Nuk kanë thënë badihava se njeriu sheh me mend...
Kjo femër, teksa ishte e përqendruar në mesazhin që ia shkruante të dashurit e saj, nuk sheh çfarë ka para vetes dhe... bie në një kanal me ujë.Kujdes kur shkruani mesazhe! (Video)
Nuk kanë thënë badihava se njeriu sheh me mend...
Kjo femër, teksa ishte e përqendruar në mesazhin që ia shkruante të dashurit e saj, nuk sheh çfarë ka para vetes dhe... bie në një kanal me ujë.
As mizat nuk e lënë rehat Obaman (Video)
Presidenti i Shteteve të Bashkuara të Amerikës, Barack Obama, është shumë i angazhuar në disa fronte pas zgjedhjes, por duket se pos njerëzve edhe speciet tjera nuk po e lënë të qetë...
Gjatë një konference për shtyp, Barack Obama u shqetësua tej mase nga një mizë, e cila vërtitej përreth tij dhe e shpërqëndroi.
Miza mund ta ketë arritur qëllimin e vet, të bëhet pjesë e rubrikës tonë ‘fun’ dhe të jetë hit nëpër gjithë botën, por kush e di se sa persona kanë fluturar nga puna e tyre prej Shtëpisë së Bardhë...
Mbi 200 milionë telefona të mençur shiten për vetëm 3 muaj!
Ditëve të fundit kemi parë shumë prezantime të rezultateve financiare të kompanive si Apple, Nokia dhe Samsung të cilat i kanë zbuluar të dhënat e tyre të shitjeve për tre muajt e fundit të vitit 2012.
Tani, sipas një raporti të fundit të publikuar nga Juniper Research thuhet se totali i telefonave të mençur të shitur për tremujorin e katërt të 2012 ka tejkaluar shifrën prej 200 milionë njësive.
Ndërsa, sipas analistëve të Juniper Research thuhet se totali i telefonave të mençur të shitur për tërë vitin e tejkalon shifrën masive prej 671 milionë, që paraqet një rritje prej 42 për qind në krahasim me periudhën e njëjtë të vitit të kaluar.
Samsung ka vazhduar rritjen e saj fenomenale me një rekord prej 63 milionë telefona të shitur, sasi me të cilën kompania merr 30 për qind të totalit të përgjithshëm, për tre muajt e fundit.
Kësaj rritje marramendëse të telefonave të shitur gjithsesi se i ka kontribuar Samsung Galaxy S3, shitjet e të cilit kanë arritur në 40 milionë në nëntor të vitit të kaluar.
Shitjet e telefonave të mençur mobil pritet të rriten edhe më tej gjatë këtij viti, pasi që prodhues të ndryshëm pritet të prezantojnë modele të avancuar të telefonave, duke përfshirë edhe Apple iPhone 5S dhe Galaxy S4.
Cilin model jeni bërë gati për ta blerë ju?
Anonymous i shpall “luftë” Qeverisë Amerikane
Grupi i “hack-tivistëve” të Anonymous sot ka hakuar faqen federale të internetit e cila shqipton dënimet gjyqësore, të cilën e kanë përdorur për të bërë një deklaratë të egër dhe të guximshme e cila i shpall "luftë" qeverisë amerikane.
Grupi pretendon se kodet misterioze të “luftës” janë emëruar për secilin prej Gjyqtarëve të Gjykatës Supreme, dhe janë gati për t'u vendosur.
Deklarata hapet me një vajtim për Aaron Sëartz, programues Reddit dhe aktivist i cili ka kryer vetëvrasje në Internet më parë këtë muaj. Hakmarrje premtuese për trajtimin e tij në duart e një prokuror federal, të veers mallë në disa nga më të inflamator - guxoj të themi hiperbolike - gjuha që ne kemi parë në një faqe të thjeshtë hack përpara.
Në mesnatë, sipas zonës kohore të Paqësorit, ballina e faqes Ussc.gov – agjencisë federale e cila krijon politika dhe praktika të dënimeve për gjykatat federale është mbushur me një fjalim të gjatë me prapavijë të gjelbërt në të zezë dhe bashkë me të është vendosur edhe një video e ngarkuar në YouTube.
Besohet se deklarata vjen pas vetëvrasjes së aktivisitit të njohur të internetit, Aaron Swartz, ish themeluesit të Reddit, për të cilin Anonymous thuhet se janë duke u hakmarrë.
Aktorja e Sherlock Holmes tani edhe në 007
Aktorja Lara Pulver, e cila njihet për rolin e saj në filmin “Sherlock Holmes” ka arritur që të sigurojë rolin e femrës shoqëruese të James Bond në katër seritë e radhës të këtij filmi.
Në filmin që do të lansohet në fund të këtij viti pritet të jetë edhe Dominic Cooper, ndërsa vet bukuroshja brune shprehet shumë e kënaqur me rolin.
“Jam e ngazëllyer me rolin e ri. Kjo më bën të ndihem prej femrave më të fuqishme në botë”, ka thënë Pulver.
Çiljeta edhe pas shtatzënisë me PD-në
Këngëtarja shqiptare, Çiljeta Xhilaga, e cila është në ditët e fundit të shtatzënisë së saj, ka thënë se përkundër faktit se do të bëhet nënë dhe se nuk do të ketë kohë për shumë gjëra, ajo nuk do të mbajë larg vëmendjen nga politika.
