Një delegacion i Kongresit amerikan viziton Kosovën

Një delegacion i Kongresit Amerikan, i udhëhequr nga kongresisti David Dreier, do ta vizitojë Kosovën më 3 dhe 4 prill.

Sipas REL, gjatë qëndrimit në Kosovë, ky delegacion do të takohet me presidenten e Kosovës, kryetarin e Kuvendit, si dhe me anëtarët e Kuvendit, njofton Ambasada Amerikane në Prishtinë.

Republikani Dreier përfaqëson shtetin e Kalifornisë në Kongresin e Shteteve të Bashkuara të Amerikës. Ai është anëtar i Kongresit që nga viti 1981.

Lexo më shumë

Sipas BE, arrestimet nuk ishin kidnapim?

Maja Kocijancic, zëdhënësja e shefes për politikë të jashtme të BE-së, Catherine Ashton, në një konferencë për media në Bruksel citohet të ketë thënë se arrestimet e policëve nuk mund të konsiderohen si kidnapim- raporton B92.

Kocijancic ka ftuar Beogradin dhe Prishtinën që të zgjidhin problemin e tyre përmes dialogut, e jo përmes zbatimit selektiv të ligjit.

Autoritetet kosovare e kanë quajtur si kidnapim arrestimin e pjesëtarëve të Policisë së Kosovës, duke e konsideruar si sulm mbi integritetin institucional e territorial të Republikës së Kosovës. 

Lexo më shumë

Policët u liruan, KFOR-i dhe EULEX-i vazhdojnë hetimin

Dy policët kosovarë, të cilët u arrestuan të shtunën nga xhandarmëria serbe në zonën në afërsi të pikës kufitare në Merdare, i janë dorëzuar misionit evropian për sundimin e ligjit në Kosovë (EULEX), ndërsa tashmë kanë arritur në Kosovë. EULEX ka konfirmuar se bashkë me KFOR-in do të vazhdojnë hetimet për rrethanat e arrestimit të tyre. Ministria e Punëve të Brendshme edhe njëherë ka shprehur bindjen se zyrtarët policorë të kidnapuar tinëzisht nga ana e xhandarmërisë Serbe kanë qenë duke patrulluar në zonën e përgjegjësisë së Policisë së Kosovës.

Lajmin për lirimin e policëve e ka konfirmuar zëdhënësi i EULEX-it, Nicolas Hauton, i cili bëri të ditur se transportimi i tyre është bërë me një veturë të misionit nga Prokupla për në territorin e Kosovës, raporton Rel.

Hauton tha se hetimet për rrethanat e arrestimit do të vazhdojnë, por përjashtoi mundësinë që raporti final të jetë publik. Ai nuk dha as ndonjë afat kohor se kur mund të jetë gati raporti në fjalë.

“Rrethanat e arrestimit të tyre janë duke u hetuar. Pjesëtarët e Policisë dhe të KFOR-it kanë qenë në vendin e ngjarjes ku thuhet se është bërë arrestimi. Pra, ka nisur mbledhja e të dhënave për hetimin e këtij rasti. Gjasat janë të ulëta që ky raport të jetë publik. Ky do të jetë një hetim, të cilin e bëjnë policët e prokurorët, ndërsa nuk ka ndonjë afat kohor se sa kohë do të marrë ky hetim”, u shpreh Hauton për të shtuar se lirimi i policëve kosovarë është bërë pas ndërhyrjes së misionit EULEX.

Autoritetet serbe kishin thënë se policët Shukri Binaku dhe Sami Beqiri, janë arrestuar, meqë kishin shkelur zonën e gjelbër dhe me këtë edhe marrëveshjen ushtarako - teknike të Kumanovës të nënshkruar nga Serbia dhe NATO më 1999, sipas së cilës në këtë brez mund të lëvizin të armatosur vetëm KFOR-i dhe forcat serbe.

Prishtina zyrtare, ndërkaq, e kishte quajtur “kidnapim” arrestimin e policëve, duke shprehur bindjen që ai të ketë zënë vend brenda territorit të Kosovës.

Ndërkohë, as KFOR-i, i cili po kryeson hetimet mbi rrethanat e arrestimit, nuk dha detaje të tjera për procesin e hetimit.
“KFOR-i është i shqetësuar për zhvillimet e fundit, por është i bindur që të gjitha palët e përfshira të sillen në mënyrë profesionale për ta zgjidhur këtë mosmarrëveshje. Është përgjegjësi e KFOR-it të adresojë shkeljet e vijës administrative e kufitare. Në rast se ka ndonjë mosmarrëveshje për vijën kufitare-administrative, KFOR-i është arbitrazhi për këtë çështje”, tha Den Harvej, një nga zëdhënësit e misionit të NATO-s.

Ministria e Punëve të Brendshme e Republikës së Kosovës, vlerëson angazhimin dhe përpjekjet e mekanizmave ndërkombëtarë, në veçanti EULEX-it, për lirimin e zyrtarëve policor të kidnapuar nga ana e xhandarmërisë serbe.  

Ministria e Punëve të Brendshme edhe njëherë shprehë bindjen se zyrtarët policorë të kidnapuar tinëzisht nga ana e xhandarmërisë Serbe kanë qenë duke patrulluar në zonën e përgjegjësisë së Policisë së Kosovës dhe në asnjë moment nuk kanë tejkaluar zonën e përgjegjësisë së tyre, thuhet në një kumtesë të lëshuar nga MPB.  

“Ne besojmë se KFOR-i dhe EULEX-i bashkërisht do të konstatojnë këtë fakt dhe do të vërtetohet se zyrtarët e Policisë së Kosovës kanë patrulluar brenda juridiksionit të Republikës së Kosovës. MPB inkurajon të gjithë zyrtarët e Policisë së Kosovës të vazhdojnë kryerjen e detyrave të tyre  sipas mandatit, në mbrojtje të integritetit territorial dhe në ruajtje të rendit dhe ligjit sipas Kushtetutës së Republikës së Kosovës”.

Lexo më shumë

Shërbyesit civil marrin pagat

Zyrtarët e Ministrisë së Financave (MF), kanë konfirmuar për LajmeNews se për të 76 mijë shërbyesit civil janë lëshuar pagat e marsit të hënën.

Këshilltari në Ministrinë e Financave Menderes Ibra tha për telegrafin se pagesa e pagave për shërbyesit civilë është bërë sot.

“Sot janë lëshuar pagat për 76 mijë shërbyesit civil sipas praktikës. Pagat lëshohet me datën 1 të çdo muajit por pasi dje ka qenë vikend pagat janë lëshuar sot”, tha Ibra.

Ai ka theksuar se nuk ka as një rrezik për probleme buxhetore sikur çdo herë edhe ën muajt në vijim pagat do të ipen si zakonisht. 

Lexo më shumë

Ambasadori Gjerman vizitoi Devolli Corporation

Ambasadori gjerman në Kosovë, Ernst Reichel, ka qëndruar të hënën në Pejë . Gjate vizitës së ambasadorit Reichel në Devolli Corporation ai është njoftuar për aktivitetet prodhuese dhe shërbyese të korporatës, derisa është shprehur me interesim për mundësitë e bashkëpunimit dhe të bashkëinvestimit të kompanive kosovare dhe atyre gjermane.

Në takim është vënë theks i veçantë te faktit që Kosova ka resurse humane për aktivitete prodhuese dhe shërbyese në ekonomitë prestigjioze evropiane, me interes për produkte të konsumit vendor dhe ndërkombetar.

Ambasadori gjerman Reichel ka drekuar me përfaqësues të bizneseve pejane.

