Pettifer: Kosova në rrezik

Analisti për çështjet politike të Ballkanit dhe profesor në Universitetin e Oksfordit, James Pettifer, duke analizuar situatën dhe zhvillimet e fundit në Kosovë, në një intervistë në Top Channel, lëshon alarmin se në Kosovë situata mund të përkeqësohet. Ai ka vlerësuar se Shtetet e Bashkuara të Amerikës po e zbehin vëmendjen ndaj Kosovës dhe po ia kalojnë përgjegjësinë Bashkimit Evropian.

“Jam i përshirë me çështjet e Kosovës këto 25 vitet e fundit në mënyra të ndryshme. Më duhet të them se situata e tanishme është shqetësuese. Kosova ka bërë disa hapa prapa. Situata në Veri është e paqëndrueshme dhe për mendimin tim po përkeqësohet. Çdo këndvështrim realist mund të mbërrijë në përfundimin se atje gjerat janë duke u përkeqësuar”, shprehet Pettifer.

“Beogradi nuk do të pranojë realitetin e sotëm pasi duan ta trajtojnë veriun e Kosovës sikur të ishte një pjesë e Bosnjës, që sikurse edhe ambasadori britanik e ka thënë, nuk është e tillë pasi situata ligjore është krejt e ndryshme. Fatkeqësisht qeveria e Kosovës ka bërë disa gabime serioze duke bërë lëshime që nuk duhet të kishin ndodhur. Siç mund ta dini unë kam qenë një mik i zotit Thaçi për shumë vite dhe kemi publikuar edhe një libër. Jemi përballë një problemi siç është ai i Fusnotës që ishte një gabim i madh strategjik për Kosovën”, tha analisti amerikan. 

Lexo më shumë

Mustafa: Do t'i siguroj vetë vuvuzelat

Kryetari i Lidhjes Demokratike të Kosovës, Isa Mustafa, ka thënë se janë të sulmuar si parti, për shkak të frikës që kanë ndaj kësaj partie. Në 22-vjetorin e themelimit të LDK-së në Malishevë, Mustafa nuk ka lënë pa folur për organizatorët e pritjes të së shtunës në Podujevë me fishkëllima. Ai nuk ka akuzuar direkt Fatmir Sejdiun për një gjë të tillë, por ka thënë se një grup prej 10-20 vetash nuk mund ta ndalojë LDK-në si parti që të ecë përpara. Ndërsa me ironi ka thënë se herëve të tjera organizatorëve të këqij, siç i ka quajtur ai, do t’iu sigurojë vetë vuvuzelat.

Mustafa ka shtuar se reformat në këtë parti nuk po i pëlqejnë dikujt, por ua ka bërë me dije atyre që janë kundër se nuk mund të qëndrojnë në pozicionin e njëjtë me vite të tëra dhe ta mbyllin derën e aderimit për të rinjtë kosovarë në LDK, rapoeron Koha.net.

Mustafa ka mohuar të ketë presion ndërkombëtarë në rast të një zgjidhje eventuale për veriun e vendit, duke shtuar se është kundër çfarëdo marrëveshje për veriun e vendit, e cila është në kundërshtim me Kushtetutën dhe ligjet e Kosovës.

Ai i ka bërë thirrje kryeministrit Thaçi dhe partisë së tij që të jenë konsekuentë dhe të marrin vendime në pajtim me Kushtetutën e Republikës së Kosovës.

Mustafa është shprehur kundër mbajtjes së zgjedhjeve lokale të paralajmëruara nga Serbia për veriun e vendit, duke thënë se askujt nuk i lejohet të shkelë integritetin territorial të Kosovës. 

Lexo më shumë

Përkrahësit e Sejdiut kërkojnë shkarkimin e Isës

Kryesia e Forumit Rinor të Degës së LDK-së në Podujevë,krahu i ish-presidentit Fatmir Sejdiu, pas shprehjes së mllefit në manifestimin e 22- vjetorit të degës së kësaj partie në Podujevë me fishkëllima, filikaqa e vuvuzela sot kanë vazhduar me kërkesat e tyre për largimin e Isa Mustafës nga kreu i LDK-së.

Në një komunikatë për media, kjo Kryesi e ka quajtur kryetarin e degës në Podujevë, Agim Veliun, servil të Mustafës, ndërsa për këtë të fundit ka hedhur dyshime për të kaluarën e tij politike gjatë viteve ’80, por duke mos precizuar se për çfarë.

Ky grup, që njihet si përkrahës i ish-kryetarit të LDK-së, Fatmir Sejdiu, ka reaguar edhe për mosftuarjen e këtij të fundit në këtë përvjetor, ndërsa numrin prej mbi 1000 anëtarëve të rinj e ka quajtur mashtrim.

“Në takimin e Kryesisë së Degës së Forumit Rinor të LDK-së në Podujevë të mbajtur më 18.03.2012, u diskutuan zhvillimet e fundit në LDK, me rastin e shënimit 22 vjetorit të themelimit të degës. Kryesia ka vlerësuar se ky përvjetor nxori në shesh kërkesën e anëtarësisë së Degës së LDK-së në Podujevë që Isa Mustafa të lë kreun e LDK-së, duke pasur parasysh veprimet e tij të dëmshme për zhvillimin e LDK-së, si dhe duke pasur mbi supe të kaluarën e tij politike gjatë viteve ‘80-ta”, thuhet në këtë komunikatë.

“Ky shënim i përvjetorit të degës së LDK-së në Podujevë nxori në pah pakënaqësitë me udhëheqjen e degës me shumë veprime të liga dhe qyqare nga ana e kryetarit, Agim Veliu. Për të rinjtë dhe për gjithë anëtarësinë e LDK-së në Podujevë është e papranueshme që në përvjetorin e themelimit, për herë të parë pas 22 vjetësh nuk është ftuar Fatmir Sejdiu, ish- president i Kosovës dhe kryetar i LDK-së, si dhe Kryetar Nderi i LDK-së dhe një nga themeluesit e saj, figura më e lartë politike që ka pasur dhe ka treva e Llapit dhe me të cilin personalitet është e lidhur ngushtë veprimtaria e LDK-së në Llap”, thuhet në kumtesë.

Kjo metodë, thuhet në komunikatë, e tentimit të përjashtimit nga manifestimet madhore të LDK-së në Llap të figurës që, sipas këtij grupi, gëzon respektin e thellë në këtë trevë, është krejtësisht e papranueshme për anëtarësinë e LDK-së

Lexo më shumë

AKR kërkon shuarjen e strukturave paralele në Gorë

Dega e AKR-së, në Dragash, ka kërkuar nga organet komunale dhe ato më të larta të vendit që të pengojnë veprimin e lirshëm të strukturave paralele. Këtij reagimi, siç thuhet, i ka paraprirë sorollatja e disa individëve të njohur goranë, të cilët që nga mbarimi i luftës jetojnë e punojnë në Beograd.

