LDK prezanton platformën për politikë të jashtme

Suksesi në procesin e njohjeve mund të arrihet vetëm me institucione të forta, efikase dhe të afta për të përfaqësuar interesat shtetërore ndërkombëtarisht dhe për ta arsyetuar luftën e drejtë të popullit të Kosovës për liri dhe pavarësi, theksuan zyrtarë të Lidhjes Demokratike të Kosovës.

Në konferencën për media lidhur me platformën programore të LDK-së për politikë të jashtme dhe procese integruese, po ashtu u tha se LDK beson fuqishëm se forcimi i shtetit të Kosovës në dimension të brendshëm do të reflektohet pozitivisht në dimensionin e jashtëm të tij dhe do të fuqizojë subjektivitetin e saj ndërkombëtar.

“Anëtarësimi në organizata politike, ekonomike, kulturore, sportive, të sigurisë, etj, është synim i rëndësishëm i politikës së jashtme të LDK-së. Kjo do të mundësojë afirmimin dhe njohjen e Kosovës si subjekt sovran ndërkombëtar dhe përafrimin me përvojat ndërkombëtare”, vlerësuan zyrtarë të kësaj partie.

Sipas tyre, politika e jashtme e LDK-së dhe e Kosovës, që nga fillimi, është e lidhur me partnerin strategjik-Shtetet e Bashkuara të Amerikës, ndërkaq sipas tyre partneriteti forcohet me Bashkimin Evropian nëpërmjet procesit të integrimit.

Më tej u tha se politika e jashtme e LDK-së dhe e Kosovës duhet të ketë koordinim me Shqipërinë duke pasur parasysh synimet euro-atlantike.

Duke folur për proceset integruese, LDK në kuadër të platformës programore përmendi Strategjinë kombëtare për integrim evropian, si udhërrëfyes gjithëpërfshirës me të cilin shteti i Kosovës do të përqafoj një politike të mirëfilltë evropiane, koordinimin e politikave evropiane si dhe aplikimin e reformave gjithëpërfshirëse.

Lexo më shumë

Serbët bllokuan automjetet e EULEX-it në veri

Serbët e veriut, të cilët përcjellin lëvizjen e automjeteve që qarkullojnë nga jugu i Mitrovicës në rrugën që shpie drejt pikës së kalimit kufitar në Bërnjak, sot rreth mesditës kanë ndaluar tri automjete të EULEX-it, të cilat sipas serbëve, ishin drejtuar për në Stacionin Policor në Zubin Potok.

Derisa serbët nuk kanë lejuar qarkullimin e automjeteve të EULEX-it, ushtarët e KFOR-it janë përgjigjur duke bllokuar rrugën magjistrale nga Zubin Potoku për në Mitrovicë, në Jagnenicë dhe rrugën Zupçë - Zubin Potok, raportojnë mediat serbe.

Në vendin ku ishte më parë e vendosur barrikada në Zupçë është grumbulluar një numër i konsiderueshëm serbësh, por situata raportohet të jetë e qetë.

Serbët kishin paralajmëruar se do të ndalojnë automjetet e EULEX-it, për të cilat dyshohet se ndihmojnë vendosjen e autoritetit të institucioneve të Kosovës në veri.
Ndërsa EULEX-i dhe KFOR-i kërkojnë lëvizje të pakushtëzuar për misionin e BE-së.

Lexo më shumë

Kërkojnë formulim tjetër për ligjin antikorrupsion

Forumi Këshillues për pakon ligjore antikorrupsion, që përbëhet nga 10 OJQ, ka kundërshtuar Projektligjin e Ministrisë së Drejtësisë për konfiskimin e pasurisë së fituar në mënyrë të paligjshme.

Besnik Ramadanaj, nga KDI-ja, ka thënë se kështu siç është ky projektligj nuk duhet të procedohet më tutje, sepse këto fusha, sipas tij, tashmë janë të rregulluara me Kodin Penal të Kosovës. Për këtë, Forumi i ka paraqitur 4 përfundime që ia ka drejtuar edhe Ministrisë së Drejtësisë, raporton KTV.

Arton Demhasaj nga Organizata “Çohu” ka thënë se fillimisht duhet të ndryshohet emri i këtij ligji nga “pasuritë e fituara me kryerjen e veprës penale” në “pasuritë e fituara në mënyrë të paligjshme”.

Ai po ashtu ka thënë se barra e provës për të vërtetuar ligjshmërinë e pasurisë së fituar duhet të bie mbi të dyshuarin e jo mbi institucionet publike. Propozimi i tretë ishte që ligji të zbatohet në mënyrë retroaktive dhe të krijohen mekanizmat policorë, gjykata e prokurori për të zbatuar në mënyrë efikase ligjet e kësaj fushe. 

Lexo më shumë

Nënoficerët e FSK-së vizituan bazat amerikane në Gjermani

Një delegacion i nënoficerëve të lartë të FSK-së qëndroi për vizitë zyrtare në bazat amerikane në Grafenwoehr dhe në Hohenfels në Gjermani.

Vizita e tyre kishte për qëllime koordinimin e veprimeve për organizimin e kurseve institucionale për nënoficerë me Akademinë e Nënoficerëve në Grafenwoehr të Gjermanisë. Në përbërje të delegacionit të FSK-së, që kryesohej nga rreshter - major Genc Metaj, ishin edhe rreshter -majori Komandës së Forcave Tokësore (KFT), Fetah Zejnullahu dhe rreshter-majori i Komandës së Doktrinës dhe Stërvitjes, Neshat Birda.

Delegacioni i nënoficerëve të lartë vizitoi shumë qendra të trajnimit në Komandën e Përbashkët Multinacionale të Trajnimit në Grafenwoehr dhe në Qendrën e Përbashkët Multinacionale të Gatishmërisë në Hohenfels të Gjermanisë.

Nënoficerët e lartë të FSK-së janë pritur dhe nderuar nga rreshter-majori i Komandës (RMK) së Përbashkët Multinacionale të Trajnimit, Dennis Zavodsky, Komandant i Akademisë së Nënoficerëve RMK, Jimmy Sellers, RMK i Qendrës së Përbashkët Multinacionale të Gatishmërisë, Eric Dostie dhe shumë oficer dhe nënoficer të këtyre qendrave.

Në Akademinë e Grafenwoehr deri tani kanë kryer kursin e liderit luftëtar gjithsejtë 29 nënoficerë të FSK-së. Në bazë të aktiviteteve të koordinuara pritet që të rritet numri i pjesëmarrësve në këtë Akademi dhe gjithashtu të kemi mbështetje me ekipe mobile për zhvillimin e kurseve institucionale për nënoficer.

