Era i ka shkaktuar dhjetëra prishje KEK-ut

Korporata Energjetike e Kosovës (KEK), ka njoftuar se era e fortë ka shkaktuar dhjetëra prishje në Rrjetin e Shpërndarjes anekënd vendit. Prishjet më të mëdha janë shkaktuar në Distriktin e Pejës. “Ekipet e KEK-ut kanë qenë gjatë gjithë ditës në terren dhe në pjesën e parë të ditës kanë arritur t'i evitojnë mbi 30 prishje por pasdite kanë filluar sërish erërat duke shkaktuar prishje të tjera, të cilat kanë bërë që numri të arrijë në 42 prishje deri në ora 15:00”. Ekipet vazhdojnë të jenë në terren dhe janë të përkushtuar t'i evitojnë të gjitha këto prishje të shkaktuar nga faktorët natyror. Ndryshe, KEK njofton se nuk ka reduktime, por të gjitha ndalesat e energjisë elektrike janë të shkaktuara nga prishjet lokale.

Lexo më shumë

Zvicra, vendi më i mirë për të jetuar

Zvicra është vendi në botë më i mirë për të lindur në vitin 2013-të. Një kërkim i ri tregon se të lindësh në Zvicër priresh të jesh më i lumtur dhe të kesh një jetë sa më cilësore. Australia bashkë me vendet skandinave Norvegjinë, Suedi dhe Danimarkë përbëjnë pesë vendet e para. Vlerësimi është bërë nga “The Economist Intelligence (EIU), motër e kompanisë “The Economist” që është përpjekur të rendisë vendet ku mund të jetohet më mirë në vitet e ardhshme, transmeton ‘Shekulli’ shkrimin. Renditja është bërë mbi rezultatet subjektive se sa të kënaqur janë njerëzit dhe përcaktuesit objektivë të kualiteti të jetesës. Ajo që bie në sy është se dominojnë vendet me ekonomi të vogël. Në 10 vendet e parë gjysma janë vende Evropa por vetëm njëra është pjesë e eurozonës. Vendet e prekura nga kriza, si Greqia, Portugalia dhe Spanja mbeten shumë po
shtë edhe pse janë të favorizuara për shkak të klimës, transmeton Koha. Tre vendet më të fuqishme të BE-së, Gjermania, Franca dhe Britania mbeten shumë pas pasi Gjermania është e 16-të, Franca e 26-ta dhe Britania e 27-ta. Nigeria është vlerësuar si vendi më i keq për vitin 2013-të. Ndërsa Brazili, Rusia, India dhe Kina pavarësisht dinamizmit të ekonomisë së tyre nuk shqyhen për cilësi të jetesës. Kurse SHBA-të, të cilat në vitin 1988 renditeshin në krye fare, këtë vit pozicionohen në vendin e 16-të. Sa i takon vendeve të Ballkanit më mirë pozicionet Sllovenia e cila gjendet në vendin e 32-të.

Lexo më shumë

Dy fitues ndajnë xhekpotin prej 580 milionë dollarë

Dy tiketa të shitura në Arizonë dhe Misuri kanë fituar njërin nga xhekoptet më të mëdha të lotarisë në Shtetet e Bashkuara. Xhekpoti për lotarinë “Powerboll” ka qenë rreth 580 milionë dollarë. Gjashtëmbëdhjetë tërheqjet e para nuk kanë arritur të prodhojnë asnjë fitues. Megjithatë, xhekpoti më i madh i lotarisë në historinë e Shteteve të Bashkuara mbetet Mega Millions, në vlerë prej 656 milionë dollarësh, i cili në muajin mars u është ndarë tre fituesve.

