Komandanti i Forcës ë Sigurisë së Kosovës, gjenerallejtënant Kadri Kastrati, ka pranuar ngushëllimet për tragjedinë e ndodhur në Restelicë, nga shefi i Shtabit të Ushtrisë së Republikës së Shqipërisë, gjeneralmajori Xhemal Gjunkshi, i cili ka ofruar ndihmën e Ushtrisë shqiptare, në rast nevoje.
Gjunkshi shprehu gatishmërinë për ta ndihmuar Forcën e Sigurisë së Kosovës dhe popullin e Kosovës në raste të tilla, ashtu sikurse Forca e Sigurisë së Kosovës ka qenë e angazhuar dy here në mision gjatë vërshimeve në Shkodër.
