Danimarka trajnon Njësinë e FSK-së për reagim ndaj krizave

Dymbëdhjetë oficerë të Njësisë Ndërlidhëse për Reagim Ndaj Krizave (NJNRK) të Forcës së Sigurisë së Kosovës, të udhëhequr nga komandanti i NJNRK-së, nënkolonel Shemsi Syla, janë nisur për në Danimarkë, ku do të marrin pjesë në Kursin Trajnues të Qendrës së Agjencisë Daneze të Menaxhimit të Krizave Emergjente (DEMA).

Shefi i Shtabit të Komandës së Forcave Tokësore (KFT), kolonel Naim Haziri në përcjellje të oficerëve për në Danimarkë, u shpreh mirënjohës për mundësitë e ofruara nga Danimarka për FSK-në. Ai tha se NJNRK-ja ka një rast të mirë për matjen e kapaciteteve të saj në këtë trajnim të përbashkët me homologët në Danimarkë.

Në trajnimin “Trajno trajnerët” do të marrin pjesë oficerë (tre major, pesë kapitenë dhe tre togerë), përderisa Rektori i Kolegjit, nënkolonel Martin Tomson do të udhëheq trajnimin gjashtë ditorë (5-11 mars).

Qëllimi i trajnimit është përgatitja e skenarit dhe konceptit të ushtrimit që do të zhvillojë NJNRK-ja në fund të këtij muaji (25-31 mars), me ç’rast në Kopenhagë të Danimarkës do të udhëtojë komplet NJNRK-ja (dyzet pjesëtarë), e cila do të zhvillojë një ushtrim të gjerë të përbashkët me njësitë homologe.

Mundësia për aktivitetet trajnuese të NJNRK-së, që do të zhvillohet në Danimarkë, vjen si rezultat i punës dhe bashkëpunimit të gjithanshëm me ushtarakët mentorues danez, nënkolonel Gjon Flarup dhe majorit Eluf Pedersen, të cilët në mandatin e tyre u angazhuan shumë në ngritjen profesionale të NJNRK-së.

Njësia Ndërlidhëse për Reagim Ndaj Krizave, prej fillimit të vitit e deri më tani ka pranuar një seri donacionesh nga Danimarka në pajisje për FSK-në si dhe libra ushtarak për bibliotekën e FSK-së, donacione këto nga Biblioteka e Kolegjit Mbretërorë të Mbrojtjes daneze.

Lexo më shumë

DSS: Ne flamurin e BE-së, ata hartën e Serbisë pa Kosovën

Partia Demokratike e Serbisë (DSS) e Vojislav Kostunices, e konsideron të papranueshme, që derisa në Serbi valëviten flamujt e Bashkimit Evropian, pas marrjes së kandidaturës për anëtarësim në BE, Bashkimi Evropian në faqen e vet zyrtare vendos hartën me të dhënat për Serbinë pa Kosovën.

"Në momentin kur Serbia ka marrë statusin e kandidatit, pushteti i ka vendosur në ndërtesat e qeverisë dhe parlamentit të flamujt e BE-së, kurse Bashkimi Evropian është revanshuar në atë mënyrë që në faqen e saj zyrtare ka varur hartën e Serbisë pa Kosovën", tha në një konferencë shtypi zëdhënësi i Partisë Demokratike Serbe, Petar Petkovic, citon agjencia shtetërore serbe “Tanjug”.

Petkovic u ka shpërndarë gazetarëve një faqe te printuar nga faqja zyrtare e BE-së, në të cilën shihet tregon hartën e Serbisë pa Kosovën, ku thuhet se sipërfaqja e Serbisë është 77 474 kilometra katrorë, që, sipas tij është zvogëluar për 10 878 kilometra katror, sa është hapësira e territorit të Kosovës.

Lexo më shumë

Kosova, pengesë në rrugën e Serbisë drejt BE-së

Çështjet e pazgjidhura me Kosovën do të vazhdojnë të jenë pengesa më e madhe në rrugën e Serbisë drejt BE-së, tha Rosa Balfour, analiste në Qendrën e Politikave Evropiane (EPC) në Bruksel.

"BE-ja nuk do të pranojë në gjirin e saj një vend me një problem të tillë të pazgjidhur. Nuk do të përsëris përvojën me Qipron, ishullin e ndarë, i cili në vitin 2004 u bë anëtar i BE-së ", tha Balfour, për EurActiv.

Kur Qipro iu bashkua BE-së, motivi për të adresuar zgjidhjen e problemit të ndarjes është zhdukur, por ai problem shpesh pengon punën e BE-së, tha Balfour, duke theksuar se kjo përvojë nuk do të përsëritet.

"Kjo do të thotë se në rrugën drejt BE-së Serbinë e presin sfida të mëdha. Jo vetëm që do të duhet të zbatojë të gjitha reformat e nevojshme për të përmbushur standardet e BE-së, por është e nevojshme që të vazhdojë të angazhohet në normalizimin e marrëdhënieve me Kosovën, në mënyrë që të gjejë zgjidhje të dakorduar për statusin e saj", tha ajo.

Fati i marrëdhënieve të Beogradit dhe Prishtinës me BE-në do të varet nga dialogu për zgjidhjen e problemeve, tha Balfour, duke theksuar se kjo mund të tingëllojë si paradoksale.

"Megjithatë ky është thelbi i integrimit evropian: zgjidhja paqësore e konflikteve dhe mosmarrëveshjeve, me ç’rast përfitimet nga anëtarësimit do të duhej të zbusin zemërimin nga gëlltitja e pilulës së idhët", tha Balfour. 

Lexo më shumë

Shtyhet sërish seanca për rastin ”Kleçka”

Është shtyrë sërish seanca e radhës në shqyrtimin kryesor në rastin “Kleçka” për shkak të gjendjes shëndetësore të Belul Limajt, i cili edhe në seancën e kaluar e kishte lëshuar sallën e gjykimit për të njëjtin problem.

Seanca vazhdon të martën prej orës 10:00, ndërkaq, seanca e së hënës thuhet se është shtyrë për shkak se i pandehuri Belul Limaj e kishte pasur të caktuar që sot në orën 11.00 ta bënte një ekzaminim të zemrës.

