Rummenigge kërkon ‘Robbenin egoist’

Shefi ekzekutiv i Bayern Munichut, Karl-Heinz Rummenigge, beson se klubi i tij ka nevojë për një Arjen Robben egoist.

Holandezi ka pasur probleme me fitnesin dhe formën këtë edicion, ndërsa në javët e fundit e ka humbur vendin në formacionin bazë të bavarezëve.

“Shpresoj që së shpejti ta shohim edhe një herë egoizmin e tij, atë qe e ka bërë lojtar të klasit botëror”.

“Neve na duhet Robbeni djallëzor”, ka thënë Rummenigge për Bild. 

Lexo më shumë

Haye e Chisora mund të burgosen

Boksieri britanik, David Haye, e ka akuzuar Dereck Chisoran se e ka filluar përleshjen në konferencën për gazetarë pasi Vitali Klitschko mbrojti titullin në versionin WBC.

“Chisora e shkaktoi incidentin që ndodhi. E ka shkatërruar reputacionin e sportit, të cilin të dy e duam aq shumë. Jam shumë i zhgënjyer me reagimin tim, por nuk kam kërkuar falje, e as që do të kërkoj”, ka thënë Haye.

Nga ana tjetër, Chisora përmes një komunikate për media ka kërkuar falje për veprimet e tij, ndërsa është distancuar nga shpjegimi i detajeve duke ia lënë në dorë Bordit të Kontrollit të Boksit në Britani të Madhe që ta hulumtojë çështjen.

Ndërkaq, zëdhënësi i policisë në Munih në një prononcim për media ka deklaruar se të dy boksierët rrezikojnë burgun, madje deri në dhjetë vite.

Lexo më shumë

Borini dëshiron të qëndrojë te Roma

Fabio Borini është i ngazëllyer me situatën e tij te Roma- ka bërë të ditur agjenti i lojtarit.

Sulmuesi i ri italian është në bashkëpronësi mes Parmës dhe Romës, por duket se ai dëshiron të qëndrojë te Giallorossët.

“Fabio është një pjesë në pronësi të Parmës, por nëse do të varej nga ai, ai do t’i takonte qind për qind Romës”.

“Atij i pëlqen qyteti dhe tifozët e klubit, që ishin kyç për ardhjen e tij te Roma gjatë verës”, ka deklaruar agjenti Marco De Marchi përRadio Mana Mana.

Lexo më shumë

Marotta: Milani favorit për derbi

Drejtori i Juventusit, Giuseppe Marotta, mendon se Milani është favorit për derbin e të shtunës që zhvillohet në San Siro mes dy skuadrave të para të Serie A.

Bardhezinjtë gjenden në vendin e dytë në tabelë me një pikë më pak se kuqezinjtë, mirëpo Juve ka një ndeshje më pak të zhvilluar.

“Milani është favorit për takimin. Ata janë kampionët në fuqi në ligë dhe një nga tetë ekipet më të mira të Evropës”, u ka thënë Marotta gazetarëve. 

Lexo më shumë

Pique: Guardiola duhet të qëndrojë

Mbrojtësi i Barcelonës, Gerard Pique, dëshiron që Pep Guardiola të nënshkruajë kontratë të re me Blaugranët.

Kontrata aktuale e 41-vjeçarit skadon në fund të sezonit, ndërsa edhe pse ka fituar 13 tituj me Barcën nga viti 2008, duket se ai heziton ta vazhdojë atë.

“Ai duhet të vazhdojë te Barca për atë që ka përjetuar dhe për krejt për atë që do ta përjetojë”, u ka thënë Pique gazetarëve. 

Lexo më shumë

Loew mund të drejtojë ndonjë klub në të ardhmen

Strategu i Gjermanisë, Joachim Loew, ka pranuar se mund të joshet nga ndonjë klub për t’u angazhuar në të ardhmen.

Në të kaluarën, ai ka drejtuar klube, si Stuttgart dhe Fenerbahce, por kontrata aktuale e lidh me përfaqësuesen e Gjermanisë deri në vitin 2014.

“Nuk e mohoj se të punoj si trajner i ndonjë klubi do të ishte argëtuese. Nëse më pyesni sot, do të doja të shkoja në ndonjë kampionat jashtë vendit”, ka thënë Loew për 11Freunde.

Lexo më shumë

Njerëzit duan ta shohin stilin e Barcës

Legjenda braziliane e futbollit, Pele, mendon se stili i lojës që e praktikon Barcelona, është rruga të cilën duhet ta ndjekin të gjitha skuadrat tjera futbollistike.

“Çelësi i suksesit është të kesh një grup futbollistësh, të cilët luajnë bashkë një kohë të gjatë. Stili i lojës i Barcelonës është ai që njerëzit duan ta shohin në fushë dhe unë sinqerisht shpresoj se do t’u shërbejë shumë ekipeve në të ardhmen”.

“Shikojeni Gjermaninë loja e të cilës më shumë është e bazuar në aftësitë teknike të lojtarëve. Ajo është diçka që duam të shohim. Është bukur ta shohësh topin duke lëvizur shpejtë nëpër fushë”, ka thënë Pele për FIFA.com.

Dikur futbollisti më i mirë në botë e ka krahasuar Barcelonën aktuale me klubet, si Benfica, Ajax, Milan dhe Real Madrid, të cilët po ashtu kanë dominuar në të kaluarën.

Lexo më shumë

Mazzarri: Napoli nuk është favorit

Trajneri i Napolit, Walter Mazzarri, u ka thënë lojtarëve të tij se ata nuk duhet ta konsiderojnë veten favoritë në përballjen e Ligës së Kampionëve kundër Chelseat.

