“Nga viti 2008, ne kemi ndërtuar një shtet nga themeli. Ne kemi bërë përparime shumë të mëdha në sundimin e ligjit, në politikat që kanë të bëjnë me të drejtat e njeriut dhe me komunitetet. Nuk ka shtet në botë që u jep më shumë të drejta komuniteteve sesa Kosova”, ka thënë Ministri Hoxhaj.
Ministri i Jashtëm i Kosovës, ka folur edhe për situatën në veri të vendit. Hoxhaj tha se vetëm në veri të Kosovës, ka grupe të vogla, të cilat prodhojnë trazira, e të cilat nuk dëshirojnë të pranojnë që Kosova është shtet dhe i pavarur.
Ai shtoi se këto grupe kanë përkrahje të fuqishme nga Qeveria e Serbisë.
“Serbia edhe më tutje e definon veten në pyetjen e territorit: Cili vend është pjesë e Serbisë? Ndërsa ne e definojmë veten me pyetjen: Si të integrohemi në një Evropë të bashkuar? Ne mendojmë dhe ndjehemi si evropian dhe kjo është rruga më e mirë për të gjithë në Ballkan”, ka thënë Hoxhaj.
Ministri po ashtu ka folur për perspektivën evropiane të Kosovës dhe pritjet e kosovarëve në proceset integruese.
“Nganjëherë, në Kosovë e fitojmë përshtypjen që Evropa e ka harruar Kosovën. Ne kemi nevojë për më shumë Evropë, ne nuk dëshirojmë të humbasim interesimin e Evropës, pas 20 vjet luftë për pavarësi të Kosovës. Kosova është pjesë e Evropës”.