Lexo më shumë

Vegjetarianët më të mirë në seks

Hulumtimi më i ri ka treguar se njerëzit që konsumojnë ushqime me prejardhje bimore më shumë kënaqen në seks, në krahasim me mishngrënësit. Mund të jenë më pak muskulozë, më të dobët apo më të zbehtë se të tjerët. Por ama të jeni të sigurt, se ata bëjnë më mirë dashuri se të tjerët. Mendohet se disa nga substancat bimore mund të ndikojnë në sasinë e hormoneve në organizëm dhe të forcojnë aktivitetin seksual. Hulumtimi i botuar në revistën “Honnones and Behavior” ka vërejtur lidhjen midis hormonit seksual ‘phytoestrogen’ në bimë dhe sjelljes gjatë seksit. Ai është në fakt i pari që shqyrton lidhjen midis hormoneve seksuale që janë gjetur tek bimët dhe sjellja seksuale e atyre që i hanë më shpesh ato. Janë bërë shumë hulumtime dhe përfundimi del se vegjetarianët dhe mënyra e tyre e ushqimit ndikon që ata të jenë më aktivë dhe më të fortë gjatë seksit.

Lexo më shumë

Këshilla për ndarje pa dhembje

Sado që të jeni të fortë, ndarja nuk është e lehtë, por nuk është gjithashtu lehtë të jesh në rolin e atij që i jep fund lidhjes. Nuk keni nevojë të bëni diçka drastike për t'i dhënë fund një lidhjeje që nuk funksionon. Ja disa këshilla për ndarje, pa shkaktim të lëkundjeve të mëdha. Nuk është një situatë e lehtë, por nuk duhet që të jetë edhe fundi i botës. 1. Para se ta bëni bisedën me partnerin tuaj, përpiquni që të përgatisni përgjigjet në pyetjet të cilat do të ju shtrohen sipas të gjitha gjasave. 2. Hyni në situatë me kokë të qetë. Mos u ndani nga partneri me bërtitje, sharje dhe me gjeste të ndryshme. 3. Mos u bëni qyqarë me rastin e ndarjes! Assesi mos lejoni që atë që është obligim vetëm i juaji të kryhet nga ndonjë mik i cili ish të dashurit tuaj të ardhshëm ia bën me dije lajmin e keq, derisa ju fshiheni në tualetin e ndonjë kafeneje. 4. Në fakt, më së miri do të ishte që të mos i jepni fund lidhjes në vend publik. Nuk është e ndershme dhe tregon mungesë të respe
ktit ndaj partnerit dhe ndaj lidhjes suaj. 5. Përpiquni që maksimalisht të shprehni respekt ndaj partnerit dhe kohës që keni kaluar së bashku. Nuk do të ishte mirë që ta lini tërësisht të hidhëruar, mjafton që më nuk dëshironi të jeni me të. 6. Nëse në mendjen tuaj tashmë i keni dhënë fund lidhjes me partnerin dhe mendoni se nuk ka shanse që të vazhdoni, mos i ofroni shpresë të rreme. Nëse ka marrë fund, atëherë le të jetë me të vërtetë fund. 7. Shmangni deklarimet akuzuese të llojit "Unë jam gjithmonë" ose "Ti nuk je kurrë" me rastin e ndarjes. Deklarimet e tilla në fakt janë një lloj sulmi dhe nuk do të ndihmojnë në situatën në fjalë edhe nëse ju ndoshta nuk keni argumente të tjera . 8. Lëreni mundësinë e miqësisë. Nuk ka nevojë që të bëni premtime. Të jesh mik me ish-partnerin është një sfidë e madhe dhe nuk është një vendim i cili duhet të merret menjëherë. 9. Jini shumë të qartë në qëndrimet tuaja lidhur me faktin pse nuk funksionon lidhja juaj. Mos lejoni që të tërhiqeni në një bisedë lidhur me faktin se si gjërat mund të ndryshojnë, gjë që nuk do të ju ndihmojë, kur në mendjen tuaj tashmë është pjekur ideja për ndarje. Mos e harxhoni kot kohën tuaj, e as të atij.

