Kosova në rrugë për t’u bërë anëtare e BE-së

Ish negociatori i SHBA-ve në bisedimet për statusin përfundimtar të Kosovës, Frank Wisner, thotë se marrëveshja e arritur në Bruksel, është një sinjal se Kosova ka hyrë në rrugën për t’u bërë një ditë anëtare e Bashkimit Evropian.

“Mendoj se është një vendim i mirë për Kosovën. Kosova në fakt arriti dy marrëveshje, njëra, siç thatë ju, ka të bëjë me pjesëmarrjen e Kosovës në diskutimet rajonale në Ballkan dhe në Evropë dhe tjetra, po aq sensitive, ka të bëjë me kufirin e Kosovës me Serbinë, ku ka pasur trazira. Me këto marrëveshje dërgohet një sinjal i fuqishëm për liberalizimin e vizave, pra kosovarët do të mund të udhëtojnë në Evropë dhe përtej saj. Ky është gjithashtu një sinjal për Evropën se Kosova ka hyrë në rrugën për t’u bërë një ditë anëtare e Bashkimit Evropian. Nëse i merrni të dy këta hapa së bashku, kemi të bëjmë me një lajm të mirë për Kosovën”, ka deklaruar Wisner në një intervistë për Zërin e Amerikës.

I pyetur nëse referenca ndaj Rezolutës 1244 është një hap prapa për Kosovën, ai ka thënë se marrëveshja e arritur në Bruksel nuk e dëmton statusin e Kosovës, integritetin territorial, sovranitetin dhe krenarinë e saj.

“Kjo është një deklaratë e thjeshtë e faktit, e balancuar me shumë kujdes në terminologjinë teknike dhe juridike me përfundimin e Gjykatës Ndërkombëtare të Drejtësisë se pavarësia e Kosovës u arrit në mënyrë krejtësisht ligjore. Fakti real nuk është shënimi në fund të faqes me germa të vogla, por që Kosova tani do të jetë në tryezë, për të ndihmuar në përcaktimin e së ardhmes së rajonit dhe vendin e vet në rajon”, ka shpjeguar Wisner.

Lexo më shumë

Më pranë marrëdhënieve kontraktuale me BE-në

Steffen Seibert, zëdhënësi i kancelares gjermane, Angela Merkel,pas arritjes së marrëveshjes mes Kosovës dhe Serbisë, për përfaqësimin e Kosovës në nismat rajonale dhe menaxhimin e kufirit, ka thënë se Qeveria gjermane përshëndet përparimin në procesin e dialogut mes Kosovës dhe Serbisë.

“Të dyja palët janë pajtuar për menaxhimin e integruar të kufirit mes Kosovës dhe Serbisë dhe për përfaqësimin e Kosovës në nisma rajonale. Po ashtu janë larguar barrikadat në pjesën e Serbisë, të cilat kishin penguar hyrjen për në Kosovë. Qarkullimi i lirë i EULEX-it në ditët e shkuara është përmirësuar. Pozitive është po ashtu që Komisioni Evropian shumë shpejt do të fillojë një studim të fizibilitetit për Marrëveshjen e Stabilizim Asocimit me Kosovën. Ne shpresojmë që shumë shpejt të nënshkruhet edhe marrëdhëniet kontraktuale mes Bashkimit Evropian dhe Kosovës”, ka thënë zëdhënësi i Merkel, ndërsa transmeton Kosovapress.

Sipas tij, qëllimi duhet të jetë që të dy vendet të përmbushin reformat e nevojshme, për t’iu afruar Bashkimit Evropian dhe në këtë mënyrë të normalizojnë edhe marrëdhëniet mes tyre.

Lexo më shumë

Higuain: Nuk guxojmë të lëshojmë pikë

Sulmuesi i Real Madridit, Gonzalo Higuain, beson se Real Madridi nuk guxon të lëshojë pikë dhe të ulë intensitetin e përpjekjeve për të fituar ndeshjet e mbetura në La Liga, pasi Barcelona pret të shfrytëzojë rastin.

“Ne nuk mund të jemi të qetë dhe duhet të tentojmë edhe më shumë para mbarimit të sezonit”.

“Do të jetë ndeshje e vështirë ndaj Rayo Ballecanos, pasi është ekip që ka lojtarë të mirë. Për një ekip të promovuar në elitë dhe suksesin e tyre, flet pozita në tabelë. Por, ne jemi duke luajtur mirë dhe shpresoj se mund të vazhdojmë kështu”, u shpreh ‘El Pipita’. 

Lexo më shumë

Van Basten i hapur për Juventusin

Ish-sulmuesi i Milanit, Marco Van Basten, ka zbuluar se ai nuk do të kishte problem që ta drejtonte Juventusin, nëse do t’i ofrohej kjo mundësi në të ardhmen.

“Juventusi është një prej ekipeve të mëdha italiane. Do të ishte mirë që unë të bëja diçka në Torino një ditë”.

“Kur Ancelotti kërkoi të largohej unë kam qenë edhe pranë Milanit, por gjurin nuk e kam pasur në rregull dhe nuk ishte koha e duhur që të kthehesha në pankinën Rossonere”, tha Van Basten. 

Lexo më shumë

Fitore bindëse e Chelseat

Skuadra e Chelseat ka arritur që më në fund të bëjë diçka të mirë duke fituar me rezultat 3-0 kundër Boltonit.

Pjesa e parë e takimit të zhvilluar në Stamford Bridge përfundoi pa gola, ndërsa të tre golat e Bluve u shënuan në gjysmën e dytë.

Pas një asistimi të Drogbas, David Luiz i kali vendasit në epërsi (48’). Sulmuesi nga Bregu i Fildishtë, Didier Drogba, ishte realizues i golit të dytë pas një krosimi nga këndi të Lampard (61’).

Një harkim të mirë të Juan Matas e shfrytëzoi Frank Lampard për ta vendosur rezultatin përfundimtar të takimit (79’).

Kjo fitore e kthen Chelsean në pozitën e katërt në tabelë me tre pikë më shumë se Arsenali që në këtë xhiro e zhvillon derbin ndaj Tottenhamit. 

Lexo më shumë

Chris Brown tjetër performancë me Rihannan?

Chris Brown mund të ribashkohet përsëri me Rihannan në një performancë në emisionin e talentëve amerikanë të këndimit “American Idol”.

Sipas E! News, spekulohet se Chris Brown do të performojë ‘live’ me bukuroshen nga Barbados, të cilën ai para tri vitesh e dhunoi.

“Ata duan që të bashkojnë në skenë Chris Brown dhe Rihannan. Nëse ata do të paraqiten në skenë së bashku, atëherë kjo do të ishte paraqitja e tyre e parë publike, e lëre më bashkëpunimi i parë që nga viti 2009 kur ai e përdori dhunë ndaj saj”, tha një burim. 

