Probleme me listat e votimeve në Luginë

Qytetarët shqiptarë të Luginës së Preshevës i janë përgjigjur pozitivisht daljes në zgjedhjet e përgjithshme serbe. Në numër të shumtë, qysh në orët e hershme të mëngjesit i ishin drejtuar kutive të votimit. Subjektet të cilat i përfaqësojnë ata po marrin pjesë në zgjedhjet lokale, ndërkohë “Koalicioni i shqiptarëve të Luginës” ka marr pjesë edhe në zgjedhjet parlamentare. Edhe pse për mbarëvajtje të procesit të votimit ishin përkujdesur vëzhgues vendorë dhe ndërkombëtarë, megjithatë probleme janë paraqitur me listat e votimeve.

Të mllefosur me këtë fakt kanë qenë qytetarët të cilët thonë se kjo është bërë me qëllim të uljes së numrit të votuesve shqiptarë. Ata kanë thënë se në listat e votueseve ka raste ku nuk gjendet fare emri, pavarësisht asaj që i kanë pranuar ftesat për të votuar.

Por, përfaqësuesit e Luginës, thonë se Beogradi është duke u treguar destruktiv në raport me shqiptarët, njofton KTV.

Në këto zgjedhje në Luginë garojnë 11 subjekte politike prej te cilave 3 janë serbe. Këto zgjedhje posaçërisht të rëndësishme janë për komunën e Bujanocit, ku përqindja mes shqiptareve dhe serbëve është pothuajse e barabartë.

Kjo komunë, e cila është udhëhequr prej dy mandatesh nga shqiptarët, rrezikon këtë herë të merret nga serbët, për shkak se shumë shqiptarë nga Lugina janë shpërngulur në Kosovë. 

Lexo më shumë

Në zgjedhje me flamur kombëtar

Shqiptarët e Luginës së Preshevës kanë vendosur flamurin kombëtar në disa nga qendrat e votimit, ku sot votohet për të zgjedhur presidentin e Serbisë, deputetët dhe drejtuesit lokalë.

Agjencia “Presheva Jonë” bën të ditur se në disa qendra votimi në Luginën e Preshevës janë vendosur flamuj kombëtar dhe të Kosovës.

Gazetarët e agjencisë kanë fotografuar një lider shqiptar, i cili po votonte në zgjedhjet lokale serbe para flamurit kombëtar.

Pas votimit me të qeshur lideri i LPD-së Jonuz Musliu, mësohet të ketë thënë se “në 6 maj ka zgjedhje edhe Kosova edhe Serbia. Kjo këtu është Kosovë Lindore”.

“Ne këtu jemi shqiptarë dhe është drejtë e jona të dalim me flamurin tonë kombëtar në zgjedhje. Pardje në Tërnovc e Breznicë kemi parë automjetet policore me flamuj të Serbisë, të cilët rrethuan fshatrat tona shqiptare, i bastisën, i keqtrajtuan dhe arrestuan bijtë tanë. Tash ne shqiptarët nuk di pse duhet më ta përdorim atë flamur”, deklaroi kryetari i LPD-së Jonuz Musliu, njëherësh kryetar i Kuvendit Komunal të Bujanovcit.

Lexo më shumë

Të shtëna me armë në veri

Në veri të Mitrovicës rreth orës 17:00 janë dëgjuar breshëri të shtënash nga armët automatike, ndërsa në dy komunat në veriun e Kosovës ku po mbahen zgjedhjet ilegale për nivelin lokal, janë rritur tensionet në mes të grupeve radikale serbe.

Burime nga veriu i Mitrovicës bëjnë të ditur se në afërsi të të ashtuquajturit Universitetit i Prishtinës, në veri të Mitrovicës, janë dëgjuar të shtënat nga armët automatike. Deri më tani nuk është njoftuar për ndonjë të lënduar apo për dëme materiale.

Zëdhënësi i Policisë për rajonin e Mitrovicës, Besim Hoti ka theksuar se policia ka regjistruar një rast të shtënave me armë të zjarrit.

“Policët e stacionit të policisë së Kosovës në veri janë duke kërkuar vendin nga ku është shtirë me armë por deri më tani nuk kemi munduar ta lokalizojmë vendin e ngjarjes”, ka thënë Hoti, transmeton Koha.net.

Në dy komunat ku po mbahen zgjedhjet lokale në Zveçan dhe Zubin Potok raportohet për tensionim të situatës. Grupet radikale serb kanë filluar të provokojnë njëra tjetrën duke shtënë edhe me armë zjarri në ajër. Ka keqpërdorime të votimeve duke votuar në mënyrë familjare.

Lexo më shumë

Tahiri mbajti dy ligjërata në Turqi

Zëvendëskryeministrja e Republikës së Kosovës Edita Tahiri ka vazhduar vizitën e saj në Turqi me takime në Ankara dhe Stamboll, duke përfshirë takimet në parlamentin turk, shoqatat e shqiptarëve në Turqi dhe po ashtu ka mbajtur ligjërata në Institutin prestigjioz Tepav dhe në Universitetin Sabanci.

Në Parlamentin e Madh të Republikës së Turqisë zëvendëskryeministrja Edita Tahiri ka takuar Kryetarin e Grupit Parlamentar për Miqësinë mes Kosovës dhe Turqisë, Mustafa Kemal Şerbetçioğlu si dhe ka zhvilluar një bisedë me anëtarët e këtij grupi, në mesin e të cilëve ishin edhe deputetët me origjinë shqiptare, Gülay Dalyan dhe Rifat Sait.

Në këtë takim u fol për avancimin e miqësisë në mes Kosovës dhe Turqisë dhe rolin e y parlamenteve në kuadër të bashkëpunimeve ndërshtetërore, thuhet në njoftimin e lëshuar nga Qeveria e Kosovës.

Zëvendëskryeministrja Tahiri në këtë takim tha se rikonfirmon përkushtimin e institucioneve të Republikës së Kosovës për thellimin e bashkëpunimit në mes të dy vendeve në të gjitha fushat e jetës. Ajo po ashtu kërkoi angazhimin e Parlamentit të Turqisë për shtimin e numrit të njohjeve për Kosovën dhe anëtarësimin e sajë në organizatat parlamentare ndërkombëtare.

Ndërsa, Mustafa Kemal Şerbetçioğlu tha se Grupi i Deputetëve, që ai drejton, përbëhet edhe nga deputetë me prejardhje shqiptare dhe bashkëpunimi dhe përkrahja për Kosovën do të fuqizohet edhe më shumë në të ardhmen.

Zëvendëskryeministrja Tahiri po ashtu ka mbajtur ligjërata në institutin për politika ekonomike TEPAV në Ankara dhe Universitetin Sabanci në Stamboll më temat “Rruga e Kosovës drejtë integrimeve Euroatlantike” përkatësisht “Vizioni Euroatlantik i Kosovës”.