Lexo më shumë

Fëmijët janë të “fiksuar” nga gjinjtë e femrave (Foto)

Djemtë nuk e zgjedhin momentin kur do ta vendosin dorën në gjinjtë e nënës apo të femrës që është pranë tij. Sipas ditores britanike “Daily Mail”, shumë djem imitojnë etërit e tyre në një fazë të hershme të jetës. Ndërsa, derisa disa “zgurdullojnë“ sytë tek gjinjtë e femrave, disa nuk hezitojnë t’i prekin, gjë që shkakton të qeshura tek të pranishmit.

Lexo më shumë

Kërkesë e jashtëzakonshme për Nexus 4!

Gjatë ditës së djeshme, Google kishte vendosur modelin e ri të telefonit të saj të mençur Nexus 4 në shitje përmes Play Store, dhe vetëm pas pak kohësh iu desh që të ndryshoj porosinë në këtë faqe, sepse e gjithë sasia e vënë në dispozicion ishte shitur. Tani, kur një blerës potencial klikon mbi butonin “Add to cart” për Nexus 4, poshtë këtij butoni thuhet se dërgimi i porosisë për telefonin, mund të zgjasë nga 8 deri në 9 javë. Kështu, i bie që të gjithë ata që tani porosisin një Nexus 4 të presin deri në fillim të vitit të ardhshëm 2013, për tu pajisur me telefonin e dëshiruar nën markën e Google. Siç edhe pritej, kërkesa e tregut për Nexus 4 ka
qenë tejet e madhe, dhe kryesisht për shkak të çmimit jo shumë të shtrenjtë dhe karakteristikave të avancuara të telefonit Android.

Lexo më shumë

Samsung lanson edhe Galaxy Axiom

Para një muaji, disa foto të modelit të ri të telefonit nga Samsung, përkatësisht modelit Galaxy Axiom kishin rrjedhur në internet, ndërsa tani operatori mobil amerikan US Cellular ka bërë të ditur se është duke e ofruar këtë model për jo më shtrenjtë se 79.99 dollarë, pas një kontrate dy vjeçare me operatorin. Samsung Galaxy Axiom gjithashtu mund të blihet edhe pa kontratë për 399.99 dollarë dhe pajisja vjen me rrjetin 4G LTE, ndërsa posedon specifika të ngjashme sikurse Galaxy S III Mini. Modeli Galaxy Axiom vjen edhe me ekranin e ndjeshëm në prekje me 4 inç në ndërfaqen WVGA.
Procesori i këtij modeli të ri të telefonit nga Samsung është dual core 1.2GHz, bashkë me kamerën e pasme me 5 megapiksel dhe atë frontale me 1.3MP, e cila kryesisht shërben për video-komunikim.

Lexo më shumë

iPhone, top-telefon edhe për biznes!

Sipas një studimi të publikuar nga IDC, iPhone i Apple dhe telefonat tjerë të mençur të cilët bazohen në sistemin operativ Android do të kombinohen për të marrë pjesëmarrje të tregut të bizneseve nga rivali RIM BlackBerry, i cili për vite ka qenë sistemi më i fuqishëm operativ i atij segmenti. Në gjetjet e saj të fundit, IDC parashikon që klientët e biznesit do t’i rrisin shitjet e Android në 87.7 milionë njësi, ndërsa shifra e iPhone’ve të shitur do të jetë e përafërt me 37.1 milionë njësi, raporton Computerworld. "BlackBerry vazhdon të jetë standard i artë për sigurinë," thuhet në raportin e IDC, por duke vënë në dukje se gjithnjë e më shumë ka një interes të reduktuar në platformën e RIM nga konsumatorët dhe zhvilluesit. Dhe kjo, "pengon qëndrueshmërinë e BlackBerry për të ecur përpara." do të bëhet top telefoni i korporatave dhe se i njëjti do të arrijë në 68.9 milionë dërgesa.

