Thaçi ngushëlloi kryeministrin e Turqisë

Kryeministri i Qeverisë së Republikës së Kosovës, Hashim Thaçi, i ka dërguar një telegram ngushëllimi kryeministrit të Republikës së Turqisë, Recep Tayyip Erdogan, me rastin e vdekjes tragjike të ushtarëve turq në Afganistan.

“Me pikëllim të thellë morëm lajmin e rrëzimit të helikopterit ushtarak në Afganistan, ku humbën jetën ushtarë turq... Ushtarët që e humbën jetën vdiqën heroikisht, për vlerat e çmuara të botës së civilizuar. Në emër të Qeverisë së Republikës së Kosovës dhe të qytetarëve të saj, popullit mik turk dhe qeverisë turke i shpreh ngushëllimet më të thella dhe më të sinqerta”, thuhet në telegramin e ngushëllimit.

Lexo më shumë

Dacic: Thaçi - i përkëdheluri i ndërkombëtarëve

Ministri i brendshëm i Serbisë, Ivica Dacic, duke komentuar deklaratën e djeshme të kryeministrit të Kosovës, Hashim Thaçi, se “shqiptarët do të jetojnë në një shtet nëse ndryshohen kufijtë”, e ka quajtur Thaçin të përkëdhelurin e bashkësisë ndërkombëtare.

Dacic tha se atij i intereson gjendja e serbëve e jo e shqiptarëve, të cilët mund të jetojnë një 5 apo edhe në një shtet.

Duke e quajtur Thaçin “ të përkëdhelurin e bashkësisë ndërkombëtare”, Dacic tha se sikur të bënte ndonjë deklaratë të tillë ndonjë politikan serb, atëherë do të reagonte i gjithë komuniteti ndërkombëtar, raporton Rel.

“Ta kishte deklaruar atë ndonjë politikan serb, tash Këshilli i Sigurimit pranë OKB-së do të kishte mbajtur mbledhje, por meqë atë e ka deklaruar Hashim Thaçi, i cili është i përkëdheluri i bashkësisë ndërkombëtare, deklarata e tij shihet si normale dhe madje duhet duartrokitur. Unë jam këtu si njeriu i parë i policisë dhe jo si politikan dhe nuk do të dëshiroja që të flasë më shumë për atë deklaratë pasi mua nuk më intereson se në sa shtete do të jetojnë shqiptarët, a do të jetojnë në 5 ose në 1 shtet, mua më intereson, që të drejtat e njëjta t’i gëzojnë edhe serbët”, deklaroi Dacic në Shkup, ku mori pjesë në një konferencë kushtuar sigurisë në Evropën Juglindore. 

Lexo më shumë

Humor parlamentar

Në opinionin kosovar, në disa raste është debatuar dhe analizuar gjuha parlamentare në Kuvendin e Kosovës. Deputetët jo rrallë rrëmbehen dhe gjatë debateve, sikur i tejkalojnë kufijtë e fjalës dhe sjelljes etike në institucionin që përfshinë në vete të zgjedhurit e popullit.

Nganjëherë deputetët përdorin edhe batuta, satirë e ironi. Në vijim, do të ndjekim disa nga debatet që kanë përshkuar seancat e legjislativit aktual, filluar nga seanca e të enjtes gjatë debatit për zgjedhjet e paralajmëruara të Serbisë në Kosovë, shkruan Evropa e Lirë .

Më poshtë mund ta lexoni debatin ndërmjet deputetit të LDK-së, Sabri Hamiti dhe zëvendëskryeministrit, Hajredin Kuçi.

“Kam dëgjuar edhe variantin e zëvendëskryeministrit Kuçi, i cili e lakon gjuhën në mënyrë figurative dukagjinqe edhe thotë s’do të rrimë duarkryq, do të thosha që nëse s’janë duart kryq i bie që s’bën asgjë, atëherë duart munden me qenë të shtrënguara që i bie gatitur ose duart e ngritura lart që i bie dorëzohem”, tha Hamiti.

“Profesor Sabri, pasi hyre në këtë logjikën e Dukagjinit, ju jeni dhëndër i Dukagjinit, por s’ti kanë treguar krejt. Kur nuk rrinë duarkryq, nënkupton ose e mbron veten ose i sjell dikujt”, ia ktheu Hamitit, Kuçi.

“Po edhe kjo është dukagjinqe me familje me i shpjegu problemet e mëdha, po unë s’do t’i shpjegoj. Por, që e pranoi që është alternative e pranoi se tha, ose – ose”, ia kthen Kuçit, Hamiti.

Kryesuesit e seancave, nganjëherë janë të shpërqendruar. Kjo i ndodhi edhe kryesuesit Xhavit Haliti, i cili miratimin e rezolutës për moslejimin e zgjedhjeve serbe në Kosovë e ngatërron me pavarësinë e Kosovës.

“Konstatoj që me 76 vota për asnjë kundër, asnjë abstenim, Kuvendi miratoi Republikën... atë rezolutën...”, u ngatërrua Xhavit Haliti.

Ish-partnerët e dikurshëm të koalicionit, PDK dhe LDK jo rrallë ballafaqohen në Kuvend. PDK mbron qeverinë qendrore, ndërkaq LDK qeverisjen në nivelin e komunës së Prishtinës.

Kryeministri Hashim Thaçi dhe shefi i grupit parlamentar të LDK-së, Ismet Beqiri janë shpesh protagonist të replikave të ndërsjella se kush po qeverisë më mirë.

“Unë e di që të pat mbet pak merak me qenë pjesë e qeverisë së kaluar, por partia e jote vendosi që t’i të mos jesh për shkak të dështimeve pesëvjeçare që të ka ndodhë në kryeqytet- Prishtinë”, i drejtohet Thaçi deputetit Beqiri.

“Sa i përket dështimit pesë vjeçar, ju alodoni se unë kam qenë kryetar komune, po të kanë tregu votat. Ka me të mbet merak se asnjëherë s’ke me e marrë Prishtinën”, ia kthen kryeministrit, Beqiri.

Gjatë seancave, debatet më të zjarrta janë zhvilluar ndërmjet deputetit të Vetëvendosjes Florin Krasniqi dhe atij të PDK-së, Bekim Haxhiu, i njohur me nofkën Kamishi.

Ja se si debatojnë ata në foltoren e Kuvendit të Kosovës. “Kamish mshele, kur të foli unë. Kur të foli unë, mshele”, i drejtohet me ton të lartë Florin Krasniqi deputetit Haxhiu.

“Ky është tempulli i demokracisë zotni Krasniqi. Sa buburreci je i vogël me i than dikujt mshele...bash shumë i ulët je”, ia kthen Haxhiu.

Fjalori joparlamentar dhe ngritja e çështjeve jashtë rendit të ditës, nganjëherë e bën nervoz kryetarin e Kuvendit, Jakup Krasniqi.

“Ngritni çështjet për të cilat është bërë kjo pikë e rendit të ditës jo për gjithçka, mos e bëni Parlamentin strajcë, strajcë të lypëses. Ju lutem a”, u drejtohet deputetëve kryeparlamentari Krasniqi.

Debatet parlamentare për dialogun me Serbinë zakonisht kanë nxitur reagime të ashpra të opozitës.

Ja se çka i thanë kryenegociatores Edita Tahiri, deputeti i AAK-së, Ardian Gjini dhe deputetja e LDK-së, Vjosa Osmani.

“Zonja Edita Tahiri me syza të diellit piktoreske, kur kthehet prej Brukselit thotë kemi pas një bisedim shumë substancial”, përshkruan sjelljen e kryenegociatores Tahiri, deputeti i AAK-së, Gjini.

“Në njëvjetorin e dialogut ajo ka zgjedhur që të festoj dështimet e Kosovës në këtë proces për 8 Mars me koleget e saj në Shqipëri. Në fakt, unë do t’i rekomandoja asaj (Edita Tahirit) që as mos të kthehet fare kur shkon në udhëtimin e ardhshëm”, rrëmbehet Vjosa Osmani.

E si e nisi dialogun Edita Tahiri dhe çka u pati thënë ajo deputetëve që nuk besonin në bisedimet me Serbinë.

“Ju mas pari më njihni mua. Unë jam 20 vjet në politikë...20 vjet kam luftuar për pavarësinë e Kosovës. Po a mendoni se mund të shkoj në Bruksel për diçka tjetër përveç se me e forcu pavarësinë”, zotohet bindshëm Edita Tahiri.

Kryetari i Kuvendit Jakup Krasniqi, në disa raste me qëndrimet e tij ka qenë më afër opozitës sesa qeverisë. Por, nganjëherë kur ai konsideron se opozita e teproi, ja se si u kundërpërgjigjet akuzave.