Lexo më shumë

Në Facebook është duke u kaluar më pak kohë

Në përafërsisht gjashtë muajt e fundit (me përfundim në muajin janar të këtij viti), sipas hulumtimit të shtëpisë analitike Experian Hitwise koha e kaluar në Facebook është zvogëluar për 21%, nga 28 në 22 minuta.

Shtëpia analitike deri tek këto të dhëna ka ardhur me përcjelljen analitike të tre milion Australianëve dhe njëkohësisht ka zbuluar se pjesëmarrja e Facebookit në numrin e përgjithshëm të vizitave të rrjetave shoqërore është pak mbi gjysmë, konkretisht 512 milion vizita gjatë janarit. Pas Facebookut pason YouTube me 239 milion vizita gjatë janarit.

Hulumtimi ka përfshirë qasjen në Intenret përmes linjave fikse dhe atyre Wi-Fi, por jo dhe atyre 3G. Menaxheri gjeneral i Experian Hitwise prapëseprapë nuk mendon se kjo do të thotë se vizitorët e Facebookut janë të lodhur nga ky shërbim, por se ky është një indikacion i vjetërsimit të Facebookut, i cili për shfrytëzuesit dalëngadalë po bëhet pjesë e përditshmërisë. Në të vërtetë, fillimisht shfrytëzuesit kalonin më shumë kohë për shkak se ndërtonin rrjetin e tyre dhe ndërlidheshin me miqtë e tani vetëm dërgojnë informata. 

Lexo më shumë

Ivanovic kërkon anulimin e marrëveshjeve

Kryetari i të ashtuquajturit Këshill Kombëtar serb në veri të Kosovës, Milan Ivanovic, u ka bërë thirrje deputetëve opozitarë në Kuvendin e Serbisë, që të kërkojnë me urgjencë mbajtjen e një seance, për t’i hedhur poshtë të gjitha marrëveshjet që ka arritur në Bruksel shefi i ekipit negociator të Serbisë, Borislav Stefanovic.

Në një konferencë për media, Ivanovic ka vlerësuar se të gjitha marrëveshjet e arritura në bisedimet Beograd – Prishtinë janë të dëmshme për serbët që jetojnë në Kosovë.

“Udhëheqja aktuale shtetërore, edhe me çmimin e humbjes së sovranitetit, shkeljes dhe thyerjes së Kushtetutës, po bënë çdo gjë për të mbetur në pushtet”, ka thënë ai, ndërsa citon Evropa e Lirë.

Ivanovic ka pohuar se organi që ai drejton “nuk i pranon marrëveshjet e njëanshme dhe ashtu siç do t’i kundërshtojë institucionet e Kosovës me të gjitha mjetet demokratike, këtë do ta bëjë edhe me marrëveshjet e arritura”.

Lexo më shumë

Prishtina të punojë për anëtarësim në AP të OKB-së

Analisti Daniel Serwer konsideron se me marrëveshjen e arritur në Bruksel rreth përfaqësimit rajonal të Kosovës, kanë përfituar të dyja palët.

“Si Kosova ashtu edhe Serbia kanë përfituar nga marrëveshja. Nuk mendoj se Kosova ka humbur ndonjë gjë të madhe dhe po ashtu nuk mendoj se Serbia ka humbur ndonjë gjë që kishte më parë. Serbia nuk ka pasur sovranitet mbi Kosovën për rreth 13 vite dhe nuk do ta fitonte me këtë marrëveshje”, ka thënë Serwer për Zërin e Amerikës.

Ai ka thënë se është shumë e rëndësishme për Beogradin që të fillojë të bashkëpunojë në riintegrimin e veriut me pjesën tjetër të Kosovës në bazë të planit Ahtisaari që i mundëson veriut autoritet më të madh qeverisës. Ndërsa për Prishtinën hapi tjetër i rëndësishëm, sipas Serwer, është të fitojë sa më shumë njohje dhe të punojë për futjen në Asamblenë e Përgjithshme të Kombeve të Bashkuara.

“Lidhur me shënimin për Kosovën, të them të drejtën nuk më shqetëson. Është shumë e rëndësishme të kuptohet kur flitet për rezolutën 1244, se nëse Kosova është ndryshe nga shumë provinca të tjera të botës është si rezultat i kësaj rezolute që parasheh një proces politik për të përcaktuar statusin. Ky proces politik ishte procesi Ahtisaari dhe nga pikëpamja e procesit të njohjes së vendit është plotësuar. Dhe tani ajo që shpresojnë janë jo vetëm njohjet dypalëshe, por edhe anëtarësimi në Asamblenë e Përgjithshme të OKB-së që është bllokuar vetëm nga vetoja e Rusisë dhe kjo mund të mos jetë përgjithmonë”, ka deklaruar ai.

Sipas Serwer, mospërfshirja e deklarimit të pavarësisë së Kosovës në marrëveshje nuk është fitore e madhe diplomatike për Serbinë, duke qenë se aty është vendimi i GJND-së, sipas të cilit, deklarimi i pavarësisë së Kosovës nuk ishte i paligjshëm.

Lexo më shumë

Dacic: Arrestimet, tjetër provokim

Ministri serb i Punëve të Brendshme, Ivica Dacic, ka konfirmuar se në Gjilan janë arrestuar, siç ka thënë, katër pjesëtarë të MPB-së serbe dhe një person tjetër, ndërsa ka thënë se bëhet fjalë për provokim të Prishtinës dhe ka paralajmëruar “masa reciprociteti”, nëse situata nuk sqarohet brenda 48 orësh.

Sipas Tanjug, ai ka theksuar se të arrestuarit jetojnë në Gjilan, ndërsa punojnë në Vranjë, kurse në kontekst të masave të reciprocitetit, ministri serb ka përmendur pjesëtarët e Policisë së Kosovës, të cilët jetojnë në Rashkë, Nish dhe Vranjë, ndërsa kanë marrë pjesë, sipas fjalëve të tij, në aksionet së marrjes së pikëkalimeve kufitare.

Dacic ka përkujtuar se në vitin 1999, në bazë të Rezolutës 1244 dhe marrëveshjes së Kumanovës, drejtoritë policore serbe janë zhvendosur nga Kosova dhe kësisoj, p.sh. drejtoria e policisë së Gjilanit gjendet në Vranjë. E njëjta situatë- ka thënë Dacic, është edhe në Policinë e Kosovës, ku ka serbë të cilët udhëtojnë nga Rashka, Nishi dhe Vranja për të punuar në PK.

