Apple fshin aplikacionet false

Apple ka njoftuar se i ka fshirë një numër të madh të aplikacioneve false të cilat kanë qenë të vendosura në dyqanin e saj virtual të aplikacioneve, e posaçërisht disa aplikacione nga një zhvillues i dyshimtë i quajtur Anton Sinelikov, i cili ka bërë kopje të aplikacioneve të famshme të cilat gjenden në platformën mobile të kompanisë.

Vetëm nga ky zhvillues, Apple ka thënë se i ka tërhequr më shumë se 9 aplikacione, të cilat përfshijnë kopjet si Temple Jump, Tiny Birds dhe Numbers, të cilat janë versione të dyfishuara të versioneve origjinale, si Temple Run, Tiny Wings apo Words with Friends.

Është interesante të dihet se Temple Jump, njëra ndër aplikacionet false të zhvilluesit rus ka kryesuar listën e aplikacioneve me pagesë në App Store, ndërsa tani e njëjta është tërhequr nga Apple.

Lexo më shumë

Robben, baba për të tretën herë

Futbollisti i Bayern Munichut, Arjen Robben, ka një arsye shtesë në jetën private për t’u ndjerë i lumtur.

Holandezi në orët e hershme të ditës së hënë është bërë baba për të tretën herë, ndërsa gruaja e tij ka lindur djalë.

Në një komunikatë për media thuhet se nëna dhe djali janë për mrekulli sa i përket aspektit shëndetësor.

Robben dhe gruaja e tij Bernadien kanë djalin Luke, vajzën Lynn dhe tash djalin të cilin e kanë pagëzuar Kai.

Lexo më shumë

Ibra suspendohet për tri ndeshje

Sulmuesi i Milanit, Zlatan Ibrahimovic, është suspenduar për tri ndeshje, për shkak të sjelljes josportive në ndeshjen ndaj Napolit.

Sulmuesi suedez e goditi Salvatore Aronican në takimin e të dielës, me ç’rast u përjashtua me karton të kuq.

Të hënën paneli disiplinor i Lega Calcio mori vendim që ta dënojë atë me tri ndeshje moslojë.

Kjo do të thotë se ai do të mungojë ndaj Udineses, Cesenas dhe Juventusit.

Lexo më shumë

Lippi: Villas-Boas i shqetësuar nga Napoli

Ish-trajneri i Juventusit dhe Italisë, Marcello Lippi, ka pohuar se trajneri i Chelseat, Andre Villas-Boas, është i shqetësuar për përballjet ndaj Napolit në kuadër të Ligës së Kampionëve.

“Duhet krenuar me Napolin që po zhvillohet vit pas viti. Gjysma e Evropës ia ka frikën këtij klubi”.

“Së fundmi e takova Villas-Boas dhe e pash se ai është i shqetësuar”, ka thënë Lippi Radio Kiss Kiss Napoli.

Lexo më shumë

Barca pret rrëshqitjen e Realit

Javier Mascherano ka deklaruar se Barcelona do të rikthehet në garën për titull, porsa Real Madridi të lëshojë pikë.

Blaugranët gjenden shtatët pikë prapa Los Blancos në tabelën e La Ligas, kur kanë mbetur edhe 17 xhiro për t’u luajtur.

“Është e qartë se kjo është një diferencë e madhe, por ne do të luftojmë deri në fund”.

“Një barazim për Madridin do të na kthente në garën për titull nëse ne i fitojmë ndeshjet tona”, ka deklaruar argjentinasi.

Lexo më shumë

Balotelli: Mund ta fitoj Topin e Artë

Sulmuesi i Manchester Cityt, Mario Balotelli, mendon se ai mund ta fitojë Topin e Artë.

Edhe pse ai pranon se së pari duhet që ylli i Barcelonës, Lionel Messi, të dalë nga forma e tij para se italiani ta ngrejë trofeun.

“Mendoj se mund ta fitoj Topin e Artë... Por Messi duhet ta ulë nivelin e tij të lojës ose nuk mund ta bëj këtë”, ka qeshur Balotelli. 

Lexo më shumë

Berisha: Ekonomia po përballon krizën

Në mbledhjen e grupit parlamentar të Partisë Demokratike të Shqipërisë, kryeministri Sali Berisha iu referua ekonomisë. Ai tha se edhe ne kushtet e krizës, Shqipëria ka mundur te shënojë rritje, si dhe te garantoje rritjen e pagave dhe pensioneve, transmeton TCH.

"Në qoftë se ju do të lexoni për krizën e katër viteve të fundit do të gjeni se kjo është e vetmja ekonomi në Europë që në 4 vitet e fundit të marra së bashku ka patur 18 për qind rritje ekonomike dhe kjo rritje ekonomike është e certifikuar nga të gjitha institucionet ndërkombëtare. Në 4 vite të marra së bashku, kjo ekonomi ka bërë të mundur në katër vjet të dyfishohen rrogat e mësuesve, infermierëve, mjekëve, ndërkohë që në vendet e tjera, shkurtimi i rrogave ka qenë nga 25 në 40 për qind. Kjo ekonomi ka bërë që tre vitet e fundit të ketë mesatare 1 miliard dollarë investime. Kjo ekonomi është e vetmja ekonomi që krijoi dhe në kulmin e krizës vende të reja pune", tha Berisha.

Moti i keq dhe temperaturat e ulëta, që kanë mbërthyer vendin prej ditësh, kanë bërë që kryeministri Sali Berisha në fillim të mbledhjes së grupit kuvendor demokrat të theksojë, se qeveria do të bëjë maksimumin për të ndihmuar njerëzit e bllokuar nga bora dhe se pavarësisht çmimit të kripur, importi i energjisë do të vijojë.

“Ne do të bëjmë gjithçka që ajo të mos mungojë për shkak të furnizimit. Ne do ta blejmë ata sa kohë do ta gjemë në mënyrë që vendi të mos vuajë mungesën e saj. Në çdo rrethanë do të përballohet me ndërhyrjen e buxhetit sepse mundësitë e tjera janë ezauruar tërësisht. E vërteta është që pavarësisht nga reshjet e shiut apo borës në zonën verilindore të vendit, digat janë në nivelet më të ulëta historike të tyre”, tha Berisha.

Duke folur edhe për Konferencën e Mynihut, në të cilën mori pjesë, Berisha theksoi se është biseduar mbi projektin transadriatik që kalon në territorin e Shqipërisë që sjell 1 miliard euro investime.

"Ekonomia shqiptare, në raport me atë globale është e vogël, por që në mënyrën më të shkëlqyer ia doli t'i shpëtojë krizës", tha Berisha. 

Lexo më shumë

Sindikatat greke të martën në grevë

Dy sindikatat më të mëdha publike dhe private në Greqi kanë bërë thirrje për një grevë 24 orëshe për të martën për të kundërshtuar masat e ashpra të kursimit, që kanë për qëllim shpëtimin e Greqisë nga kriza e borxheve.