“Pa jo bre se e patët bë fet edhe ju kur keni qenë në pushtet”, i drejtohet opozitës, përkatësisht LDK-së, Jakup Krasniqi. 

Lexo më shumë

A na njohën Uganda e Nigeria?

Zëvendëskryeministri Behgjet Pacolli i kishte prezantuar si njohje komunikimet me presidentin e Ugandës dhe zyrtarë të Nigerisë, por nota verbale, me të cilat Kosova do të njihej formalisht, nuk i janë dërguar asnjëherë institucioneve të Kosovës nga këto dy shtete afrikane. “Njohja” nga Uganda, e shpallur pikërisht në Ditën e Pavarësisë, është bazuar në një letër që presidenti i këtij vendi i kishte dërguar Pacollit në dhjetor 2011.

Notat zyrtare të njohjes nga Uganda dhe Nigeria nuk kanë arritur asnjëherë në Ministrinë e Punëve të Jashtme (MPJ) të Kosovës, megjithëse zëvendëskryeministri Behgjet Pacolli i ka prezantuar “njohjet” tash sa kohë para gazetarëve.

Zyrtarë të MPJ-së i thanë Gazetës Jeta në Kosovë se “janë në pritje të notave verbale” nga këto dy shtete afrikane.

Ndërsa përfaqësues të opozitës e quajtën joserioze që MPJ i prezanton si njohje, përfshirë në faqen e saj të internetit, edhe ato që nuk janë konfirmuar. 

Lexo më shumë

Vëllai i kryeministrit, drejtor i BKS-së, me pagë 4 mijë euro

Gani Thaçi, vëllai i Kryeministrit të vendit Hashim Thaçi, këtë javë është avancuar në detyrë. Nga pozita e zëvendësdrejtorit të Shoqatës së Kompanive të Sigurimeve ka kaluar si Drejtor Ekzekutiv i Byrosë Kosovare të Sigurimit (BKS), për të cilin post do të paguhet rreth 4 mijë euro në muaj.

Ky institucion mbikëqyret nga Banka Qendrore e Kosovës (BQK) dhe e përfaqëson Kosovën në byronë ndërkombëtare të kartonit të gjelbër. Ky mekanizëm mundëson kalimin e kufijve pa paguar sigurime kufitare shtesë, raporton Gazeta Jeta në Kosovë.

Rrahim Pacolli, kryetar bordi i BKS-së, ka thënë të enjten për Gazetën Jeta në Kosovë se “Gani Thaçi i plotësonte më së shumti kriteret për këtë pozitë”.

Bordi Drejtues i kësaj byroje në konkursin e hapur më 29 shkurt e të mbyllur më 6 mars të këtij viti kishte vënë si kriter që drejtori të ketë tri vite përvojë menaxheriale.

Thaçi, sipas Pacollit, kishte 3 vjet e gjysmë si zv/drejtor në Shoqatën e Kompanive të Sigurimeve. Gjithsej ka pasur dymbëdhjetë kandidatë për këtë pozitë.

“Ka pasur edhe kandidatë që kanë pasur më shumë vite përvojë pune. Përvoja e tyre ishte jashtë kompanive të sigurimeve”, ka thënë Pacolli, njofton Jeta në Kosovë.

Nga të gjithë kandidatët, më së shumti përvojë menaxheriale kishte pasur Nuredin Krasniqi, ish-ushtrues detyre i Kryeshefit Ekzekutiv të Postë-Telekomit të Kosovës (PTK). Më parë ai kishte punuar edhe si Drejtor Financiar në PTK si dhe si administrator i Bankës Kreditore të Prishtinës i emëruar nga BQK-ja pasi banka ishte në falimentim e sipër.

Kryetari i Bordit të Byrosë, Pacolli, e ka përshkruar si pozitë me përgjegjësi postin e Drejtorit Ekzekutiv të BKS-së. Paga në këtë vend pune, sipas tij, është afër 4 mijë euro.

Rrahim Pacolli që drejton kompaninë e sigurimeve Dardania për një kohë ka drejtuar edhe subjektin politik Aleanca Kosova e Re (AKR) që është në koalicion me Partinë Demokratike të Kosovës (PDK) që udhëhiqet nga i vëllai i Drejtorit të ri të Byrosë Kosovare të Sigurimeve.

“Nuk ka pasur asnjë intervenim nga jashtë. Nuk më ka thënë askush që të emërojë këtë apo atë. Gani Thaçi ka ardhur në intervistë tek unë dhe i ka plotësuar kriteret për këtë pozitë”, ka thënë Pacolli.

Byroja Kosovare e Sigurimit u themelua më 1 gusht të vitit 2011. Kompanitë e sigurimit që operojnë në Kosovë kishin nënshkruar marrëveshjen për themelimin e saj.

Lexo më shumë

Kelmendi: Bukoshi e Mustafa shpërdoruan miliona të 3-përqindëshit

Në një intervistë për gazetën “Kosova Sot”, themeluesi i LPK-së, Ibrahim Kelmendi flet për vrasjen e vëllezërve, Jusuf e Bardhosh Gërvalla e Kadri Zeka, duke thënë se ka fakte se ato i ka kryer Riza Salihu. Kelmendi shfajëson veten.

Kelmendi flet edhe për fondin “Vendlindja Thërret”, pjesë të e cilit ka qenë, por edhe për Fondin e 3-përqindëshit.

Për 3 përqindëshin ka thënë: “Vërtet jam shqetësuar, kur një qeveritar gjerman gjatë luftës më pati thënë se nga Fondi i 3-përqindëshit zotërinjtë Bujar Bukoshi dhe Isa Mustafa i kanë dërguar 500 milionë DM (Marka gjermane) në Beograd, por ende nuk kishin informata të sakta, nëse i kanë investuar atje, ose ia kanë dhuruar Qeverisë së Miloshevicit. Pastaj kam dëgjuar nga njerëz të informuar se në atë fond kanë hyrë mbi një miliard euro dhe pjesa më e madhe e tyre janë ‘avulluar””...

Ndaj këtyre deklaratave ka reaguar Isa Mustafa, duke e quajtur Ibrahim Kelmendin njëri të ndyrë dhe të çmendur.

“Nuk kam asnjë reagim, është një gënjeshtër e pastër se kam dëgjuar mirë, por duhet të jetë njeriu i çmendur që të jap vlerësime të tilla. Me njerëz të ndytë nuk merrem sepse nuk humbi kohë kotë, sepse kjo është një ndyrësirë sepse më së pari ne si kemi pasur 50 milionë, janë shumë të mëdha që t’i kesh e lere më t’i qosh në Beograd. S’kemi çka të merrem me të as me shpifje apo gjëra të tilla sepse, janë gjëra të ndyta”, ka thënë Mustafa.

Lexo më shumë

Protestë kundër policave të sigurimeve

Shqiptarët e Luginës së Preshevës dhe Lëvizja e Re nesër në orën 14.00 do të organizojnë një protestë me moton “Hiqni tarifat”, duke kërkuar nga qeveria e Serbisë dhe ajo e Kosovës heqjen e policave të sigurimeve për qytetarët e Luginës.

Protesta do të mbahet në Muçibabë, afër vendkalimi kufitar Dheu i Bardhë ndërmjet Kosovës dhe Serbisë, ku do të kërkohet që të hiqen tarifat e policave të sigurimeve tëvendosura në bisedimet ndërmjet delegacionit të Kosovës dhe Serbisë në Bruksel.

Sipas  marrëveshjes së arritur qytetarët e Luginës së Preshevës janë të obliguar që për hyrje në Kosovë të paguajnë policë sigurimi në vlerë prej 60 euro për dy javë, njofton agjencia informative "Presheva jonë".

Lexo më shumë

Bujqësia, mundësi e mirë për biznes

Bujqësia nuk mund të shihet vetëm si një resurs i mbijetesës së njerëzve, por edhe si një mundësi shumë e mirë për të bërë biznes, pasi që kjo fushë premton shumë për ata që mendojnë të merren me të. Kështu u vlerësua nga të pranishmit të premten në një tryezë me temën “Bujqësia si një biznes”, me ç’rast u prezantuan dy raporte, ai i përmirësimit të biznesit për fermerë, i hartuar nga Helvetas Swiss Intercoorporation, dhe çështja e TVSh-së në Kosovë, i hartuar nga Instituti Riinvest.

Nils Roremann, nga Zyra zvicerane në Kosovë, ka thënë se qëllimi i kësaj konference është që të promovohet sektori i këtij biznesi, i cili ka një perspektivë afatgjate.

"Qëllimi i konferencës së sotme është të promovojë këtë sektor si një biznes të përditshëm dhe perspektivë afatgjatë. Kjo do të thotë se fermerët nuk do të prodhojnë vetëm për nevojat e tyre, por edhe për tregun lokal dhe për të identifikuar potencialin e tyre për tregun rajonal dhe ndërkombëtar”, ka thënë ai.