Vizita e ushtarakëve të FSK-së u organizua nga Zyra e Bashkëpunimit Mbrojtës pranë Ambasadës së SHBA-ve në Prishtinë dhe është rrjedhë e bashkëpunimit të mirëfilltë në mes Ambasadës së SHBA-ve dhe Forcës së Sigurisë së Kosovës. 

Lexo më shumë

LQSHA: Jo 1244 të OKB-së

Bordi i Drejtorëve të Lidhjes Qytetare Shqiptaro-Amerikane i ka bërë thirrje udhëheqësve të Kosovës që të kundërshtojnë heqjen e "Republikës" në prezantimet rajonale si dhe të mos pranojnë çfarëdo reference me Rezolutën 1244.

Sipas tyre, që prej përfundimit të luftës, Kosovës i është kërkuar vazhdimisht nga komuniteti ndërkombëtar që të lëshoj pe ndaj Serbisë dhe shumica e elitës politike të Kosovës kanë rënë dakord për kërkesat e tyre.

“Gjatë javëve të diplomacisë fluturuese, negociatorët perëndimorë janë përpjekur ta bindin Prishtinën që Kosova mund të pranohet në forume evropiane nëse ajo është e gatshme për t'u identifikuar si ‘Kosova’ – pa fjalën ‘Republikë’ dhe me një fusnotë që i referohet Rezolutës 1244 të Kombeve të Bashkuara. Që prej përfundimit të luftës, Kosovës i është kërkuar vazhdimisht nga komuniteti ndërkombëtar që të lëshoj pe ndaj Serbisë, dhe shumica e elitës politike të Kosovës kanë rënë dakord për kërkesat e tyre. Një pikë kthese erdhi javën e kaluar, kur koncesioni i kryeministrit Hashim Thaçi ndaj zëvendësndihmës sekretarit amerikan të Shtetit, William Burns arriti në një shitje politike dhe morale të Kosovës. Është koha për qeverinë dhe popullin e Kosovës për të tërhequr vijën: Thuaj ‘jo’ 1244 të OKB-së”, thuhet në kumtesë. 

Lexo më shumë

Thaçi, homazhe në Prekaz, por nuk hyn në kullën e Jasharëve

Në kuadër të manifestimeve për Epopenë e UÇK-së, kryeministri i Kosovës, Hashim Thaçi, sot ka bërë homazhe tek varrezat në Prekaz, por nuk ka hyrë në kullën e Jasharajve.

"Familja Jashari ka dhënë shumë për këtë vend. Sakrifica e tyre do të nderohet për jetë", citon Indeksonline të ketë thënë kryeministri, ku thuhet se ai ka ikur menjëherë duke iu shmangur pyetjeve të gazetarëve, se pse nuk e viziton familjen Jashari. 

Lexo më shumë

Kryeministri bëri homazhe para shtatores së Zahir Pajazitit

Kryeministri i Kosovës Hashim Thaçi, në kuadër të “Epopesë së UÇK-së”, sot bëri homazhe pranë shtatores së komandantit Zahir Pajaziti.

Kryeministri Thaçi, me këtë rast, tha se sot po nderojnë në mënyrë shtetërore, një prej komandantëve më të shquar të Ushtrisë Çlirimtare të Kosovës, Zahir Pajazitin, i cili me luftën, punën, sakrificën dhe heroizmin e tij, dërgoj mesazhin te të gjithë, që pa luftë të armatosur nuk mund të çlirohet Kosova.

Ditët e Epopesë së UÇK-së, ai i quajti ditë që i sollën lirinë dhe pavarësinë vendit tonë, epopesë që grumbulloi dhe bashkoi gjithë energjitë pozitive për liri për çlirim.

Vizita e kryeministrit Thaçi pranë shtatores së komandantit Zahir Pajaziti, është në vazhdën e vizitave që kryeministri po bën tek shtatoret dhe varret e komandantëve të UÇK-së dhe dëshmorëve të lirisë, me rastin e shënimit të Epopesë së UÇK-së, e cila po mbahet nën patronatin e Qeverisë së Kosovës.

Lexo më shumë

Obligohen ta lexojnë fusnotën

Përfaqësuesit e Qeverisë së Serbisë dhe ata të Kosovës, të cilët marrin pjesë në takime rajonale, do të jenë të detyruar të lexojnë tekstin e fusnotës, për të cilën janë marrë vesh në Bruksel.

Praktikisht, formulimi se Kosova përfaqësohet pa prejudikim të vendimit për statusin, në bazë të Rezolutës 12 44 dhe të Mendimit këshillëdhënës të GJND-së, nuk do të mbetet vetëm shpjegim për yllin në fletën prezantuese të Kosovës, por ajo do të lexohet edhe me zë, shkruan sot “V. Novosti” i Beogradit.

Ky është udhëzimi zyrtar të cilin javën e ardhshme do ta miratojnë ministrat serbë i cili do të jetë i detyrueshëm automatikisht për ta.

Njëherësh me këtë shfuqizohet rregulla e deritashme e Qeverisë, sipas të cilës zyrtarët e Serbisë duhej të braktisnin mbledhjet rajonale nëse në to merrnin pjesë përfaqësues të Kosovës. Por, mbetet edhe më tutje në fuqi instruksioni, sipas të cilit zyrtarët qeveritarë të Serbisë e kanë për detyrë që edhe në të ardhmen të braktisin mbledhjet që nuk janë rajonale dhe në to shfaqen përfaqësuesit e Kosovës.

Kjo do të thotë, siç shkruan “V.Novosti”, se Kosova nuk do të mund të marrë pjesë as me yllin (bëhet fjalë për fusnotën ) në mbledhjet e OKB-së, OSBE-së, Këshill të Evropës dhe organizatat e tjera të përbëra nga shtetet e pavarura.

Lexo më shumë

Strukturat ilegale, “kancer” për Kosovën

Autoritetet e Beogradit vazhdojnë ta mbajnë pezull çështjen nëse do të shpallen zgjedhjet lokale serbe edhe në Kosovë, por ata kanë theksuar se në katër komunat e veriut të Kosovës, të ashtuquajturve zyrtarë komunal do tu vazhdojë mandati deri në vitin 2014, për shkak se, siç thuhet, këto komuna kanë pasur zgjedhje të jashtëzakonshme në vitin 2010.

