohës së qëndrimit tim në këtë post.
Vërtetë më kanë pëlqyer vitet e shumta të qëndrimit tim në Kosovë, si në pozitën aktuale ashtu edhe në atë të kaluarën, dhe kam krijuar vlerësim të fuqishëm për popullin e saj, kulturën dhe historinë dhe për rajonin. Po ashtu kam krijuar respekt të thellë për profesionistët e policisë, të doganës dhe të sektorit të drejtësisë – si ata ndërkombëtarë po ashtu edhe ata vendas – të cilët punojnë në mënyrë të palodhshme për ta zhvilluar një sistem të udhëhequr nga ligjet, në të cilin ofrohet qasja në drejtësi, kontestet zgjidhen në mënyrë paqësore dhe të drejtë dhe veprat penale ndëshkohen”, thuhet në deklaratën e Marnhac.

Më tej në deklaratën e tij thuhet se “viti i kaluar ka qenë vërtetë sfidues, por po ashtu ka treguar që EULEX-i ishte në gjendje t’i përshtatej kësaj sfide. Në ndërkohë, ka treguar që Kosova është në rrugën e duhur, përderisa institucionet dhe shoqëria e saj vazhdojnë t’i aspirojnë parimet dhe vlerat të cilat i përkrahë BE-ja”.

“Unë besoj që EULEX-i është në pozitë më të mirë sot t’i ndihmojë Kosovës në rrugën e saj, duke iu falënderuar hapave të rëndësishëm së fundi të cilët i kemi mbështetur. Kjo është bërë jo vetëm për shkak të partneriteteve të cilat i kemi krijuar, por po ashtu për shkak të përkushtimit të shumë pjesëtarëve të stafit ndërkombëtarë dhe vendas të EULEX-it. Dua ta shfrytëzojë këtë rast dhe t’ju falënderojë të gjithëve për punën e madhe dhe përkushtimin, i cili jam i sigurt do të vazhdojë edhe gjatë vitit të ardhshëm ndërsa EULEX-i hyn në fazën e tij të ardhshme”, thuhet në deklaratë

“Të jeni të sigurt që unë do të vazhdoj ta shtyj përpara agjendën e sundimit të ligjit gjatë pjesës së mbetur të qëndrimit tim në këtë pozitë dhe pres përkushtimin dhe mbështetjen tuaj të vazhdueshme”, përfundon deklaratën shefi i misionit EULEX. 

Lexo më shumë

BE merret me pesëshen që s’e ka njohur Kosovën

Republika e Kosovës është e gatshme të marrë përgjegjësitë e veta për realizimin e detyrave që ia ka caktuar Bashkimi Evropian. Gjithashtu, porosia nga BE-ja për Kosovën është që kjo e fundit t’i kryejë detyrat e veta, ndërsa për problemet që mund t’i shkaktojnë këtij procesi pesë vendet e BE-së që nuk e kanë njohur pavarësinë e Kosovës, me ta do të merret Brukseli. Këto komente i ka bërë sot kryetari i Komisionit Parlamentar për Integrime Evropiane, Lutfi Haziri, pas takimit që pati me Lawrence Meredith, kryesues i Njësisë për Kosovë në Bruksel.

Haziri ka thënë se BE-ja po tregon një seriozitet dhe angazhim për institucionet dhe shtetin e Kosovës, duke i caktuar edhe detyrat që duhen plotësuar në mënyrë që Kosova të jetë pjesë e familjes evropiane.

“Ka të bëjë me një angazhim serioz përfundimisht, por përgjegjësinë në institucionet e Kosovës, sa i përket rrugës, kohëzgjatjes së procesit, sepse detyrat janë të qarta, janë vendosë katër shtylla kryesore dhe ato detyra do t’i realizojë secili segment i shtetit”, ka thënë Haziri, raporton Kosovapress.

Ndërsa, Lawrence Meredith, kryesues i Njësisë për Kosovë në Bruksel nuk është prononcuar për media.

Lexo më shumë

Kuçi dhe Jonston biseduan për Shërbimin Korrektues

Zëvendëskryeministri, Hajredin Kuçi, njëherësh ministër i Drejtësisë në takimin me Stephen Jonston, udhëheqës i Shërbimit Korrektues të EULEX-it, ka kërkuar mbështetjen e Njësitit të shërbimit korrektues të EULEX-it në ngritjen e kapaciteteve të qendrave korrektuese dhe të paraburgimit në Kosovë.

Në njoftimin për media thuhet se Kuçi në takimin me Jonston ka biseduar për punët që po bëhen në qendrat korrektuese dhe të paraburgimit të Kosovës dhe për mundësitë e ngritjes së kapaciteteve të këtyre qendrave.

Jonston premtoi ndihmën profesionale të Njësitit të Shërbimit korrektues të EULEX-it në luftimin e dukurive negative brenda qendrave korrektuese dhe të paraburgimit të Kosovës, posaçërisht në Qendrën Korrektuese të Dubravës, në klasifikimin e të burgosurve dhe risocializimin e tyre me anë të programeve adekuate, si dhe funksionalizimin e njësisë ekonomike të SHKK-së.

Bëhet e ditur se në takim është biseduar edhe për mundësitë e bashkëpunimit në funksionalizimin e plotë të Qendrës Korrektuese të Smrekovnicës dhe në trajnimin adekuat të stafit që do të punojnë në Burgun e Sigurisë së Lartë.

Lexo më shumë

Bisedojnë për zgjedhjet në Ferizaj

Çështja e shpalljes së zgjedhjeve të jashtëzakonshme për kryetar të komunës së Ferizajt, ka qenë temë e bisedës në takimin e sotëm ndërmjet presidentes Atifete Jahjaga dhe kryetares së Komisionit Qendror te Zgjedhjeve, Valdete Daka.

Presidentja Jahjaga tha se ka filluar konsultat me subjektet dhe partitë politike për përcaktimin e një date për zgjedhjet për kryetar në komunën e Ferizajt duke iu përmbajtur të gjitha afateve ligjore.

Ndërsa kryetarja e KQZ-së, Valdete Daka theksoi rëndësinë e bashkëpunimit institucional dhe përgatitjen sa më të mirë të KQZ-së për zgjedhjet për kryetar në komunën e Ferizajt.

Në Ferizaj do të mbahen zgjedhje të jashtëzakonshme për kryetar, pas dorëheqjes së kryetarit Bajrush Xhemailit, të cilit Gjykata Supreme ia vërtetoi dënimin prej 2,5 vjet burgim, për shkak të aksidentit të shkaktuar në komunikacion, në të cilin humbi jetën një i ri.

Lexo më shumë

Drejt njohjeve të reja

Konferenca e “Rrjetit Transatlantik” me temën “Fuqizimi i Ballkanit”, ka mbledhur në Prishtinë 40 liderë të rinj nga shtetet të cilat ende nuk e kanë njohur Kosovën. Ata, gjatë tri ditëve, sa do të zgjasë konferenca, do të njihen me realitetin e Kosovës dhe mundësitë e zhvillimit politik dhe ekonomik, në mënyrë që të mund të kontribuojnë në një komunikim më të mirë me shtete prej nga vijnë.

Petrit Selimi, zëvendës ministër i Punëve të Jashtme, ka pohuar se shumë nga pjesëmarrësit janë anëtarë të Qeverive, diplomat dhe biznesmen, nga shtetet që nuk e kanë njohur Kosovën dhe se kjo, sipas tij, është një tullë e rëndësishme në krijimin e murit të njohjeve.