Duke qenë se klubi anglez po kalon nëpër një periudhë të vështirë, shumë analistë konsiderojnë se Napoli do të fitojë të martën mbrëma.

“Është qesharake që ne konsiderohemi favoritë, por jemi krenarë për këtë”.

“Megjithatë, do të ketë telashe nëse vërtet besojmë se jemi. Ne nuk jemi favoritë”.

“Lojtarët e mi më kanë impresionuar me mënyrën si janë zhvilluar gjatë dy sezoneve të fundit”, ka thënë 50-vjeçari.

Lexo më shumë

Reali duhet të përballet me kushtet në Moskë

Trajneri i Real Madridit, Jose Mourinho, kërkon që skuadra e tij të jetë në formën maksimale në takimin e të martës mbrëma kundër CSKA Moskës në Ligën e Kampionëve.

Portugezi konsideron se fusha artificiale dhe temperaturat e ulëta në Luzhniki Stadium mund të kërkojnë angazhim shtesë për të zgjedhurit e tij.

“Duhet të jemi më të fortë se kushtet, të cilat janë të vështira dhe të ndryshme”.

“Sintetikja nuk është e njëjtë sa natyralja. Minus dhjetë gradë nuk është njësoj sikur dhjetë gradë”.

“Ne duhet të jemi në maksimumin tonë për t’i tejkaluar këta faktorë”, u ka thënë Mourinho gazetarëve në një konferencë për media. 

Lexo më shumë

Beteja me portokaj (Video)

Për betejën tradicionale të domateve në Spanjë, me siguri se keni dëgjuar. Por, a e keni ditur se edhe në qytetin italian Ivrea, afër Torinos, organizohet tradicionalisht beteja e portokajve, gjatë kohës së karnavaleve?

Sivjet për këtë betejë janë harxhuar 57.000 kuti, respektivisht 400 tonelata portokaj.

Kjo betejë i ka rrënjët në shekullin e XIX-të, kur popullsia lokale filloi të protestojë kundër një sunduesi feudal, duke hedhur ushqimet.

Më herët banorët gjuanin mollët dhe fasulen, ndërsa në fillim të shekullit XX si “armë” filluan t’i përdorin portokajtë. 

Lexo më shumë

Plazh masiv në detin e ngrirë të Baltikut

Në qytetin perëndimor të Lituanisë, Palanga, qendrën më të njohur turistike të bregut të detit baltik, të dielën u organizua larja masive e njohur si “Tuljani Palange” (Pulëbardhat e Palangas).

Gjykuar në bazë të fotografive, duket se akulli dhe të ftohtit nuk pengoi aspak plazhistët për të bërë qejf.

Lexo më shumë

Filloi karnavali në Rio de Janeiro (Video)

Fillimi i festës më të madhe në botë u shënua me qindra mijëra valltarë që vërshuan rrugët e kryeqytetit të Brazilit në festën e përvitshme të muzikës, vallëzimit dhe kostumeve shumëngjyrëshe.

Një ditë pasi King Momo deklaroi zyrtarisht të hapur karnavalin, rrugët e Rio de Janieros u kthyen në një det me ngjyra, pendla dhe shkëlqim.

Kostumet shumëngjyrëshe dhe tingujt e sambas mbushën ajrin derisa festa vazhdoi nëpër lagjet e njohura si “bloçkës”, të cilat konsiderohen si damarë gjaku për festimet e karnavalit.

Autoritetet vlerësuan se rreth një milion njerëz do t’i bashkohen festës zyrtare Cordao da Bola Preta, që tash është 93 vjet e vjetër.

Çdo vit karnavali tërheqë mbi 250.000 turistë në këtë qyte,t të cilët iu bashkohen miliona banorëve lokale në festën e cila zgjat natë e ditë pa ndalë. 

Lexo më shumë

Zbulohen 800 kobra të kontrabanduara

Policia në Hong Kong zbuloi rreth 800 kobra të cilat besohet se janë kotrabanduar për t’u shitur si ushqim për restorantet luksoze.

Kobrat helmuese kineze ishin paketuar në 180 thasë plastike dhe ishin fshehur në një gropë në plazhin e ishullit Lantau, njoftoi gazetaSunday Morning Post.

Ekspertët për kafshët i vunë në gjumë me qetësues, duke thënë se gjarpërinjtë nuk duhet lejuar në ambient sepse mund të paraqesin rrezik për sigurinë publike, njoftoi DPA.

Kobrat kineze zakonisht përdoren për përdorimin e ilaçeve, verës nga gjarpri dhe supës. Këta zvarranikë janë shumë të popullarizuar në Kinë.

Lexo më shumë

“Ezeli” më i popullarizuar se Liga e Kampionëve?

Seriali turk “Ezel”, që po “çmend” tashmë edhe shqiptarët që e ndjekin atë ekskluzivisht në Tv Klan, mund të jetë më i popullarizuar edhe se gara më e madhe sportive evropiane, Liga e Kampionëve - ose së paku kështu duket në Shqipëri.

Ky video-produksion më i ri turk ka pushtuar madje edhe publikun mashkullor, të cilët rrallë mund t’i “gozhdojë” para ekranit një serial, përveçse një ndeshje futbolli.

Por suksesi i “Ezel” ka vajtur deri aty sa tashmë publiku është ndarë në mes: shumica duan vetëm “Ezel”, të tjerët duan Ligën e Kampionëve. Mediat në Shqipëria shkruajnë se teleshikuesit shqiptarë janë të gatshëm që të sakrifikojnë emocionet e “Champions League” në “Tv Klan”, sepse ato që iu dhuron “Ezel” janë më të forta.