Mos shuarja e këtyre strukturave paralele, dhe sipas zyrtarëve serbë, vazhdimi mandatit të tyre deri në vitin 2014, e shkel marrëveshjen që Serbia ka bërë me Bashkimin Evropian, me të cilën ajo e mori kandidaturën, si dhe prodhon efekte negative, sfiduese dhe destabilizuese për institucionet e Kosovës, vlerësojnë analistët e çështjeve politike në vend.

Analisti, Mallzum Baraliu, thotë se situatat e tilla, jo vetëm që paraqesin situata sfiduese për institucionet e Kosovës por edhe i çojnë drejt dështimit politikan e Bashkimit Evropian.

“Sfidon edhe Kosovë dhe institucionet e saj, por edhe Bashkimin Evropian. Ky është dështim, duke përdorur politika të dyfishta Serbia, sepse vazhdimi strukturave paralele atje, nënkupton mos respektimin e marrëveshjes, që ka qenë parakusht për pranimin e saj atje. Dhe e dyta, nënkupton, thjeshtë, tektonizimin, të them kështu, të shtetit të Kosovës dhe funksionalitetit të saj. Çdo vazhdim i strukturave reale të organizuara shtetërore të Qeverisë së Serbisë atje (në veri) është kancer për ardhmërinë dhe funksionalitetin e shtetit të Kosovës”, tha ai për Radio Evropa e Lirë.

Analisti Imer Mushkolaj nuk pret ndonjë reagim nga ana e Bashkimit Evropian lidhur me strukturat jolegale në veri, të cilat pretendojnë ta mbajnë mandatin e pushtetit lokal deri në vitin 2014.

“Tash, nëse flasim me gjuhën e Beogradit, mirëpo, edhe me gjuhën e Brukselit, në fakt ata nuk po i konsiderojnë këto institucione si paralele, por si të vetmet institucione të vetme legjitime në atë pjesë.

Kjo mund të jetë ajo ‘vegëza’ ku do të kapen ata, për të thënë se ‘më mirë që i kemi këto institucione edhe në këtë dyvjeçarin e ardhshëm të mandatit, se sa të mos kemi institucione fare’, gjithmonë duke pasur parasysh se tash për tash nuk po është e mundshme që të organizohen zgjedhjet legjitime të institucioneve kosovare atje”, thotë Mushkolaj.

Por, analisti Baraliu, thotë se institucionet e Kosovës duhet të këndellen dhe të veprojnë me vendosmëri për zbatimin e plotë të Kushtetutës dhe ligjeve dhe të funksionalizojnë strukturat përkatëse.

"Duhet ndërprerë ato, dhe thjeshtë duhet ta marrin ligjin në dorë institucionet tona dhe të veprojnë në përputhjen dhe ligjin dhe t’i parandalojnë dhe ndërpresin aktivitetet e këtyre strukturave. Kjo është e mundur pas këtyre marrëveshjeve të fundit atje në Bruksel”, thekson Baraliu.

Por, analisti Mushkolaj, vlerëson se institucionet e Kosovës nuk duket se kanë fuqi që të ndërmarrin diçka të vetme, por sipas tij, ato do të përpiqen që të bëjnë ndonjë lloj të presion përmes Brukselit.

Sidoqoftë, Prishtina zyrtare i patë shpallur edhe më parë të pavlefshme rezultatet e zgjedhjeve lokale serbe në Kosovë, duke i quajtur ato të paligjshme.

Lexo më shumë

Cameron lavdëron Thaçin për fusnotën

Kryeministri britanik David Cameron të hënën, në seancën e Dhomës së Ultë të Parlamentit, ka raportuar lidhur me vendimin e Këshillit Evropian për t’i dhënë Serbisë statusin e vendit kandidat, pasi që Beogradi ishte pajtuar që të mos kundërshtojë pjesëmarrjen e Kosovës në organizatat rajonale.

Në një raport të Parlamentit britanik thuhet se “Kryeministri Cameron ka lavdëruar kryeministrin e Kosovës, Hashim Thaçi, për lidershipin e treguar duke shtuar se tani Kosova është në rrugë drejt anëtarësimit në Bashkimin Evropian”.

Cameron ka deklaruar se po të mos i jepej Serbisë statusi i kandidatit do t’i inkurajonte ekstremistët në Serbi e jo ata që dëshirojnë të ardhme paqësore evropiane, raporton “Express”.

Pas tij ka folur edhe ish-ministri britanik për Evropë, Danis MacShane, i cili tani është anëtar i parlamentit.

“Faza e ardhshme e zhvillimeve politike në Ballkan duhet të jetë pajtimi i Serbisë për njohjen e Kosovës”, ka thënë MacShane. 

Lexo më shumë

Shqetësimet e kryespiunit të ushtrisë serbe

Drejtori i Agjencisë Informative të ushtrisë serbe (VOA), Dragan Vladisavljevic, ka vlerësuar se çdo "veprim i nxituar" i Prishtinës për të arritur qëllimet e saj maksimaliste mund të rrezikojë seriozisht sigurinë në Kosovë dhe në rajon

Vladisavljevic ka thënë për "Vecernje Novosti" se partitë politike dhe lëvizjet në Kosovë, të cilat kundërshtojnë dialogun midis Beogradit dhe Prishtinës, ose angazhohen për bashkimin territorial të të gjithë shqiptarëve në rajon mund të shkaktojë një incidente të reja.

"Në skenën politike në Kosovë po forcohen partitë dhe lëvizjet që janë përjashtuese, kundërshtojnë dialogun mes Beogradit dhe Prishtinës ose nxisin bashkimin territorial të të gjithë shqiptarëve në rajon. Tendenca të tilla mund të çojnë në incidente të reja", tha Vladisavljevic.

Ai ka shprehur shqetësim sidomos për, për siç thotë, rritjen e numrit të ekstremistëve fetarë, të cilët, sipas tij, janë të gatshëm që për realizimin e ideve të tyre radikale të përdorin dhunën.

Shefi i shërbimit informativ ushtarak serb tha se format e tilla të ekstremizmit i sheh si një fenomen rajonal.

Sipas tij, kërcënimet kryesore të sigurisë në rajon janë të gjitha format e ekstremizmit, krimi i organizuar, përhapja e armëve dhe pajisjeve ushtarake dhe materialeve të rrezikshme, migrimi dhe terrorizmit ndërkombëtar. 

Lexo më shumë

Malazezët së shpejti kategori kushtetuese

Ministri i Jashtëm i Kosovës, Enver Hoxhaj, e ka njoftuar homologun e tij malazias, Milan Rocen, se janë krijuar kushtet që komuniteti malazias në Kosovë të zërë vend së shpejti në Kushtetutën e Kosovës, është bërë e ditur në Podgoricë.

