Promovim i Kosovës përmes “Rrjetit Transatlantik TN2020”

Në Prishtinë, më 27 deri më 29 mars organizohet Konferenca “Rrjeti Transatlantik TN2020”, në të cilën sipas Ministrisë së Punëve të Jashtme do të marrë pjesë një grup prej 40 liderësh më të mëdhenj nga Amerika Veriore, nga Meksika, por edhe nga shtetet që nuk e kanë njohur Kosovën.

Këtë radhë sjellim në Kosovë 40 pjesëmarrës, prej Amerikës Veriore, Meksikës dhe Evropës, me fokus të veçantë në shtetet që nuk e kanë njohur Kosovën. Tema e Konferencës është ‘Fuqizimi i Ballkanit’, dhe arsyeja pse e kemi zgjedhur këtë temë është sepse mendojmë që momentalisht Ballkani si rajon, ka një momentum të ri, ka zhvillime pozitive”, ka thënë Arjeta Emra, drejtoreshë e Këshillit Britanik në Kosovë, Këshill ky që bashkorganizon konferencën me Ministrinë e Jashtme.

Në interesimin e gazetarëve për efektin e pritshëm të kësaj konference, zëvendësministri i jashtëm Petrit Selimi, tha se në strategjinë e vitit të kaluar janë identifikuar disa arsye se përse Kosova nuk ka komunikim më të thellë me shtetet që nuk na kanë njohur, përfshirë edhe pesë shtetet e BE-së.

“Si pjesë e këtij revidimi strategjik ne kemi propozuar disa hapa në etablimin dhe thellimin e komunikimit. Ky është njëri prej hapave, që ne tash gjatë krejt viti do të mundohemi në mënyrë të pandalshme që me Athinën, Nikozinë, Bukureshti, Bratislavën dhe Madridin të kemi kontakte shumë më të shpeshta, me krejt spektrin e shoqërisë së këtyre vendeve, pra jo vetëm në aspektin diplomatik”, tha Selimi.

Lexo më shumë

Xhaferi: Ma shtrembëruan deklaratën

Pas informacionit të publikuar në media se zëvendëskryeministri i Maqedonisë, Musa Xhaferi, ka akuzuar klasën politike të Kosovës për situatën politike në Maqedoni ka reaguar kabineti i kryeministri Xhaferi, përmes një komunikate, duke thënë se deklarata e tij është nxjerr nga konteksti dhe se ai në asnjë moment nuk ka “akuzuar klasën politike të atjeshme për nxitje të shqiptarëve në Maqedoni”.

“Por, për hir të së vërtetës dhe informimit objektiv të opinionit kabineti i zv/kryeministrit Xhaferi jep deklaratën origjinale nga biseda dhënë në KTV. Xhaferi është shprehur se, ka mundësi të vijnë edhe deklarata radikale lidhur me situatën në Maqedoni nga ndonjë subjekt në Kosovë: ‘ faktikisht nëse ndonjë deklaratë do të ishte pak ma radikale rreth ngjarjeve këtu dhe mund të vijë si pasojë edhe e frustrimeve të brendshme atje”, citohet të ketë thënë Xhaferi“.

“Madje lidhur me sugjerimin e Xhaferi për klasën politike në Kosovë të merret me veriun, realiteti është se zv/kryeministri konfirmon qëndrimin se zgjidhja e çështjes së veriut të Kosovës është vetëm në favor të stabilitetit të rajonit dhe se mbyllja e kësaj çështje do t’i jepte mundësi edhe më të mëdha Prishtinës zyrtare të interesohet për situatën në Maqedoni, gjë, e cila është shumë legjitime. Për arsye se do të ishte fatmirësi po që se Kosova do të stabilizonte veriun, do të integronte, dhe pastaj do të kishte mundësi dhe të drejtë të interesohet për situatën këtu që është shumë legjitime”, thuhet në komunikatën e kabinetit të Xhaferit.

Qëndrimet e nxjerra nga konteksti në raportin e televizionit KTV-së, sipas komunikatës, madje janë absurde duke marrë parasysh se janë në kundërshtim edhe me marrëdhëniet e shkëlqyera ndërshtetërore dhe ndërqeveritare të Kosovës dhe të Maqedonisë, e sidomos me angazhimin permanent të subjektit politik, të cilin Xhaferi përfaqëson në Qeverinë e Maqedonisë, BDI, subjekt i cili gjithmonë është angazhuar jo vetëm për avancimin e marrëdhënieve mes dy vendeve, por edhe për njohjen dhe zhvillimin sa më të shpejtë të Republikës së Kosovës.

Lexo më shumë

Aliu braktis mbledhjen, akuzon Thaçin e Faithin

Shqyrtimi i Projektligjit për Qendrën Historike të Prizrenit, ka sjellë sërish në mbledhjen e Komisionit për Bujqësi, Pylltari dhe Mjedis e Planifikim Hapësinor, kryeministrin Hashim Thaçi dhe shefin e ICO-së, Pieter Faith, për të kaluar ky projektligj, që është pjesë e pakos së presidentit Ahtisari.

Por, deputeti i Lëvizjes Vetëvendosje, Liburn Aliu, në mënyrë demonstrative ka lëshuar mbledhjen e komisionit, pasi që ka vlerësuar se ky ligj është i ndikuar politikisht dhe bën instrumentalizimin e trashëgimisë në bazë nacionaliste, kurse shefi i ICO, Faith ka mohuar të ketë bërë presion me prezencën e tij në komision.

Sipas tij, komisioni ka gjetur tre ekspertë ndërkombëtarë për trashëgimi kulturore, por nuk është pranuar që të ballafaqohen ata me ekspertët e ICO-së, raporton Kosovapress.

Aliu ka thënë se Ligji për Prizrenin është i ndikuar politikisht dhe një ligj, i cili trashëgiminë kulturore e instrumentalizon në baza nacionaliste.

Ndërkohë i pyetur rreth presionit të kryeministrit Thaçi në mbledhje të komisionit, Aliu ka thënë se kryeministri shpesh ka ndërhyrë, duke ia ndërprerë fjalën.

Shefi i ICO-së, Pieter Faith ka mohuar të ketë bërë presion që të kalojë ky projektligj.

Për kryetarin e Kuvendit, Jakup Krasniqi, prania e Kryeministrit Hashim Thaçi dhe shefit të ICO-së, Piter Feith, në mbledhjen e komisionit ku po diskutohej rreth Ligjit për Qendrën Historike të Prizrenit, nuk paraqet ndonjë problem. "Është e drejtë e tyre për t`i sqaruar çështjet e ndryshme me deputetët", ka thënë kryeparlamentari.

Komisioni do të mblidhet sërish për të votuar amendamentet e këtij projektligji.

Lexo më shumë

PDSH: Deklaratë skandaloze e Xhaferit

Pas akuzave që zëvendëskryeministri i Maqedonisë, Musa Xhaferi, ia bëri klasës politike në Kosovë se gjoja po përzihen në punët e brendshme të Maqedonisë, ka reaguar PDSH-ja, duke e cilësuar deklaratën e Xhaferit skandaloze

“Është deklaratë skandaloze e një shpirti të shitur që përfaqëson një subjekt të shitur. Kjo deklaratë në fakt tregon gjendjen e mjerueshme në të cilën gjendet BDI-ja si dhe për gjendjen e mjerueshme në të cilën ky subjekt politik i ka sjellë shqiptarët e Maqedonisë”, tha Imer Aliu- nënkryetari i PDSH-së dhe Koordinatori i grupit parlamentar.

Dule folur në një konferëncë shtypi Aliu ka thënë se Xhaferit nuk i pengon shtypja, diskriminimi, rrahja e vrasja e shqiptarëve nga ana e Qeverisë, në të cilën për fat të keq ai i përfaqëson shqiptarët, “por zotëriut i penguaka reagimi i shqiptarëve ndaj vrasjeve dhe rrahjeve të përditshme”.

“PDSH prej momentin kur filluan incidentet ndaj shqiptarëve kërkoi intervenimin e qeverisë së Shqipërisë dhe Kosovës. Bashkëpunimi dhe përkujdesja ndërmjet veti e shqiptarëve historikisht e ka ndihmuar mbijetesën e tyre”, ka thënë Aliu. 

