Gazeta “Bota Sot”, e thirrur në burime të saj, ka bërë të ditur se një intervistë e ish-presidentit Sejdiu e dhënë për gazetën “Koha Ditore”, mund të shërbejë si provë materiale nga prokurori Mauricio Salustro, për një proces tjetër gjyqësor që pritet të ngritët së shpejti nga Prokuroria Speciale e Kosovës.
Gjithçka ka nisur një vit më parë kur një kabllogram i “Wikileaks” zbuloi se kryeministri Hashim Thaçi, pas daljes publike të Nazim Bllacës, kishte kërkuar nga presidenti Fatmir Sejdiu që të dalë me një deklaratë për t’i mohuar krimet për të cilat kishte deklaruar Nazim Bllaca.
Fatmir Sejdiu, një vit pas dorëheqjes së tij nga posti i presidentit, e kishte pranuar këtë fakt.
“Po, është çelë kjo temë. Unë kam qenë parimor dhe kam dashur gjithmonë që çështja e pushteteve të ndara të respektohet dhe të mos ketë ndërhyrje nga politika”, ka deklaruar në këtë intervistë Fatmir Sejdiu.
