Messi: Dua ta tejkaloj Raulin

Sulmuesi i Barcelonës, Lionel Messi, është duke synuar që të thyejë rekordin e ikonës së Real Madridit, Raul Gonzalez, për numrin e golave të shënuar në Ligën e Kampionëve. Argjentinasi ka shënuar hettrik në sfidën ndaj Ajaxit të mërkurën, duke arritur kuotën e 62 golave në garën më prestigjioze të futbollit evropian. Raul i ka 71 gola dhe Messi po mendon të thyejë një rekord të radhës të rëndësishëm në karrierën e tij. “Ideja e tejkalimit të Raulit në krye të golashënuesve më të mirë të Ligës së Kampionëve është një sfidë e mirë. Por, nuk është gjë esenciale. Ne, si ekip, kemi synime tjera më të rëndësishme. Për shembull, të arrijmë sa më larg në këtë garë. Të tentojmë ta fitojmë atë përsëri”. “Sigurisht se jam i kënaqur me hettrikun tim, i cili është rezultat i lojës së mirë të ekipit. Nëse do të jem realizatori më i mirë në fund të sezonit, kjo nuk më intereson, vetëm dua që ekipi të luajë mirë”, ka deklaruar Messi për faqen zyrtare të UEFA-s.

Roma konfirmon, Totti ka rinovuar

Roma ka konfirmuar se Francesco Totti ka nënshkruar një kontratë të re dyvjeçare që do ta mbajë atë në Olimpico deri në vitin 2016. 36 vjeçari kishte një kontratë që skadonte në fund të këtij sezoni dhe pas shumë diskutimeve, klubi nga kryeqyteti italian vendosi të mbajë në ekip legjendën dhe gjithçka u finalizua gjatë të premtës. “Unë kam edhe dy vite përgjegjësi para vetes dhe jam i sigurt se mund të arrijmë gjëra të mira së bashku. Unë dua të falënderoj presidentin për kontratën. Të gjithë kanë dashur që kjo të ndodhë, edhe unë edhe klubi”, ka theksuar Totti në një konferencë për shtyp. Toti u pensionua nga kombëtarja në vitin 2006, por forma e tij e jashtëzakonshme e treguar sezonin e fundit ka ngritur zëra se ai mund të rikthehet në kombëtare dhe Totti e la këtë mundësi të hapur për të ardhmen nëse ftohet për Botërorin 2014. Totti debutoi me Romën në vitin 1992 dhe ka fituar Scudetton, Superkupën e Italisë dy herë dhe tri herë Kupën e Italisë në 21 vitet e qëndrimit të tij në klub.

De Gea: Kemi besim para derbit

Portieri i Manchester United, David de Gea, beson se ekipi i tij ka besim të ngritur pas fitores ndaj Leverkusenit në Ligën e Kampionëve. United takohet me Manchester Cityn në derbin e kësaj jave që zhvillohet në Etihad Stadium dhe De Gea shprehet me besim të madh par derbit lokal. “Fitorja ndaj Leverkusenit na ka ngritur besimin për të dielën”. “Ishte me rëndësi që t’ia fillonim me një fitore, ne bëmë një start të mirë dhe i morëm tri pikët, që na dhanë qetësi shpirtërore”. “Ne kemi pasur pak idtë për t’u përgatitur për Cityn, por mezi e presim atë ndeshje”, ka potencuar De Gea.

Sanchez: Ende mund të përmirësohem

Alexis Sanchez thotë se ai ndjehet shumë mirë te Barcelona pas fillimit të mirë të sezonit, por shton se ende ka hapësirë për përmirësim. Kiliani ka shënuar dy gola në tre ndeshje të La Ligas deri tash, përfshirë golin e fitores 3-2 të Barcelonës ndaj Sevillas vikendin e kaluar, por e ka bërë të qartë se ka ende për të treguar këtë sezon. “Ndjej besimin e trajnerit dhe të bashkëlojtarëve, që më bën të ndjehem shumë mirë në fushë”. “Por ende kam hapësirë për përmirësim. Ende jam në kulm të lojës time”, ka thënë kiliani për La Tercera.

Kujdes kur shkruani mesazhe! (Video)

Nuk kanë thënë badihava se njeriu sheh me mend... Kjo femër, teksa ishte e përqendruar në mesazhin që ia shkruante të dashurit e saj, nuk sheh çfarë ka para vetes dhe... bie në një kanal me ujë.








