Torres i zhgënjyer nga Chelsea

Sulmuesi i Chelseat, Fernando Torres, nuk është i sigurt rreth të ardhmes së tij në Stamford Bridge.

Spanjolli ka qenë zgjedhja e dytë e Roberto Di Matteos në sukseset e Bluve këtë sezon, pasi që italiani e ka favorizuar Didier Drogban në sulm dhe kjo duket se nuk po i pëlqen ish-sulmuesit të Liverpoolit.

“Kemi folur shumë dhe do të flasim rreth të ardhmes sime, sepse roli që kam pasur këtë sezon nuk është për mua dhe nuk është ai që kam pritur kur erdha këtu. Nuk ndjehem komod”, ka thënë Torres për AS.

Lexo më shumë

Hodgson mirëpret suksesin e Chelseat

Trajneri i Anglisë, Roy Hodgson, ka deklaruar se triumfi i Chelseat në Ligën e Kampionëve është i mirëseardhur për përfaqësuesen që drejton.

Frank Lampard, Gary Cahill dhe Ashley Cole ishin anglezët që luajtën në finale, ndërkohë që John Terry i suspenduar ka dhënë kontributin e tij në ndeshjet e kaluara.

“Është një sukses i madh, jo vetëm për Chelsean, por për gjithë futbollin anglez”.

“Të shpresojmë që lojtarët që luajtën mbrëmjen e kaluar (e shtunë) ta bartin formën e tyre edhe në Evropian, sepse po të luajnë po aq mirë, atëherë kjo do t’u japë shtytje mundësive tona”, ka thënë Hodgson për Sky Sports.

Lexo më shumë

Chelsea t’ia vazhdojë kontratën Drogbas

Kryetari i Chelseat, Bruce Buck, ka bërë të ditur se klubi do të fillojë bisedimet me Didier Drogban për vazhdimin e kontratës.

Sulmuesit nga Bregu i Fildishtë i skadon kontrata në fund të muajit të ardhshëm, mirëpo ai ka qenë njeriu kryesor i triumfit të Bluve në Ligën e Kampionëve, prandaj drejtuesit e klubit dëshirojnë që ta mbajnë në ekip.

“Didier është një lojtar i ndeshjeve të mëdha dhe e tregoi këtë sërish. Ai është një djalë i mirë, një lojtar i shkëlqyer”, ka thënë Buck për The Mail on Sunday, duke shtuar se shefi ekzekutiv i Chelseat, Ron Gourlay, do të bisedojë me agjentin e lojtarit.

“Ne duhet ta bëjmë më të mirë për klubin futbollistik të Chelseat, ndërsa Didier duhet ta bëjë atë që është më e mira për të”, ka shtuar Buck.

Lexo më shumë

Gattuso në planet e Lazios

Lazio planifikon t’i ofrojë mesfushorit në largim të Milanit, Gennaro Gattuso, një ofertë dyvjeçare – shkruan Corrriere dello Sport.

34-vjeçari ka zhvilluar sezonin e tij të fundit me Rossonerët, ndërsa është lidhur me klube të tilla, si Rangers dhe Boca Juniors.

Mirëpo, duket se Lazio është më shumë e interesuar për shërbimet mesfushorit me përvojë, të cilin planifikon ta angazhojë nga sezoni i ardhshëm. 

Lexo më shumë

Boateng: Nuk mund të besoj se humbëm

Jerome Boateng e ka të vështirë të besojë se Bayern Munichu u mposht në finale të Ligës së Kampionëve nga Chelsea.

Edhe pse zhvilluan lojë më të mirë, bavarezët u mposhtën pas ekzekutimit të penaltive në Allianz Arena.

“Të gjithë jemi të zhgënjyer... Çfarë mund të them? Humbën, por ishim skuadra më e mirë”.

“Thjesht, nuk mund ta besoj. Ëndrra u thye brenda sekondash. Ne gjithmonë kishim avantazh”.

“Avanconim 1-0, patëm një penalti dhe udhëhiqnim në ekzekutimin e penaltive. Por kështu është futbolli”, ka thënë Boateng.

Lexo më shumë

Ribery nuk rrezikon Evropianin

Trajneri i Bayern Munichut, Jupp Heynckes, ka njoftuar se pjesëmarrja e Franck Ribery në Kampionatin Evropian nuk është vënë në rrezik pas lëndimit që pësoi në finale të Ligës së Kampionëve.

Francezi pësoi një ndërhyrje nga Didier Drogba në vazhdime dhe u detyrua ta braktisë fushën në Allianz Arena.

“Nuk e dimë natyrën e saktë të lëndimit ende, por nuk mendoj se është serioze”, u ka thënë Heynckes gazetarëve. 

Lexo më shumë

Pozon gjysmë e zhveshur (Foto)

Në internet janë shfaqur fotografitë ‘e nxehta’ të Rihannas, të cilat i ka bërë për revistën Esquire.

Sipas njoftimeve të revistës, këngëtarja ka pozuar për fotografen dhe miken e saj, Melissa Forde, ndërsa fotografitë janë bërë në Londër.

Galeria e plotë e fotografive do të jetë në botimin e korrikut tëEsquire. 

Lexo më shumë

Ramos përqesh portierin Neuer

Mbrojtësi i Real Madridit, Sergio Ramos, ka përqeshur portierin e Bayernit të Munichut, Manuel Neuer, pas humbjes së këtyre të fundit ndaj Chelseat në penalti.

Portieri gjerman e kishte përqeshur mbrojtësin spanjoll duke thënë: “Nuk e di se si Sergio Ramos ka mundur ta godasë topin aq lart mbi portë”.

Dhe, bumerang për Neuer janë kthyer këto komente. Pasi Neuer pësoi disfatë në finalen e madhe, Sergio Ramos shpejt ia ktheu yllit të Bayernit duke e tallur.

“Nuk e kam ditur se Neuerit i ecin aq mirë finalet. Fat të mbarë vitin e ardhshëm. Gjithmonë qëndro kokëulur”, ka shkruar Ramos në Twitter.

Bayerni është mposhtur në penalti nga Chelsea në finalen e madhe të zhvilluar të shtunën mbrëma në Allianz Arena. 

Lexo më shumë

Del Piero: Dua të shkruaj historinë

Legjenda e Juventusit, Alessandro Del Piero, ka thënë se ai dëshiron të shkruajë një faqe të re të historisë së gjigantit italian Juventus, me një fitore në ndeshjen e tij lamtumirëse ndaj Napolit në finalen e Coppa Italias.

“Deri tani gjithçka ka qenë fantastike dhe e pa përshkrueshme. Unë shpresoj që të shkruaj një faqe të re të historisë ndaj Napolit me një fitore së bashku me bashkëlojtarët e mia”.

“Unë jam i fokusuar për të arritur fitoren dhe nuk dua të largoj mendjen nga ky qellim. Gjëja e rëndësishme është që të mendoj për të dielën dhe të fitoj. Më pas do të ketë pushime dhe gjithçka tjetër. A do të luaj në Katar? Prisni deri të hënën”, ka deklaruar Del Piero.

Lexo më shumë

Rooney: Do të kthehemi më të fortë se kurrë

Sulmuesi i Manchester United, Wayne Rooney, ka thënë se Manchester United do të kthehet më i fortë se kurrë sezonin e ardhshëm, pasi e humbi titullin në një javë të fundit mjaft stresuese për Djajtë.

“Natyrisht, nuk kemi dashur që ajo t’u ndodhë tifozëve tanë. Tifozët tanë ishin të mrekullueshëm gjatë gjithë javës, madje edhe kur City shënoi golin e parë. Ne sigurisht se e kemi ditur rezultatin kur ishte 1-0 dhe 2-1 për QPR-në”.

“Kur mbaroi takimi, nuk e kemi ditur rezultatin final. Por, më pas i kemi parë tifozët e Sunderlandit duke festuar. Ishte zhgënjyese të shoh diçka të tillë pasi ata do të duhej të festonin për ekipin e tyre. Ata nuk e kanë pasur sezonin më të mirë për vete dhe të festojnë në atë mënyrë për Cityn ishte pikëlluese. Ishte diçka që unë dhe shumë lojtarë tjerë nuk do ta harrojmë”, është shprehur Rooney. 

Lexo më shumë

Robben: Unë jam fajtor

Anësori i Bayernit të Munichut, Arjen Robben, ka folur për pendimin e tij pasi humbi penaltinë në vazhdimet e finales së Ligës së Kampionëve ndaj Chelseat të shtunën.

