Ministria e Punëve të Jashtme e Republikës së Kosovës (MPJ) u përfaqësua në këtë Forum nga zëvendësministri Ibrahim Gashi dhe Sylë Ukshini, drejtor për Marrëdhënie Rajonale.
Gjatë punimeve të Forumit, delegacioni i MPJ-së i kryesuar nga zëvendësministri Gashi zhvilloi takime jo formale me përfaqësues të qeverive dhe të botës akademike nga shumë vende të botës, thuhet në njoftimin e lëshuar nga MPJ.
Gashi pati një takim me kryetarin e Parlamentit të Maltës, Michael Frend, me kryetarin e Senatit të Universitetit të Bukureshtit, Vlad Nistor, dhe me drejtorin e Akademisë Diplomatike të Londrës, Nabil Ayad.
Ditën e fundit të punimeve të Forumit u nënshkrua Memorandumi i Mirëkuptimit dhe i Bashkëpunimit ndërmjet Akademisë Diplomatike të MPJ-së së Republikës së Kosovës dheAkademisë Diplomatike të MPJ–së së Kroacisë.