Ndryshe, rasti “Kleçka” ku janë të pandehur deputeti Fatmir Limaj bashkë me 9 bashkëluftëtarët e tij, ka hyrë në fazën e shqyrtimit kryesor, ku po shqyrtohet pranueshmëria ose jo e dëshmive të Agim Zogajt, i njohur i dëshmitari “X”.

Lexo më shumë

Jasharët thërrasin për unitet

Në Prekaz, në vendin ku para 14 viteve nisi beteja, e cila bëri kthesë historike për shqiptarët, që nga orët e hershme të mëngjesit të sotëm s’kanë të ndalur vizitat e qytetarëve nga anë të ndryshme të hapësirës shqiptare, por edhe të zyrtarëve të lartë të shtetit.

Kryetari i Kuvendit të Kosovës, Jakup Krasniqi, ka thënë se 5, 6 dhe 7 marsi është Epopeja më e lavdishme e Ushtrisë Çlirimtare të Kosovës, është flijimi më i madh që është bërë në historinë e popullit tonë dhe më gjerë.

Homazhe para varrit të komandantit të UÇK-së, ka bërë edhe një delegacion i Aleancës për Ardhmërinë e Kosovë. Ahmet Isufi, nënkryetar i këtij subjekti politik ka thënë se ndodheshin në Prekaz për të bërë nderimi në këtë vend të shenjtë ku u ndez vullkani i luftës për liri.

Edhe delegacioni i Lidhjes Demokratike të Kosovës, i kryesuar nga Isa Mustafa, ka bërë homazhe dhe ka vendosur kurora lulesh te varri i Komandantit Adem Jashari.

Gjatë qëndrimit në odën e familjes Jashari, Mustafa tha se Adem Jashari dhe të gjithë të rënët e tjerë të Familjes Jashari janë heronj të të gjithë Kosovës dhe të kombit shqiptar në përgjithësi.

Përfaqësuesi i familjes Jashari, Murat Jashari ka falënderuar të gjithë ata që po bëjnë homazhe të varret e të rënëve për lirinë e Kosovës.

Ndërsa në Kazermën ushtarake “Adem Jashari” në Prishtinë u shënua fillimi i manifestimit “Epopeja e UÇK-së”, tashmë tradicionale, që shënon ngjarjen më lapidare të historisë së Kosovës. Ishin aty zyrtarët më të lartë të vendit dhe të pranisë ndërkombëtare në kryeqytet.

Pas homazheve dhe vendosjes së kurorave në lapidarin kushtuar të gjithë të rënëve për çlirimin e vendit nga kryekuvendari, Jakup Krasniqi, kryeministri, Hashim Thaçi dhe të zyrtarëve të tjerë, të pranishmëve iu drejtua gjenerallejtënant Kadri Kastrati.

Ai rikujtoi sloganin se duke nderuar të kaluarën, ndërtojmë të ardhmen, kurse për Forcën e Sigurisë së Kosovës tha se ajo po ndërtohet me standardet e NATO-s dhe se do t’i kryejë me sukses detyrat ndaj popullit e atdheut.

Ndërkaq, Hashim Thaçi, njëri nga prijësit e Ushtrisë Çlirimtare të Kosovës, aktualisht kryeministër, rikujtoi ngjarjen që me të drejtë u pagëzua Epope, rënien e Adem Jasharit dhe të familjes Jashari në Prekaz, një rrëfim që dëshmon për çmimin e lirisë, një kryevepër në historinë e përbotshme të luftës për liri, një model unikat i sakrificës për popull e atdhe.

Pinjolli i familjes Jashari, Bekim Jashari, në emër të familjes dhe atyre që i dedikohet ky manifestim, bëri thirrje që në këto kohë vendimtare për të ardhmen e vendit, të gjithë të jenë të bashkuar, të gjithë të duhen për të forcuar themelet dhe të ardhmen, për të cilën u sakrifikuan gjithë ata njerëz e u derdh gjithë ai gjak. 

Lexo më shumë

BE (nuk) e heq Kosovën nga harta e përbashkët me Serbinë

Bashkimi Evropian, në faqen zyrtare të internetit, ka hequr Kosovën nga harta e Serbisë, por jo edhe nga harta e Evropës.

Tek ueb-faqja www.europe.eu, në hartën e Evropës, në kategorinë e shteteve - ku me ngjyra dallohen shtetet anëtare të BE-së, shtetet kandidate dhe shtetet e tjera - Kosova figuron si pjesë e Serbisë në kategorizimin “shtetet tjera evropiane”.

Harta e Evropës ku Kosova figuron si pjesë e Serbisë

Harta e Serbisë, pas klikimit, nuk e përfshinë më Kosovën. Ndërsa, tek të dhënat që flasin për Serbinë, figuron se ky shtet ka 77 474 kilometra në katrorë, e jo 88.361 siç pretendon t’i ketë Beogradi zyrtar.

Harta e Serbisë, pa Kosovën

BE po ashtu nuk e ka hapur linkun e as faqen me të dhënat e Republikës së Kosovës.

Pra, Kosova për BE-në, bazuar në dy hartat, është dhe nuk është pjesë e Serbisë, e po ashtu është dhe nuk është shtet! 

Lexo më shumë

Stefanovic: Raundi i ardhshëm do të jetë i vështirë

Shefi i ekipit negociator serb në bisedimet me Prishtinën, Borislav Stefanovic, ka thënë se është optimist, por se do ta kenë të vështirë të arrijnë marrëveshje me Prishtinën në lidhje me telekomunikacion dhe energjinë.

"Do të jetë vështirë, për shkak se pozicionet e Beogradit dhe Prishtinës mbi këto fusha janë të kundërta dhe larg njëra-tjetrës", ka thënë Stefanovic për "Press".

Ai shton se Beogradi insiston në funksionimin e “Telekomit të Serbisë” dhe “Elektroindustrisë së Serbisë” në Kosovë, si në veri, ashtu edhe në jug të lumit Ibër, por se Prishtina e kundërshton këtë.

"Në çdo rast, qeveria e re do të duhet t’i vazhdojë negociatat", ka thënë Stefanovic. "Nëse mbetet kjo qeveri pas zgjedhjeve, do të bëjë gjithçka për të arritur deri te kjo marrëveshje mes Beogradit dhe Prishtinës". 

