Në përkujtim të kësaj ngjarjeje tragjike, Nezir Jahmurataj, aktivist i fshatit, tha se përfaqësuesit e institucioneve vendore duhet të bëjnë më shumë, së paku për fëmijët dhe familjarët e martirëve të Lybeniqit, sepse, siç tha ai, falë gjakut të tyre ne sot jemi të lirë, transmeton RTK.
Gjatë luftës së fundit në Kosovë, Lybeniqi përjetoj dy masakra. Më 25 maj të vitit 1998 forcat paramilitare serbe pushkatuan 9 burra të këtij fshati, ndërsa më 1 prill të vitit 1999 u vranë dhe u masakruan 71 shqiptarë, në mesin e të cilëve gra shtatzëna, fëmijë të moshës dyvjeçare dhe pleq mbi të nëntëdhjetat.
