“Edhe më tutje po shtihet një numër i qytetarëve, të cilët po kanë probleme me listat e votuesve. Rastet e tilla janë evidentuar në qendrën 2513D dhe 2510D. Po ashtu edhe më tutje po vazhdohet një trend i rasateve të shumta të votimit familjar”, ka thënë Besnik Ramadani nga “Demokracia në Veprim” e cila po monitoron procesin e votimit në komunën e Ferizajt, raporton Kosovapress.
Sipas tij, deri në këtë periudhë, në qendrën 2516D, është vërejt një person i paautorizuar që është në këtë qendër, pranë pikave të votimit.
Kurse sa i përket deklaratave të partive politike, se nëpër qendra ka presion tek komisionerët dhe drejtuesit e qendrave, Ramadani ka thënë se deri më tash nuk kanë ndonjë informacion të tillë.
