Sipas kësaj gazete gjenerali gjerman ka përsëritur se Beogradi dhe Prishtina duhet sa më shpejt të arrijnë një marrëveshje poltike në veri të Kosovës, e cila duhet të jetë e pranueshme për njerëzit që jetojnë atje.
Duke folur për situatën e sigurisë në Kosovë gjenerali Drews ka thënë se ajo është stabile.
“Një nga prioritetet tona është krijimi i lirisë së lëvizjes për të gjithë qytetarët dhe të gjitha organizatat ndërkombëtare, në veri të Kosovës. Edhe atje situata është e qetë. Megjithatë, mos realizimi i kushteve për liri të lëvizjes atje është problemi kryesor. Kjo duhet të zgjidhet”.
I pyetur të komentojë paralajmërimin për rrezikun nga trazirat në Kosovë për shkak të referendumit në veri, i cili do të mund të shkaktonte konflikt në pjesën jugore të lumit Ibër, Drews ka thënë se: “kam paralajmëruar se grupet ekstremiste në jug të Ibrit rezultatin e referendumit mund ta marrin si një provokim. Kam thënë se autoritetet e sigurisë në Kosovë janë të vetëdijshëm për këto rreziqe dhe të gatshëm për të reaguar në një situatë të tillë. Nuk pati trazira dhe kjo është mirë”.