Lexo më shumë

Kosova përkujton masakrat, Qeveria negocion me Serbinë

Aleanca për Ardhmërinë e Kosovës ka deklaruar të hënën se derisa Kosova përkujton masakrat serbe, Qeveria negocion pajtim me Serbinë. Për më tepër, sipas AAK-së, Qeveria e Kosovës, në dy mandatet e saj nuk ka mbledhë fakte dhe as që ka iniciuar aktakuza ndaj kriminelëve, në mënyrë që viktimat dhe familjet e tyre ta kenë më të lehtë jetën, duke pyetur kështu ministrin e Drejtësisë, se çfarë bën instituti, i cili është themeluar me qëllim të arritjes së rezultateve dhe të drejtësisë për viktimat në Kosovë.

Donika Kadaj-Bujupi në një konferencë për gazetarë theksoi se ata që mbijetuan, sot jetojnë të gjymtuar, me kujtimet e tmerrshme të thikave e dhunës. E, mbi të gjitha jetojnë me padrejtësinë që vazhdon nga mungesa e ndjekjes dhe dënimit të kriminelëve.

“Sot e kujtojmë Krushën, Fortesën, Celinën, Suharekën, Izbicën, Belegun, Lybeniqin, Mejen e dhjetra masakra të tjera, në të cilat makineria policore-ushtarake serbe vrau mijëra gra, fëmijë e pleq... Kjo situatë e rëndë po e dëmton jo vetëm të kaluarën, por edhe të sotmen dhe të ardhmen e këtij vendi. Ndër të tjera e dëmton edhe rrugën tonë drejt zhvillimit dhe idesë së bashkëjetesës, për faktin se aty ku s’ka drejtësi për viktimat, nuk mund të pritet gatishmëri për falje. Në Kosovë, statistikat flasin për mbi 15 mijë të vrarë, rreth 20 mijë gra të dhunuara dhe shumë e shumë të tjerë të gjymtuar”, u shpreh Bujupi.

Pavarësisht kësaj, sipas saj, Serbia, po vazhdon me politika armiqësore ndaj Kosovës, po futë në lista të fabrikuara qytetarë të Kosovës, të cilëve po iu pamundësohet edhe liria e lëvizjes.

“Dy rastet e fundit të persekutimeve dhe pamjet e ish-zëdhënësit të regjimit kriminal milosheviqian, kanë bërë që qytetarët e Kosovës, ish-ushtarët e UÇK-së dhe familjarët e tyre të ndjehen në panik. Këto persekutime janë politike dhe i dëmtojnë të arriturat e deritanishme, në të ashtuquajturat negociata për fqinjësinë e mirë, që nisën teknikisht dhe po ‘përkthehen’ politikisht”, shprehet ajo.

Sipas saj, kur flasin për marrëdhëniet Kosovë-Serbi, dialogu, i maskuar si teknik, i cili në fund u vërtetua dhe u pranua edhe nga ndërmjetësuesi Cooper si politik, është papjekuri e radhës e Qeverise Thaçi, ku mungoi dialogu për zgjidhjen e problemeve të qytetarëve të Kosovës, nuk u ngrit kurrë tema e dënimit të dhunuesve dhe vrasësve të njerëzve tanë.

Me këtë rast, AAK kërkoi nga Qeveria e Kosovës që urgjentisht ta adresojë problemin e aktakuzave të falsifikuara nga ana e Serbisë, përmes të cilave po persekutohen edhe më tutje qytetarët e Republikës së Kosovës dhe po iu pamundësohet lëvizja e liri.

“...Së dyti e pyesim publikisht ministrin e Drejtësisë: Çfarë bën instituti, i cili është themeluar me qëllim të arritjes së rezultateve dhe të drejtësisë për viktimat në Kosovë, përderisa në shënim të përvjetorëve, përveç dhimbjes dhe traumave vazhdojmë të bartim barrën e rëndë të ankthit për mosdhënien e dënimit për të gjithë ata kriminelë serbë që masakruan popullin tonë?”, tha Kadaj-Bujupi.

Lexo më shumë

Ligji i Prokurimit Publik pamundëson transparencën

Lëvizja FOL ka publikuar sot “Analizën për Ndryshimet në Ligjin e Prokurimit Publik - në kontekst të Parimit të Transparencës”, e cila ka për qëllim të vërejë se deri në ç’masë ka arritur Ligji për Prokurimin Publik në Republikën e Kosovës të parashohë zbatimin e parimit të transparencës në procedurat e prokurimit publik.

Versioni i ri i ligjit, i aprovuar në gusht të vitit 2011, përsërit shumicën e të metave të ligjit të mëhershëm”, tha koordinatori i projektit, Armend Pajaziti.

Ai ka thënë se ligji është ende larg standardeve të BE-së në fushën e prokurimit publik, gjë që e konfirmon edhe Raporti i Progresit i Komisionit Evropian për vitin 2011”.

Lëvizja FOL thotë se ky ligj nuk përmbush nevojat e kërkuara për procedura transparente, madje disa procedura të reja prokurimi janë rregulluar në atë mënyrë që edhe përjashtojnë mundësinë e informimit të publikut dhe lënë mundësi për përjashtimin nga konkurrenca të Operatorëve Ekonomikë.

FOL ka vënë në pah edhe paqartësitë e shumta që e karakterizojnë fushëveprimin e institucioneve kryesore të prokurimit, KRPP-së dhe OSHP-së.

Sipas lëvizjes, duhet të rishikohen kompetencat e institucioneve të prokurimit publik, duke qenë se ekziston një konfuzion i madh në mesin e KRPP-së dhe OSHP-së, se cili është interpretuesi përfundimtar.

Lexo më shumë

Të premten aktgjykimi në rastin “Kleçka”

Avokatët e të akuzuarve në rastin “Kleçka” do t’i dorëzojnë sot dhe nesër mbrojtjet e tyre me shkrim për klientët e tyre, të cilët të mërkurën e kaluar u liruan nga trupi gjykues në përbërjen e dy gjykatësve ndërkombëtarë dhe një vendor.

Avokati i deputetit Fatmir Limaj, Tahir Rrecaj i ka thënë Radio Kosovës se e ka në plan që trupit gjykues t’i dorëzojë sonte, ose më së largu nesër, mbrojtjen për klientin e tij.

Ai tha është i sigurt se gjykata do ta lirojë Limajn dhe të tjerët, pasi trupi gjykues ka hedhur poshtë të gjitha argumente e prokurorisë, duke i cilësuar ato si të pa baza.

Rrecaj ka thënë se seanca për shpalljen e aktgjykimit përfundimtar do të mbahet të premten.

Lexo më shumë

Fushatë e brendshme

Partia Demokratike dhe Lidhja Demokratike kanë nisur qysh tash garën zgjedhore. Hashim Thaçi po krijon “qeveri në hije” në qytetet ku nuk arriti t’i marrë në vitin 2009, e Isa Mustafa po shpërndan libreza partiake. Këto zhvillime, më shumë sesa garë e rivalëve të moçëm, duket të jetë betejë e brendshme e dy liderëve kryesorë në vend.

Këto zhvillime ndodhin në kohën kur zgjedhjet lokale, sikurse edhe ato të përgjithshme, as që janë në agjendë. Versioni më optimist është se kosovarët do t’iu drejtohen kutive të votimit në vjeshtën e vitit të ardhshëm.

Në këtë kontekst, nxitimi i dy liderëve kryesorë në vend duket absurd.

Publicisti Baton Haxhiu e sheh këtë si fushatë e brendshme e PDK-së dhe e LDK-së.

Kjo nuk mohohet edhe nga udhëheqësit e grupeve parlamentare të dy partive, Adem Grabovcit të PDK-së dhe Ismet Beqirit të LDK-së. Megjithëkëtë, të dy lënë të kuptohet se, meqenëse vendi do t’i ketë dy apo tri palë zgjedhje vitin e ardhshëm, atëherë është normale që beteja për vota të nisë qysh tash.