Sindikalistët kanë thënë se shkurtimet e reja të propozuara nënkuptojnë ”intensifikimin e një rrethi vicioz të recesionit dhe çuarjen e shoqërisë greke në depresion”.

Greva është paralajmëruar ndërsa liderët e partive në koalicionin qeverisës në Greqi kanë rinisur bisedimet të hënën mbi pakon e re të masave të kursimit, që i kërkohet Greqisë në këmbim të marrjes së pakos tjetër të shpëtimit nga Perëndimi.
Marrëveshja e re për pakon e shpëtimit është vitale për Greqinë, për të shmangur deklarimin e falimentimit në muajin mars. 

Lexo më shumë

Isa për ekonomi të tregut

Kryetari i Lidhjes Demokratike të Kosovës (LDK) Isa Mustafa tha të hënë se partia të cilën e drejton ai e përkrahim ekonominë e tregut, të bazuar në konkurrencë. Sipas tij, për privatizimin Trepçës duhet të bëhen analiza të thella.

Mustafa konfirmoj se LDK-ja përkrah edhe privatizimin e kompanive publike dhe të ndërmarrjeve shoqërore, të cilat sipas tij, “u abuzuan në mënyrë të paparë gjatë periudhës së pasluftës nga individë, grupe interesi me veprimtari të paqartë”.
“LDK kërkon që privatizimi të jetë një proces transparent ndaj publikut”, tha Mustafa duke shtuar se sektori i energjisë ka nevojë për tu privatizuar pasi sipas tij me këtë do të sigurohet energjie mjaftueshme.
“Ne jemi kundër privatizimit të pasurive të Trepçës pa një studim të thellë, pa mendimin e institucioneve më relevante të vendit, përfshirë edhe ASHAK-në dhe pa vendimin e Kuvendit të Republikës së Kosovës”, tha kryetari Isa Mustafa. 

Lexo më shumë

Ministria e Bujqësisë, toka bujqësore ka pjellorinë më të madhe në rajon

Raporti i projektit “EULUP” i Komisionit Evropian, i cili përkrah Ministrinë e Bujqësisë përmes implementimit të projektit “Mbështetje e mëtutjeshme në shfrytëzimin e tokës”, me kërkesë të Ministrisë së Bujqësisë ka bërë edhe hulumtimin e përbërjes së tokave bujqësore me metale përreth zonave ku janë të përqendruara më shumë aktivitetet e industrisë së mineraleve.

Në bazë të 1000 mostrave të marra nga tokat bujqësore në këto zona, sipas ekspertit ndërkombëtar Wolfgang Spyra, pas biotesteve vetëm rreth 12 për qind kanë rezultuar me efekte negative në rritjen e bimës brassica sedativum në biotest (kjo bimë njihet si bima më e ndjeshme ndaj metaleve). Përndryshe, konstatimet e nxjerra rreth përqendrimit të metaleve në toka bujqësore i referohen vetëm vendeve ku janë marrë mostrat, përkatësisht përreth zonave ku ndërmarrje të ndryshme nxjerrin minerale dhe jo të gjitha tokave të punueshme.

“Rezultatet e këtij raporti janë preliminare dhe askund nuk konkludohet se produktet bujqësore janë të rrezikshme, por rekomandohet të bëhen hulumtimet rreth ndotësve të mundshëm në produkte bujqësore që kultivohen afër këtyre zonave”, thuhet në reagimin Ministrisë së Bujqësisë.
Hulumtime të tilla janë bërë në shumicën e vendeve të rajonit dhe në disa prej këtyre vendeve, veçanërisht në Serbi dhe Kroaci, rezultatet e këtyre hulumtimeve kanë rezultuar se sasia e metaleve të rënda në tokat bujqësore është shumë më e lartë se sasia e metaleve që tani për tani supozohet se ekziston në këto zona të Kosovës.

Raporti është dorëzuar javën e kaluar nga implementuesit e këtij projekti dhe në një takim të përbashkët ndërmjet Ministrisë së Bujqësisë, Ministrisë së Shëndetësisë, Ministrisë së Mjedisit dhe Planifikimit Hapësinor, Agjencionit të Veterinës dhe Ushqimit dhe Komisionit të Pavarur për Miniera dhe Minerale, është vendosur që të krijohet një komitet ndërministror, i cili do t’i drejtoj hulumtimet e mëtutjeshme dhe do t’i ndërmarrë të gjitha veprimet e nevojshme.

“Ministria e Bujqësisë, Pylltarisë dhe Zhvillimit Rural apelon tek të gjitha mediumet që mos të përhapin panik në opinion duke iu referuar një raporti me konstatime që nuk kanë bazë shkencore, sepse toka bujqësore në Kosovë është një prej tokave me pjellorinë më të lartë në gadishullin ballkanik dhe rreth 80 për qind e saj është e klasës 1-4, e cila njihet për bonitet shumë të lartë, që do të thotë se toka e jonë bujqësore ka kapacitete të mbajtjes së ndotësve dhe nuk e lejojnë bartjen e tyre në zinxhirin ushqimor”, thuhet në komunikatën e Ministrisë së Bujqësisë.

Lexo më shumë

FSK vazhdon zhbllokimin e rrugëve nga bora

Në përgjigje të kërkesave të komunave të Kosovës për hapjen e rrugëve dhe zhbllokimin e vendbanimeve nga bora e madhe që ka rënë këtyre ditëve, edhe sot janë vënë në dispozicion njësitet e Forcës së Sigurisë së Kosovës.

FSK-ja, me kapacitetet të saja ekzistuese, ka angazhuar Njësinë Ndërlidhëse për Reagim ndaj Krizave, Policinë e Forcës, Njësinë e Kërkim Shpëtimit dhe Batalionin e Xhenios, me personel dhe makineri adekuate.

Këto njësi janë angazhuar në hapjen e rrugëve fillimisht në fshatin Gmicë, Komuna e Podujevës, në Rajonin e Shalës të Komunës së Lypjanit, në Komunën e Pejës, si edhe aksioni për evakuimin e nxënësve të bllokuar në pushimoren dimërore në Brezovicë.

Evakuimi i nxënësve të Shkollës Fillore “Hasan Prishtina” nga qendra dimërore në Brezovicë, u krye gjatë vikendit, ditën e diel, dhe se për këtë aksion u angazhuan pjesëtar të tri njësive të FSK-së, NJNRK, Policisë së Forcës si edhe Kërkim Shpëtimit.

Njësitet e FSK-së janë në gatishmëri të plotë që tu dalin në ndihmë qytetarëve të Kosovës, dhe Komanda e Forcave Tokësore ka mare të gjitha masat e gatishmërisë, që të jetë në dispozicion të institucioneve dhe qytetarëve për përballimin sa më të lehtë të kësaj situate të shkaktuar nga të reshurat e dëborës ditëve të fundit.

Lexo më shumë

‘Ditari’ i Agim Zogajt është shkruar nga katër persona!