Ishte besuar se ajo do të mund të merrte një pushim të gjatë larg nga skena muzikore dhe politike, por është bukuroshja që ka paralajmëruar pjesëmarrjen e saj në Partinë Demokratike edhe gjatë kësaj periudhe për shkak se është një vit elektoral dhe se fushata ka filluar.
“Në maj do të lansoj klipin e ri dhe do të ndjek të gjitha angazhimet e mia në PD. Nuk mund të qëndroj larg”, ka thënë Çili për mediat shqiptare.
Rihanna, reklamë në plazhin e Barbados (Foto)
Pop ylli botëror, Rihanna, është kthyer në venlindjen e saj Barbados, por vetëm për të xhiruar një reklamë të re.
Ylli shfaqet në plazhin e Barbados me rroba të lehta të banjos, tejet natyrale dhe seksi.
Në reklamën që ka për qëllim tërheqjen e turistëve nga anë e mbanë bota në Barbaods, Rihanna shihet duke qëndruar në plazh ashtu si te pranë njërit prej kuajve.
Rihanna së fundmi lansoi albumin e saj “Unapologetic” që theu shumë rekorde nëpër top listat amerikane.
Milani dorëzohet për Kakan dhe Drogban
Zëvëndëspresidenti i Milanit, Adriano Galliani, ka konfirmuar se ai nuk po punon më me drejtorët në transferimin e Leite Kakas dhe Didier Drogbas.
Rossonerët kanë qenë në bisedime intensive për Kakan, por marrëveshja nuk u arrit kurrë për shkak të aspekteve financiare.
Vet Mourinho deklaroi dje se do të ishte mirë që Kaka të kalonte te Milani, por Galliani e hedh poshtë një mundësi të tillë.
“Nuk ka mundësi që të transferohet Kaka, ne nuk po punojmë më në këtë drejtim. Njëjtë është edhe për Drogban. Tani për tani, jemi duke qëndruar kështu si jemi. Genoa? Ne nuk kemi biseduar për Mattia Perin”, është shprehur Galliani të premtën mbrëma për Sky Sport Italia.
Milani ballafaqohet me Barcelonën në shkurt dhe në rast se nuk transferon ndonjë fytyrë prominente në sulm, atëherë gjasat Rossonere për kualifikim përtej Barcelonës do të jenë maksimalisht minimale.
Mancini: Nuk kam ekip
Menaxheri i Manchester Cityt, Rboerto Mancini, thotë se ai nuk ka lojtarë të mjaftueshëm dhe se do të jetë e vështirë që të bëhen transfere për kohën e mbetur gjatë janarit.
Manchester City ende nuk ka bërë asnjë transfer, që është mjaft e pazakontë për klubin që zakonisht zë kryetitujt e lajmeve për transfere gjatë afateve kalimtare.
“Unë nuk e di, por ne nuk kemi lojtarë të mjaftueshëm. Është vështirë të vijë ndonjë lojtar. Tani kemi 18 lojtarë. Ne nuk mund të shesim më”, është shprehur Mancini.
Neuer: Ende rrugë e gjatë për Bayernin
Portieri i Bayernit të Munichut, Manuel Neuer, thotë se klubi nuk mund të lejojë që të humbasë fokusin në pjesën e mbetur të sezonit pasi beson se ata ende nuk kanë fituar asgjë.
“Problemi është se ne jemi vetëm në gjysmë të sezonit. Ne duhet të jemi shumë të qetë dhe gjithmonë të kujtojmë se kemi edhe një rrugë të gjatë para vetes”.
“Gjërat mund të ndryshojnë shpejt: Ju shpesh e humbisni ndeshjen fatkeqësisht, ashtu sikurse në humbjen ndaj Leverkusenit në vjeshtë. Por, ne duhet të jemi më të përqëndruar dhe të kujtojmë se nuk kemi fituar ende asgjë”, ka thënë Neuer.
Ferguson: FA është kundër meje
Menaxheri i Manchester United, Sir Alex Ferguson, ka refuzuar të hedhë poshtë mundësinë se mund të dënohet nga FA pas komenteve të bëra për gjyqtarin e ndeshjes ndaj Tottenhamit, Simon Beck.
Ferguson kishte bërë një deklaratë thumbuese pas ndeshjesa ndaj Tottenhamit, që përfundoi me barazim në momentet e fundit të kohës së shtesë.
“Unë nuk do të kisha vënë bast në këtë ndeshje”, kishte thënë Ferguson pas ndeshes, duke aluduar se gjyqtari mund të ketë vënë ndonjë skedinë.
“Mendoj se më shumë FA do të më dënojë pse jam i tillë dhe jo për atë që kam thënë. Është e padrejt dhe kur është e padrejt unë e shprehi mendimin tim. Ata do të më dënojnë vetëm pse jam Sir Alex”, ka thënë Ferguson.
Lopez: Rikthimi te Reali, ëndrra ime
Transferi i ri i Real Madridit, Diego Lopez, nuk ka mundur të fshehë kënaqësinë e tij pas rikthimit të tij te klubi ku është rritur.
Diego Lopez shtatë vjet ishte pjesë e akademisë së Realit, para se të kalonte te Villarreali dhe Sevilla, ndërsa rikthimin te klubi i fëmijërisë e konsideron si ëndërr të bërë realitet.