“Këto janë krejt beteja të vogla, në një luftë të madhe të njohjes së Kosovës. Ne duhet çdo herë, çdo ditë, çdo mundësi që e kemi, njerëzit t’i sjellim këtu dhe ata kur po vijnë po e shohin një normalitet i cili ndoshta nuk është prezent në mediat apo në opinionin e këtyre shteteve”, ka thënë Selimi.

Ndërsa, analisti dhe njohësi i rrethanave të Ballkanit, Tim Judah këtë konferencë e ka quajtur të rëndësishme edhe për formuesit e rinj të opinioneve që të vijnë në Kosovë dhe të mësojnë për të, të shohin atë dhe të dërgojnë mesazhin në vendet e tyre.

Sipas tij, pesë vendet e BE-së duhet ta njohin Kosovën edhe pse edhe pas shpalljes së vendimit të GJND-së ato vazhdojnë të mos pajtohen dhe të mendojnë se shpallja e pavarësisë është e paligjshme.

“Edhe ata kane brengat dhe problemet e tyre, pra problemet e tyre të njohura. Spanja me rajonet e veta, Qipro dhe Greqia, që është e lidhur me Qipron, Rumania me minoritetet e veta, gjithashtu edhe Sllovakia. Pra, të gjithë i kanë arsyet e tyre për mosnjohjen”, ka thënë ai.

Ndërsa Georgios Chatzigiagkou, pjesëmarrës nga Greqia, konsulent në mekanizmat e zgjerimit të BE-së ka pohuar se Konferenca bazohet në supozimin që njerëzit duhet të bashkohen dhe të krijojnë rrjete për të eliminuar keqkuptimet dhe të ndërtojnë ura kulturore.

Konferenca e “Rrjetit Transatlantik” është organizuar nga Këshilli Britanik në Kosovë, Këshilli Britanik në Washington DC dhe Ambasada Britanike në bashkëpunim me Ministrinë e Punëve të Jashtme të Kosovës dhe do të zgjasë deri më 29 mars. 

Lexo më shumë

Pakicat, sfida e FSK-së

Një ndër sfidat kryesore të Forcës së Sigurisë është përfshirja sa me e madhe e komuniteteve pakicë në Kosovë e veçanërisht ajo e komunitetit serb, tha Ministri i Forcës së Sigurisë Agim Çeku të martën gjatë prezantimit të punës së Zyrës për Çështje të Komuniteteve në këtë ministri.

Ai tha se përfshirja e serbëve në FSK është edhe kriter në bazë të të cilit vlerësohet FSK-ja nga faktori ndërkombëtar.

Çeku tha se problem tjetër është edhe mos kualifikimi i pjesëtarëve të komuniteteve për të qenë oficerë të FSK-së, raporton RTK.
Ministri Çeku bëri të ditur se është aprovuar kërkesa që i është bërë Maqedonisë për shkollim të komuniteteve në Akademinë Ushtarake të atjeshme, ndërsa atje do të dërgohen katër pjesëtarë të komuniteteve për shkollim.

Forca e Sigurisë së Kosovës deri në fund të vitit 2011 përbëhej nga 2 364 pjesëtarë prej të cilëve 194 pjesëtarë të komuniteteve.

Ndërkohë që në fushatën për rekrutët e rinj kanë konkurruar 146 pjesëtarë të komuniteteve prej të cilëve 11 serbë

Lexo më shumë

Fule: Bisedimet për veriun varen nga Prishtina e Beogradi

Komisioneri për Zgjerim i Bashkimit Evropian, Stefan Fule gjatë qëndrimit të tij në Kosovë ka folur edhe për bisedimet ndërmjet Prishtinës dhe Beogradit.

Duke folur për përfshirjen apo mospërfshirjen e veriut në dialogun Kosovë-Serbi, Fule ka theksuar se kjo varet nga palët në dialog.

“Varet nga Prishtina e Beogradi se a do të jetë veriu në bisedimet ndërmjet tyre”, u shpreh ai.

Duke folur për veriun e Kosovës dhe integrimin e atyre qytetarëve, komisioneri për Zgjerim tha se për këtë çështje kanë propozuar edhe në Raportin e Progresit, që institucionet e Kosovës të kenë një qasje gjithëpërfshirëse për veriun.

Ai tha se është në duart e Prishtinës që të krijoi qasje tek komunitetet në veri. 

Lexo më shumë

Fillon Studimi i fizibilitetit, s’ka datë për Udhërrëfyes

Komisioneri për Zgjerim i Bashkimit Evropian, Stefan Fule deklaroi të martën në Prishtinë se lansimi në mënyrë formale i fillimit të Studimit të fizibilitetit e lëviz agjendën evropiane edhe një hap më tutje dhe se viti 2012 është vit i rasteve për Kosovën. Duke folur për përmbushjen e standardeve të kërkuara nga Bashkimi Evropian, Fule pranoi se administrata publike është duke u bërë sfidë shumë më e madhe për autoritetet në Kosovë.

Këto komente, Fule i bëri në konferencën për media pas takimit të parë të Këshillit kombëtar për integrime evropiane të themeluar nga presidentja e vendit, Atifete Jahjaga.

Në konferencën e përbashkët për media me presidenten Jahjaga, Fule tha se nuk mund ta jap kohën e saktë kur Kosovës do t’i jepet Udhërrëfyesi për vizat, mirëpo shprehu zotimin në këtë drejtim.

Megjithatë, komisioneri për Zgjerim lansimin formal të Studimit të fizibilitetit, e quajti si një hap dhe periudhë të re të marrëdhënieve Kosovë-BE.

Duke u përgjigjur në pyetjet se a është duke u bërë vetëm retorikë dhe jo punë konkrete për procesin integrues të Kosovës, Fule tha ndryshe është procesi aktual dhe ai i disa muajve më parë.

Fule ka thënë se ky studim do të bëjë një përfshirje të vlerësimeve lidhur me të arriturat në Kosovë. Sipas tij, studimi, do të identifikojë edhe sfidat që duhet përmbushur tutje, në mënyrë që edhe Kosova një ditë të mund të negociojë për nënshkrimin e marrëveshjes së Stabilizim-Asociimit.

Komisioneri për Zgjerim tha se është tejet e rëndësishme të përmbushen reforma elektorale, të ketë zbatim të ligjit, të respektohen të drejtat e pakicave, ndërkaq sa i përket administratës publike konfirmoi se është duke u bërë sfidë shumë e madhe për autoritetet në Kosovë.

Ndërkaq, presidentja e vendit, duke shprehur zotimin për përmbushjen e kritereve për procesin integrues, tha se integrimi evropian është një projekt kombëtarë.

Ajo u shpreh se është e rëndësishme që Kosova dhe i tërë Ballkani Perëndimor të integrohen sa më shpejt në BE.

Presidentja vlerësoi se Kosova dhe BE, në marrëdhëniet ndërmjet tyre kanë bërë një hap tejet të rëndësishëm me hapjen e procesit për liberalizimin e vizave dhe fillimit të studimit të fizibilitetit.

Lexo më shumë

Krasniqi: Tentuan të më blinin me para

“Ishte ditë e premte, rreth orës 7 e 45, derisa shkoja në punë, papritmas u gjenda në mesin e një numri të madh të forcave të sigurisë ndërkombëtare, para hotel ‘Therandës’. Mbi 200 pjesëtarë të forcave ndërkombëtare e kishin bllokuar gjithë zonën dhe në atë çast më ndaluan, më kërkuan dokumentet, dhe pa u bërë një minutë m’i lidhën duart mbrapa”, kështu e kujton çastin e arrestimit, dhjetë vjet më parë, Kimete Krasniqi, e akuzuar për një tentimvrasje ndaj Hamëz Hajra, e cila kishte ndodhur, kur Kimetja ende s’i kishte mbushur 18 vjet.