Robben e humbi një mundësi të artë që t’ia dhurojë ekipit të tij trofeun e Ligës së Kampionëve, por e humbi penaltinë e akorduar në të mirë të bavarezëve në vazhdime.

“Nuk mund të përshkruaj me fjalë se si ndihem, por është natë e tmerrshme. Dy ose tri herë jam ndjerë se kupa është në duart e mia, por në fund nuk kam asgjë në duar”.

“Nuk ishte penalti e mirë. Unë kam dashur ta godas topin fort dhe lart në gol, por topi nuk shkoi lart. Ishte një penalti tepër e keqe. Pas kësaj, unë vazhdova të luaj mirë, por tani po më dhemb ai dështim”, ka deklaruar Robben.

Lexo më shumë

Sammer: Triumfi i Chelseat, i pa drejtë

Drejtori sportiv i kombëtares gjermane, Matthias Sammer, ka kritikuar Chelsean dhe vet futbollin modern, duke e quajtur fitoren e klubit londinez në finalen e Ligës së Kampionëve ndaj Bayernit si të pa drejtë.

44 vjeçari i cili e fitoi trofeun me Dortmundin në vitin 1997 e ka kritikuar stilin e lojës të aplikuar nga klubi anglez dhe fitoren e tyre në penalti, që erdhi pas një barazimi 1-1 pas 120 minutave.

“Nëse kjo është e ardhmja e futbollit, atëherë është një katastrofë. Është e pa drejtë që këto ekipe, me stilin e lojës së Chelseat të mund të fitojnë ndonjë titull”, ka theksuar Sammer. 

Lexo më shumë

Terry: Ishte e shkruar të fitojmë

Kapiteni i Chelseat, i cili mungoi në finale, John Terry, ka shprehur kënaqësinë e tij pas fitores së ekipit të tij në finalen e Ligës së Kampionëve dhe fitimit të trofeut të parë të LK-së në histori të klubit.

“Ishte ndjenjë e keqe të shikoj nga tribunat. Ishte fitore fantastike. Djemt ishin fantastik në pjesën e parë dhe pjesën e dytë. Kur shkon në penalti, është fantastike se si momentumi ndryshon. Kur ata e humbën edhe penaltinë e dytë, atëherë ne shfrytëzuam rastin”.

“Nëse shikoni mirë, ne ishim në disavantazh ndaj Napolit, më pas në çerekfinale ndaj Benficas kemi pasur vështirësi. Të gjithë na kanë përjashtuar nga gara aq herët, por edhe sot kur të gjithë menduam se ishim të mposhtur, vjen Didier Drogba dhe shënon gol, ata humbasin penaltinë dhe aty është edhe ndeshja e Barcelonës të mos harrojmë. Shpeshherë gjërat janë të shkruara nga Zoti që të ndodhin dhe jam aq i kënaqur që sivjet ishte sezoni i Chelseat”, ka thënë Terry.

Lexo më shumë

Luiz: Luajta i lënduar

Mbrojtësi i Chelseat, David Luiz, i cili mund ta ketë bërë Mario Gomezin të penduar për profesionin që ka zgjedhur, ka pohuar se ka luajtur i lënduar gjatë pjesës më të madhe të takimit.

“Unë nuk bëra asgjë për një muaj, por kam punuar në rikuperim dhe vij këtu edhe luaj 120 minuta. Dhe shënoj një penalti! Unë nuk mund t’i lëviz këmbët, por ia vlen”.

“Gjatë një prej pushimeve, unë shikova në pankinë dhe ata më shikuan mua. Ata e kanë ditur se nuk po ndihesha mirë, por qëndrova në fushë dhe ia dola të luaj deri në fund”, ka potencuar David Luiz. 

Lexo më shumë

Ramires: Kemi hyrë në histori

Mesfushori i Chelseat, Ramires, beson se lojtarët e përfshirë në triumfin historik të Ligës së Kampionëve do të zënë vendin ndër legjendat e klubit anglez.

“Chelsea meriton respekt dhe ekipi jonë tregoi fuqinë për të kthyer gjërat. Tani më duhet vetëm edhe Kupa e Botës për të përfunduar karrierën”.

“Ne kemi vuajtur gjatë gjithë vitit, por sezoni ka përfunduar në mënyrë spektakolare. Klubi e kërkoi këtë titull dhe jam i sigurtë se këta lojtarë do të hynë në histori të Chelseat”, ka deklaruar Ramires.

Lexo më shumë

Nerlinger: Të gjithë e dinë se merituam fitoren

Drejtori i Bayernit të Munichut, Christian Nerlinger, ka pranuar se humbja në penalti ndaj Chelseat në finalen e Ligës së Kampionëve është një gjë e rëndë për t’u përtypur.

Bayerni lëshoi nga dora trofeun, pasi në fillim kishte epërsinë shtatë minuta pa përfunduar takimi, por lejoi vazhdimet, teksa në vazhdime Robben dështoi në penalti. E në penalti triumfuan Blutë, gjë që e konsideron të pa drejtë Nerlinger.

“Të gjithë kanë mundur të shohin se ne merituam fitoren, nëse marrim parasysh se si shkoi ndeshja. Disponimi në zhveshtore është shumë depresiv”, ka theksuar Nerlinger. 

Lexo më shumë

Loew: Futbolli di të jetë brutal

Përzgjedhësi i Gjermanisë, Joachim Loew, ka përgëzuar Bayernin e Munichut për sezonin fantastik në Ligën e Kampionëve, por tha se bavarezët ishin ekstremisht të pa fat ndaj Chelseat.

“Ata ishin ekipi më i mirë ndaj Chelseat për 120 minuta dhe kanë pasur raste më të mira. Futbolli di të jetë brutal”.

“Përkundër humbjes, më lejoni të përgëzoj Bayernin për sezonin e klasit të lartë. Bayerni na ka treguar ndeshje fantastike, sidomos në Madrid ndaj Realit”, ka thënë Loew.

Lexo më shumë

Di Matteo: Arritje fantastike, merituam fatin

Menaxheri i përkohshëm i Chelseat, Roberto Di Matteo, ka lëvduar të arriturën fantastike të ekipit të tij, pas fitores në finalen e madhe të Ligës së Kampionëve ndaj Bayernit të Munichut.

Blutë kanë hyrë në ndeshje pa lojtarët kyç për shkak të suspendimeve dhe përkundër këtij fakti, ata kanë arritur të mbrohen mjaft mirë dhe në fund triumfuan.

“Ishte shumë stresuese. Ishte një e arritur fantastike e lojtarëve”.

“Ndeshja nuk ishte ideale për ne për shkak të suspendimeve, lëndimeve pas 120 minutave lojë me lojtarë që s’kanë luajtur që tre-katër javë dhe është thjesht e pa besueshme, pasioni dhe krenaria që lojtarët kanë arritur të sjellin në shtëpi bashkë me këtë trofe”.

“Bayerni ishte ekipi më i mirë gjatë pjesës më të madhe të takimit, por goli i Drogbës është thjesht fantastik. Ai është rezultat i punës ekipore, mbrojtjes dhe mesfushës fantastike që punoi gjatë gjithë ndeshjes pa u ndalur. Mendoj se merituam edhe fatin”, është shprehur Di Matteo pas triumfit. 

Lexo më shumë

Drogba: Ne kurrë nuk dorëzohemi

Sulmuesi i Chelseat, apo tmerri i Bayernit të Munichut, Didier Drogba, ka deklaruar se ai dhe ekipi i tij nuk dorëzohen kurrë deri në fund të një ndeshje, gjë nga e cila Blutë përfituan të shtunën mbrëma në finalen e madhe të Munichut.

“Chelsea kurrë nuk dorëzohet deri në fund. Ky ekip është fantastik. Ishte shkruar ta fitojmë këtë trofe një kohë të gjatë më parë”.

“Unë dua që këtë trofe t’ua dedikoj të gjithë menaxherëve që i kam pasur më parë, të gjithë lojtarëve të Chelseat që kanë luajtur më parë. Gjithmonë besoni se mund të fitoni një ndeshje kur keni në portë jashtëtoksorin e quajtur Petr Cech”, ka deklaruar i emocionuar Didier Drogba pas takimit.