Një duel preferencash ka lindur tashmë të martave dhe të mërkurave, që njihen si netët e “Champions League”, duke zënë vendin e “Ezel”.

Drejtori i Programit në “Tv Klan”, Albert Dumani, pohon se me dhjetëra telefonata dhe qindra komente në “Facebook” kërkojnë të transmetohet vetëm “Ezel”.

“Komentet kanë arritur deri aty sa të mos e duan më ‘Champions League’ në ‘Tv Klan’ dhe kërkojnë medoemos ‘Ezel’. Sapo ora kalon 20:10, kam dhe telefonata nga miq dhe kolegë se përse nuk ka ‘Ezel’ sonte kur është e martë dhe e mërkurë, apo postimet e shumta në ‘Facebook’ që shprehin shumë mërzitje sepse u mungon ‘Ezel’,” ka pohuar Dumani.

Megjithatë në Kosovë situata mund të jetë më ndryshe, me RTK që e ka ekskluzivitetin e Ligës së Kampionëve e që nuk transmeton seriale turke, spanjolle ose të natyrave të ngjashme

Lexo më shumë

Besarda largohet nga Big Brother

Nuk i ka rezistuar më shumë se 24 orë izolimit nga realiteti i jashtëm dhe vendos që të largohet nga shtëpia e Big Brother 5. Ky është vendimi i marrë nga Besarda, vajza e cila hyri në shtëpi si “vajza e produksionit” e që do ta hapte derën e shtëpisë për Florianin.

Edhe pse për banorët e Big Brother Albania, ka qënë një ëndërr shumë e rëndësishme përjetimi i eksperiencës në BB, duket se nuk ka ndodhur kështu për Besardën. Ajo është shprehur se dëshironte të dilte jashtë shtëpisë sepse nuk ishte mësuar të jetonte në këtë mënyrë, e izoluar nga realiteti dhe larg nga jeta e saj jashtë katër mureve.

Pas bisedave me të në dhomën e rrëfimit, Vëllai i Madh ka vendosur që Besarda të dalë jashtë Big Brother duke humbur kështu një mundësi të madhe për të jetuar një aventurë të bukur, por edhe për të fituar çmimin e madh.

Pasi doli nga dhoma e rrëfimit, Besarda takoi konkurrentët e tjerë duke u uruar suksese në aventurën e tyre dhe u thotë se për arsye personale ajo po largohet nga shtëpia.

Lexo më shumë

Alban: Puthja e bën ditën më të mbarë

Këngëtari nga Shqipëria, Alban Skënderaj, këshillon miqtë e tij ta nisin ditën me puthje.

“Dita nis mbarë kur nis me një puthje”, ka shkruar Albani në profilin e tij në Facebook.

Mesa duket Albani i është referuar vetes, pasi duhet të ketë marrë një puthje të ngrohtë nga e dashura e tij Miriam Cami.

Alban Skënderaj së fundi është i angazhuar si pjesë e jurisë në spektalin “The X Factor Albania”.

Lexo më shumë

Rita Ora fiton “Official Singles Chart Number 1 Award

Bashkëpunimi i këngëtares kosovare Rita Ora me DJ Fresh, “Hot Right Now”, ka zënë vendin e parë në top-listën zyrtare të këngëve më të shitura në Britani të Madhe.

Këngëtarja 21-vjeçarje me këtë arritje fiton shpërblimin “Official Singles Chart Number 1 Award” që kohët e fundit u jepet artistëve.
“Jemi shumë të lumtur, faleminderit dhe është një nder i madh ta fitojmë këtë çmim”, ka thënë Rita pas pranimit të çmimit.

Mediat britanike i kanë kushtetuar hapësirë të madhe vajzës me origjinë nga Kosova, e cila tashmë ka pranë vetes personazhe të famshme. Rita ka bashkëpunuar me The-Dream, Drake dhe Will.i.am.

Ajo më parë kishte realizuar edhe një këngë me këngëtarin Craig David, këngë që ishte shumë e pëlqyer në publikun amerikan.
           

Lexo më shumë

Si ta shpëtoni telefonin e rënë në ujë?

Gjithnjë e më shumë njerëz i shfrytëzojnë telefonat mobilë në situata të ndryshme – në det, në pishinë, në banjë. Dhe, ndodh që telefoni rastësisht të bjerë në ujë! Mos u pikëlloni nëse ju ndodhë mu kjo juve, sepse zgjidhja është – orizi.

Nëse keni cilindo telefon, pos iPhone dhe Android, mund ta shpëtoni telefonin pasi t’ju ketë rënë në ujë duke bërë këto veprime.

* Nëse telefoni fiket vetë pasi të ketë rënë në ujë, mos e aktivizoni sërish.

* Sapo ta nxirrni nga uji, hiqjani baterinë dhe sim-kartelën. Nëse telefoni ju ka rënë në ujë të ëmbël apo në ujë të njelmët, lajeni mirë me ujë nga çezma.

* Nëse feni i flokëve të cilin e keni në shtëpi ka opsionin e fryrjes së ajrit të ftohtë, atëherë thajeni pak telefonin, por assesi me ajër të ngrohtë. Nëse nuk keni fen, pastrojeni me facoletë letre.

* Në një enë e cila duhet të jetë pak më e madhe se telefoni, vëni oriz të bardhë të pazier, dhe vendoseni telefonin dhe baterinë në atë mënyrë që të jenë të mbuluara edhe bateria edhe telefoni me oriz nga të gjitha anët. Le të qëndrojë telefoni prej 24 deri në 48 orë në oriz, i cili do t’ia eliminojë tërë lagështinë.