“Është një ëndërr të rikthehem në shtëpi. Marrëveshja u arrit shumë shpejt dhe jam i kënaqur që do të rikthehem në shtëpinë time”.
“Për një madrilen sikurse që jam unë, rikthimi te Real Madridi është gjëja më e mirë që ka mundur të më ndodhë në karrierë. Mezi pres të filloj sfidën e re”, ka thënë Lopez.
Diego Lopez pritet të debutojë të mërkurën në El Clasico ndaj Barcelonës.
Xavi: Duhet të jemi më efektiv
Mesfushori i Barcelonës, Xavi, thotë se katalanasit duhet të jenë më efektiv para golit nëse dëshirojnë të jenë të suksesshëm këtë sezon.
Blaugranët kanë shënuar tashmë 100 gola në të gjitha garat këtë sezon, por Xavi thotë se Barca duhet të përmirësohet.
“Ne duhet që të jemi edhe më efektiv para golit. Mendoj se ne jemi në një nivel shumë të mirë dhe po kënaqemi me rezultatet. Ne jemi në formë të mirë dhe atmosfera në zhveshtore është e mirë, ndërsa kjo reflektohet në fushë. Jemi mësuar të fitojmë dhe dhemb kur humbasim”, ka thënë Xavi.
Juventusi transferon Anelkan?
Juventusi besohet se ka arritur marrëveshje me Shanghai Shenhuan për transferimin e sulmuesit, Nicolas Anelka.
Zonja e Vjetër ka qenë që një kohë të gjatë në kërkim të një sulmuesi klasi botëror dhe pas transferimit të Llorentes, cili do të luajë vetëm nga sezoni i ardhshëm, është Anelka ai që sipas Goal do të luajë për Juven deri në fund të sezonit.
Juventusi ka qenë i interesuar edhe për Didier Drogban, por si duket ka vendosur që ta angazhojë një prej futbollistin që ka ndërruar më së shumti klube.
Pizarro: Ky është Bayerni më mirë në histori
Sulmuesi i Bayernit të Munichut, Claudio Pizzaro, ka thënë se ekipi aktual bavarez është më i miri në histori të klubit dhe po shpreson që ata të triumfojnë në të gjitha garat këtë sezon.
“A është ky Bayerni më i mirë në histori të klubit? Po, besoj që po. Unë do të thosha se ka pasur ekipe të mira në vitin 2003 dhe 2005, por ky ekip është shumë më cilësor”.
“Unë e kam parë cilësinë në këtë ekip edhe kur jam bashkuar gjatë verës. Mendoj se tani mund të fitojmë të gjithë trofet jo vetëm këtë sezon, por edhe sezonet e ardhshme”, është shprehur Pizzarro.
Mourinho: Kaka, kurrë nuk ishte Kaka te Reali
Trajneri i Real Madridit, Jose Mourinho, ka thënë se Kaka kurrë nuk ka qenë në formën e tij më të mirë te klubi nga Santiago Bernabeu.
Braziliani është shumë pranë largimit dhe Mourinho thotë se Kaka nuk ka arritur të lë gjurmë në fanellën e Real Madridit.
“Te Real Madridi ne kurrë nuk e kemi parë Kakan e vërtetë. Ai duhet të jetë i lumtur dhe Milani mund të jetë një zgjidhje e mirë, por ai është lojtar i Real Madridit”, ka theksuar Mourinho.
Giggs dëshiron ta fitojë FA Cup
Legjenda e Manchester United, Ryan Giggs, ka deklaruar se ai dëshiron ta fitojë FA Cup me klubin, përkundër faktit se ka fituar shumë trofe deri tani.
Manchester United takohet me Fulhamin për një vend në rrethin tjetër në FA Cup dhe është Giggs ai që u shpreh se dëshiron ta fitojë trofeun pa nënvlerësuar kundërshtarët.
“Fitimi i FA Cup për herë të parë është një prej kujtimeve më të bukura të mia si lojtar”.
“Gara ishte e madhe për mua dhe unë isha ende një lojtar i ri që kërkoi ta fitonte atë. Nuk ka ndryshuar as tani, pasi dua ta fitoj përsëri trofeun”, është shprehur Giggs.
UEFA konfirmon, Euro 2020 në 13 vende
UEFA ka bërë të ditur se kampionati evropian, Euro 2020 do të mbahet në 13 qytete të ndryshme të Evropës.
Michel Platini ka mbajtur një konferencë të premtën pasdite që konfirmoi aludimet e mëparshme që UEFA dëshiron që të organizojë kampionatin në qytetet të ndryshme për të përfshirë komunitete dhe popuj të ndryshme.
Do të ketë maksimum nga një stadium për secilën kombëtare dhe do të ketë specifikime teknike të vequara për stadiumet e caktuara.
13 vendet që do të jenë nikoqire nuk do të kenë statusin e kualifikimit direkt dhe do të duhet t’iu nënshtrohen kualifikimeve në grupe.
Secila federatë ka të drejtë të bëjë nga dy aplikime, një për të pritur fazën grupore dhe një tjetër për fazat finale.
UEFA do të vendosë se cilat qytete do të jenë nikoqire në shtator të vitit 2014.