“Veprimi i lirshëm i Komunës paralele në Vraniq të Gorës, e cila këto ditë shpesh vizitohet nga individë të caktuar, të cilët pas përfundimit të luftës, bashkë me soldateskën serbe, kanë shkuar në Serbi, ku ende jetojnë dhe mbajnë lidhje të drejtpërdrejta ndërmjet Beogradit e Gorës, duke i mbajtur “gjallë” strukturat paralele edhe në këtë trevë, ku nuk jeton asnjë serb, është dëshmi qartë se Serbia insiston t’i organizojë zgjedhjet parlamentare e lokale edhe në trevën e Gorës”, thuhet në reagim, transmeton Koha.net.

Në vazhdim, nënvizohet se përmes këtyre individëve, zgjedhjet e fundit serbe janë mbajtur edhe në këtë komunë, në të cilat kanë votuar një pjesë e konsiderueshme e këtij komuniteti, dhe se pikërisht në fshatin Vraniq të Gorës, është themeluar e ashtuquajtura, Komunë paralele, në të cilën, kryhen shumë shërbime të qytetarëve në nxjerrjen e dokumenteve të ndryshme, marrja e pagave nga Serbia, sigurimi pensional e shëndetësor, bursa e shtesa për fëmijë e disa shërbime të tjera.

Lexo më shumë

Thaçi ngushëlloi familjen Sherifi

Kryeministri Hashim Thaçi i ka dërguar një telegram ngushëllimi familjes Sherifi dhe redaksisë së gazetës së përditshme “Zëri”, me rastin e vdekjes së gazetarit Petrit Sherifi.

“Me pikëllim e morëm lajmin për humbjen e jetës së familjarit tuaj, gazetarit Petrit Sherifi në një aksident trafiku në Gjilan.
Në emër të Qeverisë së Republikës së Kosovës dhe në emrin tim ju lutem pranoni ngushëllimet më të sinqerta”, thuhet në telegram.

Më tej thuhet se Qeveria e Republikës së Kosovës vlerëson lartë rolin e medias së lirë dhe të pavarur të Kosovës në procesin e shtetndërtimit dhe të integrimit të vendit në strukturat euroatlantike.

“Vdekja tragjike dhe e hershme e Petritit, është një humbje e madhe për familjen Sherifi, por edhe për gazetarinë e shkruar kosovare”, përfundon telegrami. 

Lexo më shumë

Fiton Chelesa, shënon Torres!

Chelsea është kualifikuar në gjysmëfinale të FA Cup, pasi ka mposhtur Leicester Cityn në Stamford Bridge me rezultat 5-2.

Blutë e Londrës dëshmuan rikthimin në formë, duke dominuar sfidën që në pjesën e parë.

Gary Cahill hapi serinë e golave (12’), para se Salomon Kalou të shënonte për 2-0 dhe rezultatin e pjesës së parë.

Dhe njeriu i cili është kritikuar që një kohë të gjatë për mos aftësinë për të shënuar gola, Fernando Torres, gjen rrjetën. Spanjolli në minutën e 67-të shënoi për 3-0. Sidoqoftë, Leicester bëri diçka dhe shënoi (77’) për 3-1 me anë të Bradford.

Dhe në fund Torres (85’), Marshall (88’) dhe Raul Meireles shënuan edhe tri gola tjerë që bënë që sfida të përfundojë me rezultat 5-2 dhe që Chelsea të kualifikohet në gjysmëfinalen e FA Cup, ku pret fituesin e takimit Tottenham – Bolton. 

Lexo më shumë

Interi dështon sërish

Interi ka minimalizuar maksimalisht gjasat për një vend që dërgon në Ligën e Kampionëve pas barazimit pa gola në Giuseppe Meazza ndaj Atalantës.

Interi dominoi pjesën e parë, por nuk arriti ta gjente rrugën e golit. Në një moment akordohet penalti për Interin, por atë nuk e realizoi Diego Milito.

Në pjesën e dytë, pa prezencën e presidentit Moratti në stadium, i cili u largua nga ambientet e Meazzas, Interi nuk arriti të bëjë diçka më shumë me një lojë kryesisht monotone.

Me këtë barazim Interi ka 41 pikë në vendin e shtatë.

Lexo më shumë

United drejt titullit

Manchester United ka vazhduar me sukses formën e jashtëzakonshme, duke e shkatërruar Wolvesin në transfertë me rezultat 5-0.

United dominoi nga fillimi i sfidës dhe fitorja nuk u vë në dyshim në asnjë moment. Johnny Evans (21’) realizoi për 1-0, ndërsa pas 39 minutash lojë u përjashtua Ronald Zubar gjë që ua lehtësoi punën Djajve.

Antonio Valencia (43’) dhe Danny Welbeck (45’) mbyllën pjesën e parë me reuzltat 3-0.

Në pjesën e dytë fantastik ishte Chicharito. Meksikani shënoi edhe dy gola të tjerë (56’ dhe 61’) që ishte dhe rezultati përfundimtar i sfidës prej 5-0.

Me këtë fitore Manchester United pos që kompleton të pestën ndeshje të fituar radhazi, ka 70 pikë në tabelë, katër pikë më shumë se sa Manchester City që pret të mërkurën Chelsean. 

Lexo më shumë

Abbiati: Silva, mbrojtësi më i mirë në botë

Portieri i Milanit, Christian Abbiati, ka lëvduar bashkëlojtarin Thiago Silva, duke e vlerësuar atë si mbrojtësin më të mirë në botë, pas suksesit të së shtunës ndaj Parmës.

Milani mposhti me rezultat 2-0 Parmën të shtunën mbrëma dhe një paraqitje shumë të mirë shfaqi mbrojtësi brazilian, i cili e dëshmoi statusin prej mbrojtësi më të mirë në botë.

“Thiago Silva është mbrojtësi më i mirë në botë. Ndja Parmës ai ndali gjithçka”, ka theksuar Abbiati.

Lexo më shumë

Babai i Françeskës ‘pro’ seksit në “Big Brother”

Bukuroshja vlonjate me emrin Françeska ka tërhequr vëmendjen e publikut shqiptar, jo vetëm për pamjen e saj, por edhe për karakterin e veçantë që ka. Ajo është më e vogla e shtëpisë së “Big Brother”, por ka ngjallur diskutimet më të mëdha.

Françeska është ndryshe nga vajzat e tjera, sepse familja i ka falur liri dhe mbështetje të plotë. Gjatë një interviste, babai i saj Dhimitraq Jaçe ka lënë të kuptohet se për prindërit e pjesëmarrëses në “Big Brother” ajo që ka vërtet rëndësi është lumturia, realizimi i ëndrrave dhe suksesi i vajzës së tyre.

Duke komentuar raportet e saj me Ermalin, babai Françeskës ka thënë se nëse vajza ndihet mirë, për të s’ka asnjë problem, ndërsa ka pohuar se nuk ka asgjë kundër nëse ajo kryen marrëdhënie intime brenda shtëpisë.