Lexo më shumë

Barca dhe Reali përgëzojnë Chelsean

Barcelona dhe Real Madridi kanë përgëzuar Chelsean për triumfin në Ligën e Kampionëve ndaj Bayernit të Munichut në finalen e zhvilluar në Allianz Arena të shtunën. .

Dy skuadra spanjolle që në fillim të sezonit është pritur të arrijnë në finale, por që në fund e shikuan finalen nga televizori, kanë përgëzuar rivalin nga Anglia për triumfin.

Në Twitterin zyrtar të Barcelonës shkruan: “Përgëzime për Chelsean për trofeun e parë të Ligës së Kampionëve!”.

“Përgëzimë Chelsat! Fituesit të ri të Ligës së Kampionëve!”, kishte shkruar Gerard Pique, teksa edhe presidenti Sandro Rosell nuk la pa u shprehur: “Urime për Chelesan, kampionit të ri të Europës”.

Në ndërkohë, Sergio Ramos ishte i ngazëllyer për bashkëlojtarët e tij te kombëtarja spanjolle, Juan Mata dhe Fernando Torrez, të cilët për herë të parë fituan Ligën e Kampionëve.

“Përgëzime për dy miq të mir të mirë, Juan Matan dhe Fernando Torres. Urime fitues. Dhe Robben mbaje kokën lart”, është shprehur Ramos në rrjetin social.

Nga ana tjetër, Xabi Alonso ishte më i prekur nga drama: “Drama e futbollit II. Urime Chelseat. Më vjen keq Bayern”

Lexo më shumë

Etnon dhe Stine në përgatitje të klipit

Shumë pranë lansimit të bashkëpunimit të tyre të titulluar “On Fire”, janë reperët e grupit Etnon, Stine dhe Dj Blund & Real 1.

Tashmë ata kanë realizuar këngën “On Fire” dhe janë në përgatitje të klipit të këngës, i cili sipas ‘making of’ është duke u realizuar në Shqipëri.

Ky do të jetë vetëm një prej bashkëpunimeve të shumta të Etnon në këtë verë, pasi ata kanë paralajmëruar edhe një këngë me Dafina Rexhepin.

Lexo më shumë

Gold AG thotë “Bonu Vetvetja”

Reperi nga Presheva, Gold AG, e ka dëshmuar edhe një herë se nuk e ka ndërmend të ndalet, pasi tashmë ka lansuar këngën e re me klip.

Kënga e re “Bonu Vetvetja” flet për jetën e vështirë të të rinjve shqiptarë, me reperin që u bën thirrje të gjithëve të mos dorëzohen para sfidave të mëdha.

Ky videoklip i Gold AG vjen pak kohë pas lansimit të këngës me klip “Komandant” dhe tashmë ia ka siguruar vetes statusin e një prej artistëve më aktivë në trojet shqiptare.

Lexo më shumë

Martohet Zuckerberg, krijuesi i Facebook

Është martuar edhe themeluesi i rrjetit më të madh social në botë, Mark Zuckerberg, i cili ka ndërruar unazat me Priscilla Chan gjatë një ceremonie martesore private në Kaliforni.

28 vjeçari Zuckerberg dhe 27 vjeçarja Chan janë që një kohë të gjatë në lidhje dhe janë takuar në Harvard University, aty ku dhe Zuckerberg e themeloi Facebook-un.

Chan, e cila është e diplomuar në mjekësi, ka marrë për dhuratë një gurë të çmueshëm rubini i dizajnuar nga vet Zuckerberg. Ky i fundit tashmë e ka ndërruar statusin e tij në profilin e tij në Facebook në ‘i martuar’.

Facebook ka hyrë gjatë javës në bursën amerikane dhe vlerësohet rreth 100 miliardë dollarë. Zuckerberg mban 56 përqind të aksioneve të kompanisë, përkundër ofertave të mëdha për t’ia shitur këto aksione.

Lexo më shumë

Apple vazhdon të dominoj tregun e tabletëve

Pasi që gjatë çerekut të katërt të vitit të kaluar humbi një pjesë të tregut të tabletëve, Apple arrit të rikthej pjesën e humbur, kështu që këtë vit pritet të ketë në posedim rreth 61% të mbarë tregut, respektivisht përafërsisht sa kishte vitin e kaluar, vlerësojnë analistët e IHS.

Në të vërtetë, kah fundi i vitit të kaluar, kryesisht duke iu falënderuar paraqitjes së pajisjeve të lira të bazuara në Android, sikurse që është Kindle Fire i Amazon, Apple humbi një pjesë të tregut, e posedimi i pajisjeve me Android u rrit nga 31.1% gjatë çerekut të tretë në 41.1% gjatë të katërtit. Por pas paraqitjes së iPadit të ri Apple arriti prapë të rikthej pjesën e humbur të tregut, e IHS vlerëson se posedimi i pajisjeve të bazuara në Android do të bjer në 38.4%.

IHS vlerëson se këtë vit do të shiten krejtësisht 126 milion tablet, që është rritje prej 85% në krahasim me 68.4 milion copë sa janë shitur vitin e kaluar. Për vitin e ardhshëm parashikohet rritja prej 63% ë tjera, në 205 milion copë, e deri më 2016 tregu pritet të rritet në 360 milion copë

Lexo më shumë

Qentë përdorin ‘skateboardin’

Një tjetër video që shfaq “kafshët duke bërë gjëra interesante” është lansuar në internet. Aty shihen disa këlyshë, të cilët mësohen si ta përdorin ‘skateboardin’.

Momenti më i mirë i videos së lansuar nga një meksikan, është kur këlyshët më në fund mësohen si ta lëvizin ‘skateboardin’. 

Lexo më shumë

Prioritet, anëtarësimi i Kosovës në KE

Shqipëria do të shqyrtojë të gjitha mundësitë që Kosova të shkojë sa më pranë Këshillit të Evropës, ka thënë shefi i diplomacisë shqiptare, Edmond Haxhinasto.

“Do të shqyrtohen të gjitha mundësitë që Kosova të vijë sa më pranë Këshillit të Evropës dhe të intensifikojë bashkëpunimin me të si dhe besojmë që të ndërmarrë edhe hapa institucionalë konkretë në drejtim të avancimit të agjendës së saj integruese” , ka thënë ministri i jashtëm i Shqipërisë Edmond Haxhinasto, në një intervistë për Radio Kosovën.

Në prag të marrjes së presidencës së KE-së, ai tha se përparësi tjera do të jenë vazhdimësia e reformave, dialogu ndëretnik, ndërfetar dhe ndërkulturor.

Shefi i diplomacisë shqiptare tha se vendi i tij do të ketë dy lloj prioritetesh.

“Së pari: do të jenë vazhdimi i prioriteteve të presidencës britanike kryesisht ato që kanë të bëjnë me reformën e Gjykatës së të Drejtave të Njeriut. Një prioritet i vazhdueshëm do të jetë ai i decentralizimit, që përbën në fakt një prioritet të rëndësishëm për Këshillin e Evropës. Në bllokun e dytë do të rendisja ato që presidenca jonë do t’i ketë në theks të veçantë. Unë do të nënvizoja çështjet e tolerancës, diversitetit dhe motoja jonë është ‘Të bashkuar në diversitet’, për të cilën do të zhvillohen aktivitete të rëndësishme si në Këshillin e Evropës ashtu edhe në Tiranë”.

Sipas Haxhinastos, bashkëpunimi i Këshillit të Evropës me Kosovën është një proces që vazhdon aktualisht. Por, sigurisht që në presidencën shqiptare do të marrë një vëmendje shumë të veçantë.

“Shumë e rëndësishme është që shoqëria e Kosovës, institucionet e Kosovës të vazhdojnë projektet e bashkëpunimit me Këshillin e Evropës, sepse vetëm kështu ato marrin cilësi të reja, marrin zhvillim të ri dhe konsolidohen më tej pikërisht në vlerat që promovon Këshilli i Evropës, vlerat demokratike, vlerat e tolerancës dhe vlerat e gjithëpërfshirës. Është e natyrshme që do të shikohen dhe do të shqyrtohen të gjitha mundësitë që Kosova të vijë sa më pranë Këshillit të Evropës dhe të intensifikojë bashkëpunimin me të si dhe besojmë që të ndërmarrë edhe hapa institucionalë konkretë në drejtim të avancimit të agjendës së saj integruese”, ka ministri shqiptar.

