 |
"Nuk dëshirojmë që ta shkelim Rezolutën 1244 dhe ndoshta nuk do të organizojmë zgjedhjet lokale në Kosovë", ka thënë Bogdanovic për B92.
Ai ka theksuar se është në interes shtetëror që në Kosovë të mbahen edhe zgjedhjet lokale edhe parlamentare, por “kështu do të ngriheshin tensionet, sidomos në se mbahen zgjedhjet lokale".
Bogdanovic ka thënë se ekziston një mirëkuptim i bashkësisë ndërkombëtare dhe Prishtinës për mbajtjen e zgjedhjeve parlamentare dhe presidenciale.
“Pa ndihmën e bashkësisë ndërkombëtare nuk mund të organizojmë kurrfarë zgjedhjesh në Kosovë. Nuk duam ta shkelim rezolutën 1244", ka thënë ministri serb.