Aksionin e ROSU, Dacic e ka vlerësuar si “një tjetër provokim të autoriteteve të Prishtinës, që mund të destabilizojë gjithçka që është arritur në Bruksel”.

Ndryshe, është njoftuar se pjesëtarë të njësive speciale të policisë së Kosovës- ROSU, kanë arrestuar në Gjilan gjashtë policë të kësaj komune që punojnë në MPB të Serbisë. Të arrestuarit kanë punuar në dhënien e pasaportave dhe të patentë shoferit në të ashtuquajturin drejtori të policisë së Gjilanit e cila nga viti 1999 është transferuar në Vranjë. 

Lexo më shumë

Përmes dialogut të zgjidhen të gjitha çështjet e hapura

Ministrja e Jashtme e Maqedonisë ka përshëndetur marrëveshjen e arritur midis Prishtinës dhe Beogradit për përfaqësimin e Kosovës në forumet rajonale.

“Marrëveshja e arritur midis Beogradit dhe Prishtinës nën mbikëqyrjen e Bashkimit Evropian, është në drejtim të përparimit dhe forcimit të stabilitetit dhe bashkëpunimit në rajon, por edhe shembull konkret se përmes dialogut të drejtpërdrejtë dhe konstruktiv mund të zgjidhen të gjitha çështjet e hapura, që ngarkojnë vendet e rajonit”, thuhet në një komunikatë të MPJ-së në Shkup, ndërsa transmeton INA.

Kjo marrëveshje- thuhet më tej- hap mundësi të reja për afrimin e Serbisë dhe Kosovës drejt integrimeve evropiane. 

Lexo më shumë

‘Serbia nuk e ka njohur Kosovën’

Me marrëveshjen e arritur në Bruksel, Serbia nuk e ka njohur pavarësinë e Kosovës, por Rezolutës 1244 i ka dhënë jetë të re dhe konfirmim në skenën ndërkombëtare- ka thënë shefi i ekipit negociues serb, Borislav Stefanovic.

Në një konferencë për media, ai është shprehur i kënaqur me arritjet në dialog, ndërsa ka përsëritur se marrëveshjet e arritura ruajnë Kushtetutën dhe sovranitetin e Serbisë dhe se Rezoluta 1244 vetëm sa është forcuar në skenën ndërkombëtare.

“Qëndrimet që dëgjohen nga Washingtoni dhe Prishtina se kjo marrëveshje do të ndihmojë në njohjen e pavarësisë së Kosovës, nuk janë të vërteta”, ka thënë Stefanovic.

Ai ka theksuar se opinioni i GJND-së ka treguar se Deklarata e Pavarësisë së Kosovës nuk është në kundërshtim me të drejtën ndërkombëtare, por, sipas tij, ai opinion nuk ka konfirmuar se shqiptarët kanë pasur të drejtë të ndahen dhe se kanë mundur ta realizojnë atë.

“Kosova nuk ka marrë konfirmim se mund të jetë e pavarur, por vetëm se mund të marrë një letër nga një grup njerëzish që janë mbledhur aty. Ata, megjithatë, nuk e shohin në këtë mënyrë, por unë e kuptoj këtë”, ka shtuar Stefanovic. 

Lexo më shumë

LDK e AAK kundër nismave të VV

Lëvizja “Vetëvendosje” duket se nuk ka arritur të mbledhë 40 nënshkrimet e deputetëve për mbajtjen e një seance të jashtëzakonshme, ku do të diskutohej për çështjen e fusnotës. Mirëpo, pas dështimit të përpjekjes së mbledhjes së nënshkrimeve të deputetëve, kjo lëvizje ka filluar grumbullimin e tyre nga qytetarët e Kosovës.

Siç raporton Kosovapress, dy partitë tjera opozitare, LDK dhe AAK, kanë konfirmuar edhe një herë qëndrimin e tyre se nuk do ta mbështesin nismën e “Vetëvendosje” për seancë të jashtëzakonshme dhe as protestën e paralajmëruar për të hënën.

Besnik Tahiri ka thënë se Aleanca për Ardhmërinë e Kosovës është kundër një debati, i cili vetëm do të diskutonte dhe do të fuqizonte me një votim këtë fusnotë, e cila do të ishte në dëm të Kosovës. Ai ka thënë, po ashtu, se AAK nuk do ta mbështesë as protestën e paralajmëruar nga “Vetëvendosje” ditën e hënë, porse, sipas tij AAK, do të bëjë mos që qeverisë aktuale t’i vije fundi sa më parë.

Edhe Lidhja Demokratike e Kosovës është kundër nismës së “Vetëvendosje” për mbajtjen e seancës së jashtëzakonshme. Armend Zemaj, nga kjo parti, ka theksuar se LDK vazhdon të qëndrojë prapa qëndrimit se Kosova është shtet sovran i pavarur dhe demokratik dhe se Republika e Kosovës është terminologji juridike, kushtetuese dhe politike që përfaqëson identitetin e shtet bërjes. Ndërsa sa i përket reflektimit tjetër me miq ndërkombëtarë, sipas tij, mbetët i fuqishëm, duke përsëritur thënien e zakonshme të liderëve të LDK-së, në miqësi të përhershëm me SHBA-të dhe me të gjitha vendet evropiane dhe veri-atlantike.

Lexo më shumë

Daci: LDD-në e përcollën “sëmundjet fëmijërore”

Lidhja Demokratike e Dardanisë (LDD), ka shënuar sot 5-vjetorin e themelimit të saj. Drejtues të kësaj partie politike theksuan se LDD-në në këtë periudhë e përcollën shumë “sëmundje fëmijërore”.

“Një vit para Pavarësisë lindi LDD-ja. Tani, në 5-vjetorin e lindjes së LDD-së dhe 4-vjetorit të shpalljes së Pavarësisë së mbikëqyrur, diçka e përbashkët i ka përcjellë ato në rrugëtimin e tyre: ‘sëmundjet fëmijërore’”, ka thënë kryetari i LDD-së, Nexhat Daci.

“Të dyja ishin lindje jo të lehta, do të thosha lindje cezariane, në një asistencë të fuqishme të faktorit ndërkombëtar. As LDD e as Pavarësia e Kosovës nuk u rriten në rrugë normale, nuk patën fëmijëri të shëndetshme, ngase për këtë në Kosovë kishte shumë viruse, vendorë dhe ndërkombëtarë”.

Përkundër “lindjes cezariane” dhe “viruseve”, Daci thotë se “LDD është e përgatitur më tepër se kurrë” dhe e çliruar “nga të gjitha tensionet që i ka pasur në këtë kohë”.

