Komorowski të hënën u takua me disa nga 220 ushtarët polakë që janë pjesë e misionit të NATO-së në Kosovë, dhe me disa nga 120 policët dhe rojet kufitare të angazhuara në misionin e EULEX-it.
"Polonia është vend i lirë tani, dhe unë e dua këtë liri dhe këtë siguri për të tjerët”, ka thënë Komorowski.
Ai e theksoi rëndësinë e veçantë për stabilitetin në Evropë, të misionit paqeruajtës në Kosovë.
"Unë mendoj se ky është vendi më i mirë për të uruar ushtarët dhe oficerët, kujdestarët e sigurisë tonë, me rastin e festës së ardhshme të Pashkëve", tha ai, transmeton thenews.pl.
Presidenti Komorowski udhëhoqi një delegacion të nivelit të lartë në Kosovë, përfshirë ministrin e Mbrojtjes Tomasz Siemoniak, shefin e Shtabit të Përgjithshëm, gjeneralin Mieczyslaw Cieniuch, shefin e Policisë Marek Działoszyński dhe Komandantin e forcave tokësore, gjeneralin Zbigniew Głowienka.
Tensioni është ende evident mes kosovarëve dhe pakicës serbe, por “situata është nën kontroll”, ka thënë zëdhënësja e misionit të KFOR-it në Kosovë, Magdalena Koscinski.
"Vendasit e pranojnë prezencën e ushtarëve dhe policëve polakë. Ata duan që ne të jemi këtu për aq kohë sa të jetë e mundur ", ka pohuar Kościńska.