Pasi të keni pritur që orizi t’ia eliminojë lagështinë telefonit së paku 24 orë, koha është për t’u bindur për suksesin. 

Lexo më shumë

Nintendo 3DS po shitet shumë mirë

3DS, konsola e dorës nga Nintendo me ekranin 3D për të cilën nuk ka nevojë për përdorimin e syzeve 3D po shënon shitje rekorde në Japoni. Asnjë konsolë në Japoni nuk është shitur në 5 milion copë për një kohë kaq të shkurtër – për diçka të këtillë pararendësit të tij, Nintendo DS, i janë dashur 2 muaj më shumë.

Për shitjen e mirë rol kyç ka pasur strategjia e mirë: pas shitjes së dobët me çmimin fillestar prej 25,000 yen, respektivisht 250 dollarë në SHBA, çmimi kah fundi i verës së vitit të kaluar është ulur në 15,000 yen, respektivisht 150 dollarë në SHBA, e shitjes i ka dhënë shtytje edhe paraqitja e titujve të popullarizuar siç janë Super Mario 3D Land, Monster Hunter 3 dhe Mario Kart 7.

Por, për Nintendon kjo është ende vetëm fitore e piros duke pasur parasysh se udhëheqësit e kompanisë për të parën herë në histori paralajmëruan humbje operative gjë për të cilën sipas të gjitha gjasave ka merita edhe margjina e ulur ose edhe negative gjatë shitjes së 3DS-it.

Lexo më shumë

Ndalohet shitja e iPad në disa pjesë të Kinës

Apple është në mes të një beteje ligjore me kompaninë kineze Proview, të cilët mbajnë në pronësi të drejtat për markën iPad para se t’ia shisnin atë kompanisë Apple për 55 mijë dollarë, siç është raportuar.

Pretendimet e Proview thonë se shitja e markës tregtare nuk përfshin të drejtat e përdorimit të markës në tregun kinez, dhe një gjykatë kineze e ka anën e Proview tashmë, pasi që ka vendosur kundër interesit të kompanisë amerikane.

Gjykata Ndërmjetësuese Popullore në Huizhou, një qytet në provincën Guangdong të Kinës jugore, ka vendosur që ta ndalojë shpërndarjen e pajisjes në Kinë, edhe pse duket se ky vendim nuk prek gjithë territorin e shtetit të Kinës.

Apple ka thënë se çështja është ende në pritje pranë gjykatës kryesore, dhe ata kanë apeluar në Gjykatën e Lartë në Kinë kundër aktvendimit fillestar.

Lexo më shumë

Fillon aplikimi për subvencione

Ministria e Bujqësisë Pylltarisë dhe Zhvillimit Rural (MBPZHR) ka njoftuar se është hapur periudha e aplikimit për subvencione dhe grante investive nga faza e parë e përkrahjes. Të drejtë konkurrimi për subvencione kanë fermerët që i plotësojnë kriteret e publikuara.

Ministria e Bujqësisë ka njoftuar se këtë vit fermerët mund të aplikojnë për të përfituar subvencione për krerë të lopëve qumështore, për krerë të kafshëve të imëta (dele/dhi) dhe për herë të parë edhe për zgjoje bletësh.
Po ashtu, në këtë periudhë fermerët mund të aplikojnë për të përfituar edhe grante për investimet e tyre në sektorin e hortikulturës, përkatësisht për ngritjen e sipërfaqeve të reja me pemishte, me hardhi të rrushit të tryezës dhe me perime në serra, si dhe mund të përfitojnë grante investive edhe për zëvendësimin, zgjerimin dhe përmirësimin e infrastrukturës në fermë. “Zgjerimi i gamës së përkrahjes dhe aktivizimi i të gjitha burimeve për zhvillimin e sektorit të bujqësisë është objektivë kryesore e Ministrisë së Bujqësisë dhe përveç përkrahjes së deritanishme për sektorin e blegtorisë, sektorin e hortikulturës dhe atë të drithërave, sivjet për herë të parë do të përkrahet me subvencione edhe prodhimtaria e farës së grurit, prodhimtaria e misrit dhe ajo e lulediellit dhe kolzës”, thuhet në njoftimin e MBPZHR-së.

Po ashtu theksohet se periudha e aplikimit për prodhimtarinë e këtyre kulturave bujqësore do të hapet në muajin mars. Ndërsa, për të përfituar grante investive për ndërtimin e fermave të reja për lopë qumështore dhe pula vojse, për pajisje për mjelje, për përgatitjen e ushqimit për bagëti, për ndërtimin dhe renovimin e dhomave të qumështit dhe për pajisje dhe mekanizëm më të rënd bujqësor, periudha e aplikimit do të hapet në muajin prill.
“Vlen të potencohet se theks i veçantë në hartimin e kritereve është vënë edhe tek inkurajimi i të rinjve dhe grave fermere, si dhe tek inkurajimi i banorëve të zonave të thella rurale, të cilët në sistemin e poentimit do të kenë përparësi më të madhe me projekte për zhvillim rural”.

Faza e dytë e aplikimit për të përfituar nga skema e përgjithshme e granteve për agropërpunimin dhe prodhimtarinë primare, të cilat Ministrisë së Bujqësisë i janë vënë në dispozicion nga projekti i Bankës Botërore dhe projekti i Danida-s, do të hapet pas gjashtëmujorit të parë të këtij viti.