“Më arrestuan me pretekstin e një tentimvrasje, të një pjesëtari të policisë serbe me origjinë shqiptare. Për një tentimvrasje që kishte ndodhur më 19 prill të vitit 1998 në Drenicë. Mua më akuzuan si organizatore e atij tentimvrasjeje”, tregon Kimetja, për gazetën “Epoka e Re”.

Fillimisht atë e kanë dërguar në Prizren e pastaj e kanë sjellë në Prishtinë. “Ishte një ndjenjë shumë e keqe, që të arrestohesh në atë mënyrë, madje të akuzohesh për diçka që nuk e ke bërë”, rrëfen Krasniqi, e cila me t’u dërguar në qendrën e paraburgimit në Lipjan ka thënë se ka përjetuar tmerrin.
“Nuk mund ta përshkruaj me fjalë çfarë tmerri më ka ndodhur gjatë qëndrimi tim në atë qendër nga 5 prilli deri më 3 nëntor të 2002-së”, tregon ajo.

Pas qëndrimit të saj në paraburgim, kohë kjo kur ishin zhvilluar edhe seancat gjyqësore kundër saj, Kimetja ka thënë se i janë bërë shumë padrejtësi. “Çastet që i kam kaluar në Burgun e Lipjanit, sidomos në periudhën maj-qershor, kur kanë ardhur gardianet serbe, kurrë s’i harroj. Kam pasur shumë maltretime psikike. Maltretimet u shtuan edhe më shumë kur kuptuan se unë kisha qenë pjesëtare e UÇK-së dhe isha arrestuar kinse që kam tentuar ta vras një bashkëpunëtor të tyre. Nuk i harroj kurrë rastet kur merrja kartat për ta shfrytëzuar telefonin për të folur me familje dhe pa e përfunduar fjalinë e parë, ‘babë qysh je’, gardianja serbe ma hiqte kartën”, ka kujtuar Kimetja. “Kjo ka qenë koha më e keqe e jetës sime. Nuk kisha menduar se do të vijë ajo ditë që një serbe do të më mbyllte derën në Kosovën e lirë. M’i kanë shkelur edhe të drejtat që më takonin si e burgosur. Nuk më lejonin të lexoja as libra”, ka treguar ajo.

Në vazhdim Kimetja ka folur edhe se si hetuesit ndërkombëtarë i kanë ofruar të holla, që të bashkëpunojë me ta. “Edhe pse kishte dizinformata se kinse unë bashkëpunoja me UNMIK-un, isha e pastër në tërë procesin, këtë mund edhe ta argumentoj me anë të deklaratave të mia të cilat mund t’ua ofroj edhe lexuesve tuaj. Më është dukur sikur në filma, kur ma kanë ofruar një çantë me para dhe më kanë thënë: ‘Kjo është oferta jonë për ty. Nëse ti bashkëpunon me ne’. Mi kanë ofruar 200 mijë euro. Ka qenë një hetues ndërkombëtar, Riqard Grif, së bashku me Helenen, mbiemri i së cilës nuk më kujtohet tash. Përveç atyre parave, më ofruan strehim, sigurim, shkollim dhe gjëra të tjera për mua dhe familjen time në Kanada. Ata kanë kërkuar nga unë që në këmbim të dhënies së këtyre parave t’i përmendja disa emra të ish-eprorëve të UÇK-së”, ka treguar Kimetja.

Ajo thotë se asnjëherë nuk është ligështuar para ofertës së majme. “Kujtuan se mund të më blinin me para, pasi isha e re. Mirëpo unë refuzova kërkesën e tyre, sepse isha e pafajshme, siç ishin edhe të akuzuarit e tjerë në grupin tonë”, ka treguar Kimetja, duke shtuar se gjatë gjithë kohës është deklaruar e pafajshme, pasi nuk e kishte kryer veprën për të cilën akuzohej dhe e vuante dënimin.

Kimetja, është liruar pas qëndrimit në burg për shtatë mua. “E mbaj mend sikurse sot, edhe pse kanë kaluar disa vite. Ka qenë ditë e diel, madje u befasova shumë, sepse të dielave nuk punonte asgjë. U ktheva në shtëpinë time, të gjithë ishin të gëzuar, sepse mendonim se kësaj ngjarje të keqe i erdhi fundi”, është shprehur ajo.

Pas lirimit ajo ka treguar se për disa vite ka qëndruar në Slloveni. “Unë kam shkuar në Slloveni në mënyrë të rregullt, kam aplikuar dhe e kam marr vizën. Jashtë vendit kam qëndruar për disa vite. Por, gjatë asaj kohe familjen time e kanë maltretuar shumë. Duke e bastisur herë pas herë, duke marrë në pyetje, madje edhe fëmijët e moshës 3-vjeçare pa praninë e prindit”, ka thënë Kimetja, duke shtuar se nuk ka dashur të kthehet sërish në Kosovë, pasi e dinte se përsëri do ta dërgonin në burg.

“Më kanë mbajtur në burg pa vazhdim të paraburgimit, ku për këtë kemi bërë edhe ankesë te Avokati i Popullit. Pra, më kanë mbajtur në paraburgim pa kurrfarë dokumenti. Kjo ka qenë kundër ligjit. Po ashtu, pa kurrfarë vendimi jam liruar nga burgu, madje jam liruar të dielën. Nuk më kanë dhënë asnjë letër apo ndalesë. Thjesht, vetëm më kanë thënë je e lirë”, ka treguar Kimetja.

“Fillimisht Gjykata e Qarkut në Gjilan më ka dënuar me gjashtë vjet burg dhe kam qenë e obliguar ta vuaj dënimin. Por, s’jam kthyer në Kosovë ta vuaj dënimin. Pastaj me vendimin e Gjykatës Supreme të Kosovës unë jam liruar dhe është hedhur poshtë vendimi i Gjykatës së Qarkut në Gjilan, pasi avokati im Destan Rrukiqi ka bërë ankesë që janë shkelur procedurat ligjore dhe mbi bazën e asaj ankese është hedhur poshtë vendimi dhe jam liruar deri në një rigjykim të ardhshëm”, ka treguar.

“Më 5 janar të vitit 2011 me kanë bërë padrejtësi duke ardhur në shtëpi policia, duke më arrestuar për të njëjtin dënim, edhe pse tashmë vendimi për këtë ishte anuluar. Prandaj, ligjërisht s’mund të ketë edhe dënim edhe rigjykim për të njëjtën çështje, por ky proces ka qenë i montuar nga ndërkombëtarët nga UNMIK-u”, ka thënë Kimetja.

Fundi i procesit gjyqësor

Kimetja ka treguar se në mungesë të fakteve dhe në bazë të përshkrimit të veprës penale prokurori ka hequr dorë. “Prokurori ka heq dorë prej akuze, dhe ky është verdikt i formës së prerë. Ka qenë një prokuror ndërkombëtar dhe një vendor, Arben Kadriu”, është shprehur ajo, duke përshkruar emocionet kur është liruar.

“Kam qenë tërësisht e shtangur. Derisa të tjerët me uronin, unë nuk ndihesha e gëzuar. S’kam besuar një gjë të tillë, duke e pasur parasysh atë që ka ndodhur për dhjetë vjet. As mendja nuk më ka shkuar”, ka treguar Kimetja. Ajo ka thënë se me 185 vjet burg është dënuar i tërë grupi i tyre. “Deri më tani jemi liruar 8 persona, ndërsa 5 të tjerë ende mbahen padrejtësisht në burg, duke vuajtur dënimin për një vepër që nuk e kanë kryer. Unë e kam një shpresë, se edhe ata do të mund të lirohen një ditë, por kjo mund të ndodhë vetëm nëse ndërkombëtarët largohen prej Kosovës. Nuk ka drejtësi ndërkombëtare në Kosovë.

