Ivanovic: Zyra Administrative, provokim i Prishtinës

I ashtuquajturi sekretar shtetëror i Ministrisë për Kosovën në Qeverinë e Serbisë, Oliver Ivanovic, ka thënë të enjten se formimi i Zyrës Administrative për veriun e Mitrovicës nga ana e Qeverisë së Kosovës “është një provokim dhe tendencë për të ndryshuar gjendjen në terren para dialogut mes Prishtinës dhe Beogradit”.
“Nuk do të ketë ndonjë reagim të veçantë të Qeverisë së Serbisë, aq më pak jo në këtë situatë, përveç deklaratave se ky është një akt i provokimit flagrant, i cili nuk ka për qëllim qetësimin e gjendjes, por përkundrazi shqetësimin e popullatës serbe dhe krijimin e situatave ku janë të mundshme incidentet”, ka thënë Ivanovic, transmeton Kosovapress.

Sipas tij, serbët nuk do të pranojnë zyra të tilla, sepse kanë vetëqeverisjen e tyre lokale.

Posted in: Lajme