Mëngjesi i sotëm ka zbardhur me reshje të borës dhe me temperatura mjaftë të ulëta. Megjithatë, nuk pritet që reshjet e borës dhe këto temperatura të ulëta të vazhdojnë gjatë ditëve në vijim, pasi që nga nesër temperaturat pritet të arrijnë deri në 16 gradë celsius.
Sylë Tahirsylaj, drejtor i Institutit Hidrometeorologjik të Kosovës tha për Kosovapress se reshjet do të jenë vetëm gjatë ditës së sotme dhe se ato nuk pritet që të vazhdojnë në ditët në vijim. Sipas tij, nata e sotme pritet të jetë e ftohtë, ku temperaturat do të shkojnë nën zero gradë celsius.
