Amerikania lindi fëmijën e rëndë gjashtë kilogramë

Një grua në shtetin amerikan të Iowas lindi një djalë të rëndë gjashtë kilogramë pa ndihmën e intervenimit kirurgjik.

Asher Stewardson është lindur të enjten në spitalin e qytetit Des Moindes, ndërsa në kohën e lindjes ai ishte i gjatë 60 centimetra. Vëllai i tij Judah, i cili ishte lindur para 15 muajsh ka qenë i rëndë 5.5 kilogramë në kohën e lindjes, njoftoi AP.

Nëna e fëmijës Kendall Stewardson i rezistoi dhimbjeve të lindjes gjashtë orë pa kurrfarë injektimi. Ajo tha se ajo dhe burri i saj kanë dashur t’i ikin lindjes me prerje cezariane.

Lexo më shumë

Gratë parkojnë më mirë se burrat

Kamerat e sigurisë nëpër mbarë Britaninë dëshmuan se gratë dinë të parkojnë më mirë se burrat.

Është një klishe gati sa vetë motori i makinës i vjetër dhe ka qenë temë e shumë barsoletave seksiste. Por ideja se gratë nuk dinë të parkojnë është thjeshtë jo e vërtetë, mësohet në një hulumtim të kryer i cili dëshmon se shoferet femra janë më të shkathëta në manovrimin e makinës në hapësira parkingu në krahasim me burrat.

Pas kontrollit të kamerave të sigurisë nëpër tërë Britaninë u vërtetua se femrave u nevojitet më shumë kohë për parkim, por ato janë në gjendje të ndalin makinën mu në vendin e paraparë për ndalim.

Ky studim është njëri ndër më gjithëpërfshirësit sa i përket dallimeve gjinore në vozitje, dhe ka marrë parasysh shtatë komponentë të stilit të parkimit.

Gratë po ashtu janë dëshmuara më të zonjat në gjetjen e hapësirave për parkim, janë më të sakta në renditje para se të fillojnë manovrimin dhe përdorin me më përpikëri metodat e preferuara nga instruktorët e vozitjes. 

Lexo më shumë

Imituesit e Ghandit thyejnë rekord

Nxënësit nga një shkollë e Kalkutës në Indi kanë thyer rekord botëror, pasi gati 500 prej tyre u veshën si politikani legjendar i Indisë, Mahtma Ghandi.

Fëmijët, të moshës prej 6-10 vjeç, veshën pëlhurën e bardhë, mustaqet e rreme dhe kopjuan syzet e rrumbullakëta të Ghandit në përpjekje për të thyer rekordin.

Nxënësit u bënë bashkë dhe morën pjesë në marshimin gjysmë kilometra me moton “Çohu” për të nderuar Ghandin, i cili ishte vrarë para 64 vitesh dhe në përpjekje për të promovuar ideologjinë e tij të mospërdorimit të dhunës.

Inspirimi për këtë marsh është marrë nga marshi i famshëm i paqes së Ghandit i ndërmarrë më 1930 i cili çoi në zgjerimin e lëvizjes për pavarësi të Indisë kundër sundimit kolonial britanik. 

Lexo më shumë

Edhe 800 dit përkrahje për XP

Windows XP ende është i instaluar në shumë kompjuter, veçanërisht në ambientet afariste, dhe ende ka në posedim një pjesë bukur të mirë të tregut. Nga Microsoft publikuan se përkrahjen për këtë SO do ta ofrojnë edhe 800 ditë.

Kompania rikujtoi shfrytëzuesit afarist se koha që nevojitet për planifikimin dhe implementimin e mbindërtimit në SO të ri është në mes një vit e gjysmë dhe dy vite. Për të gjithë ata që ende nuk kanë planifikuar të bëjnë mbindërtimin, ose të cilët kanë problem me këtë gjë, kompania u ofron veglat e veta të cilat do të duhej të ju ndihmojnë gjatë migrimit në Windows 7.

Windows XP ishte paraqitur në vitin 2001, e sipas StatCounterit momentalisht në tregun e SO-ve ka në posedim 36.44%. Windows 7, edhe pse për vetëm dhjetë muaj bëri për vete më shumë shfrytëzues se Vista, në nivelin global vetëm së voni arriti të tejkaloj Windows XP-në, dhe tani ka në posedim 42.65% të posedimit botërorë.

Lexo më shumë

Adriana, prezantuesja shqiptare që po i ’çmend’ boshnjakët

Adriana Kurtishaj, një shqiptare njëzetepesëvjeçare e lindur në Slloveni, për momentin po i ‘çmend’ boshnjakët në televizionin OBN.

Pas shumë viteve të kaluara në Slloveni, destinacioni i Adrianës ka qenë Sarajeva ku para 5 viteve filloi punë në televizionin OBN, fillimisht si prezantuese e motit, shkruan INA.

E shkolluar në fushën e ekonomisë, ajo rastësisht futet në botën e televizionit. Televizioni ku punon ajo është shumë urban dhe modern kështu që Adrianës i pëlqen kjo punë që bën dhe shikuesit e saj janë shumë të kënaqur me të.

Pas një viti si prezantuese e motit, drejtuesit e televizionit Adrianës i japin një detyrë të re duke filluar udhëheqjen e një shou program zbavitës të quajtur “Nedjeljom popodne” (Të dielën pasdite).

Një nga projektet më të mëdha të karrierës së saj është dhe udhëheqja e spektaklit “Zvijezde plešu” apo “Yjet vallëzojnë”, një spektakël që e ka udhëhequr bashkë me kolegun e saj Fegja Fetahagiq, ndërsa pas këtij spektakli ajo fillon një tjetër akoma më të madh të quajtur “Stars with stars”. /Telegrafi/

Lexo më shumë

“Big Brother 5” nis më 18 shkurt

Kanë filluar tashmë audicionet për njërin prej spektakleve televizive më të popullarizuar shqiptare, “Big Brother Albania 5”.

Ky reality shou, tashmë shumë i njohur jo vetëm në trevat shqiptare, pritet të fillojë më 18 shkurt. Këtë vit do të jetë edicioni i pestë me radhë, i cili pritet të fillojë muajin e ardhshëm i organizuar sërish nga Top Media.

Ishte thënë edhe më herët se përveç konkurrentëve nga Shqipëria, këtë edicion shumë i madh është edhe interesimi nga të rinjtë kosovarë. 

Lexo më shumë

David Beckham, mashkulli më seksi

Futbollisti anglez, David Beckham, është shpallur mashkulli më seksi në planet nga një sondazh i revistës Heat.

Ylli i Los Angeles Galaxy i ka mposhtur aktorët Ryan Gosling e Ryan Reynolds, të cilët zënë vendin e dytë, respektivisht të tretin.

Ndërkohë, Bradley Cooper dhe Jake Gyllenhaal mbyllin pesë pozitat e para.

Në sondazh kanë marrë pjesë 1.000 lexues të revistës Heat, ndërsa për 25 vendet e para është marrë edhe mendimi i ekspertëve.

Në dhjetë vendet e para janë renditur edhe aktorët Robert Pattinson, Tom Hardy dhe Johnny Depp.

Lexo më shumë

Noga bashkëpunim me Stinen

Tinejxheri Agon Abdullahu, i njohur si Noga, kësaj radhe vjen me një bashkëpunim nga Shqipëria.

Ai këto ditë ka realizuar këngën “Sa m’pëlqen ti” në bashkëpunim me këngëtarin Stine. Kënga është një baladë e cila pritet të shoqërohet edhe me videoklip.

Noga së fundmi ka realizuar këngën ‘Këtë natë’ në bashkëpunim me Andin Randobravën, dhe ka pohuar se shumë shpejt do të realizojë edhe një këngë me reperin e famshëm Unikatil.

Më poshtë mund ta dëgjoni këngën “Sa m’pëlqen ti” nga Noga dhe Stine.

Lexo më shumë

Pizarro huazohet te City?

Mesfushori i Romës, David Pizarro, do të jetë lojtar i Manchester Cityt deri në fund të sezonit aktual- njofton Football Italia.

32-vjeçari nuk është pjesë e planeve të Louis Enriques, së paku deri në fund të këtij sezoni, prandaj i është bashkuar trajnerit të tij të dikurshëm te Interi, Roberto Mancini.

Për shërbimet e kilianit ka qenë i interesuar edhe Juventusi, por transferimi ka dështuar, pasi Zonja e Vjetër nuk donte të paguajë prishjen e kontratës së tij.