“Aktivitete të tilla kemi pasur në vazhdimësi. Ne e kemi strukturën e organizuar të partisë dhe ajo është funksionale. Pra, në mënyrë obligative ne kontaktojmë elektoratin që të marrim mendimet dhe shqetësimet e tyre dhe nëpërmes tyre, t’i bartim ato në strukturat e nivelit qendror”, ka thënë Grabovci i PDK-së.

Duke komentuar takimet që po i zhvillojnë nëpër degët e LDK-sw, Ismet Beqiri, tha se gjithçka po bëhet në kuadër të programit reformues të Kryetarit Isa Mustafa.

“Sigurisht që gjithë këto punë që po bëhen në terren janë edhe parapërgatitje për zgjedhjet, si ato lokale, si ato të tjerat që na presin. Ne do të përgatitemi dhe do të jemi të gatshëm, LDK’ja ka kandidatë, ka emra, ka potenciale si për zgjedhjet parlamentare, ashtu edhe për ato presidenciale”, ka thënë Beqiri. 

Lexo më shumë

S’i komenton deklaratat e Thaçit

Kryeparlamentari Jakup Krasniqi nuk dashur t’i komentojë deklaratat e kryeministrit Thaçi, rreth mundësisë së lëvizjes së kufijve dhe për atë që kryeministri ende nuk e ka takuar deputetin e PDK-së, Fatmir Limaj, pas lirimit nga arrestit shtëpiak, duke thënë se për këtë duhet të pyetet vet kryeministri.

Pas mbledhjes së Kryesisë së Kuvendi, sot, i pyetur rreth deklaratave të kryeministrit, Hashim Thaçi, që kufiri i Mollës së Kuqe dihet ku është, por për këtë duhet të marr vendim Kuvendi i Kosovës, Krasniqi, pa dashur ta komentojë, ka thënë shkurt: “Pyeteni kryeministrin! Jo nuk kam koment”.

Ndërkohë me lirimin e deputetit, Fatmir Limaj nga arresti shtëpiak, menjëherë është zhvilluar një takim mes tij dhe kryekuvendarit Krasniqi. Por, kabineti i kryeministrit ka sqaruar se nuk ka zhvilluar ende një takim kryeministri Thaçi me deputetin Limaj, pasi siç kanë thënë ata është shkelje e procedurave, ngase ende nuk është vendimi përfundimtar i gjykatës. Krasniqi nuk dëshiroi të komentojë rreth mungesës së takimit të këtyre dy zyrtarëve të lartë të partisë së tij, por ka thënë se gjykata ka liruar nga arresti shtëpiak dhe nuk ka asgjë të parregullt, raporton Kosovapress.

Shpallja datës së zgjedhjeve presidenciale është në dorën e kryetarit të Kuvendit dhe kur është pyetur se a do të shpall zgjedhjet këtë vit, Krasniqi është zotuar se do të respektojë Kushtetutën e vendit.

Ndryshe në mbledhjen e kryesisë të mbajtur sot është vendosur që seanca të mbahet më 29 mars, ku në rend të ditës do të jenë shqyrtimi i disa projektligjeve. 

Lexo më shumë

Mohojnë ndërhyrjet e politikës në hetime

Prokurorët e shtetit të Kosovës dhe Shqipërisë, Ismet Kabashi dhe Ina Rama, hodhën poshtë sot mundësinë e ndërhyrjes së politikës në punën e prokurorisë. Gjatë një takimi që patën në Prishtinë, kryeprokurori Kabashi tha se nuk ka pasur rast të ndërhyrjes së njerëzve të politikës në procese të caktuara.

Edhe prokurorja e përgjithshme e Shqipërisë Ina Rama mohoi të ketë ndërhyrje të politikës në punën e prokurorisë, megjithatë nuk përjashton problemet dhe tensionet që shkaktohen herë pas here.

Gjatë takimit të sotëm Kabashi e Rama kanë diskutuar edhe rreth zbatimit të marrëveshjes midis dy prokurorive lidhur me bashkëpunimin e ndërsjellë për luftën kundër krimit të organizuar dhe shpëlarjes së parave.

Ina Rama premtoi se Shqipëria do të ndihmojë integrimin e Prokurorisë së Kosovës në organizatën ndërkombëtare të prokurorëve, me qëllim të shtimit të efikasitetit dhe bashkëpunimit të prokurorëve në nivel ndërkombëtar.

Prokurorja e përgjithshme e Shqipërisë Ina Rama do të qëndrojë dy ditë në Kosovë. Ajo është takuar sot edhe me presidenten Atifetet Jahjaga dhe me zëvendëskryeministrin dhe ministër i drejtësisë Hajredin Kuçi.

Kuçi me këtë rast e ka njoftuar me punën që po bënë Qeveria, respektivisht Ministria e Drejtësisë, në reformimin e sistemit të drejtësisë në Kosovës.

Ministri i Drejtësisë ka kërkuar nga kryeprokurorja Rama ndihmë në ato fusha ku Republika e Shqipërisë me suksese e ka kaluar reformimin në sistemin e drejtësisë, si dhe në krijimin e Akademisë së Drejtësisë në Kosovës.

Ndërsa, kryeprokurorja Rama ka ofruar mbështetjen e Prokurorisë shqiptare për projektet e Ministrisë së Drejtësisë, në reformimin e sistemit të drejtësisë dhe në krijimin e Akademisë së Drejtësisë.

Lexo më shumë

Kosova lufton me drogat

Vetëm në tre muajt e parë të këtij viti, organet e rendit në Kosovë kanë goditur dymbëdhjetë grupe kriminale që në lokacione të ndryshme në Kosovë janë marrë me shitje, blerje, posedim e shpërndarje të substancave narkotike. Nga dhjetëra aksione të ndara, kryeprokurori i Prokurorisë Publike të Qarkut në Prishtinë, Aleksandër Lumezi, konfirmon se janë vënë prapa grilave gjithsej 65 persona.

Tërë këto aksione, që janë zhvilluar në bashkëpunim mes policisë dhe prokurorisë, të cilat Lumezi i vlerëson si sukses, sipas tij, janë arritur falë punës së prokurorëve, të cilët, duke e zbatuar Kodin e Procedurës Penale, kanë arritur që mes tyre dhe avokatëve të të dyshuarve të bëjnë marrëveshje për pranimin e fajësisë, shkruan “Zëri”.

Marrëveshja për pranimin e fajësisë, e cila ka nisur të zbatohet në Kosovë pas disa trajnimeve që kanë mbajtur prokurorët e Kosovës në Karolinën e Veriut të Shteteve e Bashkuara të Amerikës, sipas Lumezit, ndihmon në zbardhjen më të lehtë të rasteve. Personi që bashkëpunon me drejtësinë, sipas tij, edhe nëse është i implikuar në rast por që tregon për veprimtarinë e grupit kriminal, mund të marrë dënimin më të lehtë të lejueshëm për veprën e caktuar penale.

Duke e zbatuar këtë marrëveshje, Lumezi konfirmon se janë bërë edhe dhjetëra arrestime dhe janë konfiskuar dhjetëra kilogramë substanca narkotike.

“Kemi një rast ku pos të arrestuarve janë konfiskuar edhe 50 kilogramë marihuanë, rasti tjetër me 11, një tjetër me 4, por kemi edhe dy raste të ndara kur në njërin janë kapur 17 kilogramë e në tjetrin 5 kilogramë drogë të llojit heroinë”, thotë Lumezi.
Nga dymbëdhjetë rastet me më shumë se 2 kilogramë substanca narkotike, Lumezi konfirmon se dy nga to kanë kaluar në kompetencë të Prokurorisë Speciale të Republikës së Kosovës, por mohon se mbrapa këtyre rasteve që cilësohen si krim i organizuar, qëndron ndonjë person i njohur në skenën e Kosovës.

“Në bazë të informacioneve, nuk kemi ardhur në përfundim që qëndrojnë emra të përveçëm të pushtetarëve”, thotë ai, duke konfirmuar ekzistimin e hetimeve edhe për raste të tjera të dyshimit për posedim të substancave narkotike.