Në këtë kampionat evropian shumë lehtë mund të jetë nikoqire edhe Tirana, ku pritet të ndërtohet stadiumi ultra modern “Kuq e Zi”.
Blatter: Messi është më i miri në botë
Meshkujt nuk preferojnë femrat këmbëgjata?
Meshkujt të cilët gjenden para zgjedhjes mes femrave, këmbët e të cilave përbëjnë gjysmën e gjatësisë së saj të përgjithshme dhe femrave, këmbët e të cilave janë më të gjata se pjesa tjetër e trupit, pjesa më e madhe zgjedhin ato që janë ndërtuar më proporcionalisht, ka treguar hulumtimi.
Në testimin i cili është kryer me përdorimin e fotografive të femrave me proporcione të ndryshme kanë marrë pjesë një mijë meshkuj dhe femra. Pas shikimit të fotografive meshkujt është dashur të zgjedhin ato që dukeshin më atraktive për ta derisa nga femrat është pritur të përpiqen të parashikojnë se çfarë do të zgjedhin meshkujt.
Rezultatet kanë qenë mjaft befasuese, veçanërisht për femrat të cilat më shumë kanë menduar se meshkujve do t'u pëlqejnë femrat me këmbë të gjata, por ata në masë të madhe kanë zgjedhur femrat me konstruksion proporcional. Të befasuar kanë qenë edhe hulumtuesit e Universiteti londinez Westminster ku është kryer testimi. Ata kanë konsideruar që këmbët e gjata të femrave në sytë e meshkujve gjithmonë konsiderohen tregues të shëndetit të mirë dhe pamjes tërheqëse.
Edhe pse nuk mund vërtetojnë me siguri se cili është shkaku i rrëzimit të këtij miti, hulumtuesit dyshojnë që bëhet fjalë për frikën e nënvetëdijshme nga ekstremet, respektivisht devijimit nga mesatarja. Si shembull përmendet mendimi që femrat me këmbët e gjata, të cilat zakonisht kanë ije të ngushta, mund të kenë probleme në shtatzëni dhe lindje, dhe pasi për tërheqjen seksuale burimi kryesor është instinkti për riprodhim, konsiderohet që ky mund të jetë elementi kyç i cili ka meritë për rezultatet e tilla të papritura. 
A mund të shërojë hudhra ftohjen dhe gripin?
Në sezonin e teshtimave dhe kollitjeve, shumë thirren në fuqitë çudibërëse të hudhrës për të cilën përgjatë historisë është besuar që shëron infeksionet, ndërsa është vërtetuar që ka veçori të forta antioksidante, ndikon mirë në imunitet, përmirëson qarkullimin e gjakut, redukton kolesterolin. Por çështja është se a mund të shërojë gripin dhe ftohjen.
Në folklor besohet edhe që mbron na vampirët, por me siguri edhe të dashurit tanë i mban të paktën një metër larg. Por a mund të na mbrojë nga ftohja gripi, apo madje edhe supa e përgatitur nga 50 grimca hudhre?
Në sezonin e teshtimave dhe kollitjeve, hudhra është ushqim i lavdëruar për të cilin besohet që ka fuqinë të ndalë viruset, ndërsa reputacionin e luftëtarit kundër infeksioneve e ka marrë duke iu falënderuar alicinës, një nga përbërësit e saj. "Ky kompozim kimik njihet për një kohë të gjatë për veçoritë e veta antibakteriale dhe fungicidale", tha Helen Bond, zëdhënëse e British Dietetic Association. "Për këtë arsye njerëzit supozojnë që hudhra mund të"forcojë" sistemin e imunitetit. Shumë njerëz thjesht e grimcojnë hudhrën, e përzien me vaj ulliri dhe e lyejnë bukën. Por si ndihmon hudhra dhe a ndihmon fare, nuk është dëshmuar ende."
Shkencëtarët janë të ndarë rreth qëndrimit nëse hudhra ka fuqinë për të luftuar kundër ftohjes dhe gripit. Studimi i fundit ka vërtetuar që konsumimi i rritur i hudhrës gjatë dimrit mund të reduktojë zgjatjen e simptomave të ftohjes. Problemi është që kompanitë farmaceutike për momentin nuk janë të interesuara për investimin e parave për hulumtime të shtrenjta të hudhrës, sepse nuk ka asgjë në atë që mund të patentojnë dhe shesin.
Hudhra ka reputacion të gjatë si ilaç çudibërës. Egjiptianët e lashtë e kanë rekomanduar si ilaç për 22 sëmundje. Në një dokument të vjetër 1500 vjet para Krishtit shkruan se si skllevërit që kanë ndërtuar piramidat kanë ngrënë hudhër për të rritur qëndrueshmërinë dhe shëndetin. Grekët e vjetër me hudhër kanë shëruar infeksionet, sëmundjet e mushkërive dhe gjakut, pickimet e insekteve, madje edhe leprozën. Romakët me hudhër kanë ushqyer ushtarët dhe marinarët për të përmirësuar qëndrueshmërinë e tyre. Dioskoridi, mjeku personal i perandorit Neron, ka shkruar studimin në të cilin lartëson fuqinë e hudhrës. Por tek në vitin 1858 shkencëtari francez Louis Pasteur ka zbuluar që hudhra vret bakteret.
Pasi që kishte vendosur hudhrën në një enë të mbushur me baktere, Pasteur ka vërtetuar që rreth çdo cope është formuar zonë pa baktere.