Lexo më shumë

Kompromis i dhembshëm me pak përfitim

Marrëveshja ndërmjet Kosovës dhe Serbisë për fusnotën, me të cilën Kosova do të përfaqësohet në forumet dhe nismat rajonale, nga analistët e çështjeve politike dhe njohësit e rrethanave integruese, vlerësohet si një kompromis i dhembshëm i Kosovës, nga i cili përfitimet janë minimale dhe, siç thonë ata, jo ekuivalente me kompromisin.

Analisti Ismajl Hasani vlerëson se Kosova ka qenë e detyruar ta bëjë kompromisin, ndërkohë që përfitimi i saj nga nismat rajonale do të jetë fare i paktë.

“Nismat rajonale nuk kanë agjendë aq dinamike sa që të peshonin dhe të ishin ekuivalente me kompromisin e dhembshëm, të cilin Kosova është detyruar ta bëjë”, ka thënë Hasani për “Radio Evropa e Lirë”.

Analisti Krenar Gashi, duke u bazuar në marrëveshjen e arritur për fusnotën, vlerëson se përfitimet e Kosovës do të jenë minimale krahasuar me kompromisin që ka bërë.

“Kosova nuk ka përfituar asgjë sa i përket integrimit të saj të mëtutjeshëm ndërkombëtar”, thotë Gashi.

Ndërkaq, Shenoll Muharremi, analist i çështjeve politike dhe njohës i rrethanave integruese evropiane, vlerëson se kompromisi të cilin e ka bërë Kosova lidhur me fusnotën, nuk do të sjellë asgjë të re sa u përket integrimeve evropiane, për shkak se edhe më parë ka qenë krejtësisht e ditur se Kosova e ka perspektivën evropiane.

“Paradoksi qëndron se Prishtina nganjëherë po mendon se mund të avancojë në BE, pa i përmbushur kriteret, duke bërë kompromise me Serbinë, në dialogun e sponsorizuar nga Brukseli. Kjo nuk qëndron”, thotë ai.

Megjithatë, analisti Hasani shpreh mendimin se pas gjithë këtij skepticizmi, që është shfaqur pas kompromisit të Kosovës për fusnotën, njerëzit në Kosovë ende e kanë shpresën se vendi i tyre do të ndihmohet nga Shtetet e Bashkuara të Amerikës.

“Nëse lexohet me vëmendje deklarata e fundit e ambasadorit Dell, atëherë jep shpresa që të kuptohet se Shtetet e Bashkuara të Amerikës, përfundimisht, nuk e kanë ndërmend ta lënë (Kosovën) në mëshirën e këtyre kalkulimeve të zyrave të Brukselit, sa i takon përmbushjeve të apetiteve të Serbisë”, shpjegon Hasani.

Sidoqoftë, sipas marrëveshjes së arritur në Bruksel, Kosova në nismat rajonale do të paraqitet me fusnotën, ku thuhet se ky shënim është pa paragjykim për pozicionin mbi statusin dhe është në linjë me Rezolutën 1244 të Këshillit të Sigurimit dhe mendimin e Gjykatës Ndërkombëtare të Drejtësisë mbi Deklaratën e pavarësisë së Kosovës.

Lexo më shumë

Arrestohen gjashtë policë të MPB të Serbisë

Pjesëtarë të njësive speciale të policisë së Kosovës ROSU, në Gjilan kanë arrestuar gjashtë policë të kësaj komune që punojnë në MPB të Serbisë.

Të arrestuarit kanë punuar në dhënien e pasaportave dhe të patentë shoferit në të ashtuquajturin drejtori të policisë së Gjilanit e cila nga viti 1999 është transferuar në Vranjë, raporton “Beta”.

Të arrestuarit thuhet se u kanë kryer shërbime edhe shqiptarëve.

Në një komunikatë të lëshuar nga Policia e Kosovës, thuhet se Drejtoria për hetimin e krimeve të rënda, e asistuar nga njësitet speciale të PK-së, ka zbatuar urdhëresën e Gjykatës së Qarkut të Gjilanit për bastisje në shtatë lokacione, me qëllim të sigurimit të provave materiale, me ç’rast janë ndaluar gjashtë persona të dyshuar.

Policia e Kosovës ka zhvilluar hetimet të cilat kanë rezultuar me dyshimin e bazuar se ky grup personash ka kryer veprat penale: “Sulm kundër rendit juridik të Kosovës dhe pengim i personit zyrtar në kryerjen e detyrës zyrtare”.

Personat e ndaluar gjatë këtij operacioni janë: Z. Denic, M. Dimitrijevic, T. Denic, N. Trajkovic, D. Stojkovic dhe G. Matrapazovic.

Gjithashtu, gjatë këtij operacioni policor janë konfiskuar në cilësi të provave materiale armë të llojeve të ndryshme, telefona, kompjuterë, uniforma të policisë serbe dhe kartela identifikuese të lëshuara nga Ministria e Punëve të Brendshme e Serbisë.

Lexo më shumë

Zbogar: Thaçi bëri një akt burrëror

Përfaqësuesi special i BE-së, njëkohësisht shefi i Zyrës së BE-së në Kosovë, Samuel Zbogar, përgëzoi qeverinë e Kosovës për marrëveshjen e arritur për përfaqësimin dhe bashkëpunimin rajonal, në raundin e fundit të dialogut Kosovë-Serbi, të lehtësuar nga BE-ja.

Duke përgëzuar kryeministrin Hashim Thaçi, Zbogar tha se Bashkimi Evropian beson fuqishëm se kjo marrëveshje e ndihmon të ardhmen evropiane të Kosovës.

“Përgëzoj udhëheqësit politik të Kosovës për këtë hap të pjekur që do ta përafrojë edhe më Kosovën me BE-në. Kur një udhëheqës përballet me një çështje të vështirë, më së lehti është që ta kundërshtojë apo thjeshtë ta shtyjë vendimin. Duhet guxim i vërtetë dhe akt burrëror që të tejkalohen politikat partiake dhe të shikohen interesat e popullit të Kosovës dhe e ardhmja e saj. Kjo meriton çdo lëvdatë”, ka thënë Zbogar.

Sipas tij, marrëveshjet e arritura në raundin e fundit të bisedimeve të lehtësuara nga BE-ja, do t’i mundësojnë Kosovës që të merr pjesë dhe të nënshkruaj marrëveshje të reja në emër të vetin, si dhe të flas në emër të vet në të gjitha takimet rajonale.

“BE-ja do të vazhdojë të lehtësojë dialogun në mes të Prishtinës dhe Beogradit, me synim që të sigurojë zbatimin e marrëveshjeve të arritura në të mirë të qytetarëve të Kosovës si dhe të Serbisë”. 

Lexo më shumë

Danaj: Me fusnotë krijohet konfederata Serbi-Kosovë!