Ai ka shtuar se për projekte të tilla nuk do të mungojë mbështetja e Zyrës Zvicerane në Kosovë.
Ndërsa, ministri i Ministrisë së Bujqësisë, Pylltarisë dhe Zhvillimit Rural, Blerand Stavileci, ka thënë se është hapë një etapë e re për bujqësinë dhe për të gjithë ata që merren me të.

Por ai ka përmendur edhe pengesat në këtë sektor duke thënë se më shumë është mentaliteti psiko-sociologjik i njerëzve që bujqësinë e kanë parë më shumë si një fushë për ekzistencën e tyre se sa si një mundësi të mirë për biznes.

“Ajo që e pengon më së shumti për ta kuptuar bujqësinë si një biznes, mundësitë që ajo ofron për të kaluar në stadin komercial të saj, janë më shumë karakteristika dhe veçori të natyrës, më shumë psiko-sociologjike të njerëzve tek ne, të fermerëve tek ne, të cilët normalisht se për shkak të kaluarës dhe një niveli jo shumë të lartë të edukimit, e kanë parë më shumë bujqësinë si një aktivitet ekzistencial dhe jo si një mundësi për të bërë biznes”, ka thënë ai.

Ndërkaq, Nora Efendija – Gola, zyrtare për biznes në “Intercoorporation”, ka thënë “Nuk presim ndonjë mrekulli pas kësaj konference dhe nuk presim që të gjithë fermerët të bëjnë regjistrime ose të gjitha bizneset në agro-kulturë të regjistrohen menjëherë, mirëpo është një çështje e cila duhet të ngritët, si nga ana e shoqërisë civile, si nga ana e prodhuesve po ashtu edhe nga ana e qeverisë”, ka thënë ajo.

Kurse Fisnik Bajrami nga Instituti Riinvest, i cili e prezantoi hulumtimin për çështjen e TVSh-së në Kosovë, ka thënë se hulumtimi i tyre ka nxjerrë se TVSh-ja nuk është pengesë për zhvillimin e një biznesi në Kosovë, e sidomos të agro-kulturës, pasi që TVSh-ja nuk paguhet nga prodhuesi, por paguhet nga konsumatori.

“Studimi jonë është iniciuar nga vetë akterët e sektorit, meqenëse deri tani ka qenë një breng shumë e madhe për shkak se të gjithë akterët që marrin pjesë në bujqësi, e posaçërisht në hortikulturë, kanë besuar se TVSH-ja e lartë, pra 16 për qind që është në këtë sektor si në gjithë sektorët e tjerë, shkakton shumë problem në zhvillimin e biznesit të tyre. Specifikisht ata kanë menduar që TVSH-ja është shkaktari kryesor i ngritjes së çmimit të tyre, prandaj ata kanë besuar në njëfarë mënyre edhe këtë e them nga hulumtimet që i kemi bërë ne paraprakisht se ata kanë besuar se TVSH-ja e lartë nuk mund të jetë, pra duhet të ulët TVSH-ja në mënyrë që të ketë një zhvillim më të lart”, ka thënë ai.

Ai ka shtuar se ulja e TVSh-së siç kërkohet nga shumë biznese, do ta nënkuptonte ngritjen e standardit të jetesës së tyre, e jo zhvillimin më të madh të biznesit në vend. 

Lexo më shumë

Vendimi për Hotel “Grandin” shtyhet për 29 mars

Agjencia Kosovare e Privatizimit përmes një komunikate njoftoi se Komisioni i Bordit të Drejtorëve për Spin-ofe Speciale dje kishte shqyrtuar situatën rreth Hotelit “Grand”. Por pasi kishte parë dokumentacionin e pranuar nga blerësi i ndërmarrjes së re “Hotel Grand“, të sjellë në Agjenci, Komisioni nuk ishte bindur që të kërkojë nga Bordi anulimin e vendimit të 16 dhjetorit 2011 për kthim të aksioneve.

Mirëpo, nga dokumentacioni i pranuar Komisioni ka konstatuar se ekziston vullneti i mirë i blerësit që t’i përmbushë zotimet e marra dhe ka kërkuar nga Bordi që ta shtyjë ekzekutimin e vendimit për kthim të aksioneve.

Bordi i është përgjigjur pozitivisht kësaj kërkese dhe si rrjedhojë afati për ekzekutim të vendimit për kthim të aksioneve të Hotelit “Grand” është shtyrë deri në mbledhjen e ardhshme të Bordit, që do të mbahet më 29 mars të këtij viti, saktëson komunikata.

Dje u njoftua se blerësi zyrtar i “Grandit”, Zelqif Berisha, kishte pranuar se bashkëpronarë të hotelin ishin edhe “Mabetex” e “Eurokoha”, të cilit që më herët thuhej se kishin paguar 60 për qind të vlerës së tij.

Lexo më shumë

Jeta Faqolli duet me Kellyn në “Top Fest 9”

Edhe këngëtarja Jeta Faqolli do të jetë njëra ndër konkurrentet në “Top Fest 9”.

Ajo edhe këtë herë do të performoj në festivalin “Top Fest 9”, ku do të jetë bashkë me këngëtarin Kellyn. Kënga që do ta prezantojnë ata titullohet “Vetëm jeto” që sipas Jetës është punuar mjaftë shumë në të. Mbase sukseset janë në pritje.

Kemi punuar mjaftë shumë në këtë këngë me të cilën do të prezantohemi në festivalin “Top Fest 9”. Në këtë festival kam marrë pjesë edhe disa herë dhe kjo më bënë të ndjehem mirë se kam rastin të promovoj këngë të reja. Uroj që çdo gjë të shkoj mirë në paraqitjen tonë të enjten mbrëma”, ka thënë ajo. 

Lexo më shumë

iPhone, më i miri

Sipas sondazhit të fundit për kënaqësinë e konsumatorëve me telefonat e mençur mobil, të bërë nga firma e hulumtimeve JD Power, iPhone ka zënë vendin e pare edhe për një herë më shumë, pasi që kjo hera e 7 rresht që Apple ka qenë në pozitën më të lartë të sondazheve për kënaqësinë e konsumatorëve.

Për ta realizuar hulumtimin e saj, JD Power ka anketuar 7,080 pronarë të telefonave të mençur, ndërsa gjetjet kryesore të analizës janë kënaqësia me iPhone 4 dhe iPhone 4S, të cilët kryesojnë listën me 839 pikë nga 1.000 gjithsejtë, ndërsa vendin e dytë e zë HTC, me 789 pikë.

Sondazhi u zhvillua nga korriku deri nw dhjetor të vitit 2011, ndwrsa pyetjet qw u morrwn në konsideratë përfshinin gjëra si, lehtësinë e përdorimit, performancën, dizajnin dhe veçoritë e ndryshme.

Lexo më shumë

Jahjaga ndërkombëtarëve: Ndalni zgjedhjet serbe, rrezikojnë dialogun

Presidentja e vendit, Atifete Jahjaga i ka dërguar një letër presidentit të Këshillit Evropian, Herman von Rompuy, shefes së politikës së jashtme të BE-së, Catherine Ashton dhe shteteve të Quint-it, në të cilën shpreh shqetësimin lidhur me paralajmërimet e Republikës së Serbisë për të mbajtur zgjedhjet e saj lokale edhe në territorin e Republikës së Kosovës, duke e vlerësuar këtë si shkelje të sovranitetit të shtetit të Kosovës.

Presidentja në letrën dërguar ndërkombëtarëve thekson se tolerimi i këtij akti, të ndërmarrë nga Republika e Serbisë, gjithashtu rrezikon dialogun e ndihmuar nga BE-ja dhe zbatimin e të gjitha marrëveshjeve të arritura ndërmjet Republikës së Kosovës dhe Republikës së Serbisë.

“Ju bëj thirrje Bashkimit Evropian dhe gjithë bashkësisë ndërkombëtare që të tregojnë vendosmëri në mos lejimin e mbajtjes së këtyre zgjedhjeve në territorin e Republikës së Kosovës. Republikës së Serbisë duhet t’i bëhet e qartë se një nga kërkesat kyçe për rrugën e saj drejt integrimit në BE është parimi i respektimit të fqinjësisë së mirë”, shprehet Jahjaga.

Ajo në letrën e saj dërguar ndërkombëtarëve po ashtu thekson se vendimi për mbajtjen e zgjedhjeve lokale serbe në Kosovë, sfidon fuqishëm integritetin territorial dhe provokon destabilizimin e Kosovës, duke shtuar se Republika e Kosovës nuk mund të lejojë asnjë shtet fqinj, ose përfaqësuesit e tij që drejtojnë strukturat paralele brenda territorit tonë, që të organizojnë çfarëdo zgjedhjesh kudo qoftë në Republikën e Kosovës.