As mizat nuk e lënë rehat Obaman (Video)

Presidenti i Shteteve të Bashkuara të Amerikës, Barack Obama, është shumë i angazhuar në disa fronte pas zgjedhjes, por duket se pos njerëzve edhe speciet tjera nuk po e lënë të qetë... Gjatë një konference për shtyp, Barack Obama u shqetësua tej mase nga një mizë, e cila vërtitej përreth tij dhe e shpërqëndroi. Miza mund ta ketë arritur qëllimin e vet, të bëhet pjesë e rubrikës tonë ‘fun’ dhe të jetë hit nëpër gjithë botën, por kush e di se sa persona kanë fluturar nga puna e tyre prej Shtëpisë së Bardhë...



    

Mbi 200 milionë telefona të mençur shiten për vetëm 3 muaj!

Ditëve të fundit kemi parë shumë prezantime të rezultateve financiare të kompanive si Apple, Nokia dhe Samsung të cilat i kanë zbuluar të dhënat e tyre të shitjeve për tre muajt e fundit të vitit 2012. Tani, sipas një raporti të fundit të publikuar nga Juniper Research thuhet se totali i telefonave të mençur të shitur për tremujorin e katërt të 2012 ka tejkaluar shifrën prej 200 milionë njësive. Ndërsa, sipas analistëve të Juniper Research thuhet se totali i telefonave të mençur të shitur për tërë vitin e tejkalon shifrën masive prej 671 milionë, që paraqet një rritje prej 42 për qind në krahasim me periudhën e njëjtë të vitit të kaluar. Samsung ka vazhduar rritjen e saj fenomenale me një rekord prej 63 milionë telefona të shitur, sasi me të cilën kompania merr 30 për qind të totalit të përgjithshëm, për tre muajt e fundit. Kësaj rritje marramendëse të telefonave të shitur gjithsesi se i ka kontribuar Samsung Galaxy S3, shitjet e të cilit kanë arritur në 40 milionë në nëntor të vitit të kaluar. Shitjet e telefonave të mençur mobil pritet të rriten edhe më tej gjatë këtij viti, pasi që prodhues të ndryshëm pritet të prezantojnë modele të avancuar të telefonave, duke përfshirë edhe Apple iPhone 5S dhe Galaxy S4. Cilin model jeni bërë gati për ta blerë ju?

Anonymous i shpall “luftë” Qeverisë Amerikane

Grupi i “hack-tivistëve” të Anonymous sot ka hakuar faqen federale të internetit e cila shqipton dënimet gjyqësore, të cilën e kanë përdorur për të bërë një deklaratë të egër dhe të guximshme e cila i shpall "luftë" qeverisë amerikane. Grupi pretendon se kodet misterioze të “luftës” janë emëruar për secilin prej Gjyqtarëve të Gjykatës Supreme, dhe janë gati për t'u vendosur. Deklarata hapet me një vajtim për Aaron Sëartz, programues Reddit dhe aktivist i cili ka kryer vetëvrasje në Internet më parë këtë muaj. Hakmarrje premtuese për trajtimin e tij në duart e një prokuror federal, të veers mallë në disa nga më të inflamator - guxoj të themi hiperbolike - gjuha që ne kemi parë në një faqe të thjeshtë hack përpara. Në mesnatë, sipas zonës kohore të Paqësorit, ballina e faqes Ussc.gov – agjencisë federale e cila krijon politika dhe praktika të dënimeve për gjykatat federale është mbushur me një fjalim të gjatë me prapavijë të gjelbërt në të zezë dhe bashkë me të është vendosur edhe një video e ngarkuar në YouTube. Besohet se deklarata vjen pas vetëvrasjes së aktivisitit të njohur të internetit, Aaron Swartz, ish themeluesit të Reddit, për të cilin Anonymous thuhet se janë duke u hakmarrë.

Aktorja e Sherlock Holmes tani edhe në 007

Aktorja Lara Pulver, e cila njihet për rolin e saj në filmin “Sherlock Holmes” ka arritur që të sigurojë rolin e femrës shoqëruese të James Bond në katër seritë e radhës të këtij filmi. Në filmin që do të lansohet në fund të këtij viti pritet të jetë edhe Dominic Cooper, ndërsa vet bukuroshja brune shprehet shumë e kënaqur me rolin. “Jam e ngazëllyer me rolin e ri. Kjo më bën të ndihem prej femrave më të fuqishme në botë”, ka thënë Pulver.