Lexo më shumë

Gjendja në veri e pandryshueshme

Situata e sigurisë në veri të vendit mbetet e pandryshuar, por problem serioz mbeten barrikadat në rrugët magjistrale. Kështu u vlerësua sot në takimin e Komitetit për Siguri që mbahet në kuadër të Drejtorisë për Mbrojtje dhe Shpëtim të Komunës së Mitrovicës.

Kryetari i komunës së Mitrovicës, Avni Kastrati, tha se gjatë dy javëve të fundit nuk ka pasur ndonjë zhvillim që do të ndikonte në ndryshimin e situatës në veri.

“Gjendja vazhdon të mbetet e pandryshuar, ndërsa barrikadat në rrugët magjistrale vështirësojnë lëvizjen e lirë të qytetarëve, sidomos të banorëve shqiptarë të fshatrave të Leposaviqit”.

Ai ka përsëritur kërkesën drejtuar autoriteteve të rendit që të jenë më të vendosura për zbatimin e ligjit.
Lajm të mirë Kastrati e ka cilësuar lirimin e objektit të ish-Jugobankës nga UNMIK-u, të cilin e kanë shfrytëzuar prej vitit 1999.

Drejtori komunal për Mbrojtje dhe Shpëtim, Bexhet Bala, tha se gjatë dy javëve të fundit nuk ka pasur ndonjë incident që do të reflektohej në situatën e përgjithshme të sigurisë.

Ai përmendi si problem serioz vazhdimin e bllokimit të lëvizjes së EULEX-it në veri nga grupet serbe dhe strukturat ilegale që veprojnë atje.

Bala gjithashtu ka përmendur si shqetësim të shtënat me armë zjarri në veri nga grupet serbe.

“Të dielën në mbrëmje grupet serbe kanë festuar në afërsi të Urës së Ibrit fitoren e Putinit në zgjedhjet presidenciale në Rusi, dukë shtënë me armë zjarri. Kjo ka shqetësuar qytetarët jo erbë në veri”, tha ai.

Lexo më shumë

Kacin: Serbët, të flasin më pak

Raportuesi i Parlamentit Evropian për Serbinë Jelko Kacin, ka thënë se përparimi i mëtejshëm i Serbisë drejt integrimit evropian matet me vepra konkrete e jo me deklaratat e tyre.

Kacin tha në Prishtinë se vendimi për anëtarësim në BE për Serbinë është i bazuar në një marrëveshje ndërmjet Beogradit dhe Prishtinës.

“Kjo shënon përfundimin e çdo bllokade të Kosovës, sepse esenca e Bashkimit Evropian dhe komunitetit të biznesit është lëvizja e lirë e njerëzve, të mirave ekonomike, shërbimeve, kapitalit dhe ideve", tha Kacin.

Kacin gjatë qndrimit në prishtinë, dje është takuar me zëvendëskryeminsitrin dhe Minsitrin e Pushtetit Lokal,Slobodan Petrovic. /

Lexo më shumë

Lumi i vdekjes

Lorik Bytyqi u gjet i vdekur në lumin e fshatit Dobrajë të Lipjanit. Vogëlushi pesë vjeç ishte duke i ndjekur disa pata kur ra në ujin e turbullt. Gjyshi i tij, Shefqeti thotë se fajin për këtë tragjedi, e kanë mbeturinat e hedhura që e kanë rritur nivelin e ujit. Ai ishte i fundit që e pa fëmijën para se të mbytej dhe këtë nuk do ta harrojë kurrë.

Gjyshi i Lorikut të vogël, Shefqeti, dhe anëtarët e tjerë të familjes, kurrë nuk do ta harrojnë këtë ditë të tmerrshme.

I pikëlluar dhe disi në faj nga ajo që ka ndodhur, gjysh Shefqeti ishte personi i fundit që e pa nipin e tij duke lozur, vetëm pak çaste para se ai të mbytej.

I pikëlluar shumë nga ajo që ndodhi, Shefqeti megjithatë gjen forcë të tregojë për Express momentin tragjik, në të cilën humbi jetën djali i djalit.

Ishte mëngjesi i së shtunës kur ky gjysh bashkë me njërin nga dy nipërit e tij, dolën para shtëpisë për të mbuluar gropat që i kishte shkaktuar bora.

“Isha duke i mbyllë disa gropa dhe vazhdimisht shikoja Lorikun, pasi ai gjatë gjithë kohës, po mundohej t’u afrohej disa patave që kishin ardhur pranë lumit”, thotë Shefqeti për Express, me lotët që nuk i ndalen.

Për një moment, ai thotë se e la vogëlushin vetëm dhe hyri në shtëpi për të marrë shpejt disa vegla, për t’iu rikthyer punës që kishte nisur.

Por, kur doli sërish para derës, nuk e pa më Lorikun, e as patat pas të cilave ai vraponte.

“E parandieja se e ka marrë lumi, prandaj hoqa rrobat dhe u futa në lumë për ta kërkuar. Eca shumë, por nipin nuk e gjeta”, thotë gjyshi që nuk ndalet se qari.

I tmerruar dhe i habitur se ku mund të kishte mbetur ai, Shefqeti tregon se vrapoi drejt shtëpisë për t’ia kumtuar lajmin tragjik familjarëve të tjerë.

“Dikush kishte lajmëruar edhe policinë dhe pjesëtarët e FSK-së, të cilët erdhën shumë shpejt dhe iu bashkuan kërkimit”, tregon Shefqeti.

Sipas tij, kërkimet në lumë dhe jashtë tij, zgjatën gjithë natën ndërmjet së shtunës dhe të dielës.

“Por tashmë ishte shumë vonë. FSK-ja ma gjeti djalin, nipin tim të vogël, por pa shenja jete. E kishte dërguar uji në fund të katundit”, thotë ai.

Kjo bëri që të dielën, familja Bytyqi të hapë derën për ngushëllime.

Pavarësisht zisë që ka mbuluar shtëpinë e tij, Shefqeti gjen forcë të falënderojë të gjithë që i ndihmuan dhe po u qëndrojnë pranë.