Lexo më shumë

Allegri: Barca, ende më e mira

Trajneri i Milanit, Massimiliano Allegri, ka lëvduar Barcelonën para supersfidës kthyese që zhvillohet të martën mbrëma në Camp Nou, duke thënë se Blaugranët janë më të mirët.

“Nuk kemi pasur aq shumë kohë për t’u përgatitur taktikisht për ndeshjen, sepse ne kemi luajtur çdo të tretën ditë. Ne do ta bëjmë këtë në Barcelonë. Për çdo rast ne kemi luajtur ndaj tyre vetëm javën e kaluar dhe ne jemi të gatshëm”.

“Barcelona është ende ekipi më i mirë në botë, por do të ketë momente kruciale të cilat do të jenë vendimtare për sfidën. Unë pres që Barca të jetë në formën më tëmirë. Unë nuk po mendoj shumë për rezultatin final, mund të përfundojë me rezultat 0-0 dhe të shkojmë në penalti edhe pse dyshoj se kjo do të ndodhë”, ka thënë Allegri.

Lexo më shumë

Marcelo: Gjithmonë ne favoritë për LK

Anësori i Real Madridit, Marcelo, ka thënë se ekipi i tij është një prej favoritëve për ta fituar Ligën e Kampionëve këtë sezon.

“Real Madridi gjithmonë është favorit në çdo garë, por është ende rrugë e gjatë për t’u bërë. Unë gjithmonë vë bast në Realin. Secili lojtar dëshiron që ta fitojë Ligën e Kampionëve dhe unë nuk dalloj prej tyre”.

“Unë po ashtu dua ta fitoj atë, por kanë mbetur edhe shumë ndeshje dhe ne duhet të vazhdojmë të luajmë në këtë nivel, në mënyrë që ta fitojmë”, ka potencuar Marcelo.

Lexo më shumë

Chelsea serioz për Hazard

Pronari i Chelseat, Roman Abramovich, është i gatshëm që të mposhtë të gjithë rivalët për yllin e Lille, Eden Hazard.

People shkruan se Abramovich është duke punuar në transferimin e yllit belg, të cilit është i gatshëm t’ia ofrojë një pagë prej 110 mijë funtesh në javë në një kontratë pesëvjeçare e cila do të mposhtë të gjithë rivalët tjerë për firmën e talentit më të madh në Evropë sot.

Edhe Manchester United, Tottenham, Arsenali dhe Liverpooli janë në kërkim të Hazard. 

Lexo më shumë

Lahm: Bayerni ëndërron finalen

Kapiteni i Bayernit të Munichut, Philipp Lahm, ka thënë se ekipi më i madh gjerman është duke e ëndërruar finalen e Allianz Arenas, duke konfirmuar kështu dëshirën për të shkuar deri në fund, pa marrë parasysh nëse pengesa e radhës mund të jetë Real Madridi.

“Duke parë se finalja zhvillohet në stadiumin tonë, ëndrra jonë është që të kualifikohemi për atë finale”.

“Barcelona dhe Real Madridi duket të jenë në një nivel tjetër me pjesën tjetër, por gjithçka është e mundur në përballje direkte nëse po ashtu kemi dhe një ditë të mirë”, është shprehur Lahm për L’Equipe.

Lexo më shumë

Guardiola: Raul lojtar i rëndësishëm

Trajneri i Barcelonës, Pep Guardiola, ka zbuluar admirimin për sulmuesin e Schalkes, Raul, duke lëvduar përvojën dhe cilësinë e ish-kapitenit të Schalkes.

Legjenda e Real Madridit shënoi dy gola në sfidën ndaj Athletic Bilbao për ekipin gjerman Schalke, duke tërhequr edhe njëherë vëmendjen e të gjithë Spanjës se ai ende nuk është i harxhuar.

“Raul mbetet lojtar i rëndësishëm për shumë vite të tjera. Në atë që ai bën, për mua, është më i miri. Ai e ka bërë më shumë se 500 herë dhe është lojtar shembullor për të gjithë. Ai është një njeri i cili ka luajtur në një nivel shumë të lartë dhe unë jam i lumtur për të”, ka theksuar Guardiola.

Lexo më shumë

Guardiola: Raul lojtar i rëndësishëm

Trajneri i Barcelonës, Pep Guardiola, ka zbuluar admirimin për sulmuesin e Schalkes, Raul, duke lëvduar përvojën dhe cilësinë e ish-kapitenit të Schalkes.

Legjenda e Real Madridit shënoi dy gola në sfidën ndaj Athletic Bilbao për ekipin gjerman Schalke, duke tërhequr edhe njëherë vëmendjen e të gjithë Spanjës se ai ende nuk është i harxhuar.

“Raul mbetet lojtar i rëndësishëm për shumë vite të tjera. Në atë që ai bën, për mua, është më i miri. Ai e ka bërë më shumë se 500 herë dhe është lojtar shembullor për të gjithë. Ai është një njeri i cili ka luajtur në një nivel shumë të lartë dhe unë jam i lumtur për të”, ka theksuar Guardiola.

Lexo më shumë

Galliani kërkon gjyqtarë shtesë

Zëvëndëspresidenti i Milanit, Adriano Galliani, i ka dërguar një letër Federatës Italiane të Futbollit (FIGC) dhe presidentit Giancarlo Abetet, ku ka shprehur pakënaqësinë me referimin së fundmi ndaj Milanit, me ç’rast ka kërkuar dhe përfshirjen e gjyqtarëve shtesë.

Milanit i janë marrë dy gola vendimtarë, një në barazimin ndaj Catanias dhe një ndaj Juventusit, ku në të dyja rastet topi kaloi vijën dhe kjo ka irrituar në masë të madhe zyrtarët Rossonerë, të cilët kanë marrë masa.

Në letrën e publikuar edhe në faqen zyrtare të Milanit, Galliani ka shprehur pakënaqësinë me referimin, duke shprehur dhe fakte. Po ashtu, Galliani ka kërkuar që të shfrytëzohën gjyqtarët shtesë në ndeshjet e mbetura vendimtare në Serie A, një metodë kjo e shfrytëzuar në ndeshjet e Ligës së Kampionëve nga UEFA.

Ende Galliani është në pritje të përgjigjes së Abetes, por vështirë se mund të realizohet kërkesa e tij marrë parasysh se FIFA ende nuk ka aprovuar një vendim të tillë për kampionatet përkatëse. 

Lexo më shumë

Mancini: Vështirë ta fitojmë titullin

Roberto Mancini ka pranuar se do të jetë e vështirë për ekipin e tij që ta fitojë titullin këtë sezon në Ligën Premier, pas barazimit me Sunderlandin në Ettihad Stadium.

“Është e vështirë ta fitojmë titullin, por varet gjithçka të hënën se çfarë bën United dhe fokusi më pas zhvendoset në shtatë ndeshjet e mbetura”.

“Sikurse ne që bëmë disa gabime në ndeshjet e fundit, ashtu edhe United mund të ketë momente të vështira. Para derbit, është me rëndësi që të rifitojmë dy pikët. Barazimi ishte rezultat i drejtë. Jam i kënaqur vetëm me 10 minutat e fundit. Ne pranuam tri gola, është gjë e çuditshme kjo, e pa zakontë për ne që të pranojmë aq gola në shtëpi. Mendoj se besimi ka rënë pas kësaj ndeshje, pasi United tani i ka gjërat në dorë”, ka deklaruar Mancini. 

Lexo më shumë

Stramaccioni: Moratti kërkoi spektakël

Trajneri i Interit, Andrea Stramaccioni, është shprehur shumë i kënaqur me fitoren shumë atraktive ndaj Genoas, ndeshje që përfundoi me rezultat 5-4.