Lexo më shumë

Gjeneron mbi 3 milionë euro nga toka publike

Kompania “Hidroterm” e Blerim Kuçit ka gjeneruar mbi 3 milionë euro duke ndërtuar në tokë publike, për të cilën nuk kishte paguar asgjë, në një proces që sipas Auditorit të Përgjithshëm ishte i kundërligjshëm. Kryetari aktual i Suharekës, Blerim Kuçi, kishte fituar mbi një milion euro nga një kontratë ndërtimi me këtë komunë, që kjo e fundit mund të mos ketë pasur të drejtë ta lëshojë e që ishte kontestuar nga Auditori i Përgjithshëm.

Sipas një raporti vlerësues të Kuvendit Komunal të Suharekës, të vitit 2002, del se “ndërtesa e kaltër” e ndërtuar nga kompania “Hidroterm” e Kuçit vlente, sipas çmimit të shitjes, gjithsej 1,478,855 euro. Nga të cilat 20 për qind ose 295,271 euro i takonin komunës.

Kompania “Hidroterm” dhe Blerim Kuçi nuk kanë pranuar të flasin për detajet e çmimeve të ndërtimit dhe shitjes së lokaleve e apartamenteve si dhe për kontratën me komunën. Por gazeta ka arritur të kuptojë se shumica e rreth 2,200 metrave katrorë të ndërtesës, përveç një lokali pronësia e të cilit mbahet nga ndërtuesi, tashmë janë shitur ose i janë kthyer komunës sipas kontratës.

Po ashtu, toka ishte vendosur si hipotekë kur kompania dhe Kuçi kishin marrë rreth dy milionë euro kredi në bankat e vendit, gjatë vitit 2010 dhe 2011. Më 1997, Kuvendi Komunal i Suharekës kishte nënshkruar marrëveshje me ndërmarrjen “Banesa/Stan” nga Prizreni për ndërtimin e themelit dhe katin e parë të objektit banesor, në qendër të qytetit.

Ndërmarrja kishte vendosur themelet dhe kishte shprehur interesim në vitin 2001 tek kuvendi komunal i Suharekës që t’i vazhdojë punimet, mirëpo ky i fundit kishte tjetër disponim. Kontesti kishte përfunduar në gjykatë.

Zëdhënësi i Agjensionit Kosovar të Privatizimit (AKP), Ylli Kaloshi, thotë se në vitin 2001 fillimisht gjykata komunale e Suharekës kishte vendosur që komuna duhej të kompenzonte ndërmarrjen “Banesa” për punimet e saj në shumën prej 106,229.10 DM përkatësisht 54 mijë e 245 eurosh. Aktvendimi ishte vërtetuar edhe nga Gjykata e Qarkut në Prizren. “Pas kësaj, lidhet marrëveshja në mes të KK Suharekë dhe NSH’së (Banesa) për kompensimin e punëve të realizuara”, tregon Kaloshi.

Më 10 dhjetor 2001, ish-kryetari i Suharekës Ukë Bytyqi, kishte nxjerrë një vendim me të cilin e kishte ndarë “në shfrytëzim të përhershëm dhe me kompensim tokën ndërtimore për ndërtimin e objektit banesor-afarist në parcelën kadastrale nr.2021 në sipërfaqe prej 023,61 hektarë, me fletën poseduese numër 409, pronë shoqërore e KK të Suharekës”.

Në bazë të ligjit, përkatësisht rregullores për vetëqeverisje lokale 2000/45, neni 44.2, komuna nuk ka të drejtë të lëshojë tokë në shfrytëzim për më shumë se dhjet vjet pa lejen e nivelit qendror.
Një javë më vonë, më 17 dhjetor 2001, Ukë Bytyqi në emër të komunës dhe Blerim Kuçi në emër të NPN “Hidroterm”, nënshkruan kontratën e ndërtimit e lidhur “sipas vullnetit të lirë të palëve kontraktuese dhe pas fitimit të tenderit nga ana e sipërmarrësit”.

“Komuna e Suharekës duhet të zbatojë rregulloren 2000/45, përkatësisht nenin që thotë se komuna nuk guxon të japë pronën më shumë se dhjetë vjet pa miratimin e nivelit qendror” rekomandim i Auditorit Gjeneral 2007
Prej objektit të ndarë, komunës i ishin dhënë tri lokale (87.24, 17.68 dhe 28.61 metrash katrorë) dhe katër banesa prej 58.97 metra katrorë në katin e dytë, tretë, katërt dhe pestë. Në vitin 2005, “NPN Hidroterm” kishte paguar edhe një faturë prej 17 mijë e 241 e 10 eurosh për shkak se raporti i kuvendit komunal i vitit 2003 kishte vlerësuar se ndërmarrja i kishte dhënë komunës 69.09 metra katrorë më pak sesa marrëveshja iniciale prej 80 për qind për ndërmarrjen dhe 20 për qind për komunën.
Më 1 maj 2010, Blerim Kuçi u zgjodh kryetar i Suharekës, si përfaqësues i Aleancës për Ardhmërinë e Kosovës (AAK), pas një fushate me moton “Kodi i Zhvillimit”.

Kuçi, pronar i “Hidrotermit”, vazhdon ta mbrojë kontratën e ndërtimit dhe nuk e sheh atë si shkelje të rregulloreve. “Vendimi është marrë sipas ligjeve të asaj kohe. Pastaj, kjo formë është praktikuar në tërë Kosovën. Në Prizren ka shumë të tilla, e në Kosovë diku 200”, tha Kuçi. “Vendimi është marrë sipas ligjeve të asaj kohe. Pastaj, kjo formë është praktikuar në tërë Kosovën. Në Prizren ka shumë të tilla, e në Kosovë diku 200”, Blerim Kuçi.