Ai nuk kishte menduar kurrë që në një ditë të vështirë siç ishte e shtuna, do ta gjente ndihmën e gjithë bashkëfshatarëve të tij dhe trupave të FSK’së.

Njësia e Kërkim-Shpëtimit (KSH) e Regjimentit të Mbrojtjes Civile (RMC) të Forcës së Sigurisë të Kosovës, gjatë aksionit të kërkimit, gjeti trupin e pajetë të fëmijës Lorik (Ilir) Bytyqi, (5-vjeçar) nga Dobraja, komuna e Lypjanit, i cili ishte mbytur të shtunën pasdite në lumin e fshatit. 

Lexo më shumë

Serbët në veri të Mitrovicës festojnë fitoren e Putinit

Menjëherë pas selia shtabi zgjedhor Vladimir Putinit ka shpallur fitoren e tij në zgjedhjet presidenciale në Rusi, serbët e veriut të Mitrovicës veriore nisën festën.

Me vetura dhe me flamuj në dorë, serbët kanë defiluar nëpër rrugët e veriut të Mitrovicës, deri te ura mbi lumin Ibër, transmetojnë mediat serbe.

Turma brohoriste "Serbi-Rusi," Putin, dhe përshëndeste qeverinë ruse për mbështetjen e serbëve në veri të Kosovës.

Putin ishte shpall qytetar nderi nga strukturat paralele të Zubin Potokut dhe Zveçanit.

Lexo më shumë

“Zi e terr” për Onkologjinë

Instituti Onkologjik vazhdon të mbetet instituti më i “errët” i Qendrës Klinike Universitare të Kosovës. Që nga periudha kur për këtë Institut kishte filluar të ndërtohet një objekt “modern”, deri tash janë evidencuar, ose të paktën janë raportuar një “mal” parregullsish dhe pafatsish për funksionim.

Përveç objektit, i cili është konsideruar se nuk i plotëson kushtet për një institut onkologjik, së fundi është raportuar edhe për sabotim aparaturash, blerje të aparaturave të vjetra në vlerë tre herë me shtrenjta se të rejat dhe për shantazh.

Dhe si pasojë e këtyre hetuesit e EULEX-it kanë filluar matjet e reja, të cilat do të tregojnë nëse objekti do të jetë në gjendje që të mos e përçojë radio-aktivitetin jashtë tij. Këtë hetim të EULEX-it për RTK-në e ka konfirmuar edhe ministri i Shëndetësisë, Ferid Agani.

“Tani është ngritur dyshimi që objekti si objekt a është i gatshëm që në situatë të një avarie, aksidenti më serioz a mund të përmbajë tërë radioaktivitetin që do të prodhohej në atë rast. Pra, a mos do të ketë rrëshqitje të themi ashtu ose dalje të rrezatimit jashtë objektit. Jemi në fazën e grumbullimit të dokumentacionit, natyrisht në përputhje me Prokurorinë e EULEX-it, nëse nuk ekziston ky dokumentacion, nuk jemi të interesuar të rrezikojmë shëndetin e popullatës”, tha Agani.

Ish-drejtori i diagnostikës, Xhavit Bicaj, ka kërkuar nga QKUK dhe MSH që sqarohen një varg parregullsish që kanë ndodhur gjatë dhënies së tenderëve për blerjen dhe mirëmbajtjen e aparaturave të vjetra të Onkologjisë.

Letra e Bicajt, të cilën e ka siguruar “Zëri”, flet për tenderimet e udhëhequra në QKUK, gjatë 2-3 vjetëve të fundit, lidhet me Radiologjinë dhe ndërtesën e Institutit Onkologjik.

Ai thotë se në kohën e ish-drejtori të QKUK-së, Ali Sadrisë, është lëshuar një tender prej 270 mijë eurove, për 2 CT të vjetra “Shimatzu”, ku në kuadër të këtij tenderi është dërguar në QKUK një CT njështresore dhe është servisuar një e vjetër nën emergjencë. E gjithë kjo punë, sipas Bicajt, po ta bënin institucionet private nuk do të kushtojë më shumë se 60-70 mijë euro.

“Në kohën e po të njëjtit drejtorë, në bashkëpunim me Ministrinë e Shëndetësisë, më 13.03.2011, ndahet një tjetër tender në vlerë prej rreth 830 mijë euro, i cili i jepet kompanisë ‘Medika’, kompani që në 95 për qind të rasteve i ka fituar tenderët e MSH-së, ku zonja e pronarit dr. Shqipja punon si zyrtare e lartë në këtë Ministri”, thuhet ndër tjerash në letrën e tij, dërguar, drejtorit të QKUK-së, sindikatave shëndetësore dhe komisionit disiplinor të QKUK-së.

Prej kësaj shume, mbi 400 mijë euro kanë qenë të dedikuara për aparatet e radioterapisë, aparate të cilat “deri më sot mrizojnë në ndërtesën e Institutit, që nga viti 2009”, sqaron Bicaj.

Kurse pjesa tjetër e mjeteve, sipas tij, janë destinuar për : CT-64, aparat i cili që nga marsi i vitit të kaluar deri më sot kryesisht nuk ka punuar; MRI-1.5 Tesla, aparat që ka qenë shumë shpesh në defekte; CT - 6 në emergjencë, po ashtu shpesh me defekte; Gama kamera, aparat që ka funksionuar mirë, por përkundër kësaj për të janë destinuar 40 mijë euro për servisim, që i bie 200 euro në ditë; si dhe CT në spitalet rajonale në Pejë, Prizren dhe Gjilan, për situatën e të cilave nuk dihet asgjë.

Bicaj jep edhe një të dhënë për tenderin e fundit dhënë për funksionalizimin e Institutit Onkologjik në QKUK, në vlerë prej afër 300 mijë euro, dhënë në tetor të vitit të kaluar kompanisë hungareze ‘Medcenter’, që sipas të dhënave të Odës ekonomike të Hungarisë, kjo kompani është organizatë joprofitabile, që sipas ligjeve në Kosovë, nuk ka drejtë të ofertojë.

Bicaj, përveç këtyre të dhënave ka bashkangjitur edhe kopjet e kontratave që i përmend që ka të bëjë me: aktin e firmosje së tenderit për funksionalizimin e Institutit Onkologjik, kontratën për mirëmbajtjen e aparaturës radiologjike në QKUK dhe spitalet rajonale dhe kopjen e nxjerr nga Oda Ekonomike e Hungarisë për kompaninë ‘Medcenter’.