“Që nga shpallja e pavarësisë në shkurt të vitit 2008, Republika e Kosovës është ndërtuar mbi parimet e demokracisë me synime të qarta për anëtarësim në organizatat euroatlantike. Bashkimi Evropian, për shumë vjet ka luajtur një rol të rëndësishëm në Kosovë në ndërtimin e një shoqërie demokratike, gjithëpërfshirëse dhe një shoqërie që respekton ligjin. Rruga jonë evropiane është një përpjekje e përbashkët me BE-në dhe bashkësinë ndërkombëtare për të ndërtuar një shtet stabil, faktor paqeje dhe stabiliteti dhe një shembull të respektimit të të drejtave të njeriut për të gjithë qytetarët e vendit”, shprehet presidentja.

Më tej ajo thekson “Si Presidente e Republikës së Kosovës unë jam e përkushtuar ndaj këtyre parimeve demokratike. Prandaj, po ju shkruaj për të shprehur shqetësimin tim të thellë me paralajmërimet e Republikës së Serbisë për të mbajtur zgjedhjet e saj lokale edhe në territorin e Republikës së Kosovës, me të cilat shkel sovranitetin e shtetit tim, sfidon fuqishëm integritetin territorial dhe provokon destabilizimin e Kosovës. Republika e Kosovës nuk mund të lejojë asnjë shtet fqinj, ose përfaqësuesit e tij që drejtojnë strukturat paralele brenda territorit tonë, që të organizojnë çfarëdo zgjedhjesh kudo qoftë në Republikën e Kosovës”.

Presidentja vlerësoi se çfarëdo përpjekje e Republikës së Serbisë për të organizuar zgjedhje në territorin e Republikës së Kosovës shkel normat dhe ligjet ndërkombëtare si dhe parimet themelore Evropiane. dhe si të tilla këto përpjekje janë të papranueshme dhe ilegale.

Sipas saj, procesi i zgjedhjeve lokale dhe çdo lloj zgjedhjesh të tjera në Republikën e Kosovës, përcaktohet nga institucionet e saj dhe me ligjet e Kushtetutën e Republikës dhe ato zhvillohen në gjithë territorin e Kosovës.

“Mbajtja e zgjedhjeve të Republikës së Serbisë në territorin e Republikës së Kosovës shënon një kthim prapa të përpjekjeve të bashkësisë ndërkombëtare dhe qytetarëve të Kosovës, që kanë punuar shumë në dy dekadat e fundit për të rikthyer normalitetin në rajon. Është kthim prapa i progresit të përbashkët të arritur me aq shumë mund në tejkalimin e dallimeve të së kaluarës, progres i cili ka hapur rrugën drejt integrimeve në BE për vendet tona respektive dhe qytetarët e rajonit. Është kthim në retorikën dhe veprimet e së kaluarës që nuk i përkasin një vendi i cili kërkon anëtarësim në BE”, shprehet ndër të tjera Jahjaga.

Presidentja në këtë letër po ashtu i përkujton faktorit ndërkombëtarë se institucionet e Kosovës e kanë përfunduar me sukses procesin e decentralizimit, që ka mundësuar krijimin e komunave të reja me shumicë serbe, siç është paraparë me Propozimin Gjithëpërfshirës për Statusin, i cili garanton një gamë të gjerë të të drejtave për komunitetin serb në Republikën e Kosovës.

Lexo më shumë

Nisi ndërtimi i Sheshit “Ibrahim Rugova”

Ka nisur ndërtimi i Sheshit të Pavarësisë "Ibrahim Rugova" në kryeqytet. Me ceremoni të organizuar me këtë rast punimet në ndërtimin e sheshit nisën përballë ish-hotel "Iliria", tash “Swiss Daimond”.

Me këtë shesh që nisi të ndërtohet, si dhe sheshet e tjera, premtohet se kryeqyteti i Kosovës do të marrë pamjen e një metropoli.

Sheshi "Ibrahim Rugova" shtrihet përballë institucioneve të Kosovës dhe do të ketë 13 mijë metra katrorë. Sipas parallogarive ai dhe do të kushtojë mbi katër milionë euro, raporton Koha.net.

Në hapësirën ku shtrihet ky shesh ka filluar edhe ndërtimi i “Unionit”, një objekti për të cilin pati shumë debate e mosmarrëveshje midis partizanëve të ruajtjes së trashëgimisë kulturore dhe atyre që i kanë paratë.

Lexo më shumë

I mëson qentë të luajnë piano (Video)

Një franceze ka vendosur që t’i mësojë dy qentë e saj që të luajnë në piano.

Pronarja e qenve ka lansuar një video në YouTube, në të cilën shihen dy të dashurit e saj duke tentuar të bëjnë muzikë.

Qentë qëndrojnë ulur pranë njëri-tjetrit dhe shtypin tastet pas tingullit që bën instrumenti i pronares së tyre.

Lexo më shumë

Britanikët mendojnë se Mount Everesti ndodhet në Britani të Madhe

Çdo i pesti britanik mendon se maja më e lartë në botë, Mount Everest, ndodhet në Britani të Madhe. Këto janë rezultatet e një ankete shokuese, e cila po ashtu ka zbuluar se çdo i pesti britanik nuk i di shtetet nga të cilat përbëhet Mbretëria e Bashkuar.

Nga ana tjetër, çdo i njëzeti britanik nuk e di se monumentit historik Stonehenge ndodhet në Britani të Madhe.

Kompania “Journeys of Distinction”, e cila e ka bërë anketën, e ka fajësuar internetin për mosnjohurinë e përgjithshme.

Sipas shpjegimit të kësaj kompanie, secili informacion mund të gjendet vetëm me një klik në internet, prandaj njerëzit nuk mendojnë se duhet të mbajnë mend ndonjë informacion. 

Lexo më shumë

Shorti i Ch.League: Milan-Barcelona

Sapo përfundoi hedhja e shortit për fazën çerekfinale të Champions League për sezonin 2011-2012. Shorti i hedhur në Nyon të Zvicrës ka vënë përballë tyre ekipe që kanë bërë historinë në Kupat e Europës. Interesante janë përballjet: Milan-Barcelona, Benfica-Chelsea. 
Ndërkohë ka buzëqeshur shorti për Real Madrdi që do të luajë kundër Apoel Nicosia.
Ja ndeshjet: 
Apoel Nicosia - Real Madrid 
Olympic Marseille – Bayern Munchen 
Benfica - Chelsea 
Milan - Barcelona 

Në gjysëmfinale përballja do të jetë e tillë: 
Fituesja e çiftit Marseille-Bayern do të ndeshet me çifti Apoel-Real Madrid.                                                                   Ndërsa çifti Benfica-Chelsea do të ndeshet në gjysëmfinale me fituesen e çiftit Milan-Barcelona 

Lexo më shumë

Mustafa i jep ortakut tender prej gjysmë milioni euro

Komunës së Gjilanit, Qemajl Mustafa, i ka dhënë tender në vlerë gjysmë milioni euro kompanisë së bashkortakut të tij dhe kompanisë që i ka bërë fushatën elektorale.

Gjatë vitit 2011 Mustafa i ka dhënë tenderë Mustafë Shalës me të cilin janë ortakë në kompaninë “Fruta Viva”, derisa tenderi në komunë është marrë përmes kompanisë “Compact Group”, në vlerë 257 mijë euro. Kompania tjetër “Viva Print”, e cila ishte e kontraktuar që t’i bënte fushatën PDK-së në zgjedhjet lokale në Gjilan, gjatë vitit 2011 ka marrë punë nga komuna në vlerë 255 mijë euro.

Kreu i Gjilanit, Qemajl Mustafa, ka mohuar të ketë ndikuar direkt në dhënien e tenderëve për këto kompani, duke thënë se kompanitë në fjalë kanë marrë punë bazuar në ligj.

“Kompanitë në fjalë, i kanë fituar punët bazuar në ligj dhe 100 për qind ndershëm. Ato kompani kanë bërë punët ndershëm skajshmërisht”, ka thënë Mustafa , shkruan “Zëri”.

Ai e ka përsëritur qëndrimin e tij, për sa i përket përkrahjes së aktivistëve të PDK-së. “E kam thënë gjatë pesë fushatave zgjedhore dhe po e përsëris edhe tani, që për kushte të barabarta do t’u japim punë dhe punësim me ligj aktivistëve të mirë të PDK-së”, ka thënë Mustafa, duke shtuar se këta aktivistë u kanë mundësuar që kjo parti të vijë në pushtet.