Procesi gjyqësor në rastin Kleçka pasi ishte ndërprerë për një javë, ka vazhduar të hënën. Avokati i deputeti Fatmir Limaj, Tahir Rrecaj, ka deklaruar se gjatë javës së kaluar pala mbrojtëse ka angazhuar një ekspert të grafologjisë për të vërtetuar dorëshkrimet e ditarit ‘X’, Agim Zogaj.

“Sot e kemi deponuar ekspertizën e këtij eksperti nga e cila rezulton se ditari të cilin prokurori e ka në gjykatë dhe mbi bazën e të cilit e ka ndërtuar edhe gjithë aktakuzën, ai ditar është shkruar në të paktën nga katër duar. Do të thotë nga katër persona të ndryshëm”, tha Rrecaj për REL.

Avokati Rrecaj theksoi se procesi do të vazhdojë edhe në ditët në vijim. Sipas tij “pala mbrojtëse ka insistuar me ngulm që prokurori i rastit Mauricio Salustro të dëgjohet në cilësi të dëshmitarit dhe të dëshmojë lidhur me akuzat shumë serioze të ngritur nga Agim Zogaj dhe bashkëshortja e tij”.

Procesi ende është në fazën e diskutimeve dhe të dëgjimit të palës mbrojtëse lidhur me ftesën që prokurori Salustro të jetë dëshmitar.

Pas të enjtes do të vazhdohet me diskutime për besueshmërinë dhe pranueshmërinë e deklaratave të Agim Zogajt, i cili muaj më parë bëri vetëverasje në Gjermani.

Procedura e gjykimit të deputetit Fatmir Limaj dhe nëntë ish-ushtarëve të Ushtrisë Çlirimtare të Kosovës - që të gjithë të akuzuar për krime kundër popullatës civile gjatë luftës më 1999, në atë që njihet si "rasti Kleçka" - ka nisur më 30 janar.

Lexo më shumë

Partitë me shërbime sekrete

Debati për shërbimet e fshehta informative ka nxitur konfrontime të mëdha në Kuvendin e Kosovës, në mes të deputeteve të partisë politike në pushtet, PDK-së, dhe asaj në opozitë – Lëvizjes Vetëvendosje.

Zyrtarët e kësaj të fundit thonë se SHIK-u, si shërbim informativ i afërt me PDK-në, ende është duke funksionuar.

“Edhe një herë rikonfirmoj që SHIK-u është aktiv”, ka thënë “Radio Evropa e Lirë”, deputeti i këtij subjekti, Rexhep Selimi.

Mirëpo, këto deklarata i ka hedhur poshtë shefi i Grupi Parlamentar të PDK-së, Adem Grabofci.

“Shërbimi Informativ ka një datë të veprimit të vet dhe ka datën e përfundimit. Do të thotë, janë deklaratat kur ka filluar së vepruari dhe kur ka deklaruar se ka përmbyllur veprimtarinë”, theksoi Grabofci.

Në qershor të vitit 2008, shefi i këtij shërbimi, Kadri Veseli, kishe shpallur përfundimin e aktiviteteve të këtij mekanizmi. Shuarja zyrtare e SHIK-ut ishte parë edhe nga ndërkombëtarët si një kusht i domosdoshëm për t’i lëshuar vendin strukturës së re - Agjencisë Kosovare e Inteligjencës.

Ditë më parë, deputeti Bekim Haxhiu, publikisht kishte deklaruar se Albin Kurti duhet të japë sqarime deri më 9 shkurt për disa takime me serbë dhe për korrespodenca me vajzën e një ish-ministri të Slobodan Milloshevicit.

“Qeveria dhe SHIK-u kanë nxjerrë sërish edhe agjentët në skenë për të bërë presione e shantazhe ndaj qytetareve dhe personaliteteve.. Ne kemi një mesazh për Qeverinë dhe për SHIK-un, të cilët po bashkëjetojnë në pushtetin me vota të grabitura: Nëse mendoni se mund t’i bëni dikujt presion e ta shantazhoni me afatizime, e keni gabim.. Nëse doni ta mbani pushtetin dhe ta ndërroni me njëri-tjetrin postin kryeministrit, prapë e keni gabim - tashmë është tepër vonë për ju”, ishte reagimi i Selimit në njërën nga seancat e Kuvendit.

Burim Ramadani, deputet i Kuvendit të Kosovës nga radhët e Aleancës për Ardhmërinë e Kosovës, konsideron se përveç Agjencisë Kosovare për Inteligjencë, struktura tjera të sigurisë dhe inteligjencës janë ilegale dhe kriminale.

“Këto debate janë dëshmi e fuqishme se shërbimet e tilla nuk kanë përfunduar, pra nuk janë shuar... I bëj thirrje prokurorisë që të merret me këto raste, sepse tutje po e dëmtojnë funksionalitetin e shtetit”, u shpreh Ramadani.

Aktualisht, në Kosovë, i vetmi institucion legal i shërbimit informativ është AKI-ja. Kushtetuta e Kosovës parasheh që Agjencia e Kosovës për Inteligjencë të zbulojë, hetojë dhe mbikëqyrë kërcënimet ndaj sigurisë në Republikën e Kosovës.

Lexo më shumë

Mustafa: Kosova po qeveriset keq

Kryetari i Lidhjes Demokratike e Kosovës, Isa Mustafa, thotë se Kosova po qeveriset keq nga qeveria aktuale, e prirë nga PDK-ja.

“Ne jemi dëshmitarë të një gjendjeje shumë të rëndë ekonomike, me papunësi të madhe, me varfëri të lartë e problemeve të mëdha në fushën e funksionimit të shtetit ligjor”, ka thënë Mustafa në një konferencë për media.
Sipas tij, gjendja në veri të Kosovës vijon të jetë shumë e rëndë, ndërsa qeveria dhe institucionet përkatëse thuajse kanë harruar se ekziston ky problem.

“Në anën tjetër, qeveria ka vijuar, pa asnjë platformë dhe pa agjendë, madje pa listë temash dhe pa rend dite, takimet dhe bisedimet me Serbinë për çështje shumë të ndjeshme, që prekin Kushtetutën dhe sovranitetin e pranuar ndërkombëtar të Kosovës”, ka thënë Mustafa, sipas të cilit Qeveria, nëpërmjet Grupit parlamentar dhe deputetëve të caktuar të PDK-së, në Kuvendin e Republikës së Kosovës sajon tema bizare, “me të cilat dëshiron të tërheq vëmendjen nga problemet reale”.

“Gjatë ditëve të fundit kemi qenë dëshmitarë shantazhesh të hapura nga njerëz të SHIK-ut brenda institucioneve të Republikës së Kosovës. Për infiltrimet e tilla të SHIK-ut, LDK-ja ka tërhequr vërejtjen disa herë gjatë viteve të fundit. Për ne është e papranueshme që SHIK-u të kontrollojë institucionet, që të shantazhojë deputetët dhe të tjerët”.