Lexo më shumë

Allegri pa shpresa për Tevez

Menaxheri i Milanit, Massimiliano Allegri, ka deklaruar se nuk ka gjasa që Carlos Tevez të transferohet në San Siro para mbylljes së afatit kalimtar.

Rossonerët janë duke bërë gjithçka për të siguruar shërbimet e sulmuesit të Manchester Cityt, por e kanë të vështirë të sigurojnë firmën e tij.

“Nuk kam asnjë shpresë që Tevez mund të arrijë para mbylljes së afatit kalimtar”, ka thënë Allegri në një konferencë për media.

Ai ka folur edhe për sulmuesin veteran, Filippo Inzaghi, për të cilin ka thënë se është i lirë të vendosë nëse dëshiron të qëndrojë ose të largohet.

Lexo më shumë

Thiago Motta shkon te PSG

Interi ka pranuar një ofertë të Paris Saint-Germain për mesfushorin Thiago Motta- ka deklaruar agjenti i lojtarit, Alessandro Canovi.

Sipas tij, transferimi pritet të ndodhë para mbylljes së afatit kalimtar të janarit.

“PSG dhe Interi kanë arritur marrëveshje për Thiago Mottan. Na mungojnë vetëm disa detaje të vogla, por ka kohë për t’u finalizuar gjithçka para orës 19:00”.

“Megjithatë, nëse nuk ndodh sot, do të ndodhë në korrik, sepse tashmë ekziston marrëveshja”, ka thënë Canovi.

Lexo më shumë

Dalglish: Liverpooli nuk dorëzohet për top katërsh

Menaxheri i Liverpoolit, Kenny Dalglish, thotë se sezoni ende është shumë i hapur për ta.

Liverpooli aktualisht është në pozitën e shtatë, gjashtë pikë prapa Chelseat që pushton pozitën e katërt, dhe sot Redsat do të udhëtojnë te Wolves.

“Ne kemi edhe 16 ndeshje të ligës të mbetura, kemi një finale të Kupës në Wembley dhe rundin e pestë të Kupës FA në shtëpi kundër Brighton – ka ende për ne për të fituar këtë sezon”.

“Kualifikimi për në Ligën e Kampionëve po ashtu është i arritshëm. Ne do të japim më të mirën që mundemi dhe t’ia dalim sa më mirë që mundemi”, ka deklaruar Dalglish. 

Lexo më shumë

Villas-Boas: Torres po përmirësohet

Menaxheri i Chelseat, Andre Villas-Boas, ka mbështetur Fernando Torres, duke thënë se ai shpreson që spanjolli së shpejti do të fillojë të shënojë gola.

“Mendoj se ne po shohim një lojtar që po zhvillohet sa i takon formës. Ne eventualisht presim gola nga kjo, dhe shpresojmë se golat do të vijnë”.

“Mungesa e golave? Ky është realitet, por ai e ka ndihmuar ekipin. Fernando ka më së shumti asistime për lojtarët tjerë në klub andaj ai është produktiv për të tjerët. Mendoj se ai është plot vetëbesim. Për mundin që ai jep, do t’i shpaguhet”, ka thënë Villas-Boas.

Lexo më shumë

Milani transferon Muntarin

Kampioni i Serie A, Milani, ka nënshkruar me mesfushorin ganez Sulley Muntari nga rivali lokal Interi, shkruajnë mediat italiane.

Transferimi do të jetë një befasi për shumëkënd, pasi Muntari llogaritet një lojtar “i harxhuar”.

Megjithatë miq të tij nga Gana kanë konfirmuar për mediat italiane se Milani e kishte përcjellë lojtarin për rreth një muaj. Ende nuk është zbuluar shuma e transferimit të tij.

Lojtari kaloi një kohë të vështirë te Interi dhe është pritur të largohet në fund të sezonit.

Lexo më shumë

United të transferojë Freddie Veselin?

Manchester United raportohet se është afër për të transferuar mbrojtësin shqiptaro-zviceran të Manchester Cityt, Frederic Veseli.

Djajtë e Kuq dje u përfol se ishin në negociata me yllin e ri të Zvicrës, i cili ishte kapiten i përfaqësueses në triumfin në Kupën Botërore U17 në vitin 2009, dhe Veseli dje është drejtuar për në Manchester, i veshur me një jelek të kuq për të festuar transferimin, shkruan Manchester Evening News.

Freddie Veseli, një futbollist me prindër kosovarë, ka qenë një prej prospekteve të Cityt, por ishte frustruar pasi nuk arriti të depërtojë në skuadrën e parë.

Frustrimi i tij u rrit së fundi kur City humbi kapitenin Vincent Kompany dhe solli 17-vjeçarin Karim Rekik në skuadrës si mbulesë.

Lexo më shumë

Zyrtare: Juve nënshkruam me Padoin

Juventusi ka konfirmuar përmes faqes zyrtare se ka kompletuar nënshkrimin e mesfushorit të Atalantas, Simone Padoin, për pesë milionë euro.

Biankonerët ishin në kërkim të një përforcimi të ri në mesfushë para mbylljes së afatit kalimtar dhe më herët ishin lidhur edhe me lojtarë si ai i Cagliarit, Radja Nainggolan, dhe ai i Portos, Fredy Guarin.

Megjithatë, ata kthyen vëmendjen e tyre kah Padoin dhe tashmë kanë mbyllur transferimin e lojtarit. 27-vjeçari ka nënshkruar kontratë pesëvjeçare me liderin e Serie A. 

Lexo më shumë

Mancini: Titulli vendoset në mes të Cityt dhe United

Menaxheri i Manchester Cityt, Roberto Mancini, mendon se kampioni i Anglisë do të vendoset në mes të skuadrës së tij dhe Manchester United.

“Është vështirë për të tjerët. Është e pamundshme që ne dhe Manchester United t’i humbim të gjitha ndeshjet”.

“Ka edhe 16 ndeshje dhe gjithçka mund të ndodhë, përfshirë që Tottenham të rikthehet në garën për titull. Por për momentin gara është në mes Cityt dhe United”, ka deklaruar italiani.

Lexo më shumë

Sacchi: Juve do ta fitojë titullin

Ikona e Milanit, Arrigo Sacchi, mendon se Juventusi do ta fitojë titullin e Serie A këtë sezon.

“Allegri është një trajner i shkëlqyeshëm, ai ka një skuadër e cila është mbase më së shumti komplekse, por me shumë individualistë, derisa Juventusi është më pak kompleks por ka më pak individualistë”.

“Biankonerët do ta fitojmë Scudetton pasi ata kanë një avantazh, duke mos participuar në Evropë, dhe ka një shtytje nga të gjithë të cilët janë atje. Juve po luan në vazhdimësi, lojë në stilin ndërkombëtar, me lojtarë të mirë por vetëm disa të cilët janë të shkëlqyeshëm”, ka thënë Sacchi.

Lexo më shumë

Balotelli të luajë për Barcën ose Realin?

Agjenti i sulmuesit të Manchester Cityt, Mario Balotelli, thotë se një transferim i italianit te Real Madrid ose Barcelona është i mundshëm.

Mino Raiola mendon se Balotelli do të luajë për njërin prej klubeve më të mëdha spanjolle në të ardhmen.

“Çfarë mund të them është se një ditë ai do të largohet për një prej klubeve më të mëdha në nivel evropian, që mund të jetë Real Madridi ose Barcelona”.

“Për momentin, ai ende nuk dëshiron të rikthehet në Itali të luajë për Milanin”, ka thënë Raiola. 

Lexo më shumë

United refuzon të nënshkruajë me Sneijder

Manchester United ka lëshuar shansin të nënshkruajë me Wesley Sneijder në ditën e fundit të afatit kalimtar të janarit.

Sky Italia bën të ditur se United ka reaguar me qetësi ndaj holandezit dhe ka refuzuar mundësinë për të bërë biznes me Interin për mesfushorin.

E ardhmja e Sneijder tash pritet të vendoset në fund të sezonit, kur vetëm largimi i Claudio Ranieri mund ta mbajë atë në Giuseppe Meazza. 