FBI në Kosovë

Për arrestimet që janë bërë që nga fillimi i këtij viti, kryeprokurori Lumezi një pjesë të meritës ua dedikon edhe dy prokurorëve amerikanë dhe një hetuesi nga Karolina e Veriut të cilët për një javë të qëndrimit të tyre kanë rekomanduar hetuesit dhe prokurorët vendorë se si bëhen marrëveshjet për pranimin e fajësisë të cilat janë mënyrë më e lehtë për zbardhjen e krimeve.

“Kontribut të madh në zbulimin e kryesve të këtyre veprave penale kanë dhënë edhe SHBA-të, sidomos prokurorët e Karolinës Veriore, të cilët kanë qenë fizikisht këtu në Prokurorinë e Qarkut dhe kemi pasur me ta një bashkëpunim të ngushtë së bashku me policinë. Ardhja e tyre në Kosovë ka rezultuar pas një vizite që ne kishim atje ku jemi njoftuar me punën dhe teknikën e policisë dhe prokurorisë në rastet që kanë të bëjnë me trafikimin me substanca narkotike”, thotë Lumezi.

Prokurorët amerikanë, sipas tij, nuk kanë qenë të inkuadruar direkt në raste por kanë sugjeruar se si të veprohet në rastet konkrete.

Lexo më shumë

Dialogu me Prishtinën "kusht për anëtarësimin e Serbisë"

Shefi i Delegacionit të Bashkimit Evropian në Serbi, Vensan Dezer ka thënë se tashmë janë të njohura kushtet për fillimin e negociatave për anëtarësim të Serbisë në BE dhe këto kanë të bëjnë me vazhdimin e dialogut me Prishtinën dhe procesin e reformave në vend.

Ai në një konferencë për media ka thënë se është e nevojshme që të respektohen marrëveshjet e arritura deri më tash mes Prishtinës dhe Beogradit.

“Me kandidaturën kemi bërë një hap të madh, ndërsa hapi i ardhshëm është fillimi i negociatave për anëtarësim, dhe sa i përket kësaj e dimë që nevojitet vazhdimi dialogut me Prishtinën për temat si energjetika dhe telekomunikacioni”, ka thënë Dezer. 

Lexo më shumë

Fule viziton të martën Kosovën

Komisioneri i Bashkimit Evropian për Zgjerim, Stefan Fule do të vijë të martën në Kosovë, ka bërë të ditur Zyra e BE-së .

Fule vjen kësaj radhe për të njoftuar fillimin procesit të hartimit të Studimit të Fizibilitetit, rezultatet pozitive të së cilit i prijnë Marrëveshjes për Stabilizim Asociim.

Stefan Fule e konsideron veten si një mik që kësaj here nuk vjen duarthatë në Kosovë. Ai vjen në emër të Komisionit Evropian për të lansuar studimin e fizibilitetit, duke u kërkuar autoriteteve kosovare që t’i përmbushin detyrimet me rezultate konkrete.

Në një editorial që ka publikuar në një të përditshme kosovare, Fule u ka dërguar paraprakisht mesazhin tij autoriteteve vendore se studimi i fizibilitet do të jenë një pasqyrë për Kosovën.

Kjo pasqyrë sipas tij do të ekzaminojë nëse të gjitha kriteret për Marrëveshjen për Stabilizim –Asocim janë përmbushur dhe nëse të gjithë do të jenë të kënaqur me imazhin që do të shfaqet.

Duke e konsideruar veten dhe Komisionin Evropian si partner që shoqërojnë Kosovën në rrugën evropiane që kanë zgjedhur kosovarët, Fule ka thënë se nuk do që të kthehet pa garanci të plota për përpjekje serioze për reforma.

Komisioneri për Zgjerim i BE-së garancitë për përmbushjen e detyrimeve të procesit para stabilizim asocimit, do t’ia kërkojë të martën presidentes dhe kryeministrit të vendit si dhe segmenteve tjera të kyçura në procesin e integrimit.

Lexo më shumë

Përkushtimi amerikan për Kosovën dhe Shqipërinë

Zgjedhjet e Serbisë në Kosovë nuk duhet të mbahen, pasi vetëm Kosova është ajo që duhet të organizojë zgjedhje brenda territorit të saj, tha kongresisti Gary Peters, i cili është edhe anëtar i komitetit për çështjen shqiptarëve në Kongresin e SHBA-ve. Ai përkujtoi se "Shqipëria dhe Kosova nuk kanë miq më të mirë se Shtetet e Bashkuara".

"Kosova është shtet i pavarur, i mbron kufijtë e saj. Zgjedhjet duhet të organizohen nga institucionet e Kosovës dhe për njerëzit e Kosovës", ka thënë për RTV21 kongresisti amerikan.

Ndërkaq, duke komentuar marrëveshjet e Kosovës dhe Serbisë, Peters tha të ketë biseduar me sekretaren amerikane të Shtetit Hillary Clinton.

"Dua të theksoj se ajo (Hillary Clinton) është e përkushtuar që Kosova të jetë një shtet ku sundon ligji dhe një shtet që ecën drejt integrimit për në Bashkimin Evropian. Për të, kjo është edhe një çështje personale nisur nga kontributi dhe afërsia që ka pasur me shqiptarët bashkëshorti i saj, Bill Clinton. Pra përveç politikës për ta është edhe personale zhvillimi i Kosovës dhe ky është mesazhi që unë mund të jap edhe nga ana e popullit amerikan se SHBA të do të vazhdojnë të jenë të përkushtuara në Ballkan dhe sidomos në Kosovë e Shqipëri. Jemi shumë të interesuar të shohim këtë pjesë tek zhvillohet dhe ecë përpara”, tha kongresisti Peters. 

Lexo më shumë

Jugovic: Serbia nuk mund të mbajë zgjedhje në Kosovë

Lëvizja e Ripërtëritjes Serbe (SPO) e Vuk Draskovicit, vlerëson se, sipas Rezolutës 1244, Serbia nuk ka të drejtë të organizojë zgjedhje në Kosovë.

Nëse do të kishim pranuar pjesën jo statusore të planit të Ahtisaarit, siç kërkonte SPO, tani do të kishim zgjedhje për Kuvendin e Serbisë në Kosovë, sepse sipas atij plani serbët nga Kosova janë shtetas serbë. Nuk e bëmë këtë dhe nuk kemi asnjë të drejtë, sipas Rezolutës 1244, për të organizuar zgjedhje në Kosovë", tha nënkryetari i SPO-së, Aleksandar Jugovic, transmeton Beta.

Jugovic ka thënë se pikëpamjet mbi Kosovën dhe BE-në i kanë përafruar SPO-në dhe Partinë Liberal Demokratike, të cilët në zgjedhjet e ardhshme do të garojnë bashkarisht në koalicionin Ndryshimi.

"Sikur të dëgjoheshin këshillat tona lidhur me barrikadat, qysh më 9 dhjetor ne dot merrnim statusin e kandidatit dhe datën për negociata me BE-në", tha Jugovic. 

Lexo më shumë

Tregtia zëvendëson prodhimtarinë

Kosova, e cila për vite të tëra është kritikuar nga mekanizmat ndërkombëtarë për ambient të pafavorshëm biznesor, sipas ekspertëve të çështjeve ekonomike, edhe tani nuk ka arritur të përmirësojë klimën afariste. Ajo që e bën këtë klimë biznesore të pafavorshme, sipas ekspertëve të ekonomisë, është burokracia, procedurat e tepërta për fillimin e një biznesi, si dhe sundimi i ligjit.

Për këto pengesa ata kritikojnë institucionet, si në nivel qendror, po ashtu edhe në atë lokal. Eksperti i çështjeve ekonomike, Naim Gashi, thotë se aktualisht institucionet e Kosovës duhet të kenë fokus kryesor krijimin e ambientit për inkurajimin e investimeve të huaja dhe përmirësimin e klimës së biznesit. “Në Kosovë nuk është një klimë e favorshme e biznesit, për arsye se tregon edhe fakti se nuk kemi një komunitet të biznesit të zhvilluar. Ajo çfarë kemi aktualisht është një biznes që bazohet në tregti dhe pjesërisht në shërbime, dhe shumë pak është i orientuar në prodhimtari”, thotë Gashi.