Lexo më shumë

Qeveria: OSBE-ja mund t’i organizojë zgjedhjet nacionale serbe

Kosovarët me shtetësi edhe të Serbisë nuk do të mund të realizojnë të drejtën e votës në zgjedhjet presidenciale dhe në ato parlamentare serbe, nëse fqinji verior do të insistojë që zgjedhjet t’i organizojë vetë në Kosovë. E kundërta mund të ndodhë nëse zgjedhjet i organizon një mekanizëm ndërkombëtar.

Zëvendëskryeministri Hajredin Kuçi i ka thënë gazetës “Koha Ditore”, të enjten se praktika e deritashme tani do të stopohet.

“Zgjedhjet nacionale nuk mund të mbahen pa një koordinim, pa një pëlqim dhe pa organizim të institucioneve vendore”, ka thënë numri dy i Qeverisë, Kuçi. “Nuk mund të mbahen zgjedhjet, por vetëm në kuptimin për t’ua mundësuar serbëve, nëse ata dëshirojnë të votojnë”.

Me Kushtetutë të Kosovës qytetarët gëzojnë të drejtën e dyshtetësisë. Për rrjedhojë, mund të marrin pjesë edhe në procese të këtilla zgjedhore nacionale, siç janë zgjedhjet. Sikur të kishte raporte ndërfqinjësore Kosovë-Serbi, midis të tjerave forma votimi, vota do të mund të hidhej edhe në kuti në ambasada, konsullata apo vende të tjera.

Një burim i gazetës ka thënë se kryeministri Thaçi ia ka transmetuar Brukselit zyrtar se organizimi i zgjedhjeve nga Serbia do të ndeshet me forcën që ka Kosova. Sipas tij, këtë do ta bëjë të qartë edhe Përfaqësuesi Special i Bashkimit Evropian për Kosovën, Samuel Zbogar, në raportin e radhës për Brukselin.

Ndërkaq, autoritetet në Kosovë kanë përmendur disa nga mekanizmat ndërkombëtarë që do të mund të merreshin me zgjedhjet serbe, përjashtuar ato lokale.

“Në asnjë rast nuk mund t’i realizojë nëse ato nuk janë të organizuara nga institucionet vendore, që mund të jenë edhe OSBE-ja, Komisioni Evropian, apo dikush tjetër. Pra, qysh bëhet në shtetet tjera”, ka thënë zëvendëskryeministri Kuçi.

Lexo më shumë

Zgjedhjet në Kosovë i organizon Prishtina, jo Beogradi

Komisioneri evropian për Zgjerimin, Stefan Fule, ka deklaruar mbrëmë se "Serbia nuk duhet të organizojë zgjedhje në Kosovë".

"Zgjedhjet lokale në Kosovë i organizon Prishtina, e jo Beogradi. Këtë çështje nuk duhet ta ngatërrojmë më - kjo nuk është në pajtim me synimet drejt BE-së", ka shkruar Fule në porosinë që ka bërë në Twiterin e vet.

Lexo më shumë

Zgjedhjet në Kosovë i organizon Prishtina, jo Beogradi

Komisioneri evropian për Zgjerimin, Stefan Fule, ka deklaruar mbrëmë se "Serbia nuk duhet të organizojë zgjedhje në Kosovë".

"Zgjedhjet lokale në Kosovë i organizon Prishtina, e jo Beogradi. Këtë çështje nuk duhet ta ngatërrojmë më - kjo nuk është në pajtim me synimet drejt BE-së", ka shkruar Fule në porosinë që ka bërë në Twiterin e vet.

Lexo më shumë

Rusia mbetet partneri më i afërt i Serbisë

Ministri i Jashtëm i Rusisë, Sergei Lavror dhe ai i Serbisë, Vuk Jeremic kanë deklaruar se qëndrimet e Rusisë dhe Serbisë, sa i përket çështjes së Kosovës përputhen në tërësi.

Në konferencën për shtyp, pas bisedimeve, siç raportojnë mediat serbe të dy ministrat kanë thënë se kjo çështje mund të zgjidhet vetëm me respektimin e së drejtës ndërkombëtare, rezolutës 1244 dhe në dialogun Beograd – Prishtinë.

Ministri i Jashtëm i Serbisë ka theksuar se “praktikisht nuk ka kurrfarë ndryshimesh në marrëdhëniet e Serbisë dhe Rusisë”, pasi Beogradi e ka fituar statusin e kandidatit për pranim në Bashkimin Evropian.

Lexo më shumë

Simeone: Pjesa e dytë ndaj Besiktas, e përkryer

Trajneri i Atletico Madrid, Diego Simeone, ka lavdëruar paraqitjen e djelmoshave të tij në fitoren 3-0 ndaj Besiktas në Europa League.

Një gol në pjesën e parë nga Adrian dhe dy gola të vonshëm nga Radamel Falcao dhe Eduardo Salvio, ndihmuan Atleticon të kualifikohet me lehtësi në çerekfinale të garës evropiane, me rezultat 6-1 nga të dyja ndeshjet.

“Jemi shumë të kënaqur. E dinim se do të vuajmë në 15 minutat e para. Por që atëherë ne filluam ta ndërtojmë ndeshjen, ne ishim ca më të qetë dhe kishim një përfundim të mirë në pjesën e parë. Pjesa e dytë ishte e përkryer”, ka thënë Simeone. 

Lexo më shumë

Emery: Arritëm ta kontrollojmë PSV-në

Trajneri i Valencias, Unai Emery, është i kënaqur me kualifikimin e kudrës së tij për në çerekfinale të Europa League, që eliminoi belgët e PSV me rezultat 5-3 nga të dyja ndeshjet.

“Ne jemi të kënaqur që kemi arritur në çerekfinale dhe po ashtu të kënaqur me qasjen tonë, pasi luajtëm lojën tonë dhe luajtëm sigurt”.

“Në këtë kuptim, ne bëmë punën tonë dhe ishim në gjendje ta kontrollojmë ndeshjen, bazuar në rezultatin nga ndeshja e parë”.

“Ne kishim shumë respekt për PSV. E dinim potencialin e tyre sulmues dhe ata kishin shumë shanse për të shënuar, edhe pse ne po ashtu treguam mençuri kur është fjala te sulmi”, ka thënë Emery.

Lexo më shumë

Mark Marku thotë “Për ty”

Talenti kosovar i cili njëri ndër konkurrentët më të fort në “Hrvatska trazi zvijezdu” (Kroacia kërkon yllin) ka realizuar këngën më të re “Për ty”.

Ai sapo ka hedhur në Youtube audion e këngës “Për ty”, ndërsa nuk dihet nëse do të shoqërohet me videoklip.

Kënga është realizuar me muzikë të Miroslav Buljan, ndërsa teksti nga Kastriot Marku.

Më poshtë mund ta dëgjoni këngën “Për ty”. 

Lexo më shumë

Kina dominon

Kina gjatë çerekut të dytë të vitit të kaluar u bë fuqia udhëheqëse për nga numri i shfrytëzuesve të smartphonëve. Siç beson IDC, këtë vit ky trend do të vazhdoj.

Ni nivelin global Kina deri në fund të vitit pritet të posedoj 20.7% të tregut që do të arrihet me 137 milion njësi sa pritet të shiten në tregun kinez. Vitin e kaluar posedimi i Kinës në tregun global ishte 18.2%. Njëkohësisht, posedimi i SHBA-ve do të zvogëlohet nga 21.3% në 20.6%, e në IDC parashikojnë se në botë këtë vit do të shiten krejtësisht 660 milion smartphonë.

Numri i shfrytëzuesve të smartphonëve në SHBA do të vazhdoj të rritet, por jo me shpejtësi kaq të madhe si në Kinë, thonë analistët. Pranimit më të shpejtë të smartphonëve po i kontribuojnë modelet më të lirë me Android dhe iPhonei. Çmimi mesatar shitës i një smartphonei në Kinë pa llogaritur lirimet e operatorëve mobil, është 325 dollarë derisa iPhone po shitet me çmim mesatar dukshëm më të lartë prej 760 dollarë. 

Lexo më shumë

Kinezët mund të kopjojnë gjithçka (Foto)

Studentët kinezë nga Universiteti Chengdu kanë mbajtur një revy mode, në të cilën i kanë kopjuar në tërësi modelet e shtëpisë së veshjeve të brendshme, “Victoria’s Secret”, madje kanë kopjuar edhe koreografinë dhe skenografinë evenimentit të modës.

Modelet kineze (studentet) janë shfaqur në pistë me krahë të mëdha të ndërtuar nga materiale të ndryshme.

Manekinet kanë marrë poza të njëjta sikurse ‘Engjëjt e Victorias’, ndërsa reagimet kanë qenë të ndryshme.

Disa kritikë i kanë akuzuar për plagjiat, megjithatë ka pasur edhe komente pozitive, si ato që thonë se studentët “kanë shprehur kreativitetin e tyre”.