Mali i Zi e ka njohur Kosovën e pavarur, por shkëmbimi i ambasadorëve është kushtëzuar me atë që malazeztë të pranohen si komunitet me Kushtetutën e Kosovës dhe të jenë të përfaqësuar në trupat e pushtetit ligjvënës dhe ekzekutiv, shkruan “Koha Ditore”.

Ministria e Jashtme e Malit të Zi ka bërë të ditur se ministri Hoxhaj ia ka dërguar një letër ministrit Rocen në të cilën e njofton atë për aktivitetet e ndërmarra me synim të njohjes kushtetuese të komunitetit malazias në Kosovë.

Sipas këtij njoftimi, siç raportojnë mediat e rajonit, Hoxhaj ka thënë se më 15 janar ka hyrë në fuqi ligji që është bazë për ndryshimet kushtetuese në Kosovë gjatë vitit 2012, ku një prej qëllimeve është edhe futja e komunitetit malazias si kategori kushtetuese.

Me këtë pozicioni dhe të drejtat e malazezve në Kosovë do të vendosen në baza të barabarta me bashkësitë e tjera në Kosovë, citohet të ketë shkruar Hoxhaj.

Në letër shtohet se edhe me ligj mundësohet pjesëmarrja e dy përfaqësuesve të komunitetit malazias në Këshillin Konsultativ për Komunitete, që përbëhet nga përfaqësuesit e të gjitha bashkësive në Kosovë, Qeverisë së Kosovës, Zyrës së presidentit dhe agjencive relevante.

Këshilli konsultativ do të përbëhet nga dy përfaqësues të romëve, egjiptianëve, ashkalinjve, goranëve, malazezve dhe kroatëve, prej të cilëve njëri mund të jetë deputet në Kuvendin e Kosovës, citohet letra e ministrit Hoxhaj dërguar ministrit Rocen. 

Lexo më shumë

BE ndan projektet, për Kosovën dhe veriun

Gëzimi i kosovarëve në relacion me BE-në duket se është i “dënuar” të mos zgjasë shumë, edhe pasi unioni i 27 shteteve evropiane publikoi hartën e Serbisë pa Kosovën, më saktë aty ku tregon të dhënat e një shteti që aspiron anëtarësimin në BE.

Më 29 shkurt të këtij viti, BE e ka bërë edhe një ndarje, tash të Kosovës, saktësisht aty ku kosovarëve iu dhemb më së shumti, veriun.

Në një njoftim të botuar në faqen e internetit të Komisionit Evropian është postuar edhe një “thirrje për propozime që do të kontribuonin në rritjen e kontributit në bujqësi dhe zhvillimin e sektorit rural”, e cila do të realizohej veçantë për veriun dhe veçantë për pjesën tjetër të Kosovës, edhe pse bëhet fjalë për të njëjtin projekt, shkruan gazeta “Zëri”.

Kjo ftesë e KE-së ka për qëllim që të rrisë kualitetin e prodhimeve bujqësore dhe mbrojtjen e ambientit. Fjala është për njoftimin me referencë të publikimit “Europe Aid/132-547/L/ACT/XK”.

Më saktë, ky “tender” i Komisionit Evropian në vlerë 4.5 milionë euro, para këto nga fondi i “Instrumentit të Paraanëtarësimit” (IPA) është ndarë në pesë fusha, e para është nënsektori që për cak ka industrinë e mishit, i dyti atë të produkteve të qumështit, i treti atë të frutave dhe perimeve dhe i katërti atë të drithërave.

“Tenderi” evropian e ka edhe fushën e pestë që përfshin të gjithë nënsektorët e mësipërm, por do të jetë veçantë për “Kosovën në pjesën veriore të lumit Ibër”. 

Lexo më shumë

Konferencë për promovimin e investimeve në Berlin

Nesër në Berlin të Gjermanisë mbahet një konferencë për promovimin e investimeve dhe mundësive të bashkëpunimit ekonomik me Kosovën, organizuar nga Nisma Ekonomike për Kosovën. Në konferencë pritet të marrin pjesë edhe ministri i Zhvillimit Ekonomik, Besim Beqaj, dhe ministrja e Tregtisë e Industrisë, Mimoza Kusari-Lila.

Mundësitë për investime në Kosovë dhe bashkëpunimi ekonomik ndërmjet Kosovës dhe Gjermanisë do të jenë në fokus të konferencës që mbahet në Berlin.

Udhëheqësi i Nismës Ekonomike për Kosovën, Kujtim Dobruna, tha për Radio Kosovën se në konferencë pritet të marrin pjesë një numër i madhe i përfaqësuesve të bizneseve gjermane. “Ka nevojë që investitorëve potencialë por edhe publikut gjerman t’i tregohet se përkundër vështirësive, Kosova ka arritur një stabilitet politik dhe ky është qëllimi i parë. Qëllimi i dytë pastaj është që të tregohet se në Kosovë ka mundësi konkrete të investimeve, ka edhe storie të suksesit”, theksoi Dobruna, raporton Radio Kosova.

Sipas tij, qëllimi i konferencës është që në të ardhmen të gjenerohen investime në Kosovë, dhe paralelisht me këtë synojnë të ndikojnë në përmirësimin e imazhit të Kosovës. “Jam shumë optimist që me aktivitete të këtilla të orientuara direkt dhe të përshtatura për nevojat e investitorëve potencialë, ne mund të zgjojmë më shumë interesim tek investitorët për potencialet që i ofron Kosova”.

Ministri Beqaj, tha se atje do të prezantojë mundësitë për investime në sektorin e energjetikës, minierave, telekomunikacionit, e njëkohësisht edhe nevojën për përmirësimin e infrastrukturës publike. “Krahas kësaj konference unë kam takim me ministrin për bashkëpunim ekonomik të Gjermanisë, i cili është përgjegjës për partneritetin dhe përkrahjen gjermane në kuadër të projekteve të cilat i ka bërë qeveria e Kosovës, dhe do të flasim për detajet e bashkëpunimit në të ardhmen”, u shpreh Beqaj.

Sipas një raporti të Bankës Qendrore, në vitin 2007 investimet e huaja të drejtpërdrejta në Kosovë kanë qenë 421 milionë euro; më 2008 vit ky kur është shpallur pavarësia, investimet kanë qenë 355 milionë euro; ndërsa në vitin 2009 vetëm 310 milionë euro, në vitin 2010, investimet kanë rënë në 265 milionë euro, kurse në gjashtëmujorin e parë të vitit 2011, investimet e huaja në Kosovë kanë qenë 157 milionë euro.