Shefi i diplomacisë shqiptare tha se argumenti më i rëndësishëm për këtë objektiv është që të kuptohet që proceset integruese të Kosovës janë të pakthyeshme. “Kosova tashmë ka hyrë në rrugën e saj drejt Evropës, drejt institucioneve të saj, drejt organizatave politike, drejt organizatave të sigurisë dhe është çështje kohe kur ajo do të jetë brenda tyre. Ndaj, sa më shpejt që të ketë një reflektim të secilit nga vendet që nuk e kanë njohur ende Kosovën, aq më mirë, aq më sens të fortë, të mirë realizimi dhe realiteti ato do të tregojnë përsa i takon Kosovës”, ka thënë në intervistë për Radio Kosovë, Haxhinasto.

Kurse lidhur me pretendimet apo akuzat e ish-prokurorit zviceran Dick Marty, si thuhet “për krime, trafik apo transplant organesh të serbëve nga Ushtria Çlirimtare e Kosovës”, Haxhinasto tha se mënyra më e mirë për të mbyllur njëherë e përgjithmonë akuzat e zotit Marty është që të realizohet i plotë hetimi nga Task Forca e EULEX-it, nga Task Forca evropiane.

“Tashmë legjislacioni në Shqipëri është miratuar që të realizohen ato hetime, për të cilat kjo Task Forcë ka bërë planin e saj. Dhe, kështu mendoj që i japim një përgjigje të merituar pretendimeve të Dik Martit apo dhe të, do të thosha, të pretenduesve të tjerë, që, në fakt, janë pretendime të cilat nuk kanë asnjë lloj baze realiteti. Por, është e qartë se janë qëndrime mirëfilltas politike dhe synojnë të ngrenë një re mosbesimi mbi faktorin e rëndësishëm shqiptar në rajon, faktor i cili është gjithmonë e më shumë konstruktiv, gjithmonë e më shumë kontribues për rajonin për të ardhmen europiane të tij”, ka thënë Haxhinasto.

Lexo më shumë

Në veri edhe gazetarët të pambrojtur

Sulmet ndaj gazetarëve në veri të Mitrovicës nuk kanë të ndalur. Drejtues të Shoqatës së Gazetarëve të Mitrovicës, kanë apeluar tek organet kompetente që të ndërmarrin masat e duhura për sigurinë e gazetarëve në këtë rajon. Sipas tyre, gazetarët shqiptarë që kryejnë punën e tyre në veri të Mitrovicës, nuk po mbrohen nga askush, madje as nga KFOR-i, EULEX-i e Policia e Kosovës. E në anën tjetër, Policia e Kosovës ka paralajmëruar se do të merren masa disiplinore ndaj të gjtihë atyre pjesëtarëve të Policisë së Kosovës që veprojnë në veri të Mitrovicës, e që nuk u binden urdhërave të zinxhirit komandues.

Rasti i fundit i sulmit të protestuesve serbë ndaj gazetarit të Agjencisë Kosovapress dhe atij të Koha Ditore është reflektimi më i mirë i gjendjes së brishtë në veri të vendit.

Madje protestuesit serbë, sulmin ndaj dy gazetarëve shqiptarë e kanë bërë në prani të Policisë së Kosovës dhe KFOR-it, e ky fakt po i brengosë më së shumti gazetarët që punojnë dhe veprojnë në atë pjesë të Kosovës.

Gazetarët Alidin Damati dhe Musa Mustafa, të enjten ishin duke e përcjellë protestën në veri të Mitrovicës, përderisa janë sulmuar nga një grup huliganësh serbë, duke i fyer ata në baza nacionale.

Mustafa, gazetar i të përditshmes Koha Ditore, rrëfen çastet kur ai bashkë me kolegun Alidin Damatin, ishin sulmuar nga pjesëtarë të strukturave ilegale në veri.

“Ishim duke e kryer punën tonë si gazetarë, nuk provokuam, nuk fyem, nuk bëmë ndonjë gjest që do t’i iritonim. Bëmë disa fotografi dhe disa serbë na u vërsulën. Duke vendosur kapela në kokë, duke sharë dhe fyer, por ndërhynë edhe Policia e Kosovës në atë rast, por diku 7 serbë m’u afruan afër dhe njëri prej tyre më ka goditur në këmbë. Ndërhynë Policia e Kosovës, por njëri prej tyre është sjellë shumë keq, duke përdorur një ton kërcënues, por edhe ofendues, i cili na pyeste se çfarë keni kërkuar këtu, kush jeni ju, edhe pse ne i kishim autorizimet e medieve”, ka thënë ai.

Gazetarët që vazhdimisht përcjellin zhvillimet në veri të vendit, janë të vetëdijshëm për rrezikun që mund t’u kanoset nga strukturat ilegale serbe që veprojnë atje, mirëpo, ata mbesin të habitur me sjelljen indiferente të KFOR-it dhe të Policisë së Kosovës, të cilët nuk kryejnë punën e tyre, për çfarë janë të thirrur.

Damati, gazetari i Agjencisë Kosovapress, megjithatë tregon se ky nuk është rasti i parë kur ata sulmohen dhe kërcënohen nga serbët.

“Jemi sulmuar nga një grup ekstremistësh serbë në momentin kur po e përcillnim protestën e organizuar nga serbët në pjesën veriore të Mitrovicës. Disa nga protestuesit në momentin që kanë vërejtur prezencën tonë, janë vërsulur në ne. Ka pasur tentime për marrjen e fotoaparateve tona, jemi fyer mbi baza nacionale, ndërkohë që kolegun e kanë shqelmuar në këmbë. Më ka habitur sjellja indeferente e ushtarëve të KFOR-it, të cilët kanë qenë të pranishëm në kohën e incidentit, ndërkohë që jam i shqetësuar edhe për sjelljen joprofesionale nga ana e policëve të Kosovës të stacionit në veri, sepse vetëm njëri nga ta na ka ndihmuar”, ka thënë ai.

Me gjithë, kërcënimet dhe sulmet ndaj tyre, Damati thotë se, nuk do të zbrapsen dhe se çdo herë do të punojnë në informimin e drejtë të qytetarëve për zhvillimet në veri.

Hysni Syla, kryetar i Shoqatës së Gazetarëve të Mitrovicës, ka bërë të ditur për Kosovapress se, sulmet ndaj gazetarëve në Mitrovicë janë të vazhdueshme që nga përfundimi i luftës. Mirëpo, ai thotë se kanë munguar reagimet e duhura dhe se rasti i fundit që ka ndodhur në veri, sipas tij, do të ndikon tek organet kompetente, që të jenë më të organizuar për të mbrojtur fjalën e lirë në veri të Mitrovicës.

Duke e dënuar ashpër atakimin e gazetarëve, Shoqata e Gazetarëve të Mitrovicës, kërkon nga organizatorët e protestave, të mos pengojë punën e gazetarëve, por të ndihmojë ata në realizimin e misionit të tyre.

SHGM-ja, po ashtu kërkon nga përfaqësuesit e KFOR-it dhe ata të Policisë së Kosovës, të kriojojnë kushte për gazetarë, dhe në rastet e protestave të ndryshme, të mbrojnë ata kur rrezikohen nga njerëz me prirje kriminale.

“Besim Hoti, zëdhënës i Policisë së Kosovës për rajonin e Mitrovicës, ka pranuar se puna e gazetarëve në veri të Mitrovicës, është mjaft e vështirë dhe e paqëndrueshme, mirëpo ai thotë se janë duke punuar që personat e involvuar në sulm mbi gazetarët, të vihen para drejtësisë.

Ndërsa ka shtuar se ndaj pjesëtarëve të Policisë së Kosovës, të cilët nuk i përfillin urdhrat e zinxhirit komandues të Policisë së Kosovës, do të merren masa, ata do të jenë subjekt i masave disiplinore.

“Sigurisht që procesi i hetimeve do të sqarojë gjithçka në atë aspekt, nëse pjesëtarët e Policisë së Kosovës, të cilët janë të thirrur në radhë të parë të reagojnë, të mbrojnë dhe të sigurojnë një ambient më të mirë të punës për të gjithë gazetarët. Sigurisht që nëse ka elemente të rasteve të tilla, gjithsesi se policët e tillë do të jenë subjekt i masave disiplinore, që duhet të udhëhiqen për brenda policisë së Kosovës”, ka thënë ai.

