"Janë 25 qendra të votimit, kurse 124 vendvotime me gjithsej 95.449 votues, aq sa i përmban lista votuese ", ka njoftuar Kryetarja e Komisionit Qendror Zgjedhor, Valdete Daka. “Të gjitha qendrat e votimit dhe vendvotimet për kryetar të Ferizajt janë hapur në orën 7:00, sipas planit. Procesi është duke rrjedhur normalisht dhe po zhvillohet pa asnjë problem”
Zgjedhjet do të vëzhgohen nga 1 mijë e 514 vëzhgues, përfshirë vëzhgues nga OJQ vendore e ndërkombëtare dhe të subjekteve politike.
Për të parin e Ferizajt garojnë 6 parti politike, një koalicion dhe një kandidat i pavarur.
Zgjedhjet për Kryetar të Ferizajt mbahen për shkak të largimit të Bajrush Xhemajlit nga ky post, pasi që Gjykata e ka gjetur fajtor për një aksident në të cilin një person ka humbur jetën.