Për LDK-në, të gjitha çështjet duhet të zgjidhen brenda institucioneve të vendit, ndërsa Rezolutën për përfundimin e procesit të pavarësisë së mbikëqyrur të vendit.

“Demokracia, ashtu si e koncepton LDK-ja, nuk arrihet përmes mbylljes apo bllokimit të kufijve me fqinjët, por përmes hapjes së tyre”, ka thënë Mustafa, për të shtuar se demokracia nuk arrihet as përmes rrahjes dhe torturimit të deputetëve dhe të qytetarëve.
“LDK-ja perspektivën demokratike të këtij vendi nuk e sheh në zënka të brendshme dhe në manifestime mediatike. Perspektivën e vendit do ta sigurojmë nëse të gjithë ne punojmë për zhvillimin ekonomik, hapjen e vendeve të reja të punës, për arsimimin cilësor të brezit të ri dhe për funksionim të ligjit”.

Lexo më shumë

Samsung do të ju liroj nga Apple?

Reklama e re për Galaxy Note të cilën Samsung e lansoi gjatë vikendit në Amerikë, ka mjaftë pika të përbashkëta me atë për Galaxy S II.

Njerëzit presin në radhë për të blerë iPajisjen e tyre, ndërsa pranë tyre kalon dikush që përdorë Samsung, në këtë rast Note, dhe ata konvertohen.

Mirëpo, në vend të kleçkave qesharake, të cilat ishin karakteristikë për reklamën e SGS 2, kësaj here “shfrytëzuesit e burgosur të Apple” me një fjalë, thyejnë, kufizimet dhe ikin drejt Samsungut, një ri nga ta madje duke bërtitur: “Liri!”.

Reklamën mund ta shikoni në vazhdim, e ne shpresojmë që ju në komente do të shprehni mendimin tuaj. 

Lexo më shumë

Zbulimi që ndryshoi konceptin mbi shumë sëmundje

Ka kaluar 50 vjet që kur u publikua qëndrimi shkencor mbi arsyet e vdekjes së njeriut. Njeriu vdes shumë më herët se sa duhet të ishte kohëzgjatja e jetës së tij bazuar në kodin gjenetik të jetëgjatësisë.

Në lidhje me këtë ka mendime të autoriteteve mjekësore që thonë se çdo vdekje para moshës 150 vjeçe, është vdekje e dhunshme. Kjo do të thotë se shkaktarë të plakjes së parakohshme janë dëmtimet oksidative në nivel të qelizave të organizmit tonë, si pasojë e veprimit dëmtues të radikalëve të lira.

Sot kemi listën e 50 sëmundjeve të ndryshme që paraqiten si pasojë e veprimit të radikalëve të lira, ndërsa parashikohet që ky numër i sëmundjeve të rritet në mbi 80.

Lexo më shumë

Katër tipa burrash

Dakord, burrat ndryshojnë. Po i juaji, si dhe pse ka ndryshuar? Për t'u njohur me problemet dhe zgjidhjet përkatëse dhe për të ditur se si sillet në shtrat partneri juaj, bëni testin e mëposhtëm.

I hutuar
Ky njeri përgjithësisht ka natyrë filozofike, pa iu dridhur qerpiku dhe pa gabuar asnjë çast. Shfaq një interes dhe kureshtje të pandërprerë për çdo gjë që ndodh rreth tij. Është përherë në ekuilibër, me të mirën dhe të keqen, me egërsinë e pavullnetshme dhe ëmbëlsinë e qëllimshme. Lëkundet midis varësisë dhe pavarësisë, nevojës për ndihmë dhe aftësisë për t'iu gjendur pranë të tjerëve.

Poet
Natyra poetike zgjon gjithmonë gruan që fle brenda njeriut. Kështu ndodh edhe me burrat që i përshtaten këtij tipi. Fjalët u dalin nga zemra dhe ngjallin gjithmonë shpresë. Frymëzimi i tij shërben për të zgjedhur rrugën e duhur në jetë. Pëlqen luksin dhe u kushton rëndësi gjërave të vogla që mbushin përditshmërinë e tij.

Spiritual
Beson shumë te të tjerët dhe është jashtëzakonisht i lidhur dhe njëkohësisht i varur prej ndjeshmërisë, emocionit, komunikimit. Për të janë të shenjta të gjitha ato parime që duhen respektuar për të jetuar në paqe.

I shpërqendruar
Beson shumë te shfaqja dhe asnjëherë nuk i kushton rëndësi përmbajtjes, thelbit të gjërave. Ai nuk beson në ekzistencën e një të vërtete unike, të vetme. Është regjisori i vetëm i jetës së tij dhe i ndryshon kostumet e personazheve që luajnë në të sipas humorit. Për të gjithçka shndërrohet në pretekst për të shijuar vrullshëm jetën.

Lexo më shumë

Teuta: Nuk jam shtatzënë

Në shtator të vitit të kaluar, këngëtarja e njohur Teuta Kurti i dha fund beqarisë duke u martuar me të fejuarin e saj, Dardan Luta.

Këto ditë ishte përfolur se ajo është duke pritur fëmijën e saj të parë, por këngëtarja ka demantuar menjëherë një gjë të tillë.

‘’Po flitet dhe kam marrë pyetje nga gazetarë të ndryshëm në lidhje që jam shtatzënë, edhe përkundër përgjigjes sime negative, prapë kanë shkruar se po. Por prapë e demantoj, nuk jam shtatzënë,”, ka thënë Teuta për mediat shqiptare.

Lexo më shumë

Dalglish: Suarez na bën më të fuqishëm

Menaxheri i Liverpoolit, Kenny Dalglish, mendon se Luis Suarez do të jetë më i fuqishëm pas rikthimit nga suspendimi.

Uruguaiani, i cili ndeshjen e fundit e ka luajtur para Vitit të Ri, është rikthyer në skuadër pas përjashtimit si rezultat i shpalljes fajtor për abuzim racor ndaj mbrojtësit të Manchester United, Patrice Evra.

“Mendoj se ju mësoni diçka secilën herë kur shkoni në shtrat, qoftë për mirë, keq ose indiferente”.

“Ne jemi të kënaqur që ai po rikthehet, por ne nuk do shkojmë në gjëra të kaluara. Ne jemi shumë më të fuqishëm si ekip dhe si klub me Luis në formë të mirë dhe të gatshëm për lojë”, ka thënë Dalglish.

Lexo më shumë

Bobby Charlton: Barca superiore ndaj Realit

Legjenda e Manchester United, Sir Bobby Charlton, e vlerëson Barcelonën si superiore ndaj Realit të Madridit.

“Trajneri i Real Madridit (Jose Mourinho) dhe Real Madridi udhëheqin në Ligën spanjolle, por ata nuk janë aq bindës”.

“Ata mund të kenë më shumë pikë se Barcelona, por Barca, mbi të gjitha, është skuadra e cila duhet mposhtur nëse dëshironi të jeni më i miri”, ka thënë Charlton për Catalunya Ràdio.