“Nuk kam pse ta kem problem. Mua më intereson që vajza ime të ndihet mirë dhe të bëjë atë që do. Unë jam pak ‘evropian’ për sa u përket këtyre gjërave. Më mjafton që Françeska të ecë përpara, të realizojë ëndrrat e saj e të bëjë atë që ndjen”, citon BalkanWebfjalët e Jaçes.

Ai ka mohuar që vajza e tij të ketë bërë ndërhyrje kirurgjikale dhe po ashtu ka sqaruar se Françeska nuk e ka të dashurin në burg.

“Kjo është vetëm një lojë që Françeska e ka bërë për të tërhequr vëmendjen e Ermalit dhe për ta bërë xheloz. Janë fjalë që vajza i ka thënë më shaka e gazetat i kanë marrë si të vërteta”, ka pohuar ai. 

Lexo më shumë

Rovena ‘provokon’ dhe premton klipin më të mirë shqiptar

Këngëtarja nga Shqipëria, Rovena Stefa, tani ka marrë edhe rolin e modeles. E fotografuar nga Veton Osmani, ajo ka paraqitur një katalog të brendshmesh të kombinuara në stilin ‘klasik-trend’, me ç’rast për herë të parë bën një sesion të plotë fotografik.

Ndërkohë, Rovena parashikon edhe ardhjen e një videoklipi të ri në muajin e ardhshëm, të punuar nga “5 Star Production” në Prishtinë dhe, sipas Bluetooth, këngëtarja ka premtuar se do të jetë videoklipi më i mirë shqiptar i punuar deri më tani.

Aktualisht, ajo është duke u përgatitur për të prezantuar së shpejti bashkëpunimin me një këngëtare të njohur në Itali.

Lexo më shumë

Shkendija thotë se i ka ‎100 % origjinale

Edhe pse kohë të gjatë nuk kemi dëgjuar ndonjë këngë të re, madje as nuk e kemi parë kohë të gjatë ndonjë klip nga këngëtarja Shkendije Mujaj, ajo po tregon diçka tjetër të veçantë që ka. Është fjala për të pasmet e saj, të cilat thotë se i ka 100 % origjinale.

Ajo ndihet mirë për faktin që të pasmet e saj janë në formë, madje derisa në rrjetin social Facebook, bëhej një votim për të pasmet e këngëtareve, ajo kërkonte nga fansat që të pëlqeheshin të sajat dhe kjo e pati renditur në vendin e tretë.

Kurse tash, siç transmeton Kosovapress, ajo ka publikuar një foto, të cilën me buzëqeshje, dhe e ka komentuar duke thënë se “100 % origjinale i kam, falë të madhit Zot”.

Lexo më shumë

Rihanna pëlqen të jetë e zhveshur

Rihanna ka zbuluar se si ajo ia ka dalë të menaxhojë pa siguritë me trupin e saj duke u zhveshur më shpesh.

Bukuroshja nga Barbados e ka pasur kompleks gjoksin dhe prapanicën, por arriti të pushtojë frikën duke pozuar foto zhveshur.

“Sa më shumë që zhvishesha, aq më mirë ndihesha. Unë vetëm është dashur të përballem me frikën. Unë sapo kam filluar ta dua trupin tim”, është shprehur Rihanna.

Lexo më shumë

“Mourinho duhet ta mposhtë Barcën

Ish-trajneri i Barcelonës, Louis Van Gaal, ka deklaruar se Jose Mourinho duhet të mendojë diçka të veçantë për të mposhtur Barcelonën dhe këtë duhet ta bëjë sa më shpejtë që është e mundur.

“Ai thotë se është i veçantë, kështu që shpresoj që të gjejë ndonjë taktikë për të fituar në Camp Nou. Të mos harrojmë se Mourinho fitoi një herë ndaj Brcelonës, në finalen e Copa del Rey sezonin e kaluar”.

“Reali është ekip më i mirë sepse ka qenë më i qëndrueshëm dhe ka një epërsi prej 10 pikësh”, është shprehur Mourinho. 

Lexo më shumë

Lahm: Mund të shkatërrojmë çdo ekip

Kapiteni i Bayernit të Munichut, Philipp Lahm, është i bindur se Bayerni i Munichut është në gjendje që të shkatërrojë dhe të ndajë në gjysmë pothuajse çdo ekip në Evropë.

“Duhet t’i shfrytëzoni rastet dhe të siguroheni se do të shënoni. Kjo është ajo që ndodhi me ne në tri ndeshjet e fundit. Sigurisht është më lehtë pasp këtyre golave të shënuar”.

“Në tri ndeshjet e fundit, ne kemi parë se çfarë cilësi sulmuese kemi. Ne mund të ndajmë në gjysmë pothuajse çdo kundërshtar”, ka deklaruar Lahm.

Lexo më shumë

Jessie J në lidhje me Tinie Tempah?

Jessie J dhe Tinie Tempah besohet se kanë filluar të takohen në mënyrë sekrete dhe së fundmi kanë qëndruar në një apartament në Londrën Lindore, para fillimit të turneut australian.

23 vjeçarja dhe krijuesi i hitit “Written In The Stars” besohet se pëlqejnë shumë njëri-tjetrin dhe janë takuar disa herë, me Jessie J që duket të ketë qenë në apartamenin e Tinie Tempah në Londër para turneut të saj australian.

“Ata kanë pasur disa mbrëmje të mëdha dhe e kuptuan se tërhiqen nga njëri-tjetri. Jessie shkoi në apartamentin e Tinie Tempah kur ata kishin një ditë pushim dhe aty i thanë njëri-tjetrit sa shumë pëlqehen”, ka thënë një prej miqve të Jessiet. 

Lexo më shumë

Kurti: Kosova, ky shtet abnormal

Ne duam që të integrohemi edhe si komb në një shtet edhe si shtet në Bashkimin Evropian. Mirëpo, Kosova abnormale nuk do t’i shërbejë as qëllimeve të veta dhe as atyre të Bashkimit Evropian, ka thënë Albin Kurti në Mbledhje e Katërt të Këshillit të Përgjithshëm të Lëvizjes Vetëvendosje!.

Kurti thotë se Kosova nuk është shtet normal, sepse është shtet i dobët, me protektorat ndërkombëtar e pa ushtri të veten, me Mitrovicën e ndarë dhe varfërinë më të madhe në Evropë.

“Me dialogun në Bruksel që e ka rritur abnormalitetin e shtetit të Kosovës, ka përfituar shteti i Serbisë në kurriz të Kosovës dhe pushteti në Kosovë sërish në kurriz të Kosovës. Me lëshimet pe në Bruksel ndaj Serbisë, Qeveria e Kosovës fitoi vizita të zyrtarëve të saj në Bruksel. Kosova s’fitoi asgjë dhe gjithsesi humbi shumë”, ka thënë Kurti.

Sipas tij, Kosova e ka lëshuar shansin unik që ta kushtëzojë Serbinë, dhe se Serbia po i shfrytëzon marrëveshjet me Kosovë për të ecur drejt anëtarësimit të saj në BE.