Unë nuk i besoj, sepse deri më tani është dëshmuar kjo në shumë procese gjyqësore. Prandaj, nuk besoj në drejtësi. Drejtësia te rasti im ka triumfuar pas 10 vjetëve”, ka thënë Kimetja, e cila pas kësaj sfide ka marrë mundin t’i vazhdojë studimet.

Lexo më shumë

Politika sfidon gjyqësorin

Gjyqësori në Kosovë nuk ka arritur të pavarësohet nga ndikimet politike, dhe indikacionet tregojnë se mungon vullneti politik që një gjë e tillë të arrihet, vlerësojnë ekspertët e çështjeve juridike në vend.

Ish-ministri i drejtësisë, Haki Demolli thotë se ekziston një perceptim se politika e ushtron ndikimin në gjyqësor, ndërkohë që për një gjë të tillë kanë sinjalizuar edhe raportet e organizatave relevante ndërkombëtare.

“Ekziston një ndjenjë, një perceptim i përgjithshëm, që gjyqësori ende nuk është i pavarur plotësisht, nuk do të thosha vetëm nga politika, por edhe nga faktorët tjerë që ndikojnë. Pavarësisht se me legjislacion dhe me dispozita ligjore i garantohet pavarësia gjyqësorit, por praktika dhe rastet praktike tregojnë se herë-herë disa nga gjykatësit nuk veprojnë në mënyrë të pavarur, por janë nën ndikime të caktuara”, tha Demolli për Rel.

Mendim të ngjashëm ka edhe eksperti tjetër për çështje juridike, Ismet Salihu. Sipas tij, gjyqësori sot nuk i nënshtrohet presionit dhe ndikimit vetëm nga një rrymë politike, por më shumë.

“Për të qenë situata edhe më e keqe, është ndikimi i politikave të partive politike. Kjo është edhe më e keqe, më e rrezikshme dhe më e dëmshme se sa ndikimi i një politike. Edhe me rastin e emërimeve dhe riemërimeve të gjyqtarëve, ka tendenca, por edhe veprime të drejtë për drejta që partitë politike, përkatësisht politika, ti ketë njerëzit e vet në gjyqësor-gjykatësit, prokurorët, etj. Madje, i di rastet, që kanë qenë shuam të interesuar që në krye të gjykatave të caktuara të jenë njerëzit e partive, partizanët”, thotë Salihu.

Ai thekson se EULEX-i, pavarësisht të metave, që sipas tij i ka dhe vërejtjeve që i bëhen, ka arritur ti amortizojë dhe mos lejojë këto tentime, sepse e gjithë situata , siç thotë ai, do të bëhej edhe më keq se sa që është.

Ndryshe, të dy këta ekspertë të çështjeve juridike, vlerësojnë se për të arritur një shkallë të lartë të pavarësisë së gjyqësorit nga politika, është i nevojshëm vullneti politik i faktorëve politik.

Sido që të jetë, ekspertët e çështjeve juridike, vlerësojnë se pavarësimi i gjyqësorit nga politika, jo vetëm tash, por as në dhjetë vitet e ardhshme, nuk do të mund të bëhet pa ndihmën e ndërkombëtarëve.

Lexo më shumë

Fule dorëzoi dokumentin e fillimit të studimit të fizibilitetit

Në takimin e Këshillit Kombëtar për Integrime Evropiane, Komisioneri për zgjerim të BE-së, Stefan Fule, u ka dorëzuar krerëve shtetërorë të Kosovës dokumentin e fillimit të studimit të fizibilitetit

Presidentja e vendit, Atifete Jahjaga, ka thënë se Këshilli Kombëtar për Integrime Evropiane ka për qëllim ndërtimin e koncensusit institucional dhe shoqëror.

“Ne si institucione e kemi vullnetin që secilin kushte ta plotësojmë në funksion të sigurimit të kushteve sa më të mira për qytetarët e vendit”, ka thënë presidentja, duke shtuar se takimi i sotëm është shprehje dhe dëshmi se të gjithë ne institucionet, partitë politike, institucionet akademike dhe të gjithë qytetare keni vullnetin për të vazhduar në këtë rrugë, raporton Kosovapress.

“Si president e vendit do të ndërmarrë çdo veprim që shton efikasitetin e institucioneve në përshpejtimin e dinamikës për integrim në BE”, ka pohuar Jahjaga.

Ajo ka vlerësuar se Kosova dhe BE, në marrëdhëniet ndërmjet tyre, kanë bërë një hap tejet të rëndësishëm në hapjen e procesit për liberalizimin e vizave dhe fillimit të studimit të fizibilitetit.

Ndërsa, Stefan Fule, komisioneri për zgjerim i BE, ka thënë se ndihej i lumtur edhe zyrtarisht do të fillojë studimi i fizibilitetit. “Studimi i fizibiliteti do të përcakton politika integruese të Kosovës”, tha Fule, duke shtuar ai do të përcjell të arritur e Kosovës në arritjen e standardeve dhe do të sugjeron se çfarë duhet të bëjë Kosova.

Ai më pas, dokumentin e fillimit edhe zyrtarë të procesit të studimit të fizibilitetit për Kosovën, u ka dorëzuar përfaqësuesve të institucioneve kryesore të vendit, presidentes dhe kryeministrit te vendit.

Lexo më shumë

Zgjatet afati për privatizimin e KEDS-it

Komiteti Qeveritar për Privatizimin e KEDS (KQP), të martën, ka aprovuar shtyrjen e afatit për dorëzimin e ofertave deri me 20 prill të këtij viti. Ky vendim vjen me kërkesën e kompanive të parakualifikuara Limak, Calik, Elsewedy dhe TAIB të cilat kanë kërkuar nga KQP-ja kohë shtesë për t’i përgatitur ofertat e tyre, për privatizimin e Distribucionit dhe Furnizimit me Energji Elektrike të KEK.

Ministria e Zhvillimit Ekonomik (MZHE) ka njoftuar se Komiteti Qeveritar për Privatizim në pajtueshmëri të plotë të ministrave anëtarë, ka vendosur gjithashtu që ti lejojë kompanitë e parakualifikuara në këtë proces privatizimi, që të kenë mundësinë e formimit të konzorciumeve në mes veti, me qëllim të nxitjes dhe stimulimit të ofertave sa më cilësore.

“Procesi pritet të shkoj sipas agjendës së paraparë nga KQP, ofertat e kompanive të parakualifikuara pritet të dorëzohen nga investitorët në afatin përfundimtar me 20 prill, deri në orën 12 pranimi i ofertave do të jetë i hapur për publikun”, theksohet në komunikatë.

Ofertat e kompanive të parakualifikuara pritet të përshkojnë nëpër një proces vlerësimi që së pari parashihet të përmbushen kriteret teknike të ofertës dhe pas përmbushjes së tyre, procedohet me ofertën financiare. Oferta më e lartë financiare, do të shpallet fituese e tenderit për privatizimin e KEDS. 

Lexo më shumë

Kosova ankesë kundër Serbisë

Korporata Energjetike e Kosovës (KEK) ka ngritur një ankesë zyrtare kundër Republikës se Serbisë në Sekretariatin e Komitetit Energjetik, bëjnë të ditur zyrtarë të kësaj kompanie.