Tuna punët keq edhe me policinë
Altuna Sejdiu - Tuna ka shfrytëzuar faqen e saj zyrtare për të kritikuar policinë shqiptare.
Pasi ka vizituar qytetin e bukur të Shkodrës, ku do të performonte në një koncert, këngëtarja është dashur të përballet me policinë e këtij qyteti.
Edhe pse ende nuk dihet se çfarë ka ndodhur saktësisht, Tuna ka përdorë faqen e saj zyrtare në “Twitter” për të lëshuar akuzë korrupsioni për policinë shqiptare.
“Sidoqoftë, e ‘e nderuara’ polici shqiptare, korruptoni pak me shije edhe lezet se lat NAM”, ka shkruar shkupjania në faqen e saj.
Tuna për momentin është duke qëndruar në Shqipëri, për shkak të angazhimit të saj si pjesëtare e jurisë në shoun muzikor “X Factor”. 
Rita Ora: Kosova, fokusi im
Rita Ora në një intervistë për mediat e huaja ka theksuar që i gjithë fokusi i saj në karrierë është Kosova.
Këngëtarja shqiptare me krenari po e përfaqëson Kosovën në çdo eveniment, dhe thotë se i gjithë inspirimi për të vazhduar më tej me suksesin e saj vjen nga vendlindja.
“Unë mendoj se kjo nuk është e rëndësishme vetëm për mua, por e rëndësishme për tërë botën, për të kuptuar se kur një vend si Kosova është i varfër dhe askush nuk është duke bërë diçka në lidhje me këtë, nëse ju mund të bëheni zëri i atij vendi, atëherë duhet ta bëni atë. Ky është edhe fokusi im kryesor për vitin 2013”, ka theksuar kosovarja.
Dafina Zeqiri me profesion të ri?
Dafina Zeqiri ka zgjedhur të merret pak edhe me modën, pasi që një kohë të gjatë e ka pasur pasion.
Këngëtarja e cila gjithmonë veçohet për stilin e saj dhe dukjen që çdo herë sjell risi në treg, ka vendosur t’i ndihmojë paksa shoqes së saj, kreatores personale të saj Lia Stublla.
Lia është duke përfunduar koleksionin e saj më të ri i cili do të shpaloset shumë shpejt, e siç duket aty ka punuar edhe Dafina me idetë e saj.
Koleksioni pritet të shfaqet muajin tjetër, dhe pritet të shohim se çfarë ka krijuar ylli shqiptar. 
Edona Llalloshi së shpejti me klip të ri (Video)
Këngëtarja shqiptare, Edona Llalloshi, së shpejti pritet të rikthehet në skenën e muzikës tonë dhe atë me një videoklip, një pjesë të punimeve të të cilit ajo tashmë i ka zbuluar.
Kënga “Le T’folin” e punuar nga Dj Nardi me tekst të Tonit dhe Xhinxhës e me aranzhman të Rock Cityt, do të lansohet së shpejti, ndërsa EmfCreative ka publikuar një video të shkurtër të punëve në këtë videoklip.
Videoklipi duket se do të jetë me tematikë fantastiko-shkencore, nën tingujt e muzikës ‘techno’ të tekstit mjaft interesante të kësaj kënge që rikthen në skenë Edonën.
Busquets: Duam të fitojmë gjithçka
Mesfushori i Barcelonës, Sergio Busquets, ka thënë se katalunasit duan të fitojnë në çdo kompeticion në të cilin konkurrojnë dhe ka thënë se shpreson që të marrin një rezultat pozitiv në El Classico.
Blaugranat e mposhtën Malagan me rezultat përfundimtar 6-4 nga të dyja ndeshjet në Copa del Rey dhe tani do të ndeshen me Real Madridin në gjysmë-finale.
“Duam të fitojmë çdo kompeticion në të cilin konkurrojmë”.
“Do të luajmë ndaj Real Madridit në gjysmë-finale dhe shpresoj që të marrim një rezultat të mirë në ndeshjen e parë. Pastaj, kur të luajmë si vendas, me mbështetjen e tifozëve tanë, shpresojmë që të shkojmë në finale”, ka thënë Sergio.
Sanchez: E ardhmja e Mourinhos as që diskutohet
Mancini: Balotelli nuk largohet
Menaxheri i Manchester Cityt, Roberto Mancini, ka thënë se Mario Balotelli nuk do të largohet në afatin kalimtar të janarit dhe ka bërë të qartë se asnjë ofertë nuk ka ardhur në drejtim të sulmuesit.
Kohëve të fundit Milani ishte i interesuar shumë për transferimin e sulmuesit problematik, por këtë hipotezë e hodhi poshtë vetë presidenti i klubit, Silvio Berlusconi, duke thënë se Rossonerët nuk do ta blejnë në janar as Balotellin e as Kakan.
“Nuk është e vërtetë, Mario do të qëndrojë këtu. Nuk kemi pasur asnjë ofertë në drejtim të Marios apo të lojtarëve të tjerë”, ka thënë Mancini.
Ndërsa, burimet e ‘Goal’, tregojnë se agjenti i Balotellit, Mino Raiola, për momentin gjendet në Milan dhe po mundohet të negociojë një marrëveshje me klubin, vetëm se City do të duhej ta ulë çmimin që kërkojnë për të.