Lexo më shumë

Bogdanovic: Lamtumirë zgjedhjeve serbe në Kosovë

I ashtuquajturi ministër për Kosovë në Qeverinë e Serbisë, Goran Bogdanovic, duket se ka kuptuar seriozitetin e situatës. Ai ka thënë se tashmë është e qartë se zgjedhjet lokale serbe nuk mund të mbahen në Kosovë, sidomos jo në pjesën në jug të lumit Ibër.

Bogdanovic tha se “mbajtja e zgjedhjeve lokale në Kosovë kundërshtohet nga shumë shtete, kurse për neve është me rëndësi të respektojmë ligjet tona dhe Rezolutën 12 44”.

"Fatkeqësisht, realiteti është ky. Zgjedhjet lokale nuk mund të mbahen, sidomos jo në pjesën në jug të lumit Ibër, pa mbështetjen e misioneve ndërkombëtare. Ne do t’i dërgojë një letër UNMIK-ut, me të cilin do të konsultohemi, sikurse edhe me misionet e tjera në Kosovë ", ka thënë Bogdanovic për "Novosti".

“Në mungesë të mbështetjes, neve na duhet që në mënyrë të arsyeshme dhe në qetësi të shqyrtojmë se cilat janë mundësitë që kemi në dispozicion dhe cilat janë përfitimet dhe pasojat", tha ai.
Bogdanovic tha se “Prishtina po e shfrytëzon qëndrimin e disa shteteve të fuqishme duke tensionuar situatën dhe kundërshton mbajtjen jo vetëm të zgjedhjeve lokale por edhe të atyre parlamentare serbe, mbajtjen e të cilave, nga viti 1999 askush nuk i ka vënë në pikëpyetje”. 

Lexo më shumë

Topi: Askush nuk ka të drejtë të bllokojë Kosovën

Gjatë qëndrimit në Stamboll, ku u nderua me titullin doktor nderi i Universitetit Aydin, presidenti i Shqipërisë, Bamir Topi në një intervistë dhënë gazetës së madhe turke “Today’s Zaman”, ka hedhur poshtë pikëpamjet se kandidatura e Serbisë mund të dëmtojë shanset e Kosovës për anëtarësim në BE.

Presidenti i Shqipërisë ka thënë se që nga viti 2008, Kosova ka qenë një shtet i pavarur dhe se nuk mendon se statusi i kandidatit të Serbisë do të ndikojë në ofertën e Kosovës për anëtarësim në BE, transmeton QIK.

“...Dhe është një fakt tashmë që statusi i Kosovës është i pakthyeshëm. Askush nuk ka të drejtë për të bllokuar ofertën e anëtarësimit në BE të fqinjit të tij”, nënvizoi Topi.

Lexo më shumë

Shyqyri Haxha praqitet në polici

Shyqyri Haxha është “dorëzuar” të enjten në polici. Ish-kryeshefi i PTK-së, i shoqëruar nga avokati i tij, Ramë Gashi, është intervistuar nga hetues të Policisë së Kosovës nën dyshimin se ka kryer dy vepra penale. Haxha, ndaj të cilit kishte një urdhërarrest prej 5 marsit, ka sqaruar para hetuesve punësimin e shumë njerëzve dhe procedurat e shpalljes së vëllait të tij të vrarë në luftë, Bahri Haxha, dëshmor i kombit.

Avokati Ramë Gashi ka thënë se kjo ka qenë thjesht një intervistë në të cilën janë sqaruar disa punësime sa ka qenë Haxha në krye të PTK-së. Sipas Gashit, ai ka dhënë shpjegime kryesisht rreth punësimeve dhe disa gjërave që lidhen me statusin e vëllait të tij të ndjerë, raporton Koha.

Shyqyri Haxha është nën hetime bazuar në dyshime se ka kryer vepër penale të krimit të organizuar dhe shpërdorim të detyrës zyrtare.

Lexo më shumë

Takimi Thaçi-Obama në prill

Kryeministri Hashim Thaçi në prill të këtij viti do të takohet me presidentin e Shteteve të Bashkuara të Amerikës, Barack Obama.

Këtë takim e kanë konfirmuar për gazetën “Zëri” burimet ndërkombëtare të akredituara në Kosovë.

Sipas tyre, kjo vizitë do të jetë në fokus të forcimit të marrëveshjeve të Brukselit nga ana e Shtëpisë së Bardhë, përfshirë këtu edhe prezantimin e Kosovës me fusnotë në nismat rajonal.

Ndryshe, ishte Washingtoni ai që i dha mbështetje kryeministrit Thaçi për prezantimin e Kosovës me fusnotë.

Lexo më shumë

Egjipti bëhet gati për t’na njohur

Egjipti pritet të jetë shteti i radhës që do ta njohë pavarësinë e Kosovës. Artan Behrami, këshilltar i ministrit të Jashtëm të Kosovës, Enver Hoxhaj, ka thënë se deputetët e Parlamentit të Egjiptit kanë kërkuar nga Ministria e Punëve të Jashtme e këtij shteti (Egjiptit) ta procedojë njohjen e shtetit të Kosovës.

Sipas Behramit, ministri i Jashtëm i Egjiptit, Mohamed Kamel Amr ka marrë një raport mbi rezultatet e takimit të Autoritetit të Përgjithshëm të Komitetit për Marrëdhënie me Jashtë të Dhomës së Ultë të Parlamentit, të udhëhequr nga Essam Al Aryan, njofton gazeta “Epoka e Re”.

“Disa anëtarë të këtij Komisioni kanë ngritur domosdoshmërinë e njohjes së Republikës së Kosovës nga Egjipti dhe i kanë shprehur Ministrisë së Jashtme interesimin për dosjen e Kosovës”, ka thënë Behrami.

Ai po ashtu ka thënë se njohja e këtij shteti pritet të vijë falë një lobimi të fuqishëm të zhvilluar në Egjipt nga Ministria e Punëve të Jashtme e Kosovës, përfshirë edhe vizitën e ministrit Enver Hoxhaj në Kajro.

Lexo më shumë

Nis vlerësimi në arsimin e lartë

Agjencia për Akreditim e Kosovës (AAK) ka nisur procesin e vlerësimit për akreditim dhe riakreditim të programeve. Ky proces do të përfshijë të gjitha institucionet private të arsimit të lartë dhe universitetet publike.

Megjithëkëtë kjo agjenci ka bërë të ditur se nuk do të nis vlerësimin e asnjë programi të Universitetit të Prishtinës (UP), nëse ky institucion nuk i dëshmon agjencisë se ka siguruar fondin për mbulimin e shpenzimeve të procesit të vlerësimit, duke paralajmëruar këtë universitet edhe me ndëshkim të mos shpalljes së konkursit për programet që duhet të riakreditohen, shkruan “Zëri”.

Përfaqësues të AAK-së së bashku me ekspertë austriakë, sllovenë dhe gjermanë kanë filluar të enjten fazën e akreditimit dhe riakreditimit.

Grupi vlerësues i agjencisë ka nisur vizitat së pari në një institucion privat në Prizren. Gjatë muajit mars, prill dhe maj, agjencia do të vizitojë sipas agjendës dhe aplikacioneve të dërguara në këtë agjenci edhe institucionet tjera, përderisa rezultatet e këtij procesi sërish do të shpallën në muajin qershor.

Në këtë muaj siç është bërë praktikë, do të publikohen rekomandimet të ekspertëve, të cilat do t’i dërgohen sipas ligjit në fuqi ministrit të Arsimit, Ramë Buja për të deklaruar vendimin përfundimtar rreth (mos) aprovimit.

Kryetarja e Këshillit Kombëtar të Cilësisë (KKC) Ferdije Zhushi-Etemi ka bërë të ditur për “Zërin” se procesi i vlerësimit ka filluar dhe në muajin prill do të mbahet mbledhja e radhës e bordit të AAK-së ku do të shqyrtohen veçanërisht aplikacionet e institucioneve që kanë dërguar me programe që do të akreditojnë apo riakreditojnë.

Zhushi-Etemi ka theksuar se Universiteti i Prizrenit ka siguruar fondet për t’iu nënshtruar vlerësimit të ekspertëve dhe shumë shpejt do të inkuadrohet në agjendë. Por, ajo ka adresuar kritikat ndaj universitetit tjetër publik, UP-së, që sipas saj, nuk ka kthyer ende përgjigje për fondin që duhet të sigurojë për të mbuluar shpenzimet e këtij procesi.

“Asnjë program i UP-së nuk do akreditohet apo riakreditohet në qoftë se nuk sigurohen këto mjete”, ka thënë ajo duke i kujtuar UP-së se nuk mund të shpallë konkurs për pranim të studentëve për programet që duhet të riakreditohen, nëse me kohë nuk siguron fondin dhe merr riakreditimin për këto programe.

