Nong YouSui u dërgua në spitalin e Dahuais nga i ati Nong Shihua, i shqetësuar pasi kishte vërejtur se djalit po i vezullonin sytë me ngjyrë të kaltër.
“Kur e dërgova si foshnje për kontroll, më thanë se gjithçka është në rregull me sytë e tij dhe se me kalimin e viteve, kur të rritet, nuk do të ndriçojnë më dhe do t’i ndryshohet edhe ngjyra, duke marrë ngjyrën e syve si të kinezëve të rëndomtë. Por, kjo nuk ndodhi kurrë”, ka theksuar babai i tij.
Nong YouSui edhe në terrin më të madh sheh si në pikë të drekës, ndërsa sytë i vezullojnë natën si të maces. Kjo shkathtësi e tij ka habitur bashkëvendësit, por edhe shumë njerëz në mbarë botën.
Menjëherë kanë dalë teori se Yousui është “hibridi” i njeriut me jashtëtokësorët, i ashtuquajturi “Fëmijë i yjeve” (Starchild). /Telegrafi/
