Notat zyrtare të njohjes nga Uganda dhe Nigeria nuk kanë arritur asnjëherë në Ministrinë e Punëve të Jashtme (MPJ) të Kosovës, megjithëse zëvendëskryeministri Behgjet Pacolli i ka prezantuar “njohjet” tash sa kohë para gazetarëve.
Zyrtarë të MPJ-së i thanë Gazetës Jeta në Kosovë se “janë në pritje të notave verbale” nga këto dy shtete afrikane.
Ndërsa përfaqësues të opozitës e quajtën joserioze që MPJ i prezanton si njohje, përfshirë në faqen e saj të internetit, edhe ato që nuk janë konfirmuar.
