Por, Ibrahim Devolli ishte një njeri me përkushtim për punë dhe vizion të qartë zhvillimor. Për më shumë, ai e kishte të qartë se në çfarëdo rrethane, njeriu duhet të punojë, sepse të gjitha të mirat vijnë nga puna. Me hapa të shpejt dhe me shumë punë intensive, Ibrahim Devolli tashmë edhe me ndihmën e djemve të tij, filloi t’i ndërtojë, një nga një, shtyllat e para të një kompanie, që sot është burim i të ardhurave për mijëra kosovarë.
Lufta, sigurisht, si për gjithë kosovarët, ishte një fazë stagnimi dhe fazë e dhimbjeve dhe e humbjeve edhe për familjen Devolli. Por, çlirimi ishte një rast për t’u rindërtuar, rast që u shfrytëzua shumë mirë nga e gjithë Kosova, e po ashtu edhe nga familja Devolli. Tashmë, pa dhunën dhe pa presionin e shkaktuar nga okupatori, familja Devolli e dinte se nuk ka kush t’i ndalojë në realizimin e ëndrrave të tyre. Pas themelimit të disa njësive prodhuese në sektorë të ndryshëm, në vitin 2003 familja Devolli vendosi që të fillojë me përpunimin e qumështit dhe produktet e tij.
Arsyeja e hapjes së këtij sektori ishte e thjeshtë - qumështi është produkt me interes Vital për interesa kombëtare. Dhe, ishte me interes që të prodhohej në vend, e sa më pak të importohej nga jashtë, duke pasur parasysh, që në rast të ndonjë fatkeqësie a mbylljes së kufijve, Kosova nuk do të mbetej pa këtë produkt të rëndësishëm.
Arsyeja e dytë ishte fakti se industria e qumështit ishte industria, që krijon vende pune për shumë më shumë njerëz sesa industritë e tjera. Përveç punëtorëve të rregullt që punojnë në fabrikë dhe në distribuim, industria e qumështit krijon mundësi mbijetese edhe për mijëra fermerë. E ky ishte një fakt qenësor me rëndësi për Ibrahim Devollin dhe filozofinë e tij profesionale dhe njerëzore.
Sot, “Devolli Group”, punëson 500 punëtor ,ndërsa vetëm në kuadër të industrisë së qumështit ka të punësuar 200 punëtorë. Ndërkohë, që bashkëpunon edhe me 1 200 fermerë, prej të cilëve blen qumësht të papërpunuar.
Me hapjen e fabrikës se re në Radushë numri i punëtorëve vetëm në industrinë e qumështit do të rritet në 550, ndërsa numri i fermerëve bashkëpunëtorë në 2 000. Numri i përgjithshëm i punëtorëve në “Devolli Group” do të arrij në 850. Mbi 2 500 familje kosovare do të kenë mundësi të krijojnë të hyra përmes familjarëve të tyre që punojnë dhe bashkëpunojnë me “Devolli Group”.
VITA, në gjuhën italiane do të thotë Jetë. Dhe, Vita përveç konsumatorëve, i jep jetë edhe ekonomisë kosovare. E kjo ishte ëndrra kryesore e të ndjerit Ibrahim Devolli. Ëndërr, të cilën e trashëgoi dhe është duke e zhvilluar tutje familja e tij