Lexo më shumë

Gati pakoja për TC Kosova e Re

Mistria e Zhvillimit Ekonomik (MZHE), ka përgatitur pakon tenderuese me dokumentet e nevojshme për të shpallur tenderi për ndërtimin e Termocentralit “Kosova e Re”. Tenderi pritet të shpallet më 30 shtator, për deri sa termocentrali i ri, do të nderohet në dy faza me kapacitete prodhuesi prej 300 plus 300 megavat orë energji elektrike.

Sipas parashikimeve të Qeverisë pritet që ndërtimi i Termocentralit të ri “Kosova e Re” do të bëhet gjatë vitit 2013.

“Ky projekt të fillojë të realizohet në vitin e ardhshëm nëse do të kemi mundësi që brenda këtij viti të kemi edhe shpalljen e fituesit edhe përmbylljen financiare, datën kur ne e presim ofertën si datë finale është 30 shtatori, është një transaksion jashtëzakonisht i komplikuar dhe investitorëve do tu japin një kohë të mjaftueshme për të përgatitin ofertat e tyre”, tha ministri Beqaj.

Ai pas takimit të komitetit ndërministrorë për ndërtimin e TC “Kosova e Re” ka treguar se e kanë përgatitur dokumentet e nevojshme për hapjen e tenderit. “Faza e parë është mbyllur, kemi përgatitur dokumentet e nevojshme, tash u mbetet investitorëve”, tha Beqaj.

Po ashtu në dokumentet e miratuar janë paraparë edhe aksionet e Qeveris në miniera dhe në gjenerim.

Ministrit Beqaj, ka treguar se aksionet të cilat do t’i ketë Qeveria në miniera do të jenë 49 për qind për deri sa 31 për qind do t’i ketë në gjenerim.

Pavarësisht kritikave për futjen e Termocentralit “Kosova B në pakon termocentralit të ri do të vazhdoj për deri sa është dekomisoonimi i Kosova A do të behët më 2017 ashtu siç është paraparë pasi ky sipas ministrit të MZHE-së është obligim të ciline ka marr Qeveria.

Në garë për ndërtimin e Kosovës së Re janë katër kompani proces ky i filluar qysh në vitit 2006 por me ndryshimet qeveritare ka ndryshuar edhe projekti që nga emri e de ri të kapacitetet prodhuese. 

Lexo më shumë

Gazprom do të shtrihet në Shqipëri e Greqi Korporata ruse, Gazprom Neft e kontrolluar nga shteti tha se një nga degët e saj ka në plan të rrisë interesat e saj të biznesit në Shqipëri dhe Greqi dhe të analizojë fillimin e operimit në Angolë. Revista e korporatës së Gazprom Neft ka shkruar se dega e saj në Serbi, Industria e Naftës e Serbisë (NIS) – do të udhëheqë planet e zgjerimit. “Do të zhvillojmë biznesin në Greqi dhe Shqipëri së bashku me Gazprom Neft, meqë kjo do të ishte një detyrë e paarritshme po që se do të ndërmerrej vetëm nga NIS”, ka thënë NIS. /

Korporata ruse, Gazprom Neft e kontrolluar nga shteti tha se një nga degët e saj ka në plan të rrisë interesat e saj të biznesit në Shqipëri dhe Greqi dhe të analizojë fillimin e operimit në Angolë.

Revista e korporatës së Gazprom Neft ka shkruar se dega e saj në Serbi, Industria e Naftës e Serbisë (NIS) – do të udhëheqë planet e zgjerimit.

“Do të zhvillojmë biznesin në Greqi dhe Shqipëri së bashku me Gazprom Neft, meqë kjo do të ishte një detyrë e paarritshme po që se do të ndërmerrej vetëm nga NIS”, ka thënë NIS. 

Lexo më shumë

I Bllokon ura

Po ia shohin sherrin një ure. Banorët e fshatit Vragoli kishin pritur që lëvizjet e tyre drejt vendeve përreth do të lehtësoheshin me ndërtimin magjistrales Prishtinë - Pejë. Por ndërtimi i saj, jo që nuk ua lehtësoi lëvizjen, por i bllokoi ata tërësisht. Niveli i ujit nën urë nga ata duhet të kalojnë vazhdimisht me automjete dhe në këmbë, ka pamundësuar lëvizjen e këtyre banorëve në këtë pjesë.

Uji që aty ka arritur gati në dy metra, sipas banorëve ka ardhur për shkak të mosndërtimit siç ishte në projekt. Urës, thonë, se ia lanë mangut një metër. Në vend të katër metrave lartësi, ajo u ndërtua vetëm tri metra. Bashkë me këtë, ata pohojnë se ura u ndërtua nën nivelin e lumit Sitnicë dhe se kjo është edhe arsyeja që tash aty është vërshuar.

Tash banorët e këtij fshati dhe të gjithë ata që duan të kalojnë me makina andej, duhet të gjejnë rrugë të tjera për të lëvizur drejt fshatrave të tjera. Madje këtu më së keqi e kanë pësuar fëmijët, të cilët për të shkuar në shkollë u duhet të kalojnë nën atë urë. Rreziku se mos fëmijët mund të mbyten në atë ujë, ka bërë që prindërit çdo ditë t’i përcjellin fëmijët e tyre deri në shkollë. Për shkak të kësaj situate, disa thonë se më mirë ishin pa atë urë, se me të.

Agron Mirena, banor i fshatit Vragoli, shtëpia e të cilët është afër këtij kalimi, thotë se janë në hall të madh për shkak të ujit që e vërshon pjesën nën urë për çdo vit.

“Kjo urë do të duhej të kishte 4 metra lartësi, por ia kanë hangër një metër, e e lanë veç 3 metra, e tash na banorët po e pësojmë ma së keqi”, tregon Mirena.

Në këtë situatë, ai pohon se janë deri në stinën e verës, madje vitin e kaluar thotë se ishin të rrezikuar që ky ujë t’i vërshojë edhe shtëpitë e tyre.

Por hallin ai e ka edhe më shumë te fëmijët.

“Nuk po guxojmë t’i lëmë kurrë të shkojnë në shkollë vetëm, po duhet me i përcjellë, e besa mezi po arrijmë të kalojmë nëpër dheun që është anash, se në mes të urës as që mund të kalojë njeri aty ”, thotë ai për gazetën.

Të njëjtin hall si Agroni, e kanë edhe shumë banorë të kësaj ane. Ruzhdi Dervisholli tregon se asnjëherë para se të ndërtohej ura, nuk kishin pasur telashe me këso vërshime. Tash ai thotë se kjo u ka sjellë vetëm telashe, madje edhe shpenzime nga xhepi i tyre për të hequr ujin.

