Komisioni Qendror Shtetëror i Maturës ka njoftuar se maturantët do t’i nënshtrohen provimit dy ditë në një afat, më 9 dhe 23 qershor.
Maturantët do të sprovojnë dijet e tyre në lëndët e përgjithshme: gjuhë shqipe, gjuhë angleze dhe matematikë, të cilat përfshijnë gjashtëdhjetë për qind të totalit të pyetjeve, ndërsa në ditën e dytë të testimit, më 23 qershor ata do të përgjigjen në pyetjet nga lëndët që janë të përafërta me drejtimet që i kanë ndjekur gjatë shkollimit të mesëm dhe që përbëjnë dyzet për qind të pyetjeve.
Publikimi i rezultateve të provimit do të bëhet më 30 qershor, afati i ankesave të nxënësve do të jetë nga 2-4 korrik, ndërkaq publikimi i rezultateve të ankesave do të bëhet më 5 korrik.