“Mendoj se me rëndësi është që fituam. Fakti se erdhi në mënyrë aq spektakolare do ta kënaqë Morattin, i cili kërkoi nga unë që të garantoj se ai do të argëtohet kur ta shikojë ekipin e tij”.

“Unë e kam parë një Inter sulmues dhe pozitiv që ishte në gjendje të shprehë cilësitë. Vërtet më pëlqeu performanca në pjesën e parë, përpos atij goli të vonshëm. Ishte një fitore e gjithë grupit, pasi të gjithë dhamë kontributin, prej 11-shes startuese e deri te zëvëndësuesit”, ka thënë Stramaccioni.

Lexo më shumë

Rasmusen: NATO e shqetësuar

Sekretari i përgjithshëm i NATO-s, Anders Fog Rasmusen, tha se aleanca nuk e ka të qartë se çka ka ndodhur në kufirin Kosovë – Serbi, ku ishin arrestuar dy policë të Kosovës nga policia e Serbisë.

“Aktualisht, ne nuk kemi fotografi të plotë të asaj se çka ka ndodhur. Qartazi, NATO-ja është e shqetësuar për zhvillimin e fundit, por ne jemi të sigurt se palët përgjegjëse do të jenë në gjendje ta zgjidhin çështjen”, tha Rasmusen sot në Bruksel, duke u përgjigjur në pyetjen e gazetarëve lidhur me arrestimin e dy policëve të Kosovës nga policët e Serbisë, në brezin kufitar në Merdare, raporton Rel.

Lexo më shumë

Adem Salihaj, kandidat i LDK-së për Ferizajn

Kryesia e Lidhjes Demokratike të Kosovës duke respektuar vullnetin e Kryesisë së Degës së LDK-së në Ferizaj, i dha përkrahje kandidaturës së Adem Salihaj, kryetar i Degës, për zgjedhjet e jashtëzakonshme të 29 prillit, për kryetar të Komunës së Ferizajt.

Kryesia e LDK-së kërkon nga Dega e LDK-së në Ferizaj, nga të gjithat strukturat e partisë, nga veprimtarë dhe simpatizantë që të angazhohen maksimalisht e të punojnë që LDK-ja të dalë fituese e këtyre zgjedhjeve.

“Kryesia e LDK-së kërkon mbështetjen e qytetarëve të Ferizajt me rrethinë për kandidatin e LDK-së, më 29 prill, për të mundësuar që të fitojë alternativa që përfaqëson LDK-ja, alternativa e një qeverisjeje demokratike dhe në të mirë të të gjithë qytetarëve të Ferizajt me rrethinë”, thuhet në kumtesën e LDK-së.

Lexo më shumë

Deputetët kërkojnë ndërprerjen e dialogut me Serbinë

Komisioni për Punë të Brendshme dhe Siguri të hënën dënoi arrestimin e dy policëve të Kosovës që ndodhi javën e kaluar.

Më i zëshmi në këtë Komision ka qenë deputeti i AKR-së, Emin Gërbeshi, i cili ka deklaruar se nuk ka më kurrë farë arsye që Kosova të zhvillojë bisedime me Serbinë, raporton KTV-ja.

Ai ka thënë se drejtori i Policisë dhe ministri i Brendshëm duhet t’i shqyrtojnë pozicionet e tyre pasi që, sipas tij, nuk ka qenë në nivel të detyrës.

Për këtë çështje ka folur edhe kryetari i komisionit, Ahmet Isufi, i cili këtë rast e ka quajtur shkelje të sovranitetit dhe agresion të Serbisë në territorin e Kosovës.

Ai ka pohuar se këto veprime e kanë dëmtuar imazhin e policisë, dhe i ka bërë thirrje BE-së që të rishikojë pozicionin ndaj Serbisë, të cilës muaj më parë i ka dhënë statusin kandidatit.

Isufi ka shtuar se ditëve të ardhshme në komision do të jetë ministri i Punëve të Brendshme për të dhënë informacione më të hollësishme rreth këtij rasti.

Lexo më shumë

Rexhepi vizitoi pikën kufitare në Merdare

Ministri i Punëve të Brendshme, Bajram Rexhepi i shoqëruar nga drejtori i Përgjithshëm i Policisë së Kosovës, Shpend Maxhuni, vizituan Drejtorinë rajonale të Policisë Kufitare në Lluzhan të Podujevës. Me këtë rast, Rexhepi kërkoi nga Bashkimi Evropian që të bëjë presion ndaj palës serbe në mënyrë që ata të kryejnë obligimet e tyre karshi marrëveshjes për lëvizje të lirë të arritur në Bruksel.

Rexhepi dhe drejtori Maxhuni gjatë kësaj vizite kanë qëndruar edhe në pikën kufitare në Merdare, për të parë nga afër punën që po zhvillohet në këtë pikë kufitare. Ministri inkurajoi zyrtarët policor kufitarë që të kryejnë punën e tyre sipas mandatit që kanë, në ruajtje të rendit dhe ligjit dhe në respektim të tërësisë territoriale, sipas Kushtetutës së Republikës së Kosovës.

“Kërkojmë nga Bashkimi Evropian që të bëjë presion ndaj palës serbe në mënyrë që ata të kryejnë obligimet e tyre karshi marrëveshjes për lëvizje të lirë të arritur në Bruksel. Është e patolerueshme që qytetarët tanë që vinë nga perëndimi të mbahen me orë të tëra në kufi, për shkak të neglizhencës së qëllimshme të zyrtarëve serb. Kërkojmë që ky maltretim i qytetarëve tanë të merr fund”, tha ministri Rexhepi.

Ministri i Punëve të Brendshme bisedoi me zyrtarët e policisë Kufitare për zhvillimet e fundit dhe u interesua për kushtet e punës së Policisë Kufitare, patrullimet në këtë pikë kufitare dhe me shqetësimet që kanë gjatë kryerjes së detyrave të tyre.

Ministri Rexhepi pa nga afër kolonat e gjata të qytetarëve të Kosovës që po pritnin në anën serbe të kufirit. 

Lexo më shumë

Politika dirigjon mediat

Implementimi i dobët i legjislacionit, mosfunksionimi i gjyqësorit, institucionet publike te politizuara, përfshirë edhe redaksitë dhe si rezultat i kësaj ka mungesë të pavarësisë, presion politik, interesa politike dhe të biznesit që ndërhyjnë në lirinë e te shprehurit në media. Gjatë viteve të fundit është vërejtur edhe ndikimi i politikës në media, ku shumica prej tyre janë të varura nga mjetet financiare dhe reklamat e Qeverisë. Këto ishin disa nga vlerësimet që u dhanë të hënën në një tryezë, ku UNDP-ja në bashkëpunim me Asociacionin e Gazetarëve Profesionist të Kosovës kanë bërë publikimin e Dokumentit të Veprimit për Asociacionin e Gazetarëve Profesionist të Kosovës.

Koordinatorja e Kombeve të Bashkuara për zhvillim dhe përfaqësuese e përhershme e UNDP-së, Osnat Lubrani, tha se implementimi i dobët i legjislacionit, mosfunksionimi i gjyqësorit, institucionet publike të politizuara, përfshirë edhe redaksitë, janë disa nga problemet me të cilat po përballen mediat në Kosovë, transmeton rtv21.

Ajo tha se raportet e UNDP-së vazhdimisht kanë treguar se publiku në Kosovë sheh një problem të madh me lirinë e të shprehurit në media, mbi 60 për qind e pjesëmarrësve e identifikojnë këtë si një problem.