AO: Murray mposht Federerin
Andy Murray ka arritur ta mposhtë Roger Federerin për të arritur në finale të turneut të parë të madh të vitit në tenis, Australian Open.
Britaniku, i renditur I treti në botë, fitoi në pesë sete (6-4, 6-7, 6-3, 6-7, 6-2) ndaj të dytit të renditur, në ndeshjen e cila zgjati saktësisht katër orë. Ai në finale do të takohet me të parin në botë, serbin Novak Djokovic.
Murray kurrë nuk e kishte mposhtur Federerin në një Grand Slam turne, dhe humbi ndaj zviceranit në US Open 2008, Australian Open 2010 dhe në Wimbledon të vitit të kalaur, por arriti të hakmerret në takimin e sotëm.
Në finalen e femrave do të takohen kinezja Li Na dhe bjellorusja Victoria Azarenka. Finalja e meshkujve do të zhvillohet të dielën, ndërsa ajo e femrave të shtunën.
Macheda i ngazëllyer me kalimin te Stuttgart
Sulmuesi i Manchester United, Federico Macheda, është i ngazëllyer me huazimin e tij te Stuttgart.
Huazimi te Sampdoria dhe QPR, që të dy u treguan zhgënjyese për të, dhe tash italiani pret të fillojë karrierën e tij në Gjermani, pasi ka kaluar testet mjekësore.
“E kam ndjekur Bundesligën dhe sigurisht e njoh Stuttgartin. Jam i ngazëllyer që jam në gjendje të luaj për ta tash. Tash duhet t’i njoh bashkëlojtarët dhe të adaptohem, pasi kemi edhe shumë ndeshje të interesuara në tre gara që vijnë”, ka thënë Macheda.
NBA: Anthony i pandashëm nga Celtics
Carmelo Anthony ishte i pandashëm derisa New York Knicks i dhanë fund 11 disfatave radhazi në Boston për të shënuar fitore 89-86 ndaj Celtics.
Anthony udhëhoqi me 28 pikë për Knicks, derisa Amar'e Stoudemire, Jason Kidd dhe Iman Shumpert, të tre arritën pikë dyshifrore për t’i mbajtur Knicks (26 fitore dhe 14 disfata) në krye të Divizionit Atlantik të Koncerencës Lindore.
Rajon Rondo, shënoi 23 pikë, 10 kërcime dhe 11 asistime, derisa Paul Pierce kontribuoi me 22 pikë për Celtics (20 fitore, 22 disfata).
Cech: Chelseat i duhet qëndrueshmëri
Portieri i Chelseat, Petr Cech, thotë se ata duhet të gjejnë një qëndrueshmëri më të madhe.
“Ne duam t’ia dalim më mirë, kjo është e qartë. Ne kemi pasur një fillim të mirë të sezonit, por pastaj ishte Superkupa ku ne nuk i shfrytëzuam shanset, që ishte një befasi e madhe, dhe pastaj gjithçka shkoi teposhtë”.
“Kjo përfundoi me ndërrim të menaxherit dhe pastaj ne u ngritëm sërish. Dukej sikur ne u kthyem në rrugë, por ne pësuam një rënie tjetër. Është e qartë se ne duhet të jemi më të qëndrueshëm”, ka thënë Cech për London Evening Standard.
Samsung Galaxy S4 me teknologji të avancuar si Eye Scroll dhe Eye Pause?
Deri më sot është folur jashtëzakonisht shumë për modelin e ri të telefonit të Samsung, Galaxy S4, ndërsa tani janë zbuluar edhe disa tipare të reja të telefonit të cilat nënkuptojnë se ky model do të vijë me teknologji të cilat nuk gjenden në asnjë model tjetër.
Së fundmi, Samsung ka dorëzuar edhe dy patenta të reja në Evropë, dhe që të dyja hyjnë në domenin e aplikacioneve softuerike për telefonat e mençur, tabletët dhe kompjuterët. Më saktësisht bëhet fjalë për teknologjinë e quajtur Eye Scroll (rrëshqitje, komandë me sy) dhe Eye Pause (pauzimi përmes syrit).
Në kërkesën për patenta të cilat Samsung i ka dorëzuar në Bashkimin Evropian nuk specifikohet mënyra apo forma e përdorimit të tyre.
Megjithatë, spekulimet e fundit thonë se Samsung do t’i përdor këto teknologji të reja në Samsung Galaxy S4. Për shembull, Eye Pause do t'i mundësojë përdoruesit që gjatë shikimit të një video të largojë sytë nga ekrani dhe me siguri se video do të ndërpritet derisa ai t’i kthejë sytë prapë nga ekrani.
Ndërsa me Eye Scroll përdoruesit do të mund të shfletojnë online dhe të rrëshqasin me sy lartë e poshtë nëpër shfletues, apo të kalojnë në faqen tjetër.
Natyrisht, të dyja këto teknologji të reja ende pritet të konfirmohen nga Samsung mirëpo ajo që dihet tashmë është se Samsung do të zbulojë një model të avancuar të telefonit të mençur, me të cilin me siguri se do të arrijë rekorde të reja të shitjes.
Panxhari ruan zemrën dhe ngadalëson plakjen
I pasur me minerale, karbohidrate, yndyrë dhe proteina panxhari është shumë i shëndetshëm. Përdoret si në kuzhinë, po ashtu edhe në mjekësinë bashkëkohore.