Lexo më shumë

Rita ‘ndali’ shiun, këndoi për 100 vjetor

Rita Ora ka shfaqur performancë të jashtëzakonshme para rreth 500 mijë shqiptarëve të pranishëm në sheshin “Nëna Terezë” në Tiranë, përkundër shiut të rrëmbyeshëm që mbretëroi në kryeqytetin shqiptar. Para Ritës performuan emrat më të mëdhenj të muzikës shqiptare, duke nxehur kështu atmosferën, përkundër shiut që nuk u ndal në asnjë moment. Në ora 23:25, Rita arriti në skenë e përcjellur nga kryeministri Sali Berisha, më e bukur se kurrë dhe me një fustan të mrekullueshëm ngjyrë të gjelbërt. Që në fillim, ajo përshëndeti të pranishmit, duke ua uruar 100 vjetorin e pavarësisë, para se të fillonte të performonte këngën “Rock The Life”. Pasi përfundoi këngën e parë në mënyrë maestrale, Rita iu drejtua masës: “Jam shumë e lumtur, urime të gjithëve, hajde të festojna, të gjithë duart lart”. “Hot Right Now” u performmua ‘live’ në skenë ashtu sikurse këngët tjera, të përcjellura nga bendi i superyllit shqiptar. Pasi e performoi dhe ndezi të pranishmit duke qëndruar në shi me këngën “R.I.P”, ajo u kthye në skenë, për t’iu drejtuar përsëri publikut. “Kjo këngë është domethënëse për mua. E kam shkruar vet, kemi pasur nevojë për një drit, videoklipin e kam xhiruar në Prishtinë... Shine Ya Light”, tha Rita e cila e ndezi tej mase shqiptarët e pranishëm. Performanca e këngës dedikuar mëmëdheut ishte vërtet nga një planet tjetër, zëri fantastik i saj nuk u ndal për asnjë moment, përkundër të ftohtit, gjithnjë duke kujtuar se ajo këndoi drejtpërdrejt. Performancën ajo e përfundoi me këngën “Hoë We Do” dhe u largua në skenë duke thënë në gjuhën shqipe “Natën e Mirë, faleminderit shumë”, teksa brohorimat “Rita, Rita” nga publiku nuk kishin të ndalur. Ishte ky koncerti i parë i superyllit shqiptar në ndonjë prej vendeve shqipfolëse, me shpresë se nuk do të jetë dhe perfomimi i saj i fundit për publikun që ka gjakun e saj.

Lexo më shumë

Valdano: Mourinho, mjaft me fjalë!

Ish-drejtori i Real Madridit, Jorge Valdano, ka kritikuar Jose Mourinhon për ankesat e tij vazhdueshme bërë nëpër media për kalendarin, me ç’rast ka thumbuar disa herë rivalen e përbetuar, Barcelonën. 57 vjeçari beson se prestigji i klubit nuk e lejon trajnerin portugez që të protestojë vazhdimisht për incidente të vogla dhe thotë se ‘lotët’ që po derdh Mourinho janë shenja të dobësisë që një klub i madh duhet t’i evitojë për çdo çmim. “Protestat nuk janë në traditën e Realit. Asnjë klub i madh nuk duhet ta bëjë këtë. Unë e kam parë atë gjë te Barcelona në 25 vitete e fundit. Unë e kam ndjenjën se ajo gjë i dobësoi ata dhe prandaj nuk protestojnë më, ndërsa Reali nuk duhet të tregojë shenja dobësie”. “Reali është klubi më i madh i shekullit 20-të. Ju nuk duhet të komentoni shumë mbi rezultatin, pse të mos mbroni korporatën dhe kulturën institucionale të klubit? Unë preferoj idealet e lojtarëve dhe tifozëve nga e kaluara. Ne duhet që të mbrojmë atë prestigj”, është shprehur Valdano.

Lexo më shumë

Kaka shitet për rinovim të Ronaldos?

Real Madridi është duke e shqyrtuar shitjen e superyllit brazilian, Kaka, në mënyrë që të financohet rinovimi i Cristiano Ronaldos. PSG është shfaqur tejet i interesuar për shërbimet e Kakas dhe Florentino Perez është i mendimit që braziliani duhet të shitet në mënyrë të që të kursehen para duke financuar me ato mjete kontratën e re multimilionëshe të Cristiano Ronaldos. Marca shkruan se edhe babai i Kakas është tejet nervoz me trajtimin e djalit të tij te klubi mbretëror spanjoll dhe është shprehur i gatshëm që ta angazhojë të birin te ndonjë klub tjetër evropian.