Lexo më shumë

FMN : Ekonomia shqiptare më 2012, rritet vetëm 0.5 %

Ne dokumentin e fundit për parashikimin ekonomik, FMN-ja e korrigjon shifrën duke e zbritur rritjen ekonomike deri në 0.5 për qind. Sipas FMN-së, kriza europiane po infekton edhe Shqipërinë, e cila sipas këtij institucioni, për vitin 2011 do të këtë rritje ekonomike më të ulët rreth 1.1 për qind, kur parashikimi në shtator të vitit të kaluar ishte për një rritje prej 2.5 për qind. Ndërsa për këtë vit FMN kishte parashikuar në shtator rritje ekonomike 3.5 për qind.

Por pas misionit të saj, një muaj më pas, FMN-ja zbriti rezultatin ne 1.5 për qind ndërsa ne raportin e fundit te rritja ekonomike zbret edhe me poshtë ne nivelin 0.5 për qind. Ky parashikim kaq i padëshiruar për ekonominë shqiptare, ne fakt ecën ne te njëjtën linje me pritshmërit, qe FMN ka edhe për ekonomitë e tjera te Evropës juglindore, ku rritja mesatare parashikohet vetëm 0.7 për qind ne vitin 2012.

Ne raportin e saj te fundit, FMN-ja jep edhe arsyet. Gjate viti 2012, FMN thotë se kërkesa e brendshme pritet te jete me e dobët, për shkak te rënies se dërgesave nga emigrantet, kreditimit me te matur nga bankat dhe ngushtësimit te hapësirës nga qeveria për stimuj fiskal. 

Lexo më shumë

Qeveria e Serbisë blen fabrikën e çelikut

Qeveria e Serbisë ka blerë fabrikën e çelikut në Smederevë nga kompania “U.S Steel”. Kjo e fundit ka blerë fabrikën në vitin 2003 me çmim prej 33 milionë dollarësh, ndërsa ka investuar edhe miliona të tjerë në të që nga ajo kohë.

Në vitin 2010, fabrika kishte 35 milionë dollarë shitje të jashtme. Por, rënia e ekonomisë globale në vitet e fundit thuhet ta ketë goditur edhe atë, duke e bërë që në vitin 2011 të raportojë 73 milionë dollarë humbje.

Kryeministri i Serbisë, Mirko Cvetkoviq, i cili ka nënshkruar marrëveshjen e dorëzim-pranimit në Beograd, tha se qeveria shpreson ta rishesë fabrikën sa më shpejt që të jetë e mundur.

Serbia e ka blerë atë nga “U.S Steel” me çmimin simbolik prej 1 dollari, me qëllim ruajtjen e vendeve të punës për rreth 5.400 punëtorë.

Lexo më shumë

Eurozonë, rekord i ri i papunësisë

Papunësia në Eurozonë ka shënuar një rekord të ri prej 10.4 për qind për muajin dhjetor, kanë bërë të ditur të dhënat e Eurostatit të publikuara sot.

AFP njofton se kjo agjenci po ashtu ka rishqyrtuar edhe të dhënat për muajin nëntor, duke rritur numrin e papunësisë në 10.4 nga 10.3 sa ishte vlerësuar më herët.

Shtetet e Eurozonës po përballen me krizën më të rëndë për shkak të borxheve në të cilat janë zhytur disa nga vendet anëtare. 

Lexo më shumë

Kërkohen shkollat në Kosovë

Fondacioni ERSTE dhe Akademia shkollave te Evropës Qendrore (ACES) fillojnë ciklin e gjashtë te garës për partneritete ndërkufitare të shkollave ndërsa edhe shkollat nga Kosova janë të ftuara të jenë në mesin e 15 vendeve pjesëmarrëse. Tema e këtij viti është " Verifikimi i realitetit - se si ne shohim dhe krijojmë botën përmes medieve", ndërsa propozimet e projekteve mund të dërgohen deri me 30 prill te vitit 2012.

Gara është e organizuar nga ACES - Akademia e Shkollave të Evropës Qendrore, një nga rrjetet më të mëdha të shkollave në rajon dhe njohuritë e medieve, janë temë themelore te ciklit të garës së këtij viti. Shkollat janë të ftuara për të inkurajuar nxënësit që të bëjnë analizën e përmbajtjeve, në të cilat ata hasin në media dhe të krijojnë dhe shpërndajnë produktet e tyre mediatike.

“Mjetet e komunikimit masiv, veçanërisht digjitale, janë duke ofruar qasje të lehtë në informata dhe mënyra të reja të pjesëmarrjes në jetën shoqërore, politikë dhe kulturë, por në të njëjtën kohë, bartin dhe rrezikun e manipulimit. Çështjet e abuzimit, pushtimit te privatësisë, të drejtave personale apo të autorit janë vetëm disa nga sfidat. Në këtë kontekst, njohja e mediave dhe tek të popullata e te rinjëve është një parakusht kyç për aktivizëm social në botën e sotme të teknologjisë së informacionit”.

Ftohen shkollat nga Kosova për të gjetur një shkollë partner në web faqe www.aces.or.at, me të cilën ato do të marrë pjesë në projekt së bashku. Një juri ndërkombëtare do të përzgjedhë projektet më të mira dhe fituesit do të marrin mjete financiare, mbështetje gjatë zbatimit të projektit, dhe do të kenë mundësi të marrin pjesë në mbledhjet e ACES.

Rrjeti i shkollave ACES, është themeluar nga Fondacioni ERSTE në vitin 2006 në bashkëpunim me organizatën jo-fitimprurëse VČELI DOM nga Sllovakia dhe qendrën ndërkulturore nga Austria. ACES ka për qëllim të lidhë mësuesit dhe studentët nga Evropa Qendrore dhe Juglindore, për te kapërcyer kështu kufijtë. Kjo iniciativë është përkrahur nga të gjitha ministritë e arsimit te vendeve pjesëmarrëse. Qëllimi është që të lehtësojë dhe promovojë dialogun ndërkulturor dhe bashkëpunimin midis të rinjve, për të krijuar një rrjet për shkëmbimin e njohurive të mësuarit, dhe inovacioneve. Deri më tani, rreth 20.000 nxënës dhe 2,500 profesor kanë marrë pjesë në programin ACES.
Vendet që mund të aplikojnë për garë janë: Kosova, Shqipëria, Austria, Bosnje dhe Herzegovina, Bullgaria, Kroacia, Republika Çeke, Hungaria, Maqedonia, Moldavia, Mali i Zi, Rumania, Sllovakia, Serbia dhe Sllovenia.

Lexo më shumë

Kthimi i regjistrave kadastral mund të nxjerrë probleme me pronat në Kosovë

Kosova e Serbia po ripërtërijnë përpjekjet për të zbatuar Marrëveshjen e Regjistrimeve Kadastrale të përfunduar shtatorin e kaluar në Bruksel, mes shqetësimeve në Prishtinë mosmarrëveshje në vazhdim do të zbulohen mes njerëzve që morën tokë në mënyrë të paligjshme.

Marrëveshja përcakton se regjistrimet e pronës të mara nga autoritetet e Beogradit në Serbi më 1999 do të kopjohen nga EULEX, do të verifikohen e do t'u dorëzohen autoriteteve të Kosovës. “Kthimi i kopjeve do të tregojë se cila tokë e komunës është bërë private dhe do të na mundësojë të kuptojmë se kush dhe kur e transformoi atë në tokë publike”, tha kryetari i Prishtinës Isa Mustafa për Koha Ditore.

Ai shprehu shqetësim rreth rrezikut të mosmarrëveshjeve mes individëve, pavarësisht nëse abuzimet e dyshuara u bënë përpara apo pasi Kosova u bë e pavarur.

Kryenegociatorja e Kosovës Edita Tahiri, megjithatë, tha se zbatimi do të mbushë boshllëkun ekzistues në bazën e të dhënave kadastrale të Kosovës dhe do të ndihmojë që të zgjidhen mosmarrëveshje sesa të shkaktojë probleme. "Ajo ndihmon saktësisht Prishtinën e komuna të tjera që të vijnë më pranë së vërtetës se cila pronë është publike e cila private, në mënyrë që individët të mund të trajtojnë pronat e kundërshtuara," tha Tahiri.

Zyra e negociatorit serb Borko Stefanoviç tha për SETimes se zbatimi ndihmon Beogradin të marrë pjesë e të ketë një zë për herë të parë që nga 1999-ta në rastet e gjykatës së Kosovës lidhur me pronën. "Kjo marrëveshje mundëson Serbinë të ketë një rol aktiv në procesin e zgjidhjes së rasteve të diskutueshme të të drejtave të pronës e të ndihmojë shtetasit tanë që të kenë një shans më të madh të kthimit të pronës së tyre," tha ai.

