Nëse i keni frikë fluturimet, mos e shikoni këtë. Një video amatore ka kapur çastin kur era e fortë ngre në ajër një aeroplan të parkuar në një aeroport në Kaliforni.
Videoja e postuar në YouTube tregon momentin kur erërat me shpejtësi mbi 100 km/h patën kontakt me një aeroplan që po qëndronte në vend.
Normalisht, gjatë ngritjes aeroplani fluturon mes erës dhe lëvizja e ajrit në krahë e ngre atë në qiell. Por videoja tregon se si një aeroplan mund të ngrihet edhe kur nuk është në lëvizje, nëse era është mjaftueshëm e fortë.
Nga lëvizja, aeroplani u gjet të nesërmen 45 gradë i zhvendosur nga pozicioni fillestar.
Megjithatë, më pas u mësua se aeroplani në fjalë e ka përfunduar misionin në ajër dhe është planifikuar të shkatërrohet, ndaj një pjesë e mirë e pjesëve të brendshme janë hequr. Kjo e bën peshën e tij më të lehtë krahasuar me aeroplanët normalë.
Era ngre në ajër aeroplanin e parkuar (Video)