“Na është dashur disa herë të paguajmë dikë që të heqë ujin, edhe pse prapë niveli ka mbetur po i njëjti gati 2 metra”, thotë ai.

E në Ministrinë e Infrastrukturës, thonë se ura nuk i ka fajet për vërshimet që po ndodhin për shkak të reshjeve të mëdha. Lahudin Myrtaj, nga kjo ministri, thotë se ajo është po e njëjta që ka qenë edhe para 40 vitesh, vetëm se është zgjeruar.

“Ne vetëm kemi bërë zgjerimin e një korsie të asaj ure, se ajo as nuk është ngritur, as nuk është ulur”, pohon ai.

Sipas tij, nën urë ka mjaft hapësirë për të kaluar, por tash aty thotë se është problemi i bllokimit të shtratit të lumit dhe hedhja e mbeturinave që po bëhet në atë pjesë.

Ministria e Infrastrukturës, sipas tij, nuk i menaxhon ujërat, pasi nuk është përgjegjësi e tyre. 

Lexo më shumë

Leonora këngëtarja speciale në Epopenë e UÇK-së

Në kuadër të manifestimeve për Epopenë e UÇK-së, këngëtarja e cila njihet për kontributin dhe përkrahjen ndaj UÇK-së, Leonora Jakupi, nesër do të jetë e ftuar për të kënduar në Skenderaj.

Tash e 13 vite Leonora nuk është ‘tradhtuar’ kurrë nga Epopeja e UÇK-së, gjithmonë ka qenë këngëtarja e parë që është ftuar të këndoj atje.

Leonora për Telegrafi ka pohuar se ndihet shumë e lumtur që është pjesë e këtij manifestimi pasi që e ndjen edhe obligim moral.

“Tash e 13 vite jam pjesë e këtij manifestimi, ndjehem shumë me fat dhe shumë e lumtur. E ndjej obligim moral dhe me shumë kënaqësi do të këndoj”, ka pohuar Leonora. 

Lexo më shumë

Ronela: 90% të njerëzve janë tradhtarë

Këngëtarja e hitit “Neles”, Ronela Hajati, duket se është zhgënjyer nga shumë njerëz me të cilët ka pasur punë.

Ronela ka thënë së fundmi se plot 90% të njerëzve që ajo i ka dashur, përkrahur dhe të cilëve u ka besuar, i kanë rezultuar tradhtarë të ndyrë.

“Ta shohim këtë 10 % të njerëzve që na ka mbetur”, ka thënë më tej ajo.

Ronela së fundmi i është bashkuar labelit ”Baba Stars”. 

Lexo më shumë

Klodi i BB3: Dy djem ne BB5 janë gay

Ish-banori i reality-shout “Big Brother 3”, Klodi, ka pohuar se dy banorë të edicionit të sivjetmë “Big Brother 5” janë gay.

Klodi i BB3 ka treguar për gazetën Kosova Sot, por pa përmendur emra, se, sipas tij, dy nga djemtë e pranishëm në këtë shou kanë prirje homoseksuale, dhe dëshira e tij është që njëri prej këtyre djemve të arrijë në finale, e pse edhe të mos fitojë.

Klodi, i cili kur ai ishte në Big Brother 3 e tregoi vetë orientimin e tij seksual, tregon se tashmë jemi një komb i civilizuar, pasi është koha të mos paragjykojmë.

Lexo më shumë

Don Omar nesër koncert në Tiranë

Këngëtari i njohur latino-amerikan El Rey, i cili njihet më së shumti si Don Omar, më datë 7 mars 2012 do të qëndrojë në Tiranë për një koncert.

Mediat nga Shqipëria bëjnë të ditur se Don Omar do të interpretojë disa nga këngët më të mira të tij, në Venue Club në Tiranë.

Kjo është hera e dytë që këngëtari vjen në Tiranë, pasi verën e kaluar, saktësisht në muajin gusht, Don Omar dha një tjetër koncert në Gjirin e Lalzit, raporton NOA.

Ndër këngët e tij më të njohura janë “Dale don Dale”, si dhe “Danza Kuduro”.

Lexo më shumë

Cilësia e martesës, përcaktues i shtypjes së gjakut

Një studim i Universitetit Binghamton në New York, vlerëson se një martesë e mirë rregullon shtypjen e gjakut, ndërsa një martesë stresuese mund të jetë më keq sesa të jesh i vetëm.

Pjesë e këtij studimi ishin 204 persona të martuar dhe 99 të lirë. Pjesëmarrësit në këtë studim, mbanin aparatura që regjistronin tensionin e gjakut për 24 orë. Çiftet e martuara plotësuan gjithashtu edhe një pyetësor mbi martesën e tyre.

Nga analizimi i të dhënave u zbulua se sa më e lumtur të ishte martesa aq më i ulët ishte tensioni i gjakut gjatë aktiviteteve të ditës si dhe gjatë 24 orëve. Por çiftet që shënonin vlera minimale në lumturinë bashkëshortore kishin vlera më të larta të tensionit në gjak sesa personat ‘single’. Gjatë ditës, mesatarisht tensioni i tyre ishte rreth pesë vija (mmHg) më lartë.

Nga ky studim duhet pasur diçka parasysh. Është një nga studimet e rralla që shqyrtoi rrezikun e hipertensionit nga cilësia martesore. 

Lexo më shumë

Kujdes me tamponët që kanë fuqi të madhe thithëse

Që kur ka filluar prodhimi i tyre, problemet praktike të femrave gjatë mujoreve është zgjidhur, megjithatë tamponët vërtet mund të rrezikojnë seriozisht shëndetin.

Mjekët në Britani të Madhe kanë konstatuar se sindroma e shokut toksik më së shpeshti diagnostikohet te femrat e reja të cilat gjatë gjakrrjedhjes menstruale kanë përdorur tamponë me forcë të madhe thithëse.

Është konstatuar se e nxisin helmet të cilat i krijon ky bakter. Ai është i pranishëm në organizëm në rrethana normale dhe nuk shkakton probleme, thonë ekspertët. Për shkak të nxehtësisë, lagështisë dhe mungesës së oksigjenit në vagjinë, mikroorganizmat shpejt dhe lehtë shumëzohen në tamponë.

Është shumë me rëndësi që me kohë të hetohen simptomat e shokut toksik: dhembja e kokës, dhembja e fytit dhe e muskujve, temperatura e lartë, vjellja dhe diarreja, ligështia, sukrepi në formë të djegies nga dielli, ulja e presionit të gjakut, dezorientimi, dështimi i veshkave.