Zyrtarët e Kosovës që trajtojnë çështjet e pronës janë gjithashtu të shqetësuar rreth mosmarrëveshjeve të mundshme në mungesë të dokumenteve origjinale, tha për SETimes topografi i Komunës së Prishtinës Agim Matova.

Disa shtetas shkojnë në Serbi e paguajnë shuma të mëdha parash për të marrë dokumentet origjinale, por nuk janë kurrë të sigurt nëse kanë marrë një dokument të rremë, tha ai.

Por kreu i Agjencisë Kadastrale të Kosovës Murat Meha tha se një problem tjetër përfshin parcelat private të shitura jozyrtarisht ose të regjistruara vetëm në formë të shkruar.

Kthimi i regjistrimeve kadastrale do t'u lejojë shtetasit t'u përgjigjen pretendimeve që nuk ishin në gjendje t'u përgjigjeshin për shkak të mungesës së dokumenteve origjinale, tha ai.

Ankthi më i madh, megjithatë, ka të bëjë me ndërtimin në Prishtinë që mund të mos mbështetet nga dokumentacioni, shtoi ai. Rastet kur regjistrimet e caktuara në Serbi nuk përputhen me ato në Kosovë do t'i transferohen një mekanizmi gjykimi në Kosovë, që do të bëjë një përcaktim përfundimtar se cili regjistrim është korrekt.

Një komision i përbërë nga ekspertë ndërkombëtarë e kosovarë mbi pronat do të shërbejë si shkalla e parë në mekanizmin gjykues. Gjykata e Lartë e Kosovës do të shërbejë si shkalla e dytë.

Lexo më shumë

SHBA, çmimi i naftës ulet përshkak situatës në Iran

Çmimet e naftës filluan të ulen të hënën në Nju Jork, në një kontekst më të qetë përballë situatës iraniane dhe me fillimin e një samiti evropian kryesisht për krizën e borxhit.

Agjentët shqetësohen për shkak të ndonjë shkëputjeje të mundshme të eksporteve të naftës nga Teherani, prodhuesi i dytë më i madh në Organizatën e Vendeve Eksportuese të Naftës, (OPEC), pas embargos graduale të vendosur nga BE-ja për naftën bruto iraniane.

Parlamenti iranian ka raportuar së fundmi një debat, fillimisht të parashikuar dje, për një ndërprerje të mundshme të menjëhershme të shitjes së naftës në Evropë, por një ligj i propozuar për këtë çështje pritet të zhvillohet në ditët e ardhshme.

Embargo e vendosur nga BE-ja pritet të hyjë në fuqi në korrik për t'i lënë kohë shteteve të gjejnë burime furnizuese alternative.

Lexo më shumë

9 milionë euro për rrugë të pakalueshme

Mbi 9 milionë euro janë dhënë për mirëmbajtjen e rrugëve nacionale dhe rajonale nga Ministria e Infrastrukturës për sezonin 2011-2012, ndërkohë që nga reshjet e mëdha të borës mbeten të pakalueshme shumë rrugë.

Kanë kaluar më shumë se pesë ditë dhe ende ka rrugë të papastruara, ku shtresat e akullit rrezikojnë kalimtarët dhe ngasësit e automjeteve.

Sipas gazetës Zëri, pos milionave që janë dhënë për rrugë magjistrale Komuna e Prishtinës ka dhënë rreth 100 mijë euro tender për pastrimin e rrugëve, derisa trotuarët në qendër të saj janë të pakalueshme dhe qytetarët ecin nëpër rrugën kryesore.

Lexo më shumë

Qeveria kërkon këshilltar privat për tërheqjen e investitorëve

Klima e keqe e bërjes së biznesit dhe bilanci negativ në tërheqjen e investimeve të huaja kanë shtyrë Qeverinë që të gjejë zgjidhje. Asnjë institucion qeveritar nuk është treguar i aftë që të gjejë ilaçin e përmirësimit të radhitjes që del nga raporti i Bankës Botërore, në të cilin Kosova radhitet nga fundi. E po ashtu dështime janë shënuar edhe në aspektin e tërheqjes së investimeve të jashtme.

Në fillim të janarit, Qeveria ka shpallur shprehjen e interesit për të kontraktuar një kompani private, e cila do të merret me hartimin e një plani strategjik të sektorëve më të lakmueshëm dhe që ofrojnë potenciale të kërkuara nga investitorët e jashtëm. Dokumenti për shprehjen e interesit që është shpallur nga Agjencia Qendrore e Prokurimit Publik në emër të Qeverisë, nxjerr në pah kërkesën reale qeveritare për kontraktimin e kompanisë konsulente.

Sipas dokumentit, Qeveria është duke kërkuar një kompani konsulente për përgatitjen e një plani të plotë për zhvillimin e sektorit ekonomik, i cili plan do të përdoret si udhëzues për tërheqjen e kompanive të fuqishme ndërkombëtare. Qëllimi i shprehjes së interesit gjithashtu është që nëpërmjet të njëjtit plan të futë Kosovën si vend me potenciale të mirëfillta investuese si për kompanitë e tregut të jashtëm, ashtu edhe për ato vendëse, shkruan Koha Ditore.

“Qëllimi kryesor i kësaj detyre është i dyfishtë: një për të siguruar një analizë solide të sektorit dhe konkurrencën e saj, duke përfshirë rekomandimet e politikave se si të përmirësohet dhe të rritet më tej konkurrenca, dhe dy, të sigurojë bazën për nxitjen e sektorit të investitorëve të huaj, duke përfshirë një plan marketingu, mesazhet kryesore të marketingut dhe të materialeve promovuese”, thuhet në dokumentin të Qeverisë për shprehjen e interesit në kontraktimin e një kompani konsulent.

Lexo më shumë

Obama: Ekonomia po rritet

Presidenti amerikan Barak Obama tha se ekonomia amerikane duket se po rimëkëmbet. Ai në intervistën e tij të parë virtuale përmes rrjetit Google Plus i është përgjigjur shumë pyetjeve që janë votuar më së shumti në YouTube.

Qëllimi ishte që të bëheshin pyetje në lidhje me fjalimin e javës së kaluar të Obamës.
“Ne po fillojmë të shohim disa shenja se ekonomia po e merr veten. Kemi krijuar 3 milionë vende pune në 22 muajt e kaluar dhe kemi parë rritjen më të madhe në prodhimtari, që nga të nëntëdhjetat, por mbetet edhe shumë për t’u bërë”, theksoi presidenti Obama. 

Lexo më shumë

Feith mirëpret Rezolutën e Kuvendit

Në takimin e tij në Vjenë më 24 janar, Grupi Drejtues Ndërkombëtar e ka miratuar një proces të qartë për përfundimin e pavarësisë së mbikëqyrur në Kosovë, në përputhje me kushtet e Planit Gjithëpërfshirës për Statusin (PGJS) të Presidentit Ahtisaari. Në Vjenë, Kryeministri është zotuar për zbatimin e PGJS-së dhe përfundimin e pavarësisë së mbikëqyrur, thuhet në komunikatën për shtyp Përfaqësuesit Special të BE-së, Pieter Feith.

“Me një shumicë dërmuese Kuvendi sot e miratoi një rezolutë që ndihmon në përcaktimin e hapave të mëtejmë që janë para nesh për të arritur këtë synim kombëtar. Unë e mirëpres gatishmërinë e Qeverisë së Kosovës dhe të gjitha partive parlamentare për të filluar shqyrtimin e amendamenteve kushtetuese si dhe të amendamenteve të legjislacionit primar relevant të nevojshëm për përfundimin e mandatit tim dhe për përfundimin e pavarësisë së mbikëqyrur”, .

Feith është i gatshëm që ta ndihmojë Qeverinë në punën e saj, në konsultim të ngushtë me udhëheqësit e Kuvendit, për të siguruar zbatimin e plotë të PGJS-së në mënyrë që kur Grupi Drejtues Ndërkombëtar të takohet më vonë gjatë këtij viti, të jetë në gjendje ta bëjë konstatimin që mundëson finalizimin e procesit.

“Pajtohem plotësisht me thirrjen që bëhet në rezolutë për unitet në mesin e popullit, forcave politike dhe udhëheqësve të tyre në ecjen tonë përpara. Besoj se kjo duhet zbatuar në të dy drejtimet – në zbatimin e plotë të PGJS-së dhe në përfundimin e pavarësisë së mbikëqyrur. Nëse konsensusi kombëtar ruhet gjatë gjithë kësaj kohe, kjo do të dërgonte një mesazh të fuqishëm për qëndrueshmërinë e reformave dhe zbatimin e tyre, dhe rrjedhimisht do ta forconte reputacionin dhe kredibilitetin ndërkombëtar të Kosovës si një shtet modern evropian”. 

