Në zgjedhjet për deputet në Parlamentin e këtij kantoni nga Partia BDP kandidojnë dy shqiptarët Alban Imeri nga Kumanova, student i matematikës në Universitetin ETH të Cyrihut dhe Besim Kauz, 44 vjeçar nga Tetova. Ndërsa për SP-PS kandidon nxënësi 17 vjeçar Arian Bilali, me prejardhje nga Gostivari, transmeton Albinfo.ch.
E veçanta e kandidatëve shqiptarë është se dy nga tre kandidatët i takojnë një partie të re, BDP-së, e cila ka dalë nga ndarja me SVP-UDC-në. Ndërkaq kandidatët e deritashëm për parlamentet e ndryshme kantonale në Zvicër (dhe tre fituesit e vetëm të deritashëm) janë të partisë SP-PS.
