Prindërit e saj, 30 vjeçari Abdullah dhe 29 vjecarja Garka, si dhe vëllai i saj dy vjeçar, e humbën jetën në një ortek bore.
“Ata janë goranë maqedonas, të cilët edhe pse jetojnë në territorin e Kosovës, kanë shtetësi maqedonase”, shkruan portali “netpress”.
Nga Ministria e Punëve të Jashtme thonë se nga afër do t’i ndjekin zhvillimet në Restelicë dhe nëse është e nevojshme, shteti i Maqedonisë do të merr kujdestarinë për këtë vajzë të vogël.
Nga MPJ bëjnë të ditur se në qoftë se të afërmit e saj nuk duan të kujdesen për Amserën, atëherë për të do të kujdeset Ministria maqedonase për Punë dhe Politikë Sociale.
Dje përfaqësues të Entit për prioritete kombëtare pranë MPJ-së të Maqedonisë, një përfaqësues i ambasadës në Prishtinë dhe Ismail Bojda - nga shoqata e myslimanëve maqedonas - e kanë vizituar fshatin ku ndodhi tragjedia e madhe.
Sipas tyre, situata në Restalicë është shumë e keqe, që ngjanë me “skenat e një filmi horror”.