“Pa këtë Qeveri të Kosovës që po i rri gatitu Serbisë, kurrë s’do të mund ta merrte Serbia statusin e vendit kandidat. E, historia na e ka dëshmuar, që sa herë forcohet Serbia, këtë forcë ajo e përdor së pari kundër shqiptarëve”.

Lexo më shumë

Nisin hetimet ndaj Azem Sylës

Prokuroria e Kantonit të Solothurnit ka nisur hetime ndaj Azem Sylës, pasi sigurimi invalidor zviceran ka ngritur padi kundër tij për mashtrim ndaj shtetit zviceran.

Çështja e mashtrimit që Azem Syla ka bërë ndaj shtetit të Zvicrës, ka kaluar në një nivel më të lartë. Prokuroria zvicerane, më saktësisht ajo e kantonit Solothurn, ka filluar hetimet kundër deputetit kosovar Azem Syla. Pasi sigurimi invalidor i Zvicrës ka dorëzuar padi për Sylën, rasti i tij tash ka kaluar në një nivel më të lartë. Me të prej tash do të merret vetë prokuroria e shtetin zviceran, i kanë thënë gazetës “Express” disa burime nga Zvicra.

Hetimet për Sylën kanë filluar pak pasi është ngritur zyrtarisht padia për mashtrim kundër tij. Prokurori i rastit, Felix Banziger, në kohën kur është ngritur padia pati thënë se padia është bërë për veprën kriminale të Sylës, i cili sistematikisht ka mashtruar shtetin e Zvicrës, dhe se ai mund të detyrohet t’i kthejë paratë.

Por, edhe para se të nisin zyrtarisht hetimet ndaj Sylës, ministri i Brendshëm zviceran, Alain Berset, pati paralajmëruar për një hetim të mundshëm. Sipas tij, hetim i detajuar do të nisë, sepse rasti është i ndjeshëm dhe ka të bëjë me një mashtrim disavjeçar të sistemit të përkujdesjes sociale.

“Express” është munduar të kontaktojë me Prokurorinë e kantonit Solothurn, aty ku kanë filluar hetimet, por diçka e tillë ka qenë e pamundur për shkak se gjatë vikendeve nuk punohet.

Mediat zvicerane flasin për shumën prej 426 mijë frangave që supozohet se Syla ka përfituar për disa vjet në mënyrë të paligjshme. Pagesat janë ndalur në shkurt të vitit 2011 dhe Sylës i është kërkuar të kthejë mbrapa 191 mijë franga, por kjo mund të jetë e vështirë për shkak të sistemit të komplikuar të pagesave dhe që në masë të madhe varet nga sigurimet e kantonit Solothurn.

Gjykata Administrative e kantonit, në muajin shkurt të këtij viti ka vendosur për dëbimin e Sylës deri më 15 maj 2012 nga shteti i Zvicrës. Por, vetë deputeti kosovar, Syla, ka paralajmëruar ankesë në Gjykatën Federale.

Debat rreth çështjes Syla nuk është zhvilluar vetëm brenda institucioneve të drejtësisë, por edhe në publik. Madje, para një jave rreth deputetit kosovar pati debatuar edhe parlamenti i Zvicrës, pas një kërkese që ka bërë deputeti Walter Wobman. Pos parlamentit të Zvicrës, edhe eurodeputetja Ulrike Lunacek ka kërkuar dorëheqjen e deputetit Syla. Këtë kërkesë ai e ka bërë te kryetari i Kuvendit të Kosovës, Jakup Krasniqi, gjatë një takimi në Strasburg. Dorëheqjen ajo e ka kërkuar me arsyetimin se Syla po e dëmton imazhin e Kosovës.

Lexo më shumë

Kosova ka krisopras “shpresëdhënës”

Në Kosovë ekzistojnë sasi të konsiderueshme të gurëve të çmuar, të quajtur krisopras. Krahasuar me gurët e tillë të Australisë, të njohur në tërë botën, këta të Kosovës mund të jenë më të mirë!

Në një prononcim për agjencinë serbe Tanjug, nënkryetari i institutit Gjemologjik të Serbisë, Zoran Miladonovic, thotë se pos Australisë, Polonia vlerësohet si vendi i dytë me më shumë depozita të këtij guri të çmuar e të shtrenjtë, dhe se Kosova mund të jetë e treta në këtë aspekt në botë.

“Sasi të mëdha gjenden afër Prishtinës, te rrafshnalta e Goleshit, ndërsa çmimi i këtij guri sillet prej 200-300 dollarë për kilogram”, ka thënë Miladinovic, i cili është punuar në temën e doktoratës në Fakultetin e Minierave dhe të Gjeologjisë në Beograd.

Krisoprasi, sipas “Enciklopedisë së kristaleve”, stimulon gjendjen meditave, shton shpresën dhe shpreh kreativitetin. Për këtë gur në lashtësi kanë thënë po ashtu se shpreh dashurinë për të vërtetën. Si gur i pranverës, besohej se hapte mundësi për shanse të reja, atëherë kur gjithçka duket e pashpresë.

Shtetet tjera me rezerva të këtij guri të çmuar janë Gjermania, Rusia, SHBA dhe Brazili.

Lexo më shumë

Allegri: Harrova se luajmë ndaj Barcës

Trajneri i Milanit, Massimiliano Allegri, ka thënë se ai së bashku me ekipin e tij e kishin harruar dueli ndaj Barcelonës gjatë ndeshjes së fituar ndaj Parmës.

“Ne absolutisht nuk menduam për Barcelonën. Ne jemi rrezikuar në fillim, por më pas luajtëm mirë. Sidoqoftë, duhet të përmirësohemi për ndeshjet e rëndësishme në vijim të sezonit”.

“Ndeshja kthyese ndaj Juventusit do të jetë e vështirë për t’u rikthyer, pasi ata fituan 2-1 në San Siro. Ne po shkojmë në Juventus Arena për të fituar”, është shprehur Allegri. 

Lexo më shumë

Andres Iniesta, 50 ndeshje pa humbje

Mesfushori i Barcelonës, Andres Iniesta, e ka barazuar rekordin e legjendës së Real Madridit, Emilio Butragueno, duke qenë prezent në 50 ndeshje radhazi për Barcelonën pa pësuar humbje.

Një prej mesfushorëve më të mirë në botë shijoi fitoren e 42-të nga 50 ndeshjet e fundit të luajtura në fanellën e Barcelonës, teksa tetë ndeshje tjera janë barazime. Humbja e fundit e Iniestës në fanellën e Barcelonës është në fillim të sezonit të kaluar me rezultat 2-0 ndaj Herculesit në Camp Nou.

Dhe, rekordin e drejtorit aktual të Real Madridit Iniesta mund ta thyejë hiç më larg se në ndeshjen ndaj Granadës. 

Lexo më shumë

Depp, ikonë e modës

Johnny Depp është i njohur për stilin e tij të njohur dhe eklektik të modës, ndërsa këtë e ka vërejtur edhe Shoqata amerikane e dizajnerëve (CFDA), e cila e ka shpallur aktorin ‘ikonë të modës’.