Kryetari i AGPK-së, Arben Ahmeti tha me këtë rast se mediat në Kosovë janë duke u përballur me probleme të mëdha sa i përket raportimit për dukuri të ndjeshme në shoqëri, kur dihet se ka ndikime të mëdha nga politika dhe grupet e interesit. Ai tha se, pavarësisht kësaj, e vërteta duhet të thuhet.

Ndërsa Lulzim Ahmeti nga UGK-ja ka potencuar se edhe bizneset janë grupe që bëjnë presion e kërcënime ndaj fjalës së lirë.

Ndryshe, ky raport ka nxjerrë edhe një sërë rekomandimesh që i sugjerohen AGPK-së që t’i zbatojë. Këto rekomandime, kreu i AGPK-së i ka mirëpritur dhe ka shpresuar se ato do ta ndihmojnë punën e tyre.

Lexo më shumë

Krasniqi: Serbia sulmoi hapësirën e Kosovës

Ajo që është parë në media, me rastin e arrestimit të dy policëve kosovarë, është një sulm i shtetit serb në hapësirën e Kosovës, tha kryeparlamentari i Kosovës, Jakup Krasniqi. Ai ka kërkuar informacione më të detajuara nga Ministria e Punëve të Brendshme, ndërsa ka thënë se është në dorën e shefave të grupeve parlamentare nëse dëshirojnë të mbajnë një seancë për këtë çështje apo jo.

Duke folur për këtë akt të Serbisë, Krasniqi ka thënë se kjo po tregon se politika e Serbisë esencialisht nuk ka ndryshuar.

“Duhet të themi se ishte një akt që tregon edhe njëherë se në politikat e regjimit të Beogradit nuk kanë ndryshuar asgjë esencialisht dhe kjo sigurisht nuk është problem vetëm i institucioneve të Kosovës, ky është një problem që i kalon përmasat e institucioneve të Kosovës dhe me këtë duhet të merret edhe komuniteti ndërkombëtar”, ka thënë sot Krasniqi, pas mbledhjes së Kryesisë së Kuvendit të Kosovës, transmeton Kosovapress.

Nesër pritet të mbajë edhe një mbledhje tjetër kryesia e Kuvendit të Kosovës dhe është në dorën e shefave të grupeve parlamentare, nëse dëshirojnë të mbajnë një seancë për të diskutuar për këtë çështje. 

Lexo më shumë

Policët e arrestuar arrijnë në Kosovë

Dy policët kosovarë, Shukri Binaku dhe Sami Beqiri të cilët u arrestuan të shtunën nga xhandarmeria serbe në zonën në afërsi të pikës kufitare në Merdarë i janë dorëzuar Misionit evropian për sundimin e ligjit në Kosovë (EULEX), ndërsa tashmë kanë arritur në Kosovë.

Transportimi i tyre është nga Prokupla për në territorin e Kosovës.

Lirimin e policëve të arrestuar fillimisht e ka konfirmuar ministri i Punëve të Brendshme të Republikës së Kosovës, Bajram Rexhepi.

Ministri ka bërë të ditur se policët janë liruar pas ndërhyrjes së BE-ë dhe shefit të misionit EULEX, Xavier de Marnhac.

Lexo më shumë

KDI kundër miratimit të ligjeve me procedurë të shpejtë

Instituti Demokratik i Kosovës, që monitorin punën e Kuvendit të Kosovës, e arsyeton deri diku bojkotin e opozitës në seancën e së enjtes dhe së premtes. Por zyrtarë të këtij instituti thonë se nuk ka pasur shkelje të proceduarave siç është arsyetuar opozita, por ka qenë një shmangie nga rregullorja e punës së Kuvendit.

Driton Selmanaj, tha se edhe KDI ka tërhequr vërejtjen vazhdimisht që mos të miratohen ligjet me procedurë të shpejtë për shkak të pasojave që reflektohen më pas. Mirëpo njësoj ndodhi edhe kur u procedua ligji për bankat.

“Realisht çështja e ligjit për bankat dhe organizatat mikro-financiare ka bërë një shmangie të rregullores meqë rregullorja e lejon por sipas meje tërësisht e pa nevojshme, d.m.th e ka bërë një shmangie dhe nuk i ka dhënë kohë asnjërit nga komisioneve funksionale përveç komisionit për buxhet që me e trajtuar objektivisht se çfarë duhet apo çfarë nuk duhet të përmbajë ky ligj”, tha ai.

Selmanaj theksoi se për këtë ligj duhet të ketë debat gjithëpërfshirës e pastaj të kalojë për shqyrtim në Kuvendin e Kosovës. Madje ai përmendi shembuj të këqij të parlamenteve të disa vendeve që procedojnë ligjet në këtë formë.

Sipas analizave të KDI-së , Kamboxhia, Peru dhe Kenia përmenden si të vetmet shtete të cilat kanë pasur përvojën e njëjtë me Kosovën rreth ligjit për bankat dhe organizatat mikro-financiare. Kjo nuk i kontribuon demokracisë dhe punës parlamentare tha Selmanaj. 

Lexo më shumë

Gjunkshi: Ushtria e Kosovës të jetë pjesë e nismave rajonale

Shefi i shtabit të Përgjithshëm të Forcave të Armatosura të Shqipërisë, Gjeneral-Major, Xhemal Gjunkshi, shprehu vendosmërinë që Ushtria e Kosovës të jetë pjesë e nismave rajonale, të jetë pjesë aktive e të gjitha tavolinave të bisedimeve siç janë takimet në kuadrin e “Adriatic Charter,” të “A5-sws”.

Në një intervistë për Kosovapress gjenerali Gjunkshi , marrëdhëniet me Ushtrinë e Kosovës i ka cilësuar të shkëlqyera.

“Gjatë muajit të kaluar isha për një vizitë zyrtare në Kosovë, ku pata rastin të takohem me gjeneral Kastratin dhe ministrin e Mbrojtjes gjeneral Çekun, si dhe komandantin e KFOR-it gjeneralin Drews. Po për sa i përket bashkëpunimit me Kosovën ne e konsiderojmë se është i shkëlqyer. Ne jemi të gatshëm, i kemi ndihmuar dhe vazhdojmë t`iu ndihmojmë nëpërmjet trajnimit dhe edukimit dhe nëpërmjet materialeve që ne u japim për gjithçka që Ushtria e Kosovës ka nevojë”, tha ai.

Gjenerali Gjunkshi tha se “jemi të vendosur që Ushtria e Kosovës të jetë pjesë e nismave rajonale, të jetë pjesë aktive e të gjitha tavolinave të bisedimeve, siç janë takimet në kuadrin e “Adriatic Charter,” të “A5-sws”, ku marrin pjesë përveç 5 shteteve, siç është Shqipëria, Maqedonia, Mali i Zi, Bosnja e Hercegovina dhe Kroacia, të jenë edhe Kosova dhe Serbia në tavolinën e bisedimeve që të jemi të gjithë së bashku për të vazhduar bisedimet dhe për të bashkëpunuar me qëllim që siguria dhe paqja në rajon të jenë të palëkundura”.

Ai gjithashtu tha se me vëmendje po ndjekin zhvillimet që po ndodhin në Maqedoni, ku kishte incidente ndër etnike kohët e fundit.

“Unë besoj se atje nuk do të ketë asnjë problem për t`u shqetësuar. Nuk do të ndikohemi nga momentet e çastit, ajo që është e rëndësishme është se të dyja ministritë e mbrojtjes, pra ajo e Maqedonisë dhe kjo e jona, janë të angazhuara për të vazhduar komunikimin dhe për të forcuar marrëdhëniet ndërmjet veti, me qëllim që Shqipëria, Kosova dhe Maqedonia të jenë pjesë e Bashkimit Evropian, ku do të bëhej e mundur plotësisht heqja e kufijve dhe të gëzojmë lëvizjen e lirë të qytetarëve”, ka thënë Gjunkshi, gjatë qëndrimit të tij në SHBA.