As kryetari i mëhershëm i komunës, Sali Asllanaj, i cili ishte kontaktuar nga Auditori i Përgjithshëm, nuk i kishte konsideruar rekomandimet. “Ne i patëm parë rekomandimet, por nuk i kemi adresuar sepse investimet tashmë ishin bërë dhe nuk kemi mundur të bëjmë asgjë. Në atë vend janë ndërtuar objekte me material të rëndë dhe ne nuk kemi mundur t’i prishim investimet ndoshta milionëshe”, ka thënë Asllanaj. Marr me shkurtime nga Gazeta JnK.

Lexo më shumë

Beqaj: Në prill shpallet fituesi i distribucionit

Ministri i Zhvillimit Ekonomik (MZHE), Besim Beqaj, tha të hënë se gjatë muajit prill pritet të shpallet fituesi në procesin e privatizimit të distribucioneve të furnizimit me energji elektrike. Në një takim me drejtuesit e asociacioneve të bizneseve vendore dhe të huaja në Kosovë, është biseduar për planin e zhvillimit ekonomik të qeverisë, që përfshin procesin e reformave në ndërmarrjet publike.

Ministri i Zhvillimit Ekonomik, Besim Beqaj, bëri të ditur hapat e ministrisë në procesin e privatizimit të distribucioneve të furnizimit me energji elektrike. Sipas tij, pritet që gjatë muajit prill të shpallet fituesi dhe të fillojë procesi i investimeve.

Gjatë takimin me komunitetin e biznesit, ministri Beqaj, i ka njoftuar edhe me procesin e reformimit të Post-Telekomit të Kosovës, përkatësisht procesin e privatizimit të telekomit.
Kryetari i Aleancës Kosovare të Bizneseve (AKB), Agim Shahini, theksoi domosdoshmërinë që ndërmarrjet publike të kenë pronarët e tyre, për të ofruar shërbime më të mira për konsumatorët.

Po ashtu në takim, është biseduar edhe për mënyrat se si duhet të mbrohet Kosova nga kriza ekonomike, që po kërcënon disa shtete në Evropë dhe rajon.

Po ashtu ministri Besim Beqaj të hënë ka takuar edhe ambasadorin e Shqipërisë në Prishtinë, Islam Lauka, me të cilin ka diskutuar për nevojën e ndihmës reciproke mes dy vendeve në këtë situatë kur të dyja vendet ballafaqohen me mungesë të energjisë duke pas parasysh se sistemet energjetike të Kosovës dhe Shqipërisë mund të plotësojnë njëri–tjetrin.

Lexo më shumë

Greqia nuk kërcënon ekonominë botërore

Greqia, që po lufton shumë për të shmangur disfatën, nuk është një kërcënim për ekonominë botërore, deklaroi Jorg Asmussen, një nga drejtorët e Bankës Qendrore Evropiane, edhe pse vendet e G20-s ende presin me padurim një zgjidhje.

"Fatmirësisht Greqia nuk është një kërcënim për ekonominë botërore", tha për gazetën Financial Times Deutschland drejtori Asmussen. "Vendet e tjera ende presin një zgjidhje, por nga takimi i G20-s, deri në fund të javës, do të kemi përparuar në këtë drejtim", tha drejtori.

Një takim ministrash të Financave të Eurozonës do të zhvillohet sot në Bruksel për të arritur një marrëveshje për programin e ri për të ndihmuar Athinën.

Lexo më shumë

AAK: Fusnota me 1244, prapakthim

Aleanca për Ardhmërinë e Kosovës (AAK) e kundërshton fuqishëm përfaqësimin e Kosovës me fusnotë në të cilën përmendet Rezoluta 1244, në emërtimin e saj në nismat rajonale.

AAK e konsideron këtë pajtueshmëri të Qeverisë së Kosovës si kompromis të dhimbshëm dhe të rëndë, të bërë me Beogradin, në disfavor të shtetësisë së Kosovës, të sovranitetit dhe të të gjitha të arriturave të deritashme në funksion të avancimit të statusit të Republikës së Kosovës.

“AAK e konsideron fusnotën me 1244 si prapakthim të madh politik në statusin e Kosovës, të bërë nga Qeveria e Kosovës, dhe si një gabim që do t’i kushtojë shumë vendit tonë në hapat e mëtejmë të ruajtjes së subjektivitetit shtetëror dhe të sovranitetit”.

“Fusnota me 1244 është goditja më e rëndë që i është dhënë shtetësisë së Kosovës, në 4-vjetorin e shpalljes së pavarësisë. Në të njëjtën kohë, AAK përshëndet rolin e SHBA-ve dhe i falënderon ato për kontributin e madh dhe mbështetjen në të gjitha proceset nëpër të cilat ka kaluar dhe po kalon Kosova dhe populli ynë”, thuhet në deklaratën e AAK-së. 

Lexo më shumë

Rezoluta 1244 degradon pozitën e Kosovës

Klubi për Politike të Jashtme shpreh shqetësimin me rrjedhën e dialogut Kosovë – Serbi. KPJ konsideron se zhvillimet brenda këtij procesi po prodhojnë rezultate në shpërputhje me Kushtetutën e Kosovës dhe aspiratat shtetformuese të qytetareve të Kosovës.

“Gatishmëria e Qeverisë së Kosovës për lëshime, si ajo e përfaqësimit rajonal përmes fusnotës, që si pikë reference ka rezolutën 1244, degradon pozitën ndërkombëtare të Kosovës, paraqet kthim prapa në kohë dhe shënon regres në konsolidimin e shtetësisë. Për më tepër hap derën për njohjen e pozicionit kontestues serb ndaj pavarësisë se Kosovës si qëndrim legjitim brenda dialogut integrues evropian”, thuhet në kumtesën e Klubit.