Çiljeta edhe pas shtatzënisë me PD-në

Këngëtarja shqiptare, Çiljeta Xhilaga, e cila është në ditët e fundit të shtatzënisë së saj, ka thënë se përkundër faktit se do të bëhet nënë dhe se nuk do të ketë kohë për shumë gjëra, ajo nuk do të mbajë larg vëmendjen nga politika. Ishte besuar se ajo do të mund të merrte një pushim të gjatë larg nga skena muzikore dhe politike, por është bukuroshja që ka paralajmëruar pjesëmarrjen e saj në Partinë Demokratike edhe gjatë kësaj periudhe për shkak se është një vit elektoral dhe se fushata ka filluar. “Në maj do të lansoj klipin e ri dhe do të ndjek të gjitha angazhimet e mia në PD. Nuk mund të qëndroj larg”, ka thënë Çili për mediat shqiptare.

Rihanna, reklamë në plazhin e Barbados (Foto)

Pop ylli botëror, Rihanna, është kthyer në venlindjen e saj Barbados, por vetëm për të xhiruar një reklamë të re. Ylli shfaqet në plazhin e Barbados me rroba të lehta të banjos, tejet natyrale dhe seksi. Në reklamën që ka për qëllim tërheqjen e turistëve nga anë e mbanë bota në Barbaods, Rihanna shihet duke qëndruar në plazh ashtu si te pranë njërit prej kuajve. Rihanna së fundmi lansoi albumin e saj “Unapologetic” që theu shumë rekorde nëpër top listat amerikane.

Milani dorëzohet për Kakan dhe Drogban

Zëvëndëspresidenti i Milanit, Adriano Galliani, ka konfirmuar se ai nuk po punon më me drejtorët në transferimin e Leite Kakas dhe Didier Drogbas. Rossonerët kanë qenë në bisedime intensive për Kakan, por marrëveshja nuk u arrit kurrë për shkak të aspekteve financiare. Vet Mourinho deklaroi dje se do të ishte mirë që Kaka të kalonte te Milani, por Galliani e hedh poshtë një mundësi të tillë. “Nuk ka mundësi që të transferohet Kaka, ne nuk po punojmë më në këtë drejtim. Njëjtë është edhe për Drogban. Tani për tani, jemi duke qëndruar kështu si jemi. Genoa? Ne nuk kemi biseduar për Mattia Perin”, është shprehur Galliani të premtën mbrëma për Sky Sport Italia. Milani ballafaqohet me Barcelonën në shkurt dhe në rast se nuk transferon ndonjë fytyrë prominente në sulm, atëherë gjasat Rossonere për kualifikim përtej Barcelonës do të jenë maksimalisht minimale.

Mancini: Nuk kam ekip

Menaxheri i Manchester Cityt, Rboerto Mancini, thotë se ai nuk ka lojtarë të mjaftueshëm dhe se do të jetë e vështirë që të bëhen transfere për kohën e mbetur gjatë janarit. Manchester City ende nuk ka bërë asnjë transfer, që është mjaft e pazakontë për klubin që zakonisht zë kryetitujt e lajmeve për transfere gjatë afateve kalimtare. “Unë nuk e di, por ne nuk kemi lojtarë të mjaftueshëm. Është vështirë të vijë ndonjë lojtar. Tani kemi 18 lojtarë. Ne nuk mund të shesim më”, është shprehur Mancini.

Neuer: Ende rrugë e gjatë për Bayernin

Portieri i Bayernit të Munichut, Manuel Neuer, thotë se klubi nuk mund të lejojë që të humbasë fokusin në pjesën e mbetur të sezonit pasi beson se ata ende nuk kanë fituar asgjë. “Problemi është se ne jemi vetëm në gjysmë të sezonit. Ne duhet të jemi shumë të qetë dhe gjithmonë të kujtojmë se kemi edhe një rrugë të gjatë para vetes”. “Gjërat mund të ndryshojnë shpejt: Ju shpesh e humbisni ndeshjen fatkeqësisht, ashtu sikurse në humbjen ndaj Leverkusenit në vjeshtë. Por, ne duhet të jemi më të përqëndruar dhe të kujtojmë se nuk kemi fituar ende asgjë”, ka thënë Neuer.

