Kryetari i komisionit për Reformën Zgjedhore, Haki Demolli, ka deklaruar se takimi i paraparë të mbahet nesër sërish do të shtyhet, pasi ai ka marrë njoftimin se kryeministri Thaçi do të udhëtojë për vizitë zyrtare në Bullgari. Ai thënë se takimi do të mbahet menjëherë pas kthimit të kryeministrit, raporton KTV.
Njoftimin për shtyrje Demolli e bëri publik në debatin e organizuar nga Instituti për politikë dhe zhvillim rreth reformave zgjedhore. Në të u diskutua kryesisht për mungesën e gatishmërisë së liderëve politikë për t’u miratuar ligji i zgjedhjeve.
Pjesëmarrësit vlerësuan se ligji aktual për zgjedhje nuk është problemi, por mosgatishmëria e liderëve që zgjedhjet të shkojnë mirë.