Ndonëse tregohet se kjo letër ka mbërritur te drejtori i QKUK, Njazi Gashi, ky i fundit nuk ka pranuar të flasë për ‘Zëri-n’. Edhe zëdhënësja e tij, Mirlinda Çucalla nuk ka kthyer përgjigje për disa ditë.

I vetmi që ka dhënë mendim për këto informata është Blerim Syla, kryetar i Federatës Sindikale të Shëndetësisë së Kosovës, i cili po ashtu ka pranuar letrën e Bicajt.

“Nëse janë të vërteta të gjitha këto që Bicaj i thotë, normalisht që çështja është shumë serioze dhe duhet dënuar”, tha Syla.

Sa i përket Institutit të Onkologjisë, Syla tha se prej fillimit kur ka nisur ndërtimi procedurat nuk kanë shkuar në rregull dhe keqpërdorimet kanë qenë të mëdha, e fatkeqësisht askush nuk është dënuar.

Lexo më shumë

Jahjaga: Vepra e dëshmorëve udhërrëfim i përjetshëm

Presidentja e Republikës së Kosovës, Atifete Jahjaga, e cila ndodhet për vizitë në SHBA, i është drejtuar me një telegram familjes Jashari, me rastin e përvjetorit të betejës së lavdishme të 5, 6 e 7 marsit 1998.

Në telegram thuhet “Në pamundësi për të marrë pjesë në Manifestimin e Epopesë së UÇK-së për shkak të vizitës jashtë shtetit, me pietet të lartë ju shpreh nderimet dhe respektin për veprën e lavdishme të Komandantit Legjendar të UÇK-së, Heroit të Popullit, Adem Jashari, sakrificës sublime të familjes Jashari dhe të të gjithë dëshmorëve të UÇK-së që simbolizohet në këtë ditë të madhe”.

Më tej, në telegram thuhet se përkushtimi i heronjve dhe atdhedashuria, mbesin udhërrëfim për ne, janë bazament i shtetësisë dhe pavarësisë së Republikës së Kosovës, i lirisë që gëzojmë sot.

“Ne në punën tonë inspirimin dhe forcën për të ecë përpara dhe për t’i kapërcyer të gjitha vështirësitë, e marrim tek këta heronj, te këta bijë dhe bija më të shtrenjta të Kosovës. Vepra e dëshmorëve është udhërrëfim i përjetshëm i gjithë neve”, shprehet Jahjaga.

Lexo më shumë

Sektorin privat në Eurozonë e rrok recesioni

Rënia e ndjeshme e aktivitetit ekonomik të sektorit privat në Itali dhe në Spanjë rrëzuan indeksin menaxherial të Eurozonës në territor negativ për muajin shkurt, duke shuar të gjitha shpresat për shmangie të recesionit nga rajoni i monedhës së përbashkët. Në ekonominë më të shëndetshme të Eurozonës, Gjermani, ekonomia regjistroi rritje por në një normë më të ulët ndërsa Franca kaloi në stanjacion.

Indeksi i përbërë menaxherial i Markit për Eurozonën, që mat aktivitetin e sektorit të shërbimeve dhe të prodhimit ra në 49.3 pikë për muajin Shkurt kundrejt 50.4 në muajin Janar. "Në këtë fazë vlerësimi më optimist për ekonominë e Eurozonës në këtë tremujor është rënia me 0.1 për qind,” tha Chris Williamson.
Por analistët në tregje kanë parashikuar që Eurozona të bjerë me 0.2 për qind në këtë tremujor të parë për të zhytur rajonin në recesionin e dytë në tre vitet e fundit.

Lexo më shumë

Policia serbe kthen prapa delegacionin e AKB-së

Promovimi i organizimit “Javët e Biznesit Kombëtar” nuk kanë mundur të behet edhe në Luginën e Preshevës ashtu si në Shqipëri e Mal të Zi. Kjo për shkak se Delegacionin e Aleancës Kosovare të Biznesit Policia Serbe nuk e ka lënë që të futet në Preshevë, nga pika kufitare te Dheu i Bardhë.

Kryetari i AKB-së Agim Shahin thotë se qëllimi i vizitës së delegacionin të AKB-së ka qenë promovimi i biznesit kombëtarë sikur në qendrat tjera të banuar me shqiptar edhe ën Luginë të Preshevës.

“Ky është një akt i paprecedent, skanandal për Serbinë e cila nuk po respekton marrëveshjet e nënshkruar me Prishtinën”, ka thënë Shahini.

Një fat të tillë sikurse delegacioni i AKB-së 16 anëtarësh e ka pasur më herët edhe Ministri i Diasporës Ibrahim Makolli.

Lexo më shumë

De Laurentiis: Hamsik e Cavani nuk largohen

Presidenti i Napolit, Aurelio de Laurentiis, dëshiron t’i mbajë në skuadër dyshen sulmuese Edinson Cavani dhe Marek Hamsik.

Që të dy lojtarët janë lidhur me një largim në fund të këtij sezoni, me shumë klube evropiane që kanë shprehur interesim për ta.

“A kanë para klubet angleze dhe spanjolle ta blejnë Cavanin? Do të shohim. Ne së fundi kemi harxhuar shumë para në Vargas dhe presim ai të zhvillohet si lojtar”.

“Ne kemi paguar shumë për të, andaj çdokush që e dëshiron Cavanin do të duhet të bëjë një ofertë adekuate. Jo për të më respektuar mua, por atë. Ai është një lojtar vërtet i mirë i cili ndjehet i lumtur te Napoli”.

“Sa i takon Hamsik, ka pasur shumë kërkesa gjatë viteve, por ai ka kontratë me ne deri në vitin 2016”, ka thënë De Laurentiis për Sky Italia. 

Lexo më shumë

Platini: Barca – Real, një finale e ëndrrave

Presidenti i UEFA-së, Michel Platini, ka deklaruar se një finale në mes të Real Madridit dhe Barcelonës, do të ishte një ndeshje impresive.