Lexo më shumë

Mustafa në konferencën e kryetarëve të kryeqyteteve në Izrael

Me ftesë të Këshillit Amerikan Hebraik, Ministrisë Izraelite të Punëve të Jashtme dhe autoriteteve Lokale në Izrael, kryetari i Prishtinës, Isa Mustafa po qëndron për vizite disa ditore në Izrael.

I shoqëruar nga drejtori i Administratës, Edon Myftari dhe drejtoresha për Kulturë, Vlora Dumoshi, kryetari i Komunës së Prishtinës po merr pjesë në Konferencën e 28-të të Kryetarëve të kryeqyteteve, ku nikoqir janë Kryeministri Izraelit, Ministri i Punëve të Jashtme dhe Ministri për Inteligjence dhe Energji Atomike, njofton Zyra për informim e kryetarit të Komunës.

Në kuadër të kësaj vizite pritet të vizitohen qytetet Jerusalem, Tel Aviv, Haifa dhe një numër i institucioneve shtetërore, ku temëe diskutimit priten të jenë bashkëpunimi, zhvillimi instititucional dhe sektori i sigurisë

Lexo më shumë

Zgjedhjet serbe pa incidente

Zgjedhjet presidenciale dhe parlamentare të Serbisë, të cilat po mbahen në Kosovë, deri më tani kanë kaluar pa ndonjë incident. Ministri i Punëve të Brendshme, Bajram Rexhepi tha se procesi ka shkuar qetë, nuk është shënuar ndonjë incident dhe se situata e sigurisë në tërë Kosovën ka qenë në nivel.

“Procesi ka shkuar qetë dhe se gjatë ditës nuk ka pasur asnjë incident. Situatat e sigurisë në tërë Kosovën ka qenë në nivel dhe se OSBE-ja i ka kryer me korrektësi punët e veta deri tani. Ka pasur disa tendenca për t’i mbajtur zgjedhjet lokale në Zveçan dhe Zubin Potok, siç kanë paralajmëruar. Kanë provuar nëpër objekte private, mirëpo ka qenë një numër shumë i vogël dhe se këto nuk paraqesin kurrfarë legjitimiteti. Procesi ka kaluar shumë mirë, përkundër analizave të ndryshme të cilat kanë parashikuar se do të ketë dhunë dhe probleme”, tha Rexhepi për Kosovapress

Megjithatë në kryeqytet, gjatë tërë ditës është vërejtur prani më e madhe e patrullave policore, Rexhepi pohoi se policia ka rritur nivelin e gatishmërisë, në mënyrë që kjo ditë të kaloi qetë dhe pa ndonjë incident.

Lexo më shumë

Hoxhaj kërkon trysninë e BE-së për lirimin e Kastratit

Pas arrestimit nga autoritetet serbe të shtetasit të Kosovës, Haxhi Kastrati, ministri i Punëve të Jashtme,Enver Hoxhaj, iu ka drejtuar me një letër të gjithë ministrave të Punëve të Jashtme të shteteve anëtare të Bashkimit Evropian, nga të cilët ka kërkuar të ushtrojnë trysni ndaj Serbisë për lirimin e menjëhershëm të shtetasit të Kosovës.

“Ky arrestim ka motive krejtësisht politike dhe synon të shkaktojë pasiguri tek qytetarët e Kosovës, të cilët kalojnë transit nëpër këtë shtet fqinj. Ky arrestim arbitrar hyn në vazhdën e arrestimeve të mëhershme që autoritetet e shtetit serb kanë bërë ndaj qytetarëve të Republikës së Kosovës vetëm pak muaj pas arritjes së marrëveshjes për lëvizjen e lirë midis Republikës së Kosovës dhe të Serbisë, në kuadër të dialogut teknik të ndërmjetësuar nga Bashkimi Evropian”, thuhet në letrën e ministrit Hoxhaj.

Përmes kësaj letre, ministri Hoxhaj i ka bërë thirrje bashkësisë ndërkombëtare dhe BE-së që të bëjnë trysni tek autoritetet serbe që të lirojnë menjëherë Haxhi Kastratin dhe të mundësojnë lirinë e lëvizjes për të gjithë qytetarët.

Haxhi Kastrati, 34 vjeçar, nga fshatit Zatriq i Komunës së Rahovecit, u ndalua të enjten rreth orës 4.00 të mëngjesit menjëherë sapo kishte hyrë në territorin serb, derisa po udhëtonte nga Austria për në vendlindje së bashku me gruan dhe dy fëmijët e tij.

Lexo më shumë

Lugina e voton Zukorlicin

Subjektet politike shqiptare në Luginë të Preshevës po marrin pjesë në zgjedhjet lokale, ndërkohë “Koalicioni i shqiptarëve të Luginës” po merr pjesë edhe në zgjedhjet parlamentare. Për ato presidenciale në Luginë raportohet se shqiptarët do ta përkrahin Myftiun e Sanxhakut, Muamer Zukorlicin, për president të Serbisë.

Mediet shqiptare nga Lugina raportojnë se në komunën e Bujanocit janë paraqitur disa probleme me listat e votuesve, njofton KTV.

Qytetarët shprehin mllefin e tyre duke thënë se kjo është bërë me qëllim të uljes së numrit të votuesve shqiptarë. Ata kanë thënë se në listat e votueseve ka raste ku nuk gjendet fare emri, pavarësisht asaj që i kanë pranuar ftesat për të votuar.

Këto zgjedhje posaçërisht të rëndësishme janë për komunën e Bujanocit ku përqindja mes shqiptarëve dhe serbëve është pothuajse e barabartë. Kjo komunë, e cila është udhëhequr prej dy mandatesh nga shqiptarët, rrezikon këtë herë të merret nga serbët, për shkak se shumë shqiptarë nga lugina janë shpërngulur drejt Kosovës. 

Lexo më shumë

Giffoni: Për një të ardhme paqësore

Përfaqësuesit diplomatikë të akredituar në Prishtinë besojnë se mbajtja e zgjedhjeve parlamentare dhe presidenciale serbe në Kosovë në një atmosferë të qetë mund t'i kontribuojnë uljes së tensioneve në raportet Beograd-Prishtinë, përderisa politikanët lokalë serbë janë të bindur se kjo mund të arrihet vetëm me zbatimin e politikave të përgjegjshme nga lidershipi i të dyja palëve.

Në ditën e mbajtjes së zgjedhjeve serbe në Kosovë, ambasadori italian në Prishtinë, Michael Giffoni dhe deputetja e Listës së Unifikuar Serbe (JSL) në Kuvendin e Kosovës, Rada Trajkovic kanë komentuar rrjedhën e procesit elektoral, duke dhënë vlerësime edhe mbi formulën e realizimit të tyre, ndikimin e mundshëm në dialogun Prishtinë-Beograd dhe integrimin apo jo të komunitetit serb në institucionet kosovare.

