“Shtetet e Bashkuara të Amerikës mbeten aleat i fuqishëm i mbështetjes së proceseve të rëndësishme për Kosovën, andaj ne besojmë se bashkë me SHBA-të dhe bashkësinë ndërkombëtare çështja e veriut të zgjidhet sa më parë”, tha Petrovic, i cili thekson se Institucionet e Kosovës kanë krijuar mekanizma që ofrojnë jetë të barabartë për të gjithë qytetarët.
Zëvendëskryeministri tha se zgjidhja më e mirë për veriun është zbatimi i Pakos Ahtisaari dhe krijimi i komunës verore, që u garanton qytetarëve të drejta të plota sikurse në organizmin e jetës së tyre, gjithashtu edhe në zgjedhjen e lidershipit.
Në anën tjetër, Gregorian tha se SHBA-të do ta mbështesin Kosovën edhe në proceset e ardhshme, posaçërisht kur bëhet fjale për veriun e vendit.
