Bernanke: Gati për të ndihmuar ekonominë

Kreu i Rezervës Federale, Ben Bernanke, tha se Banka Qendrore në Shtetet e Bashkuara është e gatshme të ofrojë stimul shtesë për ekonominë dhe shprehu vendimin e saj për të ruajtur normën bazë të interesit të pandryshuar deri në fund të vitit 2014, këto komente ai i bëri në përfundim të mbledhjes dy ditore të Bordit të Politikës Monetar.

Rezerva Federale, paralelisht ndërmori një hap të papërsëritur më parë në historinë e saj, duke adoptuar politikën e vendosjes së një kufiri për inflacionin. Megjithatë, Bernanke theksoi se zyrtarët e Rezervës Federale do të jenë shumë fleksibël dhe pak ortodoksë në lidhje me këtë kufi të inflacionit në kushtet kur në ekonomi regjistrohet nivel i lartë papunësie. Në konferencën për shtyp, ai nuk u shpreh shumë optimist në lidhje me statistikën pozitive të kohëve të fundit në Shtetet e Bashkuara.
"Nuk jemi ende të gatshëm të deklarojmë se ekonomia ka hyrë në një fazë të re të ritmit të fortë të rritjes së ekonomisë”, tha Bernake.

Nga dhjetori i vitit 2008, Rezerva ka injektuar 2.9 trilionë dollarë në ekonomi për të garantuar funksionimin e saj.

Posted in: Ekonomi