Viktor Buzhala, zëdhënës në Korporatën Energjetike të Kosovës, thotë se KEK-u është i vetëdijshëm se dy operatorë të palicencuar, “Elektro Ekonomia e Serbisë” dhe e ashtuquajtura “Elektrokosmet”, nuk janë të regjistruara në Kosovë, por në mënyrë ilegale veprojnë në pjesën veriore të vendit.

Për këtë arsye, Buzhala thotë se çështja është ngritur në Sekretariatin e Komunitetit të Energjisë kundër Republikës së Serbisë për mosplotësim të obligimeve të saj ligjore sipas Traktatit për Komunitetin e Energjisë. “Këto kompani vazhdojnë të operojnë duke mos pasur licencë dhe duke ndërhyrë edhe në punët për të cilat është i autorizuar dhe licencuar në Kosovë vetëm KEK-u”, thotë Buzhala.

Ai rikujton se Korporata Energjetike e Kosovës, sipas kornizës ligjore dhe rregullative, është i vetmi operator i licencuar i sistemit të shpërndarjes dhe furnizues publik për tërë territorin e Kosovës.

Në anën tjetër Ethem Çeku, ish-ministër i Energjisë në kohën kur është nënshkruar marrëveshja për energji më vendet e Evropës Juglindore, pohon se Kosova është vonuar në procedurat ligjore kundër Republikës se Serbisë.

Ai thotë se veprimi i disa operatorëve ilegalë të Serbisë, në pjesën veriore të vendit, i kanë shkaktuar humbje të mëdha Korporatës Energjetike të Kosovës. “KEK-u është vonuar për të ngritur në aspektin juridik problemin në mekanizmat evropianë. Sepse, është thënë edhe herët mund të përdorën mekanizmat evropianë, për të ngritur përdorimin e linjës 400 kilovatëve që e bënë Serbia në drejtimin e Kosovës”.

“Serbia përdorë rrugën energjetike pa e kompensuar fare Kosovën. Dhe janë vite të tëra që është duke e përdorë, janë vite të tëra që e shantazhon në një farë forme Kosovën përmes rrugës energjetike. Edhe pse këto rrugë janë të ndërtuara qind për qind nga buxheti i Kosovës. Do të thotë, Serbia nuk e ka të drejtën e shfrytëzimit të 400 kilovatëshit, pa e bërë pagesën e transitit që e përdor për sektorin energjisë elektrike në Kosovë”, shprehet Çeku.

KEK-u këtë ankesë e ka ngritur në fillim të këtij viti, dhe deri më tash, nuk ka marrë asnjë përgjigje nga mekanizmat përkatës të Traktatit. 

Lexo më shumë

OECD: Kriza në Eurozonë është larg fundit

Organizata për Bashkëpunim Ekonomik dhe Zhvillim (OECD), ka paralajmëruar se pavarësisht qetësisë në tregjet financiare kriza në eurozonë nuk ka përfunduar ende. Organizata ka paralajmëruar për dobësi të sistemit bankar në rajon, për rritje të nivelit të borxheve në të gjithë bllokun e monedhës së përbashkët si dhe për faktin që të gjitha qeveritë europiane ende nuk kanë garantuar synimet fiskale.

Ndërkohë që eurozona po i drejtohet recesionit OECD ka bërë thirrje që 17 vendet e bllokut të realizojnë reforma ambicioze në fushën e ekonomisë dhe u ka rikujtuar qeverive se nuk kanë as luksin dhe as hapësirat e nevojshme për të qenë të pavëmendshëm.

"Besueshmëria e tregjeve tek borxhi sovran në eurozonë është ende i dobët” thotë organizata me qendër në Paris në një raport mbi shëndetin e ekonomisë së bllokut. Në këtë raport thuhet se “parashikimi për rritjen e ekonomisë në mënyrë të pazakontë është shumë i pasigurt dhe varët në mënyrë kritike tek zgjidhja e krizës së borxheve sovrane”. Por në ndryshim nga komisioni europian dhe nga fondi monetar ndërkombëtar që thonë se rajoni do tkurret, OECD parashikon që eurozona në këtë vit të rritet me 0.2 për qind. Shumica e analistëve në rang global ndahen në opinionin mbi masën e rënies së ekonomisë së Eurozonës.

Por të gjithë janë në një mendje se rritja e ekonomisë në bllokun e monedhës së përbashkët është në varësi të performancës së ekonomisë amerikane dhe Azisë. Ata argumentojnë se në Europë besueshmëria e dobët e biznesit, kursimet në buxhetet kombëtare do të ndikojnë në forcën konsumatore europiane dhe do rrisin papunësinë.

Sipas vlerësimeve të OECD niveli i borxhit në qeverive të eurozonës do të arrijë në 91 për qind të prodhimit të brendshëm bruto, pavarësisht aplikimit të programeve të shtrëngimit ekonomik dhe përmbi nivelin e lejuar nga traktatet europiane.

Lexo më shumë

Optimizmi slloven për krizën ekonomike

Sipas një hulumtimi të Eurobarometrit, Sllovenia është ndër vendet e BE-së, e cila shpreh besimin më të madh ndaj përballimit të krizës ekonomike.

Hulumtimi sakson se 42 për qind nga të anketuarit pohojnë që BE-ja ecën në rrugën e drejtë të rimëkëmbjes, ndërsa 24 për qind deklaruan që prioritetet e BE-së janë të gabuara.

Këto shifra janë mbi nivelin mesatar të opinionit në BE për sa i përket daljes nga kriza. Besim më të vogël ndaj rimëkëmbjes së BE-së regjistrojnë italianët 21 për qind, lituanët 28 për qind, portugezët 30 për qind, irlandezët dhe grekët 32 për qind.

Lexo më shumë

FMN paralajmëron për përshkallëzim të krizës

“Duhet të bëhet shumë për të nxitur rritjen ekonomike në Greqi”, tha sot zëvendës drejtor i Fondit Monetar Ndërkombëtar Naogiouki Sinochara, i cili gjithashtu paralajmëroi një përshkallëzim të ri të krizës në Eurozonë.

Zyrtari i FMN përshëndeti draftin e fundit të mbështetjes së Greqisë nga BE, megjithatë, shtoi, "nuk ka vend për vetëkënaqësi. Ne duhet të bëjmë shumë më tepër për të stimuluar rritjen ekonomike të këtij vendi".

Gjatë një fjalimi në Bangkok, ai tha se "treguesit ekonomikë të vitit të kaluar treguan një rënie të konsiderueshme në ekonominë globale, por pati shenja inkurajuese të javët e fundit, kur treguesit ekonomikë filluan të përmirësohen dhe stabilizohen, jo vetëm në Evropë por edhe në SHBA".

Zëvendësdrejtori i FMN vërejti se “progresi në ekonominë globale që shihet kohët e fundit është ende shumë i brishtë, ndërsa rreziqet janë ende shumë të mëdha”. Shqetësimi më i afërt është një përshkallëzim i ri në zonën e krizës", deklaroi ai.

Në shumë vende, borxhi publik mbetet në nivele rekord, ndërkohë që papunësia është e lartë, tha z Sinochara. "Ne jemi në një rrugë shumë të ngushtë për rimëkëmbjen ekonomike dhe rreziku i daljes nga shinat është shumë i lartë," theksoi ai.

Zëvendësdrejtori i FMN gjithashtu iu bëri thirrje vendeve të zhvilluara për të zbatuar "reforma strukturore për të korrigjuar dëmin e shkaktuar nga kriza", ndërsa vendeve në zhvillim iu kërkoi të mbeten "vigjilentë”.

Lexo më shumë

Shtrenjtohen derivatet e naftës

Me këto korrigjime dhe rritje çmimesh, Eurosuper BS-95 arrin në 87.50 denarë për litër, Eurosuper 98 në 89.00 denarë për litër. Komisioni Rregullator për Energjetikë dje vendim për rritjen e çmimit të derivateve të naftës.