Ndikimi i tij është parandalimi i shfaqjes së tumoreve dhe shërimi i leukemisë. Ndihmon edhe në rregullimin e shtypjes së gjakut, ndërsa pozitivisht ndikon edhe në nerva dhe punën e trurit, nxit punën e lukthit, zorrëve dhe idhcës.
Hulumtimet e deritanishme kanë treguar se nitratet në panxhar në masë të madhe ulin shtypjen e gjakut, e në këtë mënyrë edhe ndikojnë në parandalimin e shfaqjes së sëmundjeve të zemrës, infarktit dhe sëmundjet e veshkave.
Mjafton të konsumon i 250 ml lëng panxhari për ta nxitur qarkullimin nëpër enët e gjakut nëpër tru, duke pakësuar rrezikun nga demenca dhe plakja.
Shkaku i dobive, panxharin shpeshherë. mjekët e quajnë edhe si aspirinë natyrale. Lëngu nga panxhari rrit dhe forcon qarkullimin e gjakut, ndërsa nitratet nga ajo zgjerojnë enët e gjakut, duke përmirësuar gjendjen e përgjithshme të organizmit.
Gjatë intervistës për punë, mos flisni keq për ish-shefin tuaj!
Nëse punëdhënësi ju pyet pse konkurroni për atë vend të punës, mos thoni se ikni nga ish-drejtori, sepse kështu dukeni kandidat jo i pjekur.
Pas një dite të tërë bisede me konkurruesit, ka shumë mundësi që punëdhënësi t'i harrojë shumicën e njerëzve, prandaj juve ju mbetet që të bini në sy me gjëra të imta.
Nga ju pritet që të jeni simpatike, prandaj fillojeni bisedën formale rreth motit, apo tregojeni ndonjë barsoletë të lehtë. Mund edhe t'i keni kualifikimet më të mira, por në intervistë për punë, punëdhënësi kërkon diçka më shumë. Për shembull, mund t'i thoni se një projekt me rëndësi në vendin paraprak të punës e keni kryer për një kohë përgjysmë me të shkurtër, sesa që është pritur nga ju, apo bisedoni rreth ndonjë hobi të jashtëzakonshëm.
Kini kujdes që të mos bini në sy për gjëra negative. Kurrë nuk duhet të bisedoni rreth mosmarrëveshjeve me ish-shefin, sikur që nuk duhet as të flisni keq për ish-kolegët e punës.
Punëdhënësi e di se ju e keni lënë punën paraprake për një arsye, por atij më shumë i intereson pse e doni mu atë punë tani. Në një rast të tillë nuk duhet të thoni se arsyeja e ndërrimit të vendit të punës është se ikni nga ish-shefi, meqë asnjë punëdhënësi nuk i pëlqejnë punëtorët që flasin keq për shefin e tyre.
Përvjetori i pavarësisë së Kosovës, pa Rita Orën
Rita Ora nuk do të mbajë koncert në Prishtinë, për shkak të turneut të saj në Angli, dhe projekteve tjera të cilat ajo është e angazhuar gjatë gjithë vitit.
Edhe pse ajo ka pohuar që një ditë, kurdo që të jetë ajo, me shumë dëshirë dhe krenari do të mbajë një koncert në vendlindjen e saj, por data nuk dihet.
Edhe pse në mediat tona filloi të qarkullojë lajmi se kosovarja do të jetë e pranishme në Prishtinë për 5 vjetorin e pavarësisë, ky lajm u demantua nga Ministri i kulturës dhe sporteve Memli Krasniqi, dhe nga burime të afërta të Telegrafit.
Siç shkruan Koha.net, Memli ka demantuar lajmin se Rita Ora do të jetë në Prishtinë për këtë përvjetor, ndërsa burimet e afërta me yllin botëror, poashtu demantojnë se Rita do të jetë këtu. Sipas këtij burimi, Rita ka thënë që nëse gjithçka shkon sipas planeve të saj, do të mund të gjejë kohë në agjendën e stërmbushur, por jo diçka konkrete dhe të saktë.
Kosovarja për momentin është duke pregaditur turneun e saj të parë në Angli, i cili do të nisë për pak ditë.
Knowles: Të qenit nënë, më ka bërë më seksi
Beyonce Knowles thotë se të qenit nënë e bërë atë të ndjehet më seksi se kurrë më parë.
Këngëtarja, e cila në janarin e vitit të kaluar (tash një vit) mirëpriti vajzën Blue Ivy Carter, fëmijën e parë të saj me burrin Jay-Z, ka zbuluar se vajza mes tjerash ka përmirësuar edhe jetën e saj seksuale.
“Lindja më ka bërë të kuptoj fuqinë e të qenit femër. Unë kam shumë më shumë substancë në jetën time. Dhe të shpreh ngazëllimin dhe senzualitetin dhe lidhjen që kam me burrin – jam shumë më komforte tash. Në fakt ndjehem sikur fëmija më ka njoftuar me veten”.
“Kam qenë e pavarur para se të takoj burrin, dhe ne kemi një joshje natyrale dhe një lidhje të përkryer, dhe kjo është e bazuar në gjërat në të cilat supozohet të bazohet një lidhje”, ka thënë Beyonce.