Depp është mashkulli i vetëm që e merr këtë titull. Ai padyshim se gjatë veshjes së tij nuk heziton të eksperimentojë dhe thuajse gjithmonë janë pëlqyer përpjekjet e tilla.

Gjatë parakalimit nëpër tepih të kuq, aktori shfaqet sikur në një pistë mode dhe kjo u bie në sy, sidomos dizajnerëve.

Ceremonia e ndarjes së këtij çmimi do të mbahet më 4 qershor në New York me rastin e 50-vjetorit të CFDA-së.

Lexo më shumë

Qe dy vjet nuk ndalet së qeshuri (Video)

Një holandez para dy vitesh i është nënshtruar një ndërhyrjeje kirurgjike në ije, ndërsa qëkur është zgjuar nga anestezioni nuk po ndalet së qeshuri.

Edhe pse në asnjë moment nga ajo kohë nuk është hidhëruar me gruan e tij, megjithatë ajo nuk është aspak e kënaqur me sjelljen gazmore të burrit.

Huug Bosse në vitin 2010 e ka operuar ijën, ndërsa gruaja e tij thotë se anestezioni është fajtor pse ai po qesh vazhdimisht qe dy vite, pavarësisht se çfarë thotë ose bën ajo.

“Kur flasim për diçka, ai vetëm qeshet. Kjo nganjëherë është vërtet irrituese”, ka deklaruar gruaja.

Qeshja e tij konstante nuk i pengon vetëm gruas, por e nervozon edhe vëllanë dhe vajzën e tij.

“Ata nuk na vizitojnë më”, ka pohuar zonja Bosse. 

Lexo më shumë

Lojtari i Bolton, kolaps në fushë

Futbolli ka kaluar në plan të dytë në ndeshjen mes Totenhemit dhe Boltonit, të vlefshme për çerekfinalet e Kupës FA. Mesfushori i Bolton, Fabris Muamba, ka pësuar kolaps në fushën e lojës dhe ka ndalur së marri frymë. Në një skenë tragjike, 35 mijë tifozët kanë parë se si mjekët e të dy skuadrave bashkë me ndërhyrjen e shpejtë janë munduar t’i shpëtojnë jetën ish-lojtarit të kombëtares U-21 të Anglisë, ndërsa takimi është pezulluar përfundimisht që në minutën e 41-të.

Mjekët janë detyruar të bëjnë frymëmarrje artificiale, ndërsa i kanë vendosur edhe defibrilator në fushën e lojës në pritje të ambulancës. Për disa minuta, të gjithë kanë parë se si ata kanë tentuar ta ringjallin futbollistin edhe nëpërmjet elektroshokut për t’i vënë përsëri në punë zemrën që kishte pushuar së rrahuri.

Kjo situatë ka shokuar futbollistë e pranishëm dhe shumë prej tyre janë përlotur, ndërsa pjesa tjetër kanë filluar të lutën në barin e gjelbër të stadiumit.

Pas mbërritjes së ambulancës, lojtari është transportuar me urgjencë drejt spitalit të qytetit të Londrës, ndërsa më vonë është mësuar se mjekët e ndërhyrjes së shpejtë kanë arritur që t’i kthejnë frymëmarrjen vetëm gjatë rrugës për në spital, pasi ai është larguar pa frymë nga fusha.

Situata e tij paraqitet kritike dhe ai është ënde në reanimacion duke luftuar mes jetës dhe vdekjes. Futbollisti 23 vjeçar me origjinë nga R.D. Kongo, ka luajtur edhe me Arsenalin e Birmingemin gjatë karrierës ë tij.

Lexo më shumë

F1: Button fiton në Australi

Piloti i McLaren, Jenson Button, është fituesi i garës së parë të sezonit të ri në Formula 1, pasi australiani arriti që pikërisht në Melbourne të Australisë të nisë luftën e tij për një titull të dytë.

Button nga fillimi ishte dominant dhe arriti që në fillim ta tejkalojë kolegun e tij Hamilton, për të rritur më pas avantazhin. Në vendin e dytë u rendit kampioni aktual nga Red Bull, Sebastian Vettel, i cili la prapa njeriun që startoi nga pole pozicioni, Leëis Hamilton.

Kimi Raikkonen, i rikthyeri në Formula 1 arriti që në mënyrë bravoroze të zë vendin e shtatë, duke treguar se mund të vazhdojë formën e dikurshme.

Por, sigurisht befasia më e madhe e kësaj gare ishte Fernando Alonso i Ferrarit, i cili si kampion i vërtetë arriti të ngjitej nga pozita e 12-të në vendin e pestë.

Gara e ardhshme mbahet në Malajzi pas një jave.

Lexo më shumë

Nerlinger i impresionuar nga Bayerni

Drejtori i Bayernit, Christian Nerlinger, ka folur për kënaqësinë që e ka përjetuar gjatë fitores prej 6-0 të Bayernit të shtunën ndaj Herthas.

“Unë jam i ngazëllyer. Kjo ishte një paraqitje shumë impresive dhe ekipi ka luajtur futboll të shkëlqyer”.

“Ne duhet të vazhdojmë të luajmë në atë mënyrë. Nëse ne luajmë me të njëjtin fokus dhe vazhdojmë të mbesim të bindur, atëherë ne jemi sigurisht në rrugë të mirë”, është shprehur Nerlinger. 

Lexo më shumë

Pique: Dua që Abidal të jetojë

Mbrojtësi i Barcelonës, Gerard Pique, ka ofruar përkrahjen e tij për bashkëlojtarin Eric Abidal, pas fitores prej 2-0 ndaj Sevillas në transfertë.

“Ne duhet të japim dashurinë dhe përkrahjen për Abidal. Ne duam që ai të jetojë jetën në mënyrë sa më të mirë”.

“Është gjithmonë e vështirë të fitosh këtu, por në pjesën e parë ne shënuam dy gola në shpejtësi. Ne po mendojmë ndeshje pas ndeshje. Sot fituam tri pikë, tani mendojmë për Granadën”, ka thënë Pique.

Lexo më shumë

‘Nuk jam Robbeni i vjetër’

Anësori i Bayern Munichut, Arjen Robben, ka thënë se ai është shumë larg formës së vjetër, përkundër faktit se është rikthyer fuqishëm nga lëndimi duke shfaqur performancë fantastike së fundmi edhe ndaj Herthas në fitoren prej 6-0.

“Ne po luajmë për dhe me secilin. Personalisht, unë nuk jam në nivelet e mia të kaluara, unë nuk jam ende Arjen Robbeni i vjetër”.

“Unë mund dhe duhet të përmirësohem, por jam i sigurt se tani e tutje do të bëhet vetëm më mirë e më mirë”, ka thënë Robben. 

Lexo më shumë

De Ceglie: Ta zëmë Milanin

Mbrojtësi i Juventusit, Paolo De Ceglie, është i fokusuar që ta tejkalojë Milanin dhe ta fitojë titullin e kampionit të Italisë, pas fitores së thellë prej 5-0 ndaj Fiorentinas në transfertë.

