Anëtari i kolegjiumit presidencial të PRS, Dejan Mirovic, ka thënë se janë të shqetësuar për shkak të planit jotransparent fantomik në katër pika rreth Kosovës. Ai ka thënë se nga 31 korriku nuk ka kurrfarë informatash rreth asaj që po ndodh në dialogun mes Prishtinës dhe Beogradit, ndërsa radikalët po shqetësohen rreth planit që mund të jetë i keq për Serbinë.
“Jemi të shqetësuar, sepse Tadic thotë se flitet për disa garanci për enklavat, manastiret dhe status të veçantë për veriun e Kosovës”, ka thënë Mirovic, duke shtuar se, sipas Kushtetutës së Serbisë, Kosova nuk mund të ketë status të veçantë.
Kjo- thekson ai- do të ishte njohje gjysmë-direkte e Kosovës si shtet i veçantë.