Ferguson: FA është kundër meje

Menaxheri i Manchester United, Sir Alex Ferguson, ka refuzuar të hedhë poshtë mundësinë se mund të dënohet nga FA pas komenteve të bëra për gjyqtarin e ndeshjes ndaj Tottenhamit, Simon Beck. Ferguson kishte bërë një deklaratë thumbuese pas ndeshjesa ndaj Tottenhamit, që përfundoi me barazim në momentet e fundit të kohës së shtesë. “Unë nuk do të kisha vënë bast në këtë ndeshje”, kishte thënë Ferguson pas ndeshes, duke aluduar se gjyqtari mund të ketë vënë ndonjë skedinë. “Mendoj se më shumë FA do të më dënojë pse jam i tillë dhe jo për atë që kam thënë. Është e padrejt dhe kur është e padrejt unë e shprehi mendimin tim. Ata do të më dënojnë vetëm pse jam Sir Alex”, ka thënë Ferguson.

Lopez: Rikthimi te Reali, ëndrra ime

Transferi i ri i Real Madridit, Diego Lopez, nuk ka mundur të fshehë kënaqësinë e tij pas rikthimit të tij te klubi ku është rritur. Diego Lopez shtatë vjet ishte pjesë e akademisë së Realit, para se të kalonte te Villarreali dhe Sevilla, ndërsa rikthimin te klubi i fëmijërisë e konsideron si ëndërr të bërë realitet. “Është një ëndërr të rikthehem në shtëpi. Marrëveshja u arrit shumë shpejt dhe jam i kënaqur që do të rikthehem në shtëpinë time”. “Për një madrilen sikurse që jam unë, rikthimi te Real Madridi është gjëja më e mirë që ka mundur të më ndodhë në karrierë. Mezi pres të filloj sfidën e re”, ka thënë Lopez. Diego Lopez pritet të debutojë të mërkurën në El Clasico ndaj Barcelonës.

Xavi: Duhet të jemi më efektiv

Mesfushori i Barcelonës, Xavi, thotë se katalanasit duhet të jenë më efektiv para golit nëse dëshirojnë të jenë të suksesshëm këtë sezon. Blaugranët kanë shënuar tashmë 100 gola në të gjitha garat këtë sezon, por Xavi thotë se Barca duhet të përmirësohet. “Ne duhet që të jemi edhe më efektiv para golit. Mendoj se ne jemi në një nivel shumë të mirë dhe po kënaqemi me rezultatet. Ne jemi në formë të mirë dhe atmosfera në zhveshtore është e mirë, ndërsa kjo reflektohet në fushë. Jemi mësuar të fitojmë dhe dhemb kur humbasim”, ka thënë Xavi.

Juventusi transferon Anelkan?

Juventusi besohet se ka arritur marrëveshje me Shanghai Shenhuan për transferimin e sulmuesit, Nicolas Anelka. Zonja e Vjetër ka qenë që një kohë të gjatë në kërkim të një sulmuesi klasi botëror dhe pas transferimit të Llorentes, cili do të luajë vetëm nga sezoni i ardhshëm, është Anelka ai që sipas Goal do të luajë për Juven deri në fund të sezonit. Juventusi ka qenë i interesuar edhe për Didier Drogban, por si duket ka vendosur që ta angazhojë një prej futbollistin që ka ndërruar më së shumti klube.

Pizarro: Ky është Bayerni më mirë në histori

Sulmuesi i Bayernit të Munichut, Claudio Pizzaro, ka thënë se ekipi aktual bavarez është më i miri në histori të klubit dhe po shpreson që ata të triumfojnë në të gjitha garat këtë sezon. “A është ky Bayerni më i mirë në histori të klubit? Po, besoj që po. Unë do të thosha se ka pasur ekipe të mira në vitin 2003 dhe 2005, por ky ekip është shumë më cilësor”. “Unë e kam parë cilësinë në këtë ekip edhe kur jam bashkuar gjatë verës. Mendoj se tani mund të fitojmë të gjithë trofet jo vetëm këtë sezon, por edhe sezonet e ardhshme”, është shprehur Pizzarro.

Mourinho: Kaka, kurrë nuk ishte Kaka te Reali

Trajneri i Real Madridit, Jose Mourinho, ka thënë se Kaka kurrë nuk ka qenë në formën e tij më të mirë te klubi nga Santiago Bernabeu. Braziliani është shumë pranë largimit dhe Mourinho thotë se Kaka nuk ka arritur të lë gjurmë në fanellën e Real Madridit. “Te Real Madridi ne kurrë nuk e kemi parë Kakan e vërtetë. Ai duhet të jetë i lumtur dhe Milani mund të jetë një zgjidhje e mirë, por ai është lojtar i Real Madridit”, ka theksuar Mourinho.