“Ne duhet të rikuperojmë sa më shumë energji që është e mundur. Ne kemi ndeshje të rëndësishme të mbetura para nesh”.

“Tani jemi katër pikë larg Milanit, por do të shohim se sa do të jenë në fund”, është shprehur De Ceglie.

Lexo më shumë

Milner: Tevez i rëndësishëm për Cityn

Mesfushori i Manchester Cityt, James Milner, mendon se Carlos Tevez mund të bëhet figurë kyçe, teksa skuadra është duke synuar që të mposhtë Manchester Unitedin në luftën për titull.

“Menaxheri është një fitues. Ai dëshiron ta fitojë titullin. Kështu, unë jam i sigurt se nëse ai ndjen se Tevez mund t’i ndihmojë t’i fitojë ndeshjet, atëherë ai do ta fusë në lojë” .

“Ai është lojtar mjaft i mirë për të bërë diferencën. Ju i dëshironi këta lojtarë të jenë në ekip me ju dhe jo kundër jush. Ne jemi në një pozitë ku gjëra të vogla mund të bëjnë diferencën”, ka deklaruar Milner. 

Lexo më shumë

Messi: Jam ende larg majes

Sulmuesi i Barcelonës, Lionel Messi, ka pohuar se ai ende nuk e ka arritur formën e tij jetësore si lojtar dhe se ende mund të presim nga ai.

“Vit pas viti jam përmirësuar. Unë kam qenë me fat që jam rritur në një kampionat të tillë dhe tani puna po shpaguhet. Edhe tani mendoj se do të vijë edhe shumë më shumë prej meje. Unë nuk jam as afër majes time. Unë jam ende i ri dhe po zhvillohem si lojtar”.

“Unë kurrë nuk do të ndalem së mësuari. Edhe kur të mbaroj karrierën kurrë nuk do të them se kam qenë lojtar i kompletuar, sepse sa më shumë që piqesh aq më shumë eksperiencë fiton”, është shprehur Messi. 

Lexo më shumë

Guardiola pesimist për titullin

Trajneri i Barcelonës, Pep Guardiola, e ka ripërsëritur se ekipi i tij do të luftojë deri në fund për titullin edhe pse gjasat për ta përmbysur avantazhin e madh në pikë të Real Madridit janë të vogla.

“Ne vetëm po e bëjmë punën tonë. Ju tashmë e dini mendimin tim për kampionatin. Ne do të donim që të ishim në luftë deri në fund, por nuk mendoj se do të konkurrojmë deri në fund për të”.

“Ne thjesht duhet të luajmë ndeshje pas ndeshje dhe të marrim tri pikët”, theksoi Guardiola.

Lexo më shumë

Scherzinger në krahët e Hamilton

Nicole Scherzinger ka shtuar spekulimet rreth ribashkimit me ngasësin e Formula 1, Lews Hamilton, pasi bukuroshja shkoi për t’i dhënë mbështetje këtë javë në Melbourne të Australisë.

Çifti bëri të ditur ndarjen në tetor të vitit të kaluar pasi kaloi katër vite së bashku, por ata rritën spekulimet për një ribashkim muajin e kaluar, kur janë parë së bashku në Los Angeles dhe Irlandë.

Ata së fundmi shkuan në një udhëtim dy ditor në Monaco dhe Scherzinger tani ka anuluar të gjitha planet për të shkuar në Australi për ta përkrahur britanikun në garën e tij të radhës. Yjet janë parë duke biseduar me Lenny Kravitz para garës, e të cilën Hamilton e filloi nga pole pozicioni. 

Lexo më shumë

Rona sjell klipin e këngës “Suus” (Video)

Këngëtarja Rona Nishliu, e cila pritet ta përfaqësojë Shqipërinë në Eurovizion, ka publikuar klipin e këngës “Suus”.

Videoklipi i kësaj kënge është realizuar këto ditë dhe është mjaft bukur i punuar.

Regjia e videos është bere nga regjisori i suksesshëm Bekim Lumi si dhe realizimi nga kompania Koperativa, ndërkaq vepra është prodhim i RTSH-se.

Lexo më shumë

BBA: Largohet Doloreza

Në spektaklin e të shtunës mbrëma të reality shou Big Brother Albania 6 nuk ka arritur të shpëtojë Doloreza, e cila është përshëndetur me aventurën e saj brenda shtëpisë më të madhe në Shqipëri.

Pa u larguar shpëtuan Liami dhe Klaudia, ndërsa Doloreza e cila pohoi të jetë më e vërteta brenda shtëpisë u largua.

Nga ana tjetër, vlen të përmendet se gjatë po kësaj mbrëmje janë liruar nga ‘burgu’ tre banorët, Liami, Arbri dhe Ermali, teksa Meti kishte rast për t’i parë nipërit dhe mbesat e tij.

Lexo më shumë

Timoni i automjetit më i ndotur se tualetet publike

Një studim i shkencëtarëve britanikë ka treguar se timoni i automjetit përmban rreth 700 baktere të ndryshme në çdo centimetër katror.

Kjo do të thotë se timonët janë rreth dhjetë herë më të ndotur se sa se sa tualetet publike, duke qenë se në tualetet publike në një centimetër katrorë jetojnë rreth 80 baktere.

Ndotja brenda automjetit është rezultat i pakujdesisë së pronarëve, të cilët automjetet e tyre i rregullojnë ashtu që vetëm të duken të pastra- zakonisht vetëm duke i fshirë me thithëse, ndërsa thuajse kurrë nuk përdorin spërkatës ose lëngje dezinfektuese.

Për më keq, hulumtuesit kanë kontrolluar edhe pjesët tjera të automjetit dhe kanë gjetur të dhëna frikësuese: Në bagazhet e modeleve më të vjetra të automjeteve kanë gjetur rreth 1.000 llohe bakteresh, mes të cilave edhe bacillus cereus (bakter i cili mund të shkaktojë helmim me ushqim).

Lexo më shumë

Helicobacter pylori, shkaktari kryesor i inflamacionit të stomakut

Helicobacter pylori shkakton 70% të të gjitha ulcerave të stomakut dhe 90% të ulcerave të duodenit. Edhe në krijimin e kancerit të stomakut ky bakter ka pjesën e tij.

Bakteri i fuqishëm hyn në qelizat e mukozës së stomakut, nga ku sistemi imun reagon me një inflamacion. Sidoqoftë, pjesa më e madhe e të infektuarve nuk kanë ankesa. Dhe vetëm 10% zhvillojnë ulcerë stomaku, e cila mund të shprehet me dhimbje në pjesën e sipërme të barkut, të cilat janë shumë të forta sidomos natën apo në mëngjes me stomakun bosh. Por shpesh këto simptoma mungojnë.

Medikamentet të shoqëruar me një antiacid mund ta luftojnë me sukses bakterin. Pas terapisë mukoza e stomakut rimodelohet mirë dhe dëmet riparohen.