KPJ konsideron se procesi i integrimeve evropiane duhet të shërbejë si nxitës për normalizimin e marrëdhënieve mes Kosovës dhe Serbisë, si dy shtete te pavarura dhe të barabarta, e jo si proces që do të legjitimojë kontestimin e pavarësisë së Kosovës në marrëdhëniet mes Kosovës, Serbisë dhe Bashkimit Evropian. 

Lexo më shumë

VV: Fusnota na ka kthyer 10 vjet prapa

Lëvizja Vetëvendosje është kundër fusnotës që përmend Rezolutën 1244, në përfaqësimin e Kosovës në nismat rajonale.

Nënkryetari i kësaj lëvizjeje, Shpend Ahmeti, deklaratat e kryeministrit Thaçi të një dite më parë i ka quajtur vendime personale. Ahmeti dhe shefi i Grupit parlamentar, Visar Ymeri, kanë deklaruar se futja e Rezolutës 1244 në fusnotën për Kosovën e kthen vendin 10 vjet prapa.

"Ky qëndrim personal i kryeministrit, nuk është vendim i qeverisë së Kosovës dhe nuk rrjedh nga ndonjë mbledhje e qeverisë së Kosovës që emrit të shtetit të Kosovës t’i hiqet Republika e t’i shtohet fusnota ka kërkuar Serbia”, u tha në konferencë.

“Ai paguhet nga qytetarët e Kosovës që t’i plotësojë kërkesat e qytetarëve të Kosovës e jo të Serbisë, apo jo? Dhe, paguhet që të zbatojë Kushtetutën dhe ligjet e Kosovës dhe jo aspiratat e Serbisë".

Vetëvendosje ka thënë se po koordinohet me partitë e tjera opozitare për të kundërshtuar këtë kompromis të Qeverisë së Kosovës.

Lexo më shumë

Demaçi: Qosja t’ia falë tokat e veta Serbisë

Me deklarimin e akademikut Rexhep Qosja, që veriu i Kosovës t’i jepet Serbisë, e Lugina e Preshevës Kosovës, nuk pajtohet veprimtari Adem Demaçi. Ai madje thotë se “Serbia e Qosja mund të këqyren kah dielli”

“Po ku ka sot Kosova me dhanë tokë falë për Serbinë?! Po a e dini ju se Serbia na i ka borxh tokat tona deri në Nish. Kosova jo që nuk do t’ia jap Veriun, por sikur Mitrovica ashtu edhe Lugina e Preshevës janë dhe do të jenë pjesë të Kosovës”, ka thënë Demaçi për “Presheva Jonë”.

“Rexhep Qosja nëse ka dikund naj copë tokë, naj truell të vetin, mund t’ja jap Serbisë”, shton ai. “Por, ne ja bëjmë me dije Serbisë dhe këtij Qosjes tonë se Kosova nuk ka asnjë pëllëmbë për t’ia dhënë falë Serbisë”.

Demaçi thotë se Lugina e Preshevës sot është pjesë e “Serbisë së madhe”, sepse Serbia me luftë, dhunë e presion e ka tkurrur Kosovën për çdo 20-30 vjet, “duke e shtyrë gurin e mezhdës prej Nishi, tek Molla e Kuçe”.

“Ngushto e ngushto deri në Leskoc, shtyje e shtyje deri në Vranjë, e sot e ka prurë gurin me sukses deri në Medvegjë dhe dëshiron t’i mbajë sot me zor edhe Preshevën e edhe Bujanocin e banuar me shumicë shqiptare”, thotë Demaçi, sipas të cilit Serbia kurdoherë shqiptarëve do t’ua kthej tokat e veta

“Nëse ky serbi mundet me i mbajtur me zor, t’i mbajë! Kosovën a mundi ta mbante”?

Lexo më shumë

Krasniqi: Qeveria të mos ngutet

Kryetari i Kuvendit, Jakup Krasniqi, ka deklaruar se Kuvendi nuk është pjesë e bisedimeve dhe rrjedhimisht nuk ka kurrfarë materiali për përfaqësimin rajonal të Kosovës.

Ai u ka bërë thirrje institucioneve dhe veçanërisht Qeverisë, që të kenë kujdes dhe të mos nguten lidhur me prezantimin e Kosovës në rajon, raporton KTV.

Ndërkaq, lidhur me pyetjen nëse kjo marrëveshje duhet të ratifikohet në Kuvend, Krasniqi ka deklaruar se marrëveshja mund të bëhet në atë mënyrë që të mos vijë fare në Kuvend, ashtu siç ka ndodhur edhe me konkluzionet e tjera të arritura në bisedime.

Krasniqi nuk ka treguar nëse dikush duhet të japë përgjegjës nëse nuk përmendet fjala republikë.

Seanca e ardhshme e Kuvendit të Kosovës do të mbahet më 1 mars.

Lexo më shumë

Serbia konfirmon shkuarjen në Bruksel

I ashtuquajturi ministër për Kosovën, Goran Bogdanovic, ka konfirmuar se është në dijeni për letrën e dërguar nga ana e Prishtinës vendeve të BE-së, ku kërkohet që Serbisë të mos i jepet statusi i kandidatit.

Ai ka thënë për mediat serbe se Serbia me siguri se do të marrë pjesë në takimin e nesërm në Bruksel.

“Një letër e tillë nuk paraqet befasi. Tashmë disa ditë paralajmërohet dërgimi i kësaj letre në Prishtinë”, ka thënë Bogdanovic duke shtuar se në një veprim të tillë nuk ka “gisht vetëm Prishtina”, transmeton “Rel”.