Lexo më shumë

Barcelona dyshon në Neymarin

Drejtorët e Barcelonës janë duke dyshuar tej mase nëse duhet që ta transferojnë superyllin brazilian, Neymar. Përderisa trajneri i Barcës, Tito Vilanova, mezi pret transferimin e brazilianit, Punto Pelota shkruan se bosët e klubit janë duke hezituar. Besohet se drejtorët e klubit katalanas janë të bindur se Fernando Llorente është opsioni i duhur dhe nuk duhet të befasohemi në rast se sulmuesi spanjoll kalon në Camp Nou gjatë janarit. Neymar besohet se ka një parakontratë për të
kaluar te Barcelona pas Botërorit 2014.

Lexo më shumë

Beckham do të rikthehet në Angli

Mesfushori i LA Galaxy, David Beckham, do të largohet muajin e ardhshëm nga Amerika dhe si duket do t’i shqyrtoj ofertat që i kanë ardhur nga Anglia. “Unë kam shumë fat, në moshën 37 vjeçare, më janë ofruar vërtetë disa oferta ngazëllyese nga Anglia dhe jam duke i shqyrtuar opsionet e mia”. “Unë gjithmonë kam thënë se do ta kem të vështirë për tu kthyer dhe për të luajtur përsëri në Angli sepse unë kam luajtur për ekipin më të madh aty dhe në botë, Manchester Unitedin”. “Kështu që unë nuk mund ta shohë vetën duke luajtur për një ekip tjetër në Ligën Premier përveç Manchester Unitedit, por nuk i dihet kurrë, unë i kam disa mundësi të mira në tavolinë”, është shprehur Beckham.

Lexo më shumë

Marotta: Juventusi dhe Milani kanë raporte të mira

Drejtori gjeneral i Juventusit, Giuseppe Marotta, ka potencuar se nuk ekzistojnë probleme mes Juventusit dhe Milanit, duke i përcjellur vendimet kontroverse të gjyqtarëve që kanë ndodhur në ndeshjet e fundit mes tyre. “Gjithmonë raportet kanë qenë të mira mes Juventusit dhe Milanit”. “Ekziston një garë e madhe që ne e bëjmë në fushë dhe secili dëshiron të fitojë, por ne gjithashtu kemi objektiva strategjike të përbashkëta jashtë fushave”, ka thënë Marotta për Sky TG24.

Lexo më shumë

Guardiola, Mourinho dhe Del Bosque të nominuar për trajnerin më të mirë

Pep Guardiola, Jose Mourinho dhe Vicente Del Bosque janë nominuar si tre emrat kryesorë që kanë gjasa ta fitojnë çmimin e trajnerit më të mirë të vitit nga FIFA. Mourinho ishte fituesi i çmimit inaugural në vitin 2010 pas tripletës historike me Interin, përderisa Guardiola e fitoi këtë çmim vitin e kaluar. Sidoqoftë, këtë vit favorit konsiderohet Vicente Del Bosque, pas triumfit të tij në Euro 2012 me kombëtaren spanjolle. Fituesit e të gjitha çmimeve, duke përshirë dhe Topin e Artë. Do të zbulohen në një gala mbrëmje madhështore që do të mbahet në Pallatin e Kongresve të Zurichut më 7 janar të vitit 2013.

Lexo më shumë

Femrat më të ekspozuara ndaj gripit

Hulumtimi i shkollës së Londrës për higjienë dhe mjekësi tropikale tregon se femrat, janë më të ekspozuara ndaj gripit dhe në 16% të rasteve e pranojnë se janë të sëmura dhe se nuk ndihen mirë. Femrat janë më të ekspozuara dhe më të rrezikuara nga gripi, sepse kalojnë më tepër kohë me fëmijët se sa që kalojnë meshkujt. "Femrat më shpesh sëmuren nëse kanë fëmijët më të vegjël se 18 vjeç", thotë udhëheqësja e studimit dr. Alma Adler. Po ashtu është vërtetuar se prindërit për 14% më shumë preken nga gripi nëse kanë fëmijë në krahasim me njerëzit që nuk kanë fare fëmijë. Hulumtuesit po ashtu janë marrë nëse ekziston gripi mashkullor. Arsyeja është se meshkujt më lehtë e tejkalojnë gripin, duke mos u ankuar shumë e mendohet se edhe simptomat nuk i kanë të ngjashme.