Për ambient të pafavorshëm biznesor, Kosova vazhdimisht është kritikuar edhe në raportet e Bankës Botërore. Në njërin nga raportet e fundit të këtij institucioni financiar ndërkombëtar, Kosova kritikohet për procedurat e tepërta për fillimin e një biznesi.

Ndërkohë, përfaqësues të bizneseve në Kosovë thonë se ambienti i pafavorshëm afarist po krijon pengesa të mëdha për zhvillimin e bizneseve. Moskrijimi i një klime të përshtatshme biznesore, sipas kryetari të Aleancës Kosovare të Biznesit, Agim Shahini, po dërgon një mesazh të keq tek investitorët e huaj. “Në këtë proces duhet të bëjmë më shumë për të krijuar një klimë më të mirë për bizneset, për të treguar partneritet më të mirë dhe të gjithë së bashku të promovojmë Kosovën si një vend me potenciale konkurruese për ekonominë regjionale dhe globale”, thekson Shahini.

Përmirësimi i klimës së biznesit në Kosovë është element esencial për inkurajimin edhe të investimeve të jashtme. Ndërkaq, sektori privat, që konsiderohet si fusha kryesore për zhvillimin ekonomik në vend, duhet të ndihmohet, vlerëson eksperti i ekonomisë Naim Gashi. “Aktualisht, ekziston një tendencë e përmirësimit, por bizneset në Kosovë nuk po mund të gjejnë hapësirën që e meritojnë”, vlerëson Gashi.

Ndryshe, investimet e huaja në Kosovë nga viti në vit kanë shënuar rënie. Sipas raportit të fundit të publikuar nga Banka Qendrore të Kosovës deri në shtator 2011, shuma e përgjithshme e investimeve të huaja direkte në Kosovë arriti në 292.7 milionë euro.

Në këtë kontekst, thuhet në raportin e BQK-së, duhet bërë përpjekje për të siguruar një ambient sa më të favorshëm afarist, duke shfrytëzuar përparësitë që vijnë nga pozita e favorshme gjeografike, pasuritë e mëdha natyrore, struktura e re e popullsisë, e deri te politikat e favorshme fiskale dhe stabiliteti i përgjithshëm makroekonomik.

Sidoqoftë, ekspertët e ekonomisë konsiderojnë se niveli aktual i investimeve të huaja vlerësohet të jetë i pamjaftueshëm karshi mundësive të mëdha që ofron ekonomia e Kosovës.

Lexo më shumë

Mbi 16 mijë euro për zhvillimin e blegtorisë në Mitrovicë

Drejtoria e Bujqësisë dhe Zhvillimit Rural në Mitrovicë ka përfituar një donacion prej 16 210 euro nga Asociacioni për Paqe në Kosovë (AFPK) që mbështetet nga Komuna e Goricias së Italisë. Ky donacion do të shfrytëzohet për të mbështetur kryesisht zhvillimin e blegtorisë në Komunën e Mitrovicës.

Drejtori i kësaj drejtorie, Bislim Imeri, tha se ky donacion vjen pas një bashkëpunimi të gjatë me autoritetet e rajonit të Goricias. Sa i përket donacionit, ai sqaroi se një shumë prej 8000 eurosh do të ndahet për qumështoren “Aldi” në Mitrovicë, 2600 euro për laboratorin e Fakultetit të Gjeoshkencave dhe Teknologjisë si dhe 5 610 euro do të ndahen në formë të subvencioneve për blegtorët që të pajisen me makina mjelëse. “Është një donacion që sado pak do të ndihmoj në përmirësimin e kushteve në fushën e blegtorisë”, theksoi Imeri.

Për të biseduar për detajet e këtyre projekteve të hënën ka qëndruar në Mitrovicë, Federico Portelli, drejtor i Bujqësisë në rajonin e Goricias dhe Davide Berutti, koordinator i projekteve, të cilët janë takuar me kryetarin e komunës, Avni Kastrati. Ata folën për rëndësinë e zhvillimit të blegtorisë dhe u zotuan për vazhdimin e mbështetjes në këtë fushë.

Ndërsa kryetari Kastrati, ka falënderuar zyrtarët e Goricias dhe ata të AFPK-së për ndihmën që po ofrojnë për blegtorët e rajonit të Mitrovicës. “Ne vlerësojmë shumë mbështetjen tuaj meqë blegtorët tanë kanë nevojë për ndihmë, por edhe për trajnime sa i përket ngritjes së cilësisë së prodhimeve”.

Me rendësi të veçantë mbështetjen për laboratorin e Fakultetit të Gjeoshkencave dhe Teknologjisë, e ka vlerësuar edhe prodekani i këtij fakulteti, Alush Musaj. Tha se me këto mjete do të sigurohen pajisje të nevojshme për laboratorin, me çka do të avancohet puna që bëhet aty.

Lexo më shumë

Treshja në Athinë, për prerjen e 11.5 miliardë euro shpenzime

Specifikimi i paketës së masave prej 11.5 miliardë euro është qëllimi i vizitës së sotme të ekipit të Treshes në Athinë. Kjo paketë masash i përket dy vjeçarit 2013-2014, me objektiv reduktimin e deficitit dhe krijimin e tepricave primare.

Shkurtimet do të vijnë kryesisht nga shpenzimet publike dhe jo nga imponimi i taksave të reja. Fushat në të cilat do të ri-kërkohen paratë, janë programet sociale dhe administrata publike, me përgatitjen e raporteve të veçanta nga ministritë përkatëse që tashmë kanë filluar.

Theksi do të vihet në luftën kundër evazionit fiskal dhe Trojka ka përcaktuar në Memorandum se pret deri në vitin 2014 mbi 3.5 miliardë euro, një objektiv që nëse nuk do të arrihet, do të impononte marrjen e masave shtesë.

Sot rifillon debati për projektligjin e ri tatimor, tashmë pa pjesëmarrjen e partisë Demokracia e Re. Në tryezën e diskutimit gjendet heqja e plotë e mostatimit, krijimi i shkallës së re të taksave me 4 nivele, tatimi i pavarur me 20 për qind në të ardhurat nga qiratë dhe në përqindjet e interesit për depozitat, unifikimi i tatimit mbi pronën, heqja e shumë lirimeve tatimore dhe formësimi i vendosjes së një koeficienti të Taksës mbi Vlerën e Shtuar (TVSH) me eliminimin e njëkohshëm të tatimit të favorshëm për ishujt. 

Lexo më shumë

Mitrovica behet me treg të automjeteve

Nga e marta edhe Mitrovica do të ketë Tregun e automjeteve, i cili do të jetë me standarde të larta dhe do të ofrojë kushte të mira.

Koordinatori i Tregut, Nexhat Dedia, tha se tregu është i pajisur me infrastrukturë të nevojshme dhe do t’i plotësoj kërkesat e qytetarëve të Mitrovicës dhe më gjerë për një veprimtari të tillë.

Dedia po ashtu ka treguar se tregu është i shtruar në kubëza, dhe është i pajisur me të gjithë infrastrukturën e nevojshme dhe ka siguri të përhershme.

Tregu do të punoj në lokacionin e Tregut të bagëtive në fshatin Frashër çdo të martë. Dita e parë e tregut sipas udhëheqësve të tij, do të jetë pa pagesë. 

Lexo më shumë

Ndërkombëtarët transferuan 77 milionë euro nga Kosova

Ndërkombëtaret që punojnë në Kosovë edhe më tej vazhdojnë të marrin paga shumë atraktive. Paga këto shumëfish më të larta se të stafit vendor.

Sipas të dhënave të bankës Qendrore te Kosovës (BQK) gjatë vitit që lamë pas ndërkombëtaret që punojnë në Kosovë, dërguan nëpër vendet e tyre 77.4 milionë euro, apo nëntë milionë euro më shumë se në vitin 2010, derisa qindra mijëra emigrantë kosovarë që punojnë nëpër shtete të ndryshme të botës dërguan në Kosovë rreth 400 milionë euro.