Lexo më shumë

Neymar: Ronaldo, idhulli im

Ylli i Santos, Neymar, thotë se Cristiano Ronaldo është idhulli i tij.

Neymar dhe Ronaldo janë lindur në të njëjtën ditë – 5 shkurt, dhe braziliani ka shfrytëzuar profilin e tij në Twitter për të uruar kolegun e tij.

“Para ndeshjes doja ta uroj yllin dhe idhullin, Cristiano Ronaldo. Çfarë nderi të lindem në të njëjtën ditë”, ka shkruar Neymar para ndeshjes me Fluminense.

Lexo më shumë

Reali rikthehet kah Llorente

Real Madridi raportohet se e ka rikthyer në listën e dëshirave sulmuesin e Athletic Bilbao, Fernando Llorente.

Marca shkruan se Reali e sheh Llorenten si një zëvendësim potencial për Gonzalo Higuain, i cili është cak i Chelseat.

Llorente ka karakteristika të ndryshme nga Karim Benzema dhe stafi drejtues i Realit mendon se ata do të përshtateshin mirë me njëri-tjetrin. 

Lexo më shumë

Super Bowl: Gjigantët mposhtin Patriotët

New York Giants kanë shënuar triumfin e dytë ndaj New England Patriots në katër vite në ndeshjen më të madhe të vitit në futbollin amerikan, Super Bowl, këtë herë duke dalë fitues me rezultat 21-17.

Qendërmbrojtësi Eli Manning ishte ylli i mbrëmjes dhe me meritë u shpall MVP (Lojtari më i Vlefshëm), duke përsëritur performancën e tij të para katër viteve.

Super Bowl është ngjarja sportive më e popullarizuar në SHBA, e cila këtë vit u përcoll prej afro dy miliardë teleshikuesësh anembanë botës (200 milionë vetë në SHBA) dhe afro 120 mijë të pranishëm në stadium.

Publiku përveç përballjes sportive është argëtuar edhe me një spektakël muzikor, për të cilin është kujdesur Madonna.

Lexo më shumë

Ibra të transferohet te Reali?

Super-agjenti Mino Raiola është i hapur rreth mundësisë së një transferimi sensacional të Zlatan Ibrahimovic te Real Madridi.

“Pas përvojës së tij te Barcelona, do të ishte një sfidë shumë interesante për të të luajë për këtë skuadër të madhe”.

“Çdo ditë marr oferta për Zlatan... Për këtë arsye nuk mund të jap garanci se ai do ta përfundojë karrierën me fanellën e Milanit në shpatullat e tij”, ka thënë Raiola.

Lexo më shumë

Nafta me rënien

frika se mungesa e marrëveshjes në Greqi do zhysë të gjithë rajonin Evropës në recesion duke goditur dhe masën e naftës së konsumuar.

Ndikim në presionin e çmimit ka dhënë edhe forcimi i dollarit.

Nafta bruto amerikane për marsin ra 63 cent në 97.22 dollarë për fuçi. Nafta bruto brent e Londrës ra 26 cent në 114.32 dollarë për fuçi.

Lexo më shumë

AKP ferma do të privatizohet këtë vit

Agjencia Kosovare e Privatizimit (AKP), po planifikon që gjatë këtij viti ta privatizojnë fermën e pulave në Lipjan, pasi koncesionusi i saj nuk arrit ti përmbush premtimeve sipas kontratës të nënshkruar para dhjetëvjetëve.

Zëdhënësi i AKP-së Ylli Kaloshi tha për Telegrafin se menaxheri i fermës dështoi ti përmbush premtimet në kontratë. Ai tregon se komercializuesi i fermës së pulave ndërmarrja ADI ka përmbushur zotimet për investimeve vetëm 20.17 për qind, të qirasë 40.36 për qind kurse të punësimit vetëm 46.72 për qind. “AKP ka planifikuar që këtë ndërmarrje ta tenderoj për privatizim gjatë këtij viti”, tha zëdhënësi Kaloshi.

Sipas tij, të gjitha investimet të cilat janë bërë në fermë do të mbetën në ndërmarrje.

Ndërkaq Avdurrahman Konjufca thotë se ai nuk ka mundur ta shfrytëzojë në tërësi fermë për shkak se në disa objekte ka qenë i vendosur KFOR-i.

Ai thotë se ka paditur AKP-në dhe kërkon kompensimin e dëmeve që sipas tij shkojnë deri në 7 milionë euro. 

Lexo më shumë

Jahjaga: Republika e Kosovës, pa asnjë shtesë

Nuk do të ketë asnjë shtesë në emërtimin e Republikës së Kosovës, as si 12 44 e as si fusnotë, ka thënë presidentja e Kosovës, Atifete Jahjaga.

Zgjidhja e vetme për tri komunat në veri të Kosovës është zbatimi i plotë i pakos së Ahtisaarit. Presidentja tha se serbët që jetojnë në pjesë të tjera të territorit të Kosovës, janë integruar përbrenda institucioneve të Republikës së Kosovës, dhe kjo praktikë duhet aplikuar edhe në tri komunat në veri të vendit: Leposaviq, Zubin Potok dhe Zveçan.

“Sundimi i rendit dhe ligjit do të jetë i pakompromis në tërë territorin e Republikës së Kosovës. Duhet luftuar strukturat e krimit të organizuar dhe të kontrabandës e të korrupsionit, dhe duhet të shuhen strukturat ilegale të cilat janë të mbështetura nga shteti fqinj i Serbisë. Zgjedhjet duhen bërë në bashkëpunim dhe me përkrahje të faktorit ndërkombëtar në Kosovë, që të kemi personat e zgjedhur legalë dhe legjitimë që do të përfaqësonin interesat e qytetarëve përbrenda institucioneve të Republikës së Kosovës”, ka thënë Jahjaga në një intervistë për DW.

Sa i përket propozimeve rreth përfaqësimit të Kosovës në dialogun mes Prishtinës dhe Beogradit dhe nëse Kosova do të pranojë një emër tjetër, veç atij të Republikës së Kosovës, Jahjaga tha se Kosova në procesin e dialogut ka hyrë si palë e barabarta dhe se përfaqësohet si subjekt shtetëror.

“Si e tillë do të vazhdojë të përfaqësohet edhe tash e tutje”, ka shtuar ajo.

Lexo më shumë

Halimi pro ndërrimit të territoreve

Përfaqësuesit e Luginës së Preshevës janë për bashkimin me Kosovën. Deputeti i vetëm shqiptar në Parlamentin e Serbisë, Riza Halimi, është pajtuar me propozimin e diplomatit austriak, Erhard Busek, për shkëmbim territoresh.

Halimi i ka thënë KTV-së se nëse serbët e veriut do të kenë mundësi t’i bashkohen Serbisë, atëherë kjo gjë duhet të ndodhë edhe me shqiptarët e Luginës së Preshevës, që janë në numër më shumë në krahasim me serbët.