Rita Ora ndihmon fëmijët në nevojë
Rita Ora ka bërë publik lajmin se ajo gjatë këtij viti do të punoj me organizatën Unicef, për t’i dal në ndihmë fëmijëve në nevojë.
Kosovarja, e cila po tregohet një ambasadore e shqiptarëve në botë, po shkëlqen edhe më shumë me hapin e radhës që ka vendosur ta bëjë.
Rita ka filluar të punojë me organizatën Unicef, dhe misioni i yllit për këtë vit është t’u dalë në ndihmë të gjithë fëmijëve të cilën janë në nevojë të madhe për ndihmë, anembanë botës.
Në disa intervista kohë më parë, është përmendur plani i saj, por asgjë nuk ka pasur konkrete nga ana e Ritës deri tash.
Në rrjetin social “Twitter”, Rita tash ka publikuar lajmin se ajo këtë vit do të jetë pjesë e këtij projekti i cili ka logon “IF”, e që do të thotë “ushqim të mjaftueshëm për të gjithë”.
Stramaccioni: Sfida është ende e hapur
Trajneri i Interit, Andrea Stramaccioni, ka insistuar se ekipi i tij ende mund ta arrijë finalen e Kupës së Italisë, edhe pse u mposhtën të martën në Olimpico nga Roma me rezultat 2-1.
“Më duhet ta uroj Romën. Ata e siguruan fitoren në pjesën e parë, por sfida është ende e hapur”.
“Në përgjithësi jam i kënaqur me paraqitjen e ekipit. Roma e filloi shumë mirë pjesën e parë, por ne bëmë çfarë u desh të bënim në pjesën e dytë”.
“E vendosa Guarinin pas Palacios në sulm dhe këta dy ishin rreziku kryesor për ta në pjesën e parë, ndërsa Alvarez në pjesën e dytë pati dy raste shumë të mira”, ka thënë Strama për Rai Sport.
Casillas shpreson që lëndimi të mos jetë serioz
Portieri i Real Madridit, Iker Casillas, shpreson që lëndimi që e morri në ndeshjen kundër Valencias, të mos jetë serioz dhe të kthehet sa më shpejtë që të jetë e mundur.
Casillasit iu desh të largohej nga fusha pas 17 minutave lojë për shkak të një lëndimi që e morri në dorë dhe do sot do t’i bëj ekzaminimet mjekësore për ta mësuar kohëzgjatjen e lëndimit.
“Menjëherë e kuptova që diçka nuk është në rregull. Kam pak dhimbje. Doktori pa diçka që nuk i pëlqeu dhe tash duhet të presim që t’i bëjmë testet relevante për ta kuptuar se sa serioz është lëndimi. Por, shpresoj të mos jetë shumë serioz”.
“Është vetëm gishti i madh i dorës dhe fakti që lëndimi nuk është në kyçin e dorës, është shumë mirë për mua. Do të mundohem të kthehem sa më shpejt që të jetë e mundur”, ka thënë Casillas.
Baggio largohet nga Federata e Futbollit Italian
Legjenda italiane, Roberto Baggio, ka dhënë dorëheqje nga pozita e tij në Federatën e Futbollit të Italisë, duke thënë se kërkesat për ta përmirësuar futbollin e Italisë nuk u morën parasysh.
“E prezantova projektin tim në dhjetor të vitit 2011 me 900 faqe, por ata nuk më dhanë asnjë përgjigje”.
“Nuk dua vetëm të rri i ulur në karrige, unë dua të veproj, kështu që kam vendosur që të largohem”, tha Baggio në një televizion italian.
AO: Djokovic në finale, shkatërron Ferrer
Novak Djokovic e ka pasur të lehtë për të arritur në finalen e tretë radhazi të Australian Open në tre sete (6-2, 6-2, 6-1) të katërtin në botë, David Ferrer, brenda vetëm 89 minutash.
Djokovic në finale do të presë fituesin e gjysmëfinales tjetër, Andy Murray dhe Roger Federer, të cilët takohen të premten.
Në finalen e femrave do të përballen kinezja Li Na, e gjashta në botë, dhe e para e renditur, bjellorusja Victoria Azarenka.
Zaha te United për 17 milionë funte?
Sipas burimeve të Goal, sulmuesi i Crystal Palace, Wilfried Zaha, ka arritur marrëveshje me Manchester Unitedin. Djajve të kuq transferimi i të riut do të iu kushtojë hiq më pak se 17 milionë funte.
Gjithmonë sipas Goal, 20 vjeçari ka nënshkruar marrëveshje pesë vjeçare e gjysmë me gjigantët e Ligës Premier, Manchester Unitedin. Flitet se ai do të lejohet të luaj për Crystal Palace në formë huazimi deri sa të përfundoj kampionati.
Zahas i ka mbetur vetëm t’i kalojë testet mjekësore në 48 orët e ardhshme.
Beckham te Chelsea, por jo Davidi
David Beckham ka qëndruar në qendrën stërvitore të Chelseat në Cobham të martën, por jo për të nënshkruar me klubin londinez.
David ka shokuar prindërit e fëmijëve që janë pjesë e akademisë së Chelseat, të cilët e kanë parë atë duke motivuar djalin Brooklyn, që po iu nënshtrohej provave teknike me trajnerët e të rinjve të Chelseat.