Lexo më shumë

Salustro nuk pranon të jetë dëshmitar

Seanca kryesore e shqyrtimit gjyqësor në rastin “Kleçka”, është shtyrë për të hënën.

Në seancën e sotme dominoi çështja e kërkesës së mbrojtjes, drejtuar kryeprokurorit të EULEX-it, për pezullim nga çështja të prokurorit Maurizio Salustro, dhe për ta ftuar atë në cilësinë e dëshmitarit.

Prokurori nuk pranoi që të thirret edhe në cilësinë e dëshmitarit, duke thënë se ai gëzon imunitet pasi që është avokat në misionin ndërkombëtar në Kosovë, EULEX.

Karim Khan, avokat mbrojtës i Fatmir Limajt, pas seancës ka thënë se prokurori, një ditë më parë, deklaroi se nuk është prokuror ndërkombëtar, por është prokuror vendor.

“Ai e quajti veten si një prokuror lokal, ndërsa sot kur sugjeroi për të shkuar te kryeprokurori, ai tha se ka imunitet”, ka thënë avokati Khan.

Avokati mbrojtës i Limajt, Tahir Rrecaj, ka thënë se imunitet gëzojnë njerëzit ndaj veprimeve që i bëjnë në punë e tyre, por jo edhe ndaj akuzave që ka ngritur dëshmitari “X” ndaj prokurorit, për trusnitë që ai ka bërë ndaj tij gjatë marrjes në pyetje.

Sipas Rrecajt, prokurori duhet të thirret si dëshmitar në gjykatë, raporton Kosovapress.

Mbrojtja edhe sot e kërkoi një vendim të trupit gjykues lidhur me thirrjen apo jo të prokurorit në cilësinë e dëshmitarit. Trupi gjykues vendosi që të mos e japë një vendim të tillë në seancën e sotme.

Prokurori, duke e parë se mbrojtja po kërkon që të pezullohen seancat derisa kryeprokurori i Prokurorisë Speciale ta marrë një vendim lidhur me pezullimin apo jo të tij, kërkoi nga trupi gjykues që të shtyhet seanca kryesore e shqyrtimit gjyqësor, deri në vendimin e kryeprokurorit të EULEX-it.

Sipas mbrojtjes, vendimi i trupit gjykues për pezullimin e seancave deri në një vendim të kryeprokurorit të EULEX-it, dëshmon se do të fitoj drejtësia dhe ligji.

Trupi gjykues i ka thënë mbrojtjes se deri në premten ka afat t’i paraqes të gjitha kërkesat e saj.

Seanca e radhës pritet të vazhdojë të hënën prej orës 10:00. 

Lexo më shumë

Votohet Rezoluta për përfundimin e mbikëqyrjes së pavarësisë

Kuvendi i Kosovës me vota 83 për, 13 kundër dhe një abstenim votoi të martën Rezolutën për përfundimin e mbikëqyrjes së pavarësisë. Rezoluta është kundërshtuar nga lëvizja Vetëvendosje, pasi sipas tyre me këtë rezolutë qeveria po tenton t’i fshehë kompromiset e dhimbshme për Kosovën dhe me këtë shtohen kushtëzime tjera.

Kryeministri i vendit, Hashim Thaçi para deputetëve të Kosovës tha se “sot të bashkuar, ashtu siç kemi qenë në momente të rëndësishme po i hapet derë përfundimit të mbikëqyrjes së pavarësisë së Kosovës.”

Kjo tha Thaçi, nuk është meritë vetëm e një partie apo mandati por është meritë e të gjithëve.

Sipas kreu të qeverisë ky është zotimi për Kosovën evropiane dhe u shpreh se Qeveria do t’i zbatojë të gjitha detyrimet që dalin nga kjo rezolutë.

Ismet Beqiri nga Grupi parlamentar i LDK-së tha se mbështesin këtë draft-rezolutë dhe e vlerëson moment të rëndësishëm fillimin e këtij procesi, që nuk do të jetë i lehtë.

Edhe Ardian Gjini nga Aleanca për Ardhmërinë e Kosovës tha se AAK e mbështet fillimin e procesit të përfundimit të pavarësisë së Kosovës.

Mirëpo, ndryshe nga këto parti lëvizja Vetëvendosje është shprehur kundër kësaj rezolute, pasi sipas tyre me këtë rezolutë qeveria po tenton t’i fshehë kompromiset e dhimbshme për Kosovën dhe me këtë shtohen kushtëzime tjera.

Visar Ymeri, nga VV tha se janë për përfundimin e mbikëqyrjes së pavarësisë, mirëpo sipas tij kjo rezolutë nuk është e tillë dhe nuk e saktëson se cilat janë obligimet. Kjo sipas tij është rrezik dhe formë jo demokratike, pasi duhet të zotohen deputetët se do të votojnë për ligjet të cilat nuk e dinë se çfarë do të jenë.

Ndryshe, Ymeri paraqiti Rezolutën e Vetëvendosjes, ku ndër të tjera thuhet se të gjitha vendimet e nxjerra dhe masat e ndërmarra nga institucionet e vendit duhet të respektojnë sovranitetin e plotë shtetëror dhe integritetin territorial të Republikës së Kosovës. Mirëpo, kjo Rezolutë e VV-së, nuk është vënë në rend dite.

Projekt rezolutën e plotë të iniciuar nga Grupi parlamentar i PDK-së dhe të miratuar nga Kuvendi i Kosovës po e japim të plotë:

1. Duke njohur përparimin që Kosova ka bërë në vitet që nga Shpallja e Pavarësisë dhe përparimin që do të vazhdojë ta bëjë;

2. Duke mirëpritur vendimin e Grupit Ndërkombëtar Drejtues për të filluar përfundimin e pavarësisë së mbikëqyrur gjatë vitit 2012;

3. Krenarë në besimin se Kosova është e gatshme të pranojë vendin e vet të drejtë në mesin e vendeve të pavarura të botës;

4. Të përkushtuar ndaj përmbushjes së të gjitha obligimeve që kontribuojnë në përmbylljen e fazës së pavarësisë së mbikëqyrur, duke përfshirë e parimet kyçe të Propozimit Gjithëpërfshirës për Zgjidhjen e Statusit në Kushtetutë dhe në legjislacionin e Republikës së Kosovës;

5. Të vetëdijshëm se Kosova gjithmonë ka arritur përparimin më të madh drejt synimeve kombëtare kur populli, forcat politike dhe udhëheqësit janë bashkuar;

6. Zotohet solemnisht për përkrahjen dhe përkushtimin e vet të plotë arritjes së shpejtë, të tërësishme dhe të suksesshme të këtij synimi kombëtar, posaçërisht kalimit me kohë të të gjitha amendamenteve kushtetuese dhe legjislacionit tjetër të nevojshëm për t’i dhënë fund pavarësisë së mbikëqyrur;

7. Fton Qeverinë e Republikës së Kosovës, në konsultim të ngushtë me udhëheqësit e partive parlamentare të përfaqësuara në Kuvend, anëtarët e Grupit Drejtues Ndërkombëtar dhe Përfaqësuesin Ndërkombëtar Civil, me prioritet të përgatitë dhe miratojë legjislacionin i cili është i nevojshëm për të për kompletuar zbatimin e Propozimit Gjithëpërfshirës, si dhe të përgatisë të gjitha amendamentet e nevojshme kushtetuese dhe legjislacionin shtesë dhe t’ia paraqesë këto Kuvendit jo më vonë së katër javë nga data e kësaj rezolute.

8. Në mbështetje të nenit 71 të Rregullores së Kuvendit, autorizon Komisionin e tashëm ad hoc për Reformën Kushtetuese që të përgatisë amendamentet kushtetuese për vlerësim nga Gjykata Kushtetuese si dhe të përgatisë amendamentet kushtetuese dhe amendamentet legjislative për miratim përfundimtar nga Kuvendi i Kosovës

Lexo më shumë

Kosova, pengesa më e madhe për Serbinë në BE

Ambasadori austriak në Beograd, Clemens Koja, ka thënë se Serbia me "vullnet të mirë" mund ta fitoj në mars statusin e kandidatit për anëtarësim në BE.