Një ditë më herët Busek paralajmëroi mundësinë edhe të ndarjes së Kosovës, por sipas tij kjo gjë ende nuk ka nisur së diskutuari dhe nuk ka vullnet askund.

Analistët politikë në Kosovë vlerësojnë se një veprim i tillë është vështirë i realizueshëm. Sipas tyre, Bashkimi Evropian nuk ka treguar se ka ndonjë ide të qartë për rajonin.

Lexo më shumë

Hetimet rreth Martyt, në raportin e Banit

Çështja e dyshimeve për trafikim me organe njerëzore gjatë luftës në Kosovë, duket se do të riaktualizohet sërish këtë javë.

Raporti i hetimeve të bëra nga Task Forca speciale - për akuzat që dolën nga raporti i përfaqësuesit të Këshillit të Evropës, Dick Marty - do të jetë pjesë e raportit për Kosovën, të cilin do ta prezantojë sekretari i përgjithshëm i Kombeve të Bashkuara, Ban Ki-moon, në seancën e radhës së Këshillit të Sigurimit të OKB-së.

Megjithatë, nuk dihet saktësisht se çfarë do të përmbajë raporti - që hyn në kuadër të raportit të zakonshëm të punës së misionit evropian për sundimin e ligjit në Kosovë - dhe se a do të zë vend të diskutimet që do të zhvillohen në OKB.

Zëdhënësi i task forcës për hetime speciale i EULEX-it, Juri Laas, i tha Radios Evropa e Lirë se hetimi i udhëhequr nga prokurori amerikan, Clint Williamson, është ende në fazën e mbledhjes së informatave.

“Aktualisht, Task Forca është në procesin e sigurimit të informatave nga një varg burimesh institucionale, duke analizuar këto informata dhe duke kryer aktivitetet hetuese”, u shpreh ai.

Task Forca speciale e EULEX-it, për hetimin e akuzave që flasin për trafikim të organeve njerëzore gjatë luftës së 1999-s, u pat themeluar në shtator të vitit të kaluar, ndërsa në muajin tetor në krye të saj u emërua prokurori Williamson.

“Williamson vizitoi Shqipërinë dhe Kosovën para dy javësh. Në javët e ardhshme ka gjasa që ai ta vizitojë sërish Beogradin”, tha Laas.

Zyrtarët e shtetit serb kishin kërkuar vazhdimisht që çyshtja e akuzave të Martyt të dërgohet për shqyrtim në instancat vendimmarrëse të OKB-së.

Në ndërkohë, mësohet se është kompletuar ekipi i hetuesve ndërkombëtarë të Task Forcës speciale, ndërsa sipas nevojës thuhet se atij mund t’i bashkëngjiten prokurorë të tjerë.

Lexo më shumë

Për BE-në nuk ka ndarje

Deklarata e ish-koordinatorit të Paktit të Stabilitetit për Evropën Juglindore, Erhard Busek, që Prishtina dhe Beogradi duhet të nisin diskutimet për ndarje, ka zgjuar reagime edhe në BE.

E pyetur nga “Radio Dukagjini” nëse BE-ja e sheh ndarjen e Kosovës si zgjidhje, Maja Kocijancic - zëdhënëse e përfaqësues së lartë të BE-së, Catherine Ashton - ka thënë se BE-ja i referohet Kosovës në kufijtë aktual.

“Kosova duhet të shënoj progres në reforma. Duhet të shohim se dialogu mes Prishtinës dhe Beogradit po vazhdon dhe se do të ketë rezultate të mëtutjeshme. Ashtu siç e ka bërë të qartë edhe Komisioni Evropian në raportin e progresit, ne duhet që sa më shpejt ta shohim planin gjithëpërfshirës për veriun. Të gjitha këto kërkesa janë shumë të qarta. Sa herë i referohemi Kosovës, i referohemi gjithë territorit dhe integritetit territorial”, ka thënë Kocijancic.

Lexo më shumë

Kampanja e Vetëvendosjes, “kopsht politik i fëmijëve”

Ambasadori i Republikës Federale të Gjermanisë në Kosovë, Ernst Reichel, vërejtjet ndaj mundësisë së heqjes së emërtimit “Republika” dhe përdorimit të emrit “Kosovë” në forume të ndryshme rajonale, i ka quajtur si “kopsht politik i fëmijëve”

“Kampanja më e re e Vetëvendosjes mbi emërtimin ‘Republika e Kosovës’, e cila thotë se përdorimi i çfarëdo emërtimi tjetër do të ishte në kundërshtim me kushtetutën dhe njëherazi tradhti e lartë, nuk është gjë tjetër veç kopsht politik i fëmijëve”, thuhet deklaratën e shpërndarë nga Ambasada e Gjermanisë në Prishtinë.

“Në BE, OSBE, OKB dhe në instanca tjera ndërkombëtare delegacioni gjerman zakonisht është i ulur prapa shenjës ‘Gjermania’ dhe jo ‘Republika Federale e Gjermanisë’. Kjo vlen për shembull edhe për ‘Republikën e Francës’ apo ‘Mbretërinë e Holandës’, ose pothuajse për të gjitha shtetet. Nuk ka arsye pse kjo të jetë ndryshe në rastin e Kosovës”.

Lexo më shumë

Mustafa për SHIK-un: Gjaku të zë

Kryetari i Lidhjes Demokratike të Kosovës, Isa Mustafa, i është rikthyer kritikave dhe akuzave për SHIK-un, duke e cilësuar atë një organizatë kriminale të financuar nga struktura të dyshimta dhe jo llogaridhënëse.

Në një intervistë për gazetën “Bota sot”, ai tha se të gjithë ata që kanë kryer veprime kriminale duhet të përgjigjen para ligjit.

Në pyetjen se a po i hapin dosjet e tyre zyrtarët e SHIK-ut për konflikte personale e politike, përgjigjen Mustafa e ndërlidhi me një thënie popullore.

“Një fjalë e popullit thotë: Gjaku të zë”, ka thënë ai.

“Si duket disa nga ata kanë bërë veprime të rënda ndaj popullit, dhe këto veprime nuk i lënë të qetë. Çdonjëri duhet të përgjigjet nëse me veprime ka dëmtuar të tjerët. Është fjala këtu për një organizatë ilegale, e cila ka vepruar ilegalisht, është financuar ilegalisht dhe nuk ka pasur kontroll të institucioneve legjitime për veprimet e saj. Çfarë kanë bërë, e dinë ata. Por, nëse dikush nga ata ka kryer veprime kriminale, duhet të përgjigjet para ligjit”.

Lexo më shumë

Kinect për Windows

Microsoft zyrtarisht paraqiti Kinect për Windows së bashku me pakon përkatëse për zhvillimin e aplikacioneve.

Në Microsoft theksojnë se qysh tani kompani të shumta janë duke zhvilluar zgjidhje të bazuara në Kinect, duke përfshirë American Express, Mattel, Telefonica dhe Toyota, por për momentin nuk ka informata konkrete se për çfarë projekte bëhet fjalë.