Ngjarja e fundit që ka ndodhur në veri të Mitrovicës, me ç’rast u sulmuan gazetarët, vetëm sa ka konfirmuar realitetin e hidhur dhe gjendjen aktuale që mbretëron atje, i zhytur nën ndikimin e strukturave ilegale.

Ndryshe, edhe pse kanë kaluar 13 vjet nga përfundimi i luftës, veriu i vendit mbetet simbol i destabilitetit dhe dështimit të ligjit, kontrabandës dhe krimit të organizuar dhe i një gjendje pothuajse anarkie totale në veri, ndërkohë që ndërkombëtarët atje, pothuajse nuk janë asnjë faktor.

Lexo më shumë

Limaj: Ndryshimet në PDK janë të nevojshme

Nënkryetari i Partisë Demokratike të Kosovës, Fatmir Limaj ka vlerësuar se reformimi i brendshëm i subjektit të tij politik është i domosdoshëm dhe se për këtë arsye pranë organeve drejtuese të partisë do t'i paraqes idetë që ka për realizimin e këtij procesi.

Në një takim me gazetarët dhe intelektualët e Prizrenit, Limaj nuk ka komentuar nëse ka çarje në marrëdhëniet personale me kreun e partisë dhe kryeministrin e Kosovës, Hashim Thaçi dhe as që ka precizuar nëse synon marrjen e udhëheqjes së partisë, por ka pranuar se ndryshimet në PDK janë të nevojshme, së paku në mënyrën e shpërndarjes së përgjegjësisë për postet politike, transmeton Koha.net.

"PDK-ja duhet me e ndal trendin e shpërblimit me poste apo dhënien e tyre falas", ka thënë Limaj.

Sipas tij ka ardhur koha që "PDK-ja ta rishikojë dhe rifreskojë veten, të rigjenerojë forcat dhe energjitë, në mënyrë që të ec përpara".

Deputeti Limaj, i cili javë më parë u shpall i pafajshëm nga akuzat për krime lufte si ish-komandant i UÇK-së, ka theksuar se subjekti i tij politik duhet të merr parasysh kriteret profesionale dhe meritokracinë gjatë emërimit të kuadrove të veta në postet e rëndësishme politike.

"Nuk duhet të ketë më shpërblime me poste. Por, secili duhet të dal dhe të matet me vota, ngase vota sjell me vete edhe përgjegjësinë për tu përballur me qytetarët. Ka ministra që janë të pa votuar dhe ata njerëz nuk kanë përgjegjësi para votuesve. Mendoj se këto gjëra duhet të qartësohen brenda PDK-së, sepse unë dua me e pa PDK-së të fortë, që me i shërbye vendit në mënyrën e duhur", ka deklaruar Limaj.

Lexo më shumë

Veriu mbeti pa koordinator

Në kohën kur Bashkimi Evropian kërkon nga Qeveria e Kosovës një agjendë për veriun, Zyra e koordinatorit për strategjinë për veriun ka pushuar së funksionuari. Janë bërë disa javë prej kur Ylber Hysa është emëruar ambasador në Shkup dhe Qeveria ende nuk e ka bërë zëvendësimin e tij. Nevoja për një koordinator të tillë vihet në pikëpyetje jo vetëm nga opozita, por madje edhe brenda vetë Qeverisë.

Çështja e emërimit të koordinatorit të ri për strategjinë për veriun është në dorën e kryeministrit Hashim Thaçi. Kështu tha zëvendëskryeministri Hajredin Kuçi i pyetur se kur do të emërohet koordinatori i ri në vend të Ylber Hysës. Kuçi theksoi se Qeveria do të gjejë format adekuate për t’u marrë me veriun.

“Unë besoj se është në dorën e kryeministrit si mendon, por ajo çfarë dua të them është se Kosova dëshiron që mos ta specifikojë veriun si dicka të veçantë, por si pjesë e çështjeve që ne duhet të merremi të gjithë. Qeveria do të merret vazhdimisht me pjesën e veriut. Format do t’i gjejë adekuate se si do të merret”, theksoi Kuçi për Radio Kosovën.

Por, jo të gjithë në Qeveri mendojnë se ka nevojë për koordinator të ri. Zëvendësministri i Punëve të Brendshme, Izmi Zeka mendon ndryshe.

“Nuk besoj që duhet të ketë individë të veçantë, por të jemi si Qeveri prezent atje”, tha Zeka.

I të njëjtit mendim është edhe deputeti i Lëvizjes Vetëvendosje, Rexhep Selimi.

“Unë mendoj që edhe ai koordinator që ka qenë nuk ka luajtur një rol efektiv, përkundrazi ka qenë vetëm një makiazh politik për një moment të caktuar. Kështu që në vend të koordinatorëve, Qeveria duhet të jetë e përgjegjshme në përputhje me obligimet që i jep Kushtetuta”, theksoi Selimi.

Ndërkaq, deputeti i LDK-së, Sadri Ferati, mendon se duhet patjetër të ketë një koordinator për veriun.

“Patjetër që duhet të jetë dikush në mesin e shumë të tjerëve që ekskluzivisht të merret me çështjen e implementimit të planeve të veprimit dhe implementimit të ligjeve për veriun. Pra, mund të themi pavarësisht emrit, por duhet të ekzistojë dikush”, tha Ferati.

Ferati ka qenë një prej emrave që janë përmendur më herët për detyrën e koordinatorit për veriun. Ai tha se nuk i është drejtuar askush deri më tani për një gjë të tillë, përveç asaj që është thënë në media. Sidoqoftë, ai tha se një obligim të tillë duhet ta marrë patjetër dikush nga koalicioni Qeverisës.

Pas emërimit të Ylber Hysës ambasador në Shkup, ka përfunduar së funksionuari edhe Zyra e Koordinatorit, ndërkaq dy prej aktiviteteve kryesore që përmenden nga kjo zyre janë raporti i administratës së UNMIK-ut në Mitrovicë dhe raporti i strukturave paralele në këtë pjesë të Kosovës

Lexo më shumë

ISKP: Të mos politizohet Kushtetuesja

Instituti për Studime Kushtetuese dhe Parlamentare (ISKP) ka prezantuar studimin analitik me titull “Procesi i Zgjedhjes (emërimit) të gjyqtarëve të Gjykatës Kushtetuese në Republikën e Kosovës”. Sipas Institutit, komisioni përkatës i Kuvendit të Kosovës që bënë përzgjedhjen dhe rekomandimin e kandidatëve për gjyqtarë të Gjykatës Kushtetuese, është në kundërshtim me praktikat e vendeve demokratike dhe këtë proces e lë nën hijen e ndikimeve politike.

“Përbërja e Komisionit përkatës dominohet kryesisht nga kryetarët e grupeve parlamentare të Kuvendit të Kosovës”, thuhet në komunikatë. “Nga gjithsejtë 12 anëtarë të komisionit, shtatë prej tyre janë përfaqësues të partive politike, njëherësh kryetarë të grupeve parlamentare, të cilët dominojnë procesin e votimit në këtë komision. Rrjedhimisht, kjo rezulton me një proces i cili detyrimisht imponon marrëveshje ose koalicione politike për përzgjedhjen e kandidatëve të caktuar për gjyqtarë në Gjykatën Kushtetuese, sidomos kur kihet parasysh fakti se për rekomandimin e kandidatëve tek Presidenti duhen votat e dy të tretat e të deputetëve të pranishëm dhe që votojnë”.

Problem tjetër rreth politizimit të këtij procesi është fakti se kryetarët e grupeve parlamentare kanë të drejtë të votimit të dyfishtë. Kjo ngase të njëjtit votojnë në komisionin i cili bënë rekomandimin e kandidatëve për gjyqtarë në Kuvend dhe po ashtu votojnë gjatë seancës plenare me rastin e përzgjedhjes së kandidatëve për dekretim tek Presidenti i Republikës së Kosovës.

“Procesi i zgjedhjes së gjyqtarëve kushtetues në Gjykatën Kushtetuese në mënyrën sesi ka rrjedhur, ka qenë jo transparent, për shkak se Komisioni që bënë rekomandimin e kandidatëve për gjyqtarë nuk ka ofruar qasje për të gjitha grupet tjera të interesit, siç janë shoqëria civile, mediat dhe opinioni i gjerë”.

Sipas komunikatës së ISKP, neni 6, paragrafi.2.11 në Ligjin për Gjykatën Kushtetuese krijon mundësi keqintepretimi në Kuvend me rastin e procedimit për zgjedhjen e gjyqtarëve kushtetues, sepse mbi bazën e këtij neni Kuvendit i dërgohen për votim nga Komisioni dy lloje kandidaturash: një me listë të ngushtë dhe një me listë që i plotësojnë kushtet.