Lexo më shumë

Mishi i peshkut e zvogëlon rrezikun nga astma

Foshnjat të cilat për herë të parë midis muajve të gjashtë dhe vitit të parë të jetës e konsumojnë mishin e peshkut janë më pak të rrezikuara nga zhvillimi i simptomave të astmës. Hulumtimi të cilin e kishte kryer universiteti mjekësor nga Roterdami, ku kishin marrë pjesë më shumë se 7.000 fëmijë, ka formuluar teorinë se konsumimi i hershëm i disa aminoacideve nga peshku mbron nga astma. Brenga rreth disa alergjive eventuale ndaj ushqimit mesdhetar bën që disa prindër dhe disa mjekë ta shtyjnë futjen e peshkut në ushqimin e fëmijëve, por tashmë studimet e kanë vërtetuar se përfshirja e mishit të peshkut në ushqimin e fëmijëve si dhe konsumimi i mishit të peshkut nga ana e nënës gjatë kohës së shtatzënisë zvogëlon rrezikun për t'u prekur nga astma. Ekspertët nga Roterdami kanë vërtetuar se nuk ka rëndësi sasia e peshkut që konsumojnë fëmijët midis moshës gjashtë dhe një vjeçe - mjaftojnë edhe sasi krejt të vogla në mënyrë që të pakësohet rreziku për t'u prekur n
ga astma.

Lexo më shumë

Faqet pink

Kerry Washington mahniti të gjithë me dukjen e saj, e sidomos me mënyrën se si i kishte paraqitur faqet e saja me nuanca pink në të kuqe gjatë spektaklit "American Music Awards" 2012. Për një dukje si kjo, së pari duhet të përkujdeseni që ta hidratoni fytyrën. Përdorni një korrektor të ndritshëm, duke përzier kremrat përreth fytyrës dhe qafës. Nëse keni frikë se po theksoheni shumë me ngjyrën pink në faqe, atëherë përdorni pak pudër të errët për ta zbutur sadopak theksimin.

Lexo më shumë

Papunësia shkakton infarkt të zemrës

Papunësia në vitet e 50-ta dhe në fillim të viteve të 60-ta të moshës së njeriut, ndikon në rritjen e rrezikut nga infarkti i zemrës, aq sa ndikon edhe pirja e duhanit, thonë shkencëtarët amerikanë. Në një studim ku kanë marrë pjesë 13.000 njerëz nga SHBA-ja, është konstatuar se rreziku nga infarkti i zemrës, apo si njihet në popull, pika në zemër, rritej për 27% në vitin e parë pas humbjes së vendit të punës. Përqindja e rrezikut bëhej edhe më e madhe nëse individi kishte humbur punën disa herë, thuhet në revistën shkencore "Archives of Internal Medicine". Ekspertët nga Universiteti "Duke" mendojnë se për këtë fajin e ka stresi, e ata erdhën deri te këto rezultate pasi që kishin përjashtuar faktorët e tjerë, si pirja e duhanit, shtypja e lartë e gjakut dhe diabeti. "Duket se stresi nga humbja e vendit të punës është më i madh sesa stresi në punë", thotë shkencëtarja Linda George.