Publicisti dhe drejtuesi i Listës për Shqipëri Natyrale, Koço Danaj, ka denoncuar Marrëveshjen midis Prishtinës dhe Beogradit , duke e vlerësuar si “tërësisht antishqiptare”.

“Kjo Marrëveshje bëhet në momentin kur kombi shqiptar përgatitet të festojë 100 vjetorin e shpalljes së pavarësisë së Shqipërisë natyrale. Me këtë marrëveshje fituan serbët, fitoi nacionalizmi serb dhe ata që humbën janë shqiptarët. Me këtë marrëveshje, Kosova u largua më shumë nga Shqipëria dhe u afrua më shumë me Serbinë. Me këtë marrëveshje Serbia dhe Kosova u lidhën edhe me fusnotë, përderisa pranohet rezoluta 1244 dhe mendimi i GJND. Me këtë marrëveshje u hodhën themelet e Konfederatës së ardhshme Serbi-Kosovë”, ka thënë Danaj për “Ina”.

Sipas tij, me këtë marrëveshje fitoi teza e Boris Tadicit për të aplikuar në marrëdhëniet me Kosovën modelin e dy Gjermanive, modelin e Irlandës së Veriut etj.

“Me këtë marrëveshje të përshëndetur me një nxitim të madh nga Brukseli proserb, nga politikanët më të lartë të Tiranës dhe Prishtinës, hapet një vatër e re krize para së cilës në të ardhmen kriza aktuale e BE-së do të jetë një lojë fëmijësh. Me këtë Marrëveshje Ballkani u rikthye si Fuçi Baruti”.

Sipas tij, pas kësaj situate, shqiptarët në Kosovë do të duhet të kërkojnë referendum për të shfaqur qëndrimin e tyre.

Lexo më shumë

Vetëvendosje me peticion kundër fusnotës

Futja e Kosovës si fusnotë dhe heqja e emërtimit politik Republikë nga emri ynë shtetëror është prapakthim në avancimin tonë politik të brendshëm e të jashtëm. Pavarësia dhe sovraniteti i Kosovës janë të patjetërsueshme dhe të panegociueshme, dhe askush nuk ka të drejtë të marrë vendim për cenimin, shkurtimin, apo heqjen e tyre, thuhet në kërkesën e Lëvizjes Vetëvendosje, për Kryesinë e Kuvendit të Republikës Kosovës

Sipas kërkesë, fusnota nuk mund të jetë zgjidhje e përkohshme, meqenëse ndryshimi i saj në të ardhmen do të jetë prapë subjekt i një marrëveshje të re me Serbinë.

“Po qe se e pranojmë tash, shteti do të na mbetet përherë pa republikë dhe me fusnotë. Fusnota e rrezikon jashtëzakonisht shumë politikën tonë të jashtme, dhe veçanërisht njohjet e reja nga shtetet që nuk na kanë njohur. Kthimi i Rezolutës 1244 nënkupton status të padefinuar për Kosovën”.

Vetëvendosje kërkon që Kuvendi i Republikës së Kosovës në përputhje me nenin 65 pika 1 të Kushtetutës së Republikës së Kosovës, si dhe nenet 15 dhe 38 të Rregullores së Kuvendit të Republikës së Kosovës, të mbajë debat parlamentar për ta trajtuar kërkesën: “Të mos pranohet marrëveshja për përfaqësimin rajonal të Kosovës pa termin Republikë dhe me Rezolutën 1244 në fusnotë”.

Në një komunikatë për shtyp të Lëvizjes, janë dhënë adresat në 28 komuna të Kosovës, ku qytetarët mund të nënshkruajnë peticionin kundër përfaqësimit të Kosovës me fusnotë. 

Lexo më shumë

Thaçi akuzohet nga bashkëpartiakët

Kryeministri Hashim Thaçi ka marr “dush të ftohtë” gjatë një takimi që ka zhvilluar me grupin parlamentar të PDK-së, të enjten.

Burime të “Kohës Ditore” brenda kësaj partie kanë konfirmuar se një numër i deputetëve e kanë akuzuar shefin e partisë për veprime të nxituara që e dëmtojnë interesin e shtetit.

“Disa prej deputetëve që njihen si më radikalë në parti, i kanë thënë haptas Thaçit se nuk është dashur të pranonte që shteti të përfaqësohet me fusnotë, e aq më pak kur në të figuron Rezoluta 1244”, ka thënë një nga deputetët e PDK-së, që ka marrë pjesë në atë takim.

Ai nuk ka pranuar t’i specifikojë emrat e atyre që e kanë “kundërshtuar” Thaçin, por ka siguruar se ata janë të njëjtët që dalin në të shumtën e rasteve me qëndrime të pavarura nga ato të partisë.

Se takimi i Thaçit me deputetët e PDK-së është përcjellë me tensione, e ka pranuar edhe një nga anëtarët e Kryesisë së kësaj partie.

“Thaçi është akuzuar nga disa deputetë për anashkalim të organeve të partisë gjatë marrjes së vendimeve. I është thënë se nëse nuk mundet t’u përballojë presioneve të jashtme, së paku të konsultohet me organet e partisë para se të dalë me ndonjë vendim madhor”, ka thënë deputeti tjetër.

Po i njëjti deputet ka shtuar se disa aktivistë të vjetër të partisë nuk kanë mundur ta përpijnë faktin që për shumë zhvillime në parti e në Qeveri shumë më shpejt informohen “të rekrutuarit e rinj”, sesa ata. 

Lexo më shumë

Chiellini: Do ta dominojmë derbin

Mbrojtësi i Juventusit, Giorgio Chiellini, ka thënë se Bianconerët do ta dominojnë ndeshjen derbi ndaj Milanit që zhvillohet në San Siro të shtunën.

“Milani po vjen nga një vit ku fitoi titullin dhe ata po tregojnë se janë prej ekipeve më të forta në Evropë. Kështu që ne respektojmë Rossonerët, por kemi dëshirë për të shkuar dhe për ta dominuar lojën”.

“Nuk është sikurse ndeshja e vitit 2005, kur unë besoj se ishte ndeshje më vendimtare. Për mendimin tim, pa marrë parasysh rezultatin, këtu mund të ndodhin edhe shumë gjëra deri në fund të sezonit”, tha Chiellini. 

Lexo më shumë

Batista: Jam në dashuri me Barcelonën

Përzgjedhësi i Argjentinës, Sergio Batista, shpreson që Pep Guardiola të qëndrojë te Barcelona, pasi thotë të ketë rënë në dashuri me futbollin që bëjnë katalanasit.