"Austria angazhohet për integrimin e Serbisë në Bashkimin Evropian dhe për këtë arsye do të ndihmojë Serbinë për të kapërcyer pengesat e fundit në këtë rrugë. Ndërsa, konflikti me Kosovën sigurisht që është pengesa më e madhe", ka thënë Koja për revistën “Cord”.

I pyetur nëse Serbia ka mundur të bëjë më shumë që në dhjetor ta fitonte këtë status, ai ka thënë: “Po, sidomos kur dihet se askush nuk ka kërkuar nga Serbia që ta njohë Kosovën".
"Këtu kryesisht fjala është për zhvillim të marrëdhënieve të mira fqinjësore, dhe kjo para së gjithash për të mirën e njerëzve në rajon: shqiptarëve dhe serbëve në Kosovë, por edhe për serbët dhe pakicën shqiptare në jug të Serbisë. Mbi të gjitha, të rinjtë në këtë rajon kanë nevojë për perspektivë”.

Ambasadori austriak ka thënë se barrikadat që janë shfaqur vjeshtën e kaluar, e shkatërrojnë këtë perspektivë, prandaj qeveria e Serbisë ka mundur të angazhohet për largimin e tyre.
"Atëherë do të kishit më shumë shanse për vlerësim pozitiv nga Këshilli Evropian".

Lexo më shumë

15 mijë të vdekur në listat e votuesve!

Grupi Punues, në kuadër të Komisioni Qendror të Zgjedhjeve (KQZ), ka heq nga lista e votuesve dhe regjistri civil rreth 15 mijë persona të vdekur. Po ashtu, Grupi i ka identifikuar rreth 60 mijë votues me kode të gabuara, të cilët janë përmirësuar, dhe në të njëjtën kohë ka identifikuar dhe fshirë nga listat rreth 10 mijë persona të cilat kanë hequr dorë nga shtetësia e Kosovës.

Komisioni Qendror i Zgjedhjeve, në mbledhjen e mbajtur të martën, ka shqyrtuar raportin e Grupit Punues të KQZ-së, lidhur me strategjinë për përmirësimin e listës së votuesve, raporton Kosovapress.

Florian Dushi, nga Lidhja Demokratike e Kosovës, njëherë kryesues i Grupit Punues të KQZ-së, ka thënë se pastrimi i listave ka qenë një ndër sfidat kryesore, pasi që “ata të cilët kanë dashur të manipulojnë me procesin, kanë pasur një hapësirë apo një derë përmes të cilës janë futur te emrat të cilët tashmë janë të vdekur, personat të cilët jetojnë jashtë vendit dhe te disa gabimeve teknike në kodet të cilat i ka përmbajtur regjistri civil”.

Blerim Burjani, nga AAK, ka kërkuar që në këtë Grup Punues të mos jenë anëtarët e KQZ-së, pasi që “përfaqësojnë subjektet politike”.

Betim Gjoshi, anëtar i KQZ-së nga radhët e PDK-së, ka thënë se përmirësimi i listës së votuesve është rezultat i vullnetit të përgjithshëm të KQZ-së.

Grupi Punues gjithashtu ka identifikuar numrin e gjithë qytetarëve të cilët janë pajisur me letërnjoftim të Republikës së Kosovës. Ky numër është 1.2 milionë, ndërsa rreth 450 mijë posedojnë ende letërnjoftim të UNMIK-ut, 63 mijë nga të cilat janë valide në bazë të afatit kohor.

Lexo më shumë

Zbogar nesër merr postin e BE-së për Kosovën

Ish-ministri i Jashtëm slloven, Samuel Zbogar, i cili nga e mërkura merr postin e përfaqësuesit special të Bashkimit Evropian në Kosovë, pret që edhe Kosova të ndjekë rrugën e BE-së, ashtu si dhe vendet tjera të rajonit.

“Së shpejti nisin negociatat e BE-së me Kosovën në lidhje me marrëveshjen e tregtisë dhe këta janë hapa që e bëjnë Kosovën të lëvizë drejt bllokut evropian”, ka thënë Zbogar, transmeton Rel.

“Edhe këtë vit janë në dispozicion rreth 70 milionë euro për projekte të ndryshme që ndihmojnë në ngritjen dhe forcimin e institucioneve të Kosovës. Pra, Brukseli do të vazhdojë angazhimin që edhe Prishtina të zbatojë legjislacionin evropian”.

Zbogar do të jetë edhe shef i Zyrës së BE-së në Prishtinë, që është nën autoritetin e përfaqësueses për politikë të jashtme të bllokut evropian, Catherine Ashton.

Lexo më shumë

Parakushti për zgjedhjet e reja

Ka kaluar më shumë se një vit që nga përfundimi i zgjedhjeve të parakohshme parlamentare të mbajtura në Kosovë. Ndërsa, në 191 ankesa për manipulime zgjedhore, që i janë dërguar Prokurorisë së Shtetit nga Paneli Zgjedhor për Ankesa dhe Parashtresa, mësohet se janë akuzuar 502 persona. Prej të gjithë këtyre rasteve, thuhet se janë mbyllur nëntë raste.

Thirrjet ndërkombëtare për të adresuar të gjitha rastet që kanë të bëjnë me parregullsitë gjatë zgjedhjeve të fundit në vend, u ritheksuan sërish javën e kaluar në Raportin e fundit për Kosovën të Parlamentit Evropian.

Eurodeputetja Ulrike Lunacek shfaqi shpresën që rezoluta në fjalë do të nxisë dinamikën e punës në zgjidhjen e rasteve që kanë të bëjnë me manipulimet në zgjedhje.

“Jo vetëm se duhet të qartësohen parregullsitë gjatë votimeve e që keqpërdoruesit të vihen para drejtësisë, por ne gjithashtu u kërkojmë politikanëve që reformat e premtuara zgjedhore dhe kushtetuese të përfundojë me kohë”, tha Lunacek në një prononcim dhënë Radios Evropa e Lirë.

Ajo bëri të ditur se rezoluta e cila u miratua në komitetin për marrëdhënie të jashtme të legjislativit evropian, do të jetë e plotfuqishme pas miratimit në seancën e radhës plenare të këtij mekanizmi që pritet të mbahet në muajin mars.

Po në këtë muaj apo në fillim të prillit, Kuvendit të Kosovës mund t’i paraqiten amendamentet e bëra nga Komisioni për ndryshime në Ligjin mbi zgjedhjet. Në këtë komision, që nga themelimi në muajin maj të vitit të kaluar, thuhet se rëndësi e veçantë i është kushtuar çështjeve kryesore për të cilat mendohet se janë burime të keqpërdorimeve.

Mirëpo, njohësit e procedurave zgjedhore në Prishtinë akuzojnë partitë politike për mungesë të vullnetit politik për të këmbëngulur në zgjidhjen e rasteve që kanë të bëjnë me manipulimet në zgjedhjet e 12 dhjetorit të 2010-tës.

Lexo më shumë

VV sfidon PDK-në me tjetër rezolutë

Lëvizja Vetëvendosje deklaroi të martën se nuk do ta votojë rezolutën e Partisë Demokratike të Kosovës e cila do të hidhet në votim në Kuvendin e Kosovës për përmbylljen e pavarësisë së mbikëqyrur, ndërkohë që është bërë e ditur se VV ka bërë gati një rezolutë të re, që do ta sfidojë atë të PDK-së.

Shpend Ahmeti, nga lëvizja Vetëvendosje theksoi se prapa rezolutës së PDK-së fshihen kompromise të dhimbshme për Kosovën.

Sipas VV-së, prapa kësaj rezolute po ashtu fshihet Ahtisaari Plus, gjashtë pikshi i Ban Ki moonit dhe katër pikshi i presidentit serb, Boris Tadic.

Kjo parti opozitare thotë se është dhe ka qenë gjithmonë pro përfundimit të mbikëqyrjes së pavarësisë, por jo në këtë formë siç po bën Thaçi duke pranuar, sipas tyre, konsensuse të dhimbshme.

Ndërkaq, sipas anëtarit tjetër të Vetëvendosjes, Visar Ymeri, me këtë rezolutë nuk po përmbyllet mbikëqyrja e pavarësisë, por po vinë kushtëzime tjera.

Më poshtë mund ta lexoni tekstin e plotë të Rezolutës së VV

1. Të gjitha vendimet e nxjerra dhe masat e ndërmarra nga institucionet e vendit duhet të respektojnë sovranitetin e plotë shtetëror dhe integritetin territorial të Republikës së Kosovës.