Agjencia ka kritikuar menaxhmentet e institucioneve të arsimit të lartë që nuk po aplikojnë për akreditim me programe të reja, të cilat kërkohen në treg dhe janë të nevojshme për shoqërinë kosovare.

“Institucionet janë duke aplikuar me programe “copy paste” dhe kjo nuk do të tolerohet”. Me këto programe, ajo ka thënë se është ngopur tregu i Kosovës. Agjencia ka marrë qëndrim që të mos akreditojë sivjet programe që tashmë janë prezent në çdo institucion.

Zhushi-Etemi iu ka bërë thirrje institucioneve që të aplikojnë me programe që ka nevojë tregu i Kosovës.
Institucionet private të arsimit të lartë edhe vitin e kaluar u patën kritikuar nga agjencia për mosprofilizim të tyre dhe ofrim më shumë të programeve të shkencave shoqërore që janë më të sigurta për të ardhur më shpejt deri tek përfitimi i mjeteve financiare.

“Shumica e institucioneve ofrojnë pothuajse programe të ngjashme mes vete dhe KKC-ja ka kërkuar që këto institucione të profilizohen dhe secili të ketë një identitet të vetin dhe të veçohet për një fushë të posaçme të cilën e ofron”, ka qenë deklarimi i AAK-së vjet, por që sipas aplikacioneve del se nuk është respektuar.

Institucionet kosovare të arsimit të lartë tash për tash ofrojnë studime më shumë në shkencat shoqërore dhe më pak në fushën e inxhinierisë, bioteknologjisë..., në të cilat fusha Kosova ka kuadër deficitar. 

Lexo më shumë

Konsumatorët pak dinë për të drejtat e tyre

Një hulumtimi i bërë nga Qendra për Hulumtime Strategjike dhe Sociale, “STRAS” ka nxjerr në pah të dhënë që dëshmojnë për nivelin e ulët të informimit të konsumatorit rreth të drejtave të tij, por edhe për besueshmërinë që konsumatori ka ndaj produkteve që konsumon.

 Në 12 pyetjet të cilat janë përgjigjur 1 mijë respodentë, më shqetësuese është fakti se 87 për qind u besojnë laboratorëve të huaj, kurse 35 për qind të të anketuare mendojnë se produktet të cilat prodhohen në vend kanë cilësi të kënaqshme. Sipas hulumtimit del se 76 për qind e të anketuarve nuk kanë bërë asnjëherë ankesë në institucionet përkatëse, për vërejtjet që kanë.

Drejtori i Qendrës “Stras”, Ibrahim Rexhepi, ka thënë se qëllimi i këtij hulumtimi është identifikimi i vlertave dhe potencialeve të reja që ka kjo shoqëri dhe sjellja e produkteve cilësore që do të ndikojnë qoftë në shoqëri, qoftë për kualitet të jetës.

Studimi i këtij hulumtimi, sipas drejtorit të qendrës “Stras”, është bërë me qëllim të vetëdijesimit të konsumatorëve me produktet të cilat i konsumojnë.

Për më tepër, ai ka theksuar se nuk është vërejtur përparim ligjor në lidhje me mbrojtjen e konsumatorit. Sipas tij, procedurat për shkatërrimin e produkteve të rrezikshme të konfiskuara mbetet sfiduese për shkak të kornizës jo të plotë ligjore si dhe mungesës së objekteve të përshtatshme.

Sipas Rexhepit, përgjigjet e nxjerra nga konsumatorët dalin të jenë shqetësuese në disa aspekte. “Unë dua të bëjë dy komente të shkurtër rreth dy-tri pyetjeve, ku përgjigjet që kemi marr nga të anketuarit janë shqetësuese. A jeni në dijeni për ekzistimin e laboratorëve, pak e mjaftueshëm janë mbi 60 për qind që vërtet është një alarm. Por edhe më shqetësuese është fakti se 87 për qind ju besojnë laboratorëve të huaj, do të thotë ka humbur besimi te faktori i brendshëm, ose vetëm 35 për qind të të anketuare produktet të cilat prodhohen në vend mendojnë se kanë cilësi të kënaqshme apo cilësi të lartë për konsum. Fakti tjetër se 76 për qind e të anketuarve kurrë nuk kanë bërë ankesë pa marrë parasysh vërejtjeve që kanë”, ka thënë Rexhepi

Nga ana tjetër, edhe kryetari i Odës ekonomike të Kosovës, Safet Gërxhaliu, duke përgëzuar autorët për punën që kanë bërë, ka thënë se të dhënat nga ky hulumtim janë alarmante. Sipas tij, e tëra kjo tregon për një nivel jo të kënaqshëm të vetëdijesimit të konsumatorëve.

Ai ka shtuar se Kosova është duke shpenzuar kohë dhe retorikë vendore për promovimin e produkteve vendore. “Dua të besoj se një analizë e tillë do të jetë një udhërrëfyes për institucionet vendore se kah duhet të orientohen. Nëse nuk kthehet vetëbesimi të konsumatori atëherë nuk do të ketë promovim të prodhimit vendorë, nuk do të ketë konsum të prodhimit vendor. Në qoftë se këta dy indikator nuk do të jenë të fort atëherë si do të ketë gjenerim të zhvillimit ekonomik. Pra, vërtet është një hulumtim i cili në rend të parë e qetë të vërteten në shesh, por është më se e vërtet se e vërteta brengosë. Dhe le të jetë ky një mesazh që duhet të jemi të orientuar kah konsumatori të mendojmë për konsumatorin dhe të përkujdesemi për konsumatorin”, tha Gërxhaliu.

Me këtë rast, Qendra për Hulumtime Strategjike dhe Sociale, “Stras” dhe Oda Ekonomike e Kosovës kanë nënshkruar një memorandum bashkëpunimi, në mënyrë që të kontribuohet edhe më shumë në vetëdijesimin dhe të drejtat e konsumatorit.

Lexo më shumë

Man Utd i interesuar për Julio Cesar?

Manchester United është duke u lidhur me një transferim të portierit të Interit, Julio Cesar.

Braziliani ka qenë cak i kamotshëm i menaxherit të Djajve të Kuq, Sir Alex Ferguson.

Gazzetta dello Sport shkruan se United do të bëjë një ofertë për të nënshkruar me 32-vjeçarin këtë verë.

Julio Cesar ende po bën paraqitje të një niveli të lartë dhe do të ishte një mbulesë me përvojë për David De Gea, i cili ende po përshtatet me futbollin në Ligën Premier.

Lexo më shumë

Mancini: Unë jam për t’u fajësuar

Menaxheri i Manchester Cityt, Roberto Mancini, ka marrë mbi supe fajin për eliminimin e skuadrës së tij nga Europa League nga Sporting Lisbona.

City e pa veten në disavantazh 2-0 gjatë ndeshjes së mbrëmshme (3-0 nga të dyja ndeshjet), por arriti të rikthehet për të fituar në fund me rezultat 3-2 (barazim 3-3 nga të dyja ndeshjet), që nuk ishte i mjaftueshëm për kualifikim, për shkak të golave në udhëtim të ekipit kundërshtar.

“Në pjesën e parë ne nuk luajtëm, por unë jam menaxher dhe nuk është faji i lojtarëve, por i imi – mbase bëra gabim. Lojtarët bënë gjithçka dhe luftuan në fushë. Kur një menaxher nuk përgatitet mirë për ndeshjen, ndodh kjo”.

“Kur e humb një takim mendoj vetëm se pse e humba dhe mendoj se ku bëra gabime. Kuptova se ne kemi lojtarë të mëdhenj, por në futboll çdo ndeshje është e vështirë dhe në Europa League dhe Champions League është edhe më vështirë, pasi çdo skuadër luan për të fituar”.

“Ndonjëherë ne bëjmë gabime, por menaxheri është personi i cili gjithmonë përgatitet për ndeshje, dhe mbase bëri disa gabime për të dyja këto ndeshje”, ka thënë Mancini.

Lexo më shumë

Ferguson: Nuk ishim të mirë në Evropë

Menaxheri i Mancehster United, Sir Alex Ferguson, thotë se ata nuk kanë qenë mjaft të mirë në Evropë pas eliminimit nga Europa League nga Athletic Bilbao.

Djajtë e Kuq fituan vetëm tre nga 10 ndeshjet në garat e UEFA-së dhe vuajtën hat-trick të humbjeve për të parën herë që nga viti 2004.

“Të analizojmë këtë sezon kundër të tjerëve është ca vështirë. Ka një shpjegim sa i takon disa caqeve që kemi humbur në këtë turne. Kanë qenë shumë të ulëta”.