Sipas të dhënave të Bankës Qendrore, pjesa më e madhe e dërgesave të emigrantëve të pranuara në Kosovë vijnë nga vendet anëtare të BE-së, si Gjermania me 34 për qind, Zvicra me 23 për qind, Austria e Italia me nga 2 për qind secila, dhe në një përqindje më të vogël nga Shtetet e Bashkuara të Amerikës dhe Kanadaja me nga 2 për qind. 

Lexo më shumë

Chiellini: Del Piero ishte dallimi

Mbrojtësi i Juventusit, Giorgio Chiellini, ka gjetur kohë të lavdërojë bashkëlotjarin e tij Alessandro Del Piero pas fitores 2-0 ndaj Interit.

Sulmuesi veteran shënoi golin dytë të skuadrës së tij dhe Chiellini mendon se ishte Del Piero ai që bëri dallimin kur u inkuadrua në lojë nga minuta e 53-të.

“Ai meriton lëvdatat, së bashku me bashkëlotjarët tjerë të cilët nuk luajnë në çdo ndeshje”.

“Kurdo që ata kyçen nga karrigia, ata arrijnë ta bëjnë diferencën për ne. Këta lojtarë na japin diçka të veçantë që mund të na ndihmojë neve të kemi një sezon të suksesshëm”, ka thënë Chiellini. 

Lexo më shumë

Conte: Titulli është në duart e Milanit

Trajneri i Juventusit, Antonio Conte, është i kënaqur që ata vazhdojnë ta ndjekin Milanin në garën për titull, por thotë se Rossonerët janë favoritë.

Bianconerët fituan 2-0 ndaj Interit në derbin e mbrëmshëm në Juventus Stadium dhe vazhdojnë të mbeten katër pikë prapa Milanit në tabelën e Serie A.

“Sa besojmë në titull? Është në duart e Milanit. Nuk dua ta zemëroj askënd, por jam objektiv. Rossonerët po dëshmojnë se kanë fuqinë dhe thellësinë për të vazhduar t’ia dalin mirë edhe kur kanë lëndime”.

“Sa i takon Milanit të sotëm, ai është ekipi më i fuqishëm në Itali dhe shpresoj ata t’ia dalin mirë kundër Barcelonës në çerekfinale të Ligës së Kampionëve”, ka thënë Conte.

Lexo më shumë

Ibra: Barca nuk është vetëm Messi

Sulmuesi i Milanit, Zlatan Ibrahimovic, thotë se Rossonerët nuk duhet të fokusohen vetëm në Lionel Messin në ndeshjen e Ligës së Kampionëve kundër Barcelonës.

Milani të mërkurën në San Siro do ta presë kampionin në fuqi të Evropës në kuadër të çerekfinales së kësaj gare, dhe suedezi ka paralajmëruar skuadrën e tij të mos shikojnë vetëm kah sulmuesi argjentinas.

“Unë po kaloj një sezon të përkryer dhe jam i vendosur të vazhdoj. E di se do të jetë një ndeshje e vështirë kundër Barcelonës”.

“Ka më shumë se sa vetëm Messi në lojën e tyre, ngjashëm si edhe Milani që nuk është krejtësisht Ibrahimovic. Ata janë skuadra më e mirë në botë. Ne nuk kemi çfarë të humbasim dhe presioni është në Barcelonën”, ka thënë Ibra për Corriere dello Sport.

Lexo më shumë

Totti: Luajta me dhimbje kundër Milanit

Sulmuesi i Romës, Francesco Totti, ka zbuluar se problemet në kofshë e kishin penguar atë të tregojë formën e tij më të mirë në disfatën 2-1 të Giallorossëve ndaj Milanit gjatë të shtunës.

35-vjeçari pati shansin për të dyfishuar avantazhin e skuadrës së tij menjëherë pas pauzës, por dështoi të mposhtë Christian Abbiatin në tentimin e tij.

“Problemi është shumë i thjeshtë për t’u shpjeguar. Ndjeva dhimbje në kofshë dhe thjesht nuk munda të godas fuqishëm. Kjo është arsyeja se pse zgjodha një mënyrë më të thjeshtë”.

“Kisha frikë se do ta zgjatja muskulin ose diçka dhe të përballem me ndonjë periudhë më të gjatë jashtë fushe”, ka thënë Totti

Lexo më shumë

Del Piero ende nuk ka vendosur për të ardhmen

Kapiteni i Juventusit, Alessandro del Piero, thotë se për të ardhmen e tij do të mendojë më vonë, pasi tash dëshiron ta përfundojë me sukses sezonin.

Del Piero shënoi gol në fitoren 2-0 ndaj Interit në derbin e mbrëmshëm italian, por interesimi i gazetarëve ishte më shumë te e ardhmja e tij.

“E ardhmja ime? Nuk dua ta humbas asnjë moment të kësaj aventure, ne po bëjmë gjithçka për të qëndruar afër Milanit. Do të ketë kohë për të menduar për të ardhmen time, më vonë”.

“Një marrëveshje lamtumire me presidentin Andre Agnelli? Nuk është fjala e duhur, është dashur ta bëj këtë vitin e kaluar dhe e kam bërë. Tash vetëm dua ta shijoj këtë mbrëmje”, ka thënë Del Piero.

Lexo më shumë

Ferguson lavdëron Ferdinandin

Menaxheri i Manchester United, Sir Alex Ferguson, thotë se Rio Ferdinand, është bërë një prej liderëve të skuadrës së tij.

“Vazhdoj të mendoj se kam nënshkruar me Rion para tre ose katër vitesh. Harroj se ai ka qenë këtu për 10 vjet. Ai e ka marrë rolin e një personi me influencë në dhomën e veshjeve”.

“Ai është i shkëlqyeshëm me lojtarët tjerë, ai është thjesht brilant”, ka thënë Ferguson për mbrojtësin anglez.

Lexo më shumë

Buffon i ngazëllyer me fitoren ndaj Interit

Portieri i Juventusit, Gigi Buffon, është i ngazëllyer me fitoren e mbrëmshme në derbin ndaj Interit.

Bianconerët kishin nevojë për fitore për ta ruajtur diferencën prej katër pikësh ndaj liderit të tabelës, Milanit, që fitoi 2-1 në derbin tjetër të vikendit, ndaj Romës.

“Më pëlqen kur luajmë më vonë, veçanërisht kur skuadrat tjera kanë fituar, pasi kjo na jep një shkëndijë ankthi, e cila më kënaq”.

“Historikisht, Derbi Italian është një ndeshje e veçantë, por ne po ashtu kërkonim të fitonim për të mbajtur gjallë shpresat për të turbulluar skuadrën para nesh (Milanin)”.

“Nëse ne kishim dështuar të fitojmë, këto shpresat do të ishin fikur. Në këtë mënyrë ne ende mund të bëjmë presion deri në fund të sezonit”, ka thënë Buffon.

Lexo më shumë

NBA: Katër vazhdime për Hawks dhe Jazz

Janë dashur katër lojëra shtesë që Atlanta Hawks të shënojë fitore 139-133 ndaj Utah Jazz në ndeshjen më të gjatë të NBA-së në 15 vitet e fundit të zhvilluar mbrëmë në Philips Arena.

Në një betejë të jashtëzakonshme në mes të dy skuadrave të ekuilibruara, Hawks dhe Jazz bënë ndeshjen e parë me katër vazhdime që nga nëntori i vitit 1997 kur Phoenix dhe Portland bënë të njëjtën gjë.

Ndeshja më e gjatë në histori të NBA-së ishte gjashtë vazhdime dhe u zhvillua në vitin 1951 në mes të Indianapolis Olympians dhe Rochester Royals.

Në ndeshjen e të dielës mbrëma, që zgjati 68 minuta lojë, Joe Johnson shënoi 37 pikë dhe një tropikësh në sekondat e fundit të vazhdimit të dytë, për të çuar në një vazhdim tjetër. Josh Smith shënoi 22 pikë dhe 10 kërcime për Atalantan, që shënoi fitoren e 30-të (20 disfata).

Te Jazz (26 fitore dhe 23 disfata) më të mirët ishin Al Jefferson dhe Paul Millsap që së bashku shënuan 53 pikë dhe 30 kërcime. 

