Shefi i EULEX-it, Xavier de Marnhac, në ceremoninë e dhurimit të veturave tha se ndër rolet e EULEX-it, është edhe mbështetja e institucioneve të Kosovës, me mjete të ndryshme.
“Është kënaqësi për mua që sot po i dhurojmë 40 vetura për ATK-në dhe Doganat e Kosovës në vlerë prej rreth 75 mijë euro. Ne presim që kjo të ndikojë në përmirësimin e rolit dhe funksionimit të këtyre dy institucione. Mendoj se kjo është edhe një përkrahje për buxhetin e Kosovës”, tha Marnahc.
Ndërsa, ministri i Financave (MF), Bedri Hamza, tha se kjo do të kontribuojë në kryerjen e punës nga këto institucione sa më me efikasitet. “Ky numër prej 40 makinave të dhuruara nga misioni i EULEX-it, do të jetë një përkrahje dhe një lehtësim për punën e këtyre dy institucioneve. Puna e këtyre institucioneve lidhet edhe me terrenin dhe sigurisht që kjo do t’ua lehtësojë punën. Me të drejtë, De Marnak tha se kjo do të jetë edhe një përkrahje për buxhetin e Kosovës, sepse ne nuk do të kemi nevojë që të ndajmë para nga Buxheti i Kosovës, për këtë investim”, tha Hamza.