Ambasadori Giffoni ka vlerësuar se mbajtja e zgjedhjeve në një atmosferë të qetë dhe paqësore është e rëndësishme për rrjedhën e mëtutjeshme të dialogut Prishtinë-Beograd, që lehtësohet nga Bashkimi Evropian.

"Ky është një rast i mirë që komunitetit serb në Kosovë i është mundësuar që të ushtrojë të drejtën e votimit në zgjedhjet parlamentare dhe ato presidenciale të Serbisë. Mendoj se nëse ka pjesëmarrje të mirë dhe gjithçka shkon pa tensione, sikur që ka qenë deri tani, ky proces do të jetë një kontribut i madh për të ardhmen, për dialogun mes Prishtinës dhe Beogradit, për të cilin besojmë se pas zgjedhjeve të Serbisë do të vazhdojë në një atmosferë më të mirë dhe më pozitive", ka thënë Giffoni, gjatë vizitës në Prizren, ku ka marrë pjesë në liturgjinë festive në Kishës ortodokse të Shën Gjergjit, transmeton Koha.net.

Ai ka shpjeguar se të dielën në mëngjes kishte vizituar qendrat mobile të votimit të lehtësuara nga OSBE-ja në Graçanicë dhe në Novobërdë, ku atmosfera zgjedhore ka qenë e qetë dhe paqësore.

Në anën tjetër deputetja e JSL-së, Rada Trajkoviq, e cila të dielën në mëngjes kishte shfrytëzuar të drejtën e saj të votimit, ka pohuar se procesi elektoral serb në Kosovë po zhvillohet në përpikëri me dispozitat e përshkruara në planin e Ahtisaarit, ”porse një gjë e tillë nuk po pranohet nga Beogradi zyrtar, që tregon se politika në rajon vazhdon të jetë jo e sinqertë përballë opinionit publik”. 

Lexo më shumë

Hamiti: Agani, truri i të menduarit politik

Profesor Fehmi Agani ishte truri i të menduarit politik dhe është heroi i Kosovës, kanë thënë përfaqësues të Lidhjes Demokratike të Kosovës (LDK), me rastin e 13-vjetorit të vrasjes së Profesor Fehmi Agani, me ç’rast vendosen kurora lule pranë shtatores së tij në kompleksin universitar në Prishtinë.

Deputeti i LDK-së, Sabri Hamiti tha se ata sot po nderojnë dhe kujtojnë profesorin e madh Fehmi Agani, i cili u ka prirë me dijen e tij të pakrahasueshme, për artikulimet politike dhe interesat nacionale të shqiptarëve, transmeton Kosovapress.

Hamiti po ashtu theksoi se Agani ishte njëri ndër protagonistët e lëvizjes për pavarësinë e Kosovës, ishte truri i të menduarit politik, edhe në rrafshin kombëtar dhe në rrafshin e komunikimeve ndërkombëtare.

Sipas Hamitit, Agani pa dyshim ka qenë bashkëpunëtori më i madh politik i presidentit Ibrahim Rugova, i pathyeshëm në brishtësinë e vet, i fortë në mendime, komunikativ me të gjithë njerëzit dhe ishte shembull se si një profesor është i zoti që të bashkëpunojë me nxënësit e vet, të cilët ishin nxënësit e tij politik.

“Ai e dha jetën për Kosovën, por trashëgimia e tij kulturore, politike, nacionale është e pa çmueshme. Kujtimi i tij është rimarrje e nevojës, për një njëri i cili ka pasur fuqinë e jashtëzakonshme, të koordinimit të lëvizjes politike dhe të gjitha formave të rezistencës. Kosovës në të gjitha kohërat i mungon një njëri si Fehmi Agani... Është hero i Kosovës edhe pa qenë i shpallur. Por, është heroi i Kosovës i shpallu në pesëvjetorin e shkuarjes së tij nga presidenti Ibrahim Rugova. Ai është vlerë e trashëguar e LDK-së dhe lëvizjes së pavarësisë së Kosovës”, tha ai.

Lexo më shumë

Luiz: Do të luaj në finale të LK

Mbrojtësi i Chelseat, David Luiz, është i bindur se do të jetë në gjendje që të luajë në finale të Ligës së Kampionëve kundër Bayern Munichut në Allianz Arena.

Braziliani u lëndua muajin e kaluar në gjysmëfinale të Kupës FA kundër Tottenhamit dhe që atëherë nuk luan. Por, ai është i vendosur që të luajë në finalen e madhe të 19 majit.

“Çdo ditë i nënshtrohem trajtimit dhe po kaloj nëpër stërvitje të vështira, në mënyrë që të mund të luaj në Munih”.

“Po bëj gjithçka që mundem për këtë lojë. Është një ëndërr. Jo vetëm një ëndërr e imja, por për të gjithë lojtarët në botë. Të gjithë ëndërrojnë të luajnë në finale të Ligës së Kampionëve”, u ka thënë Luiz gazetarëve.

Kur kihet parasysh se në finale nuk luajnë John Terry, Ramires, Raul Meireles dhe Branislav Ivanovic, atëherë riaftësimi i David Luiz do t’i kryente shumë punë trajnerit Roberto Di Matteo në fazën e mbrojtjes. 

Lexo më shumë

Robben: Detajet do të vendosin

Anësori i Bayern Munichut, Arjen Robben, mendon se detajet e vogla do të jenë vendimtare në finale të DFB Pokal ndaj Borussia Dortmundit (12 maj) dhe në finale të Ligës së Kampionëve kundër Chelseat (19 maj).

“Kemi dy ndeshje të mëdha përpara. Fillimisht finalja e Kupës ndaj Dortmundit dhe më pas e madhja”.

“Duhet të jemi të gatshëm dhe na duhen dy ndeshje të përsosura”.

“Pres dy përballje shumë të përafërta, ku detajet e vogla do të jenë vendimtare”, citon TZ fjalët e holandezit.

Lexo më shumë

Kampioni përcaktohet në javën e fundit

Manchester United ka regjistruar fitore prej 2-0 përballë Swansea Cityt për ta shtyrë për në javën e fundit përcaktimin se kush do të shpallet kampion i Ligës Premier.

Në takimin e zhvilluar në Old Trafford, skuadra vendase e kontrolloi në tërësi fraksionin e parë të ndeshjes.

Valencia e dërgoi lojën përpara nga krahu i djathtë dhe dërgoi një pasim te Michael Carrick, ndërsa goditja e tij përfundoi në këmbët e Paul Scholes, i cili shënoi nga afërsia (28’).

Pas një gabimi të Joe Allen, topi shkoi në këmbët e Scholes, ai pasoi te Rooney, por goditja e tij u bllokua për ta gjetur Ashley Youngun, ky i fundit e shënoi golin e sigurisë (41’).