Shkaku i dytë kryesor për inflamimet kronike të mukozës dhe për ulcerën gastrike janë medikamentet antiinflamatore josteroid (NSAID) si Diclofenac apo Ibuprofen. Pacientët që vuajnë nga reumatizma, të cilët mjekohen me medikamente të këtij grupi, rrezikohen në mënyrë të veçantë dhe kanë nevojë për një terapi shoqëruese mbrojtëse për stomakun.

Trajtimi i efektshëm është me medikamente bllokues të pompës proteinike të cilët frenojnë prodhimin e aciditetit të stomakut.

Lexo më shumë

Kërkon dëmshpërblim nga dashnori i gruas

Një italian e ka paraqitur në gjykatë të dashurin e gruas së tij nga i cili kërkon 600.000 euro për “dëme morale” të shkaktuara nga tradhtia.

Italiani i dëmtuar, i cili është oficer ushtarak, kërkon 200.000 euro për vete dhe 400.000 të tjera për dy fëmijët e tij, vajzën 14-vjeçare dhe djalin 10-vjeçar. Ky rast ka filluar gjatë javës që e lamë pas në qytetin Spoleto në regjionin Umbria.

Sipas pohimeve të “të dëmtuarit” (emri i të cilit nuk dihet), afera e gruas së tij 39-vjeçare tek ai ka shkaktuar zhvillimin e “sjelljes obsesive, të cilën e ka nxitur shkatërrimi i jetës familjare dhe shmangia e obligimeve të saja martesore”.

Po ashtu, afera te ai ka shkaktuar edhe depresion, ndërsa këtë e ka dokumentuar edhe me diagnoza mjekësore.

Nga ana tjetër, i dashuri i gruas ka thënë se është vetëm mik me të dhe se nuk ka asgjë të vërtetë në aferën e supozuar.

Lexo më shumë

Në Kosovë, vetëm zgjedhje parlamentare serbe?

Brukseli dhe Shtetet e Bashkuara nuk janë kundër zgjedhjeve parlamentare të Serbisë në Kosovë, përderisa zgjedhjet lokale janë punë ekskluzive e Prishtinës. Shpallja e zgjedhjeve lokale, në të njëjtën kohë me ato parlamentare, mund të bëjnë që asnjëra nga to të mos mbahen në Kosovë, raportojnë mediat e Beogradit.

Ditorja serbe "Blic", duke u thirrur në burimet e saja ndërkombëtare, raporton se vendimi i ardhshëm i autoriteteve të Beogradit do të jetë mos mbajtja e zgjedhjeve lokale në Kosovë, se përndryshe “do të vihet në pikëpyetje tërë procesi për Kosovën”.

Shtetet e Kuintit synojnë që gjatë zgjedhjeve të ardhshme asnjë palë të mos mbetet humbëse: as Beogradi e as Prishtina. Sipas skenarit të tyre, zgjedhjet parlamentare mund të mbahen nën mbikëqyrjen e OSBE-së.

“Brukseli dhe Shtetet e Bashkuara nuk përkrahin kurrfarë zgjedhjesh në Kosovë nën organizimin e Beogradit, por nuk do të lejojnë që Qeveria e Kosovës të jetë represive nëse ndodhë të mbahen zgjedhjet parlamentare”, thotë bashkëbiseduesi i ditores “Blic”.

Zgjedhjet e shpallura nga qeveria në Beograd do të ndalohen nga Prishtina zyrtare, përderisa edhe Kuvendi i Kosovës ka miratuar një Rezolutë kundër tyre.

Autoritetet e Beogradit kanë shpallur zgjedhjet edhe për Kosovë, e këtë të drejtë Brukseli nuk ia ka mohuar. Por, problem mbetet mbajtja e tyre. Nëse Beogradi këmbëngul që të mbajë zgjedhjet lokale në Kosovë, materiali zgjedhor mund të konfiskohet në pikat kufitare. Problemi i shkaktuar mund të përshkruhet me një shembull: kur anëtarët e Policisë së Kosovës do ta konfiskojnë materialin, nuk do të pyesin zyrtarët e Qeverisë së Serbisë nëse janë ato për zgjedhjet lokale apo parlamentare. Pra, materialet thjeshtë do të merren.

Ndaj, është pikërisht ky skenar i cili sipas ditores serbe po luhet nga Prishtina, e cila me kundërshtimin e zgjedhjeve lokale e sheh shansin që në rajonet e banuara me shumicë serbe të ndaloj edhe mbajtjen e zgjedhjeve parlamentare të Serbisë.

Që prej tërheqjes së ushtrisë dhe policisë serbe nga Kosova më 1999, Beogradi vazhdimisht i ka mbajtur zgjedhjet lokale dhe ato parlamentare, përderisa ato lokalet vetëm në vitin 2008.

Zëvendëskryeministri i Kosovës, Hajredin Kuçi, ka thënë se banorëve të Kosovës që kanë edhe nënshtetësi serbe, do t’ju lejohet votimi në zgjedhjet e përgjithshme dhe ato për president për Serbisë, por nën mbikëqyrjen e OSBE-së.

Lexo më shumë

Dënime më të ashpra për terrorizmin

Kodi penal i rishikuar i Kosovës parashikon dënim më të ashpër për terrorizmin, korrupsionin dhe krimet financiare, në një përpjekje për të reformuar sistemin gjyqësor në përputhje me standardet evropiane.

"Përkufizimet në kodin e ri lidhur me terrorizmin janë ndihmë e madhe për zbatimin e ligjit, sepse ato përjashtojnë çdo paqartësi dhe interpretim sipas dëshirës", ka thënë për SETimes kryeprokurori i Kosovës, Ismet Kabashi. "Me këto dispozita, mbulohen dhe parashikohen plotësisht të gjitha mënyrat e mundshme të kryerjes së veprave të tilla, duke filluar nga veprimet e autorit, bashkëpunuesit, lehtësuesit dhe nxitësit të aktit të terrorizmit".

Legjislacioni u miratua nga qeveria tetorin e kaluar, por nuk është bërë publik deri në shkurt. Ai jep rishtazi përkufizimin çfarë përbën një grup terrorist dhe kërkon që çdokush i dënuar për një akt terrorizmi të vuajë të paktën pesë vjet në burg.

Kodi i ri përcakton se kur një vepër penale rezulton me lëndim të rënd trupor të një ose më shumë personave, autori do të dënohet me jo më pak se dhjetë vjet burg. Kur vepra penale rezulton me vdekjen e një ose më shumë personave, autori dënohet me së paku 15 vjet në burg.

Ata që ndihmojnë aktet e terrorizmit do të dënohet me burgim nga gjashtë muaj deri në pesë vjet, dhe kushdo që ndihmon autorin duke siguruar fonde ose burime të tjera do të marrë dënime nga tre deri në dhjetë vjet burg.

Kodi i ri parashikon burgim nga pesë deri 15 vjet për të gjithë ata që në mënyrë të drejtpërdrejtë ose tërthorazi ofrojnë, kërkojnë, mbledhin ose fshehin fonde apo mjete materiale për një grup terrorist ose për kryerjen e një akti terrorist.