2. Kuvendi t’i fillojë punimet në ndryshimin e Kushtetutës së Republikës së Kosovës për ta fuqizuar atë si Aktin më të lartë juridik të vendit.

3. Ndryshimet kushtetuese duhet ta garantojnë rregullimin e vendit si Republikë parlamentare, t'i garantojë Republikës së Kosovës barazinë shtetërore me vendet tjera, si dhe t'i garantojë qytetarëve të Kosovës të drejtat e barabarta politike, ligjore e sociale.

4. Kushtetuta e Republikës së Kosovës të mos përmbajë kurrfarë kushtëzimesh ndaj pavarësisë dhe sovranitetit të vendit, dhe të sanksionojë të drejta dhe obligime shtetërore dhe kolektive për Kosovën dhe popullin e Kosovës, si dhe obligime të institucioneve ndaj këtyre qytetarëve.

5. Kushtetuta do të hyjë në fuqi me referendum.

6. Të gjitha kompetencat ekzekutive do të ushtrohen dhe zbatohen nga institucionet legjitime të vendit.

7. Prezenca ndërkombëtare në Kosovë, qoftë e natyrës ndihmëse apo monitoruese, duhet të rregullohet me marrëveshje sovrane me institucionet e Kosovës.

8. Sovraniteti shtetëror e institucional, që buron nga populli, si dhe integriteti territorial i vendit, janë të patjetërsueshme dhe të panegociueshme. Bartja e sovranitetit institucional tërësisht, apo pjesërisht, te një institucion tjetër brenda apo jashtë vendit, negocimi mbi kufijtë e vendit, apo ndryshimi i statusit të njësive administrative dhe/ose një grupi të njësive administrative, mund të bëhet vetëm me referendum.

Lexo më shumë

Nderohen dëshmorët Pajaziti, Hoxha e Zejnullahu

Kryetari i Kuvendit të Kosovës, Jakup Krasniqi në 15 vjetorin e rënies së dëshmorëve të Ushtrisë Çlirimtare të Kosovës, Zahir Pajaziti, Edmond Hoxha e Hakif Zejnullahu, bëri homazhe te lapidari i tyre, duke thënë se rënia e tyre i ka dhënë jetë dhe liri Kosovës.

Krasniqi me këtë rast theksoi se dëshmorët e vendit dhanë gjithçka për Kosovën e lirë dhe të pavarur.

“Sot është 15-vjetori i tre heronjve të parë të Ushtrisë Çlirimtare të Kosovës. Ishim këtu për të nderuar jetën dhe veprën e tyre. Jemi të vetëdijshëm se rënia e tyre i ka dhënë jetë dhe liri Kosovës, i ka dhënë pavarësi dhe i ka hapur perspektiva. Besoj se ka qenë edhe vullneti i tyre dhe është dëshira jonë, që për t’u zhvilluar jeta në Kosovë, të mos ketë më kurrë nevojë që djem dhe vajza të Kosovës të japin jetën. Lavdia qoftë mbi të gjithë ata që dhanë gjithçka për Kosovën e lirë e të pavarur”, u shpreh kryeparlamentari. 

Lexo më shumë

Bomba e kurdisur!

Në planin katërpikësh të kryetarit të Serbisë, Boris Tadic, mund të gjenden disa aspekte të cilat përputhen me dispozitat e Dokumentit të Ahtisaarit, në bazë të të cilit Kosova shpalli pavarësinë e saj.

Plani i kryetarit serb Tadiq, përfshin një zgjidhje të veçantë për manastiret ortodokse serbe dhe administratën e tyre, garanci të veçantë për serbët në enklava, zgjidhjen e çështjes së pronave të qytetarëve serbë të Kosovës dhe një zgjidhje speciale për veriun e Kosovës.

“Tri pikat që i përfshin plani i Tadicit, objektivisht janë pjesë në Planin e Ahtisaarit, përkatësisht në Kushtetutën e Kosovës. E vetmja çështje që, sipas mendimit tim, me të vërtetë është politikisht diskutabile, është nëse krijohet një parlament specifik i veriut dhe një qeveri specifike e veriut. Ajo është një bombë e kurdisur, e cila do ta defunksionalizojë Kosovën sa herë të ketë nevojë pushteti në Serbi dhe sa herë që kanë nevojë serbët që janë krijues apo sajues të atij entiteti”, thotë për Radio Evropa e Lirë, analisti Behlul Beqaj.

Mendim të ngjashëm ka edhe analisti Arben Qirezi. Ai thotë se brenda planit të Tadicit ka propozime “me qasje diskriminuese”.

“Nëse (plani i Tadicit) do të mund të kuptohej si një propozim për autonomi territoriale, Pakoja e Ahtisarit këtë e përjashton në mënyrë decidive. Po ashtu, është mjaft e pakuptueshme çështja e mbrojtjes së pronësisë serbe. Pronësia e serbëve të Kosovës nuk është nën ndonjë atak, nga askush", thotë Qirezi.

"Kjo mbase i ngjanë shumë periudhës së politikës së Milosevicit, kur shitblerjet e pronësisë ndërmjet etnive të ndryshme në Kosovë kanë qenë të ndaluara me ligj dhe është dashur që të merrej leje e posaçme nga autoritetet e Serbisë që të bëhej çfarëdo transaksioni pronësor ndërmjet shqiptarëve dhe serbëve”.

Përfaqësuesit e pozitës dhje të opozitës në Kosovë, e kanë kundërshtuar planin e kryetarit serb, duke thënë se janë të papranueshme propozimet që mëtojnë zgjidhje jashtë Dokumentit të Ahtisaarit. Megjithëkëtë, Beqaj vlerëson se duhet shqyrtuar ngjashmëritë që plani i Tadicit mund t’i ketë me Dokumentin e Ahtisaarit.

“Ka shumë elemente që i ngërthen Plani i Ahtisarit... Nuk është mirë që apriori të hidhet”, thotë Beqaj.

Qirezi mendon se “këto bomba”, të cilat hidhen herë nga Beogradi, nuk duhet të kenë vëmendje të veçantë.

“Nuk bën të lejojmë që Beogradi ta ditojë agjendën politike kosovare. Mendoj se, tani për tani, Qeveria e Kosovës dhe partitë politike kanë partnerë brenda pakicave të Kosovës, duke përfshirë edhe pakicën serbe. Mendoj se është zëri i saj ai që duhet të dëgjohet në Kosovë”.

Sidoqoftë, Dokumenti i Ahtisaarit mbetet oferta e vetme që institucionet e Kosovës ofrojnë për zgjidhjen e çështjes së veriut. 

Lexo më shumë

Amerikani theu rekordin për lëvizjet e vetullave (Video)

botëror në ngritjen e vetullave. Ai arriti të lëvizë vetullat 185 herë për dy minuta e 30 sekonda.

Rekordi i Leonit, me titull të plotë “Lëvizja më e shpejtë e vetullave derisa dëgjoni recitalin e aktorit Jeff Daniels”, sipas Recordsetter, edhe zyrtarisht është regjistruar si rekord botëror, ndërsa ai që do ta provojë ta thyejë këtë rekord duhet patjetër të dëgjojë recitalin.

Leon është shpërblyer për mundin e tij, por dëshmitarët thonë se lëvizja e vetullave është “sport” shumë i vështirë dhe goxha i mundimshëm.

Lexo më shumë

Asgjë nga Xboxi i ri

Për Xboxin e ri parashikohet se do të ketë të integruar sistemin Kinect, por këtë pehri nuk do ta shohim të gjallë edhe për ca kohë, edhe pse ka kohë që po flitet ndryshe, veçanërisht në kuadër të thashethemeve për panairin e ardhshëm E3.

Cedrick Delmas, drejtori i marketingut i Microsoftit në Francë, tha se është e sigurt se nuk do të shohim asgjë të re gjatë vitit 2012. “Po të dëshironim ti bënim konkurrencë Nintendos, do të duhej të paraqisnim ndonjë risi menjëherë, por kjo nuk do të ndodhë. Nuk jemi këtu që të shtyhemi me Nintendon, ata kanë cikël tjetër”, shtoi ai. Delmas mendon në Nintendo Wii U i cili ësht paraqitur në E3 të mbajtur vitin e kaluar, e i cili në shitore pritet të paraqitet para fundit të vitit 2012.