Në gjysmën e dytë, skuadra mysafire provoi të tregonte më shumë nga loja, ndërkohë që Djajtë e Kuq e kishin detyrë që ta menaxhonin rezultatin.

Pas kësaj xhiroje, dy rivalët lokalë, Manchester City dhe Manchester United, kanë pikë të barabarta, ashtu që në javën e fundit do të përcaktohet kampioni.

Në xhiron e 38-të, City luan në shtëpi kundër QPR-së, ndërsa United në udhëtim ndaj Sunderlandit. Me pikë të barabarta, kampion shpallet Manchester City falë golaverazhit më të mirë.

Lexo më shumë

Berbatov nuk do të shitet lirë

Trajneri i Manchester Unitedit, Sir Alex Ferguson, e ka bërë të qartë se nuk do ta lejojë largimin e Dimitar Berbatov pa para.

Sulmuesi bullgar ka qenë prapa Danny Welbeck dhe Javier Hernandez në zgjedhjet e trajnerit këtë sezon dhe po spekulohet rreth largimit të tij nga Old Trafford.

Kontrata e tij është pritur të përfundojë këtë verë, mirëpo United e ka të drejtën për ta vazhduar atë edhe për një vit.

“Nuk do ta lejojmë të largohet pa asgjë”, ka thënë Ferguson përThe People. 

Lexo më shumë

Cana shënon në fitoren e Lazios (Video)

Skuadra e Lazios ka shënuar fitore prej 2-0 si mysafir i Atalantas për të mbajtur gjallë shpresat për një vend në Ligën e Kampionëve në sezonin e ri.

Në takimin e zhvilluar në Stadio Atleti Azzurri d'Italia, Libor Kozak i kaloi mysafirët në epërsi (35’), ndërsa rezultatin përfundimtar e vendosi mesfushori shqiptar, Lorik Cana (90’+2).

Fitore prej 2-0 ka shënuar edhe Udinese që e ka mposhtur Genoan dhe mban pozitën e tretë në tabelë me dy pikë më shumë se Biancocelestët.

Nga ana tjetër, Napoli ka humbur nga Bologna me rezultat 2-0 dhe gjendet tri pikë larg pozitës së tretë kur ka mbetur edhe një xhiro për t’u zhvilluar. 

Lexo më shumë

Mourinho: Higuain nuk largohet

Trajneri i Real Madridit, Jose Mourinho, ka këmbëngulur se Gonzalo Higuain nuk do të largohet nga Santiago Bernabeu gjatë afatit kalimtar veror.

Argjentinasi është lidhur me një largim nga Bernabeu pas spekulimeve se PSG, Chelsea dhe Milani kanë shprehur interesim për të. Sidoqoftë, largimi i El Pipitas as që vjen në shprehje për Mourinhon, i cili e ka në planet e veta argjentinasin.

“Higuain do të qëndrojë. Ai do të qëndrojë në Madrid sepse unë nuk dua që ai të largohet. Ai ka kontratë të mirë këtu që zgjat edhe disa vjet. Dhe Reali nuk ka për qëllim që ta shesë atë. Edhe nëse klubet ofrojnë nga 40, 50 apo 60 milionë euro, ne nuk do ta shesim atë. Dy sulmuesit e mi për sezonin e ardhshëm do të jenë Benzema dhe Higuain”, ka thënë Mourinho për ABC. 

Lexo më shumë

City kampion i Anglisë?

Manchester City është shumë pranë që ta sigurojë titullin e kampionit të Ligës Premier, pasi ka mposhtur me rezultat 2-0 në St. James Park skuadrën që i shkaktoi mjaft probleme, Newcastle United.

Ndeshja filloi me atmosferë të zjarrtë në stadium dhe me dominim të lehtë të vendasve në fillim të takimit, por pa bërë diçka konkrete.

Në fund të pjesës së parë, City bëri presion të lartë mbi mbrojtjen vendase, duke rrezikuar pas një aksioni mirë të organizuar, ku golin ‘qytetarëve’ ua mohoi Davide Santon, i cili largoi topin nga vija fatale.

Sidoqoftë, në kjo nuk ishte problem në pjesën e dytë. Pas presionit të shtuarmbi portën kundërshtare, Yaya Toure me një goditje fantastike nga 25 metra mposhti portierin Krul për t’i dhënë epërsinë Cityt.

Në vazhdim Newcastle tentoi të kthehej në lojë dhe në fund për pak sa nuk nxorri një penalti, teksa në kundërsulm ishte përsëri Yaya Toure ai që shënoi, tani për 2-0 dhe konfirmimin e fitores së ekipit të tij.

Me këtë fitore Manchester City ka 86 pikë në vendin e parë, me tri pikë më shumë se sa Manchester United që takohet me Swansean në ora 17:00. Javën e ardhshme Manchdster City pret në Ettihad Stadium skuadrën Queens Park Rangers, sfidë ku Cityt i duhet fitorja për të siguruar titullin pasi edhe QPR po lufton për mbijetesë.

Lexo më shumë

Mascherano: Messi nuk është njeri normal

Mbrojtësi i Barcelonës, Javier Mascherano, ka lëvduar Lionel Messin pasi theu një rekord tjetër, duke thënë se ndoshta bashkëkombasi i tij nuk është qenie njerëzore.

“Unë e kam pyetur nëse ai e di se ka shënuar këtë sezon 72 gola”.

“Edhe pse ai ndoshta nuk është njeri normal nga ky planet, është mirë që Messi mendon se është i tillë. Messi luan sport tjetër”, ka theksuar Mascherano. 

Lexo më shumë

Cesar: Duam fitore në derbi

Portieri i Interit, Julio Cesar, shpreson që Nerazzurët të fitojnë në derbi ndaj Milanit dhe të përmirësojnë sezonin e tmerrshëm të klubit.

“Ne ndjejmë ndjenjën e përgjegjësisë ndaj tifozëve. Për këtë arsye ne duam të fitojmë, por edhe për sezonin tonë të keq, që ta përmirësojmë sado pak”.

“Këtu përfshihet edhe djali im, Cauet. Ai ka mësuar të durojë pas disfatave, por derbi është derbi dhe ai sigurisht se nuk dëshiron që ne të humbasim në derbi. Ne duam që vetëm të fitojmë, as barazimi nuk kryn punë”, është shprehur Cesar.
 

Lexo më shumë

Ferguson ka frikë nga City për transferet

Menaxheri i Manchester United, Sir Alex Ferguson, është i brengosur për nivelin e shpenzimeve të fqinjve të tij të Manhcester Cityt, pasi ndjen se shumë transfere që ai ka planifikuar t’i bëjë mund të kalojnë te rivali i tij i përbetuar.

“Askush nuk mund të arrijë fuqinë financiare të Manchester Cityt, askush. Tregu i transferimeve ka qenë i qetë për një kohë dhe mendoj se City këtu ka luajtur rol. Ata nëse duan mund të blejnë secilin lojtar në glob”.