Sipas vendimit, prej mesnate benzina u shtrenjtua për 1.50 denarë për litër, ndërsa nafta d për gjysmë denari.

Me këto korrigjime dhe rritje çmimesh, Eurosuper BS-95 arrin në 87.50 denarë për litër, Eurosuper 98 në 89.00 denarë për litër.

Gjithashtu edhe çmimi i derivateve të naftës u shtrenjtua për 0.50 denarë për litër, ashtu që çmimi i dizelit shkoi në 75.50 denarë për litër. 

Lexo më shumë

Wenger: Milani nuk mund ta fitojë LK-në

Trajneri i Arsenalit, Arsene Wenger, mendon se Milani nuk ka shanse reale për ta ngritur trofeun e Ligës së Kampionëve këtë sezon.

Kampionët e Serie A u kualifikuan në çerekfinale të garës evropiane duke eliminuar pikërisht Arsenalin, por Wenger gjatë kolumnen e tij për Eurosport ka shkruar se Milani nuk ka gjasa ta fitojë trofeun e më të mirit të Evropës.

“E njoh Milanin shumë mirë: ata luajnë shumë mirë përderisa funksionojnë si kolektiv, por nuk mendoj se ata kanë shanse ta fitojnë trofeun”.

“Ata kanë disa pika të dobëta, edhe pse kanë një lojtar me kualitetet e Zlatan Ibrahimovic. Robinho po ashtu mund të jetë i rrezikshëm në sulm, por ‘Ibra’ mund të shënojë shumë gola në një ditë të mirë”.

“Milani e di çfarë duhet të bëjë për të fituar në San Siro: Shpresoj që kushtet e fushës së tyre janë përmirësuar, pasi kundër nesh ishte tmerr! Çdokush shikon me respekt në Milanin, por mendoj se ata nuk kanë shanse ta fitojnë Ligën e Kampionëve”, ka shkruar Wenger.

Lexo më shumë

Ribery: Dua ta përfundoj karrierën te Bayerni

Franck Ribery ka thënë se ai dëshiron ta mbyllë karrierën e tij si futbollist te Bayerni i Munichut.

“Po futem në vitin e pestë te Bayerni. Në këtë klub, në këtë qytet, ndjehem si në shtëpi. Jam shumë i lumtur dhe ndjehem i lirë këtu. Familja ime po ashtu ndjehet komforte. Dua t’i jap fund karrierës në këtë klub”.

“Kam gjetur një shtëpi e cila është afër qendrës stërvitore. Gjithçka është në vend për mua të ndjehem sa më mirë që mundem”, ka thënë Ribery për L'Equipe.

Lexo më shumë

Gibbs: Walcott më i miri në Ligë

Mbrojtësi i Arsenalit, Keiran Gibbs, thotë se Theo Walcott po e dëshmon veten si anësori më i mirë në Ligën Premier.

“Për mua, po [ai është anësori më i mirë në vend]. Më mirë ta them kështu, nuk do të doja të luaja kundër tij”.

“E kam përcjellë atë shumë kur ai erdhi për të parën herë në klub, është kënaqësi dhe nder të luaj me të. Ai është një lojtar i jashtëzakonshëm”.

“A është një prej miqve të mi më të mirë dhe është një djalosh i klasit. Ai është shembull, e merr punën vërtet me shumë seriozitet dhe është djalosh shumë i mirë”, ka thënë Gibbs. 

Lexo më shumë

Cruyff sërish kritikon Realin

Legjenda e Barcelonës, Johan Cruyff, ka dërguar një sulm të ashpër në drejtim të Real Madridit dhe kritikave të tyre ndaj vendimeve të arbitrave.

Madrilenët injoruan mediat gjatë javës së fundit në shenjë proteste ndaj vendimeve të gjyqtarit në barazimin 1-1 ndaj Villarrealit, që i mundësoi Barcelonës të ngushtojë në gjashtë pikë diferencën ndaj tyre.

“Madrid janë humbës të dhimbshëm që kërkojnë arsyetim. Kundër Malagas dhe Villarrealit, ata nuk bënë më keq se sa kur luajtën nga Betis ose Rayo Vallecanos”.

“Pastaj i kanë fituar ndeshjet kur nuk i kanë merituar dhe pastaj kanë barazuar në ndeshje kur është dashur të fitojnë. Është shumë e thjeshtë”.

“Në ditët e sotme, Madrid ose fiton ose ata dalin të zemëruar. Nuk ka një vend në mes”, ka shkruar Cruyff në kolumnen e tij për El Periodico de Catalunya. 

Lexo më shumë

Buffon të vazhdojë kontratën me Juven

Portieri i Juventusit, Gianluigi Buffon, është afër për të nënshkruar vazhdimin e kontratës, raporton Tuttosport.

Kontrata aktuale e 34-vjeçarit me Bianconerët skadon në fund të sezonit të ardhshëm dhe agjenti i tij më herët kishte dhënë dyshime për interesimin e klientit të tij për t’i dhënë fund karrierën me klubin nga Torino.

Megjithatë, besohet se gjatë disa javëve të ardhshme, Buffon dhe Juventus do të përfshihen në negociata për vazhdimin e kontratës, me Zonjën e vjetër që pritet ta formalizojë rinovimin në maj.

Përmes kontratës së re Buffon raportohet se do të lidhet me Juventusin deri në vitin 2015 dhe do ta rrisë pagën aktuale në 6 milionë euro në vit, pasi klubi dëshiron ta shpaguajë besimin e lojtarit gjatë sezoneve të kaluara.

Kapiteni i Italisë ka qenë te Juventusi që nga viti 2001, kur kompletoi transferimin nga Parma për 54.2 milionë euro. 

Lexo më shumë

Ferguson: Fulhami, paralajmërim për sfidat e radhës

Menaxheri i Manchester United, Sir Alex Ferguson, thotë se fitorja e ngushtë 1-0 ndaj Fulhamit është një alarm zgjimi për lojtarët e tij.

“Të gjitha ndeshjet janë sfiduese. Kjo është një paralajmërim. Ishte një ndeshje e shkëlqyeshme për ne sonte, pasi është saktësisht ajo çfarë do të ndodhë gjatë gjithë pjesës së mbetur të sezonit”.

“Skuadrat do të përplasen dhe luftojnë, duke u përpjekur të mbijetojnë, dhe jo të jenë viktima të Manchester United pasi ata nuk duan të shihen të nënshtruar”.

“Fulhami bëri shumë sonte. Ata janë një skuadër me përvojë dhe ishte vështirë t’i thyesh. Kur ju qëndroni në mbrojtje nuk është e rëndësishme nëse keni 11 mekanikë, marangozë ose futbollistë, është vështirë t’i thyesh”.

“Ne bëmë mjaftueshëm për ta mbyllur ndeshjen por nuk e bëmë këtë dhe për pak sa nuk paguam me penalti”, ka thënë Ferguson për Sky Sports. 

Lexo më shumë

NBA: Nuggets ndalojnë Bulls-at

Denver Nuggets, skuadra e cila ka shënuar më së shumti në NBA, ka refuzuar të dorëzohet ndaj skuadrës lidere (me më shumë fitore), Chicago Bulls, për të siguruar fitore 108-91.

Ty Lawson udhëhoqi te mysafirët me 27 pikë dhe nëntë kërcime, ndërsa Arron Afflalo shënoi 22 pikë, derisa Nuggets shënuan fitoren e tretë në shtatë ndeshjet e fundit në udhëtim dhe të 27-tën e sezonit (23 disfata).