ISKP rekomandon këto zgjidhje: Të ndryshohet ligji aktual për Gjykatën Kushtetuese, dispozitat për zgjedhjen e gjyqtarëve dhe themelimin e komisionit të posaçëm për shqyrtimin e aplikacioneve të kandidatëve për gjyqtarët kushtetues; Komisioni përkatës i Kuvendit që rekomandon kandidatët për gjyqtarë kushtetues, duhet të ndryshojë përbërjen e tij, sepse përbërja aktuale nuk garanton profesionalizëm dhe depolitizim të procesit të zgjedhjes së gjyqtarëve kushtetues.

“Përbërja e këtij komisioni duhet të jetë e atillë, që të reflektojë paanshmëri politike dhe profesionalizëm. Komisioni duhet të ketë më shumë përfaqësues të gjyqësorit dhe të institucioneve akademike, njohës të çështjeve juridike në përgjithësi”, konsiderojnë përfaqësuesit e Institutit.

ISKP rekomandon këtë përbërje të komisionit: Kryetari i Kuvendit të Republikës së Kosovës; përfaqësuesi i Këshillit Gjyqësor të Kosovës; përfaqësuesi i Këshillit Prokurorial të Kosovës; dy përfaqësues të Fakultetit Juridik (lëmi i së drejtës kushtetuese/publike) të Universitetit të Prishtinës; përfaqësuesi i Gjykatës Kushtetuese; përfaqësuesi nga zyra e Presidentit/es; përfaqësuesi i Gjykatës Supreme; përfaqësuesi i Gjykatës së Apelit; përfaqësuesi i Gjykatës Themelore; përfaqësuesi i Odës së Avokatëve të Kosovës; përfaqësuesi i Akademisë së Shkencave dhe Arteve të Kosovës nga seksioni i drejtësisë; përfaqësuesi i Lidhjes së Juristëve të Kosovës; përfaqësuesi i shoqërisë civile.

Lexo më shumë

Vizion për veriun e jo vetëm fjalë

Duhet më shumë të bëhet për veriun, se sa të flitet, ka pohuar ambasadori i Francës në Kosovë, Jean-François Fitou, i cili në orët e paradites vizitoi disa vendvotime serbe në Graçanicë, ku serbët po votojnë në raundin e dytë për zgjedhjen e presidentit të Serbisë.

“Mendoj se sa më shumë që flasin, aq më shumë do të rrezikojnë të vazhdojnë të flasim. Ajo që tha BE para gjashtë muajve dhe që është shumë e rëndësishme është se duhet të ketë një vizion për veriun e jo shumë biseda dhe jo fjalë. Sepse, të gjithë po flasin, si vendorët ashtu dhe ndërkombëtarët. Unë mendoj se sa më shumë po flasim, po bëjmë më shumë presion në njerëz”, tha ai

Lexo më shumë

AAK: MASHT manipulon me testin e maturës

Pas pritjeve të gjata, gjatë tërë muajit prill, më në fund MASHT reagoi, në momentin e fundit, duke shpërndarë nëpër shkolla një fletëpalosje me sqarime bazë, për mënyrën e organizimit të provimit përfundimtar dhe të maturës për këtë vit shkollor, thuhet në një kumtesë të Departamentit të Arsimit në AAK.

“Nëse analizohen informatat e dhëna, edhe lexuesit më të painformuar i bie në sy përpjekja e ministrit Buja dhe Komisionit Shtetëror për Provimin e Maturës, që të paraqesë si risi edhe çështjet që janë paraparë me ligj, por nuk janë zbatuar në të kaluarën”, thuhet në deklaratën e nënshkruar nga kryesuesi i këtij Departamenti, Jonuz Salihaj. Në fjalën e ministrit Buja, thuhet: ‘Gjeneratës suaj do t’u jepet mundësi më e madhe për të treguar aftësitë dhe shkathtësitë tuaja, të përvetësuara gjatë shkollimit, ngase për herë të parë Testit të Maturës do t’i nënshtroheni dy ditë radhazi”.

Ndarja e lëndëve, në të përgjithshme dhe profesionale, është paraparë me ligj dhe nuk mund të konsiderohet si risi (neni 18 i Ligjit për Provimin Përfundimtar dhe të Maturës). Kjo dispozitë ligjore, sipas AAK-së, është shkelur vazhdimisht në të kaluarën, kurse në këtë vit shkollor tentohet të paraqitet si risi.

“Madje, MASHT nuk është prononcuar fare për obligimin ligjor, që sivjet testi i maturës është i vetmi kusht për pranimin e studentëve në Institucionet e Arsimit të Lartë (neni 20, pika 3 e Ligjit për Provimin Përfundimtar dhe të Maturës)”.

AAK mendon se MASHT në mënyrë urgjente duhet t’i ndërmarrë këto veprime: Duhet të standardizohet numri i lëndëve mësimore për pesë drejtimet e gjimnazeve dhe 13 lëmenjve të shkollave profesionale; duhet të përcaktohet proporcioni 60 për qind me 40 për qind në dobi të lëndëve të përgjithshme dhe duhet definuar saktë lëndët profesionale për të gjitha drejtimet e gjimnazit dhe lëmenjtë e shkollave profesionale; organizimi i procesit të testimit nuk duhet të cenohet nga keqadministrimi i testit, gjë që ka ndodhur çdo vit në të kaluarën; ky proces duhet të organizohet me kuadro profesionale e jo me militantë partiakë të komunave, të cilët me çdo kusht, dëshirojnë rezultat pozitiv; administratorët për punën e tyre duhet të paguhen; në rast se kemi cenim të procesit, duhet të pasojë llogaridhënia, e cila është paraparë me ligj; numri i testeve për shkollat profesionale duhet të jetë më i madh.

“Menaxhimi i provimit të maturës, nga viti 2008 është shoqëruar me të meta të mëdha dhe askush për këtë nuk ka bartur përgjegjësi. Është koha e fundit që kjo përgjegjësi të adresohet dhe kompetentët nga Komisioni për Maturën Shtetërore të përgjigjen për lëshimet e njëpasnjëshme që i kanë bërë deri më tani. Kërkojmë nga ministri i Arsimit, z. Buja, që të eliminojë konfliktin e interesit brenda këtij komisioni dhe të hapë rrugë për rikompozimin e tij. Në të kundërtën, MASHT i bartë të gjitha përgjegjësitë për shkelje të ligjit në fuqi dhe cenim të rëndë të të drejtave të fëmijëve”, thuhet ndër të tjera në kumtesë

Lexo më shumë

Heynckes: Chelsea meritoi trofeun

Trajneri i Bayernit të Munichut, Jupp Heynckes, ka pranuar se Chelsea e meritoi të fitonte finalen e Ligës së Kampionëve të shtunën mbrëma, duke fajësuar ekipin e tij që nuk arriti t’i konkretizojë mundësitë.

“Mendoj se unë duhet të them se luajtëm lojë të mirë, por kemi qenë shumë të pa fat. Lojtarët tanë kanë pasur shpirt shumë të fortë gjatë ndeshjes dhe kemi parë se si kanë luajtur. Ne kemi sulmuar nga fillimi dhe kurrë nuk i kemi dhënë rastin Chelseat që të përgjigjet”.

“Chelsea është mbrojtur mirë, por ne nuk kemi arritur t’i shfrytëzojmë rastet tona dhe fatkeqësisht e humbëm edhe një penalti. Ne humbëm epërsinë tonë prej 1-0 dy minuta pa përfunduar finalja dhe kështu Chelsea e meritoi trofeun”, ka deklaruar Heynckes.

Lexo më shumë

Messi golashënuesi më i mirë në LK

Sulmuesi i Barcelonës, Lionel Messi, e ka përfunduar sezonin 2011/2012 të Ligës së Kampionëve si golashënuesi më i mirë me 14 gola në 11 paraqitje, duke barazuar kështu rekordin e Jose Altafinit, legjendës së Milanit që shënoi numër të njëjtë golash në sezonin 1962/1963.

Argjentinasi shënoi dy herë ndaj Bates, tre herë ndaj Plzenit dhe një herë ndaj Milanit, për të bërë gjashtë gola nga pesë ndeshje në fazën grupore, përderisa shënoi edhe gjashtë herë të tjera në dy ndeshje ndaj Leverkusenit dhe edhe dy gola tjerë ndaj Milanit në Camp Nou.