“Nuk ka dyshime se ne do të transferojmë lojtarë. Ndoshta dy-tri, varet nga tregu. Ne duhet të pranojmë situatën. Ne do të tentojmë të marrim lojtarët e rinj nga akademia dhe t’i zhvillojmë ata. Këtu jemi të mirë. Scholesi dhe Giggs janë në fund të karrierës së tyre”, është shprehur Ferguson. 

Lexo më shumë

Rosell: Guardiola mund të kthehet

Presidenti i Barcelonës, Sandro Rosell, ka zbuluar se trajneri në largim Pep Guardiola, është i mirë se ardhur për një rikthim kur të ketë ai dëshirë.

Guardiola vendosi që të largohej nga Barcelona në fund të këtij sezoni dhe pas lamtumirës së tij me tifozët në Camp Nou, Rosell tha se Guardiola është i mirë se ardhur që të rikthehet në të ardhmen.

“Askush nuk u largua para fundit të ndeshjes. Camp Nou tha qartë dhe zëshëm: “Ne të duam, Pep”.

“Pep mund të rikthehet kur të ketë dëshirë”, ka thënë Rosell pas fitores prej 4-0 ndaj Espanyolit. 

Lexo më shumë

Allegri: Juve ka gjëra për të humbur

Trajneri i Milanit, Massimiliano Allegri, ndjen se Juventusi është favorit i qartë për të fituar titullin në Serie A këtë sezon, por mendon se presioni ndaj njerëzve të Antonio Contes mund të luajë rol në javën e parafundit në Serie A, ku pritet të vendosen shumë gjëra.

“Nuk ka nevojë për nivele ekcesive të presionit, sepse ekipi që ka diçka për të humbur është Juventusi”.

“Por, lojtarët duket të jenë të përgatitur psikologjikisht për ndeshjet vendimtare dhe të jenë sa më të qetë. Ne duhet të luajmë me entuziazëm, me guxim duke e ditur se kemi aftësinë për të fituar”.

“Tani kemi derbin para nesh, që është ndeshje e veçantë, ndërsa ne kemi mundësinë për të tejkaluar Juventusin edhe pse fati është në duart e tyre”, ka deklaruar Allegri para derbit.

Lexo më shumë

Guardiola lëvdon tifozët pas lamtumirës

Trajneri i Barcelonës, Pep Guardiola, ka komplimentuar përkrahjen e tifozëve ndaj tij gjatë katër viteve qëndrimi, pas sfidës lamtumirëse të cilën ekipi e fitoi me rezultat 4-0 ndaj Espanyolit.

“Jeta më ka dhënë këtë dhuratë. Gjatë katër viteve të kaluara, unë kam qenë pranë tifizoëve dhe lojtarëve. Jam i privilegjuar”.

“Unë shpresoj që ju, tifozët, të kënaqeni me ekipin. Ne jemi ndjerë shumë pranë jush. Ju nuk e dini se sa me fat që jam. Do të më mungoni shumë, por jam i bindur se do të jeni në duart e mira. Unë duhet që të heq rripin e sigurisë nga stoli i trajnerit dhe të largohem, por më premtoni se do të kaloni mirë”, është shprehur Guardiola.

Pep Guardiola gjatë katër viteve të qëndrimit të tij fitoi 13 tituj me Barcelonën ku përfshihen dy trofe të Ligës së Kampionëve. 

Lexo më shumë

Balotelli sërish luan me zjarr

Vetëm disa muaj pasi e dogji shtëpinë e tij të mëparshme, Mario Balotelli sërish po luan me zjarr.

Në një fotografi të publikuar në internet shihet futbollisti italian në një hotel duke e ndezur me shkrepëse një dezodorans.

Sulmuesi i Manchester Cityt në tetor të vitit të kaluar e dogji shtëpinë në të cilën jetonte. Sipas Mirror, dëmi i shkaktuar llogaritet rreth 400.000 funte. 

Lexo më shumë

Love: Nuk marr drogë, jam e varur nga sheqeri

Rokerja Courtney Love në një shkrim për New York Magazine ka pranuar se është e varur nga sheqeri.

Ajo ka thënë se ka probleme me konsumimin e sheqerit, ashtu që në orët e hershme të mëngjesit e ka të domosdoshme që të konsumojë diçka të ëmbël.

“E kam ndërprerë drogën në vitet e nëntëdhjeta, mirëpo çdo mëngjes më duhet të ha diçka të ëmbël”, ka treguar ajo.

E veja e Kurt Cobain ka theksuar se në dietën e saj nuk përfshihet çokollata.

“E urrej çokollatën. Edhe Kurt Cobain e urrente çokollatën. Ka qenë një nga gjërat tona të përbashkëta. Çokollata... e urrej atë”, ka shkruar këngëtarja. 

Lexo më shumë

Unikkatili, këngë të re me Presionin

Është konfirmuar edhe zyrtarisht tashmë se ‘babai’ i repit shqiptar, Viktor Paloka i njohur si Unikkatili, do të lansojë këngën e tij të re në bashkëpunim me anëtarin tjetër të grupit TBA, Presionin.

Këtë për Telegrafin e kanë konfirmuar së pari agjenti i njohur shqiptar Nexhat Morina dhe më pas edhe vet menaxhmenti i Unikkatilit, që ka paralajmëruar këngën e re.

Ende nuk dihet titulli i këngës së re të Unikkatilit në bashkëpunim me Presionin, por ajo pritet që të lansohet në fund të këtij muaji apo në fillim të muajit qershor.

Lexo më shumë

Kontradikta të reja mes Noizyt dhe Babastars

Incidenti i ndodhur javë më parë në aeroportin e Zurichut, ku janë rrahur Noizy dhe anëtarët e Babastars, ka marrë formë tjetër. Ata kanë shfrytëzuar emisionin Prive në Klan Kosova për të treguar verzionet e tyre të ngjarjes, teksa nuk kanë premtuar fundin e konfliktit.

Noizy, i intervistuar nga Klan Kosova ka pohuar edhe njëherë se ka rrahur Babastars dhe se këtë e bëri duke qenë vet i dyti. Ai shtroi pyetjen se çfarë do të kishte ndodhur po që se do të kishte qenë ai vet i gjashti dhe Babastars me vetëm dy anëtarë. Pos tjerash, Noizy akuzoi si qyqar Visar Shalën, anëtarin e Skillz, i cili thotë ta ketë goditur nga prapa teksa po bisedonte me Agon Sylejmanin, anëtarin e Tingulli 3nt.

Më tej Noizy shtoi se fotot e publikuara nga Babastars se në Prishtinë e kanë ruajtur policë civilë janë të pa vërteta dhe pohon se atë e kanë marrë babai i tij dhe dy miqë nga Suhareka. Noizy shprehu çudinë se si askush nga Babastars se preku në aeroport, kur vazhdimisht bënin fotografi nga ai.