Lexo më shumë

XIIIK në finale të Global Startup Battle

Ekipi XIIIK i përbërë nga Leart Zogiani dhe Bardh Lohaj ka zënë vendin e dytë në raundin e parë të garës “Global Startup Battle” duke hyrë në raundin final ku janë kualifikuar 15 ekipet me më së shumti vota. XIIIK i ka fituar 4755 vota online përmes votimit në Facebook. “Jashtëzakonisht jam i emocionuar dhe është e vështirë për të besuar se përmes votimeve edhe pse vijmë nga një vend shumë i vogël kemi mbërri vendin e dytë në nivel global”, thotë Leart Zogiani 3D artist pjesëtar i ekipit XIIIK. Ekipi XIIIK është zgjedhur fitues i ediciionit të tretë të Prishtina Startup Weekend të organizuar nga Innovation Centre Kosovo (ICK). XIIIK ka fituar me 3D lojën e tyre të quajtur “Janine”. Suksesi i ekipit nga Kosova Ky sukses sipas Zogianit është më i madh kur dihet se Global Startup Battle është gara më e madhe e ndërmarrësisë në botë. Vendimi final mbi fituesin e Global Startup Battle do të bëhet publik me 29-30 nëntor nga një komision profesional. Vendin e parë në raundin e parë e ka fituar ekipi londinez SmartWard duke mbledhur 5025 vota – vetëm 250 vota më shumë sesa XIIIK ekipi nga Kosova. Secili qytet ku është mbajtur Startup Weekend, përfshirë edhe Prishtinën, në Global Satrup Battle përfaqësohet me fituesin vendor, Në raundin e parë mes vete konkurrojnë ekipet fituese nga 130 vende të botës, derisa në finale garojnë 15 ekipet me më së shumti vota.

Lexo më shumë

"Fantazma në ashensor", një shaka për sulm në zemër (Video)

Emisioni zbavitës brazilian, "Programa Silvio Santos", është i njohur për shumë prapësi, shaka dhe kamera të fshehura. Megjithatë, loja e tyre e fundit është një torturë e vërtetë. E titulluar "Fantazma në ashensor”, mahia fillon pasherr dhe krejt normalisht. Megjithatë, disa çaste pasi njerëzit futen në lift, dritat “çrregullohen” e pastaj edhe ndalen. Kur ato ndizen, aty shfaqet një vajzë që ngjanë me Samaran nga filmi “Unaza”. Ajo në duar mbanë një kukull dhe pastaj fillon të bërtas. Se si reagojnë njerëzit, shikojeni videon.

Lexo më shumë

David Villa arrin shifrën e 300 golave

Sulmuesi i Barcelonës, David Villa, ka thënë se është shumë krenar që ka arritur t’i shënojë 300 gola në karrierën e tij si profesionist dhe se ai do t’i kujtoj gjithmonë disa nga golat e tij. David Villa e arriti kuotën e 301 golave në ndeshjen kundër Alavesit në Copa Del Rey, ku ai shënoi dy gola. “300 golat që i kam shënuar, tani më bëjnë të kuptoj se kam luajtur mirë gjatë këtyre viteve. Më bën të jem krenar që kam shënuar kaq shumë dhe që i kam arritur qëllimet e mia”. “Golat që do t’i kujtoj gjithmonë janë, ai që shënova për Valencian kundër Deportivos nga gjysma e fushës dhe goli me Barcelonën në finalen e Ligës së Kampionëve”, deklaroi Villa për AS. 30 vjeçari ka shënuar 40-të gola për Sportingun, 40-të për Zaragozën, 129 për Valencian, 39 për Barcelonën dhe 53 për Spanjën.

Lexo më shumë

Lucio: Nuk jam i lumtur te Juventusi

Mbrojtësi brazilian, Lucio, është i frustruar me mos aktivizimin e tij te kampioni i Italisë, Juventusi. “Unë nuk jam i lumtur për momentin sepse nuk po luaj shumë në Juventus”. “Një kthim i mundshëm në Bundesliga, është një opsion për mua. Në Gjermani gjithçka është e organizuar shumë mirë. Liga po forcohet dhe atje po luajnë futboll të mirë”. “Wolfsburgu është një ekip me plane të mëdha për të ardhmen. Klubi udhëhiqet shumë mirë. Ata përfundimisht janë një opsion për mua”, është shprehur Lucio për Bild.