Shërimi bëhet me antibiotikë. 

Lexo më shumë

Asus Padfone vjen muajin e ardhshëm

Njëra prej pajisjeve interesante të paralajmëruara në Kongresin Botëror Mobil në Barcelonë, ishte Asus Padfone, e cila promovohet si pajisje me tri në një: telefon i mençur mobil, tablet dhe notebook.

Asus e ka konfirmuar lajmin në profilin e saj në Google+, ku ka thënë se Padfone do të dal në shitje gjatë muajit të ardhshëm në tregun evropian.

Pjesa kryesore e Asus Padfone është telefoni i mençur, i cili ka ekran të ndjeshëm në prekje me 4.3 inç Super AMOLED qHD, rezolucion me 540 x 960 , si dhe procesorin  1.5GHz dual core Snapdragon S4, dhe Adreno 225 GPU.

Asus Padfone gjithashtu posedon edhe kamerën e pasme me 8 mega-piksel, atë frontale VGA portin HDMI, si dhe GPS, A-GPS Bluetooth 4.0. 

Lexo më shumë

Ngrihet nga arkivoli, shkon të hajë në kuzhinë

95 vjeçarja Li Xiufeng pas 6 ditësh ngrihet nga arkivoli ku e kishin vendosur pasi kishte vdekur dhe shkon drejt e në kuzhinë për të gatuar se e kishte marrë një uri e madhe.

Kjo ka ndodhur kur plaka u rrëzua dhe humbi ndjenjat. Ajo nuk kishte njeri në shtëpi, jetonte vetëm dhe në këtë mënyrë është ndihmuar nga një komshi i cili ka bërë të gjitha zakonet e vdekjes.

Ai e vendosi në arkivol dhe e la anë mes të shtëpisë për 6 ditë pasi qe zakoni se njerëzit vinin që bënin ritualet.

Por ditën e 6-të kur komshiu vajti të mbyllte kapakun e arkivolit, ai pa se ishte bosh dhe u shokuar dhe thirri dhe fqinjët e tjerë.
Por plaka qe ngritur dhe kishte shkuar në kuzhinë madje ku po gatuante pasi një uri e madhe e kishte marrë.

Mjekët pohuan se gruaja pësoi vdekje klinike. Vërtet nuk merrte më frymë, por trupi i saj ruante një temperaturë konstante. 

Lexo më shumë

Dy vjet e gjysmë burg pse u shtir si mashkull

Anglezja Gema Barker, e cila ka arritur që të joshë seksualisht tri vajza të moshave ndërmjet 15 dhe 16 vjeç nga shkolla e saj e mesme duke u maskuar si tre djem të ndryshëm- është dënuar me dy vjet e gjysmë burg.

Vajzat e mashtruara e kanë marrë shumë afër zemrës mashtrimin duke thënë se është shumë vështirë “kur të thonë se personi të cilin e dashuron dhe me të cilin planifikon ta kalosh jetën, nuk është real”. Madje njëra prej tyre ka theksuar se nga pikëllimi ka dashur ta vrasë veten.

19-vjeçarja Gema ka pasur tre identitete të ndryshme të djemve. Për secilin prej tyre ka krijuar imazh të ndryshëm dhe profil në Facebook. Duke u shtirur si mashkull, ajo ka arritur që të krijojë lidhje romantike me tinejxheret, është puthur dhe përkëdhelur me to.

Dyshimi kishte lindur kur “tre djemtë” asnjëherë nuk ishin shfaqur në të njëjtin vend së bashku. Dhe veç kësaj, “ata” kishin ngjarë shumë me njëri-tjetrin.

Vajzat fillimisht kishin menduar se është i njëjti mashkull që po kalon me të tria, ndërsa pasi është akuzuar për abuzim seksual, në stacionin policor Gema ka treguar se është femër. 

Lexo më shumë

Fëmijët më të fuqishëm në botë (Video)

Dy vëllezër rumunë, të moshave shtatë dhe pesë vjeç, ndoshta janë fëmijët më të fuqishëm në botë.

The Mirror raporton se Giuliano dhe Claudiu Stroe nga Galati kanë filluar të ushtrojnë me pesha që në moshën dyvjeçare.

Ata janë stërvitur nga babai Iulian dhe janë të aftë të merren ushtrime torturuese në mënyrë shumë të lehtë.

Disa kritikë kanë thënë se fëmijët janë shumë të vegjël për t’iu nënshtruar një regjimi të tillë ushtrimesh. Megjithatë, videoja e tyre është shikuar nga shumë shfletues të faqeve që shpërndajnë video. 

Lexo më shumë

Gomez: Presioni na bën dëm

Sulmuesi i Bayern Munich, Mario Gomez, thotë se presioni është shkaku kryesor për formën e dobët që po kalon skuadra së fundi.

“Neve po na mungon fati dhe vendosmëria në ballë të golit. Në mbrojtje, ka një mosdurim. Ne absolutisht dëshirojmë të fitojmë dhe e dimë se kemi nevojë të fitojmë. Por pastaj hapemi dhe futemi në probleme”.

“Për shkak të presionit për të fituar, ne nervozohemi dhe jemi të pasigurt. Kjo nuk duhet të ndodhë me ne. Por kur kjo ndodh, ne nuk luajmë me disiplinën e nevojshme, ne nuk jemi kompakt dhe ne nuk presim kundërshtarin të bëjë ndonjë gabim”, ka thënë Gomez.

Lexo më shumë

Enrique: Nuk largohem nga Roma

Trajneri i Romës, Luis Enrique, ka konfirmuar qëndrimin e tij se ai nuk është duke menduar të largohet nga klubi i Serie A, pavarësisht formës së dobët që skuadra po kalon së fundi.

Luis Enrique edhe më herët kishte mohuar raportohet të cilat e lidhnin atë me një rikthim te Barcelona, ku ai kishte drejtuar klubin B në mes të viteve 2008 dhe 2011, nëse Pep Guardiola largohet nga Camp Nou gjatë verës.

“Nuk do të largohem”, ka qenë i shkurtër trajneri spanjoll.

Megjithatë, kuptohet se Roma tashmë është duke planifikuar një të ardhme pa Luis Enrique, pasi mendohet se ka zhvilluar një takim sekret me Andre Villas-Boas, i cili sapo është shkarkuar nga Chelsea. 

Lexo më shumë

Eriksson: Unë duhet ta drejtoj Anglinë

Sven-Goran Eriksson është i gatshëm të rikthehet në karrigen drejtuese të Anglisë edhe një herë për Euro 2012, por nuk pret që atij t’i ofrohet kjo punë.

