Raportuesi i Parlamentit Evropian për Serbinë, Jelko Kacin, në një intervistë për “Tribuna Shqiptare”, ka thënë se njohja e Kosovës nuk mund të jetë kusht për Serbinë, përderisa ende ka shumë shtete në BE të cilat nuk e njohin Kosovën si një shtet të pavarur.
Eurodeputeti slloven thotë se dialogu ndërmjet Kosovës dhe Serbisë duhet të vazhdojë posa të formohet qeveria e re në Beograd. Zgjidhja e problemeve në veri të Kosovës, sipas Kacin, duhet të bazohet në Pakon e Ahtisaarit.
Sipas tij, është e papranueshme që në fund të çfarëdo negociate për veriun të vendoset për ndonjë status të veçantë të bazuar mbi kriterin etnik.