Lexo më shumë

Ivanovic: Bisedimet për veriun - në fillim të 2013-ës

Për mbajtjen ose jo të zgjedhjeve lokale serbe në Kosovë, do të vendoset javën e ardhshme, ka thënë i ashtuquajturi sekretar për Kosovën, Oliver Ivanovic.

Ai ka pranuar se mbajtja e tyre do të mund të rriste tensionet me Prishtinën, por ka vlerësuar se të dyja palëve u konvenon ta ruajnë procesin aktual të dialogut.

Në një prononcim për Tribuna Shqiptare, Ivanovic thotë se zyrtarët në Prishtinë duhet ta kuptojnë realitetin se do të ketë negociata politike për veriun e Kosovës, të cilat sipas tij, pritet të nisin në fillim të vitit 2013.

Ndërsa, ai e fton EULEX-in që sa më parë të sqarojë rrethanat në të cilat u arrestuan dy policët e Kosovës nga ana e xhandarmërisë serbe. 

Lexo më shumë

Dialogu vazhdon pas formimit të qeverisë së re serbe

Zëdhënësja e Përfaqësueses së Lartë për Politikë të Jashtme dhe Siguri të BE-së, Maja Kocijancic, është shprehur se BE pret që negociatat e Beogradit dhe Prishtinës do të vazhdojnë menjëherë pas formimit të qeverisë së re të Serbisë.

“Është ambicie që menjëherë pas zgjedhjeve të vazhdojnë negociatat për çështjet të cilat janë në rend dite”, ka thënë Kocijancic në Bruksel në bisedë me gazetarët nga Serbia, transmeton QIK.

Ajo ka rikujtuar se temat e para do të jenë telekomunikacioni dhe energjetika, zgjidhja e të cilave Komisioni Evropian i ka shtruar si kusht për përcaktimin e datës së fillimit të negociatave ndërmjet Serbisë dhe BE-së.

“Puna në nivelin teknik ndërkohë po vazhdon. Ne ndjekim me kujdes zbatimin e marrëveshjeve të arritura gjer më tani”, ka thënë Kocijancic.

Lexo më shumë

Tahiri: Kemi premtime për lirimin e shpejt të policëve

Fati i dy policëve të kidnapuar është në duart e EULEX-it, pasi që autoritetet e Kosovës nuk kanë asnjë kontakt me autoritetet e Serbisë, ka thënë ministri i Punëve të Brendshme, Bajram Rexhepi.

Ndërkaq, kryenegociatorja Edita Tahiri thotë se Qeveria e Kosovës arrestimet e policëve që kanë ndodhur brenda territorit të Kosovës i konsideron arrestime me “motive destruktive të Serbisë”.

Tahiri ka thënë se për këto arrestime janë në dijeni të gjithë faktorët relevantë, përfshirë edhe BE-në e SHBA-të.

“Natyrisht që edhe unë kam kontaktuar me Robert Cooperin, si ndërmjetës i BE-së, për ta informuar nga dora e parë për situatën e krijuar. Kam kërkuar nga BE-ja që të bëjë një presion të qartë dhe të vendosur ndaj Serbisë. E para, për lirimin e policëve të arrestuar, por edhe një presion që Serbia të ndërpresë këto akte agresioni ndaj Kosovës”, ka thënë Tahiri për Tribuna Shqiptare, duke shtuar se Brukseli me shqetësim i ka marrë këto informacione, për shkak se cenohen marrëveshjet e arritura deri tash.

“Kemi marrë premtime se ata janë duke punuar që të zgjidhet drejtë kjo çështje, që të lirohen të arrestuarit. Por, edhe në përgjithësi të rregullohet gjendja në lëvizjen e lirë, sepse kemi informacione që në pikën kufitare në Merdarë që nga mbrëmë ka pritje të gjata dhe pengesa në lëvizjen e lirë”, tha ajo.

Tahiri thotë se zhvillimet e këtilla e cenojnë dialogun teknik dhe marrëveshjet e arritura.

Lexo më shumë

Komorowski viziton trupat polake në Kosovë

Presidenti i Polonisë, Bronislaw Komorowski, do ta vizitojë të hënën Kosovën për t’i vizituar trupat polake në kuadër të KFOR-it, ndërsa shteti polak ka policë dhe juristë edhe në kuadër të EULEX-it.

Presidenti Komorowski do të takohet me komandantin e trupave polake, Col Dariusz Adamczyk, njoftojnë mediat polake.

Polonia ka njohur pavarësinë e Kosovës vetëm nëntë ditë pas shpalljes së Kosovës shtet i pavarur. Polonia fillimisht kishte dërguar 800 trupa në Kosovë, në kuadër të NATO-s, ndërkaq pas reduktimeve ky numër i ushtarëve polakë është zvogëluar nën 300.

Lexo më shumë

Shpresat te UNMIK-u

Komisioni Republikan i Zgjedhjeve (KRZ) po përgatitet për organizimin e zgjedhjeve parlamentare në Serbi dhe në territorin e Kosovës, për çfarë së shpejti do të marrë instruksione të qeverisë republikane, kështu thotë Predrag Grgic, kryetar i KRZ.

Në një intervistë për "Danas", Grgic ka thënë se sipas ligjit KRZ nuk është kompetente për organizimin e zgjedhjeve në Kosovë. Megjithatë, siç shpjegon ai, “KRZ për zgjedhjet parlamentare do të ketë përkrahjen e UNMIK-ut, prandaj presim që gjithçka të kalojë si duhet”.

Lexo më shumë

Rexhepi: Serbët të votojnë me postë

Ministri i Brendshëm i Kosovës, Bajram Rexhepi, ka thënë se zgjedhjet e saj parlamentare, Serbia nuk mund t’i organizojë në Kosovë.

"Zgjedhjet e organizuara nga Serbia janë zgjedhje ilegale. As s’i mbështesim e as s’i lejojmë”, ka thënë Rexhepi për B92. “Por, për shkak të dyshtetësisë, në qoftë se ata duan të votojnë për zgjedhjet parlamentare dhe presidenciale që nuk e prekin Kosovën, i kanë dy opsione:: ose përmes postës, ose përmes komunitetit ndërkombëtar".

Lexo më shumë

DASH: Shmanguni nga tensionet

Në një deklaratë për Zërin e Amerikës, Departamentin amerikan i Shtetit shfaq shqetësim lidhur me arrestimet e fundit në Serbi dhe në Kosovë.

"Ne jemi të shqetësuar nga deklaratat e disa zyrtarëve, përmes të cilave në mënyrë implicite kërcënohet arrestimi reciprok. Ne presim që - si të gjitha vendet e tjera që kanë aspirata euroatlantike - Serbia dhe Kosova të respektojnë sundimin e ligjit dhe t’ju shmangen aksioneve të cilat mund t’i shtojnë tensionet”, thuhet në deklaratë.

"Sipas informatave tona, OSBE-ja ka ofruar ndihmë për t’ua lehtësuar qytetarëve të Kosovë - që kanë nënshtetësi të dyfishtë - votimin në zgjedhjet parlamentare të Serbisë... Shpresojmë se Qeveria e Kosovës, e cila më herët ka shprehur gatishmëri për ta pranuar një ndihmë të tillë, ashtu edhe Qeveria e Serbisë, ta pranojnë këtë ofertë sa më shpejtë të jetë e mundur".