“Unë ëndërroj ta drejtoj Barcelonën. Unë ëndërroj ta drejtoj drejtpërdrejt Lionel Messin te Barcelona. Mund të ndjesh se je në gjendje ta drejtosh Barcelonën. Por, unë do të dëshiroja që Guardiola të vazhdojë qëndrimin e tij për arsye se jam në dashuri me futbollin që ai ka bërë”.

“Futbolli është për t’u luajtur ashtu sikurse e luan Barcelona. Jam tifoz i flakt i Barcelonës. Unë nuk i humbas ndeshjet e tyre. Guardiola është një prej trajnerëve më të mirë në histori. Ai e ka dëshmuar këtë në fushë. Ai ka bërë shumë gjëra. Ai është trajner i madh dhe shpresoj që ai të qëndrojë te Barcelona”, potencoi Batista.

Lexo më shumë

Juventusi, ofertë për Van Persien

Juventusi u është bashkuar skuadrave të interesuara për sulmuesin e Arsenalit, Robin Van Persie, me Zonjën e Vjetër që është në përgatitje të ofertës për holandezin.

Il Corriere dello Sport shkruan se klubi italian dëshiron të bëjë një tentim zyrtar për Van Persien gjatë verës, teksa drejtori Giuseppe Marotta mezi pret fillimin e bisedimeve me zyrtarët e Arsenalit.

Kontrata e Van Persiet skadon në verën e vitit 2013 dhe tashmë në kërkim të tij janë vënë shumë klube, duke përfshirë Real Madridin dhe Barcelonën.

Lexo më shumë

Redknapp: Wenger është i pa zëvëndësueshëm

Menaxheri i Tottenhamit, Harry Redknapp beson se tifozët e Arsenalit duhet të jenë të kujdesshëm se çfarë dëshirojnë, pas thirrjeve për shkarkim të Arsene Wengerit.

“Ata nuk mund të bëjnë trajner më të mirë se sa këtë që kanë, apo jo? Ata nuk mund ta zëvëndësojnë Wengerin. Ai ka bërë punë fantastike që prej nënshkrimit të tij me Arsenalin. Wenger është top klasi botëror”.

“Pasi e thashë këtë, le të shpresojmë se mund t’ua prishim fundjavën me një fitore tonën në Emirates”, u shpreh Redknapp.

Lexo më shumë

Cesc nuk ndihmon Barcën për Van Persien

Asi i Barcelonës, Cesc Fabregas, ka thënë se ai nuk do ta kontaktojë Van Persien për ta bindur atë të kalojë në Camp Nou.

“Unë bisedoj me të shpesh, por jo për Barcelonën”.

“Ai është lojtar i Arsenalit dhe ai e di se çfarë është më e mira për të. Unë i dëshiroj shumë fat pa marrë parasysh vendimin që do të marrë”, u shpreh Cesc për El Mundo Deportivo. 

Lexo më shumë

Nedved: Gjyqtarët kundër Juventusit

Legjenda e Juventusit, Pavel Nedved, ka përkrahur mendimin e Antonio Contes për gjyqtarët, duke thënë se ata gjithnjë e më shumë janë kudnër Zonjës së Vjetër dhe kjo po ndodh që prej Calciopolit.

^{“Ne nuk duam favore, ne duam trajtim të drejtë”.}

“Është fakt se gjyqtarët janë të kushtëzuar ndaj nesh. Pas vitit 2006, shumë pak penalti janë dhënë në favor tonin”, theksoi Nedved.

Milani pret Juventusin në supersfidën e kësaj jave në futbollin botëror që mund të jetë vendimtare për titullin në Serie A.

Lexo më shumë

Arshavin huazohet te Zeniti

Mesfushori i Arsenalit, Andrey Arshavin, e ka kompletuar transferimin e tij te ish-klubi Zenit St. Petersburg deri në korrik të këtij viti.

30 vjeçari ka vuajtur që të gjejë formën e duhur në 27 paraqitjet e bëra këtë sezon dhe u rikthye në Zenit në ditën e fundit të afatit kalimtar rus.

“Unë kalova te Zeniti. Si i huazuar, do të luaj me numrin 29”, konfirmoi mesfushori në faqen e tij zyrtare.

Lexo më shumë

Casado: Sergio Ramos legjendë e Realit

Futbollisti që mbron ngjyrat e Rayo Vallecanos, Jose Casado, beson se Sergio Ramos është mbrojtësi më i mirë që ndonjëherë ka prodhuar futbolli spanjoll.

“Ai është reflektim tani i asaj që ka qenë në të kaluarën. Ai ka fituar gjithçka në moshën 25 vjeçare. Ai do të jetë referencë për mua për vitet në vijim, pasi ai do të thyejë çdo rekord”.

“Ai do të konfirmohet si qendërmbrojtësi më i mirë që Spanja ka pasur ndonjëherë. Ai është legjendë”, u shpreh Casado. 

Lexo më shumë

Gerrard: Kam dashur të bëj vetvrasje

Kapiteni i Liverpoolit, Steven Gerrard, ka pranuar se ai ka vuajtur pas humbjes në Carling Cup nga Chelsea në vitin 2005, teksa thotë se tani dëshiron ta bëjë ëndrrën realitet.

“Unë isha lidhur me një kalim te Chelsea para asaj finale. Kështu që shënimi i autogolit dhe humbja ishte një tmerr për mua. Kishte tifozë të Liverpoolit atëkohë që menduan se autogolin e shënova me qëllim”.

“Unë kam dashur të bëj vetvrasje. Ishte një prej ditëve më të këqija në jetën time, sidomos pasi kemi pasur të bëjmë me Chelsean”, u shpreh Gerrard. 

Lexo më shumë

Van Persie: Fitorja ndaj Tottenhamit, vitale

Sulmuesi fantastik i Arsenalit, Robin Van Persie, ka deklaruar se fitorja ndaj Tottenhamit është më se vitale për Topçinjtë, në luftën për vendin e katërt që dërgon në Ligën e Kampionëve.

“A ka mënyrë më të mirë që të rregullosh gjërat se sa të mposhtësh Spursat? Unë mezi pres ndeshjen që luhet këtë fundjavë, pasi fitorja është absolutisht vitale”.

“Nuk mendoj se dikush do të mohonte se Spursat kanë ekip të mirë dhe ata kanë shtuar qëndrueshmërinë këtë sezon. Ata po fitojnë ndeshjet e vështira dhe si rezultat, ata kanë bërë hapin e radhës drejt top ekipeve. Spursat kanë investuar shumë para viteve të fundit dhe kur shikoni në shumat e shpenzuara, atëherë kjo reflekton në pozitën e tyre në kampionat”, ka thënë Van Persie. 