Në vendin e dytë është Mario Gomez, sulmuesi i Bayernit që shfaqi paraqitje të mjerrueshme në finale të Ligës së Kampionëve, me ç’rast përfundon me vetëm 12 gola nga 12 ndeshje të luajtura.

Vetëm në vendin e tretë gjendet superylli i Real Madridit, Cristiano Ronaldo, me 10 gola.

Lexo më shumë

Lampard: Drogba është heroi

Kapiteni i Chelseat në finalen e madhe të Munichut, Frank Lampard, ka deklaruar pas takimit se fitimi i trofeut të Ligës së Kampionëve do të thotë gjithçka për klubin londinez.

“Do të thotë gjithçka – ne kemi tentuar ta fitojmë për aq shumë vite. Ky është një titull të cilin vërtet e kemi kërkuar dhe tani edhe e fituam”.

“Nuk mund ta besoj. Përkushtimi që ne kemi treguar është i pa besueshëm. Ne nuk kemi luajtur mirë, por njeriu kryesor Didier Drogba ishte ai që bëri telashe. Ai është heroi dhe pa të ne nuk do të kishim qenë këtu. Ai shënon gola në ndeshje të mëdha. Unë dua që ai të qëndrojë. Ajo që ai bëri këtë natë është ajo që ka bërë gjatë gjithë karrierës”, është shprehur Lampard.

Lexo më shumë

Muller: Futbolli është i pa drejtë

Golashënuesi i cili mendoi se është heroi i finales, Thomas Muller, ka deklaruar se futbolli është i pa drejtë dhe se futbolli nuk është gjithçka në jetë.

“Ky është futbolli. Ne kemi parë këto gjëra edhe në të kaluarën. Nuk është gjithmonë ekipi më i mirë ai që fiton”.

“Kur shënoni para tifozëve të juaj aq pranë fundit të takimit dhe më pas e shihni Chelsean duke ngritur trofeun... është vërtet e vështirë të gjej fjalë për këtë. Por, futbolli nuk është gjithçka në jetë”, ka potencuar Muller pas takimit, të cilit si duket ia bëri bajat Didier Drogba

Lexo më shumë

Mazzarri: Juventusi favorit për Coppa Italia

Trajneri i Napolit, Walter Mazzarri, ka pranuar se Juventusi është favorit për ta fituar Copa Italian.

“Bianconerët kanë lojtarë më me përvojë dhe janë në më pak presion për shkak se tashmë fituan Scudetton”.

“Sidoqoftë, për ne është ngjarje me rëndësi. Për herë të parë, ekipi im ka luajtur në Ligën e Kampionëve dhe unë jam i bindur se nëse nuk do të kishim garuar në tre fronte, atëherë do të kishim pasur 13 pikë më shumë në tabelë”, ka theksuar Mazzarri. 

Lexo më shumë

Beckenbauer: Chelsea e meritoi LK

Legjenda e Bayernit të Munichut, Franz Beckenbauer, ka deklaruar se bavarezët mund të kenë luajtur më mirë në finale, por se Chelsea e ka merituar trofeun e çmueshëm.

“Bayerni ishte ekipi më i mirë për pjesën më të madhe të takimit, por ata dështuan që të shndërrojnë dominimin e tyre në gola”.

“Fati ishte në anën e Chelseat, por ata merituan të jenë fitues të Ligës së Kampionëve”, ka thënë Beckenbauer.

Lexo më shumë

Conte shpreson të triumfojë në Coppa

Trajneri i Juventusit, Antonio Conte, ka thënë se Bianconerët mund të shkruajnë histori nëse fitojnë Kupën e Italisë në finalen ndaj Napolit që zhvillohet të dielën.

“Ne kemi finalen e Coppa Italias ndaj të cilës duhet t’i qasemi në mënyrë të duhur – të tregojmë se jemi kampionë të Italisë”.

“Ne triumfuam për titullin, por është kohë për t’u kthyer në fushë dhe për të bërë më të mirën për të fituar edhe një trofe tjetër. Duhet që të sigurohemi që të mos mposhtemi, të hyjmë në histori. Napoli është ekipi më i keq për këtë finale”, ka thënë Conte.

Lexo më shumë

Alkena: Arbri fitues i Big Brother

Tashmë dihen protagonistët e finales së Big Brother Albania dhe me këtë rast filluan edhe kalkulimet e para. Një prej ish-banoreve të reality shou Big Brother Albania, Alkena, nuk ka hezituar të flasë për preferencat e saj para finales.

25 vjeçari nga Prishtina, Arbër Zeka, ka arritur që të kualifikohet në finalen e madhe të 26 majit dhe teksa nga mediat e fansat konsiderohet si favoriti kryesor për ta fituar çmimin e madh, është edhe bukuroshja nga Peja ajo që e sheh fitues Arbrin.

“Pa dyshim Arbri është fituesi i Big Brother. Ai ka arritur që gjatë qëndrimit të tij të jetë shembull për të gjithë banorët tjerë dhe pos tjerash ka reflektuar mentalitet tipik për një të ri europian, i cili vazhdimisht kishte iniciativën për ndryshime, këtë edhe brenda shtëpisë. Raporti që ka pasur me publikun ka qenë po ashtu i shkëlqyer dhe ai nuk do të jetë vetësm fitues nga ana materiale, por edhe nga ana morale”, ka theksuar Alkena.

Arbri në finalen e 26 majit për rival kryesor pritet të ketë Liamin, i cili po ashtu konsiderohet si një prej favoritëve, teksa Ermali, Françeska dhe Genta konsiderohen si jo-favoritë, përkundër kualifikimit në natën e madhe. 

Lexo më shumë

BBA: Largohet Erioni, Arbri në finale

Erioni është përshëndetur nga aventura e tij në reality shou, Big Brother Albania 5, kjo pasi u eliminua vetëm një javë para natës finale.

Pas një nate me shumë befasi për banorët, ku të gjithë menduan se Genta do ta lë shtëpinë, ishte Erioni ai që ka dalur nga shtëpia dhe ku e presin shumë gjëra të pa zgjidhura me Klaudian dhe të dashurat tjera të tij.

Nga ana tjetër, vlen të përmendim kualifikimin në finale të banorit nga Prishtina, Arbër Zekës, i cili dhe konsiderohet favorit për ta fituar çmimin e madh krahas Liamit. Finalistë të tjerë janë Genta, Françeska dhe Ermali. 

Lexo më shumë

Fillon xhelozia e Kim

Ylli televiziv amerikan, Kim Kardashian, ka filluar të bëhet paranoike se i dashuri i saj i ri, Kanye West, mund të shijojë ndonjë femër tjetër, ashtu që ua ka ndaluar të gjitha pjesëtareve të gjinisë së bukur që të shfaqen në prapaskenë gjatë turneut të këngëtarit.

Sipas tabloidit The Sun, kjo është vetëm një nga ndalesat dhe rregullat që ka vënë Kim në raport me të dashurin e saj.

“Kanye ka shumë shoqe. Shumica janë stiliste ose bëjnë ndonjë punë tjetër të lidhur me modën, mirëpo Kim nuk dëshiron që ato të qëndrojnë vetëm me të në prapaskenë”, ka thënë një burim. 

Lexo më shumë

Eminem i ka thënë 50 Centit: Nuk vdes nga mishi i prishur!

Reperi 50 Cent ka treguar se arsyeja që ai përfundoi në spital ka qenë helmimi me ushqim.

Këngëtari përmes profilit të tij në Twitter i ka njoftuar fansat se ndjehet mirë dhe se ka arritur të shmangë ndërhyrjen kirurgjike.

Ai ka thënë se në momentet e vështira e kishte mbështetur kolegu i tij, Eminem, i cili e kishte thirrur në telefon për t’i thënë: “I ke mbijetuar plagosjes me nëntë plumba, nuk mund të vdesësh nga hamburgeri i prishur”. 

Lexo më shumë

Ilaçi Iomazenil bllokon efektin e alkoolit

Ilaçi Iomazenil i cili merret para pirjes së pijeve alkoolike bllokon shumicën e efekteve të cilat alkooli i ka në tru, pohojnë shkencëtarët në Universitetin Yale.