“Ka qenë një vit zhgënjyes. Unë nuk jam një person që më vjen keq për veten. Ka një zhgënjim, por t’i analizojmë paraqitjet është më e rëndësishme dhe ne kemi një ndeshje të rëndësishme të dielën”, ka thënë Fergie. 

Lexo më shumë

EL: Eliminohet edhe City

Edhe Manchester City e ka pasur fatin e njëjtë këtë mbrëmje me atë të rivalit lokal Manchester United, pasi ‘qytetarët’ janë eliminuar nga Europa League përkundër fitores prej 3-2 në shtëpi ndaj portugezëve të Sporting Lisbonës.

Manchester City kërkoi të rikuperonte disavantazhin prej 1-0 nga ndeshja e parë, por kjo u vështirësua shumë pas golit të shënuar nga Matias Fernandez (33’) dhe më pas edhe nga Ricky Van Wolfswinkel (40’), të cilët i dhanë Cityt epërsinë prej 2-0 pas pjesës së parë.

Në pjesën e dytë Manchester City ndez motorët dhe shënon me anë të Agueros (60’) për 2-1. Sulmet e pa rreshtura të Cityt vazhduan dhe Mario Balotelli realizoi nga penaltia për të barazuar rezultatin në 2-2 (75’), para se Aguero të shënonte edhe një gol tjetër për 3-2, por që ishte dhe rezultati përfundimtar.

Pas dy ndeshjeve rezultati ishte 3-3, por për shkak të golave të shënuar në terrenin mysafir, Sportingu kalon në 1/8-ën e finales së Europa League.

Ekipet e kualifikuara në 1/8-ën e Europa League:

Athletic Bilbao
Hannover
Valencia
AZ Alkmaar
Atletico Madrid
Sporting Lisbona
Metalist Kharkov
Schalke

Lexo më shumë

Mexes: Ibra i interesuar për PSG

Mbrojtësi i Milanit, Philippe Mexes, ka pohuar se një numër i konsiderueshëm i emrave të mëdhenj të futbollit evropian janë të interesuar për t’u bashkuar me klubin francez Paris-Saint Germain, duke përfshirë edhe bashkëlojtarin e tij, Zlatan Ibrahimovic.

“Ka shumë lojtarë të cilët do të ishin të interesuar për PSG, madje emra të mëdhenj”.

“Madje madje, edhe Ibrahimovic më ka thënë se nëse largohet nga Milani dhe kontaktohet nga PSG, ai do të mendonte. Madje edhe unë mund ta bëj këtë në të ardhmen”, ka thënë Mexes përRMC. 

Lexo më shumë

Edhe Adelina Tahiri në “Dancing with stars”

Edhe këngëtarja nga Maqedonia Adelina Tahiri, do të jetë një nga konkurrentet në “Dancing with the Stars”.

Kështu ka shkruar ajo në Facebook, dhe ka kërkuar përkrahje nga adhuruesit e saj.

Në konkurrencën e femrave do të jenë edhe, Afërdita Dreshaj, Elvana Gjata, Ornela Bregu, Anjeza Maja, Zhaku dhe Niada Saliasi.

“Dancing with the stars” pritet të fillojë më 29 mars. 

Lexo më shumë

“Zayn Malik është e kaluara ime”

Rebecca Ferguson ka rrëfyer për audiencën e saj londineze se lidhja e saj me Zayn Malik është e kaluara nga një vit më parë.

Zayn Malik, një emër mjaft i njohur ka qenë vazhdimisht nën presion sa ishte në lidhje me Rebecca Ferguson, kjo për shkak të diferencës së tyre prej gjashtë vitesh në moshë.

“Ajo ishte aq larg, vitin e kaluar. Është e kaluara ime”, theksoi Rebecca Ferguson e cila përfundoi këngë të saja dhe të artistëve tjerë.

Zayn Malik dhe Rebecca Ferguson janë takuar në vitin 2010 në X-Factor-in britanik. 

Lexo më shumë

Qëndrimi ulur vret!

Qëndrimi ulur, që është “aktivitet” i përditshëm i shumë njerëzve, së paku nga tetë orë në ditë, sipas disa të dhënave të reja, është gjëja më e keqe që mund t’ia bëni trupit tuaj.

Një studim 13-vjeçar, i realizuar te 17 000 participantë, meshkuj dhe femra, ka treguar se qëndrimi ulur për tetë orë në ditë e rrit 54 për qind rrezikun për vdekshmëri të hershme nga infarkti i zemrës.

Një fakt interesant është se edhe nëse nuk pini duhan dhe ushtroni rregullisht, megjithatë kjo nuk ndihmon në zvogëlimin e prirjes për sëmundje të zemrës nëse qëndroni një kohë të gjatë ulur. Prandaj, ekspertët rekomandojnë ngritje nga karrigia dhe lëvizje kohë pas kohe, si dhe aplikimin e ushtrimeve në vendin e punës.

Veç dëmeve në zemër dhe enë të gjakut, qëndrimi ulur për një kohë të gjatë shkakton edhe deformime të shtyllës kurrizore për shkak të qëndrimit jo të rregullt.

Lexo më shumë

Vitamina A mbron nga kanceri i lëkurës

Një hulumtim i tillë i bërë para pak kohe ka treguar që doza ditore e vitaminës A mund të mbrojë njerëzit nga kanceri i lëkurës.

Studimi ka zbuluar që retinoli, pjesa kyç e vitaminës A mund të parandalojë krijimin e formës më vdekjeprurëse të kancerit të lëkurës, ndërsa efektet më të fuqishme pozitive janë shënuar te femrat. Për befasi të shkencëtarëve vitamina A nga ushqimet natyrale -mëlçia, vezët dhe qumështi nuk ka efektin e njëjtë sikur edhe vitaminat në formë të tabletave.

Studimi i dr. Maryam Asgari dhe kolegëve të saj i cili është publikuar në revistën profesionale “Journal of Investigative Dermatology” është kryer në 69,635 meshkuj dhe femra të cilat kanë konsumuar vitaminën A përmes tabletave apo ushqimit të shëndetshëm.
Rezultatet ishin të pabesueshme, njerëzi të cilët çdo ditë kanë konsumuar vitamina A, dhe me këtë edhe retinol, kanë pasur 60 për qind më pak shanse për të zhvilluar kancerin e lëkurës, ndërsa doza më e madhe e vitaminës në mënyrë të shtuar ka reduktuar rrezikun - njerëzit të cilët kanë konsumuar më shumë se 1,200 miligramë në ditë kanë pasur 74 për qind shanse më të vogla për melanoma.

“Studimi ynë sugjeron për lidhjen në mes konsumimit të tabletave të retinolit dhe madhësisë së melanomës, dhe sidomos në vendet që janë të ekspozuara ndaj rrezeve të diellit. Kjo sugjeron që efektet pozitive të retinolit lindin nën ndikim të diellit”, ka thënë dr. Asgari, udhëheqësja e projektit të Institutit hulumtues Kaiser Permanente Northern California Division of Research.

Edhe pse ky hulumtim ka prodhuar rezultate premtuese, shkencëtarët thonë që njerëzit nuk do duhet të fillojnë vetë me trajtim me vitamina, sepse dozat e mëdha mund të jenë të rrezikshme për shëndetin. 

Lexo më shumë

Reklamat para bisedave

Reklamat janë burimi kryesorë për Google kështu që kompania mendoi një vend të ri për të vendosur reklamat: veshin e shfrytëzuesit. Në të vërtetë, Google në Shtetet e Bashkuara morri miratimin për patentën për audio reklamat me të cilat do të zëvendësohej zëri i pritjes së thirrjes kur jeni duke e thirrur dikënd.

Edhe pse bëhet fjalë vetëm për patentën për një mundësi të këtillë, nuk dyshojmë se Google nuk planifikon të përdorë atë që ka patentuar. Dhe derisa reklamat e zakonshme mund të injorohen, kjo do të jetë pak më vështirë me reklamat të cilat ndodhen në vendin e sinjalit zanor gjatë bërjes së telefonatës. Google këtë parim mund ta zbatoj edhe në bashkëpunim me telekompanitë, që gjithsesi se do të ndikonte në përfshirjen e kompanive, por edhe si pjesë e Androidit që do të ia mundësonte kontrollin më të madh. Për shfrytëzuesit ndërmarrës të cilët do të reklamoheshin në këtë mënyrë, reklamat që dëgjohen nga të gjithë janë mjaftë mbresëlënëse kështu që për shumë kënd mund të tregohet si zgjidhje tërheqëse.

Edhe derisa zgjidhja është e arsyeshme kur Google, telekompanitë dhe reklamuesit janë në lojë, parashtrohet pyetja se çfarë mendojnë për këtë vet shfrytëzuesit e telefonave mobil. 

Lexo më shumë