"Nenet për terrorizmin në kodin e ri penal janë të rëndësishme sepse Kosova është përfshirë ligjërisht në ndjekjen penale të terrorizmit si një kërcënim global. Është gjithashtu e rëndësishme që, edhe pse jemi larg integrimit në BE, ky është një standard që shtyn drejt rrugës së integrimit në BE", thotë avokati Azem Vllasi.

"Terrorizmi është duke u bërë një kërcënim për të gjithë globin dhe ka potencial të ndikojë edhe Kosovën," tha Ardian Arifaj, hulumtues me eksperiencë dhe koordinator për Institutin KIPRED të Kosovës. "Për fat të keq, persona me origjinë nga Kosova kanë qenë të akuzuar dhe dënuar për përfshirje në akte terroriste. Kosova duhet të jetë gati për t'u përballur me këtë sfidë". 

Lexo më shumë

Sejdiu: Nuk më ftuan në manifestim

Ish-lideri i Lidhjes Demokratike të Kosovës, Fatmir Sejdiu, ka thënë se nuk ka pasur ftesë të merrte pjesë në përvjetorin e 22-të të themelimit të degës së kësaj partie në Podujevë.

“Unë nuk kam marrë ftesë. Po të kisha një njohje më të thellë, do të merrja pjesë”, ka thënë Sejdiu për “Klan Kosova”.

Ish-Presidenti nuk ka dashur të komentojë fishkëllimat që i janë bërë udhëheqësit aktual të LDK-së.

“Është çështje e zhvillimeve të mëtejshme të LDK-së”, ka potencuar Sejdiu. 

Lexo më shumë

Dacici shpërfilli urdhrin e BE-së

Zëvendëskryeministri i Serbisë, Ivica Dacic, thotë se e ka refuzuar një urdhër të Bashkimit Evropian, për mosmbajtjen e zgjedhjeve të Serbisë edhe në Kosovë.

“Nga Bashkimi Evropian kanë kërkuar që si lideri i Partisë Socialiste të Serbisë ta urdhëroj Slavica Dukic Dejanovicin (kryetare e Parlamentit të Serbisë, nga radhët e partisë së Dacicit – v.j.), që të mos i shpallë zgjedhjet serbe në Kosovë”, ka thënë ai për “Press”.

“Kjo do nënkuptonte heqjen dorë nga Kosova. Nuk ka kërkesë që mund të më detyroj ta bëj këtë. Zgjedhjet janë shpallur, ndërsa se a do të mbahen, kjo është tjetër punë. Por, nga Kosova nuk kemi hequr dorë”. 

Lexo më shumë

Larg nga liberalizimi

Qytetarët e Kosovës, të paktën gjatë këtij viti, nuk do të mund të lëvizin pa viza, ashtu sikurse ishte premtuar nga qeveritarët e vendit.

Ngecjet e shumta në fushën në fushën e drejtësisë, në sundimin e ligjit dhe në luftimin e korrupsionit, si kritere kryesore për liberalizim vizash, edhe për një kohë të gjatë do t’ia pamundësojnë qytetarit të vendit që të lëviz lirshëm në zonën Shëngen.

Një burim ndërkombëtar i “Zërit”, ka thënë se kosovarët nuk duhet të “shohin ëndrra” se do të arrijnë të lëvizin pa viza së paku edhe njëzet e katër muaj.

“E para, ju nuk i keni plotësuar as për së afërmi kriteret për liberalizim, e dyta, edhe për t’i plotësuar ato nuk është e mundur para njëzet muajve”, ka thënë ai. 

Lexo më shumë

Thaçi e do Mustafën hisedar për veriun

Kryeministri i Kosovës, Hashim Thaçi, ka vendosur të mos marrë mbi vete përgjegjësinë për çfarëdo zgjidhjeje eventuale që mund të gjendet për veriun e vendit.

Burime të “Kohës Ditore” kanë bërë të ditur se ai është duke insistuar që në çdo adresim për veriun të jetë e përfshirë me çdo kusht edhe Lidhja Demokratike e Kosovës, si partia më e madhe opozitare në vend.

Një nga zyrtarët e lartë të kësaj partie ka deklaruar se Thaçi ka kohë që ka filluar të bartë “presionin ndërkombëtar” mbi LDK-në, në mënyrë që edhe kjo parti të bëhet hisedare në ndonjë “kompromis” të mundshëm për veriun.

Por, sipas tij, kryetari i LDK=së, Isa Mustafa, ia ka bërë të qartë Thaçit se LDK-ja nuk dë të hyjnë asnjë koncesion për shtetin

Lexo më shumë

Vjen fitorja e Juventusit

Pas tre barazimeve radhazi në Serie A, Juventusi i është kthyer fitores edhe atë në mënyrën më të mirë të mundshme duke e mposhtur Fiorentinan në Artemio Franchi me rezultat 5-0.

Mirko Vucinic u regjistrua i pari në listën e golashënuesve pas asistimit të Andrea Pirlos (15’), ndërsa përjashtimi i Alessio Cercit me karton të kuq (21’) vetëm sa ia lehtësoi punët Zonjës së Vjetër.

Arturo Vidal e dyfishoi epërsinë (27’) pas një krosimi nga këndi dhe me rezultat 2-0 u mbyll pjesa e parë.

Claudio Marchisio e shënoi golin e tretë pas harkimit të Vucinic (55’), ndërsa Andrea Pirlo ishte njeriu që shënoi golin e katërt (67’).

Pak minuta pasi hyri në lojë, Simone Padoin shfrytëzoi goditjen e Pirlos për ta vendosur rezultatin përfundimtar (72’).

Juventusi gjendet katër pikë prapa Milanit në garën për titullin e kampionit të Italisë, ndërsa kjo fitore do t’i shërbejë para derbit ndaj Interit.

Lexo më shumë

Barca pret gabimin e Realit

Sevilla nuk ka mundur t’i bëjë ballë Barcelonës në kryendeshjen e kësaj jave në Kampionatin spanjoll.

Ndeshja e zhvilluar në Ramon Sanchez Pizjuan ka përfunduar me rezultat 2-0 në favor të Blaugranëve.

Ekipi mysafir e përfundoi sfidën që në gjysmën e parë kur edhe i shënoi të dy golat.

Xavi Hernandez ekzekutoi një goditje të lirë fatale për vendasit duke i kaluar katalunasit në epërsi (18’).

Lionel Messi pranoi një top nga Andres Iniesta dhe ashtu si di ai e dyfishoi epërsinë (25’).

Në gjysmën e dytë andaluzianët kanë mundur të shënojnë pasi ndërtuan disa raste, megjithatë kanë mundur edhe të ndëshkohen, duke qenë se lojtarët e Barcës ishin gjithmonë të gatshëm për të shënuar.

Me këtë fitore, Barcelona e ngushton diferencën e pikëve me Real Madridin në shtatë, ndërsa Mbretërit të dielën e zhvillojnë ndeshjen e kësaj xhiroje kundër Malagas. 

Lexo më shumë