“Unë ju premtoj një zhvillim të mirfillt për kushte më të mira dhe lehtësime të bizneseve, me qëllim që të hapen vende të reja pune për të rinjtë e komunës sonë. Ne do të punojmë me përkushtim ashtu siç kemi punuar dikur dhe një nga një do ti zgjidhim problemet tuaja, problemet e infrastrukturës, siç janë rrugët, kanalizimet, ujësjellësit, do të jenë në fokusin e vëmendjes sonë. Poashtu do të punojmë shumë që ta përmirësojmë gjendjen në arsim, shëndetësi, kulturë rini dhe sport”, tha Salihaj.
“Hajnia korrupsioni dhe krimi i organizuar kanë marrë aq shumë hov sa që qytetarët e kanë humbur besimin në institucionet e Kosovës. Unë, ju premtoj se lufta ime kundër krimit të organizuar do të jetë e pakomromis”, tha Salihaj duke e porositur liderin e Partisë Demokratike, kryeministrin Hashim Thaçi, se ‘as Lipjani, as Gjilanin, e as vjedhja dhe manipulimi i zgjedhjeve, nuk do ta shpëtojë atë nga humbja e sigurt në Ferizaj”.