Lexo më shumë

LDK: Qeveria po vonon pagat e punëtorëve në sektorin publik

Praktika e krijimit të strategjive për zhvillim ekonomik është kthyer në mani politike për Qeverinë Thaçi, kanë thënë zyrtarë të Lidhjes demokratike të Kosovës (LDK). Sipas tyre më 21 mars, Qeveria ka formuar Këshillin Kombëtar për Zhvillim Ekonomik të Kosovës. Ky vendim i konfirmon më së miri vërejtjet e LDK-së se kjo qeveri nuk ka plan zhvillimor, udhëheq në mënyrë ad-hoc duke e quar vendin në qorrsokak ekonomik dhe social.

LDK thotë se plani i Bullgarisë ka qenë dhe mbetet dokument i pavlerë dhe tani kjo po konfirmohet me formimin e këtij Këshilli. Ekonomia e varfër e Kosovës nuk ka kohë të humbë me krijimin e këshillave, por ka nevojë për masa konkrete për të zvogëluar papunësinë, ndihmuar bujqit, rritur pensionet dhe përkrahur sektorin privat.

LDK konsideron se një Qeveri që nuk mund të planifikojë dhe të paguajë me rregull as punëtorët e saj, nuk ka aftësi dhe përgatitje për të nxjerrë Plan Nacional të Zhvillimit Ekonomik. “Për shkak të keqmenaxhimit të buxhetit të shtetit me projekte të pamenduara si duhet, buxheti i shtetit po hynë në deficit gjithnjë e më të thellë. Qeveria e Kosovës nuk po paguan dhjetëra miliona euro obligime për projekte të kryera nëpër fusha të ndryshme”, thuhet në komunikatën e LDK-së për media.

Ajo që është e patolerueshme, sipas LDK-së ka të bëjë vonesat e vazhdueshme në pagesën e pagave të të punësuarve në sektorin publik, si shërbyesit civilë, arsimtarët, mjekët dhe punëtorët e tjerë në administratën shtetërore. “Vonesa në paga punëtorëve të administratës po ju shkakton probleme të shumta, pasi shumica prej tyre pagën e kanë burim të vetëm të të ardhurave. Po ashtu, shumë prej tyre po paguajnë dënime dhe interesa ndëshkuese në banka për shkak të vonesave në pagesën e kredive”, theksohet në komunikatë. 

Lexo më shumë

Thjeshtësohen procedurat për regjistrimin e kompanive në Doganë

Pas reduktimit të dokumenteve në import në fillim të këtij viti, Dogana e Kosovës vazhdon me krijimin e lehtësirave të mëtejme për biznesin në Kosovë. Nga e hëna kompanitë të cilat importojnë apo eksportojnë nuk janë më të detyruara të bëjnë marrjen e certifikatave të import-eksportit.

Në drejtorinë e Doganës së Kosovës deri më tani janë lëshuar certifikata import-eksportit për bizneset, të cilat fillimisht janë regjistruar pranë MTI-së dhe Administratës Tatimore të Kosovës. Konform dispozitave të Kodit Doganorë dhe të Akcizave lidhur me regjistrimin e subjekteve ekonomike është marre vendim që nga data 2 prill 2012, të gjitha subjektet ekonomike që regjistrohen pranë agjencionit për regjistrim të biznesit dhe Administratë Tatimore të Kosovës-se, tash e tutje nuk do të regjistrohen edhe pranë zyrës për regjistrim të bizneseve në Doganën e Kosovës.

Për nevoja të procedurave doganore dhe me qëllim të mbajtjes së evidencës, Dogana e Kosovës do të shfrytëzoj numrin e regjistrimit për import/eksport të TVSH-së të cilin e lëshon Administrata Tatimore e Kosovës. Ndërsa procedura e regjistrimit nuk pushon për agjencionet doganore të cilat do të vazhdojnë të regjistrohen konform nenit 11 të Kodit Doganore dhe të Akcizave të Kosovës

“Dogana me këtë veprim ka vazhduar me krijimin e lehtësirave për biznesin në Kosovë, kjo do të ulë kohën e kërkuar për të realizuar një import/eksport. Kjo është pjesë e reformave të cilat janë duke ndodhur në Kosovë për krijim e një ambienti të favorshëm për biznes.” tha drejtori i përgjithshëm i Doganës së Kosovës Naim Huruglica. 

Lexo më shumë

Çmimi i energjisë në Shqipëri nuk do ndryshojë për 3 vjet

Çmimi i energjisë elektrike nuk do të ndryshojë për tre vjet, pavarësisht situatës së rëndë energjetike në vend. Kjo është deklaruar nga kreu i ERE-s, Sokol Ramadani në Komisionin e Veprimtarive Prodhuese, ku prezantoi raportin vjetor të institucionit që drejton.

Sipas Ramadanit, mund të ketë ndryshim të çmimit të energjisë vetëm për operatorët, por qytetarët do të vazhdojnë të paguajnë energjinë me çmimin aktual edhe gjatë 3 viteve të ardhshme.

Deputetët e PS-së u larguan nga mbledhja e Komisionit të Veprimtarive Prodhuese, pasi e konsideruan raportin vjetor të Entit Rregullator të Energjisë, si joreal.

Sipas deputetëve socialistë, ERE është një institucion që ka kaluar në varësi të qeverisë. Për deputetin Eduard Shalsi, raporti i prezantuar nga një institucion ‘demek i pavarur ka qenë vetëm një paradë suksesesh dhe arritjesh. Filozofi Staliniste”.

Opozita ka lëshuar kritika dhe akuza për situatën energjetike në vend, që sipas PS-së, është krejt ndryshe nga çfarë dëshmon raporti i punës.

Ndërkohë, raporti vjetor i ERE-s është miratuar vetëm me votat e shumicës. 

Lexo më shumë

Sfidë ulja e papunësisë

Ekonomia e Kosovës ballafaqohet me sfida të shumta dhe se sfida kryesore për Kosovën mbetet ulja e shkallës së lartë të papunësisë, që ekziston në Kosovë. Kështu deklaroi ministrja e Tregtisë dhe Industrisë, Mimoza Kusari – Lila.

Zëvendëskryeministra Mimoza Kusari-Lila tha se Qeveria po punon intensivisht për përmirësimin e ambientit të biznesit dhe tërheqjen e investimeve.

“Sfida kryesore për ne si shoqëri dhe Qeverinë do të mbetet punësimi, gjegjësisht ulja e shkallës së lartë të papunësisë, që ekziston në Kosovë dhe natyrisht marrja e informatave të sakta, mbi shkallën e papunësisë. Për shkak se gjithmonë ka informata kontraditore, duke shkuar prej nivelit prej 30 për qind në 42 për qind, ndërsa diferenca është shumë e madhe nëse themi 30 për qind apo 42 për qind”, u shpreh ajo gjatë nj interviste për Kosovapress.

Sipas saj është e rendësishme të regjistrohen të gjitha ekonomitë joformale dhe familjare. “Ekzistojnë disa parametra, që tregojnë se kompanitë e vogla, nuk janë të regjistruar, e ku gjenerojnë të hyra”, tha Kusari - Lila.

Lexo më shumë

Nuk do të ketë reciprocitet me Shqipërinë

Nuk do të ketë masa të reciprociteti me Shqipërinë PAS problemeve të krijuara nga vendosja e çmimit referent nga ana e Shqipërisë për pataten Kosovare.

Shteti shqiptar sipas zyrtarëve të ministrisë së Tregtisë dhe Industrisë (MTI), ka heq çmimin referent prej 24 cent për një kilogram patate.