Nga ana tjetër pa u shprehur nuk la as menaxheri i Babastars, Drin Zatriqi. Ai vazhdimisht iu referua Noizyt si i rrahuri. Drini i dërgoi një mesazh Noizyt duke i thënë se për Babastars gjithçka ka përfunduar, por se herën tjetër duhet të matet mirë nëse dëshiron të ketë konflikt me Babastars.

Për fund, Noizy i pyetur se çka mund të ndodhë nëse takohet me Stresin, armik i tij i vjetër, i cili së fundmi u anëtarësua në Babstars, tha se do t’ia shkatërrojë karrierën Stresit po që se lanson vetëm edhe një ‘diss’ kundër tij. 

Për më shumë, video e plotë nga kolegët e Prive:

Lexo më shumë

Windows 8 pa Media Center

Nëse në një kompjuter me Windows 7 vendosni një DVD me film, Media Center i cili vjen si pjesë e Windowsit, pa problem do ta luaj atë. Me Windows 8, i cili sipas pohimeve është revolucionar, nuk do ta keni këtë mundësi, së paku jo në pakon bazë.

Në të vërtetë, Microsoft ka pranuar se Windows 8 nuk do të jetë në gjendje të bëj reproduktimin e titujve DVD, së pako jo menjëherë pas instalimit, por Media Center do të instalohet më vonë. Nëse do të ketë dhe sa do të jetë çmimi, ende nuk është përcaktuar, por është e sigurt se Media Center nuk është pjesë e Windows 8.

Pasi të jetë instaluar, Media Center në Windows 8 do të përkrah reproduktimin e DVD-ve, incizimin e TV programeve dhe reproduktimin e gjërave tjera me të cilat jemi mësuar. Windows Media Player i zakonshëm, nuk do të jetë në gjendje të bëjë asnjërën nga këto.

Sipas Microsoft: “ Për reproduktimin e disqeve të zakonshëm optik ne do të mbështetemi në zgjidhjet e shumta kualitative në treg të cilat japin rezultate të shkëlqyeshme për DVD dhe Blu-ray”.

A do të thotë kjo se Microsoft do të licencoj nga ndokush softuerin dhe do ta vendos në Windows ose kjo “ne” nënkupton se janë bërë një me neve, shfrytëzuesit, prej të cilëve pritet që të blejnë ndonjë shtesë që në kompjuter të mund të shikojnë një DVD ose Blu-ray disk, për momentin nuk është e ditur.

Dita e paraqitjes është afër, kështu që së shpejti do ti kuptojmë të gjithat... 

Lexo më shumë

Fluturon mbi Rio de Janeiro (Video)

Aventuristi i njohur zviceran, Yves Rossy, ka realizuar një fluturim të suksesshëm mbi Rio de Janeiro në Brazil.

‘Jetmani’ fluturoi 11 minuta e 35 sekonda pasi u lëshua nga helikopteri mbi Rio.

Me ndihmën e “veshjeve fluturuese” Jetwing dhe katër motorëve, ai fluturoi duke arritur shpejtësi prej 305 km/h. 

Lexo më shumë

Drews: Autoriteti fitohet, nuk imponohet

Komandanti i KFOR-it në Kosovë, Erhard Drews thotë se autoriteti në veri të Kosovës nuk mund të shtrihet duke përdorur forcën, por siç thotë ai, duke e fituar respektin e banorëve atje.

Në një intervistë dhënë për Zërin, Drews thotë se kritikat ndaj KFOR-it, kinse nuk po e bën ashtu siç duhet punën, janë të pabaza.

Ai deklaron se KFOR-i nuk ka interes të merret me politikë, mirëpo sipas tij “shumë nga gjërat që bëjmë interpretohen politikisht, e kjo ndodh pasi jemi në një zonë me misione të politizuara”.

“Të fajësosh të tjerët nuk ndihmon këtu. Policia e Kosovës, EULEX-i dhe KFOR-i kanë shtuar prezencën në tërë Kosovën dhe, për fat të keq, ndonjëherë krimi nuk mund të parandalohet”, thotë ai.

Komandanti Drews njofton se KFOR-i është duke punuar në mbylljen e rrugëve alternative në veri të vendit dhe se nuk do të tërhiqet.

Për zgjedhjet e sotme serbe, thotë se NATO ka dërguar Batalionin 2 rezervë operativë si përforcim në rast se “përballemi me çfarëdo lloj kërcënimi dhe prishjeje të rendit e qetësisë së mjedisit”.

Institucionet e Kosovës publikisht janë ankuar jo vetëm në EULEX-in, por gjithashtu edhe në trupat e KFOR-it, se nuk po mbështesin shtrirjen e autoritetit në veri të vendit.

“Autoriteti nuk është diçka që mund të shtrihet apo të zbatohet me forcë, është diçka që duhet të fitohet”, thotë Drews.

Gjenerali gjerman mohon të ketë thënë se nuk duhet të përsëritet 25 Korriku i vitit të kaluar.

“Më vjen keq të them se unë jam keqinterpretuar në mënyrë vulgare. Në fakt është e kundërta: Unë kam besim të plotë në pjekurinë e Institucioneve dhe në njerëz. Sa i përket 25 Korrikut, unë nuk kam komentuar për të, mirëpo është prezantuar sikur kam komentuar. Citate të tilla të gabuara janë çmimi të cilin duhet paguar kur flisni me mediat”.

Lexo më shumë

Krasniqi: Duan të na frikësojnë!

Kryetari i Kuvendit të Kosovës, Jakup Krasniqi, ka kërkuar nga të gjithë shqiptarët e Ballkanit që t’ju japin një përgjigje të përbashkët politike arrestimeve të fundit të shqiptarëve në Serbi dhe Maqedoni.

Kryeparlamentari Krasniqi u ka bërë thirrje dy shteteve fqinje që të kenë kujdes me shqiptarët, pasi pozita e tyre nuk është më sikur kishte qenë në shekujt e mëparshëm.

Në një intervistë për Express, Krasniqi shprehet se disa popuj nuk po mund të pajtohen me pozitën e avancuar të shqiptarëve dhe po e mbajnë rajonin të trazuar.

"Sigurisht se janë konfliktet e vjetra, janë ideologjitë nacionaliste dhe dominuese që ende janë në skenat politike në Ballkan. Këto ideologji dhe filozofit mitomaniste të dominimit nuk po mund të pajtohen me realitetin e ri që është krijuar në Ballkan dhe s’po mund ta pranojnë një pozicion të avancuar që e ka kombi shqiptar në Ballkan", ka thënë Krasniqi.

Krasniqi thotë se aksionet e arrestimeve në Maqedoni dhe në Serbi kanë për qëllim frikësimin e shqiptarëve. Ndërsa, për ta tejkaluar këtë situatë thotë se duhet t’u jepet një përgjigje kombëtare dhe ndërkombëtare vendeve fqinje.