Ai ka thënë se Qeveria e Kosovës ua ka dërguar letrën vendeve anëtare, dhe jo Brukselit, dhe për këtë arsye nuk ka konfirmim zyrtar për marrjen e letrës nga ana e Brukselit.

Lexo më shumë

LDK: Thaçi hoqi dorë nga shtetësia

Lidhja Demokratike e Kosovës reagon për kompromisin e bërë nga kryeministri Hashim Thaçi, që Kosova, në forumet rajonale, mos të përfaqësohet si Republikë, por me fusnotën që i referohet edhe Rezolutës 1244.

“Kryeministri Thaçi mundohet të manipulojë opinionin, duke theksuar se Kosova në të njëjtën kohë do të përfaqësohet me një fusnotë - që përveç Rezolutës 1244, i referohet edhe në Mendimit Këshillëdhënës të GJND-së dhe Deklaratës së Pavarësisë së Kosovës. LDK-ja konsideron se vetë pranimi që Kosova të paraqitet pa ‘Republikë’ dhe me fusnotë (me çfarëdo përmbajtje qoftë ajo) paraqet denigrim të pozitës kushtetuese të Kosovës si Republikë e pavarur dhe sovrane dhe e barabartë me shtetet e tjera”, thuhet në reagimin e LDK-së.

LDK-ja beson se heqja dorë nga Republika paraqet heqje dorë nga elemente kushtetuese të shtetësisë, dhe ky vendim mund t’i ndihmojë vetëm Serbisë në rrugën e saj drejt statusit të kandidatit për anëtarësim në BE.

LDK përkujton se Kryeministri Thaçi, rreth dy javë më parë, pati thënë se kurrë nuk do të heqë dorë nga përfaqësimi si ‘Republikë’, ndërkaq tani e konsideron përfaqësimin në këtë nivel si një “formulë dhe simbolikë të parëndësishme”.

“Pikërisht për këtë Republikë, që ai e quan simbolikë të parëndësishme, populli i Kosovës sakrifikoi me shekuj. Prandaj, ne e kundërshtojmë çdo lloj përfaqësimi ndryshe nga ai që është i paraparë në Kushtetutën e vendit”.

LDK-ja po ashtu ia kujton Qeverisë Thaçi se gjatë kohës sa politika e jashtme udhëhiqej nga LDK-ja, Kosova ishte e barabartë në forumet rajonale dhe evropiane sipas modelit të quajtur “Gymnich”.

Për më tepër, sipas LDK-së, modeli i tashëm ka hapur rrugë që Kosova, në çdo anëtarësim në organizata ndërkombëtare në të ardhmen, të jetë e përfaqësuar me fusnotë në vend të emrit të saj kushtetues.

“Gjithashtu, duke pasur parasysh se pjesa dërrmuese e iniciativave rajonale janë nën ombrellën e BE-së, kjo e detyron Kosovën që edhe në raport me BE-në të paraqitet me këtë model”, thotë LDK.

Përfundimisht, sipas Lidhjes Demokratike të Kosovës, kjo do të ketë efekte negative në njohjen e pavarësisë së Kosovës nga shtete të tjera, meqë “me këtë qëndrim, edhe vetë Kosova e pranon se nuk është anëtare e barabartë me shtetet e tjera”.

Lexo më shumë

Thaçi i quan antiamerikanë e antieuropianë kundërshtarët e fusnotave

Kryeministri i vendit, Hashim Thaçi, i ka quajtur antiamerikanë dhe antieuropianë të gjithë ata që kanë dilema për përdorimin e fusnotës së Rezolutës 1244.

Në takimin e Këshillit Ndërministror për Integrime Evropiane, kryeministri ka thënë se kjo qasje negative që e dëshiron Kosovën e izoluar, nuk do të lejohet dhe se e ardhmja e vendit dhe e gjithë rajonit është në Bashkimin Evropian, raporton KTV.

Sipas tij, përfaqësimi rajonal dhe rregullimi i brendshëm i Kosovës janë dy çështje të ndryshme dhe se Kosova tani e tutje do të përfaqësohet në nismat rajonale me Deklaratën e Pavarësisë së Kosovës, Mendimin Këshillëdhënës të GJND-së dhe Rezolutën 1244, e cila njeh integritetin territorial të Kosovës.

Megjithatë, kryeministri nuk ka folur për përmbajtjen tjetër të Rezolutës 1244, të cilën ai dhe qeveria e tij e kanë quajtur të tejkaluar dhe të vdekur që nga shpallja e pavarësisë.

Ndryshimi i pozicionit të Kosovës erdhi pas vizitës së zëvendëssekretarit amerikan, William Burns.

Ndërkaq, kreu i ekipit të Serbisë në bisedimet me Kosovën, Borislav Stefanovic, ka thënë se për Serbinë është e papranueshme çdo zgjidhje lidhur me përfaqësimin rajonal të Kosovës, në të cilën përmendet Deklarata e Pavarësisë së saj.

Lexo më shumë

Nis Java e Minatorëve

Në përvjetorit e 23-të, nga sot e deri më 28 shkurt 2012, minatorët e Trepçës do të rikujtojnë grevën e urisë, që asokohe shkundi themelet e Jugosllavisë.

Gjatë kësaj jave, tashmë tradicionale, do të organizohen manifestime dhe veprimtari të ndryshme, ndërsa do të ketë edhe veprimtari kulturore e sportive, homazhe e vizita nëpër familje dëshmorësh. 

Lexo më shumë