Zëdhënësja e MTI-së Arta Istrefi, ka konfirmuar për Express lajmin duke thënë se Shqipëria e ka rikthyer çmimin referent prej 14 cent për një kilogram patate, një çmim që ka qenë edhe më parë. 

Lexo më shumë

Ekonomia turke në 2011 u rrit me 8.5 %

Sipas shifrave të publikuara nga Instituti i Statistikave të Turqisë, GDP-ja sipas çmimeve ushtrimore u realizua në nivelin 547 miliardë euro.

Instituti i Statistikave të Turqisë deklaroi se ekonomia turke në vitin 2011 është rritur me 8,5 për qind. Kurse të ardhurat kombëtare për frymë janë llogaritur 7 mijë e 400 euro. Instituti i Statistikave të Turqisë publikoi të dhënat ekonomike për vitin 2011. Sipas këtyre të dhënave vitin e kaluar ekonomia e Turqisë u rrit 8.5 për qind.

Të Ardhurat Kombëtare Bruto sipas çmimeve ushtrimore u realizua në nivelin e rreth 547 miliardë euro. Rritja ekonomike vazhdoi edhe në çerekun e fundit të vitit. Në muajt tetor, nëntor dhe dhjetor të vitit 2011 rritja ekonomike u realizua në nivelin 5.2 për qind.

Kurse të Ardhurat Kombëtare Bruto (GDP) në tremujorin e katërt të vitit të kaluar u realizuan në nivelin prej 143.5 miliardë euro. Sipas të dhënave të Institutit të Statistikave të Turqisë në vitin 2011 të ardhurat kombëtare për frymë afërsisht 7 mijë e 400 euro.

Kurse vlera e të Ardhurave Kombëtare Bruto e zhveshura nga ndikimet stinore dhe kalendarike krahasuar me periudhën e mëparshme shënoi një rritje prej 0.6 për qind.

Lexo më shumë

Nafta me rritje

Kontratat e naftës u rritën të hënën. Të dhënat pozitive të prodhimit në Kinë kanë rritur optimizmin e investitorëve tek performanca e ekonomisë globale duke rritur pozicionimet e tyre në asete me risk, klasë në të cilin gjendet edhe nafta.

Nafta bruto Brent e Londrës për majin u rrit 31 cent në 123.19 dollarë për fuçi. Kjo kontratë mbylli tremujorin e parë me rritje 15.5 dollarë.

Kurse nafta bruto amerikane për majin u rrit 26 cent në 103.28 dollarë për fuçi dhe ka mbyllur tremujorin e parë me rritje më shumë se 4 për qind. /

Lexo më shumë

Pulat taze nga Sllovenia në Kosovë më lirë se çmimi real

Ministria e Tregtisë dhe Industrisë (MTI) tash e dy muaj është duke përdorur çmimin referent për pulat e freskëta që vijnë nga Sllovenia, si masë për të mbrojtur prodhimet vendore. Por përkundër kësaj çmimi i tyre vazhdon të mbetet i njëjtë në tregun e Kosovës. Çmimi i pulave të freskëta, që vijnë nga ky shtet, në tregun me pakicë, mund të blihen me një çmim prej 2 euro e 55 centësh. Ky çmim sipas prodhuesve vendorë është joreal, dhe është vënë për të dëmtuar prodhuesit vendorë.

Ministrja e Tregtisë dhe e Industrisë, Mimoza Kusari-Lila, ka thënë se tash e një kohë është duke u përdorur çmimi referent për pulat e freskëta që vijnë nga Sllovenia, pasi sipas saj është konstatuar se është përdorur çmimi damping. “E kemi pasur një ankesë nga një prodhues vendor se pulat e freskëta që vijnë nga Sllovenia janë më të lira se në vendin e prodhimit apo se vlera e tyre. Prandaj, ne e kemi bërë një komision hetimor për të vërtetuar se çmimi që është aplikuar në Kosovës është çmim që mund të kategorizohet si çmim damping. Kjo ka qenë arsyeja që ne kemi marrë vendim që të bëhet ngritja e bazës doganore për pulat e freskëta”, ka thënë ministrja, raporton Koha Ditore.

Vendimi i MTI-së, sipas Kusari-Lilës, është në harmoni me ligjin antidamping i cili i mundëson që të mbrohen prodhimet vendore nga përdorimi i çmimeve nën kosto që aplikojnë disa kompani.

Mirëpo, importuesit e pulave të freskëta thonë se nuk janë duke përdorur çmime damping, por sipas tyre ministria po tenton të ngufatë prodhimin që është kualitativ që prodhohet nga një kompani që ka traditë 120-vjeçare.

Lulzim Begaj, pronar i kompanisë “Kosmonte”, e cila ka të drejtën ekskluzive për importin e produkteve të kompanisë sllovene “Perutnina”, e mohon se është përdorur çmimi më i ulët se ai i prodhimit. Ai thotë se ministria padrejtësisht është duke tentuar t’i mbrojë prodhuesit përmes përdorimit të çmimit referent. Beqaj thotë se gjithçka ka të bëjë me cilësinë, pasi sipas tij po tentohet të ndalohen mallrat që janë shumë cilësore krahasuar me prodhimin vendor.

Drejtori i Doganave të Kosovës, Naim Huruglica, ka thënë se vendimi për masa antidamping për pulën e freskët është marrë mbi bazën e një hetimi që është bërë nga komisioni antidamping, në të cilën përveç doganierëve dhe Ministrisë së Tregtisë ka edhe zyrtarë nga ministri të linjës.

Lexo më shumë

Ronaldo: Nuk largohem nga Reali

Superylli i Real Madridit, Cristiano Ronaldo, i ka përshkruar tri vitet e tij në Spanjë si shumë pozitive dhe u shpreh se nuk dëshiron të largohet.

“Këto vite te Reali kanë qenë pozitive. Vitin e parë e kam kaluar duke u adaptuar dhe nuk i përmbusha pritjet, ndërsa viti i dytë ishte i mirë, fituam një titull të madh. Në aspektin individual, unë e fitova Këpucën e Artë dhe ndihem më i rëndësishëm tani, e karriera ime këtu mori kuptim tjetër. Tani po luftojmë për tituliln në La Liga dhe do ta fitojmë, jam i sigurt për këtë”.

“Unë kam kontratë këtu dhe dua të qëndroj deri në fund të saj”, ka deklaruar Ronaldo. 

Lexo më shumë

Xavi në dyshim për Milanin

Trajneri i Barcelonës, Pep Guardiola, ka marrë lajme brengosëse para sfidës kthyese çerekfinale të Ligës së Kampionëve ndaj Milanit, pasi ndoshta nuk do të mund të llogarisë në shërbimet e mesfushorit më të mirë në botë, Xavi.

El Mundo Deportivo raporton se mesfushori fantastik i Barcelonës ka pësuar një dëmtim relativisht serioz dhe ka gjasa që ai të mundojë në ndeshjen kthyese shumë të rëndësishme ndaj Milanit në Camp Nou.

Xavi do t’u nënshtrohet testeve gjatë të hënës pas orës 18:00, kur dhe do të dihet zyrtarisht nëse ai do të mund të luajë apo jo. 

Lexo më shumë

‘Mourinho i paharrueshëm, por tash e kemi Stramaccionin’

Kapiteni i Interit, Javier Zanetti, ka thënë fjalë të mira për ish-trajnerin e tij, Jose Mourinho, duke theksuar se drejtuesi i aktual i Real Madridit nuk do të harrohet në Giuseppe Meazza.