"Konsideroj që edhe institucionet e Shqipërisë, edhe të Kosovës por edhe të BE-së duhet të bëjnë diçka që ta sigurojnë dhe ta garantojnë jetën e qytetarëve që jetojnë në atë pjesë të Ballkanit”. 

Lexo më shumë

Di Matteo: Lojtarët, krenaria e klubit

Menaxheri i Chelseat, Roberto Di Matteo, ndihet krenar që e fitoi FA Cup me klubin londinez, pasi beson se lojtarët bënë krenarë tifozët me fitoren ndaj Liverpoolit.

“Është një situatë unike kjo, që të fitoj kupën si lojtar dhe të jem në gjendje ta bëj këtë edhe si trajner, ndihem i nderuar që e përjetova këtë”.

“Jam shumë i lumtur përp lojtarët. Ne jemi kritikuar shumë këtë sezon, por kemi marrë një trofe dhe jemi në lojë për një tjetër, kështu që ishte sezon i çuditshëm, por lojtarët meritojnë lëvdata. Ata na bënë shumë presion në pjesën e dytë, por mendoj se ne jemi mbrojtur mirë ndaj kësaj”, ka thënë Di Matteo.

Lexo më shumë

Heynckes: Të mbajmë ritmin

Pasi e rrëzoi Kolnin nga Bundesliga, trajenri i Bayernit të Munichut, Jupp Heycnkes është shprehur optimist për ekipin e tij para finales së Ligës së Kampionëve ndaj Chelseat, duke thënë se bavarezët janë maksimalisht të përgatitur.

“Edhe pse ne humbëm titullin, ekipi im ka punuar shumë në javët e fundit dhe i ka marrë gjërat shumë seriozisht”.

“Sot (e shtunë) ne treguam se jemi në gjendje të mbajmë ritmin dhe të luajmë me shumë tension para dy finaleve të mëdha. Ne kemi qëllime të mëdha dhe erdhëm në Koln për të fituar”, është shprehur Heynckes. 

Lexo më shumë

BBA: Largohet Graciano

Është larguar nga shtëpia më e madhe në Shqipëri, një prej banorëve më kontraversë, djaloshi nga Tirana, Graciano.

Njeriu i cili hyri me mjaft fat në këtë reality shou, gjatë ditëve të qëndrimit të tij tregoi dhe anën e fortë të tij, duke mos lejuar t’u bindet ‘zotërave’ të shtëpisë. Kjo ka pasur pasoja, pasi ai u eliminua nga Big Brother. 

Sidoqoftë, përkundër faktit se këtë javë shpëtoi pa u eliminuar, Genta do të ketë shumë problem të qëndrojë edhe pas javës së ardhshme, ku do të dalin dy banorë. Të nominuar janë Genta dhe katër të dënuarit për thyerjen e rregullave: Arbri, Liami, Tani dhe Gerta.

Lexo më shumë

Lady Gaga dëshiron urdhra në dhomën e gjumit

Këngëtarja Lady Gaga ka treguar se asaj i pëlqen dominimi i partnerit në dhomën e gjumit.

“Vërtet më pëlqen kur dikush në dhomën e gjumit më urdhëron se çfarë të bëj. Të gjithë mendojnë se unë jam ndonjë maniake seksuale, që edhe jam, por mendoj se nuk jam kënaqur në seks sikurse kur jam bërë pakëz më e madhe dhe më e pjekur”, është përgjigjur Gaga kur është pyetur rreth pozitave të preferuara seksuale.

Ndryshe, sipas tabloideve amerikane, këngëtarja është ndarë nga i dashuri i saj, Taylor Kinney, në mënyrë që të fokusohet në karrierë.

Lexo më shumë

Paratë janë dashuria e re

Njerëzit vazhdojnë të mendojnë se të flasësh për para është diçka joromantike, por nëse s’ke para s’mund mund të kesh romancë.

Është lidhja e fundit ‘hot zonë’. Femrat e pavarura, janë mësuar aq shumë të kenë paratë e tyre, saqë kur vjen momenti të bashkojnë përgjegjësitë financiare, gjërat mund të bëhen të pavendosura. Të shmangësh ankesat për para do të thotë të bëni disa rregulla bazë financiare të qarta.

Sjellja juaj me paratë mund të kthehet në një hell në çdo etapë të lidhjes. Sipas një sondazhi britanik, bërë nga Daily Mirror, 81% e të anketuarave vazhdojnë të mendojnë se të flasësh për para është diçka joromantike, por nëse s’ke para s’mund mund të kesh romancë. Çdo çift ka rregullat e tij, por është e rëndësishme që të dimë se të gjithë mbërrijmë në një lidhje dëshirë-shtrënguese për para.

Sondazhi tregon se niveli i lumturisë korrespondon me sasinë e parave të një personi dhe ndryshe nga ç’ mendohet ky nivel lumturie nuk mbetet i pandryshuar pasi arrihet një shumë e kënaqshme, por vazhdon të rritet sa më shumë shtohet pasuria. 

Lexo më shumë

Shmangni patatet e skuqura

Patatet e skuqura janë një pasion për shumë njerëz, megjithëse përdorimi tepruar, paraqet pasoja për shëndetin.

Në një studim janë analizuar aktiviteti fizik dhe shprehitë ushqyese të 80.000 vullnetarëve në një periudhë 14-vjeçare. Hulumtuesit kanë vërtetuar se lidhshmëria më e rëndësishme ndërmjet sëmundjeve të zemrës qëndron me ushqimin i cili përmban acide trans-yndyrore, të cilat zvogëlojnë kolesterolin e mirë dhe e shtojnë të keqin, ndërsa janë të pranishme sidomos te patatet e skuqura.

Sipas kërkuesve të Universitetit të Kalifornisë, kur patatet e para të skuqura arrijnë në stomak, yndyrat bëjnë që të prodhohen endokanabinoide, substanca që “ndezin” sinjalin e urisë. Kjo gjë vlen për të gjitha ushqimet që përmbajnë yndyrë, por që çuditërisht këtë efekt nuk e kanë sheqernat dhe ushqimet me proteina.

Sipas grupit të studiuesve, në të ardhmen mund të bëhet i mundur ndalimi i këtij efekti (veprimit të endokanabinoideve) dhe në këtë mënyrë do të jetë më e lehtë të heqim dorë nga patatet e skuqura. 

Lexo më shumë

I mbijeton goditjes së autobusit (Video)

Një student i ka dalë përpara një autobusi në një kamp universitar në Teksas dhe gjithçka është kapur nga kamerat.

Në xhirim shihet djali i quajtur Nick, i cili në një moment tenton ta kalojë rrugën dhe atë e godet autobusi (0:27).

Disa nga komentuesit kanë thënë se autobusi ka kaluar në të kuqe para se ta godiste atë. Sido që të jetë, Nick ka shpëtuar pa lëndime serioze nga kjo goditje.