Suedezi më herët kishte qenë i angazhuar me Tre Luanët nga viti 2001 deri në vitin 2006, duke drejtuar ekipin në çerekfinale të Kupave Botërore 2002 dhe 2006 si dhe në Euro 2004.

“Ata duhet të më caktojnë mua! I njoh të gjithë lojtarët. Ka disa lojtarë të mirë të cilët po vijnë, por ende ka lojtarë të mirë nga të vjetrit. Paul Scholes mund të rikthehet sërish! Wayne Rooney është i jashtëzakonshëm, ai ka gjithçka dhe është vetëm 26-vjeçar”.

“Ai është një futbollist i pjekur i cili e kontrollon temperamentin më shumë. Ai është fituesi i ndeshjeve për Anglinë. Por kjo nuk do të ndodhë [caktimi im], për shkak se kjo do të trajtohej nga shtypi dhe FA do të shkonte mbrapsht”, ka thënë Eriksson.

Lexo më shumë

Abbiati: Ende nuk jemi kualifikuar

Portieri i Milanit, Christian Abbiati, ka paralajmëruar skuadrën e tij të mos e nënvlerësojë Arsenalin për ndeshjen e kthimit të Ligës së Kampionëve që zhvillohet sonte në Emirates Stadium.

Kampionët e Serie A janë me një këmbë në çerekfinale pas fitores 4-0 kundër Topçinjve në ndeshjen e parë në San Siro. Megjithatë Abbiati mendon se asgjë ende nuk është e vendosur.

“Jo, [sfida nuk ka mbaruar], pasi Milani ka kujtime të këqija nga përvoja kundër Deportivos”.

“Ne përfundimisht kemi një avantazh të mirë dhe kemi nevojë ta shfrytëzojmë sa më shumë këtë. Por ne do të duhet të punojmë fuqishëm deri në fund të sezonit”, ka thënë Abbiati për Uefa.com. 

Lexo më shumë

Vilas Boas është takuar me Romën?

Andre Villas-Boas raportohet se ka pasur një takim me menaxherin gjeneral të Romës, Franco Baldini, në Londër muajin e kaluar, për të diskutuar një mundësi të kalimit të tij te klubi italian sezonin e ardhshëm.

Villas-Boas, i cili u shkarkua nga Chelsea të dielën, është duke u lidhur me klubin nga Serie A për të zëvendësuar menaxherin aktual Luis Enrique gjatë verës.

Goal bën të ditur se takimi mes Boas dhe Baldinit ishte zhvilluar në një restorant në afër të rezidencës së këtij të fundit në Londër.

Portugezi mendohet se i ka thënë ish-zëvendësit të Fabio Capellos se ai mund të shkarkohet së shpejti dhe se është i gatshëm të transferohet në Olimpico të Romës.

Tash që Villas-Boas është agjent i lirë, një marrëveshje mund të arrihet. Megjithatë karrigia e Luis Enrique pritet të mos preket deri në fund të sezonit. 

Lexo më shumë

Lippi të drejtojë një klub kinez

Marcello Lippi pritet të fluturojë drejt Kinës për të marrë një detyrë në kampionatin kinez të futbollit.

Ish-trajneri i Italisë dhe Juventusit është në biseda me klubin Guangzhou, shkruan e përditshmja sportive italiane Gazzetta dello Sport, dhe tashmë ka arritur marrëveshje për kushtet.

Lippi pritet të zhvendoset në Kinë për një shumë që kap vlerën e 10 milionë eurove.

Lexo më shumë

Benitez i hapur për Chelsean

Ish-menaxheri i Liverpoolit, Rafa Benitez, ka thënë se ai është i hapur për të drejtuar çdo skuadër që lufton për tituj.

Benitez u spekulua se mund të jetë trajneri i ardhshëm i Bluve, pas shkarkimit të Andre Villas-Boas nga pronari i klubit Roman Abramovich, dhe spanjolli shprehet i gatshëm për çdo detyrë të mundshme.

“Si një menaxher me përvojë në Ligën e Kampionëve dhe përvojë në Spanjë dhe Itali, jam i hapur për oferta”.

“Unë jam një menaxher i cili pret punë, nuk mund t’i ndaloj spekulimet. Nuk mund t’i ndaloj njerëzit të flasin. Unë vetëm pres dhe shoh nëse diçka do të ndodhë në të ardhmen”.

“Do të doja të luftoj për tituj dhe e kam këtë opsion. Jam i hapur për këto lloj projektesh dhe duhet të analizoj çdo ofertë”, ka thënë Benitez. 

Lexo më shumë

Allegri: Ibra më i miri në botë

Trajneri i Milanit, Massimiliano Allegri, e vlerëson Zlatan Ibrahimovic si lojtarin më të mirë në botë.

“Shpresoj Ibrahimovic ta fitojë Topin e Artë, edhe pse kjo do të varet nga ajo se çfarë ne do të arrijmë këtë vit si ekip”.

“Lionel Messi i Barcelonës, Cristiano Ronaldo i Real Madridit dhe Ibra janë tre lojtarët më të mirë në botë për momentin”, ka thënë Allegri. 

Lexo më shumë

Walcott: Të vazhdojmë të fitojmë

Anësori i Arsenalit, Theo Walcott, thotë se Topçinjtë po luajnë shumë mirë, por duhet të mos pranojnë gola.

“Ne kemi disa lojtarë të klasit botëror këtu dhe është e qartë se një prej atyre është Robin [Van Persie]. Golat që ai i shënon nga çdo kënd janë absolutisht fantastik. Ai është në formën jetësore dhe ne të gjithë jemi prapa tij”.

“Por skuadra si e tërë po luan tmerrësisht mirë. Ne duhet të përpiqemi dhe të ndalojmë së pranuari gola, por ne po fitojmë dhe kjo është e gjitha çfarë është e rëndësishme për momentin”, ka thënë Walcott. 

Lexo më shumë

Chelsea kërkon Soldadon

Chelsea është i interesuar të sjellë në Stamford Bridge sulmuesin e Valencias, Roberto Soldado.

Spanjolli ka qenë në radarin e Bluve që nga koha e tij me Real Madridin dhe tash shihet si zëvendësimi i qëlluar për Fernando Torres.

Soldado shënoi hat-trick në rikthimit të tij në përfaqësuesen e Spanjës dhe një ofertë serioze nga klubi anglez vështirë se do të refuzohej nga Valencia që është në nevojë për para.

Një vendim përfundimtar rreth një oferte të Chelseat pritet të merret vetëm pas caktimit të një menaxheri të ri të përhershëm. 

Lexo më shumë