Fitorja e mban Denverin, që ka një mesatare prej më shumë se 103 pikësh për ndeshje, në nivel me Utah dhe Houston për pozitën e shtatë në garën e ngjeshur në Konferencën Perëndimore.

Liderët e lindjes, Chicago Bulls, mbeten 3 ndeshje e gjysmë mbi Miamin, që po ashtu pësoi disfatë mbrëmë. 

Lexo më shumë

Lampard: Nuk jemi si dikur

Frank Lampard mendon se Chelsea nuk luan në nivelin që ka luajtur në sezonet e kaluara.

“Rezultatet dhe pozita ku jemi në tabelë nuk gënjejnë – ne nuk jemi aq të mirë sa kemi qenë dikur”.

“Ne kemi pasur një fortesë këtu [në Stamford Bridge] dhe për arsye të ndryshme nuk po e bëjmë këtë tash. Është diçka që të gjithë duhet ta pranojmë”.

“Ju e dini se një ndeshje kundër një skuadre shumë të mirë si Tottenham do të jetë e vështirë. Por nuk mendoj se ne ishim aq të mirë. Ne duhej të luanim më shumë me urgjencën e treguar kundër Napolit”, ka thënë Lampard.

Lexo më shumë

Laporta e sheh Guardiolën si president të klubit

Ish-presidenti i Barcelonës, Joan Laporta, mendon se Pep Guardiola mund të bëjë një kthesë në angazhimet e tij në klub.

E ardhmja e Guardiolës ka qenë subjekt i shumë spekulimeve, pasi ai ende nuk e ka nënshkruar kontratën e re për të qenë në karrigen e trajnerit edhe sezonin e ardhshëm.

“Pep Guardiola do të jetë presidenti i ardhshëm i Barcelonës. Xavi do të jetë trajneri i ardhshëm, ai është fenomen,. Ai është po ashtu një person i shkëlqyeshëm”, ka thënë Laporta për La Repubblica. 

Lexo më shumë

Gervinho: Po rikthej formën

Mesfushori i Arsenalit, Gervinho, thotë është i kënaqur me formën të cilën po e gëzon së fundi.

“Kam folur me trajnerin kur jam kthyer [nga Kupa Afrikane e Kombeve]. Ai e dinte se isha i lodhur dhe kisha nevojë për ca kohë për t’u rikuperuar dhe për të kthyer formën time më të mirë. Tash, ndjehem mirë sërish”.

“Dua ta përfundoj sezonin mirë dhe të jem pjesë kyçe e skuadrës në ndeshjet e fundit të sezonit dhe të ndihmoj ekipin të përfundojë në pozitën e tretë”, ka thënë Gervinho. 

Lexo më shumë

Jol i pakënaqur me penaltinë e paakorduar

Menaxheri i Fulhamit, Martin Jol, mendon se ata merituan një penalti të vonshme në disfatën e mbrëmshme 1-0 ndaj Manchester United.

“Mendoj se ishte një situatë e vështirë. Mendoj se nëse [gjyqtari] do të kishte akorduar penalti, do të duhej ta përjashtonte Michael Carrick”.

“Mendoj se çdokush në stadium priste penalti, të jem i sinqertë. Ju duhet të jemi të guximshëm për të akorduar penalti ndaj Man United”, ka thënë Jol për Sky Sports 1. 

Lexo më shumë

Redknapp: Humbja e top katërshit, dështim

Menaxheri i Tottenhamit, Harry Redknapp, thotë se humbja e top katërshit do të ishte një goditje e madhe për skuadrën.

Spursat dukej sikur ishin në garë për titull javë më parë, por pas dështimeve të fundit kanë rënë në pozitën e katërt dhe madje rrezikojnë ta humbasin edhe atë ndaj Chelsat.

“Pozita ku ne ishim një muaj më parë, ne dukeshim të ngjitur aty, apo jo?”.

“Do të ishte një zhgënjim i madh nëse ne nuk ia dalim, kjo është e sigurt. Kjo do të më tmerronte”, ka thënë Redknapp.

Lexo më shumë

Agron Llakaj së shpejti me emision humoristik

Moderatori Agron Llakaj i cili dikur ishte moderator në emisionin “Portokalli” së shpejti ai do të vijë me një projekt të ri humoristik.

Ai ka pohuar se do së shpejti do të jetë moderator në një emision të ri humoristik, ku do të jetë edhe humorist.

“Projekti im i ri është satiriko-humoristik, ku unë do të jem në rolin e moderatorit dhe atë të humoristit. Do të jetë me 3 pjesë, e para do të konceptohet me lajme nga vendi e bota, por duke i ironizuar”.

“E dyta do të ketë në fokus një të ftuar special VIP, po në pjesën e dytë do të kemi të ftuar aktorë, me të cilët do të aktrojmë bashkë, ndërsa në pjesën e tretë do të kemi të ftuar edhe personazhe të thjeshtë, të cilët do të kenë një mundësi për të treguar talentin e tyre”, ka thënë Llaka për mediat shqiptare.

Agron Llakaj aktualisht është drejtues i emisonit “Kush do të bëhet milioner”.

Lexo më shumë

Slash: Muzika ka humbur magjinë

Slash mendon se muzika ka “humbur magjinë e saj” për shkak të popullaritetit të madh të shkarkimeve (në internet) krahasuar me lansimet në formë të disqeve.

Ish-kitaristi i grupit Guns N' Roses mendon se me anë të mënyrave moderne të blerjes së albumeve përmes downloadimit, dëgjuesi humb diçka pasi nuk e merr komplet pakon e cila përshin edhe anën vizuale.

“Kishte një ngazëllim të caktuar që vinte me lëshimin e incizimeve të reja dhe shumica e tyre ishte një pako në vete, dhe ishte diçka me të cilën ju ecnit gjatë derisa dëgjonit incizimin”.

“Ishte dëshpëruese të shohim këto gjëra të zhduken por, e dini, me CD së paku ju ende kishit broshurat, por tash, kur shikoni në situatën digjitale, ju mendoni ‘S’ka asgjë në të’. As që është e prekshme më. Është e përshtatshme, por ju humbni magjinë në të”, ka thënë Slash.

Lexo më shumë

Bleona së shpejti edhe si aktore

Këngëtarja shqiptare Bleona Qereti së shpejti do ta sprovojë veten edhe si aktore.

Lajmin e ka bërë të ditur vetë bukuroshja përmes faqes zyrtare të saj në Twitter.

“Hello Albania, shumë shpejt do të dëgjoni surprizën time të radhës ku unë luaj në një film që shumicën e kohës flas shqip”, ka shkruar Bleona në Twitter.

“Nuk ju them dot më shumë, ju dua shumë shumë shumë, Zoti e bekoftë Albanian”, ka shtuar Bleona.

Lexo më shumë

Ermira: Nuk e prisja eliminimin

Të shtunën nga shtëpia e “Big Brother” u largua Ermira Kaso. Ajo ishte e pranishme të hënën në studion e “Pasdites” në Top Channel, për të rrëfyer mbi përvojën e saj.

Ermira ka pohuar se nuk e kishte pritur eliminimin dhe është e befasuar me daljen e saj.

“Në fakt, realisht u befasova me daljen time. Ishin të shumtë ata që më kanë thënë se nuk e prisnin të dilja dhe madje as unë nuk e prisja që të isha midis gjashtë nominimeve me më pak preferenca. Duke parë personazhet në nominim, mendoja se do të lija 2-3 pas. Të paktën mendoja se do lija pas Anilën dhe Lorenën”, ka thënë Ermira.