“Dikush si ai nuk do të harrohet kurrë për atë që ka bërë te Interi, për të gjitha kujtimet që kemi”.

“Por tash e kemi Andrea Stramaccionin dhe ne duhet ta përfundojmë sezonin me të në mënyrën më të mirë të mundshme”, ka thënë Zanetti për 5' di recupero. 

Lexo më shumë

Bonucci pret që Milani të lëshojë pikë

Mbrojtësi i Juventusit, Leonardo Bonucci, shpreson që Milani të lëshojë sërish pikë në ndeshjet e mbetura të sezonit në Serie A, në mënyrë që Zonja e Vjetër të mbajë gjallë ambiciet për titull.

Barazimi i Rossonerëve dhe fitorja e Bianconerëve, ka bërë që dallimi në krye të tabelës të jetë vetëm dy pikë.

“Jemi angazhuar shumë që të arrijmë në këtë pikë. Nuk do të dorëzohemi, do të vazhdojmë ta ndjekim ëndrrën dhe të shpresojmë që ata të dështojnë sërish”, ka theksuar Bonucci për faqen zyrtare të Juves.

Lexo më shumë

Pedro: Mund ta kalojmë Realin

Barcelona ka mundësi që ta tejkalojë Real Madridin në garën për titullin e La Ligas- ka deklaruar Pedro Rodriguez.

Katalunasit mbajnë pozitën e dytë në tabelë me gjashtë pikë prapa Los Blancos, por sulmuesi spanjoll mendon se skuadra e tij mund ta fitojë titullin.

“Ne e dimë s mund ta fitojmë. Madridi ka një udhëheqje të mirë, por ne duhet t’i marrim ndeshjet një nga një, duke luajtur siç po luajmë tash, dhe të shpresojmë se ata do të rrëshqasin, në mënyrë që ne ta zvogëlojmë diferencën”, ka thënë Pedro. 

Lexo më shumë

Baresi: Barca është favorit

Legjenda e Milanit, Franco Baresi, beson se Barcelona është favorit për t’u kualifikuar në gjysmëfinale të Ligës së Kampionëve.

“Pas ndeshjes së parë, mendoj se Barcelona është favorit për të vazhduar tutje. Ky nuk është vetëm mendimi im, por është mendimi i përgjithshëm në Itali”.

“Megjithatë, edhe Milani ka një rast të mirë. Gjëja më e rëndësishme është që nuk pranuan gol në San Siro. Ndalja e sulmuesve të Barcës ishte punë e vështirë, por ai qëllim u arrit”, citon AS fjalët e Baresit.

Pas takimit pa gola në San Siro, Barcelona dhe Milani të martën mbrëma zhvillojnë ndeshjen kthyese çerekfinale në Camp Nou. 

Lexo më shumë

Conte krenar pas fitores ndaj Napolit

Fitorja prej 3-0 kundër Napolit e ka gëzuar tej mase trajnerin e Juventusit, Antonio Conte.

“Në dy javët e fundit, ne i mposhtëm pastër Interin dhe Napolin, dy klube që ishin më të mirë se ne para fillimit të sezonit, në aspekt kualiteti dhe organizimi”.

“Fitorja ndaj Napolit duhet të jetë një burim krenarie, sepse është një skuadër e shkëlqyer që luajti shumë mirë në Ligën e Kampionëve dhe që po zhvillohet shumë nën Walter Mazzarrin”, ka thënë Conte për Sky Sport Italia.

Edhe pse Bianconerët janë vetëm dy pikë prapa Milanit, trajneri i Juves ka pohuar se titulli është në duart e Rossonerëve dhe vetëm ata mund ta humbin.

Lexo më shumë

De Gea ka vetëbesim

Trajneri i Manchester Unitedit, Sir Alex Ferguson, beson se David de Gea tash po luan me vetëbesim, pas një fillimi jo të sigurt në Old Trafford.

Portieri spanjoll i kushtoi 21.6 milionë euro Unitedit kur u transferua nga Atletico Madridi në verën e kaluar, mirëpo në fillimin e karrierës me Djajtë e Kuq mori kritika për disa paraqitje jo të mira.

“Ai nuk i lejoji gabimet që ta mposhtnin dhe tash po luan me vetëbesim që është një faktor i shkëlqyer për secilin portier”, u ka thënë Sir Alex gazetarëve.

Ferguson ka pranuar se De Gea u përball me një sfidë për t’u përshtatur në Ligën Premier, ndërsa ka thënë se klubi gjithmonë kishte besuar në cilësitë e tij.

Lexo më shumë

City nuk e ka më titullin në duar

Vincent Kompany është i vetëdijshëm se asgjë më nuk varet nga Manchester City sa i përket titullit të Ligës Premier.

“E vërteta është se nuk është më në duart tona”.

“Që ne të kthehemi në garën për titull duhet që ekipet tjera të marrin pikë nga Unitedi dhe ne do ta përfundojmë punën kur të luajmë ndaj tyre në Eastlands”, ka deklaruar mbrojtësi belg përCity TV.

Me një fitore ndaj Blackburn Rovers të hënën, Manchester Unitedi do të largohet pesë pikë nga përcjellësi i tij i parë.

Lexo më shumë

Preziosi: Interi luajti keq

Presidenti i Genoas, Enrico Preziosi, mendon se Interi nuk duhet të gëzohet pas fitores prej 5-4 kundër ekipit të tij.

Zikaltrit ishin mjaft të kënaqur pas fitores, ndërsa regjia e shfaqte presidentin Massimo Moratti mjaft të lumtur. Mirëpo, Preziosi konsideron se Interi nuk duhet të pranojë katër gola në shtëpi.

“Asgjë nga ajo që bëri Interi sot (e diel) nuk do të më gëzonte, po të isha Moratti do të isha i nevrikosur”.

“Nuk e di pse ishte i lumtur, Interi luajti dobët në gjysmën e dytë. Në përgjithësi, mendoj se luajtën një ndeshje të tmerrshme”.

“Ne nuk shënojmë katër gola madje as kundër ekipeve të vogla!”, citon Ansa fjalët e Preziosit.

Lexo më shumë

Vidal: Mund ta fitojmë titullin

Me fitoren ndaj Napolit, Juventusi gjendet vetëm dy pikë prapa Milanit në garën për titull, ndërsa mesfushori Arturo Vidal shpreson që klubi i tij të festojë në fund.

“Goli që shënova ishte spektakolar dhe skuadrës i duhej në atë periudhë”.

“Pas golit të dytë, gjithçka u bë më e lehtë për ne. Na duhej kjo fitore që ta ngushtonim distancën në krye”.

“Mendojmë se mund ta fitojmë Scudetton dhe dëshirojmë të vazhdojmë kështu deri në fund. Shpresojmë të bëhemi kampionë”, ka deklaruar Vidal për Sky Sport Italia.

Lexo më shumë

Arsenali, Interi dhe Reali pas M’Vilas

Mesfushori i Rennes, Yann M’Vila, është nga lojtarët që po kërkohet nga klubet e mëdha.

Goal.com raporton se Arsene Wenger e dëshiron atë gjatë verës te Arsenali, ndërsa trajneri i tij aktual e ka të qartë se nuk do të mund ta mbajë 21-vjeçarin në skuadër.

Po ashtu, pas tij janë vënë edhe gjigantët Real Madrid dhe Inter.

“Inter, Arsenal, Real... Do të kënaqem kudo qoftë! Këta janë klube të mëdha”.

“Nëse një trajner të fton dhe të thotë se dëshiron që të luash për të, sidomos nëse është trajner francez, kjo ndryshon gjithçka”, ka thënë M’Vila për Canal+. 

Lexo më shumë