Përkundër se kishte siguruar kualifikimin në fazën e mëtutjeshme të Ligës së Kampionëve, Real Madridi nuk ka lejuar që Ajaxi të nxjerrë rezultat pozitiv në Santiago Bernabeu. Los Blancos fituan me rezultat 4-1.
Ishte minuta e 13-të kur Modric dërgoi një top drejt Benzemas, francezi pasoi te Cristiano Ronaldo, i cili me forcë e dërgoi në rrjet.
Callejon në mënyrë mjeshtërore pranoi pasimin e Modricit për ta dyfishuar epërsinë (38’) dhe ky ishte rezultati i gjysmës së parë.
Në minutat e para të pjesës së dytë (49’), Kaka dëshmoi se është akoma lojtar klasi duke pranuar një asistim të Ronaldos dhe duke shënuar nga distanca.
Golin e nderit për mysafirët e shënoi Derk Boerrigter (59’).
Pa përfunduar takimi, Callejon e shënoi edhe golin e dytë personal (88’). Asistimi ishte i Moratas.
Në takimin tjetër të Grupit D, Borussia Dortmundi e ka mposhtur Manchester Cityn me rezultat minimal. Kampioni i Anglisë mbyll fazën grupore pa asnjë fitore të vetme.
Golin e vetëm në ndeshje e shënoi Julian Schieber (57’), pas asistimit të Jakub Blaszczykowskit.
Borussia Dortmundi kryeson grupin me 14 pikë, ndërsa Real Madridi zë vendin e dytë me 11 pikë. Ajaxi do të luajë në Europa League.
