Në kuadër të vizitës së tij në vend, është parashikuar të mbahet një takim me presidenten e Kosovës, Atifete Jahjaga, dhe kryeministrin Hashim Thaçi.
Ky i fundit, sipas një njoftimi të Qeverisë, pritet të marrë pjesë edhe në nënshkrimin e Marrëveshjes për Statusin e Forcave (SOFA). Marrëveshja thuhet se do të nënshkruhet nga Burns dhe ministri i Jashtëm i Kosovës, Enver Hoxhaj, raporton Rel.
Mësohet se gjatë së shtunës, zëvendëssekretari amerikan i Shtetit do të vizitojë edhe komunën e banuar me shumicë serbe, Graçanicën, ku do të zhvillojë një takim me Peshkopin Teodosije në Manastirin e këtij qyteti.
Vizita e zëvendëssekretarit amerikan vjen një ditë pas katërvjetorit të shpalljes së pavarësisë së Kosovës dhe në prag të raundit të ri të dialogut Prishtinë-Beograd.
Megjithatë, nuk dihet ende se për cilat tema do të diskutohet në takimet që ai do t’i zhvillojë gjatë qëndrimit të tij në Kosovë.