Kinect fillimisht do të jetë në dispozicion në SHBA dhe 11 vende tjera të botës. Çmimi zyrtar në SHBA është 249 dollarë, e Microsoft paralajëmroi edhe versionin e veçantë të dedikuar për institucionet edukative që do të shitet për çmim prej 149 dollarë.

Lexo më shumë

Vazhdon shitja e produkteve të Apple në Gjermani

Javën e kaluar ishte thënë se shitjet e iPad 3G, iPhone 3GS dhe iPhone 4 ishin pezulluar në Gjermani, pas një urdhëri ligjor i cili më parë i ishte dhënë kompanisë Motorola dhe pasi i njëjti hyri në fuqi të premten.

Mirëpo, me sa duket ndalimi nuk zgjati shumë, pasi që vendimi për pezullimin e shitjes së produkteve të Apple u anulua, dhe gjiganti amerikan rifilloi shitjen e produkteve të saj më të famshme.

Sipas raporteve të fundit thuhet se Apple ka apeluar ndaj vendimit, duke pohuar se Motorola ka refuzuar licencën për patent për ta, sipas kushteve të arsyeshme, edhe pse rivali i saj i cili është blerë nga Google ka detyrim ligjor ta bëjë një gjë të tillë.

Lexo më shumë

Babai i Gagas i pakënaqur me veshjen e saj

Babai i këngëtares Lady Gaga ka pasur shumë probleme me vajzën e tij për vite të tëra sa i përket veshjes.

Sikurse shumë prindër, edhe Joe Germanotta e ka këshilluar vajzën e tij që të vishet sa më zakonshëm dhe të zbulojë sa më pak.

“Jam dukur njësoj si gjatë ditës, ashtu edhe në skenë”.

“Babait tim nuk i pëlqente kjo dhe shpesh më thoshte: ‘A mund ta lëshosh pak atë fund’. Disa prindër, thjeshtë s’mund ta durojnë atë”, citon The Sun fjalët e këngëtares.

Lexo më shumë

Këshillat milionëshe

Këshilltarët e transaksionit Qeverisë se Kosovës po i kushtojnë miliona euro. Prej që ka filluar proceset e shitjes të aseteve të rëndësishme në vend, Qeveria ka kontraktuar dhjetëra kompani të huaja për përgatitje të këtyre proceseve. Vetëm për projektin “Kosova e Re”, dhe privatizimin e PTK-së, këshilltarët ishin paguar rreth 9 milionë euro.

Ekspert të ekonomisë dhe përfaqësues të biznesit thonë se nga këshilltarët e transaksionit në Kosovë, nuk po shihet ndonjë rezultat. Sipas tyre, procesi i privatizimit nuk është barrë e krejt tyre, por edhe e Qeverisë.

“Për projektin “Kosovës së Re”, prej vitit 2006 deri me tani, për këshilltarë të transaksionit ishin paguar nga Buxheti i Republikës së Kosovës 2.500.000 dollarë amerikanë, ndërsa nga grantet e Bankës Botërore janë paguar 5.690.000 dollarë. Deri më tash për shërbime të këshilltarëve të projektit “Kosova e Re” komplet janë shpenzuar 8.198.310 dollarë”, ka Gëzim Baxhaku, këshilltar për media në Ministrinë e Zhvillimit Ekonomik, shkruan gazeta Lajm.

Kurse, sipas tij, për këshilltarë të transaksionit dhe këshilltar strategjik për privatizimit të PTK-së, deri më tash janë paguar afro 1.7 milionë euro.

Lexo më shumë

Acari dëmton ekonomitë familjare

Mbi tre mijë kilogramë patate dhe afro një mijë kilogramë qepë i janë ngrirë Ibrahim Mavriqit nga fshati Koliq i Prishtinës. Dëmet që acari i ka shkaktuar atij duket t’i kenë prekur edhe një numër të konsiderueshëm familjesh dhe subjektesh të tjera në vend.

“Të gjithë veprimtarinë time e siguroj përmes mbjelljes dhe shitjes së patateve. E kam rregulluar ambientin ku i kam mbajtur të sigurta patatet, por ndërprerja e energjisë elektrike dhe acari i madh ka bërë që mbi tre mijë kile patate të ngrihen dhe kësisoj të gjitha ato me duhet tani t’i gjuaj”, thotë Ibrahim Mavriqi.
Sipas tij, të ngrira kanë rezultuar edhe sasia e patateve të planifikuara për t’u mbjellë në pranverën e këtij viti. “Diku afro 600 euro kam blerë pak ditë me herët dhjetëra thasë me patate për mbjellje dhe që të gjitha janë ngrirë”, tha Mavriqi, shkruan Koha Ditore.
Sipas tij, kostoja e dëmeve që i janë shkaktuar i afrohet dy mijë eurove. “Dëmet janë të konsiderueshme dhe kanë ndikuar thellësisht në motivin e punës”, ka pohuar Mavriqi, teksa ka kërkuar nga institucionet përgjegjëse që të shqyrtohet mundësia e kompensimit të dëmeve të tilla. “Komuna e Prishtinës, apo Ministria e Bujqësisë, do të duhej të formonin një komision për t’i verifikuar këto raste dhe njëherazi të shqyrtonin mundësinë e kompensimit të dëmeve apo së paku kompensimin e një pjesë të tyre”, ka potencuar Ibrahim Mavriqi nga fshati Koliq i Prishtinës.
Në Komunë të Prishtinës, ndërkaq, që për vlerësime të tilla dhe kompensim të mundshëm është niveli qendror dhe jo ai komunal.

Lexo më shumë

Shtrenjtohen aviobiletat

Falimentimi i gjigantëve evropianë të aviacionit nuk pritet të kalojë pa pasoja edhe për pasagjerët kosovarë.

Këta të fundit së shpejti pritet të ballafaqohen me shtrenjtim të aviobiletave, pasi që në treg do të mbeten vetëm lojtarët e mëdhenj të aviacionit, të cilët do ta shfrytëzojnë monopolin për ngritje të kostos së udhëtimeve, shkruan Zëri.

Kështu thonë drejtuesit e agjencive turistike kosovare, sipas të cilëve në shtrenjtimin e kostos së fluturimeve ajror ka ndikim edhe kriza në Gjirin Persik, ku kerozina për avionë është shtrenjtuar dukshëm. Javën e kaluar Falimentojë kompania hungareze MALEV si pasoj e borxheve. 

Lexo më shumë

Zbogar, prej sot në detyrën e re

Diplomati slloven, Samuel Zbogar, sot do të duhej ta nisë detyrën e Përfaqësuesit Special të BE-së në Kosovë.