Lexo më shumë

Falcao: Duam të jemi mbi Realin

Sulmuesi i Atletico Madridit, Radamel Falcao, ka folur për aspiratat e ekipit të tij për këtë vit dhe dëshirën për ta fituar La Ligan. Deri tani, kolumbiani ka shënuar 14 herë për Atletico Madridin, duke e plasuar kështu ekipin e tij në pozitën e dytë në tabelë, me tre pikë më pak se Barcelona, teksa ka tetë pikë më shumë se rivali i tyre kryesor, Real Madridi. “Të përfundojmë mbi kundërshtarin tonë kryesor Realin, do të ishte diçka shumë e rëndësishme për të gjithë. Fansat tanë do të ishin shumë të kënaqur nëse e arrijmë këtë gjë”. “Sidoqoftë, ne lojtarët nuk e kemi këtë qëllim. Ne dëshirojmë të përfundojmë të parët në La Liga por ne nuk mendojmë për Real Madridin apo ekipet tjera, ne mendojmë vetëm për ndeshjen e ardhshme”, përfundoi Falcao.

Lexo më shumë

Scolari, trajneri i ri i Brazilit

Konfederata e Futbollit të Brazilit ka shpallur zyrtarisht Luiz Felipe Scolarin si trajnerin e ri të përfaqësueses së Brazilit. “Po ndihem i lumtur sikur një fëmijë i vogël tani. Ne e kemi obligim për ta fituar Kupën e Botës. Ne për momentin nuk jemi favoritë, por brenda një viti do të kthehemi në një skuadër fituese”. “Nëse një vend që i ka fituar pesë Kupa të Botës e organizon kampionatin botëror, ju nuk mund të mendoni asgjë tjetër përveç se të shkoni në finale ose në gjysmë-finale”, ka deklaruar Scolari.

Lexo më shumë

Casillas: Suksesi i Realit erdhi nga Mourinho

Portieri i Real Madridit, Iker Casillas, ka gjetur kohë për ta lëvduar trajnerin e tij, Jose Mourinhon, duke thënë se ai ishte më meritori për sukseset e fundit të Realit. “Ne kemi besim të plotë në Mourinhon. Ai erdhi në një ekip që ishte shumë i ri para tre vitesh dhe shumica e sukseseve të fundit të klubit erdhën nga ai”. “Ai ka pasur disa sezone shumë të mira. Të jesh trajneri më i mirë në botë është punë shumë kërkuese dhe ndoshta ky është problemi që ka ai. Kritikat ndaj tij janë të padrejta. Ai është një trajner që na ka dhuruar neve shumë”. “Ai e morri një ekip shumë të ri kundër një ekipi si Barcelona që po fitonte shumicën e titujve dhe ia doli që ta sjellë skuadrën në nivelin e njëjtë. Tani, sa herë kemi një ndeshje kundër tyre, nuk ekziston më një favorit siç ekzistonte më parë vetëm Barcelona”, është shprehur kapiteni.

Lexo më shumë

Moratti: Nuk po i bëjmë presion Sneijderit

Presidenti i Interit, Massimo Moratti, ka thënë se ata nuk po i bëjnë presion mesfushorit Wesley Sneijder për të nënshkruar kontratë të re me klubin. “Sa për shqetësimin e klubit, ne jemi plotësisht të hapur me lojtarin, nuk ekziston asnjë lloj shantazhi”. “Nëse një kontratë është valide, atëherë është valide ta pyesim lojtarin nëse ajo kontratë mund të përmirësohet në një mënyrë. Kjo nuk e ndryshon faktin se ai nuk po luan për arsye futbollistike”.
“Është e qartë se askush nuk dëshiron ta humb një lojtarë me vlerë si Sneijder. Klubi është i qetë, ne nuk e kemi shtyrë atë të vendosë asgjë. Kontrata e tij është valide, askush nuk po i bën presion atij, ai është i lirë të vendosë çfarë të dojë”, deklaroi Presidenti i Nerazzurrëve.

Lexo më shumë