Përveç Kinectit të përmendur, së voni janë paraqitur edhe thashethemet se në E3 të këtij viti, për Xboxin e ri Microsoft do të paralajmëroj platformën grafikën edhe deri në gjashtë herë më të mirë në krahasim me atë të deritashmen. E po ta shohim se çfarë do të ndodhë...

Lexo më shumë

Rihanna blen portretin e Marilyn Monroes me kristale Swarovski

Rihanna ka paguar 120.000 euro për një fotografi të Marilyn Monroe të krijuar nga 65.000 kristale.

Këngëtarja nga Barbadosi e ka porositur artisten britanike Claire Milner që ta bëjë fotografinë e ikonës së ndjerë të Hollywoodit.

Për ta bërë këtë portret të aktores legjendare, Milnerit i janë dashur katër muaj punë, ndërsa falë kristaleve Swarovski fotografia e ndërron ngjyrën vazhdimisht.

Duket se Rihanna po e krahason veten me yllin e viteve të pesëdhjeta, duke qenë se edhe ajo po përballet me presionin e famës. 

Lexo më shumë

Reja: Klose më i mirë se Ibra

Trajneri i Lazios, Edy Reja, mendon se Miroslav Klose është sulmues më i mirë sesa Zlatan Ibrahimovici i Milanit.

“Ibra është më spektakolar, ai kërkon hapësira për të goditur”.

“Klose i sjell më shumë skuadrës, ai punon për skuadrën. Ai është një lojtar i mençur, një lojtar i vërtetë ekipor”, ka thënë Reja për Lazio Style Radio.

Lazio është nikoqir i Milanit në ndeshjen e të mërkurës në Serie A, ndërsa trajneri i ka lëvduar Rossonerët, të cilët i konsideron favoritë.

Lexo më shumë

Si ta merrni vesh kohën e ovulacionit?

Disa gra thjesht e dinë se kanë pasur ovulacionin. Disa gra tjera nuk vërejnë kurrfarë ndryshimi...

Nëse mendoni që të mbeteni shtatzënë “komunikoni” me trupin tuaj dhe kërkoni shenjat natyrale që tregojnë se ovulacioni po afrohet. Këto shenja janë:

• sekreti vaginal shtohet sa më shumë që i afroheni kohës së ovulacionit. Ky sekret është i lëngshëm, i ngjashëm me të bardhën e vesë.
• shtohet libido
• ndjeni një dhimbje të lehtë në njërën anë të barkut

Për të determinuar kohën kur ju duhet t’i keni këto shenja, përdorni kalkulatorin e ovulacionit. Konsultohuni me gjinekologun tuaj për të t’ju sqaruar shenjat e ovulacionit.

Gjinekologët mendojnë se gjasat për të mbetur shtatzënë janë maksimale nëse çifti ka marrëdhënie seksuale 2 ose 3 herë në javë. Këtë provoni për disa muaj dhe pastaj nëse nuk keni sukses bisedoni me gjinekologun. Ai duhet t’ju ndihmojë dhe t’ju tregojë mënyrën se si të detektoni kohën e ovulacionit. 

Lexo më shumë

Pinto: Nuk heqim dorë nga titulli

Portieri i Barcelonës, Jose Pinto, ka deklaruar se gara për titullin e Kampionatit spanjoll është duke vazhduar dhe Blaugranët nuk dorëzohen për asgjë.

Katalunasit kanë mbetur shtatë pikë prapa Real Madridit në tabelën e La Ligas, ndërsa shumëkush mendon se titulli tashmë u takon Mbretërve.

“Mesazhi që vjen nga skuadra është mesazh i vetëbesimit. Ne kemi shumë pakëz hapësirë për gabime, por ne nuk dorëzohemi nga asgjë”, ka deklaruar portieri i dytë i Barcës për faqen zyrtare të klubit.

Lexo më shumë

Klum nuk e heq unazën e martesës

Manekinia e famshme, Heidi Klum, është paraqitur në publik, për herë të parë pasi u përhap lajmi rreth ndarjes nga këngëtari Seal.

Mirëpo, përkundër njoftimeve, duket se çifti akoma nuk është gati për t’i dhënë fund jetës së përbashkët.

Më herët është parë Seal duke e mbajtur unazën e martesës, ndërsa tani edhe Kluim është shfaqur me unazën në gisht.

“Ne nuk po shkurorëzohemi. Madje as që jemi ndarë, vetëm se jemi larguar pakëz”, pati deklaruar Seal, duke shtuar se nuk është i sigurt nëse do të kthehen sërish bashkë. 

Lexo më shumë

Me kritika pozitive nis seriali “Kombinati”

Seriali “Kombinati” që ka nisur mbrëmë në platformën kabllovike të rrjetit “Kujtesa”, është një komedi e cila vë në thumb të kritikës, nëpërmes humorit të hollë, problemet që përcjellin ndërmarrjet shoqërore në vend. Aty, ku gati secili është njëfarë shefi, dhe ku askush nuk çan kokën për ndërmarrjen duke tentuar që secili të përfitoj personalisht sa më shumë.

Në një ambient pune, pothuajse të viteve të 80-ta të shekullit të kaluar, aktorët e serialit më të ri vendor, në mënyrë komike trajtojnë fatin e keq të ndërmarrjeve shoqërore në Kosovë.

Ky serial që do të shfaqet çdo të diel në K-Channel, ka nisur premierën mbrëmë, ndërsa menjëherë ka pasur edhe reagime pozitive sa i përket lojës së artorëve, temës që ata trajtojnë por në veçanti falënderime për kompaninë Kujtesa e cila mblodhi një gamë të çmuar të aktorëve kosovarë për të realizuar një serial vendor dhe shfaqur atë para publikut.

Ky serial, do të ketë disa edicione, ndërsa në edicionin e saj të parë do të ketë 40 episode. Ai është pjesë e produksionit ‘Isstra Creative Factory’, me autor dhe producentë ekzekutivë Shkumbin Istrefi e Mentor Shala, i cili është edhe regjisor, me asistencë regjie të Blerta Basholli, njëherësh edhe bashkëskenariste me aktorin Armond Morina.

Ndër emrat më të veçuar të këtij seriali, janë Armond Morina, i cili luan në rolin e Shaqës, si zëvendësdrejtor i ndërmarrjes, një burrë manipulues, i cili shfrytëzon asetet e firmës për përfitime private.

Yllka Gashi luan në rolin e Shehides, porse bëhet shumë nervoz nëse ndokush e thërret në emër, pasi bukuroshja preferon që ta quajnë Sheki. Ajo është një zyrtare e lartë për fotokopje. Sheki, ka hyrë në punë me mbështetje politike, vjen në punë kur t’i teket dhe nuk i jep llogari askujt. Është thellësisht e preokupuar me dukjen e saj.

Ilir Prapashtica, është shoferi dhe miku i madh i Shaqës. Në rolin e Zeqës, ai luan një tip poltroni i cili ushtron autoritet në ata që i ka nën të dhe i nënshtrohet atyre që kanë fuqi.
Luan Jaha, luan rolin e Fahriut. Një portier i Kombinatit, një fshatar i cili e ka lëshuar banesën e tij në Prishtinë me qira dhe jeton në kioskën e portës. Ky e ka një kushëri të fortë politikisht dhe askush nuk guxon t’ia prishë.

Aktorja e madhe Leze Qena, luan në rolin e Dadës. Një pastruese e Kombinatit, dikur (gjatë kohës së ish-Jugosllavisë) grua e fortë. Problemin kryesor e ka me e “rehatuar” vajzën e saj Tinën. E menaxhon edhe bufenë e Kombinatit, bashkë me vajzën.

Valina Muçolli luan rolin e vajzës së Dadës, pra kjo është Tina një vajzë “darkerkë“ që nuk pajtohet me kriteret e kohës, luftën për ekzistencë, turbofolkun, etj.

Ylber Bardhi, është djali i Masarit (komercialistit të dikurshëm të Kombinatit). Ai luan rolin e Fidanit, dhe vjen në Kombinat, si zakonisht, me të njohshëm, por pasi ka përfunduar studimet në Tiranë. Babai i tij Masari, ia “trashëgon“ vendin e punës, pa dëshirën e tij. Meqenëse është i rritur në mentalitet ku prindi vendos për fatin e tij, ai “duhet“ t’i nënshtrohet.

Në këtë serial, i cili do të transmetohet çdo të diel, luajnë edhe shumë aktorë tjerë, ndërsa herë pas here do të ketë edhe prurje të reja.

Lexo më shumë