Barcelona është me një këmbë në gjysmëfinale pasi mposhti Bayer Leverkusen me rezultat 3-1 në ndeshjen e parë, derisa Madrid nxori vetëm një barazim 1-1 në fushë të CKSA Moskës në ndeshjen e parë. Megjithatë dy gjigantët spanjoll shihen si favoritët kryesor për ta fituar garën evropiane.

“Kush do të jetë në finale? Ka edhe klube angleze dhe italiane... Nuk e di se kush do të luajë, por një ndeshje në mes Madrid dhe Barcelonës do të ishte një finale e mrekullueshme”, ka thënë Platini për Canal +.

Platini po ashtu ka folur për garën për titull të Spanjës, duke thënë se diferenca prej dhjetë pikësh e Los Blancos u jep atyre një avantazh të theksuar ndaj katalanasve. 

Lexo më shumë

Kaka: Të vazhdojmë të mbledhim pikë

Mesfushori i Real Madridit, Kaka, ka porositur skuadrën e tij ta ruajë vazhdën e fitoreve pas triumfit 5-0 ndaj Espanyol gjatë të dielës.

Braziliani ishte startues në ndeshje dhe shkëlqeu duke shënuar një gol dhe duke kontribuar me dy asistime.

“Kjo është një mbrëmje e veçantë. Ne duhet të vazhdojmë të fitojmë pikë pasi kemi një kundërshtar i cili është shumë konkurrues”.

“Unë isha në gjendje të bëj atë që doja ta bëj. Kjo ndeshje do të më japë shumë vetëbesim. Le të shohim nëse mund ta ruaj këtë nivel”.

“Mendoj se ne të jemi ata të cilët e bëjmë një ndeshje të vështirë ose të lehtë. Ne ishim të vetëdijshëm për atë se çfarë duhej të bënim dhe e bëmë ndeshjen më të lehtë. Të gjithë jemi të lumtur”, ka thënë Kaka.

Lexo më shumë

De Rossi: Lazio ishte thjesht më e mirë

Mesfushori i Romës, Daniele de Rossi, thotë se Lazio ishte thjesht më e mirë, pas disfatës së djeshme në derbin e kryeqytetit italian.

Lazio fitoi me rezultat 2-1 në një sfidë në të cilën portieri i Romës, Maarten Stekelenburg, u përjashtua me karton të kuq herët në ndeshje.

“Incidentet e këtij sezoni thjesht nuk shkojnë në të mirën tonë. Kam folur për referët gjatë tërë jetës, jam ankuar, jam zemëruar, por kjo nuk është produktive. Nuk mendoj se referët bënë diçka aq tronditëse sot. Problemi është se kur mbeteni me 10 lojtarë, ju duhet të hiqni dorë nga loja, andaj kjo është frustruese”.

“Është për të ardhur keq që ndeshja filloi kështu, pasi edhe ndeshja e parë ishte po ashtu e prishur nga një karton i kuq. Ne duhet të fokusohemi te vetja, pasi humbën kundër një skuadre të Lazios që ishte më shumë si ekip se sa Roma këtë sezon”, ka thënë De Rossi. 

Lexo më shumë

Zanetti lavdëron karakterin e Nerazzurrëve

Kapiteni i Interit, Javier Zanetti, ka lavdëruar qasjen e skuadrës së tij në barazimin e të dielës 2-2 ndaj Catanias në San Siro.

Interi e pa veten në disavatazh 2-0 në fund të pjesës së parë, por ishte në gjendje të rikthehet në ndeshje për të barazuar rezultatin.

“Duke marrë parasysh se si shkoi ndeshja, ne treguam karakter të madh. Nuk ishte e lehtë, pasi pas fillimit tonë të mirë, Catania na goditi rëndë me dy gola”.

“Në pauzën mes pjesëve, Julio Cesar na dha një fjalim në dhomën e veshjeve dhe duhet t’i jap komplimente për këtë. Ne të gjithë jemi të vetëdijshëm se kjo situatë nuk është e mirë dhe duam të kthehemi për të mbledhur pikë”, ka thënë Zanetti. 

Lexo më shumë

Mazzarri: Chelsea tash më i rrezikshëm

Trajneri i Napolit, Walter Mazzarri, është i shqetësuar pasi skuadra kundërshtare është ndarë me menaxherin Andre Villas-Boas.

Italianët do të udhëtojnë në Stamford Bridge javën e ardhshme, për ndeshjen e kthimit të Ligës së Kampionëve, pasi fituan me 3-1 në ndeshjen e parë.

“Si koleg, më vjen keq që e dëgjoj këtë. Nuk e di nëse kjo mund të jetë avantazh në Ligën e Kampionëve, pasi së paku e dija se si luan Villas-Boas. Tash do të duhet të shohim”, ka thënë Mazzarri. 

Lexo më shumë

Reja i ngazëllyer me fitoren ndaj Romës

Trajneri i Lazios, Edy Reja, është i ngazëllyer me fitoren e dyfishtë ndaj rivalit të kryeqytetit, Romës.

Fitorja e djeshme me rezultat 2-1 erdhi vetëm dhjetë ditë pasi Reja ofroi dorëheqjen, e cila nuk u pranua nga drejtuesit e klubit. Lazio po në drejtim të Rejas kishte mposhtur Romën edhe në pjesën e parë të sezonit.

“Kishte një shkëmbim opinionesh me drejtorët dhe pastaj ne e zgjodhëm situatën. Kuptova se nuk ndodh çdo ditë që një trajner të japë dorëheqje kur është në pozitën e tretë, por unë erdha nga një disfatë 5-1 ndaj Palermos dhe kishte ca tension, andaj reagova në atë mënyrë”.

“Ambicia jonë është të përmirësohemi nga ajo çfarë kemi bërë sezonin e kaluar, që nuk ishte e lehtë, por klubi ka punuar mirë në tregun e transferimeve dhe ne jemi rikthyer në formë”.

“Ka ende shumë, ne tash jemi në një pozitë të mirë dhe shpresoj që ekipi të mund ta ruajë përqendrimin tash pasi ne nuk jemi më në Evropë. Mbi të gjitha, ne duhet të rikuperohemi fizikisht”, ka thënë Reja. 