Lexo më shumë

Ranieri i zhgënjyer me disfatën

Trajneri i Interit, Claudio Ranieri, është i zhgënjyer nga disfata e mbrëmshme 2-0 ndaj Juventusit.

Nerazzurrët kishin një mori shansesh të mira në pjesën e parë, por u ndaluan nga disa mbrojtje heroike të Gianluigi Buffon, dhe më pas pranuan dy gola, një nga Martin Caceres dhe një tjetër nga Alessandro Del Piero.

“Ka pendime për këtë ndeshje, pasi për një orë ne ia dolëm shumë mirë, por goli ishte pasojë e edhe një hamendje. Kishte vetëm katër goditje në kornizën tonë, por ne u mposhtëm nga Mirko Vucinic”.

“Andrea Poli duhej ta mbulonte Vucinic, por Maicon humbi Caceres pasi ai duhej ta mbulonte malaziasin. Nga këtu ndeshja mbaroi për ne, pasi ne humbëm sa i takon intensitetit dhe vendosmërisë në çdo top”.

“Jam i zhgënjyer me rezultatin, pasi ne u mbajtëm shumë mirë ndaj Juventusit që meriton të jetë atje lart. Ne e kishim studiuar këtë ndeshje dhe e interpretuam shumë mirë, por vetëm deri te goli i Caceres. Pas kësaj, Juve e legjitimoi rezultatin me së paku tre mundësi shënimi”, ka thënë Ranieri. 

Lexo më shumë

Reali në garë për Islan

Real Madridi raportohet se ka ngjallur interesim për mbrojtësin e krahut të Udineses, Mauricio Isla.

Kiliani ka joshur interesimin e klubeve më të mëdha evropiane dhe pronari i Udineses, Giampaolo Pozzo, tashmë ka konfirmuar interesimin nga Liverpool dhe Arsenal.

Megjithatë, së fundi raportohet se edhe Reali është vënë në kërkim të mbrojtësit, i cili mund të luajë edhe si mesfushor, para afatit kalimtar veror.

Madrilenët e shohin Islan si alternativë nëse ata dështojnë të transferojnë Mario Fernandes nga Gremio.

Lexo më shumë

Fenerbahce 8 milionë për Diarra

Fenerbahce ka shprehur interesim për mesfushorin e Real Madridit, Lassana Diarra.

E ardhmja e Diarra me Real Madridin ishte vënë në dyshim që vitin e kaluar, edhe pse ai ka thënë se prioritet i tij është qëndrimi në Bernabeu.

Burime nga Turqia thonë se Feneri dëshiron të ofrojë 8 milionë funte për ish-mesfushorin e Arsenalit dhe Chelseat, për ta sjellë atë në radhët e veta në fund të sezonit.

Lexo më shumë

Rozana Radi pjesë e një filmi anglez

Këngëtarja Rozana Radi prej pak ditësh gjendet në Londër dhe qëndrimi i saj në kryeqytetin britanik do të jetë i gjatë.

Këtë herë Rozana nuk ka vajtur vetëm si e ftuar për të kënduar, por krahas kësaj edhe për të realizuar audicionin për një film, i cili është një produksion shqiptar, por me kast aktorësh anglez.

Vetë Rozana është shprehur shumë entuziaste në lidhje me këtë projekt të ri dhe shpreson shumë që audicioni të shkoje mirë dhe ajo ta fitojë këtë rol, transmeton Paloma. 

Lexo më shumë

Blerina Kllokoqi së shpejti me koleksionin “Gogh”

Kreatorja Blerina Kllokoqi Rugova më 4 prill do të sjell koleksionin e saj më të ri, si pjesë e Javës Kosovare të Modës.

Tashmë e gjitha është gati për të përcjellë koleksionin më të ri të veshjeve të saj, me “Sheshin 21” dhe “Geciani Grup” që do të jenë nikoqirët e mbrëmjes.

Si mysafire speciale në “Kosova Fashion Week “, përmes linjës së saj “Haute couture”, Blerina do të prezantojë 30 krijime të reja, ku dominon glamuri dhe eleganca. Inspirimi i dizejnatores janë lulet, simbol i ringjalljes së natyrës dhe forcës ndërlidhëse mesë diellit dhe tokës. 

Koleksioni, i cili titullohet “Gogh”, është shprehja më origjinale e ndërlidhjes së këtij koleksioni me konceptin e inspirimit, një dedikim në motiv dhe stil.

Nga dymbëdhjetë lule dielli mund t’i gjeni në secilin nga fustanet e prezantuara dhe më tepër së kaq, materialet e përdorura janë tantelat, rruazat dhe thurjet. Ngjyrat dominuese, janë tonet intensive dhe ngjyrat neutrale.

“Qëllimi im kryesor ishte realizimi i një sfondi në veshje, për të përfituar, imazhin e pastër të punës me vaj në kanavacë”, ka thënë dizejnatorja Blerina.

Lexo më shumë

Eva Longoria me shou televiziv

Aktorja e vetmuar, Eva Longoria, raportohet se është duke zhvilluar një shou televiziv për takime dashurie.

Ylli i serisë “Desperate Housewives” së fundi u nda nga i dashuri i saj Eduardo Cruz, por ajo do t’i lërë mënjanë problemet e saj të dashurisë për t’u fokusuar në serinë e ardhshme të romancave.

Sipas shtojcës Page Six të New York Post, Longoria është e angazhuar në një shou-emision të televizionit NBC që do të quhet “All About Love”, në të cilin drejtuesit e spektaklit do t’i lidhin së bashku personat e vetmuar.

Kompania produktive e aktores do të fillojë të punojë në këtë projekt të ri në muajin e ardhshëm. 

Lexo më shumë

Rihanna e ka “seriozisht” me Ashton Kutcher

Rihanna raportohet se dëshiron që Ashton Kutcher ka kalojë verën me të në Angli, për të treguar seriozitetin e lidhjes së tyre.

Këngëtarja, e cila besohet se po shijon një romancë me Ashton për tashmë tetë javë, raportohet se i ka kërkuar atij t’i bashkohet asaj në paraqitjet që do t’i bëjë në festivalin Wireless në Hyde Park dhe në Hackney në qershor dhe korrik.

Njëzetekatërvjeçarja thuhet se është serioze në lidhjen e saj me 34-vjeçarin, i cili u nda nga gruaja Demi Moore në nëntorin e kaluar, dhe e ka marrë në një takim edhe vëllain e saj Rorrey në New York.

“Rihanna dhe Rorrey, i cili lëshon muzikë nën emrin GQ, janë të afërt, andaj takimi i tij me të është një gjë e madhe. Rihanna mendon se gjërat në mes tyre janë serioze”, ka thënë burimi për të përditshmen britanike The Sun.

Lexo më shumë

Vesa e çmendur pas shpejtësisë

Vesa Luma ka pohuar se i pëlqen shumë aventurat. Por njëra i është bërë shprehi shumë e keqe, e ajo është ngasja e veturës me shpejtësi të lartë.

E këtë ves të keq këngëtarja kosovare e ka arsyetuar duke thënë se dëshiron të jetë e përpiktë dhe e saktë në kohë.

“Një gjë të keqe që kam është se i jap makinës me shumë shpejtësi dhe kam filluar ta kuptojë se duhet ta ul shpejtësinë. I jap shpejt makinës, sepse gjithmonë kam dëshirë të jem e përpiktë dhe e saktë në kohë”, ka pohuar Vesa për mediat shqiptare. 

Lexo më shumë

Tuna: Këtë verë do të dashurohem

Altuna Sejdiu i ka vënë vetës një qëllim për këtë verë. Tuna ka pohuar se momentalisht nuk është e dashuruar, por planifikon të dashurohet gjatë ditëve të nxehta të verës.

“Do të tingëllonte qesharake, por këtë verë planifikoj të dashurohem. Ky është plani, madje edhe zëdhënësi im mendon se kjo duhet të planifikohet. Në planin e dashurisë stagnoj për momentin, por ndoshta ai është afër meje dhe unë nuk e shoh”, ka thënë Tuna për Yll Press.

Përveç kësaj Tuna ka treguar edhe mashkullin të cilin ajo do ta pëlqente ta kishte afër vetës.