Lexo më shumë

Buffon: Pirlo më i mirë se Ibra

Portieri i Juventusit, Gianluigi Buffon, ka lëvduar impaktin e Andrea Pirlos te Juventusi, duke thënë se ai ka qenë shumë më vendimtar këtë sezon se as Zlatan Ibrahimovic.

“Pirlo ka qenë më vendimtar se sa Ibrahimovic këtë sezon. Ibra natyrisht se mban atë ftohtësinë e tij, duke ndihmuar Milanin që të mbajë nivelin e lartë të sezonit të kaluar”.

“Pirlo ka baraspeshuar hapësirën mes Milanit dhe Juventusit. A ishte Pirlo një dhuratë nga Milani? Nuk mendoj kështu. Ai kërkoi të vinte këtu dhe të ballafaqohej me sfidën”, ka thënë Buffon. 

Lexo më shumë

Ancelotti dhe Makelele kritikojnë Villas Boas

Dyshja e Paris Saint-Germain, Carlo Ancelotti dhe Claude Makelele, ka kritikuar bosin e Chelseat, Andres Villas Boas, duke e fajësuar atë për krizën aktuale të klubit londinez.

“Mendoj se problemi te Chelsea është se ata kanë tentuar të ndryshojnë duke futur një ekip më të ri, për t’u dhënë mundësi talentëve. Ata kanë tentuar që të japin më pak ndeshje veteranëve dhe ky u tregua hap i gabuar”, u shpreh Ancelotti.

Nga ana tjetër aspak i kënaqur nuk u shpreh as Makelele që shtoi: “Vërtet më bën të ndihem i pikëlluar që e shoh Chelsean në këtë gjendje. Unë bëra shumë gjëra me Chelsean, kam qëndruar pesë vjet dhe është ekip i mirë. Chelsea po shumb ndeshjet dhe lojtarët me përvojë po qëndrojnë në pankinë. Kjo është keq”.

Chelsea ka probleme edhe në Ligën e Kampionëve, pasi është mposhtur në sfidën e parë nga Napoli me rezultat 3-1 në San Paolo.

Lexo më shumë

Xheraldina me Stresin në Top Fest 9

Këngëtarja seksi, e njohur për performancën e saj në The Voice of Albania, Xheraldina Berisha, në Top Fest 9 do të marrë pjesë me reperin nga Shqipëria, Stresi.

Kjo është konfirmuar nga produksioni Threedots me në krye Flori Mumajesin, i cili besohet se është përkujdesur për këngën e Stresit dhe Xheraldinës.

Kështu, Xheraldina shtohet në radhën e gjatë të pjesëmarrësve të Top Fest 9 që vijnë nga emisioni i talentëve The Voice of Albania.

Lexo më shumë

Baron Cohen, ultimatum akademisë Oscar

Aktori Sacha Baron Cohen ka quajtur ‘gangsterë’ drejtuesit e akademisë amerikane të filmit, pasi ata e përjashtuan nga paraqitja në Oscar.

40 vjeçari i ka dhënë ultimatum akademisë amerikane të filmit që ta kthejë atë në ceremoni, pasi ai dëshiron të shkojë i veshur sikurse në filmin e tij “The Dictator” ku luan rolin e admiral Shabazz Aladeen, ide kjo që ka hasur në kundërshtim.

“Këta gangsterë në akademi më përjashtuan. Natyrisht, unë do të isha i impresionuar nga një akt tjetër qyqar. Por, kjo është personale. Ata kanë kohë deri të dielën në mesditë që të mi kthejnë biletat. Nëse kjo nuk ndodh, atëherë ata do të ballafaqohen me pasoja të pa paramenduara”, u shpreh Cohen. 

Lexo më shumë

Meryl Streep: Dua që Viola ta fitojë Oscarin

E nominuara për të fituar çmimin Oscar për aktoren më të mirë, Meryl Streep, ka gjasa të mëdha që të ngjitet në skenën e Kodak Theatre për të pranuar çmimin Oscar për herë të tretë, por aktorja e filmit “Iron Lady” nuk e dëshiron këtë çmim.

Në rast se Meryl Streep, e cila luajti rolin e Margaret Thatcher në filmin “Iron Lady”, e fiton çmimin Oscar, atëherë ajo do të konfirmohej si aktorja më e mirë e kohës moderne, por çuditërisht ajo dëshiron që e nominuara tjetër Viola Davis ta fitojë çmimin e madh.

E pyetur nëse preferion Violan për të fituar çmimin Oscar për aktoren më të mirë, ajo u përgjigj: “Po, oh po. Unë e dua atë dhe mendoj se është fantastike”.

46 vjeçarja Viola Davis është e nominuar me filmin “The Help”, ndërsa më parë ka luajtur në filma si “Solaris” dhe “Traffic”.

Lexo më shumë

Oscar 2012 – Të nominuarit

Po afron fillimi i ceremonisë më të madhe të ndarjes së çmimeve për më të mirët e vitit në industrinë e filmit (e hënë, 02:00) dhe sigurisht se jeni kurioz të dini se kush janë të nominuarit kryesorë.

Aktori më i mirë

Jean Dujardin (The Artist)

Brad Pitt (Moneyball)

George Clooney (The Descendants)

Gary Oldman (Tinker Tailor Soldier Spy)

Demian Bichir (A Better Life)

Aktorja më e mirë

Glenn Close (Albert Nobbs)

Meryl Streep (Iron Lady)

Michelle Williams (My Week With Marilyn)

Rooney Mara (The Girl With the Dragon Tatoo)

Viola Davis (The Help)
 

Kush mendoni se do të triumfojnë? Shprehuni në hapësirën për komente...

Lexo më shumë

Google patenton lëvizjen për kërkim

Gjiganti i patentave Google dorëzoi kërkesën për patentën për lëvizjen për nisjen e kërkimit në pajisjet me ekranet e ndjeshëm në prekje.

Patenta përshkruan sistemin i cili njeh lëvizjen e gishtit në mënyrën që në ekran të “shkruhet” shkronja “g”, dhe në të njëjtin veprim të rrumbullakohet ndonjë përmbajtje në ekran për të cilën dëshironi të merrni më shumë informata. Përmbajtja mund të jetë tekst, fjalë ose fotografi, e në këtë mënyrë me një veprim iniciohet kërkimi pa pasur nevojë për kopjimin e tekstit në fushat e parapara.

Nëse shfrytëzuesi nuk dëshiron të përdorë Google për kërkim, por për shembull Yahoo ose Wikipedian, shfrytëzuesi kërkimin e nis me shënimin e shkronjës “s”, dhe rrethimin e përmbajtjes, pas cilës gjë do të marr menynë në të cilin mund të zgjidh kërkuesin e dëshiruar. Sistemi do të mundësoj edhe ndërlidhjen e germave përkatëse për nisjen e kërkimeve në faqet specifike. 