Lexo më shumë

NBA: Lakers mposhtin Heat

Kobe Bryant është kthyer në lojë pas lëndimit në hundë për të shënuar 33 pikë, derisa Los Angeles Lakers mposhti Miami Heat me rezultat 93-83 në ndeshjen e zhvilluar në Staples Center.

Bryant, i cili pësoi një lëndim dhe një tronditje të fuqishme pikërisht nga ylli i Miamit, Dwyane Wade, në ndeshjen All Star vikendin e kaluar, bëri një kontribut të hershëm me 18 pikë në çerekun e parë dhe shtoi gjashtë pikë të vonshme të njëpasnjëshme në çerekun e katërt.

“Është kënaqësi të përballesh me më të mirët. Kjo gjithmonë të jep kënaqësi”, ka thënë Bryant, duke iu referuar Wade dhe LeBron James. Ky i fundit ishte më i dalluari te Miami me 25 pikë, 13 kërcime dhe shtatë asistime.

Ndeshja ishte e shoqëruar edhe me përplasje të vogla, të cilat ishin vazhdë e përplasjeve nga ndeshja All Star.

James dhe Pau Gasol u ndëshkuan me faulle teknike për një zënkë të vogël në fund të çerekut të tretë, derisa Wade u fishkëllye vazhdimisht nga turma dhe dështoi duke shënuar vetëm shtatë nga 17 tentimet dhe grumbulloi vetëm 16 pikë. 

Lexo më shumë

Redknapp: Chelsea jashtë garës për titull

Menaxheri i Tottenhamit, Harry Redknapp, nuk pret që shkarkimi i Andre Villas-Boas nga ana e Chelseat të ketë ndikim në garën për titull.

Villas-Boas dje u shkarkua nga posti i menaxherit të Bluve pas rezultateve të dobëta të arritura së fundi, që kanë bërë Chelsea të rreshtohet vetëm i pesti në tabelën e Ligës Premier dhe të jetë në prag të eliminim nga Liga e Kampionëve.

“Përderisa Mourinho nuk vjen, kjo nuk do të ndodhë (rikthimi në garën për titull), dhe nuk mendoj se ai do të vijë këtë javë”, ka thënë Redknapp.

Lexo më shumë

Linda Halimi garë për fansat e saj

Linda Halimi, e cila së shpejti pritet të lërë karrierën e saj muzikore në Kosovë dhe ta vazhdojë atë në Amerikë, do të organizojë një lloj gare për fansat e saj në shenjë falënderimi për mbështetjen që i kanë dhënë deri tash.

E gjitha çfarë fansat e saj duhet të bëjnë, është të dërgojnë në adresë të saj një incizim ku ata këndojnë, ndonjë foto apo ndonjë mbishkrim për këngëtaren.

Fituesi i cili do të jetë më kreativi do të shpërblehet me një darkë në vlerën 150 eurove, një Ipod, me CD me këngë të Lindës, dhe me fotografi të saj.

Fansat e këngëtares duhet që videon, fotografinë apo mbishkrimin, ta postojnë në Fan Page të këngëtares në Facebook. 

Lexo më shumë

Blerim Desanti: Nuk rri indiferent ndaj të bukurës

Aktori i njohur shqiptar Blerim Destani, i cili njihet si një ndër meshkujt më seksi të estradës dhe i cili shpesh merr komplimente për dukjen dhe veshjen e tij, ka pohuar se e ka dobësi bukurinë, dhe nuk qëndron indiferent ndaj saj.

“Unë e kam një dobësi dhe e kam shprehur disa herë - nuk jam indiferent ndaj të bukurës. Të bukurën dua ta shijoj maksimalisht në jetë, pasi është esenca e jetës. Parapëlqej gardërobën që më bën të ndjehem mirë e rehat”, ka thënë aktori.

I pyetur se ku e sheh veten pas 30 vitesh, ai ka pohuar se do të dëshironte të ishte si aktori Sean Coonery dhe me një familje të madhe.

“Nuk më pëlqen të bëjë parafytyrime të tilla, por si aktor e shoh vetën diçka si Sean Coonery, ndërsa privatisht me një familje të madhe timen”, ka shtuar Blerimi. 

Lexo më shumë

Adelina e Afërdita ‘për pak’ puthen në buzë

Këngëtarja shkupjane Adelina Tahiri ka publikuar disa foto në rrjetin social Facebook, ku shihet së bashku me Afërdita Dreshaj duku u puthur me njëra tjetrën.

Në fotot e publikuara, dy mikeshat shihen duke pozuar dhe duke i dhënë njëra tjetrës puthje shumë afër buzëve.

Adelina e Afërdita ka kohë që kanë krijuar një miqësi të mirë dhe shumë shpesh janë parë duke e shoqëruar njëra tjetrën në evenimente të ndryshme.

Derisa Afërdita Dreshaj është në lidhje me këngëtarin Shpat Kasapi, Adelina nuk është në ndonjë lidhje publike. 

Lexo më shumë

Pini ujë mineral para ndonjë takimi me rëndësi

Nëse në situata të caktuara, p.sh. para ndonjë provimi të rëndësishëm apo të ndonjë takimi afarist, ju djersiten duart dhe ju kap paniku, atë lloj të frikës mund ta mposhtni me një gotë ujë mineral.

Në situata të caktuara, në vend të tabletave të ndryshme për qetësim, nervozizmin mund ta mposhtni me ujë mineral.

Vetëm në gotë uji mineral do të nxisë qarkullimin e gjakut, ndërkaq, krahas kësaj, edhe truri juaj do të funksionojë më mirë. Nuk dyshojmë fare që pasi të keni pirë një gotë uji mineral, do të lidhni marrëveshje pune ashtu siç keni ëndërruar. 

Lexo më shumë

Bebet do të duhej të flinin në shpinë

Fëmijët deri sa t’i mbushin 12 muaj do të duhej të flinin në shpinë në dyshek të fortë dhe në të njëjtën dhomë me prindërit, por jo bashkë me ta në krevat, është njëra ndër porositë që ka publikuar Akademia Amerikane e Pediatërve.

Pediatrit gjithashtu këshillojnë që gjatë ditës fëmijës duhet ndërruar pozitën, që të vendoset anash, në mënyrë që koka t’i marrë formë të drejtë.