Ata i kanë kryer testimet në simulatorët e vozitjes për të zbuluar nëse njerëzit mund të ulen të sigurt në timon nëse kanë konsumuar Iomazenil dhe pirë ndonjë gotë më shumë.
Ata që kanë konsumuar Iomazenil kanë më pak shanse për të bërë tetëshe nëpër rrugë dhe reflekset i kanë më të mira se ata që kanë pirë njëjtë, por nuk kanë marrë ilaçin, përcjell Daily Mail.

“Ilaçi i cili ka potencial të bllokojë gjithë veprimin e alkoolit në sistemin qendror nervor mund të bëhet trajtim unik për alkoolizmin dhe të reduktojë dëmin që ky ves ia shkakton mëlçisë dhe organeve tjera”, ka thënë udhëheqësi i studimit, Deepak D'Souza.

Lexo më shumë

Nokia humb para, mund të dështojë

Problemet e kompanisë finlandeze, gjigantit botëror të telefonave mobil – Nokia, nuk kanë të ndalur.

Sipas një raporti të publikuar nga Reuters, në gjashtëmujorin e fundit, Nokia ka humbur rreth 2 miliardë euro. 

Në krahasim me pesë vitet e kaluar, Nokia’s i mungojnë 10 miliardë dollarë, mirëpo prej asaj kohe e deri më sot, shumë gjëra kanë ndryshuar, e këto ndryshime kanë ardhur kryesisht nga konkurrentët e kompanisë. 

Sipas parashikimeve, në dy vitet e fundit Nokia mund t’i humb të gjitha paratë, ndërsa edhe analizat tjera thonë se në nëntë muajt e ardhshëm rezultatet financiare do të jenë negative. 

Për ta tejkaluar këtë situatë të vështirë, Nokia do të mund të shesë patentat e saj tek Microsoft, apo të heq dorë nga telefonat e saj të thejshtë, për tu fokusuar vetëm në telefonat e mençur të cilët bazohen në Windows Phone.

Lexo më shumë

Hapen 90 vendvotime për serbët e Kosovës

Në Graçanicë dhe në vendet tjera të Kosovën qendrore janë hapur në mëngjes 90 vendvotime për balotazhin e zgjedhjeve për president të Serbisë.

Zgjedhjet në të cilat thuhet se kanë të drejtë vote mbi 109 mijë vetë mbahen nën organizimin e OSBE-së, ndërsa mund të votojnë personat në lista që kanë dokumente të Serbisë.

"Kam kënaqësinë të lajmëroj se në mëngjes janë hapur të gjitha vendvotimet”, ka thënë kreu i Misionit të OSBE-së në Kosovë, Ambasadori Werner Amhofer, transmeton B92.

Në raundin e parë të 6 majit, një numër i të kthyerve janë ankuar se nuk janë regjistruar për të votuar.

Qendrat e votimit janë të siguruara nga Policia e Kosovës e cila në fund të votimit do t’i përcjellë konvojet me materialet zgjedhore deri te kufiri me Serbinë, meqë votat do të numërohen në Vranjë.

Qendrat e votimit do të jetë të hapura deri në orën 20:00 e në përputhje me rregullat zgjedhore të Serbisë munden të qëndrojnë edhe më gjatë.

Në Komisionet zgjedhore janë nga pesë anëtarë që kanë marrëveshje me OSBE-në, njëjtë si në raundin e parë të zgjedhjeve të 6 majit.

Lexo më shumë

Shqipëria tërhiqet - Shëngjini s’i falet Kosovës

Porti i Shëngjinit nuk do të jetë i Kosovës, pavarësisht premtimeve e deklaratave të mëdha nga kryeministri shqiptar Sali Berisha, por edhe nga zyrtarë të lartë të shtetit shqiptar.

Nga viti 2009, edhe kur zyrtarisht ky port iu fal Kosovës, Qeveria e Shqipërisë nuk ka bërë asnjë hap në realizimin e marrëveshjes për bartje të pronësisë nga Qeveria e Shqipërisë në Qeverinë e Kosovës.

Burime të besueshme të gazetës “Zëri” thonë se Qeveria e Shqipërisë si duket i ka tërhequr fjalët rreth bartjes së pronësisë, pasi që edhe vetë shteti shqiptar ka probleme të mëdha të pronësisë rreth portit.

“Asnjë punë nuk është bërë rreth bartjes së pronësisë, por edhe përgatitjes së infrastrukturës së nevojshme ligjore për ta bërë një gjë të tillë”, tha burimi i besueshëm i gazetës.

Sipas këtij burimi, gjithçka rreth faljes së portit të Shëngjinit do të mbetet në nivel fjalësh. Zyrtarë nga Qeveria e Shqipërisë, por edhe Qeveria e Kosovës nuk duan të flasin rreth kësaj çështjeje. 

Lexo më shumë

Hoxha: Dialogu vetëm teknik, jo ndryshe

Ende pa rinisur dialog Kosovë - Serbi, zyrtarë të Bashkimit Evropian po paralajmërojnë një format të ri të takimeve mes shqiptarëve dhe serbëve. Ata po e presin përfundimin e zgjedhjeve serbe dhe themelimin e Qeverisë së re atje për të nisur raundet e reja mes Prishtinës dhe Beogradit.

Ministri i Jashtëm i Sllovakisë, Miroslav Lajcak, ka përmendur një “format të ri” bisedimesh mes dy palëve pasi dialogu i deritashëm nuk ka dhënë shumë rezultate. Por, Ministri i Jashtëm i Kosovës, Enver Hoxhaj, ka thënë për Express se bisedimet me Serbinë kanë përfunduar më 2007 që kanë rezultuar me shpalljen e pavarësisë.

Ai shton se me Serbinë nuk do të ketë kurrfarë bisedimesh për asnjë pjesë të Kosovës, derisa ka konfirmuar se dialogu teknik duhet të vazhdojnë me qëllim përmirësimin e jetës së qytetarëve të të dyja shteteve. Udhëheqësi i diplomacisë kosovare deklaron se Qeveria e Kosovës i sheh të gjitha zgjidhjet e problemeve në Kosovë, përfshirë edhe Veriun, te zbatimi i Pakos së Ahtisaarit.

“Qëndrimi i Prishtinës zyrtare është i qartë - ai është që ta jetësojmë Pakon e Ahtisaarit dhe për një dialog të brendshëm në mes të Qeverisë së Kosovës dhe qytetarëve të saj në Veri”, ka thënë Hoxhaj.

Lajcak nuk ka dhënë detaje të reja për “formatin e ri” të bisedimeve mes Prishtinës dhe Beogradit. Sipas tij, në dialogun e nisur vitin e kaluar mes dy vendeve duhet të ketë ndryshime në mënyrë që bisedimet të jenë efektive. Por, Hoxhaj mendon se nuk ka nevojë për format të ri të bisedimeve, por jetësim të marrëveshjeve të arritura me ndihmën e Brukselit.

“Çdo dialog mes Kosovës dhe Serbisë ka përfunduar në vitin 2007. Nëse flasim për dialogun teknik është përpjekje që t`i zgjidh problemet dhe çështjet e natyrës praktike në mes dy vendeve që udhëhiqet nga zonja Tahiri dhe z. Stefanovic. Pavarësia e Kosovës është akt i pakthyeshëm. Njohjet e Kosovës kanë një gjeografi globale dhe në asnjë formë nuk ka nevojë për dialog të në mes të Prishtinës dhe Beogradit”, ka thënë Hoxhaj.

Sipas tij, Qeveria dhe institucionet tjera do të punojnë për integrimin e Veriut, sipas modelit që kanë ndjekur edhe me komunat tjera të banuara me shumicë serbe në pjesë tjera të Kosovës.

Ndryshe, vazhdimi i dialogut Prishtinë - Beograd është kushtëzua nga Parlamenti i Kosovës, i cili ka votuar një mocion që e ndalon bisedimet pa u zbardhur të gjithë personat e zhdukur në luftën e fundit. Megjithëkëtë, zyrtarët e Qeverisë kanë thënë se dialogu me Serbinë nuk do të vazhdojë pa u zbatuar shtatë marrëveshjet e arritura gjatë një vitit të bisedimeve që janë zhvilluar në Bruksel dhe janë lehtësuar nga BE-ja.

Në nëntë raunde negociatash në Bruksel, Kosova dhe Serbia janë arritur shtatë marrëveshje, të cilat ende nuk janë zbatuar. 

Lexo më shumë