“Dua mashkull mbi të gjitha, jo femra. Autoritativ, të duket bukur, të ketë shpirt sportiv, i freskët dhe stabil që të balancojë disponimin tim, tipik për gaforret”, ka shtuar Tuna.

Lexo më shumë

Dredhëzat, kundër trashjes

Hulumtimet kanë treguar që dredhëzat janë aleate në luftën kundër kilogramëve të tepërt, sepse për shkak të disa përbërësve ushqyes shpejtojnë metabolizmin, reduktojnë apetitin dhe ndihmojnë për të kontrolluar nivelin e sheqerit në gjak.

Shkencëtarët në SHBA, Suedi dhe vendet tjera hulumtojnë efektet çudibërëse të dredhëzave dhe zbulojnë dëshmitë e reja për efektin e tyre të dobishëm në shëndet. Një nga karakteristikat pozitive të dredhëzave janë ato që mund të jenë aleate në luftën kundër kilogramëve të tepërt.

Një filxhan me dredhëza ka vetëm 49 kalori, ndërsa në luftën kundër trashjes ndihmojnë, sepse rrisin prodhimin e hormonit adiponektin, i cili shpejton metabolizmin dhe redukton apetitin, ndërsa antocianinet dhe acidi elagjik ndihmojnë në kontrollimin e nivelit të sheqerit në gjak.

Dredhëzat sot numërohen ndër frutat më të popullarizuara në botë. Me shijen e tyre tërheqëse dhe dobitë e shumëfishta kënaqen banorët e të gjitha kontinenteve. Besoni apo jo, sot kultivohen rreth 600 lloje të ndryshme.

Lexo më shumë

Mishi i pulës ka më së shumti lloje të E. Coli

Bakteri Escherichia Coli, i cili shkakton rreth 70 për qind të infeksioneve urinare vjen nga mishi i pulës, tregon studimi i Qendrës amerikane për kontroll dhe parandalim të sëmundjeve CDC.

Për shkak të numrit të madh të antibiotikëve me të cilat trajtohen pulat, në to zhvillohet një lloj rezistent i bakterit E. Coli, i cili në organizëm hyn me ngrënien e mishit dhe shkakton infeksione të dhimbshme.

Shkencëtarët për një kohë të gjatë kanë besuar që infeksionet e dhimbshme urinare të cilat çdo ditë prekin miliona femra në botë vijnë nga vetë zorrët e njerëzve, por analiza e mostrave të mishit në treg ka treguar të kundërtën, bën të ditur FoxNews.

Shkencëtarët kanë analizuar disa lloje të ndryshme të mishit, nga ai i pulës, derrit dhe lopës dhe kanë vërtetuar që në mishin e pulës ka më së shumti lloje të E. Colit rezistent në antibiotikë, ndërsa ato baktere nuk hyjnë në organizimin njerëzor gjatë përgatitjes së ushqimit, por vetëm me ngrënien e mishit i cili përmban baktere.

Supozohet që pula ka më së shumti E.Coli për shkak të sasisë së madhe të antibiotikëve me të cilat ushqehen zogjtë e pulës, që të rritet prodhimtaria dhe rendimenti i tyre. 

Lexo më shumë

Microsoft bllokon The Pirate Bay

Të gjithë përdoruesit e IM shërbimit Messenger të Microsoftit, në veçanti ata të cilët pëlqejnë të komunikojnë lidhjet në faqet e torentave, mbeten të habitur kur morën vesh se aplikacioni bllokon lidhjet që qojnë në The Pirate Bay.

Gjatë dërgimit të mesazhit i cili përmban faqen e përmendur, sistemi kthen përgjigje se mesazhi është bllokuar për shkak se përmbajtja e tij është e pasigurt. E njëjta gjë ndodh edhe gjatë përdorimit të aplikacionit “origjinal” klient, si dhe atyre të pavarur siç është për shembull Pidgin. Lidhjet drejt faqeve tjera për marrjen e përmbajtjeve (kryesisht) pirate punojnë, që do të thotë se kjo nuk është pjesë e ndonjë lufte me të gjerë kundër piraterisë.

Siç mund të supozohet, shfrytëzuesit e sistemit të Microsoftit nuk janë të kënaqur për shkak të kufizimeve të bisedave të tyre private, lirisë së shprehjes dhe të gjitha që vijnë me radhë ... 

Lexo më shumë

Nuk shkon askund pa kafe...

Shoferi belg i kamionit, Isaac Fremont, është siguruar që të mos ketë probleme me gjumin gjatë vozitjes – duke i montuar dy aparate kafeje në pultin e kabinës së automjetit të tij.

Mirëpo, plani i tij për të pasur gjithmonë kafen e dëshiruar dështoi kur u ndal në Schaffhausen të Zvicrës për një kontroll rutine, me ç’rast zyrtarët policorë i deklaruan dy aparatet e kafes si të paligjshëm.

“Dy aparatet e kafes dhe të gjitha gjërat që i kishte vendosur në xhamin e përparmë, e bënin thuajse të pamundshme për të pasur një shikim të duhur gjatë vozitjes. Ishte një pengesë serioze në fushën e tij të pamjes”, ka thënë një zyrtar policor.

Shoferi është detyruar që të çmontonte aparatet e kafes dhe të largonte të gjitha gjësendet tjera që i kishte përpara vetes, dhe pastaj është lejuar që ta vazhdonte vozitjen.

Po ashtu, ai është urdhëruar që të depozitonte një shumë parash, në rast se gjykata do të vendoste për dënim për shkak të thyerjes së rregullave të vozitjes nëpër rrugët zvicerane. 

Lexo më shumë

Vajza kukull (Video)

Venus Palermo e njohur me emrin Venus Angelic është bërë sensacioni i ri në YouTube falë xhirimeve ku u tregon vajzave se si të bëjnë makijazh për t’u dukur si kukull.

15-vjeçarja me një ten të zbehtë dhe sy të mëdhenj duket sikur të jetë një kukull nga porcelani.

Tinejxherja nga Londra u ka treguar moshatareve të saj anekënd botës se me pak makijazh mund të shndërrohen në një “kukull që ec”, ndërsa çuditërisht shumë femrave u ka pëlqyer kjo ide. 

Lexo më shumë

Fustani më i gjatë nusëror (Video)

Një shtëpi rumune e modës ka vendosur rekord të ri të Guinnessit për fustanin më të gjatë nusëror në histori.

Janë nevojitur 100 ditë për të krijuar fustanin me pjesë të pasme të gjatë rreth tre kilometra (2.977 metra), i cili është valëvitur mbi Bukuresht.

Kreacionin e ka veshur modelja 17-vjeçare, Ema Dumitrescu, për të promovuar panairin e sivjetmë martesor në kryeqytetin rumun, ndërkaq janë shpenzuar rreth 5.400 euro për krijimin e tij.

Rekordin e mëparshëm e mbanin holandezët, ndërsa pjesa e pasme e fustanit të tyre nusëror ishte 2.488 metra.

Lexo më shumë

‘Njeriu shpend’ ishte mashtrim!

Holandezi, i cili postoi një video në internet ku shihej duke fluturuar si një shpend me krahë, ka pranuar se e gjitha ishte një mashtrim.

Njeriu me emrin ‘Jarno Smeets’, i cili ishte paraqitur si inxhinier dhe hulumtues, ditë më parë deklaroi se duke shfrytëzuar kontrolluesit për videolojëra, një telefon android dhe krahët që i ka ndërtuar vetë, kishte arritur që të fluturojë sikur shpend në një park në Hagë.

Mirëpo, dyshimet ishin ngjallur kur në qarqet e inxhinierisë dhe ato shkencore askush nuk kishte dëgjuar për ndonjë ‘Jarno Smeets’.

Tani ai ka pranuar se është një regjisor dhe animator dhe se emri i tij është Floris Kaayk, ndërsa videon e rrejshme që ka arritur gjashtë milionë shikime në YouTube, e ka quajtur si “një tregim në internet”.

“Unë quhem Floris Kaayk. Në fakt, unë jam një regjisor dhe një animator. Tash e tetë muaj jam duke punuar një eksperiment rreth medieve online”, ka thënë ai. 

Lexo më shumë