Pediatrit amerikanë konsiderojnë që bebet kur janë zgjuar, një kohë duhet ta kalojnë të shtrira në stomak, mirëpo vetëm nën kujdesin e të rriturve.

Vendosja e bebes në bark, që më parë ka qenë rregull, tani shmanget për shkak të zhvillimit të drejtë të këmbëve.

Lexo më shumë

ICS për SGS II së shpejti

Pronarëve të smartphone-it Galaxy S II të Samsung gjatë fillimit të vitit u është premtuar mbindërtimi në Ice Cream Sandwich. Tani vjen edhe konfirmimi zyrtar se kur pritet të ndodhë kjo.

Në të vërtetë, sipas informatave nga faqja zyrtare në Facebook e departamentit të Samsung në Izrael, mbindërtimi do të arrij me 15 mars, ndërsa do të plasohet në pajisjet e mbyllura në rrjetat e operatorëve mobil, por edhe në ato që janë të hapura. Nga risitë të cilat sjell ICS theksohet ndërfaqja më e mirë, puna më e shpejtë, përkrahja për shfletuesin Chrome, Face Unlock dhe Android Beam.

Por, informatat nga Facebook duhet marrë me një dozë dyshimi. Në shumë raste ishim dëshmitarë të “ngatërresave” të PR ekspertëve të kompanive të cilët dilnin me informata të pa verifikuara, madje dhe me informata kundërthënëse. Prapëseprapë, nëse kjo informatë tregohet të jetë e saktë, mbindërtimi në ICS edhe për pronarët evropian të SGS II do të ndodhë shumë shpejtë.

Lexo më shumë

Mos i ndodhtë askujt! (Video)

Dita e martesës duhet të jetë dita më e lumtur në jetën e një çifti. Momenti kur nusja arrin te altari është çasti më i pritur i çdo dasme, të cilin të gjithë dëshirojnë ta fotografojnë dhe ta xhirojnë me kamerë.

Mirëpo, një nuse nga Rusia është penduar që ka angazhuar fotografë dhe xhirues për momentin e saj të madh jetësor, sepse për shkak të një incidenti është turpëruar si kurrë më parë në jetë.

Për shkak të një hapi të gabuar, nusja fatkeqe ka mbetur pa pjesën e poshtme të fustanit të nusërisë duke zbuluar të pasmet e saj.

Shpejt e shpejt ajo ka mbledhur fustanin dhe ka ikur, megjithatë, për fat të keq, kamera ka vazhduar të xhirojë...

Lexo më shumë

Qyteza në shitje për 1.4 milion dollarë

Kryebashkiakja e qytezës amerikane Pray, Barbara Walker, ka ftuar të gjithë të interesuarit të lajmërohen për blerjen e qytezës, e cila ka dalë në shitje për 1.4 milion dollarë.

Qyteza në fjalë gjendet në Paradise Valley në shtetin e Montanas, ka një sipërfaqe prej 20.200 metra katrorë, ndërsa blerësi do të marrë në paketë edhe 681 banorët dhe të gjitha dyqanet dhe bizneset.

“Qyteza nuk po zhvillohet dhe mendoj se dikush tjetër mund të drejtojë gjithçka më mirë në të”, ka deklaruar Walker për KTVM.

Ajo ka siguruar se në këtë qytezë nuk ka kriminalitet dhe se jeta është e qetë. Kryebashkiakja ka pohuar se e do punën e saj, megjithatë me kalimin e viteve është bërë gjithnjë e më vështirë, për shkak të angazhimeve të saja në jetën private.

Barbara Walker e ka trashëguar pozitën e kryebashkiakes nga nëna e saj dhe duke qenë se nuk ka kujt t’ia trashëgojë, ka vendosur ta shesë qytezën. 

Lexo më shumë

‘Mustaqokët’ amerikanë kërkojnë taksa më të ulëta

Një grup entuziastësh amerikanë që mbajnë mustaqe, kanë kërkuar që të gjithë ata që mbajnë mustaqe të lirohen nga tatimet duke u thirrur në shpenzimet që kanë për mbajtjen estetike të ‘zbukurimeve’ të tyre.

Instituti amerikan për mustaqokët (American Mustache Institute- AMI) ka njoftuar se do të organizojë një marsh humanitar me 1 prill në Washington, për të kërkuar uljen e tatimeve për 250 dollarë- aq sa këta meshkuj shpenzojnë për rregullimin e mustaqeve.

“Ekziston diskriminim disavjeçar ndaj njerëzve që mbajnë mustaqe”, ka thënë presidenti i AMI, Aaron Perlut, duke shtuar se shpreson që marshi do të ndikojë te presidenti i SHBA-ve, Barack Obama, që edhe ai të lëshojë mustaqe.

Lexo më shumë

Thithësja më vjetër në botë punon edhe pas 108 vitesh

Britaniku Harry Cox është pronari i thithëses më të vjetër në botë, e cila akoma është funksionale edhe pas 108 vjet përdorimi.

Thithësja e Cox është prodhuar në vitin 1904, ndërsa nuk ka ndalur së punuari deri më tani.

“Në punëtori i kemi pastruar dhe hedhur gjërat e vjetra. E shikova këtë thithëse dhe vendosa ta mbaj. Më pëlqen t’i grumbulloj gjërat e hedhura, t’i rregulloj dhe t’i përdor sërish. Kjo më bën të lumtur”, ka deklaruar Cox.

Përkundër pasionit të Harryt për aparaturat e vjetra, gruaja e tij Jacqueline shmang përdorimin e thithëses së vjetër dhe të rëndë, dhe përdor modelin modern. 

Lexo më shumë

Mësohet të përtypë nga qeni (Video)

Një video ku shihet një qen duke mësuar një foshnje të përtypë, është bërë mjaft e pëlqyer në faqet e shpërndarjes së videove.

Në xhirim shihet qeni duke ‘brejtur’ një asht, ndërkohë që foshnja duke e shikuar atë fillon të përtypë një lodër plastike.

Duke mos ia larguar aspak sytë, foshnja e kopjon qenin në aksionin e tij përtypës.

Kamera më pas tregon një qen tjetër i cili i shoqëron ‘miqtë’ e tij. 

Lexo më shumë