Ajo ka pohuar se tashmë i është kthyer jetës normale dhe do të vazhdojë jetën si gjithmonë.

“Jeta vazhdon si gjithmonë. Nuk kam parë me vëmendje se si pritem në rrugë, por dola sot e piva një kafe me miqtë në mëngjes. Jam njeri që më pëlqejnë fytyrat dhe lëvizshmëria, por jo se aty brenda përjetova një situatë të keqe, madje u ndjeva rehat dhe mendoja të rija më shumë si në shtëpi dhe të ndikohesha sa më pak nga kamerat”, ka shtuar Ermira. 

Lexo më shumë

Pozita më e mirë për të mbetur shtatzënë

Është e vërtetë që, së paku nga ana teorike, mund të mbeteni shtatzënë në cilëndo qoftë pozitë seksuale dhe pozita kurrë nuk bën të jetë e vetmja “mbrojtje” të cilën e përdorni që të pengoni shtatzëninë e padëshiruar.

Nëse kërkoni pozitën në të cilën do të keni shansin më të madh të mbeteni shtatzënë, pra, ajo është pozita klasike misionare (mashkulli sipër) duke e plotësuar me të ashtuquajturën “pjerrësi kombliku”, përkatësisht lëvizja e komblikut nga poshtë lart.

Vënia e jastëkut nën prapanicë do t’ju ndihmojnë të ngrini komblikun, gjë që do t’u mundësojë “notarëve” të saj që më lehtë të arrijnë te vezoret tuaja.

Gjithashtu, mos harroni edhe orgazmën tuaj, duke pasur parasysh që ajo shton shansin që të mbeteni shtatzënë. 

Lexo më shumë

Mungesa e gjumit shkakton trashjen

Mungesa e gjumit mund t'ju nxisë të konsumoni më shumë kalori se sa keni nevojë. Hulumtimi i ri zbulon që individët që flenë më pak se sa duhet konsumojnë më shumë se 500 kalori më shumë gjatë ditës.

“Gjumi është i rëndësishëm për tërë organizmin, pa sasitë e nevojshme të gjumit organizmi nuk mund të shpenzojë kaloritë në mënyrë normale”, përcjell HuffPost deklaratën e dr. Andrew Calvin.

Hulumtimet e mëhershme kanë treguar që mungesa e gjumit çon deri tek shpenzimi i rritur i kalorive, atëherë trupi shpenzon më shumë kalori sepse nuk është i pushueshëm.

Megjithatë, me këtë hulumtim është treguar e kundërta. Personat që flenë më pak janë më pak të prirë për të ngrënë më shumë ushqim i cili është i pasur me karbohidrate. Po ashtu, sa më e gjatë që është koha pa gjumë e personit, më shumë ka mundësi që të hajë, sepse në fund të fundit, nuk mund të hani derisa flini.

Në fund të fundit, gjumi është i domosdoshëm për funksionimin normal të organizmit në tërësi dhe shpenzimin e kalorive. Prandaj flini mirë sa herë që mundeni, për ta mbajtur peshën e shëndetshme trupore.

Lexo më shumë

Photoshop CS6 për 64 bit

Adobe javës që shkoi të gjithë të interesuarve ua mundësoi shkarkimin e beta versionit të Photoshop CS6.

Versioni i ri i programit të njohur për përpunimin e fotografive ka ndërfaqen e re dhe veglat e ridizajnuara, performanca më të mira, mundësinë e ritushimit më kualitativ të pjesëve të fotografive varësisht nga pjesa e mbetur e fotografisë dhe një mori të mundësive të tjera.

Ndryshimet kanë të bëjnë edhe me platformat e përkrahura – në Windows versioni 32-bitësh është me mundësi të kufizuara është në dispozicion për Windows XP, derisa versioni për kompjuterët Mac është vetëm 64-bitësh. Kjo nënkupton se Photoshop CS6 nuk do të mund të përdoret nga pronarët e Mac-ëve më të vjetër me procesorët 32-bitësh të Intelit, derisa kushti minimal për sistemin operativ është Snow Leopard (OS X 10.6.8).

Risi ka edhe në platformën Windows, kur është larguar përkrahja zyrtare për Vistan, kështu që Adobe preferon Windows XP (për versionin 32-bitësh) dhe Windows 7 me së paku 1 GB memorie punuese. Përveç përkrahjes së plotë 64-bitësh, Adobe pohon se CS6 është i optimizuar edhe për procesorët modern shumëbërthamësh. Versioni final i Photoshop CS6 në treg pritet të paraqitet më vonë gjatë vitit, ndërsa versioni beta mund të shkarkohet nga faqet zyrtare.

Lexo më shumë

Windows 8 RC arrin kah fundi i majit?

Sipas shkrimit në faqen WinUnleaked.tk, Windows 8 Release Candidate do të duhej të jetë në dispozicion kah fundi i majit ose kah fillimi i qershorit.

Duke u thirrur në burime të paemëruara, WinUnleaked gjithashtu thekson se “kandidati për publikim” i Windows 8 do të përmbaj edhe disa ndryshime në krahasim me versionin aktual beta. Kështu përmenden ndryshimet në shiritin “charms”, Internet Explorer 10, dhe menysë së gjuhëve. Gjithashtu Customer Experience Improvement Program do të jetë i paaftësuar në rregullimet fillestare.

Microsoft sipas pohimeve gjatë majit do të mbaj evenimentin në të cilin partnerëve të vet do të ju paraqes strategjinë dhe detajet tjera në lidhje me paraqitjen e Windows 8. Pritet që atëherë do të publikohen edhe datat zyrtare të paraqitjes së RC-së së Windows 8, si dhe të versionit final.

Lexo më shumë

Hitleri reklamon shamponin (Video)

Reklama turke për promovimin e një shamponi, ku shfaqet Adolf Hitleri, ka shkaktuar pakënaqësi te grupet e hebrenjve anekënd botës, të cilët kanë kërkuar që reklama të tërhiqet menjëherë.

Në videon promovuese të shamponit për meshkuj ‘Biomen’ shfaqet Hitleri duke mbajtur një fjalim plot entuziazëm dhe duke i ftuar meshkujt që ta blejnë këtë produkt, i cili “është qind për qind mashkullor”.

Lexo më shumë

Shahu, lëndë obligative në Armeni (Video)

Armenia është një vend që përballet me shumë probleme. Armëpushimi me fqinjin Azerbajxhanin është i brishtë, ndërkohë që ekonomia është në një moment kritik.

Mirëpo, ky vend po shpreson që shahu mund t’ia përmirësojë të ardhmen. Shkollat fillore në Armeni e kanë vendosur ‘shahun’ si lëndë obligative.

Loja e shahut thuhet se zhvillon aftësitë analitike dhe përmirëson kujtesën dhe përqendrimin, gjë që mund t’u ndihmojë nxënësve edhe në lëndët tjera.

Ndryshe, loja e shahut është mjaft e popullarizuar në Armeni, atë e pëlqejnë edhe pleqtë edhe të rinjtë. 

Lexo më shumë

Ashensor për qentë

Për shkak të numrit të madh të qenve me mbipeshë në Britani të Madhe është dizajnuar ashensori i parë për qentë.

Një hulumtim shokues ka treguar se një e treta e 8.3 milionë qenve në Britani të Madhe kanë mbipeshë.

Për këtë arsye është zhvilluar një aparat transportues për këto kafshë të përkëdhelura.

I bazuar në “shkallët elektrike”, koncepti i ashensorit për qentë është zhvilluar për gjashtë muaj dhe ka disa modifikime të teknologjisë së lartë që e bëjë qenin të ndjehet më komod gjatë bartjes.

Lexo më shumë