Lexo më shumë

Jeremic: Derisa është Serbia, Kosova s’bëhet shtet!

Ministri serb i Punëve të Jashtme, Vuk Jeremic, ka deklaruar se për marrëveshjen e arritur në Bruksel, esenciale ka qenë vizita e ministrit të Jashtëm gjerman në Beograd të enjten, Guide Wsetverlle.

Jeremic, në një intervistë për televizionin serb “TV Prva”, ka thënë se Kosova në organizatat rajonale nuk do të prezantohet si shtet.

“Kosova nuk është shtet, përderisa ekziston shteti i Serbisë”, ka thënë ai.

Jeremic ka shfaqur shpresën se Serbia tash është një hap afër statusit të kandidatit për BE, dhe se Serbia më nuk do të pranoj asnjë kushtëzim shtesë.

"Kushtet ishin të qarta dhe janë përmbushur. Janë realizuar në bazë të interesave të Serbisë, e kryesorja sipas Kushtetutës së Serbisë dhe Rezolutës 1244”. 

Lexo më shumë

S’e ndërrojnë gjykatësin S’e ndërrojnë gjykatësin

Gjyqtari i Misionit të EULEX-it, Torre Tomasson, do të vazhdojë të jetë kryetar i trupit gjykues në procesin gjyqësor “Bllaca 2”.

Ky proces, i dyti me radhë që ndërlidhet me emrin e Nazim Bllacës, pritet të rifillojë të hënën e javës që vjen, raporton “Express”. Por, të qenit kryetar i trupit gjykues i gjyqtarit Tomasson është kontestuar nga mbrojtja qysh në seancën e parë të shqyrtimit kryesor të rastit.

Mbrojtja e të akuzuarve ka kërkuar përjashtimin e këtij gjyqtari nga përbërja e trupit gjykues me arsyetimin se i njëjti ishte anëtar i panelit edhe në rastin “Bllaca 1”, ku njëri nga të akuzuarit, Fahredin Gashi, u dënua me 18 vjet burg.

Mirëpo, këtë kërkesë të mbrojtjes e ka refuzuar Asambleja e Gjyqtarëve të EULEX-it, që u ka kthyer përgjigje negative avokatëve të palës mbrojtëse.

Këtë përgjigje negative e konfirmon për “Express” edhe një nga zëdhënësit e EULEX-it.

“EULEX-i e ka refuzuar kërkesën e ekipit mbrojtës në rastin ‘Bllaca 2”, tha për Express zëdhënësi Blerim Krasniqi.

Përveç tij, këtë lajm negativ për palën mbrojtëse e konfirmon edhe avokati i njërit nga të akuzuarit në këtë rast.

Ramiz Krasniqi, avokat i të akuzuarit Driton Hajdari, tha se përgjigja nga EULEX-i për largimin e gjyqtarit Torre Tomasson nga procesi “Bllaca 2” është negative.

Në seancën e 3 shkurtit, avokatët kanë kërkuar përjashtimin e gjyqtarit Tomasson.

“Paanshmëria është vënë në pikëpyetje sepse ju, kryetar, keni qenë anëtar i panelit në rastin e një procesi tjetër ku është dënuar Fahredin Gashi”, kishte thënë në seancë avokati Haxhi Millaku.

Edhe avokati Tahir Rrecaj - që mbron të akuzuarin Fahredin Gashi - konsideron se aktgjykimi i parë është mbështetur në dëshminë e dëshmitarit bashkëpunues, që në këtë rast është Nazim Bllaca.

“Nëse atëherë dëshmitë i keni pranuar si të besueshme, e njëjta do të përsëritet edhe në këtë proces”, ka thënë ai.

Ekipi mbrojtës kërkesën e kishte bërë duke u mbështetur në Ligjin për Procedurë Penale të Kosovës. Në një nen të këtij ligji thuhet se nëse një gjykatës ka qenë anëtar ose gjykatës i ndonjë procesi gjyqësor, që është në procedurë të ankesës, detyrohet ta ndërpresë seancën.

Një proces tjetër ku personazh kryesor është Nazim Bllaca ka filluar në Prishtinë.

Bashkë me Fahredin Gashin në këtë proces akuzohen edhe Shaban Syla, Bekim Syla, Driton Hajdari, Shpresim Uka dhe Sadik Abazi. Nazim Bllaca ka deklaruar edhe publikisht se si anëtar i SHIK-ut së bashku me të akuzuarit kanë vrarë Ibush Kllokoqin si dhe kanë tentuar të vrasin Adem Salihajn, ish kryetarin e Ferizajt dhe një person tjetër me emrin Ismet Arifi.

Në një proces tjetër në tetor të vitit të kaluar, Fahredin Gashi është dënuar me 18 vjet burg për vrasjen e Sali Gashit nga Varigovci i Lipjanit.

Lexo më shumë

Stefanovic: Ditët më të vështira të jetës sime

Këto ishin ditët më të vështira në jetën time, por pritja, tensioni, negativiteti dhe jokonstruktiviteti i palës tjetër u shpaguan, sepse ekipet negociatore të Beogradit dhe Prishtinës arritën marrëveshjen që vërteton “asimetriken e Prishtinës, e ruan Rezolutën 1244 të KS të OKB-së dhe pozicionin tonë kushtetues dhe kombëtar”, ka thënë shefi i ekipit negociator serb, Borislav Stefanovic.

Kur është fjala te menaxhimi i integruar i kufijve, ai thotë se fjala është për një letër teknike, që ka të bëjmë definimin e elementeve dhe detajeve që lidhen me “pikëkalimet e përbashkëta”.

Në pyetjen e gazetarit të ditores “Danas” se a nënkupton kjo largimin e barrikadave, Stefanovic thotë: “Qëndrimi ynë është i qartë dhe e kemi përsëritur disa herë. Republika e Serbisë, dhe qeveria e saj, mendojnë se barrikadat e kanë përmbushur qëllimin e tyre”.

Ai mendon se marrëveshjet e arritura në Bruksel janë të pranueshme për të gjithë qytetarët e Serbisë, “përfshirë edhe serbëve në veri të Kosovës”. Barrikadat thotë se duhet t’i heqin vetë qytetarët serbë, meqë nuk kanë nevojë më për to. Sipas tij, këto barrikada “janë magnet për probleme dhe keqpërdorime të Prishtinës2.

“Këto zgjidhje nuk e prejudikojnë statusin, nuk krijojnë kufi shtetëror, e në anën tjetër mundësojnë normalizimin dhe lëvizjen e lirë të qytetarëve”. 

Lexo më shumë