Mandati i tij do të zgjas deri më 30 qershor 2013. Më herët ai ka thënë se prioritet do ta ketë shoqërimin e Kosovës, me shtetet tjera në rajon, në rrugën drejtë BE-së

Që kjo të arrihet, Kosova duhet të vazhdojë me zhvillimin e institucioneve, sundimin e ligjit, demokracisë dhe të drejtave të njeriut. Si një detyrë shumë të rëndësishme Zbogar ka përmendur përmirësimin e raporteve mes shqiptarëve dhe serbëve të Kosovës.

Zyra e BE-së në Kosovë është një nga më të mëdhatë në Ballkanin Perëndimor, me personelin prej rreth 85 vetëve.

Diplomati slloven në detyrën e shefit të Zyrës së BE-së është emëruar nga përfaqësuesja për politikë të Jashtme, Catherine Ashton. Emërimin e tij më 25 janar e ka konfirmuar edhe Këshilli i BE-së.

Lexo më shumë

Shtyhen provimet në fakultetet e Pejës

Menaxhmenti i Fakultetit të Shkencave të Aplikuara të Biznesit dhe ai i Degës së Fakultetit Juridik në Peje, për shkak të reshurave të mëdha të borës, ka vendosur që nga sot e deri të dielën të ndërpres procesin e mbajtjes së provimeve.

Dekani i këtij fakulteti, Armand Krasniqi, ka thënë për “Kosovapress” se kushtet e rënda atmosferike e vështirësojnë udhëtimin si të studentëve ashtu edhe të profesorëve për mbajtjen e provimeve, andaj është parë e udhës që të shtyhet afati i provimeve për një javë.

Lexo më shumë

Ballkani, para ndryshimeve të reja të kufijve

Ballkani Perëndimor mund të pësojë ndryshime të kufijve – ka tërhequr vërejtjen Instituti Gjerman për Politika dhe për Çështje të Sigurisë Ndërkombëtare në studimin e tij të fundit., raporton “Koha Ditore”.

Studimi i titulluar “Rasti normal nuk planifikohet – dhjetë situata politike që meritojnë vëmendje”, i realizuar në nëntor të vitit 2011, ka pasur në cak të analizës edhe situatën në Ballkanin Perëndimor, ku ka nxjerrë në pah që në Ballkan, në një të ardhme, mund të ketë sërish ndryshim të kufijve aktualë.

“Stiftung Wissenschaft und Politik (SWP)” - Fondacioni shkenca dhe politika - që është më i madhi i llojit të tillë në Evropë e i cili këshillon Bundestagun dhe Qeverinë e Gjermanisë në lidhje me politikat dhe me çështjet e sigurisë në rrafshin ndërkombëtar, ka porositur Perëndimin se në rast se vazhdon të pozicionohet kundër lëvizjeve autoktone që kanë për synim të përfundojnë procesin e krijimit të identitetit të tyre kombëtar në Ballkan, atëherë kjo do të mund të jetë e kushtueshme politikisht dhe kundërproduktive.

“Më e dobishme duket të jetë gjetja e një zgjidhjeje të mesme midis shqiptarëve dhe serbëve në Kosovë”, kanë këshilluar hulumtuesit gjermanë. “Për këtë duhet shfrytëzuar diplomacinë, e cila ende nuk ka qenë aktive në këtë rajon, si p.sh. ajo e Norvegjisë, ndërsa ndihmat e konsiderueshme ekonomike dhe përforcimi i perspektivës drejt anëtarësimit në BE dhe në NATO duhet të shërbejnë si mjete për të lehtësuar heqjen dorë nga kërkesat maksimale të palëve”.

Instituti Gjerman për Politika dhe për Çështje të Sigurisë Ndërkombëtare ka folur se si Kosova dhe Bosnja e Hercegovina, ngjashëm edhe Maqedonia, vazhdojnë të mbeten ngrehina tejet të brishta politike, nën protektorat të vazhdueshëm perëndimor.

“Në këto vende sërish po krijohen konflikte etnopolitike. E përplasje të tilla gjatë dy dekadave të kaluara zakonisht kanë përfunduar me ndryshimin e kufijve politiko-administrativë të ish-Jugosllavisë”, kanë shkruar hulumtuesit gjermanë. “Këto procese vetëm në pak raste janë zhvilluar në mënyrë paqësore. Edhe tani është e paparashikueshme se a do të zhvillohen këto revizione të kufijve pa dhunë”.

Instituti gjerman ka paralajmëruar se ndryshimet e para të kufijve mund të priten në trekëndëshin Kosovë-Shqipëri-Maqedoni Perëndimore. 

Lexo më shumë

ICO heq dorë nga Ahtisaari!

Jo rrallë herë, zyrtarë të ndryshëm vendorë e ndërkombëtarë, kanë dhënë ide për zgjidhjen e problemit të veriut të Kosovës, tërësisht të dalë jashtë kontrollit të autoritetit ligjor. I fundit që ka bërë një propozim të ri për veriun është presidenti i Serbisë, Boris Tadic, i cili përmes një plani katërpikësh, tenton krijimin e një entiteti të veçantë në veri, të ngjashëm me Republikën Serbe të Bosnjës.

Sidoqoftë, në mesin e disa misioneve të huaja të akredituara në Prishtinë, funksionon edhe një zyrë, e cila për detyrë e ka të ndalojë përpjekjet apo planet që nuk janë në një vijë me Propozimin për status të Kosovës bërë nga ish-presidenti finlandez, Marti Ahtisaari.

Zyra Civile Ndërkombëtare apo misioni i udhëhequr nga diplomati holandez, Pieter Feith, në Kosovë, funksionon veçanërisht për të verifikuar nëse Pako e Ahtisaarit po zbatohet dhe nëse ndonjë ligj që miratohet në Kuvendin e Kosovës nuk bie në kundërshtim me “Propozimin Gjithëpërfshirës për Status”.

Në faqen e internetit të ICO-së, te linku “Për ne”, ndër të tjera thuhet se qëllimi i tyre është “garantimi i zbatimit të plotë të propozimit për zgjidhjet e statusit të Kosovës”. Kjo, raporton “Zëri”, i bie që edhe në rast se qeveria e Kosovës apo kushdo tjetër dëshiron të zbatojë plane ndryshe prej asaj që thuhet në “Pakon e Ahtisaarit”, Pieter Feith me ekipin e tij në ICO do të duhej të ndërhynte menjëherë për t’i ndaluar ata.

Mirëpo, një përshtypje krejt ndryshe të krijon zyra e Feithit kur i kërkohet për ta verifikuar qëllimin e shënuar edhe në faqen e tyre të internetit.

Zëdhënësi i ICO-s, Chrisitian Palme, kur i është kërkuar nga një sqarim për nëse Feith do të ndërhynte për të ndaluar një plan për veriun që bie ndesh me Ahtisaarin, ka thënë: “Në fund, i takon qeverisë së Kosovës që të punojë me qytetarët e saj në veri për të krijuar një model funksional të qeverisjes lokale, që u jep atyre siguri dhe pranim të plotë të identitetit të tyre brenda një republike të qëndrueshme e sovrane të Kosovës”. 

Lexo më shumë