Lexo më shumë

Të shtypur nga Serbia, të bllokuar nga Kosova (Video)

Teksa Serbia vazhdon arrestimin e shqiptarëve në Luginën e Preshevës, Qeveria e Prishtinës ende nuk ka hequr policat kufitare prej 60 euro për shqiptarët e asaj pjese.

Në këtë mënyrë shqiptarët e jugut të Serbisë trajtohen si shtetas të huaj për Prishtinën, ndërkohë Serbia vazhdon t’i privilegjojë serbët e Kosovës. Për më tepër shqiptarët nuk mund të hyjnë apo të dalin nga Kosova pa pasur pasaportë.

Në pikën kufitare që çon në qytetin e Preshevës, para marrëveshjes ndërmjet Prishtinës dhe Beogradit, kalimi i kufirit bëhej vetëm me letërnjoftime të Serbisë. Ndërkohë, pas marrëveshjes në këtë pikë autoritetet kosovare nuk lejojnë kalimin pa pasaportë të Serbisë apo të Kosovës.

“Mos incizoni ky është kufi. Zonjë, pasaporta juaj me duhet. Nuk mund të kaloni pa të. Ne këtu kemi urdhër. Nga këtu nuk kalohet më pa pasaportë, me letërnjoftim mund të kaloni vetëm te Dheu i Bardhë”, ka arsyetuar një polic kufitar i Kosovës kur ekipi i Top Channel kishte tentuar ta kalojë kufirin vetëm me letërnjoftime të Serbisë.

Kjo që po ndodh në këtë pikë kufitare, sipas Ministrit të Brendshëm, Bajram Rexhepi, nuk do të duhej të ndodhte. Nëpërmjet një bisede telefonike, Rexhepi ka thënë se iu është kërkuar zyrtarëve doganorë që shqiptarëve të Luginës t’u lejohet hyrja dhe dalja vetëm me letërnjoftime.

Ndërkohë, zëvendëskryeministri Hajredin Kuçi ka thënë për Top Channel se qeveria është duke pritur përgjigje nga shoqata e sigurimeve për lirimin e policave kufitare.

Marrëveshja e arritur për lëvizjen e lirë duket se ka lehtësuar udhëtimin e kosovarëve që duan të vizitojnë Serbinë, por ka vështirësuar tej mase qarkullimin i shqiptarëve të Luginës të cilët destinacion e kanë Kosovën. Kalimi i kufirit serb pa pasaportë vlen vetëm për dy pikat: atë të Merdarës dhe te Dheu i Bardhë, çka konfirmohet edhe nga Policia e Kosovës. 

Lexo më shumë

Turqia do të ndihmojë

Kryeministri i Turqisë, Recep Tayyip Erdogan, thuhet se ka kërcënuar me shpërbërje të Maqedonisë dhe të gjithë Ballkanit, nëse nuk merren parasysh të drejtat e shqiptarëve.

Portali Globisot.org ka cituar kryeminsitrin Erdogan të ketë thënë në një intervistë për kanalin shtetëror turk se "Turqia do të mbështesë vëllezërit shqiptarë nëse do të jetë e nevojshme edhe me trupa ushtarakë".

Ai po ashtu shtoi se populli shqiptar ka të drejtën e vetëvendosjes për krijimin e një shteti të madh shqiptar, dhe se UÇK nuk është organizate rebele-terrorist, por vullneti i shqiptarëve për të mbrojtur trojet e tyre, ka transmetuar portali Globisot.org.

Erdogan tha se trupat kombëtare turke janë në gatishmëri dhe do ndihmojnë shqiptarët për çlirimin e trojeve shqiptare.

Deklarata e kryeministrit turk, ka ngjallur reagime të ashpra nga ministri i jashtëm grek dhe serb.

Mirëpo, portali globisot.org më vonë demantoi lajmin e marrë nga portali altime, duke thënë se deklarata, në të cilën citohej kryeministri turk, nuk ishte e vërtetë dhe se Turqia vazhdon të ndjek politikë konstruktive me  vendet e Ballkanit.

Lexo më shumë

Fitojnë Barca e Reali – Messi thyen tjetër rekord

Barcelona ka triumfuar në derbin lokal kundër Espanyolit duke fituar me rezultat 4-0 në Camp Nou.

Në këtë takim shkëlqeu superylli Leo Messi, i cili i shënoi të katër golat e Blaugranëve – dy nga loja e lirë (12’ dhe 74’) dhe dy nga penaltia (64’ dhe 79).

Me golin e dytë, argjentinasi theu rekordin për më shumë gola të shënuar në një ligë brenda një sezoni që e mbante Dudu Georgescu, i cili në sezonin 1976-1977 pati shënuar 47 gola me Dinamo Bucharestin.

Megjithatë, me dy golat e tjerë të shënuar, lojtari më i mirë në botë vuri rekord të ri duke shënuar 50 gola brenda një sezoni vetëm në kampionat.

Nga ana tjetër, fitore ka shënuar edhe kampioni i sivjetmë i Spanjës, Real Madrid, edhe pse deri në minutën e 81-të ishte në disavantazh. Los Blancos fituan me rezultat 2-1 si mysafirë të Granadas.

Franco Jara i kaloi vendasit në epërsi (5’), mirëpo një penalti e Cristiano Ronaldos (81’) dhe një autogol i David Cortes (90’+2), bënë që Mbretërit të dilnin fitimtarë. 

Lexo më shumë

Barazon Roma

Roma nuk ka arritur ta mposhtë Catanian në Olimpico. Takimi i zhvilluar të shtunën mbrëma ka përfunduar me rezultat 2-2.

Pjesa e parë u mbyll pa gola, ndërsa përmendim penaltinë e Francesco Tottit, të cilën e mbrojti portieri Juan Pablo Carrizo (9’).

Në gjysmën e dytë, ishte Totti që i kaloi vendasit në epërsi (52’), mirëpo Francesco Lodi barazoi nga pika e bardhë (58’).

Giovanni Marchese shënoi për epërsinë e mysafirëve (67’), mirëpo kapiteni legjendar e barazoi rezultatin (77’).

Lexo më shumë

Derbi milanez do ta vendosë titullin

Derby della Madonnina, mes Interit dhe Milanit, do të jetë vendimtar për titullin e kampionit të Italisë – ka deklaruar legjenda rossonere, Gianni Rivera.

Kuqezinjtë gjenden një pikë prapa Juventusit në tabelën e Serie A dhe me një fitore në derbin e të dielës (dhe me dështimin eventual të Bianconerëve), do ta merrnin kreun e Kampionatit italian.

“Derbi do ta vendosë kampionatin, ndërsa sa i përket rezultatit është e pamundur të thuhet se kush ka përparësi në ndeshje të këtilla”, ka thënë Rivera për La Gazzetta dello Sport.

Lexo më shumë