Bajrami në një intervistë për “Epokën e Re”, ka vlerësuar se procesi i përmbylljes së mbikëqyrjes ndërkombëtare të pavarësisë së Kosovës është një storie e suksesshme e bashkësisë ndërkombëtare.
“Pas përmbylljes së mbikëqyrjes ndërkombëtare të pavarësisë nuk do të ketë më prani civile ndërkombëtare dhe nuk do të ketë pako të Ahtisaarit. Pakoja e Ahtisaarit është shpenzuar dhe se Kushtetuta e Kosovës do të jetë akti më i lartë juridik dhe politik i vendit”, është shprehur Bajrami.
Sipas tij, moszgjidhja e problemit të veriut nuk do të ketë ndikim në përmbylljen e pavarësisë.
