Mirajdije Mavriqi, drejtoreshë e Zyrës së Partive Politike dhe Certifikim, e informoi KQZ-në se më 3 prill 2012, ZRPPC ka përfunduar procesimin e aplikacioneve për certifikim të tetë (8) subjekteve: gjashtë (6) parti politike, një (1) Iniciativë Qytetare dhe një (1) kandidat i pavarur.
Për kryetar të Ferizajt do të garojnë Naim Ferati – kandidat i Aleancës për Ardhmërinë e Kosovës, Ramadan Hasnai – kandidat i Aleancës Kosova e Re, Ramadan Emini –Lëvizja për Bashkim, Adem Salihaj- Lidhja Demokratike e Kosovës, Bujar Ademi - Partia e Drejtësisë, Agim Aliu - Partia Demokratike e Kosovës, Faton Topalli - Lëvizja Vetëvendosje dhe Rrahim Sadiku- kandidat i pavarur.
Zyra ka verifikuar dokumentacion e dorëzuar nga këto subjekte dhe konstaton se, janë plotësuar të gjitha kushtet e lartpërmendura. KQZ-së i rekomandohet të certifikojë këto subjekte si dhe kandidatët e tyre për pjesëmarrje në Zgjedhjet e Jashtëzakonshme për Kryetarë të Komunës së Ferizajt. /Telegrafi/
